Quote: صباحي الوحيد الابدع في الحلقة الفاتت حركة يهز المايك دي بتوتر الواحد و بحس انو الزول ده شكله ما قادر يواصل لكن بعد تسمع التسجيل بتلقاه ابدع ايما ابداع كدي حاولو اسمعو التلات اغاني الغناها لي هسي من التسجيل, او بدون صورة ح تستمتعو بالفرق نفس محمود لمن كان بجي اغاني و اغاني و يبدأ يغني بتحس بانو ما ح يقدر يواصل بحركة رجوعه في الكرسي لي ورا لكن بعد تحضر اعادة الحلقة بتلقى الحوت كان متجلي و انت كانت شفقان عليه ساي
أبدا يا عكاشة ما كنا شفقانين ساي الحوت كان تعبان وكان تعبان شديد ..وهسة وين الحوت
و أنا ما عارفة اذا كان صحة معتز كويسة ولا لا ..لكن بغني وهو مرهق وده ما دليل كويس ..الصوت وحده لا يكفي أبدا ..
07-16-2013, 12:50 PM
الرفاعي عبدالعاطي حجر الرفاعي عبدالعاطي حجر
تاريخ التسجيل: 04-27-2005
مجموع المشاركات: 14684
Quote: يا طارق فهيمة كهربتا بقت زايدة الأيامات دي ..ما بتعرف بتين تعيش إحساس الأغنية وبتين تبقى رزينة وبتين تنطط وبتيين تبشر.. السر قدور كبّر ليها راسا شدييد فبقت خاشة ليها في دور ثقة أكبر منها.. فهيمة صوتا ما صوت بتاع تطريب غنائي.. وفيهو حاجة كده يا قول الدعاية وش البامية ماااا ياااهو ..
Quote: أكتر أتنين نختلف اونتفق على صوتهم لكن بتحس بيهم أدوا الأغنية حقها وأتعاملوا معاها بمسئولية هم نسرين وفهيمة ..، الغرور مقبرة ..والشعور بانك لو أدوك أي حاجة بجضمها كذبة كبيرة ..الإجتهاد والإلتزام عامل مهم وأساسي يوازي الإبداع ..
والله يا داليا نسرين ممكن لكن فهيمة ما عندها أدنى مسئولية معقولة حفظ ما حافظة ( كنت قايل والعشق ظنيتو ساهل ) ولو افترضنا ما سمعت الأغنية بشكل جيد حبة تفكير ما عندها هسه الكلام القالتو ده عندو معنى دي اقل اجتهاد ممكن يعملوا الفنان البغني أغنية ما حقتو أن ما يغير في كلماتا لحدي ما يخل بالاغنية غايتو ده جندرة منك ساي
،،،
07-16-2013, 05:44 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
"فرفور" أغمى عليه وتم نقله إلى المستشفى بعد أن فقد وعيه
Quote: 07-15-2013 11:22 PM (محمود عبد العزيز الفنان الذي قتله الحب)، عبارة ابتدر بها النطاسي "السر أحمد قدور" برنامج (أغاني وأغاني) أمس الأول، قال إنه كتبها بعد سماعه خبر رحيل (الحوت)، عبارة أظنها لخصت كيف أن "محمود" عاش رجلاً مثيراً للدهشة والإعجاب، أحبه الناس كما لم يحبوا مطرباً غيره في تاريخ السودان القريب، كما أنها لخصت كيف ستكون الحلقة التي خصصها البرنامج للحديث عن الراحل والتي أتت مترعة بالشجن وكثير من الدموع. تململ عدد من محبي الراحل "محمود عبد العزيز" بعد مرور ثلاثة أيام ولم تبث القناة الحلقة التي سجلت عن الراحل، وأبدى بعضهم خشيته من أن تكون ثمة عراقيل قد منعت بثها.. بيد أن ترويج عبر عدد من صحف أمس الأول جعلهم يتنفسون الصعداء.. استعانت فيها القناة بنماذج غنائية قديمة للراحل كانت إبان مشاركته في ذات البرنامج قبل نحو ثلاث سنوات.. وتحدث "السر قدور" عن كيف أن "محمود" كان يصر على الغناء رغم الارهاق الشديد الذي كان يعاني منه. بالرغم من الجهد الكبير الواضح الذي بذلته إدارة (النيل الأزرق) في الحلقة لإخراجها بما تتناسب والقيمة الجماهيرية العالية التي يتمتع بها "محمود"، إلا أن نقداً كثيفاً وجه لها لتأخير بثها.. بالإضافة إلى نقد تخطى الخطوط الحمراء طال مطربي الحلقة الذين رددوا أغنيات الراحل بأن دمغهم البعض بالتمثيل وأن دموعهم لم تكن حقيقية وإنما كانت مصنوعة.. ولعل الوقائع التي تحصلنا عليها من مصادر موثوق بها كشفت كواليس ما دار في تسجيل حلقة (الحوت). دموع قبل التسجيل الاستعداد لحلقة الراحل "محمود" كان هماً يؤرق مضاجع إدارة البرنامج، وفي يوم التسجيل احتشد عدد كبير من جمهور "محمود" كان في مقدمتهم خريجة (نجوم الغد) "ميادة" التي اشتهرت بالغناء بمصاحبة آلة الرق خلال الدورة السابقة.. كما جاءت إلى البرنامج السيدة "نجوى العشي" زوجة الفنان الراحل بصحبة أبنائها (حنين وحاتم).. وعندما كانت الفرقة الموسيقية وعدد من الفنانين يراجعون الأغنيات التي سوف يرددونها في الحلقة دخل إلى الاستديو الفنان "جمال فرفور" الذي كانت تربطه علاقة قرابة وصداقة طويلة مع الراحل، داعب ابن الراحل "حاتم" بقوله: (إيه يا باشا)، وهي الجملة التي اعتاد (الحوت) قولها لإبنه عند مهاتفته وكلما يلتقي به، فرد عليه ابن الراحل بذات الجملة التي كان يرد بها على والده (الأحوال كلها ماشة)، وقتها انفجر "حاتم" ببكاء مر أبكى معه "فرفور" ومعظم الذين كانوا موجودين بالحلقة. نقل "فرفور" إلى المستشفى نقلت المصادر لـ(المجهر) الأجواء العامة التي كان عليها استديو تسجيل حلقة الراحل، مؤكدة أن الجميع كان في غاية الحزن قبيل بداية التسجيل، وأن الدموع التي انهمرت في الكواليس كانت أكثر بكثير من تلك التي انهمرت أثناء تسجيل الحلقات، وكان "فرفور" الأكثر تأثراً ورفض أن يردد أية أغنية للراحل بعد أن طلب منه مقدم البرنامج "السر قدور" الغناء.. وعندما اشتد الأمر عليه خرج من الاستديو وترك كرسيه شاغراً، وقتها كان "فرفور" بحسب المصادر منهاراً بشدة وأصيب بضغط نفسي رهيب ثم أغمى عليه وتم نقله إلى المستشفى بعد أن فقد وعيه. ربما لم يكن هم القائمين على أمر البرنامج تقديم أغنيات الراحل بجودة عالية وبذات الطريقة التي كان يرددها "محمود" بقدر ما كان همهم بعث رسالة مفادها أن "محمود" في قلوبهم.. ولهذا لا يمكن الحديث عن إجادة "نادر عثمان" أو "أحمد مأمون" أو "طه سليمان" لأغنيات الراحل بقدر ما كان همهم أن "محمود" صاحب بصمة وجب الالتفات لها، وأنه كان عنصراً مهماً من حلقات البرنامج في إحدى دوراته.. وبالرغم من ذلك فإن الحلقة جاءت في اجمالها لفتة مقدرة تجاه (المطرب الذي قتله الحب) مثلما قال مقدم البرنامج "السر أحمد قدور". تقرير- المجهر
07-16-2013, 05:58 PM
الليندي الليندي
تاريخ التسجيل: 05-27-2002
مجموع المشاركات: 1188
Quote: يا سلام عليك يا ناصر أظن هو شقيق الشاعر فؤاد عبدالرحيم
لا يا بدر ( فؤاد عبدالرحيم ) صاحب أغنية ( مسكين انا ) شقيق الشاعر ( علاءالدين عبدالرحيم ) بتاع ( حبي ليك كان زادي - لا بايدك لابايدي ووالكثير من غناء الطمبور ) لكن ( مصطفى عبدالرحيم ) شاعر ( هوج الرياح ) ليس لديه شقيق شاعر
،،،،
07-16-2013, 06:01 PM
الليندي الليندي
تاريخ التسجيل: 05-27-2002
مجموع المشاركات: 1188
الأخ اللندي ارجو قراءة مداخلتي في هذا الموضوع هذا البيت في الأغنية مكسور من ابوه كنت قايل درب العشق ظنيتو ساهل والجابري قاعد يغنيهو كدى وانا قلت اشرف نصر الدين غناهو : كنت قايل درب العشق ساهل ظنيتو دي موجووودة في الأصل وغلت
07-16-2013, 09:43 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
الحلقة كانت عن الفنان الرائع الجميل التاج مصطفى وهو (محمد تاج الأقوياء مصطفى) مواليد قرية أم مرحي في الثالث عشر من نوفمبر عام 1931 ، ترعرع في جو صوفي بين المدائح والذكر ، ثم نزحت عائلته إلى مدينة أمدرمان فقراً فيها وعمل فيها وابدع فيها متنقلا بين كرري وحي المسالمة ثم حي أم بده بعد ان اصر عليه صديقه ورفيق دربه الفنان العاقب محمد حسن ليسكن جواره . الأغاني التي كانت سبباً في دخوله الإذاعة هي اغنيتي الكاشف "أنا ما بقطف زهورك" و "إنت بدر السما في صفاك" حيث غناهما في حفل زواج وجد به السيد/ عبد الوهاب علي أبو عثمان صديق السيد/ المبارك ابراهيم رئيس تحرير مجلة (هنا أمدرمان) في عام 1946 ، تغنى باول اغنية على مسرح الاذاعة هي (فتاة النيل) للشاعر اسماعيل خورشيد. توفي في 21 أبريل 2003.
بدت الحلقة بأغنية "السادة لونو خمري" تغنت بها منى وغنتها جميلة واستمتعت بآدائها جداً واستمتعت باللعب على صولو آخر من زحل وفاطمة ضمن المجموعة في (قلبي حباك).
الأغنية الثانية وهي أول أغنية سجلها الفنان التاج مصطفى في الاذاعة ، أغنية (يا نسيم أرجوك) أداها معاذ بن البادية مفرغة تماماً من أي إحساس وخصوصاً في (روح لها وحييها) .
الأغنية الثالثة "عازف الأوتار" أدتها زحل ولم تجد فهذه الأغنية لا تناسب صوتها ، رغم انها تملك صوتاً جميلاً ورغم محاولاتها في اضفاء الاحساس للأغنية إلا أنها لم تنجح وخصمت هذه الاغنية من رصيدها الثر عندي.
الأغنية الرابعة كانت "الملهمة" الأغنية جميلة ومن الاغنيات التي تاخذني الى عوالم اخر مليئة بالحب ، غناها أحمد مأمون كأجمل ما يكون الغناء وأدهشني أداؤه رغم صعوبة الاغنية .
أوسكار هذه الحلقة في رأيي من نصيب أحمد مأمون ، وبكرة أحلى
Quote: الأغنية الرابعة كانت "الملهمة" الأغنية جميلة ومن الاغنيات التي تاخذني الى عوالم اخر مليئة بالحب ، غناها أحمد مأمون كأجمل ما يكون الغناء وأدهشني أداؤه رغم صعوبة الاغنية
يا عبير تحياتى
يااخ الاغنية فعلا لحن مميز. ايقاع الفالز Walz معروف عنو انو ايقاع لو ما تصرفت فيهو كويس فهو ايقاع رتيب ومملل جدا. التاج مصطفى ادخل كسرات داخل اللحن اخرجته رشيق وشيق وعذب استحق بها هذا العبقرية وفعلا سبق زمانو بهذا اللحن.
بعدين شنو موضة حرف الواو فى نهاية الجملة دى من محمد الجزار وحسين الصادق ومرورا حاليا بفنان الساحة طلال الساتة وحتى ود رفاعة احمد المأمون.
