|
|
 Re: هدددددددف بخارى حرد وطفا النور (Re: عبدالكريم الامين احمد)
|
Quote: اكيد يامعتز انت مرخابى حاقد
وماتحرش الراجل
هس انا اتقويت بيك قلت اكيد معتز القريش عمتو الكبيرة دى
مناسبة للجودية
وش محبط |
لالالالالالا يا نجلاء أنا هلالابي موووت
بس وجعتني مكاواتك لأبو عيالك دي
يعني الراجل يبقن عليهو تلاتة
انتي والهلال وعدم السحور
كدا حرام (وش شمتان فيكي بعد الطلاق)
| |
 
|
|
|
|
|
|
|
|
Re: هدددددددف بخارى حرد وطفا النور (Re: معتز القريش)
|
Quote: لالالالالالا يا نجلاء أنا هلالابي موووت
بس وجعتني مكاواتك لأبو عيالك دي
يعني الراجل يبقن عليهو تلاتة
انتي والهلال وعدم السحور
كدا حرام (وش شمتان فيكي بعد الطلاق) |
ما انابكاوى على قدر اهداف فريقى
يعنى يامعتز عامل فيها اتحاد رجالى
جيب البرنامج بتاع الاتحاد الرجالى
وش هربان وخايف وتحت تحت شمتان
| |
|
|
|
|
|
|
|
|
|
Re: هدددددددف بخارى حرد وطفا النور (Re: معتز القريش)
|
Quote: لالالالالالا يا نجلاء أنا هلالابي موووت
بس وجعتني مكاواتك لأبو عيالك دي
يعني الراجل يبقن عليهو تلاتة
انتي والهلال وعدم السحور
كدا حرام (وش شمتان فيكي بعد الطلاق) |
اهايامعتز بكاوى قدر اهدافى
يله جيب برنامج الاتحاد الرجالى
بضمن ليك بخارى معاك عشان الصدمه عليهو كبيرة ومافى بطخابى دخل اضامن معاهو
حتى التضامن جاء من هلالابى
وش شمتان فىبخارى وكل البطخاب الحمر
| |
|
|
|
|
|
|
|
|
|
Re: هدددددددف بخارى حرد وطفا النور (Re: نجلاء سيد أحمد)
|
اهايابخارى امس طفيت النور من الهدف الاول
اها الشمس دى حتعمل ليها شنو
ياهو حال الدنيا
فضفض قريت فى الجريدة فى هلالابى مات بعد الهدف الثالث من الفرحة
له الرحمة
الهم تقبل هذا المحب قبول حسن
والبركة فى اهلو وفى عشاق الموج الازرق
| |
|
|
|
|
|
|
|
|
|
Re: هدددددددف بخارى حرد وطفا النور (Re: نجلاء سيد أحمد)
|
الي كل الاخوة ( الما عندهم شغلة )
انا بخاري عثمان الامين ود بشرية بت عباس
اعتذر عن عدم تمكني من الرد أو الدخول في
هذا البوست وذلك لانشغالي بتقييم تجربة التجمع الوطني الديمقراطي 89
وربط هذا التقييم بجبهة الهئيات التي اسقطت حكومة الفريق عبود
ومن بعد ذلك انا اعد لسمنار مهم جدا عن قضايا اصحاح البئية
فقد اعتذر وزير البني التحتية عن تصريف مياه الأمطار فمعذرة يا شباب
كلكم واهو دا حال الدنيا ناس so busy
وناس ذيكم كده فارغين ساي
كما اعلن وبما انني ديامي وجمبي الفرق التالية:- النيل والخرطوم تلاتة والاهلي
وديم سلمان والتعائشة وال .................... أنني منذ اليوم وصاعدا اشجع
الحزب الشيوعي السوداني في معركته ضد قوي الظلام والهوس الديني
| |
|
|
|
|
|
|
|
|
|
Re: هدددددددف بخارى حرد وطفا النور (Re: بخاري عثمان الامين)
|
Quote: انا بخاري عثمان الامين ود بشرية بت عباس
|
| Quote: كما اعلن وبما انني ديامي |
الاخ العزيز بخاري
تحياتي واحترامي ،،،،
بعيد عن هلال مريخ
انت درست فى الخرطوم الجديدة فى الفترة (87-88-89) (اولي عثمان ، تانية لطيف)
سؤال اخير..
امس كيف جاءك نوم بعد التلاته؟
معاذ السر
| |
|
|
|
|
|
|
|
|
|
Re: هدددددددف بخارى حرد وطفا النور (Re: معتز القريش)
|
Quote: كما اعلن وبما انني ديامي وجمبي الفرق التالية:- النيل والخرطوم تلاتة والاهلي
وديم سلمان والتعائشة |
لكن ما دقست يا ديامى .. هلالابية؟
يا زول إتصرف وليك عندى من المسالمة غزال ..
