|
|
 Re: رمضان يجمعنا (Re: Asim Fageary)
|
قالوا لمساطيل عملتو شنو مع شهر رمضان الحار ده مع السخانه وكيف كان الصيام قالوا والله صمنا زي الحلاوة اتلمينا ثلاثين نفر وصمناهو في يوم واحد ....
بنقعد كده ما لايقل عن عشرة سنوات رمضان بكون في الجو السخن ده ربنا اعظم الاجر مع اختلاف الزمن اصبحت هنالك مفارقات سألو الفنان كمال ترباس قالوا ليهو شكلك اتغير لونك بقي ابيض ومرتاح قال ليهم دي العشره مليون والفريون حكاية الفريون دي والله مريحه في رمضان والجو السخن كان ما لقي الواحد فريون بلحق امات طه في بلد الصحاري هنا أما اللون الابيض بيدخل مع العشرة مليون وحكاية ((ديانا يا غبيانة)) ترباس قايلنا وهم ...
يقال والعهد علي الراوي كان في سنة سخنه من سنين الصيف الحار الشمس لما تضربك في جبهتك تعكس الاناره في الاتجاه المعاكس من السخانه ومن شدة السخانه الناس وقت اخش المغرب بكونو دايخين.... بي دوخت الناس كانو بتحرو رؤية هلال رمضان ليلا مع التعب كان في صعوبة في الشوف الناس تداقس وينو الهلال يا جماعه ده من ناحية والناحية الاخري الناس متكاسلين يعني مافي اجتهاد مع الحر القاعدين فيهو ده.... اجمع الناس لم يتم رؤية الهلال في هذا اليوم قررو الذهاب للنوم فجأة ظهر ليهم واحد قال ليهم اهو الهلال انتو يا ناس ما بتشوفو خلاص عيونكم عمن....
اتوكلو علي الله وصامو رمضان بعد تسعة وعشرون يوم الناس خلاص عايزه العيد لسؤ حظهم لا شافوا شهر لاشافو غيرو الليل كلو قاعدين اعاينو في السماء اخونا الشاف ليهم شهر رمضان جاء ماشي الجماعه كلهم جرو وراهو مسكو من جلابيتو قالو ليهو يا خونا شوف لينا مخرج من الشهر الدخلتنا فيهو ده ... ((غايتو الله اطلعنا بالسلامة من الشهر الحرارتو فوق الخمسين))
من اجمل ايام الطفولة الزكريات :
كان زمان في حي الدباغه مدني وحال الاحياء الشعبيه في السودان كلها تتشابه مع تضاريسها المختلفه عالي واطي تشوف الناس العصريه ماشة تشتري الثلج الطالع العالي عايز يحبي والنازل عايز ادردق الناس تلهث العصرية من العطش ماشة تشتري الثلج كان عندنا جارنا بتاع دكان الله ارحمو عندو عنقريب هبابي قصير تلقي خاتي بره والخرطوش بتاع المويه في يدو قاعد في برندة الدكان تجي تشتري منو حاجة ما بقوم طوالي علي حيلو..... بسألك عايز شنو وبي كم كان لقاك عايز ثلج بي قروش شوية بقول ليك اقعد هناك في العتبه ديك لما اجي اخوك التاني نخاوي بيك يعني زي ولد الكتشينه انت تكون منتظر قاعد كان ما جاء واحد تاني ارافقك عمنا ما بقوم من عنقريبو لازم حسبت القروش تكون كبيره تستاهل القومه في نهار رمضان .... رمضان كريم وربنا اعظم الاجر.
|
|
 
|
|
|
|
|
| العنوان |
الكاتب |
Date |
| رمضان يجمعنا | عباس الدسيس | 07-08-13, 09:15 AM |
| Re: رمضان يجمعنا | عباس الدسيس | 07-08-13, 09:34 AM |
| Re: رمضان يجمعنا | عباس الدسيس | 07-08-13, 09:49 AM |
| Re: رمضان يجمعنا | امير طمبل | 07-08-13, 09:56 AM |
| Re: رمضان يجمعنا | عباس الدسيس | 07-08-13, 12:32 PM |
| Re: رمضان يجمعنا | داليا حافظ | 07-08-13, 12:38 PM |
| Re: رمضان يجمعنا | Asim Fageary | 07-08-13, 12:44 PM |
| Re: رمضان يجمعنا | عباس الدسيس | 07-08-13, 01:01 PM |
| Re: رمضان يجمعنا | عباس الدسيس | 07-08-13, 01:14 PM |
 Re: رمضان يجمعنا | عبدالله ود البوش | 07-08-13, 01:10 PM |
| Re: رمضان يجمعنا | عباس الدسيس | 07-08-13, 01:19 PM |
| Re: رمضان يجمعنا | عباس الدسيس | 07-08-13, 01:39 PM |
| Re: رمضان يجمعنا | عباس الدسيس | 07-08-13, 03:08 PM |
| Re: رمضان يجمعنا | امير طمبل | 07-08-13, 11:26 PM |
| Re: رمضان يجمعنا | عباس الدسيس | 07-09-13, 08:41 AM |
| Re: رمضان يجمعنا | حمزاوي | 07-09-13, 09:03 AM |
| Re: رمضان يجمعنا | عباس الدسيس | 07-09-13, 09:42 AM |
| Re: رمضان يجمعنا | عباس الدسيس | 07-10-13, 08:57 AM |
| Re: رمضان يجمعنا | Asim Fageary | 07-10-13, 09:22 AM |
| Re: رمضان يجمعنا | عباس الدسيس | 07-12-13, 12:30 PM |
| Re: رمضان يجمعنا | عباس الدسيس | 07-13-13, 04:28 PM |
|
| |
عباس الدسيس
فيس بوك
تويتر
انستقرام
يوتيوب
بنتيريست