07-17-2013, 00:54 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
الاخ ابراهيم عبدالحليم تحياتى وشكراً على أنك تتذكرنى وفعلاً أنا بتاع المانيا ... بون ومن قبلها ميونيخ ، التحية لكل المبدعين فى الفرقة الموسيقية ومن بيرمنجهام سلام .
الأخ اللندي ارجو قراءة مداخلتي في هذا الموضوع هذا البيت في الأغنية مكسور من ابوه كنت قايل درب العشق ظنيتو ساهل والجابري قاعد يغنيهو كدى وانا قلت اشرف نصر الدين غناهو : كنت قايل درب العشق ساهل ظنيتو دي موجووودة في الأصل وغلت
درب المحبة - تسجيل قديم كلمات - محمد علي ابوقطاطي ألحان احمد زاهر
طبعاً الجابري ما قعد يغني البيت ده كده ( كنت قايل درب العشق ظنيتو ساهل ) رغم أنو اكثر قبولاً من القالتو ( فهيمة ) في الأغنية ( كنت قايل و العشق ظنيتو ساهل ) لانو كده المعني اختل تماماً و( محمد علي ابوقطاطي ) كتب البيت ( كنت جاهل والعشق ظنيتو ساهل ) وما فيهو إي كسرة والجابري في جميع التسجيلات غناهو زي ما كتبو ( ابوقطاطي ) ( كنت جاهل والعشق ظنيتو ساهل ) وديل تلاثة تسجيلات مختلفة الجابري بقول فوقم ( كنت جاهل والعشق ظنيتو ساهل )
درب المحبة - عود
انت يا قلبى المتيم كنــــت خالى كنت نايم ما رايت سهــــد الليالى كنت قايل كل شى فى الدنيا حالى جيت لقيت باب الغرام فاتح دخلت ومن شراب الريدة يا مسكين نهلت وابتديت يــــا قلبى تعشق وانشغلت كنت جاهل والعشق ظنيتو ساهل الا يا ريتك عرفت وما جهلت المحاسن اغرتك وبقيت عشوقه انت قايل عاصفات الحب شفوقه بالمحبه وانــت ساير فى طريقا لما باكر تصحى بتلاقى الحقيقه والنهايـــــــــــــــة تكون سعيده لما جاءت عكس ما انك تريده فالمقادير حيث ما شاءت تسوقا
درب المحبة - حفلة
،،،،
07-17-2013, 02:32 AM
الليندي الليندي
تاريخ التسجيل: 05-27-2002
مجموع المشاركات: 1188
خالص الشكر للصديق والزميل ( هيثم لبيب ) الذي امدني بأسم ( شاعر أغنية ( عليك النبي تجامل تجي ) وشاعر الأغنية هو الشاعر ( قمر الدين المبارك ) والأغنية من الحان ( ابراهيم ادريس ود المقرن ) الذى اهداها للفنان ( الجابري ) وقد ارتبط اسم الشاعر ( قمر المبارك ) بالفنان ( ابراهيم ادريس )وساهم كلاهما فى تقديم الاخر لجمهور الفن وظل الارتباط بينهما قائما لفترة طويلة وكونا معا ثنائيا فنيا فقد قدم الشاعر ( قمر الدين المبارك ) مجموعة من الاغنيات لود المقرن منها ( نور لاح- بين نارين – الحب الراحل - الامل المنشود- يوم حبيب لاقيته – دموع الوداع )
عليك النبي تجامل تجي - عود كلمات - قمرالدين المبارك الحان وغناء - ابراهيم ادريس ( ود المقرن )
،،،،
07-17-2013, 02:56 AM
الليندي الليندي
تاريخ التسجيل: 05-27-2002
مجموع المشاركات: 1188
حلقة اليوم السابع كانت عن الفنان ( التاج المصطفى ) وشاعرتنا ( عبير خيري ) أدتنا عنو نبذة كافية فقط نشير إلي أنو التاج مصطفى كان ملحناً بارعاً فقد لحن أغنية الشاعر ( عبيد عبدالرحمن وابراهيم الكاشف )( الرسائل - حبيبي اكتب لي وانا أكتب ليك ) وكذلك أغنية ( علي محمود التنقاري وعشة الفلاتية ) ( عني مالم ) الحلقة في مجملا كانت دون الوسط فالأغنية الاولي ( السادة لونو خمري لاسماعيل خورشيد والتاج مصطفى ) ادتا ( منى مجدى ) بثقة كبيرة وكانت جيدة - الأغنية التانية ( يا نسيم ارجوك ) وهي من كلمات الشاعر ( حسين محمد حسن ) والحان ( التاج مصطفى ) وقد تغى الفنان ( خضر بشير ) للشاعر ( حسين محمد حسن ) بأكثر من أغنية ( خدعوك وجرحو سمعتك – عطفك يامدلل – كن لي رسول ) اداها ( معاذ بن البادية ) وعشان ما يجي ( عمر الفاروق ) يقول لي أنت خاتيهو في رأسك ومترصدو ، معاذ حاول يؤديها بطريقة جدو فضاع الأغنية الثالثة ( عازف الاوتار ) للشاعر حسين بازرعه والحان التاج ادتا ( زحل ادم ) بشكل رتيب غايتو اتورطت فيها وبتديك أحساس انو خانقينها بمصران وهي بتغني في الأغنية دي الأغنية كبيرة وصعبة في الاداء الأغنية الرابعه ( الملهمه ) من كلمات والحان ( عبدالرحمن الريح ) والأغنية دي أول أغنية فيها مقدمة وغير دائرية في الغناء الحديث طبعاً قبل الغناء الحديث كان في مقدمة في ( عزة في هواك لخليل فرح ) وفي ( قابلتو مع البياح لاسماعيل عبدالمعين ) ما يهمنا أنو الشاب ( احمد المأمون ) غناها كاجمل ما يكون صوت راكز وفيهو تطريب ومساحات واسعة .وتميز اليوم للفرقة في الملهمة
تسجيل نادر للملهمة ابيض واسود - التاج مصطفى
،،،،،
07-17-2013, 03:07 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
أقول ليكم شترة ضقلا يكركب؟؟؟؟ الحلقة الأضعف في حلقة الليلة التاج مصطفى زااااتو... ما الشباب الغنو ديل.. ما بقدر أقول ما بقدر أصرح عشان ما الناس تعرج بي موضوع البوست الأساسي شديد .. بس أفهموها كده لحدي ما الاقي طريقة اشرحا ليكم بيها بي طريقة أحسن شوية ..
تحياتي لكل الاخوة المشاركين... التاج مصطفي بكل المقاييس هو تاج الاغنية السودانية كما سماه بعض ابناء جيله... السر قدور لم يكن موفق في اختياراته لاغنيات هذا الفنان الهرم , التاج مصطفي كانت مغامرته الكبري في لمساته الابداعية اللحنية , لذا لم اتوقع ان تتجاوز الحلقة اغنيات مثل الانصاف او يا بهجة حياتي وكليهما امتحانا عبقريا في اللحن والاداء. وكذلك اغنية خورشيد ذات المفردة البسيطة كان يمكن تقديم اغنية مثل يا غائب عن العين, تلك اغنيات تعكس ثراء التجربة اللحنية للفنان الكبير.. الكريديت في هذه الحلقة كانت اغنية الملهمة التي تعكس بوضوح اثر التجربة الصوفية ومكنوناتها , هي واغنية يانسيم ارجوك ...تلمس التجربة الصوفية في غناء التاج مصطفي لم يجد حظه من التناول, خصوصا وان التاج بدا منشدا ثم ملحنا.
تمنيت ايضا لو ان المغنيين قبلوا التحدي وغنوا لينا ليلة الذكري لانها عمل فني فيه نقلة فنية مميزة, فهي من قبيل الموشحات بمقدماتها وتفريعاتها اللحنية البديعة وعموما غناء الموشحات قليل جدا في الغناء السوداني, واعتقد ان بازرعة اول من اقتحم تلك القلعة ودخل معه التاج مصطفي كرائد باغنية ليلة الذكري.. ومغنيا...
يا جماعة أنا عندي أسئلة عامة محرقصة لي ليها كم يوم وداير أسألها (بغض النظر عن رأيي في حلقة التاج مصطفى)..
في المواسم السابقة..... واحد من المؤشرات البتخلينا نعرف إذا كان الفنان أدى الغنية أداء جميل ومتميز أما لا (أو على الأقل بالنسبة لمؤشراتي أنا)... محمدية... محمدية ده بتظهر في وشو طواااااالي إذا كان ممعوووووط من الزول البغني ولا مبسوط من الأداء... السنة دي مااااااااااااااااا مركزين معاهو كده ناس الكاميرات ديل مااااااا عارف ليه....!!! الحاجة التانية... إنتوا يا أخوانا السنة دي محمد بشير بتاع البيز مافي صاح؟ ولا أنا تلفزيوني كعب؟
يا هايل كلامك دة انا قلته في مداخلة سابقة محمدية لمن يكون في طرب شديد بيظهر عليه في الحلقات السابقة الحتة دي كانت واضحة شديد مع اسرار بابكر وعصام محمد نور
حلقة التاج حلقة باهتة جدا جدا لكن احمد المامون اثبت انه عنده موهبة جيدة
مرات بحس انه الفرقة الموسيقية فيها جوطة كدة كللو كللو الزول بتاع الاكورديون عنده دخلات كدة مريحة القصاص كان عنده نقرشات كدة في الفراغات زي البسكويت في الجلي مريحة شديد
07-17-2013, 11:52 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
بالنسبة لي قصة محمدية وما محمدية ..محمدية موودي شديد وما بيعتمد إبتسامه على إنو الزول ده مبدع ولا ما مبدع أو زول مجييد ولا غير مجييد.. ح أقول ليكم كلام مخييف شوية ..محمدية ومحمد سليمان بتاع بدون عنوان عندو عنصرية كده قد تكون مخفية لكن ميولها وااضح وعندهم إبتسامات بيوزعوها بي مزااجهم .. محمدية عموووما غير مشهود ليهو بي إكتشاف المواهب وما من الناس البيقدر يراهن على نجاح أو فشل فنان ..الغريبة انا محمدية ده مااا وقع لي كلللو كللو وشايفو إنو من الناس اللي حالفهم بعد التوفيق مع بعض القبول ..هو أكييد زول ماااهر في العزف ومبدع لكن مرات كده مش بتلقى ليك مطاعم كتييرة ممكن أكلها يكون أحسن من مطعم بي عينو لكن رغما عن كده بتلاقي المطعم ده هو الزحمة ؟؟ أها ده محمدية مع الكمنجة .. المرة دي لو عايز تقييس إستمتاع عازف بي الأغاني تابع عازف الأكورديون سليمان أكرد .. هو اللي بيتعايش مع الاغاني بي طريقة سليمة وفي محلها دون توزيع البسمات في غير موضعها حتتتى لو طلع صولا ما بيتبسم لمجرد إنو الكاميرا مسلطة عليهو .. مع إحترامي الكامل لي محمدية لكن محمدية كعازف بارع مثبتة لكن كمعايشة وإكتشاف للمواهب ماا أظن بصماته واضحة ..