ديل ماناس فارغة ياخ .. ده عيدم برجوه مع النجمة أم ضنب .. الفرحة زى فبراير من كبيسة لى كبيسة .. هسى بجوك راجعين لاوين ضنبم ويرفدوا المدرب .. قال هلال قال ..
ولا يهمك يا فردة .. دى فرحة "هييييه الكهرباء جات" وبعد قليل نعيد القطع
| |
|
|
|
|
|
|
|
|
|
Re: هدددددددف بخارى حرد وطفا النور (Re: رأفت ميلاد)
|
رافت ميلاد يشرفنى جدا مرورك الجميل
دقست الديامى التفتيحه صعبة
بس الاصعب منها وقع فى
شيوعية
هلالابية
بحراويه يعنى من بحرى
احلى من كدة فى
دعوة لتضامن كل من الشيوعين
دعوة لتضامن كل من الهلالاب
دعوة لتضامن كل من سكان بحرى
ضد بخارى ورافت ميلاد البطخاب الحمر
على وزن الهنود الحمر
ولا يهمك يا فردة .. دى فرحة "هييييه الكهرباء جات" وبعد قليل نعيد القطع
| |
|
|
|
|
|
|
|
|
|
Re: هدددددددف بخارى حرد وطفا النور (Re: moaz elsir)
|
| Quote: انت درست فى الخرطوم الجديدة فى الفترة (87-88-89) (اولي عثمان ، تانية لطيف) |
نعم وتالتة الرازي لكن قلبت بعد شهرين للطبري .. اوع تجئ تحكي بي في الجديدة ( وش صرصوري )
| Quote: امس كيف جاءك نوم بعد التلاته؟ |
اول حاجة انا نمت قبل المبارة او ان شئنا الدقة بعد
الهدف الاول ..
تانية حاجة وللضمان كده تنوم في انداية يا بركة رمضان
والشيخ الطرشان قول آمين .. دفعة ما منك فائدة
| |
|
|
|
|
|
|
|
|
|
Re: هدددددددف بخارى حرد وطفا النور (Re: بخاري عثمان الامين)
|
Quote: باسلام با قتح الرحمن انت معانا مكسب
يباركو ليك العرس
امين مجابد بين بين بس يكبر بيختار الصاح |
نجلاء شاتت ضفاري باشتراكي
حمد كافي ان شاء الله العرس دا
يبقي لك عشم ابليس في الجنة
وان شاء الله الهلال دا كورته
الجاية يدوه 7 صفر ( وحدات ) وكده
| |
|
|
|
|
|
|
|
|
|
Re: هدددددددف بخارى حرد وطفا النور (Re: بخاري عثمان الامين)
|
نجلاْء سلامات وكل سنه وانتم طيبين.
حقيق بوست طريف أشاع روح من الظرافه والمناكفات الدائمه والتي لاتنتهي ابدا.
بخارى الله معاهو : حقيقي غلب حار ((قصى قلبنا كلنا)) ...طبعا عشق المريخ يجرى في دمائنا منذ الصغر وما رضيناه ليهو ....لكن صقونا الجايات أكتر من الرايحات.
بس يا نجلاء ما تبقي عليك نكتة المراه اللي ناكفت زرجها بعد رجوعه من الكوره وفريقه مغلوب وابتدره من دخل من الشارع : وى وى غلبناكم
رد عليها بعفويه شديد وملينانه غيظ : وى وى طلقناكم.
تحياتي للعسوله الصغيره والتي صمدت ذلك اليوم مع امها خير صمود (( كلارا)).
وتحياتي للبقيه التي لم أعرف الان سوى ((يارا)) بجانب كلارا.
لي صديق يدعي همام المجمر : شقيق هشام وسهام أعضاء المنبر كان يعشق الهلال لدرجة الجنون وهو يعيش الان في اقاصي الكوره الارضيه
ياترى سمع هذا الخبر أم لا؟ نفسي أعرف....له طرائف وملح تموت من الضحك في عشق هذا الهلال .
| |
|
|
|
|
|
|
|
|
|
|
Re: هدددددددف بخارى حرد وطفا النور (Re: Amira Elsheikh)
|
Quote: طفية نور بس ؟؟
انا من الهدف الاول مادخلت البورد دا الا اسى ..
