|
خربشات ناعمه
|
شيخ حلتنا دا ما عاجب زول نهائي لا نسوان ولا رجال ولا الشفع زاتهم رغم انو يوماتي بقسم ليهم صينية البسبوسه رغبة منه في تربية جيل قروي خانع خاضع لايص كايس. المهم اجتماعات كتار ما فادن في تنحي الراجل عن شياخة القريه المجيده ..ما انسي انو هو اغني زول فاتح بيوت كتار مشغل عشرات في مزارعه المهم الراجل في يوم اقترح علينا مافي داعي الناس تاكل مرتين في اليوم تاكل مره وحيده وتشرب شاي ونقلل من شراب البن من باب التقشف وكدا في ناس مرضي كيف يعيشو بوجبه وحيده ؟ طوالي قال انا زاتي مريض اي مرضان يجي الديوان حقنا الاكل للوجبات الفوق القانون علي انا دا. بس بالليل بنتونس قمنا قلنا لابد ندخل الغابه بس مافي عندنا غابات اقترحت نمرق للقتال بعد نحفر خنادق نتخندق فيها اشان الجيش واقف معاه بجي يرشنا رش الجراد في الصحرا والجبل العايشين فيها دي المهم قسمنا المكان لكم متر كم متر وبدينا الحفر الاسبوع الاول في امان الله عدس كسره ناشفه بلحات يتقسمن بينا والحال في امان الله ونحن كلنا تسعه مافينا خوان ومستمر الحفر الي ان فجاتن قلت ليهم هوي رايكم شنو نستفيد من حجارة الخنادق دي كييييف نجيب جهاز دهب يمكن نلقي شي وفعلا جازفنا جهاز بالدين واول خندق دخل فيه قعد يكورك تحتي دهب تحتي دهب خمينا الشي في شوال وقعدنا ليلنا نرقص ونغني لامن الشمش شرقت نحن في سوق اتبرا وجدنا عشره كيلو دهب من اول صفيرة الجهاز يتبع
|
|
|
|
|
|
|
|
|