07-17-2013, 12:14 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
يا ود الفاروق انا عارفك داخل السعودية بي فيزة ثعلب
ياخي انا شخصيا ما قلت انه محمدية بيكتشف المواهب لكن لمن يكون في طرب شديد بتحس بيهو مبسوووووووط الحتة برضو عند القصاص مافي شك انه اكرد عازف ماهر جدا انا ما زول موسيقى وجربندي استماع سااااااي لكن اكر والقصاص عندهم نقرشة كدة عجيبة وسط الغناء
07-17-2013, 12:53 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
بوست ممتاز تُشكر عليه والشكر لضيوفك قبل كدا في زول قال السر قدور لو عايز الشباب ديل ينجحوا ما يفرض عليهم اغاني بعينها لكن واضح إنو استراتيجية البرنامج هي الفرض دا حيث أن البرنامج معني بعكس أغاني القدامى بصور الشباب
بس المسألة دي فيها ورطة للشباب ديل بإمكانياتهم المتواضعة دي أمام تحدي أغاني الكبار (أحمد مامون لحدي هسة راكز )
تاني حاجة الكلام البتقال عن مقارنة طه سليمان مع أحمد الجابري ( مثلا) يقولوا ليك بتظلم طه سليمان لما تقارنو مع الجابري ما عارف السبب شنو هل لأنو طه سليمان وفرفور ناس صغار مثلا؟ الجابري لما غنى هوج الرياح كان عمرو أصغر من طه سليمان ووردي لما غنى جميلة ومستحيلة كان عمرو أصغر من جمال فرفور
المسألة فوارق إمكانيات وحب للفن وإخلاص ليهو مقابل فن تجاري disposable وشغل يوم باليوم
معتز صباحي ممتاز وممتاز جدا بي لولوتو دي
07-17-2013, 06:52 PM
الليندي الليندي
تاريخ التسجيل: 05-27-2002
مجموع المشاركات: 1188
حلقة مملة جداً ومنجورة قال حلقة عن الاعلاميين ومن كل بستان زهرة يا ريت لو اتكلموا عن اعلامين كتبوا شعر ومنسيين تماماً ( سليمان عبدالجليل - نعمان على الله - حسين عثمان منصور وغيرهم )
07-17-2013, 06:55 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا حلوين .. أها عمر الشاتور جاكم .. حلقة الليلة من وجهة نظري فرفور فيها كان ممكن ياخد أوسكار يكفيهو لحدددي نهاية الحلقات ..لولا الشترة العملا وإستخدام نظرية الخفة الكتلت أم تفة ..مع إنو فرفور مصلللع.. فرفور أثبت بما لا يدع مجال للشك إنو من أفضل الناس اللي ممكن تغني للراحل حسن عطية ..وسبق لي فرفور أن أدى أغنية هل تدري يا نعسان في شريط كاسيت ووقتها كسرت الدنيا ..إضافة لي إجادة فروفر لي ترديد أغنية ما ليي غيرك حياة وأغنية محبوبي لاقاني وبي بسمة حياني في كتير من شرايط الحفلات وتسجيلات القعدات .. فرفور و للأمانة أدى الأغنية بي صورة عااالية التطريب لأنو بصراحة هي من لونية أغاني فرفور..إضافة لي نقطة مهمة في تقديري الخاص ولو إنو انا جاهل بي الاغاني القديمة لكن يبدو لي إنو الاغنية دي من الاغاني غير المستهلكة وما بعييد يكون ناس كتااار من المشاهدين أوول مرة يسمعوا بيها ..وهنا جات الروعة التانية ..وهنا انا بقصد مفروض تكون جماليات البرنامج .. الأغاني المدهشة غير المستهلكة بتلاقي قبوول ورواااج ..والروعة تكمن في التنقيب عن الاثار المدفونة دي و إخراجها للمشاهد والمستمع ..فرفور لأول مرة يتفوق على الفرقة الموسيقية اللي كادت تفسد روعة الأغنية في بداياتها ..وما عارف لييي الفرقة عملت كده ..لأول مرة أحس إنو البتعزف كانت فرقة بدائية بتاعت شباب أول مرة يسمع ليهو لحن أغنية ..بدو بي طريقة كده غريبة شوية وجايطة ومااا ظابطا في لحنها.. الأخطر والأسوأ إنو الفرقة لو ما خانتني الذاكرة وقعت في غلطة كبيرة وهي بتفل في ملء فراغات الأغنية اثناء غناء فرفور أو سكوتو بين بيتين شعر..لاحظت إنو الفرقة بتصننن والعزف بيقييف تماااماً سوى من صوت الإيقاعات وده يا إما في عدم تبريف أو عدم تفاهم يا كمان ما عارفين اللحن بيتملي كيف في الحتت الصغيرة دي ..لأنو لاحظت ليهم بعد داك لمن يجي الميلودي حق اللحن الأساااسي بيخشو كللهم صااح وبي طريقة حلوة ومفهومة .. فرفور كان تتم جميلك بدون ما تقيف تبشر بين اغنيات الناس وبدو تتشالق وتمد المايك انت وطه وتطاقشو عشان تنالوا رضا السر قدور في منو الأداهو المايك أول.. كنت فارس الحلقة يا عمك لكن جلطتها في النهاية ..
السر قدور لو ما اضاني خزلتني فلحن الأغني اللي غناها كوبي بيست من أغنية لي عبد الحميد يوسف اللي هي غضبك جميل زي بسمتك ..و تقريباً و هنا بسأل سؤال ..منو اللي لحن اغنيتو أول التاج ولا قدور ؟؟ لأنو طريقة إحتفاء قدور وسرده لي اللحن وإعجابه بيهو بيديك إحساس إنو إكتشف الذرة وهو بينفض الغبار عن أغنية مهجورة حااان وقت إظهارها وتلميعها ..
طه السقوط التاني في مطب الألحان الاكثر تعقيداً ويبدو إنو طه بدا يدفع تمن ترديد الاغاني الهابطة حسب تصنيف العامة ..لأنو طه بقا يردد أغنيات ساهلة اللحن فقام نسى روحو وزي طووول من تأدية الأغاني الصعبة فقام بقا يواجه صعوبات.. الغريبة الأغنية اللي غناها دي مرة مرة كده تبقى لي أغنية عثمان حسين أظنها الدرب الأخضر ولا شنو ما عارف.. الغلطة الكبيييرة الوقع فيها طه وربما يوافقني الليندي بعدين غنو طه فنى الأغنية بي طريقة لا بتخليك تفهما مكتوبة بي العربية الفصحى ولا الدارجية العامية ..كلمات ينطقا ليك بالدراجي البحححت وكلمات يقولا ليك بي العربية الفصحى فزي افقد الأغنية تركيبتها الأساسية ..غايتو يا طه اعفي لينا ضغطنا عليك اليومين الفاتو ديل لكن ده عشان تلحق روحك سريع..
الفواصل والأغنيات الدقااق دقاااق ما كان في ليها أييي داعي ولو إستعاض عنها السر قدور بي أغنية كاملة كانت الحلقة نالت الإستحسان ونافست كحلقة ناجحة..خصوووصا رغم بعدي برسل سلامي دي اللي جهجهونا فيها الثنائي الكورالي بتاع كلية الموسيقى ..وبقول لي ود حياة طلسم مرات كده بتوحي للمشاهد إنك عايز تبوس البت الجمبك دي..معليش للتعبير لكن حركتك البتعملا دي وانت بتزح عليها مع إنو عندك مايك في يدك ما عندها أيييي معنى .. وهنا تحضرني طرفة عن الراحل الكوتش صلاح ليبيا اللي عندو أسباب غريبة لي كراهية الفنانين ما متعلقة بي التطريب زي ما حكيت قبل كده ..فمثلا ما بيحب حمد الريح قال لأنو بيدق بي يدو في سدرو ..وما بيحب جيلاني الواثق لأنو بيذكرو بي الحرامية لأنو في فيديو كليباتو بيجي متلّب من شباك ..لكن السبب الألذّ هو كراهيتو لي ثنائي العاصمة ..قال الإتنين يخوتو ليهم مااايك واااحد في النص ويقعدو يتشلهتو فيهو الإتنين ده يمد رقبتو وده يمد رقبتو ما كان يخوتو ليهم مايكين وخلاص .. :) :)
تخريمة : الأسوأ في الحلقة على الاطلاق فكرة الموضوع بتاعت السر قدور..فكرة ما مفهومة عايز يخمنا بيها ساااااي
البت فاطمة دي باقي لي بيجي منها ..بس تزح شوية من سميرة دنيا الملخبتة بي عابدة الشيخ دي..
اسحب كلامى السابق ان استاذنا محمدية مستمخ ومستمتع بل يبدو عليه بعيد وسارح والجلطة العملها اليوم فى اغنية حسن عطية توضح ذلك. هذه الغنية كان يجب اعادتها لتوزيعها موسيقيا والله عيب ومن معلمين كبار وحتى ولو صاحبها حسن عطية ما خاتى موسيقى داخلها كان يجب وضع موسيقى لها.
اليوم فرفور هادئ بدون تشنجات فى اجمل اداء.
فاطمة عمر ملعبها بالنسبة لى ظاهر وهو الاغنيات الدرامية هى بتتصرف بذكاء فيها وتتقمص الدور ولكن موضوع صوت سمير دنيا بيقيف لى عائق اثناء الاستماع لها. ياريت نسمعها فى اغنيات ذات طابع آخر.
اغنية الراحل محمد احمد عوض لم تنال اعجابى ياريت لو ادؤها بدون موسيقى وبايقاعات ساى وبصورة سريعة شوية. اتمنى ان اكون قلت كلامى هذا غير مستصحب اسلوب الراحل محمد احمد عوض الذى هو فى الذاكرة كثيرا. للاسف كذلك الاداء الكورالى ما كان مظبوط به تردد بالاخص من نادر مرات لا اسمعه واضح ودخلاته بيخليها للانسة. السلم الموسيقى لو اتعلى نصف درجة فقط كان ممكن يكون الاجمل سواء لنادر ولكن برضو لمنى مجدى فالباص Pass بتاعها بالسلم الغنوا بيهو ده كان ضائع وباهت وما ظاهر. لو اتعلى السلم كانت ملامح صوتها ستظهر اكثر Brilliant.
حاجتين لفتو نظري.... حاجة جميلة شديد وريحتني جدا وهي تداخل فاطمة عمر مع فرفور في الاغنية ياخ اشتغلو مع بعض شغل جميل جدا ومن الواضح انو حاجة جات عفوية كدا لوجه الغناء عشان كدا جات سمحة شديد
الحاجة التانية يا جماعة ما ملاحظين كمية البهدلة وعدم تناسق الالوان المعذبننا بيها الناس ديل .... ياخ والله الواحد صايم وربنا يغفر لينا لكن ياخ دي بهدلة عجيييييييبة وغريبة الناس دي مالا يعني بتنسى انها جاية تسجل حلقات في التلفزيون وكمان لبرنامج زي دا عندو جمهور كبير جدا .... يعني ضجة وضجيج بتاع الوان ممكن يخليك ما تقدر تركز في الغناء زاتو.
07-17-2013, 08:51 PM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
* حلقة اليوم الحلقة الاكثر مللا على الاطلاق... * فرفور دا بالنسبة لي ليس فيه ذرة تطريب، ياخ دا بكورك، ومرات مرات بصرِّخ، وفي جميع الاحوال لا طرب هناك، عروق تتشحط ويعرق، ويعرق، مرات بحنني خايف يوم بطق ليه عرق، بعدين الزول لمن يكون دمو ما خفيف وبحاول يخففو، الناس ما بقولوا دمو خفيف، بقولوا: خفيف، وهذا حال فرفور؛ هذا الاجش... * طه الضرس دا كمان قدُر ما حاولت معاهو غلبني، هو وفرفور دا تلتخبو دا... * في الذهن المواسم السابقة وما فيها من تطريب عالي وقمة في الاداءة والابداع من عمالقة عاصم البناء، والمرحوم نادر خضر، وبقية العقد الفريد... * العقد الفريد دا ما فيهو عصام محمد نور، ولو ان هنالك ايجابية واحدة في هذا الموسم هي فقط غياب او تغييب عصام ، ياخ دا زول بكتل الغنا بطريقة عجيبة، بارد برود التقول مولود في الاسكيمو، ممكن عادي تنوم في اجعصها اغنية لا تبالي، دا ما قاعد يغني دا بتنايص عديل كدة، فضلا على تكشمه الذي زي نار القصب، اما اذا تبسم فابتسامته صفراء لا تسر المتابعين ... * الليندي ياخ انت وضيوفك مبدعين حقيقيين، بستمتع بمتابعة البوست دا امكن اكتر من البرنامج ذاتو، يطول عمرك يا الليندي ...
