|
|
 Re: السوداني الأصيل د. جون قرنق (Re: مجدى محمد مصطفى)
|
أنا جيت مع الوفد , الأخ الفريق أول فتحي , هم زائرين من التجمع الوطني , وده تأكيد أنه انتم الحياه بتاعكم مؤمن , الأمن بتاعكم محفوظ , الوجود بتاع الوفد ده بيضمن الكلام ده.
ياااااه , ترى كيف شعر هؤلاء الأسرى عند سماعهم لذلك , حاجه زي ما تكون محلق في العلالى وفجأه .... في سكون , وهذا بالضبط ما حدث , بدأ الأسرى في التصفيق وتهللت أساريرهم , بالله تخيل أنك ضعيف لا حول لك ولا قوه , وتحت رحمه مسلحين و يوجد بينهم غاضبين , وتتوقع الموت في كل لحظه وفجأة يأتيت من يقول لك – (أنت في أمان) ومن من , من القائد العام شخصيا .
شعور رائع وجميل أن تشعر بالأمان أليس كذلك!
واصل الدكتور قرنق حديثه قائلا:-
ثم حيحصل شنو , مصيركم حيكون شنو, بعد ما تم أنقاذ حياتكم ده في يد ربنا , ياهو الجابكم أنتو بره من الموت.
الفتنه الجات جابو حكومه الجبهه , وزي ما أنتو شايفين نحن مع التجمع الوطني ما عندنا مشكله ... وفي كلام كتير حيتقال لكن الشيئ الأول الذي أريد ان أأكده لكم بوجود الفريق أول فتحي والوفد المعاهو , أنه الأمان بتاعكم مضمون , أنتم في أماني.
صفق الأسرى مجددا وأظهرت الكاميرا وجوه حالكه متعبه , الا أنها مبتسمه , وبدت السعاده ظاهره في وجوههم بعد أن أخذ كل منهم الأمان.
واصل الدكتور حديثه , مقاطعا التصفيق والاصوات التي تعبر عن السعاده والفرح قائلا:
ده كلام واحد ومهم عشان أنا ما عاوز زول مثلا يسرق نفسو ويمشي يتعب , تلاقيهو مصيبه في السكه , لأي سبب من الاسباب ما تفوت , مستقبل باعكم زي ما قلت ربنا سيحكمه زي ما جابكم بره من الموت , ده تأكيد واحد.
نمره اتنين عاوز أقل انه نحن في الحركه الشعبيه والجيش الشعبي ومنذ 1983 ونحن ونحن ننادي بوحدة السودان.
الرجل عندما يقاتل لازم يقاتل من أجل حاجه مهمه , الجبهه الإسلاميه في الخرطوم بيقولوا هم بيحاربوا الجيش الشعبي لثلاثه أسباب رئيسيه.
يقولون أنهم يدافعون عن الدين, يدافعوا عن الإسلام
بيقولوا بيدافعوا عن العروبه
بيقولوا بيدافعوا عن وحده السودان ...
دي ثلاثه حاجات بيقولوا ليكم وبيقولوا للعالم .
لكن أنا دايرأقول وأكد ليكم أن الثلاثه حاجات ديل ما في أي خطوره...
شيلوا وحده السودان , وحده السودان ما في أي خطوره , منذ 83 ونحن نقاتل من أجل وحده السودان , والإشتباكات الأولى لم تكن مع جيش السودان , ده كان مع فئه من أنانيا 2 ناس قاي تور وأكوال اتيم كانوا بينادو بالإنفصال , وحاربناهم في 83 ده حقيقه .
الأخوان هناك والحكومات في الخرطوم نصبوا انفسهم محافظين عن وحده السودان ...
على العكس الصحيح , لأنه الناس البينادوا بإنفصال جنوب السودان ياهو بيتعاونوا مع الحكومات في الخرطوم , وحاليا ناس رياك مشار وغيرهم البينادوا بإنفصال جنوب السودان وعندهم حركه أسمها حركه انفصال جنوب السودان حاليا في الخرطوم !!!.
على الكس الصحيح , نحن نؤمن ونناضل ونقاتل لتحقيق وحدة السودان , وحده السودان الصحيحه.
الفيها كل الناس , كل الأجناس , كل القوميات , كل الثقافات وده هو الواقع في السودان
السودان مكون من قبائل كثيره , من ثقافات كثيره ومن أديان , فإذا واحد يقول السودان لازم يكون دوله إسلاميه نحن نقول له المسلمين جزء لا يتجزأ من مجتمعات السودان لكن ليس كل الناس مسلمين وهذا واقع.
وأيضا يقولون السودان لازم يكون دوله عربيه , ونحن نقول قوميه العرب جزء لا يتجزأ من السودان لكن ليس كل السودانيين عرب , وده برضو واقع.
نحن نقول يا جماعه كدي الطائفيه وعصبيه الجنس خلينا نسيبها , ونبني دوله بتاعتنا كلنا!
إذا نقول أن السودان لازم يكون دوله عربيه , الناس ما بتشوف الكلام ده غريب , لكن اذا انا قلت أسي نسبه لناس (فور) في غرب السودان وناس فور قاموا بي حركه ويقولوا السودان لازم يكون دوله فوراوييه...
|
|
 
|
|
|
|
مجدى محمد مصطفى
فيس بوك
تويتر
انستقرام
يوتيوب
بنتيريست