|
Re: افطار متميز لبورداب الخرطوم بمنزل الزميل ذو اليد - صور بس (Re: ismeil abbas)
|
ذو اليد ضرب اروع الامثلة في ان الكرم لا يعرف شخص والكرم لا يعرف حالة والكرم لا يعرف اي جهة او توجه فهاهو الكرم ينهال من الاخ ذو اليد وهو يكرم ضيوفه بنفسه بهذه البساطة التي فتكت بكل اضابير التعالي والتكبر والكبراء ، هذه اليد التي طرحت الى العالم الجديد اروع الافكار ، هذه اليد التي نسجت افضل خيط المحبة والاخاء مهما كانت التوجهات ، هذه اليد التي لم تعرف الى المادة طريق ولا سبيل بل بذلت في سبيل اسعاد هؤلاء الضيوف انفث واغلى ما يملك الانسان ، لقد طوقت اعناقنا يا ذو اليد بهذا الافطار الذي ضربت لنا فيه اروع الامثلة التي وُفّقت فيها ، فالحمد لله من قبل ومن بعد ولا اجد نفسي الاان اتوارى خجلا من هذا الصنيع الذي فعلته بضيوفك غداة الجمعة الطيبة ، لن أجد اي غراب ليريني ما اواري به سوءة تكهنات عقلي المهتري الذي لم يرشدني الى الحقيقة حينها فتكالبت علي سهام الدجنة التي فتت عظمي المهتري اصلا ، لا املك الا ان أوصي بتقليدك أرفع الاوسمة التي اشك في ان يدا تستاهل ان تقلدك بها إلا أن تأخذها بنفسك وتضعها حيث تشاء لعدم تمكن الوصول الى قامتكم السامقة التي كالطود الاشم . وما زال في المداد بقية ومازال في التعابير خب ، كله ليعبر لك يا ذو اليد عن عظيم امتناني وتقديري لشخصكم الطيب
| |
|
|
|
|
|
|
Re: افطار متميز لبورداب الخرطوم بمنزل الزميل ذو اليد - صور بس (Re: المكاشفي الخضر الطاهر)
|
ههههههههههههههههههههههههههههههههههههههههههه محن ..!!
Quote: Mohammed Al-Zahid · متابعة · الأكثر تعليقا · المؤتمر الثانوية
شكرا جزيلا يا ذو اليد على هذا الكرم الدارفوري الفياض والتليد ... هذا هو السودان الذي نحلم به ونتطلع اليه .. سودان الالفة والمحبة والاحترام المتبادل، وليس سودان الاستعلاء والإذدراء والتحقير والاقصاء والتسفيه والتهميش ...امل ان تكون مناسبة هذا الافطار الذي نال اعجاب واشادة الجميع نقطة تحول وأنطلاق للتأسيس لعلاقات مجمع سوداني اكثر انسانية، ومنطلقا لايجاد وطن معافي من امراض العنصرية والجهوية وقبول واحترام الآخر ثفافتة معتقده اثنيته بعيداً عن حروب القتل والسحل وسفك الدماء التي استمرت نصف قرن ونيف شكرا لكل المشاركين ... شكرا لكل من جعل هذا اللقاء ممكنا.
|
محمد الزاهد العنصري الخبيـث.. عاوز تحل مشكلة السودان التي استمرت " نصف قرن ونيف " بفطرة بمنزل ذو اليد ؟؟ تمبس بيقول دائما بكري بيجيب الاشكال دي من وين.. هسع انا بسأل .. السودان بقي يطلع كائنات زي دي كيف؟!
اوووع واحد يقول عشان الانقاذ والا الكيزان والا الدين الاسلامي
ـــــــــــــــــــــــــ.. يا الزاهد ثم اسمعني " باعتبارنا عرب وكدة " ساعين لحل مشكلة فلسطين .. رأيك شنو نمشي نعمل افطار جماعي في تل الزيتون :)
| |
|
|
|
|
|
|
Re: افطار متميز لبورداب الخرطوم بمنزل الزميل ذو اليد - صور بس (Re: طاهر قرشي)
|
الاخوة بورداب الخرطوم رمضان كريم
اخ ذو - اليد - أول حاجة أنا كنت قائل اسمك (ذواليد) الحروفة ملصقة مع بعض
وكنت بتسأل يا ربي الاسم معناهو شنو ؟؟؟؟؟؟؟؟؟
من البوست دا انا عرفت أنه اسمك (ذو - اليد) المهم ما شفنا صورتك في اللمة دي
يا ريت تورينا صورتك - أو ممكن تكون فوق بس نحن ما بنعرفك
عموما ربنا يعمر دياركم دائما ان شاء الله
| |
|
|
|
|
|
|
Re: افطار متميز لبورداب الخرطوم بمنزل الزميل ذو اليد - صور بس (Re: علاء الدين حيموره)
|
لمة جميلة ومعبرة وموثقة بصور جمبلة من رجل فنان
فى إستخدام الكاميرا وآخر لقطتين توضح البون الشاسع
بين تصوير ذو اليد والشخص الذى التقط اللقطتين له
مشكور ذو اليد وأسرته الكريمة على كرمهم الفياض
مشكورين بورداب الخرطوم على هذه اللمة الجميلة
وتمنيت لو كنت حضورا بينكم لأغسل جفاف وجمود
الغربة اللعينة بدفء المشاعر الإنسانية بعيدا عن ساس
ويسوس .
لكن بدورى أتساءل أين البوردابيات من مثل هذه اللقاءات ؟
| |
|
|
|
|
|
|
Re: افطار متميز لبورداب الخرطوم بمنزل الزميل ذو اليد - صور بس (Re: جمال خضر)
|
Quote: اخوي بكري اها الصور لا تكذب ابدا ... خاتي لي صحن الفول والسلطة والشطة وانت من الطرف التاني جنبك الاستيك والبيانكو والفلتو والفراخ المشوي واللحمة بالفرن وشية الجمر ..... |
حظك كدا يا علاء حيمورة انا اعمل ليك شنو؟ اشتري ليك حظ مسلا؟
بعدين انت قاعد لي جنب تبلدينا الجلابيتو زي الجلاد دي وداير ليك حاجات سمحة ومطايب؟
| |
|
|
|
|
|
|
Re: افطار متميز لبورداب الخرطوم بمنزل الزميل ذو اليد - صور بس (Re: بكري الخير)
|
اخوووى ذو اليد يا جارى العزيز مبرووووك تفاعل البورداب فى البوست يدل على انك الاول وكل من يأتى بعدك مُــقْـلِــد انا من جيتك ولسع مندهش من لمسة الفناااان عشااان كدا كبشرتا الصورة دى لكن للاسف الواطة مغارب ودهرااااب القربه ما ظهرت كويس ومن امس بعد ختامك للبوست بحاول اذكر الناس بى كلمة الاخ بكرى سليمان واعتمادوا ليوم 10 رمضان من كل عام يوم لإفطار البورداب بمنزلكم العامر وشايفك اشرتا لهذا المقام عرضاً فى احدى مداخلاتك ربنا كان حيانا حينها لكل حادث حديث يا ذو اليد انت اهلاً لكل ذلك ووالدنا سليمان مصطفى كما حدثتمونا عنه هو فخرنا ونحسبة يتبسم فى قبرة راضياً بما قمتم به تجاهـ ضويفكم وزملائكم البروداب لكن خلى الفضل ينداح تقليداً ولكم فضل السبق والله اشنوووو يا ناس الخرتوووم رمضااانك كريم ونقبل الله منا ومنكم : : : : مع التحيات لله الزاكيات
| |
|
|
|
|
|
|
|