07-17-2013, 09:09 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
بصراحة اول مره اسمع الاغنية الغناها فرفور دي ،، لكن البت فاطمة عندها حاجت جميلة بتعملها بعد مرات واظن يا عمر تتزكر
لمن ذكرته انه فى تداخل كان مع طه سليمان فى اغنية الجابري على ما اظن كانت فاطمة السمحة دي ،،
اغنية الفنان محمد احمد عوض بالغو فيها صراحة اسواء اداء ،، الكورس كان احسن من البغنو لانهم ما اظن برفوها لانهم ما متفاهمين
طه اب ضرس ما عارفه مالو ،،ياخ الاغنية دخل فيها حاجة منك ما تخليها زي الجنازة كدا ،،
رد لى اخونا عبدالمنعم ،،، (في الذهن المواسم السابقة وما فيها من تطريب عالي وقمة في الاداءة والابداع من عمالقة عاصم البناء، والمرحوم نادر خضر، وبقية العقد الفريد...)
العقد الفريد دا ما هم ناس عصام محمد نور وفرفور دا زاته ومعاهم اسرار ربنا يطراها بالخير ،، ولا انت قصدك ناس افراح الشعب وشريف الفحيل
فعلاً لولا إختلاف الآراء لبارت السلع.. شوفو المداخلات دي كلها! كل زول عندو رأي مختلف في الفنانيين !! وطبعاً نادر جداً الناس كلها تجمع على رأي واحد.. لكن المفروض الناس تتفق على الحد الأدني في قصة التقييم دي، والأهم من كده التجرد والحيادية.. يا ربي بنقدر ؟؟؟؟؟؟ السر قدور أخفق السنة دي في اختيار الفنانيين، فجاءت معظم النماذج المُقدّمة باهتة والعيب قطعاً ما في الغنا، بل في من يؤدون الغنا.. وبرضو كلفتنا في إختيار الغنا والتحضير الجيّد للحلقات.. يا عمر أنا من جماعة عثمان حسين ، وأقول ليك طه أدى أغنية عثمان حسين بصورة جميلة جداً، لأنو أداها كطه ما كعثمان حسين الغنية دي الناس البيسمعو عثمان حسين بيعتبروها (ستاندرد) هي وأغنية نابك أيه في هواه ، وبرضها لصلاح أحمد محمد صالح ذلك الإنسان البديع.. أستمتع بسماع الغنية دي عند سيدا، والآن متّعني بها الود طه.. مهم إنو الفنان يكون عندو شخصيتو المستقلة، يديك الأغنية بي إحساسو هو ويقنعك، عشان كده فرفور وطه (عندي) خارج المنافسة لأنهم فنانين كاملي الدسم.. ولا يمنع ذلك بالطبع إنو نقول راينا فيما يقدموا.. فاطمة مرة تجيك منار ومرة تجيك فهيمة ومرة منو كده ما عارف، ما في داعي لوجودهم الإتنين، واحدة كفاية، ثم إنو فاطمة صوتها أكتر من عادي، وكذلك فهيمة.. أفضل البنات حتى الآن زحل، بس لو طلعت شوووووية من ضل أسرار... مازال فرفور وطه وود المأمون مسيطرين على الموقف..
أخيراً ،، إختلاف الرأي لا يُفسد للود قضية..
07-17-2013, 10:24 PM
بشرى مبارك ود السقاى بشرى مبارك ود السقاى
تاريخ التسجيل: 08-21-2012
مجموع المشاركات: 1028
والله يا عمر الفاروق أخشى عليك أ، يكون وقع عليك المثل البقول (الشكرو رقد !!!) أولاً حسب علمى المتواضع أن العازف إسمو (أكرت ) وليس أكرد !!!! وسوف أتاأكد من ذلك ولكن أسرة أكرت أسرة معروفه فى الابيض وأكرت كان أول وكيل لوزارة الداخلية وكان محافظ الابيض بعد الاستقلال وكان يحضر صلاة الجمعة وقد أستحسن الشيوخ حضورة للجمعه بالزى الرسمى وقالوا ليهو حتى لو لقيت نفسك ما عندك وضوء تعال أدخل الجامع وصلى الجمعة !!!. نرجع للموضوع أنا عمر الفاروق عمرو كم ما عارفو لكن أنا عمرى 53 سنه فى فترة شبابى كنت أستمتع بالحفلات والهجيج لذلك لو كانت هناك حفله بالنور الجيلانى والتاج مصطفى كنا نختار النور الجيلانى !! مع أحترامى للإثنين !!والسبب شنو ؟ أنو نحنا فهمنا فى الغنا والموسيقى وذوقنا الفنى لا يصل الى مرحلة فهم غناء التاج مصطفى والعاقب محمد حسن والله العظيم أنا شسخصياً ما بقييت أفهم غناهم إلا بعد أن تجاوزت الثلاثين من العمر وبديت أقرأ شوية عن الموشحات والغناء العربى وأسمتع الى ( يا من رقصت به شمول ما أعذب هذه الشمائل !!!) . لماذا أخى عمر الفاروق لا يعترف العرب وحتى المصريين بفننا وغنانا ؟؟؟ السبب أنهم لا يستوعبوا عربيتنا ولهجتنا وسلمنا الخماسى !! رغم أن التاج مصطفى يتغنى بالعربية الفصحى ولكن لا يعرف له هذا الفضل إلا أهل السودان . كلامك عن التاج مصطفى يا عمر الفاروق (شين عديل ) وخرجت عن حيادك وتعنصرت لى شنو ؟؟؟ والله ما عارف !! فى نظرى إذا كان التاج مصطفى حسب ما قال عمر الفاروق هو الحلقة الضعيفة فى حلقة الامس السادسة فإن مقدم البرنامج السر أحمد قدور هو أضعف الحلقات !!فهل نستطيع أن نقول ذلك ؟؟؟ ومقارنتى أ، الاثنين جيل واحد ،النقد السالب ما أسهله مثل (الهدم ) ولكن بناء النقد الموضوعى أو السكوت أخى عمر الفاروق كان أرحم لك ولنا !!! لك أن تتخيل أن إبنه الدكتور محمد الذى شارك فى البرنامج والذى قدّم والده بصورة طيبة قرأ ولا شك أنه سوف يقرأ سطورك عن طريق ( أولاد السروراب والشيخ الطيب والخط الغربى وهم كُثر منهم حبيب نورة ومنصور عبدالله وأنا معاهم بالخط الشرقى ) !!!!ويا أخوى الجموعية ديل الشعر حقهم والغناء حقهم والدين حقهم ورد السطور الماراكبة عدله زى سطورك دى عندنا ( من طرف بيرمنجهام ) دحين يا أخوى يا أكتب ليك كلام معقول يدخل العقول ويمنطقنا !! يا جنس شغلتك دى ما تدخل فيها !! لانك دخلت فى بحر غريييييق !! وأنا متأكد أنك فى اللسته التى لم تفهم غناء التاج مصطفى والعاقب محمد الحسن وحتى اليوم . * الواحد لو كتب ليهو كم سطر ما ياهو فى محمود عبدالعزيز عليه رحمة الله كان وقفت البوست ده قرون قرون !!!!. متابعتنا أخى عمر لك وللأخ اللندى لا تجعلنا (فراجة عليكم ) ونحنا شفنا البحر لذلك لا تخلعنا الترعة !!! . * مقدم البرنامج مثل مدرب الفريق من واقع التمارين يختار تشكيلته التى يدخل بها المباريات الرسمية !!! الدكتور السر أحمد قدرو عمرو فى عالم الشعر والادب والفن والغناء والتلفزيون يصل ال60 سنه فهل نقول له جيييب فلان وخلى فلان !! ثم ثانياً من فرض (كسر رقبة ) على هؤلاء المطربين أن يقلدو القامى بالكربون ؟؟ إنما هى محاولات قد تنجح وقد تفشل وفى النهاية لهم أجر المحاولة وتنشنيف الآذان بهذا الفن السودانى والذى رغم إعتزازنا به لا يحضرة غير السودانييين .
07-17-2013, 11:10 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
Quote: لكن مرات كده مش بتلقى ليك مطاعم كتييرة ممكن أكلها يكون أحسن من مطعم بي عينو لكن رغما عن كده بتلاقي المطعم ده هو الزحمة ؟؟ أها ده محمدية مع الكمنجة ..
يا ود الفاروق شنوووو الامثال الاكُولية دى انتا فطور جنابو عمر عثمان دا لسع عامل ليك تخمة والله شنو تسلموا يا شباب تعرفوا بقينا بنعتمد على البوست اعتماد كولى وجلينا المشاهدة وذهبنا الى ديار الملك جد معاذ ورمضانكم كريم : : : مع التحيات لله الزاكيات
Quote: يا هايل كلامك دة انا قلته في مداخلة سابقة محمدية لمن يكون في طرب شديد بيظهر عليه في الحلقات السابقة الحتة دي كانت واضحة شديد مع اسرار بابكر وعصام محمد نور
صاح كلامك... لكن عارف؟ ما عارف ليه المرة دي حاسي بيهو كده بررررة الموود أساسا وتحس بيهو كده ساااااااااااارح براهو كده وهايم في ملكوت الله....
07-18-2013, 01:20 PM
بدرالدين بابكر مصطفى بدرالدين بابكر مصطفى
تاريخ التسجيل: 06-24-2013
مجموع المشاركات: 1492
Quote: واحد من المؤشرات البتخلينا نعرف إذا كان الفنان أدى الغنية أداء جميل ومتميز أما لا (أو على الأقل بالنسبة لمؤشراتي أنا)... محمدية... محمدية ده بتظهر في وشو طواااااالي إذا كان ممعوووووط من الزول البغني ولا مبسوط من الأداء... السنة دي مااااااااااااااااا مركزين معاهو كده ناس الكاميرات ديل مااااااا عارف ليه....!!! الحاجة التانية... إنتوا يا أخوانا السنة دي محمد بشير بتاع البيز مافي صاح؟ ولا أنا تلفزيوني كعب؟
أي بصح يا هايل ولو داير المؤشر الأوضح لامن عوض أحمودي يقعد يرفع في كتيفاتو وينقز زي العربية الوحلانة لكن محمدية بعد مرات بتلقاهو مادي بوذو بلا سبب
07-17-2013, 09:57 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
الحلقة عن مبدعي الإعلام بدأت الحلقة بالفنان عبد الدافع عثمان وهو من مواليد حي الموردة بأمدرمان في 21 فبراير 1928 ثم انتقل الي العباسية ثم أخيراً إلى أم بدة السبيل، هو بن أخت الشاعر مبارك المغربي الذي كتب له معظم أغنياته وكان له الاثر الكبير في مسيرته ، بدأ عبد الدافع عثمان بترديد اغنيات الحقيبة حيث تبناه الفنان إبراهيم عبد الجليل وهو الذي أطلق عليه لقب الكروان ، في عام 1961 تم استيعابه موظفاً بالاذاعة في قسم السكرتارية بعد حادثة الطرماي التي فقد فيها ساقه اليمنى وظل بالاذاعة حتى 1993م ، تعامل مع عدد من الشعراء وله الكثير من الأغنيات الجميلة مثل (البحيرة) من ألحان عربي الصلحي ومرت الأيام وعش السعادة ، توفي في 25 أكتوبر 2010 . الأغنية التي بدأ بها البرنامج هي أغنية لحن الكروان كلمات وألحان مبارك المغربي أدتها فاطمة عمر جميلة في بدايتها ، لكن في (إعجابي بيك شديد) ظهر عيب يا السلم العالي أو عدم الحفظ والقراية من الورقة المهم انها لم تجدها كما بدأت.
الشاعر طه حمدتو الشاعر والمعلق الرياضي كتب عدد قليل من الاغنيات الجميلة منها "حبّي" غناها حسن عطية ، سالب فؤادي ، الوسيم القلبي رادو. ذكر السر قدور أنه - طه حمدتو- أول معلق رياضي وهذا ليس بصحيح فأول معلق رياضي سوداني هو علي الريح الصديق . الأغنية الثانية غناها جمال فرفور كأجمل ما يكون الغناء واستمتعت جداً بأدائه.
سيف الدين الدسوقي شاعر جميل له عدد من الاغنيات الجميلة التي تغنى بها محمد أحمد عوض ، وهو من مواليد أمدرمان عام 1936 ، عمل مذيعاً باذاعة أمدرمان ومديراً مناوباً لإذاعة وادي النيل . الاغنية الثالثة كانت (رغم بعدي برسل سلامي) أداها دويتو (نادر ومنى) مملة ورتيبة وما فيها اي إحساس ، ثم شنو حركة الجيم المعطشة في الغنا دي .
