|
|
 يا مسلمين سألتكم بالله تقولو امين ..
|
يا الهى قريب مو بعيد
حلمى يبقى حقيقة واكيد
ابقى عندى بنيّه ووليد
وبيت ولاند كروزر جديد
البنوك تقند بالرصيد
وااا حلالك يا حديديد
**
يا الهى دعاي يتقبل
وفى شقاوتى دى القالى حل
حل يناسبنى ويتقبل
ومنو ليهو ينقّط عسل
تانى لاازهج لا امِل
ولا افتش لي عن شقل
ومن جحيم الغربة إنسل
وضمّة بالى دا ما ينشقل
ابقى تاجر وصاحب محل
تاجراً مرتاح ليهو ضُل
وخزنة فى الدكان واقفة فُل
وابقى عاد كدى مضرب مثل
وابقى زولاً اربط واحِل
وزول مسخر اخدم الكُل
واي مشكله القالها حل
**
يا وطن هودن وإتعدل
يالا اهدى وروق يا بطل
حبيبك الحداد جا ووصل
ومن مبايلو كمان إتصل ..
** ** **
وبما اننا فى شهر يتقبل الله دعاء الصائمين
اسأل الله ان يتقبل دعاء الجميع ويرد غربتنا
واليعز الرسول يقول امين .. تحياتى
|
|
 
|
|
|
|
Musab Osman Alhassan
فيس بوك
تويتر
انستقرام
يوتيوب
بنتيريست