الفنان محجوب عثمان مواليد حي الدباغة مدني جاء إلى أمدرمان مع أسرتة وسكن بالثورة الحارة 26، له الكثير من الاغنيات الجميلة ، أول أغنية له كانت (القلب المأسور) مالو قلبي الأسروهو من كلمات علي محمود التنقاري وألحان عبد الرحمن الريح . ليه ليه يا النسيت أيامنا ليه الأغنية الرابعة والتي أداها معاذ بن البادية آداء عادي جداً وأقل من الوسط.
صلاح أحمد محمد صالح الصحفي والإذاعي والدبلوماسي التي التحق بالاذاعة عام 1950 وقبلها تغنى له الفنان عثمان حسين (ليالي الغرام) وأغنية يا غرامي وهي الأغنية الأخيرة في الحلقة والتي أداها طه سليمان وبدت باهتة ، غير اني احييه على شجاعته لاختيار أغنيات بهذه الصعوبة .
أوسكار هذه الحلقة في رأيي (كمستمعة) من حق الفنان جمال فرفور .. بكرة أحلى..
07-17-2013, 10:12 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
صلاح ود عبد الله .. يا قول سهرة النيل الأزرق.. للود قضية .. طه قصة لونو وإسلوبو دي كترت وانا بصراااحة بقيت شايفا مراااقة كده الناس التحب الفنان بتحاول تستخدما ك كرت مخارجة .. فوق قلت ليكم انا قصة الإسلوب دي ما عندي فيها إعتراض لكن كمان لمن يسلوبك يبقا في الاغنية ما كويس فما معناها نشكرك لمجرد إنك غنيتا بي إسلوبك.. يعني أسة انا ده جيبني ح اغنيها ليك بي إسلوبي ..والله إلا تطيروا من هنا :) :) :) طه ياخ فييي حتة كده وهو بيغني بي الفصحى قام قال الفـــراق بي القااا غنم دييك ما بي قااا قلم :) .. .. في اللحظة ديك حسيت بيهو طششش شديد وعاس الابري بي الحلو مر.. يا ابو صلاح ما أي أغنية الزول يغنيها رااايقة وبراااحة مفروض نقول أبدع.. طه ملاااحظ ليهو السنة دي عامل فيها طارح نفسو بيغني في الرااايق وفي البراااحة ..ودي النصيييحة شفتنة منو وبتدي إحساس إنو هو الحلقة الأقوى ونظااام الرااايق وقااايد الجلسة ..لكن لو ركككزت فيهو ح تلقاهو مااا طه المتوقع منو يكون الفنان القادم للسيطرة على الساحة ..
تخريمة : يا الخير والله معاذ عندو قمصان راااقية جدا جداً ..العجب قميص امبارح البلوو بي بني ..ياخ ده كان تطقيمة لون كده عجيييبة خارجة عن المألوف ..
07-17-2013, 11:25 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الأخ بشرى .. وفي رواية بعد العمر ده العم بشرى .. :) قبل أي شي مثالك بتاع الشكرو رقد ما في محلو ..ببساااطة لأني بكتب ما عشان الاقي شكر أو حتى الاقي نبز ..يعني لا بكتب عشان يمدحوني ولا بكتب عشان يذموني.. بكتب لييي بت أم روحي دي والحاجة الحسيتا وقلت أنقلا بدون ما أجملا .. يعني لمن أكتب ما بقول والله انا ح أكتب وأنتظر أشوف الجماعة إنبسطو مني وال زعلو.. بكتب لأني بكون حسيت إنو عايز أكتب..كمم حلقة من حلقات البرنامج ما أبديت فيها رأي..لأنو ما كان عندي رأي..يلا ما عشان كل يوم في حلقة ف انا لااازم أجي جاري وفي بالي والله في ناس منتظرني اكتب عشان يقروني .. ما أظن محتاج أحلف ليك لكن انا بكتب في سودانيز عموما متى ما حسيت اني عايز اكتب حاجة خير شر.. وبكتب في البوست ده تحديييدا لأنو حسيت إني عايز أكتب فيهو مع إنو البوست ده مدوور بي شاكلته دي 8 سنوات تقريبا ما أظن كنت نشط فيهو زي أسة .. بالنسبة لي موضوع أكرد وأكرت فوالله انا ما عارف نطقها الصحيح ولفحتها من هنا ده وما كنت بعرف إسم الزول ده إلا من خلال بوست لي أساسي جاب فيهو الكابلي بيعرف في الناس ديل في أرشيف.مع معجب بيهو جداً جداً وزمااان كتبت عنو كواحد من فرقة زيدان وما كنت عارف إسمو فتوضيحك ح يكون خير وبركة بس انا ما عارف الاسم بيتكتب كيف..
بالنسبة لي التاج مصطفى فانا قصدت بالحلقة الأضعف الاداء الصوتي للتاج مصطفى ..في نظري وتقييمي التاج مصطفى كان ملحن بااارع ووضع للغنا السوداني ده قوالب موسيقية ولحنية عجيييبة جداً ..لكن صوتو مش ولا بد.. لكن نحن عشان ناس زمان ديل خط أحمر والله قال بي قولنا لو جبنا سيرتهم.. ياخ ولدو يزعل مني في شنو ؟؟؟ انا قلت شنو يزعلوا ويزعل قبيلتو ويزعلك إنت زاااتك عشان تجي تكتب بي نفسك الحار ده معاي وتطلعني زول بتاع شوفونية يتبربر بي البرورة يا قول عادل امام وسعيد صالح..؟؟ انا قلت التاج مصطفى الحلقة الأضعف لأنو لو جينا قارنا أغنيات التاج مصفطى بي الاداء الصوتي فصوت التاج مصطفى زاااتو ما كان الصوت الشاذ والصوت الطروب لحد الإدهاش..ودي وجهة نظري انا .. فكونو انو اقول صوت التاج مصطفى ما كويس أو ما بيطرب تقوم قبيلة التاج مصطفى وولدو الدككككتور يزعل!!!!؟؟ فدي صراحة ما بلعتها.. بعدين ياخ ليي ما بفهم غنا التاج مصطفى ؟؟ يعني عشان إنت ما فهمتو لمن كان عمرك في التلتينات فمعناها انا ما بفهمو ؟؟؟ ما تعمم وتسقط تجربتك على الاخرين .. انا لمممن كان عمري 12 سنة بسمع أم كلثوم وبسمع حنان بلو بلو بسمع حنان بلولو لحدددي الساعة 10 مسا وبحضر ليها الحفلة وهي بترقققص ومرات بطلع معاها المسرح أرررقص..وبرجع عندي راديو وعندي سرير مختوت مخصوووص قصاد البلك عشان كنت بنوم بي الرادي على صوت ام كلثوم وتسجيلات الاغاني السودانية القديمة .. بفرز بتين أحب أنطط مع البعيو لمن يجيبوهو ..وبعرف بتين أسمع الجابري.. أبوي الله يديهو العافية ومع إنو زول دين بس كان لمن يسمع انو عرس ناس فلان بالجابري كان بيسوقني انا وأختي الصغيرة وانا الوقت داك عمري ما فات ال 15 سنة لأنو كنت بقول ليهو الزول ده غناهو سمح وانا بحب اسمعو.. معقولة عمري 15 سنة كنت بفهم غنا الجابري..يجي لمن عمري يبقا 35 سنة ما افهم غنا التاج مصطفى ؟؟؟!!!
عمر يا فاروق، ياخ والله بالغت، بالله أنا فارة للدرجة دي !! يغشنى أداء طه البرااااحة !! طه الضرس وعصام محمد نور، وياسر بورتسودان، وعمار السنوسي ، عندي وااااااحد، وعمري ما جبت سيرة الأسلوب قبل كده، عشان كده أنا براءة من القصة دي، لأنو الما بيعجبني بسلموا رأيي في يدو.. لأنو قصة الغنا دي لو ما كنت فيها محايد ومتجرد من أي عوامل مؤثرة فالرأي ما ح يكون سليم ..هذا أولاً .. تانياً، طه صوتو مميز فعلاً، علماً بأني ما عندي ليهو أيييي تسجيل، وبسمعو في حلة اليوتيوباب ،وحتى دي لماماً.. بكرة دي يغلط واللا يلخبت ، بديه حقو في يدو وهو ماشي.. الأغنية الغناها لعثمان حسين أداها كما يجب ، وأنا استندت في رأيي على سمعي الكتير ليها، وصوت طه (ولم استصحب صوت عثمان حسين ولا طريقة أداؤه ليها) تعاملت مع الموضوع بحيادية تامة، وطلعت برأيي القلتو ده، البيحسن بنشكرو، والبيجلبط بنلبعو.. وكونك تشوف إنه طه ما أداها كويس، فده رأيك الأنا بضارب فيهو عديل عشان تقولو واحترمو ليك.. الصوت عندي أساسي جداً، أي زول صوتو ما جميل ما بيسمع مني كلمة طيبة في حقو، ولو سألني برضو بسلموا رأيي في يدو وهو ماشي .. طه صوتو جميل يا عمر .. وبعدين إنت أسلوبك مالو، ما تغنيها لينا وشوف كان طرنا (شمار غناك واصلني يا حلو).. والله هسي تلقاك بتغني أحسن من نص البنسمعهم يوماتي ديل..
عمر كدي خليني النناغم جنابو ود السقاي ده... يا سعادتك ما تهرشنا بالله،، ده حجر على آراء الناس، كلامك غريب شوية !!! إنتو ناس بريطانيا ياخ أعرق الديموقراطيات في العالم، مفروض تعلمونا نقول رأينا، ونحترم آراء غيرنا ولو اختلفنا معهم ، وما نزعل منهم!! هسي أنا القدامك ده عندي رأي في صوت التاج مصطفى والكابلي وحمد الريح ومحمد الأمين، ونجم الدين الفاضل، وعبدالقادر سالم وعبدالعزيز المبارك ومحجوب عثمان وإدريس الأمير، وزيدان ووووووو ياخ تلات أرباع البيغنو ديل عندي رأي فيهم،، كان جات المناسبة ما أقول رأيي يعني واللا شنو!! ودون الناس ديل كللللللهم بيطربني جداً فنان قديم لكن مغمور إسمو بهاء الدين أب شلة، وده أظن ناس حلتهم بس سمعو بيهو، وشايفو أحسن من الذكرتهم فوق ديل كلهم، ما ده رأيي أنا ، وما ملزم لأي زول، و لا مفروض على أي زول!! وما أظن في زول ح يجي يقول لي ياخ معقول ود الأمين ما يعجبك ويعجبك الزول الما عارفين جبتو من وين ده!!!
برضو ، إختلاف الرأي (يجب ) أن لا يُفسد للود قضية،، دي ونسة يا سعادتك..
07-18-2013, 00:33 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: تحياتي للجميل الليندي والحبيب عمر الفاروق وكل الرائعين هنا
هذا خيط يحقق المتعة بصورة مدهشة والله
وأنا كالبقية أستمتع به لأقصى حد
Quote: - الأغنية التانية ( يا نسيم ارجوك ) وهي من كلمات الشاعر ( حسين محمد حسن )
حبيبنا الليندي
أنا على يقين أن شاعر هذه الأغنية هو الأستاذ العوض أحمد الحسين معلم اللغة العربية بالمدارس السودانية عليه رحمة الله
وقد كان أستاذي وأمين مكتبة مدرسة الخرطوم القديمة عندما كنا طلاباً بها ولكم قرأها لنا وروى قصتها النبيلة.
مودتي العميقة لك ولضيوفك الكرام.
شكراً كثيراً دكتور ( المعز عمر بخيت ) علي تصحيح المعلومة وحقيقي قبل أكثر من عامين سألت اللاخ والصديق ( الهادي التاج مصطفى ) عن شاعر أغنية ( يا نسيم ارجوك ) وأكيد هو قال ( العوض أحمد حسين ) وشكلي ما انتبهت للاسم ده ولانو كنت في بحث عن شاعر أغنية ( خدعوك ) والاتنسبت في الموقع ده وغيرو من المواقع الالكترونية للشاعر الراحل ( خضر حسن سعد ) ولمعرفتي بشعر ( خضر حسن سعد ) المغناة كنت أعرف أن أغنية ( خدعوك ) ليس ضمن أغانيه عموماً بعد ما اتحصلت علي معلومة أنو شاعر خدعوك هو ( حسين محمد حسن ) تداخلت معلومة الهادي وحتى لحظة كتابتك هذا التصويب كنت معتقد أها للشاعر ( حسين احمد حسن ) فشكراً للتصويب والشاعر ( العوض أحمد الحسين ) هو أبن عم الشاعر ( الحسين الحسن الحسين ) صاحب أغنية الكابلي ( إني اعتذر المعروف بحبيبة قلبي ) وأغنية البلابل ( رياح الشوق ) وايضاً أبن عم الشاعر ( تاج السر الحسن الحسين ) صاحب انشودة كابلي ( اسيا وافريقيا ) غايتو ( حسن وعوض وحسين ) عملت لخبطة شديدة لأنو في شاعر اسمو ( عوض حسن احمد ) عم الفنان ( جمال فرفور ) وصاحب أغنيتي ابو داوؤد ( فينوس وصغيرتي )
Quote: انا ما بعجبني طه الضرس دة نهائي ولا التاج مصطفى يا ربي كدة بكون مرقت من ملة الغناء
طارق جبريل ..القصة بقت أكبر من كده ..أكبر من الخروج عن ملّة الغنا .. القصة بقت في إنو القبيلة وأهالي بحري ولو كمان طه عندو زول دكتور ممكن يقيمو عليك الحد رسسسسمي
بالجد انا في طور الذهول ..وقريباً حا أتحول لي طور اليرقة ..تقول لي ثعلب ؟؟ هاااك الفوكس ده :) :)
07-18-2013, 01:06 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
عمر الفاروق وصلاح عبدالله تحياتى والله أحلى شىء (ونستكم !!) فواصلوا رداً على أو على غيرى !!أنا مثلكم رديت على وجه نظر عمر الفاروق من زاويتى الخاصه !!! ربما جاء إبنه دكتور محمد وقال لى (يا بشرى ود السقاى ضربك فى الجبل وكلامك ما صاح ) برضو وجه نظر أحترمه ، فالبوست مفتوح والقلوب مشرعة لكم بالوفاء والتقدير ورمضان كريم وأختلاف الاراء لا يفسد أى ود قديم كان أو جديد .
بالجنبة كده يا عمر الفاروق من 1982م وحتى 1988م ما خلينا حفله لى حنان بلوبلو فى الاندية جوار المطار لزيجات بنات وأبناء مطار الخرطوم وكم شاهدنا (لايف ) حنان بلوبلو وهى تقلع الحذاء وتكشف (حفيانة لمده نصف ساعة دون توقف . وأكيد فى حفلة للتاج والعاقب عليهم الرحمة ما فى أى نوع من أنواع الكشف التقيل .
يا جماعة تلعبو بلى إسيشن تمشو الاستيشن تجيبو ضيوف أو تودعوهم كلو جمييل ومطلوب !!لكن زيد الزبدة منو ؟؟؟ سيد الزبدة هو معد ومقدّم الرنامج الدكتور السر أحمد قدور لو قال (أشوها أشوها !!) هو أختار أن تكون الحلقة عن شخصيات إعلامية أختاره هو لشىء يعلمه ونحن مستمعين له ، ننتقد !!!، ما تعجبنا !!!المهم هو جدد ذكريات لمجموعة من (الجيل القديم جيل الازهرى وعبود !!وإمكن بدايات جيل نميرى ) المشكلة نحنا وبعضنا مصرين على أن نسمع أجيال الانتفاضة والديمقراطية الثالثة والانقاذ !! حقو ندى فرصه لى الايام القادمة ولسع الباقى 22 يوم إن شاء الله !! مش فى ناس فى رمضان بصلو التراويح فى 30 مسجد مختلف .
07-18-2013, 01:25 AM
الليندي الليندي
تاريخ التسجيل: 05-27-2002
مجموع المشاركات: 1188
Quote: متابعتنا أخى عمر لك وللأخ اللندى لا تجعلنا (فراجة عليكم ) ونحنا شفنا البحر لذلك لا تخلعنا الترعة !!! . * مقدم البرنامج مثل مدرب الفريق من واقع التمارين يختار تشكيلته التى يدخل بها المباريات الرسمية !!! الدكتور السر أحمد قدرو عمرو فى عالم الشعر والادب والفن والغناء والتلفزيون يصل ال60 سنه فهل نقول له جيييب فلان وخلى فلان !! ثم ثانياً من فرض (كسر رقبة ) على هؤلاء المطربين أن يقلدو القامى بالكربون ؟؟ إنما هى محاولات قد تنجح وقد تفشل وفى النهاية لهم أجر المحاولة وتنشنيف الآذان بهذا الفن السودانى والذى رغم إعتزازنا به لا يحضرة غير السودانييين .
حاشا وكلا يا عزيزي بشرى عن نفسي اتمنى مشاركة اي شخص وبستفيد من أي مشاركة مهما كانت ضئيلة وكل ما ارجوه أننو نستفيد ونعرف المعلومة الحقيقة ونكون ادينا كل من كتب أو لحن أو غنى وأضاف لخارطة الغنا السوداني الجميل حقو كاملا يعنى البوست توثيقي اضافة للانطباعات الشخصية ولست لدي رأي في شعر عمنا ( السر احمد قدور ) ولكن أن يكن للأن عمره في عالم الشعر والغناء ( 60 عاماً ) هذا لا يمنعنا أن نصوبه وأن ننتقده عندما يتحدث بمعلومات خاطئة وبرنامج ( أغاني وأغاني ) يحظى بنسبة كبيرة من المشاهدة وعمنا السر قدور كثير ما يضلل المشاهدين بمعلومات خاطئة وكثير ما يقدم الأغنيات دون ذكر شاعرها وذلك لن ندعه يمر في النسخة السابقة ذكر أن أغنية ( زمن الربيه هلا ) من كلمات الشاعر ( سيد عبدالعزيز ) وهي للشاعر ( مصطفى بطران ) وفي هذه النسخة لم يذكر شاعر أغنية ( عليك النبي - هوج الرياح - يا نسيم ارجوك ) وفوق ذلك يرفض أن يصححه أحد كما قال أنو بقدم المعلومات دي من راسو يعني حكي وطالما أنو اختار أن يقدم البرنامج من المفترض أنو يحضر ليهو ياخي ( بابكر صديق ) مقدم نجوم الغد ذك رت ليهو مرة أنو كتبو علي الشاشة في أحد الحلقات ( من يعيد لبعيد من كلمات محمد بشير عتيق والحان وغناء كرومه ) رغم أنو الأغنية الكان بتتغني هي ( من بعيد لبعيد - كلمات محمود حسين الخضر - الحان عبدالتواب عبدالله - غناء مصطفى سيد احمد ) فكان ردو ليه ما رسلت ايميل وأنو كتير ما بتجيهو الأغنيات من مكتبة الاذاعة وفيه خطأ لاسم شاعر أو ملحن وذكر أنو أغنية ( اجري يا نيل الحياة ) كتبو من الحان الموسيقار ( برعي محمد دفع الله ) فاتصل بيهو أثناء الحلقة الموسيقار ( بشير عباس ) وقال ليهو الأغنية من الحاني وانا ده شرف لي أنكم ترفعوا مقامي لمقام برعي لكن لايصح الا الصيح وأنو المشاهد تصلوا معلومة صحيحة ، بالنسبة للتاج مصطفى يا عزيزي بشرى أبنو ( الهادى التاج مصطفى ) متابع للبوست ده وما زعل قدر زعلك ده فمن حق اي شخص يقول ما يعجبه وما لايعجبه طالما ليس هناك اساءات شخصية ، بالمناسبة أنا قلت أنو برنامج أغاني وأغاني خصم الكثير من ( معتز صباحي ) وقلت أنو معتز ما بعرف يتعامل مع المايك وأنو ببخرب الغناء لانو بدخل ادء خليجي في الاغنية رغم أني متزوح ابنة خالو لزم لكن من حقنا أن نقول ما نراهو ومن حقك تقول ما تراهو
سلمت من كل شر عزيزي بشرى
,,,,
07-18-2013, 01:47 AM
بشرى مبارك ود السقاى بشرى مبارك ود السقاى
تاريخ التسجيل: 08-21-2012
مجموع المشاركات: 1028
شكراً أخى اللندى وأنت ترد أنك تريد التوثيق والتصحيح وهذا ما جعل للبوست متابعين كُثر ، صراحة أنا لم أزعل رغم أن ردى فيه ما يوحى بأننى زعلت !! أولاً ليس لى أى علاقة من قريب أو بعيد بالراحل التاج مصطفى ولم أشاهده فى حياتى ولم أحضر له حفلاً إطلاقاً !!تربطنا فقط القبيلة الواحده والمنطقة غرباً وشرقاً ،طالما ذكرنا الضعف عند المطرب يجب أن نذكر مواقع القوه حتى نكون منصفييين ، لأنك تحاول أن تحكم بميزان فيه الحسن وفيه دون ذلك فلا تذكر واحده دون الاخرى !! هذا رآى فى أمر النقد والذى يتخصص فيه الاخ عمر الفاروق . أما أنت فموضوعك (توثيق وتصحيح معلومات عن الشعراء والقصيدة والذى أداها ولا شك أننا أستفدنا وأستفاد التوثيق من ذلك فواصل وأجتهد بارك الله فيك ) ، أما حكاية ذكر القبيلة والمنطقة فقد يكون من (باب المعلومات وزيادة المعرفة بالمطرب أو الشاعر )وربطها بمواضيع تتعلق بتراث القبيلة وهو لا شك تراث سودانى أصيل يصب كله فى قناة واحدة تمثل ذلك السودان الجمييييل بأهله .
Quote: طارق جبريل ..القصة بقت أكبر من كده ..أكبر من الخروج عن ملّة الغنا .. القصة بقت في إنو القبيلة وأهالي بحري ولو كمان طه عندو زول دكتور ممكن يقيمو عليك الحد رسسسسمي
بالجد انا في طور الذهول ..وقريباً حا أتحول لي طور اليرقة ..تقول لي ثعلب ؟؟ هاااك الفوكس ده :) :)
07-18-2013, 02:10 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
Quote: ودون الناس ديل كللللللهم بيطربني جداً فنان قديم لكن مغمور إسمو بهاء الدين أب شلة، وده أظن ناس حلتهم بس سمعو بيهو، وشايفو أحسن من الذكرتهم فوق
صلاح انت زول كارثة واضانك نضيييييفة ياخي الراحل ( بهاء الدين عبدالرحمن ابوشلة ) ده يكفى أنو كان الملاذ لكل من ( محمد الامين - ابوعركي - خليل اسماعيل - اسحق الحلنقي - صالح الضي ) كانو ساكنين في بيتو فترة طويلة والملحمة ( قصة ثورة ) طلعت من بيتو وشارك فيها بالكوبلي
الشارع ثار غضب الامة اتمدد نار والشارع ثار والكل يا وطني حشود ثوار والشارع ثار
تعرف الراحل ابوشله لو ما الاغتراب كان حيكون زيو وزي وردي ومحمد الامين وعثمان حسين هسه زي ابوشله ده ما المفروض عمنا قدور ده يقدم حلقة عنو ، لكن نحن دوما هكذا ننسى من ساهم ومن رتق وجداننا غايتو ابوشلة ده لوما غني غير الكوبلي
مهما امري يهون عليك لو شقاي في الدنيا بيك برضي ديمة احن اليك قدر ايه شوف حبي ليك
لكفاه ذلك صوت دافي ورويان غايتو بعد ( مهما امري يهون ) عليك الفهم كمل عديل ووجب النوم مع الالياذة دي وبكرة نواصل
مهما امري يهون عليك كلمات - محمد محمد صالح بركيه ألحان - موسى محمد ابراهيم غناء - بهاءالدين عبدالرحمن ابوشلة
،،،،،
07-18-2013, 02:45 AM
الليندي الليندي
تاريخ التسجيل: 05-27-2002
مجموع المشاركات: 1188
Quote: لماذا. لماذ يدور الحديث فى اغانى واغانى. وتغببر البرنامج وعدم جدواه. ويناصر البعض ويختلف اخرون يتكلمون عن لبسه معتز صباحى و عدم اشراك فلان وتغيير الاشخاص واهليه البعض وعدمها عند اخرون ونجاح فلان فى الاداء واخفاق الاخر و. وو وووووووو. ولا احد يتكلم عن الاداء عند الفرقه الموسيقييه ولا عن التزامهم ولا عن مايبذلون من جهد خرافى لصناعه هذا البرنامج ويعدلون ويعيدون ويلقنون احيانا وو ووووووو ولاحياه لمن تنادى. لا تغضبوا منى اذا قلت ان فينا جهلا كبيرا. وعدم اهتمام با لموسيقى فلا عجب ان ضاعت. فرقه السمندل منا. ولم تنجح الموسيقى ابدا من غير مغنى. فى هذا الوطن ....... ماعارف بعد كده اقول شنو مع احترامى لكل الازواق. والاتجاهات. على فكره فكره اغانى واغانى اساسا نبعت من الشفيع عبد العزيز وسعد الدين الطيب فقط انظروا كم من شخص ركب وتلى الامر ونسب له النجاح. حاجه غريبه. ولسه راجيكم با الكثير خلف الكوليس بس شويه كده خليكم معانا. بعين مفتوحه
من صفحة الاستاذ سعد الدين الطيب في الفيسبوك
07-18-2013, 06:07 PM
بشرى مبارك ود السقاى بشرى مبارك ود السقاى
تاريخ التسجيل: 08-21-2012
مجموع المشاركات: 1028
الاخوان الكرام هذه مناسبة نترحم فيها على الرائع الفريق أول شرطة أبراهيم أحمد عبدالكريم صاحب البرامج العديدة الرائعة فى خارطة الغناء السودانى وبرنامجة (نسايم الليل ) وشعره الرصين وتقديمة الرائع لأهل الفن وخاصه مطربى الحقيبة ، اللهم أغفر له وأرحمة وعافه وأعف عنه وأكرم نزله ووسع مدخله وأغسله بالماء والثلج والبرد . الفريق أول شرطة أبراهيم أحمد عليه رحمة الله لو تعلمون كان أكثر مطرب يعجبه ويرتاح له هو المطرب زكى فارس شقيق اللاعب والمدرب المشهور سليمان فارس (السد العالى ) الذى لعب للأهلى القاهرى فى فترة الستينيات من القرن الماضى ، أنا شخصياً لم أستمع لهذا الفنان والمطرب ولا أعرف عنه أى شىء فهل تكرم الاخ اللندى بتعريفنا عليه ويا حبذا لو وجد له تسجيل لكى نسمع صوته . أنا شخصياً كان يطربنى منذ المتوسطة مطرب السقاى ومدرسة الكباشى المتوسطة عمر النورانى الشريف وحتى هذه اللحظة أستمتمع بأغنية (الكنينة يا رطب الجنينة ) فقد غنوها فى العام 1972م فى الجمعية الاديبة والتى كان يشرف عليها الاستاذ أحمد محمد شريف كندورة عليه رحمة الله ، وأتذكر كيف كان يصغى لهم وطلب منهم مرتين إعادتها ، غنوها أآ الكنينة يا رطب الجنينة ثنائى (عمر النورانى والبدرى زين العابدين ) والبدرى هو إبن المادح المشهور والمعروف زين العابدين عبدالله حاج البدرى الشريف عليه رحمة الله . عمر النورانى كان مطرب المنطقة وقد جاب ربوع السودان فى السبعينيات والثمانينيات من القرن الماضى وكان ما يميز عمر النورانى الفرقة المصاحبة من الكورس والايقاع والمندلين وهم من أبناء السقاى وكذلك كان يتغنى بأشعار شاعر السقاى الفذ عبداللطيف الشيخ عليه رحمة الله والذى تغنى له المطرب المعروف والمشارك الان فى أغانى وأغانى (جمال فرفور ) وسوف آتيكم بأغنية الشاعر عبداللطيف الشيخ التى تغنى بها جمال فرفور . الاخ عمر أعتزل الغناء منذ فترة طويلة التحية لهم فقد أطربوهنا فى شبابنا .
07-18-2013, 07:15 PM
بشرى مبارك ود السقاى بشرى مبارك ود السقاى
تاريخ التسجيل: 08-21-2012
مجموع المشاركات: 1028
ناصر يا ليندي ، كتر خيرك على الغنية ياخي.. بالله كمّل جميلك وأدينا رابط الحفظ.. أقول ليك كلام هنا ده في بوستك ده، وما أظن إتقال قبل كده،، الراحل مصطفى سيدأحمد كان معجب بهذا البهاء إعجاب شديد وكان بيفتش على أي أغنية ليهو، فأهديته شريط كامل لبهاء الدين (تصدق) شريط كامل كنت سجلتو من سهرة إذاعية مع أب شلة،، وللأسف ما عملت منو نسخة.. بالمناسبة مصطفى سيدأحمد كان معجب أيضاً بتلاتة فنانين غير أب شلة، ولكني أحجم عن ذكر أسمائهم في الوقت الحاضر..
عليك الله لنك الحفظ..
07-18-2013, 08:08 PM
omer osman omer osman
تاريخ التسجيل: 06-09-2007
مجموع المشاركات: 15218
غايتو يا الليندي حلقة الليلة دي إلا تعمل فيها حركة الصحفيين لمن ما يلقى ليهو موضوع بيقول ليك صفحة اليوم مع القراء وأرسل لي قارئ تعقيب و و :) :):) الليلة الشعر واللحن والغناء حق زول واااحد :)..
الحلقة من الحلقات اللي دمها خفيف أو في رأيي هي حلقة لطيفة .. ما حلقة بتاعت حكي وكلام ..كانت حلقة بتاعت بهجة وهجيج بي المقام الأول.. غايتو وانا متأكد كل الناس ح تأمن عليها إنو نطيط أحمودي ده بالحلقات كلها.. وأيي زول في الدنيا بيستمتع بي هزة عوض أحمودي المميزة ونقزتو لمن يوقف العزف على العود .. لكن كالعادة المخرج إتعقد وتوووشك شال الكاميرا منو وودانا لي المغنيين .. الحلقة أخرجت أحمد المأمون من وقاره الغنائي ولأول مرة أشوفو بيندمج في الغنا ويتحرك بي أريحية بدون ما يتقمص دور المغني الجامد..ودي يبدو إنو ليها علاقة بي إنو الفنان عاايش الفترة الاتغنت فيها الحاجات لأنو دي الاغاني الطالعة موضة الأيامات دي وعادي جداً كل الفنانين ديل بيغنوها في الحفلات.. بلال موسى تبدو من ملامحه إنو زول طييب وعلى نياتو وحتتى تقاطعو مع الفنانين ما كان بقصد إنو ما تغنو براكم وإنو لااازم يغني ..بتحس بيهو هو زاااتو الاغاني دي عاجباهو .. بس النصيييحة كفكرة عامة الكلمات عااادية والألحان عااادية وصوت بلال أكتر من عااادي لكن رغم عن كده بتحس إنو الحلقة لطييفة ..ليي ما عارف.. الغريبة حصلت لي زي صدمة ووالله اقول الكلمة دي بمعنى الكلمة الواااحد ده..لأنو في الفاصل حوولت اشوف الملك صلاح بن البادية ..ذهلت تماااماً وصدمت للنقلة الحصلت لي من إستديو جااايط وناس كتااار لي إستديو مرتب وقعدة رااايقة.. من فرقة موسيقية كل فردة من بلد لي فرقة موسيقية مرتبة ومهندمة .. من كورجة بتاعت الات جايطة مندلين وبنقز وأورغنين ..لي لحن موسيقي إنسيااابي .. ثم من أصوات مزعجة مزععععجة لي صوت طروووب طروووب طرووووب ياااخ.. يا صلاح بن البادية ياخ الله يحفظ ليك صوتك الجرس ده ..والله يحفظك ..
07-18-2013, 07:25 PM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
Quote: الغريبة حصلت لي زي صدمة ووالله اقول الكلمة دي بمعنى الكلمة الواااحد ده..لأنو في الفاصل حوولت اشوف الملك صلاح بن البادية ..ذهلت تماااماً وصدمت للنقلة الحصلت لي من إستديو جااايط وناس كتااار لي إستديو مرتب وقعدة رااايقة.. من فرقة موسيقية كل فردة من بلد لي فرقة موسيقية مرتبة ومهندمة .. من كورجة بتاعت الات جايطة مندلين وبنقز وأورغنين ..لي لحن موسيقي إنسيااابي .. ثم من أصوات مزعجة مزععععجة لي صوت طروووب طروووب طرووووب ياااخ.. يا صلاح بن البادية ياخ الله يحفظ ليك صوتك الجرس ده ..والله يحفظك ..
يا ود الفاروق بارك الله فيكم وكتر خيركم انت والليندى وضيوفكم الكرام من يوم 5 رمضان وللى هو بعد حلقة الراحل الحوت رحلنا بى غااادى وبنجى نتابع اغانى واغانى من هناااا وبالله عليك تانى مافى حاجة توديك بى غااادى وقت تمشى بى غااادى البى يمتعنا هناااا منووووو الليندى زول فنان وبتاع توثيق لكن ما بعرف يسلخ بالله لو مهم شديد ركز على اعادة الملك الساعة 1 ونص رمضانك كريم : : : : مع التحيات لله الزاكيات
07-18-2013, 07:21 PM
الليندي الليندي
تاريخ التسجيل: 05-27-2002
مجموع المشاركات: 1188
Quote: الفريق أول شرطة أبراهيم أحمد عليه رحمة الله لو تعلمون كان أكثر مطرب يعجبه ويرتاح له هو المطرب زكى فارس شقيق اللاعب والمدرب المشهور سليمان فارس (السد العالى ) الذى لعب للأهلى القاهرى فى فترة الستينيات من القرن الماضى ، أنا شخصياً لم أستمع لهذا الفنان والمطرب ولا أعرف عنه أى شىء فهل تكرم الاخ اللندى بتعريفنا عليه ويا حبذا لو وجد له تسجيل لكى نسمع صوته .
العزيز بشرى المطرب الذى تقصده هو ( ايوب فارس ) شقيق لاعب الهلال ( سليمان فارس ) وايوب فارس من سكان الدناقلة شمال ولكن ارتبط بالصبابي ولعب ( ايوب فارس ) لفريق الاتحاد ورغم أنه كانت له لمسات سحرية إلا أن ضعف بنيته جعله يتجه للتدريب فدرب فريق الكفاح البحرواي وكان يسمى بفنان المثقفين وقد تعلم منه الفنان ( جمال فرفور ) الغناء وايوب كان فنان قعدات لذا تجد تسجيلاته الموجودة بالكبريته ومن اكتر الفنانين الغناهم قريب من اسلوب ( ايوب فارس ) الفنان الراحل ( محمد احمد عوض ) وايوب ليهو طريقه واسلوب متفرد في الآداء بيغني الاغنيه زي مابيسمعها ولكن بيغنيها باسلوبه المتفرد والممتع
،،،،،،
07-18-2013, 07:30 PM
الليندي الليندي
تاريخ التسجيل: 05-27-2002
مجموع المشاركات: 1188
هههههههه ... والله الليلة يا الليندي ذكرتني أشرف الكاردينال قال هو شاعر عظيم ومجيد في حلقة مع الكوباني .. وكتب ملحمة عن السلام .. أها الكوباني قال ليهو أدينا نموذج.. الكاردينال قال : وبدل اللغم نزرع قصب .. :) :) :)
وتاااني توووبة ..توووبة توووبة :):)
07-18-2013, 07:45 PM
الليندي الليندي
تاريخ التسجيل: 05-27-2002
مجموع المشاركات: 1188
جد اسف لعدم تمكني علي التعليق علي الحلقة الماضية لظرف خاص لاحظت ان مظم المتداخلين يختلفون حول من يغني وكيف يغني مع ان في اشياء اساسية تكنيكيه بتفوت عليهم ويجب التعليق عليها لا ادري مع ان الخلاف حول المغنيين يخضع للمزاج الشخصي في الغالب لكن في النهايه المتخصصون يجب احترام ارائهم والاحظ هذا العام اختفي الكثير من المختصون في مجال الموسيقي اذ لم ار تعليق واحد للاخوه ساطور او طراوه او عزيز او الموصلي او ضياء الدين وهؤلاء شاركوا في السنين الماضية بتعليقات مفيده اضرب مثال باغنية وداعا يا غرامي التي غناها طه سليمان في الحلقة الثامنه رغم وجود عازفين خبره امثال اكرت وهذا اسمه و محمديه ارتكبت الفرقه خطأ كبير في لزمه غنائيه كاملة تم عزفها بطريقه واحده ومكرره مع ان توجد اكثر من لزمه في الاغنيه يمكن ان ينتبه لها حتي مستمع عادي لاغاني عثمان حسين كيف فاتت عليهم لا ادري ؟ بخصوص سؤال هايل الزين عن محمد بشير لو لاحظت في حلقة اليوم التي غني في بلال موسي مع فرفور عزف محمد الفنان ظاهر بشده فعلا افتقدنا القصاص وابداعاته اجد ايضا اخي عمر الفاروق تحامل علي فناين امثال التاج مصطفي او محمديه وهؤلاء يعتبروا من اهرامات الغناء السوداني ولو اتينا للاصوات وشرحناها لما استمعنا او استمتعنا بالكثير جدا من مطربين رواد لا داعي لذكر اسماء
اما بخصوص معتز صباحي الذي نقر طاره معظم المتداخلين اني اراها من اجمل الاصوات في الساحة الان لا بل من اجمل الاصوات في البرنامج لكن المشكله في طريقة الاداء فلو استعمل معتز مايكفرون عادي كما محمد الامين او محمد وردي لا ختلف اداؤه
ساورد اغنيه له واستحلفكم بالله ان تستمعوا اليها وتقيموا صوته
07-18-2013, 09:48 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
الحلقة كانت مع الفنان بلال موسى ، لقد ظهر بلال موسى في بدايات الثمانينات باغنيتيه الشهيرتين أربعة سنين وصحوة ضميرك ، وكانت قوية وقتها ثم اختفى سنيناً طويلة لم يشارك فيها ولم يظهر في اجهزة الاعلام ، الا ان عاد مرة أخرى بقوة قبل سنتين، بأن ظهرت نفس الأغنيتين وصرنا نسمعها في الاسواق والحافلات ثم اذاعات الإف إم ، وبانت الأغنيات كأنها جديدة في زمن كانت الساحة متعطشة فيه للجديد. كل الأغاني التي تغنى بها هي من كلماته وألحانه .
بدأت الحلقة بأغنية أنا راضي وتغنى بها أحمد المأمون وداخله فيها الفنان بلال موسى وغناها بطريقة جميلة.
الأغنية الثانية كانت (الحنّة) غنتها فهيمة وهذه هي الاغنيات التي تظهر فيها فهيمة كل امكانياتها ، غنتها جميلة جداً وامتعتني.
الأغنية الثالثة كانت صحوة ضميرك غناها جمال فرفور بإحساس عالي وسلطنة ولا بعد كده وتداخل فيها أيضاً الفنان بلال موسى.
الأغنية الرابعة كانت (قول الفي بالك) وتغنى بها الفنان بلال موسى الكلمات بسيطة وجميلة واللحن مناسب للكلمات وكانت جميلة.
الأغنية الخامسة ولها أثر كبير في نفسي وأحبها جداً هي أغنية (أربعة سنين) وغنّاها نادر عثمان وتداخل فيها بلال موسى بدت جميلة ، ثم كل حاول ان يسمع صوته ، نادر يعلي وبلال موسى يعلي واتلخبطت الأغنية ولم استمتع بها أبداً.
الأغنية السادسة كانت (تاني توبة) غناها الفنان بلال موسى ، الحقيقة لم استمتع بها لا لحناً ولا كلمات واظنها اقل مستوى من اغاني بلال موسى هذا رأي لا يرتكز على أي شيء غير احساس المتلقي.
الحلقة في مجملها جميلة ولكني اعيب على الفنان بلال بوسى أنه لم يعط الفنانين الفرصة الكاملة حيث شارك في كل الأغاني وذكرني بالاستاذ عثمان مصطفى في الموسم السابق . وملاحظ غياب معتز صباحي من المجموعة وإضافة عازف المندلين للفرقة.. بكرة أحلى ...
07-18-2013, 10:14 PM
Khalid Saeed Khalid Saeed
تاريخ التسجيل: 12-12-2005
مجموع المشاركات: 2605
يا طارق ميرغني معتز صباحي صوت ختري أنا ما عارف أستاذ الموصلي كلامو في صوتو وطريقة شغلو شنو . بس الداير أقولو ليك عنو الزول ده لو لقوهو المهتمين بالغناء في أمريكا . ليلة القدر وجاتو . جد يا طارق الزول ده فنان وفنان كاسح وما مفضل شيئ . الزول ده يوم الليلة هو الصوت الاجمل في السودان وبدون كلام . ألف شكر علي جلب الشريط المتين .
07-19-2013, 12:19 PM
شهاب الفاتح عثمان شهاب الفاتح عثمان
تاريخ التسجيل: 08-28-2006
مجموع المشاركات: 11937
الحلقة التاسعة و الاصيل الراقي بلال حلقة جميلة وخفيفة وسريعة ..
اختلف الاحباب في تقييم حنجرة ودور الفنان جمال فرفور في البرنامج, والاختلاف اسلوب حياة !, كلمة واحدة في الحلقة تعبر عن دور جمال ( ياعمدة ) من فم قدور , تعاقب اجيال لابد لهم من عمدة , كابتن بارز في الفرق الرياضية , حكيم خبير شخص يقول كنا هنا قبلك .. بجمال ويا لجمال العلاقة بين القدور وجمال ! ..
لقطة اليوم : حمودي والقدلة الطرب . متعة !. وذوق اليوم : سماح الفنان بلال للشباب باداء اغنياته واظننا سنسمعها مرارا في القريب .
وياخي توبة لاريد لاغرام لاخطوبة .. عرس بس :)
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
07-19-2013, 02:20 PM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9026
والاحظ هذا العام اختفي الكثير من المختصون في مجال الموسيقي اذ لم ار تعليق واحد للاخوه ساطور او طراوه او عزيز او الموصلي او ضياء الدين وهؤلاء شاركوا في السنين الماضية بتعليقات مفيده
العزيز طارق
ناس دار الرياضة ام درمان السنة دى مع بشرى مبارك قاموا بالواجب وزيادة وكفوا اهل العريس تب لوووووول. يااخ الواحد مستمتع باى فاول وكرت اصفر Loool.
افتقد عزيز خطاب السنة دى وحلقة الليلة غناها كان يصلح لرحلة لجناين توتى ومعاها عضة بالشطة والليمون والواحد بيشوى وبشيل مع الفنان والشباب. غنى مستهلك . مافى داعى للصوت والصورة بلا نيل ازرق بلا نيلة.
07-19-2013, 08:06 PM
Haider Elsheikh Haider Elsheikh
تاريخ التسجيل: 03-28-2013
مجموع المشاركات: 10
اليوم حضرت البرنامج ولكن استمعت لصوت وعلي حسب ذوقي البسيط للغناء لم استطيع التجاوب معه رغم تأثير الاغنية كلمات ولحن علينا باصوات العديد من الذين رددوها،،،،، وعلي حسب راي الشخصي انه شكلا ومضمونا لا يمثل معني كلمة فنان اما الصوت فلا ادري من الذي اجرم في حق هذا الشعب كما فعل ثلة من الآخرين باعطاءه جواز الفن ليذج به ويكمل الناقصة،،،،،،
أخذ السر قدور من بداية الحلقة 3:28 دقيقة لم أفهم منهم شيء.
بدأت الحلقة بأغنية (الفي دلاله) كلمات الشاعر سيد عبد العزيز وألحان الحاج سرور أداها فرفور جميلة جداً ولم تعجبني دخلة نادر الفجائية والتي فاجأ بها الفرقة ولاحظت ذلك في ملمح اسماعيل عازف الكمنجة وجاءت دخلته مربكة قطع علي متعة الاستماع لفرفور، هنالك بعض الأخطاء في الكلمات "نظرتك" بدل "رأيتك" وخطأ في ترتيب الكوبليهات.
(جاني طيفو طايف) غنتها فاطمة والحقيقة استوسمت خيراً في البداية وأول ما دخلت على الكوبليه بدأت بالـ(مطّات) أثناء الكلام وفي نهايات الجمل وضاعت عندي جماليات الأغنية. جاءت ملاحظة السر قدور ان أغاني عبد الرحمن الريح في مستوى ناعم يقصد هدوء السلم وأظن أنه كالعادة ناقد نفسه بنفسه.
يا عازة الفراق بي طال كلمات العبادي وأداها معاذ بن البادية وكانت جميلة جدا واستمتعت بها.
(جسمي المنحول) كلمات محمد بشير عتيق وأبدع في تجلي وصف حالة من العشق، ولم تبدع نسرين الهندي هذه المرة حيث وضعت نفسها في محك نانسي عجاج بداية ثم أعقبتها بمصطفى السنّي ، رأيت نانسي في الشق الأول ومصطفى في الشق الثاني (كيف حبّي) وطلعت برة الزمن في (حلمك يا جميل) فهذه الطريقة في الغناء (الوقفة أو السكنة) عرف بها الفنان عبد العزيز محمد داؤود فقد كان يغني بصوت جهور ولوقفته تنبيه للكلام وللتفاخر ، وأجاد هذه الطريقة الفنان مصطفى السنّي ، وليس عيباً ان نأخذ من روعة أداء الفنانين ما يناسبنا فقط في إطار المناسب لطبقات وطبيعة الصوت ، وطبيعة صوت نسرين الانثوي لا تتماشى معها الوقفات القوية و(الذكورية البحتة) فيجب ان تغني بانسيابية رقيقة . لفت نظري (الله الله الله) ولم يعجبني ابداً وأحسسته ارتجالياً في غير محله. خروج عن الزمن في بداية الكوبليه الأخير وفي قفلة الأغنية وهناك ايضاً أخطاء في الكلام.
(فلق الصباح قولي) خليل فرح أفندي وكرومة وعودة جميلة وقوية وطروبة لمعتز صباحي أداها بطريقته هو ، لم أسمع فيها التقليد الأعمى للكاشف أو بادي محمد الطيب فأطربني وأنعشني وبث في روح التجاوب مع الحلقة من جديد.
(خلي العيش حرام) والله حرام يا مصطفى ما تغني كل يوم ، من كلمات أبو صلاح وألحان كرومة وأداها مصطفى السني كأجمل وأمتع ما يكون الآداء وكان ختامها مسك وعنبر وكل عطور الدنيا الجميلة ، ولو كنت قائد هذا الركب لأوقفت كل الأستديو فخراً بصوتك.
اوسكار هذه الحلقة في رأيي لاثنين مصطفى السني ومعتز صباحي .. وبكرة أحلى
التعديل في أغنية فلق الصباح وهي كلمات وألحان خليل فرح وغناها كرومة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حمزة الحسين
داليا حافظ
الرفاعي عبدالعاطي حجر
Emad Ahmed
الليندي
إبراهيم عبد الحليم
يحي قباني
MOHAMMED ELSHEIKH
عبير خيرى
الخير محمد عوض
بشرى مبارك ود السقاى
أمين محمد سليمان
عمر الفاروق
Hisham Osman
سيف الدين محجوب
طارق جبريل
حمد عبد الغفار عمر
Dr. Moiz Bakhiet
عبدالمنعم الطيب حسن
ودالعباسية
بدرالدين بابكر مصطفى
Osman Musa
omer osman
خالد عبد الله محمود
abas
khaleel
Khalid Saeed
د. ياسر عبد القادر
Elmosley
شهاب الفاتح عثمان
عزالدين عباس الفحل
Haider Elsheikh
فيس بوك
تويتر
انستقرام
يوتيوب
بنتيريست