|
و الله يا مرمر المرمطة ما بندورا ليكم . . . الا لسانكم طويل . . . و كترتوها بلابل بلابل ساي
ياخ انت و بخاري و طارق جبريل ديل بقيتوا مريخاب كيف ؟ اخلاقكم ما تشبههم ؟
رمضان كريم
و مشتاقين يا فردة
| |
|
|
|
|
|
|
|
|
|
Re: هدددددددف بخارى حرد وطفا النور (Re: قيقراوي)
|
| Quote: عليك الله وريني كأس واحد جابوه من برة |
واحد
اتنين
تلاته
امسك الخشب,اشرب تلاته كبابي ابري ابيض لانه ببل نشاف الريق وبخفف الحمي وبطول العمر
واقول ليكم ده لوني البكتب بيه قال لي قول ليهم اذا افلس التاجر خله يشرب جك ليمون بااااااااااااارد
تحياتي
ابوالزيك
[/blue/]
| |
|
|
|
|
|
|
|
|
|
Re: هدددددددف بخارى حرد وطفا النور (Re: محمد زكريا)
|
واحد
اتنين
تلاته
امسك الخشب,اشرب تلاته كبابي ابري ابيض لانه ببل نشاف الريق وبخفف الحمي وبطول العمر
واقول ليكم ده لوني البكتب بيه قال لي قول ليهم اذا افلس التاجر خله يشرب جك ليمون بااااااااااااار
تسلم محمد و تشكر على المرور
| |
|
|
|
|
|
|
|
|
|
Re: هدددددددف بخارى حرد وطفا النور (Re: داليا حافظ)
|
كامل التعاطف مع بخاري الجاتك في مرتك حردتك ..
دى يها الروح الجميلة
نجلاء هو براهو الطفا النور وحاتك طفيناهو وإدمدمنا وقفلنا التلفون كمان
يعنى ياداليا كان احتجت ليك نظام جودية وكدة كان وطاتى صبحت وكنت فى بيت ابوى
خلى تلفونك فاتح
كامل التعاطف
| |
|
|
|
|
|
|
|
|
|
Re: هدددددددف بخارى حرد وطفا النور (Re: Mahassin Ibrahim)
|
Quote: .نجلاْء سلامات وكل سنه وانتم طيبين.
حقيق بوست طريف أشاع روح من الظرافه والمناكفات الدائمه والتي لاتنتهي ابدا.
بخارى الله معاهو : حقيقي غلب حار ((قصى قلبنا كلنا)) ...طبعا عشق المريخ يجرى في دمائنا منذ الصغر وما رضيناه ليهو ....لكن صقونا الجايات أكتر من الرايحات.
بس يا نجلاء ما تبقي عليك نكتة المراه اللي ناكفت زرجها بعد رجوعه من الكوره وفريقه مغلوب وابتدره من دخل من الشارع : وى وى غلبناكم
رد عليها بعفويه شديد وملينانه غيظ : وى وى طلقناكم.
تحياتي للعسوله الصغيره والتي صمدت ذلك اليوم مع امها خير صمود (( كلارا)).
وتحياتي للبقيه التي لم أعرف الان سوى ((يارا)) بجانب كلارا.
لي صديق يدعي همام المجمر : شقيق هشام وسهام أعضاء المنبر كان يعشق الهلال لدرجة الجنون وهو يعيش الان في اقاصي الكوره الارضيه
ياترى سمع هذا الخبر أم لا؟ نفسي أعرف....له طرائف وملح تموت من الضحك في عشق هذا الهلال |
تسلمى يامحاسن وكل سنة وانتم طيبين
حقيق بوست طريف أشاع روح من الظرافه والمناكفات الدائمه والتي لاتنتهي ابدا
ده الهدق الحقيقى من البوست اقصد الثلاثة اهداف
وتحياتي للبقيه التي لم أعرف الان سوى ((يارا)) بجانب كلارا.
تسلمى لارا ويارا وامين وكلارا امين مجابد بين بين لما يكبر بختار براهو
بخارى الله معاهو : حقيقي غلب حار ((قصى قلبنا كلنا
يسلم قلب كل بطخابى امال مش ابو العيال بطخابى وكدة
| |
|
|
|
|
|
|
|
|
|
Re: هدددددددف بخارى حرد وطفا النور (Re: نجلاء سيد أحمد)
|
بخاري
الجديدة دي مالك ما داير تجيب سيرتها ؟
مالك ؟؟؟ ما كنت زي الورد فيها ........
يا حليل الاتحاد والرفيق هيثم عبد الغفار .......
ياخ اجمل اتحاد كان في الفترة ديك ( الوحيد الماقدرو عليهو الكيزان )
اسمع اوعك تشجع الخرطوم تلاتة احسن ليك ديم سلمان ولا اقول ليك .... (النيل) كويس
نجلاء 11 سبتمبر لسه اثارها قاعدة .... وزي ما قلت ليك .... بخاري ده علي انا ....
معز السر ده عرفتو يا بخاري ؟؟؟؟؟
تعرف يا بخاري سنة 2004 لميت ليك في جبر الدار في السعودية في الرياض ...ده انقى زول انا عرفتو في حياتي عندك اخبارو ؟؟؟؟
تحياتي للجميع
اسامة الباز ...
| |
|
|
|
|
|
|
|
|
|
Re: هدددددددف بخارى حرد وطفا النور (Re: Osama Mohammed)
|
سلام
والله يا نجلاء ما كنت قايلك كده!
قايلك زي سامي صحبي
المهم اعلن تضامني الكامل مع بخاري!
تعرف يا بخاري واحد عمنا هلالابي
الكورة شغالة والمريخ متقدم اتنين زيرو
قرصتو نملة في رجلو!
عمنا يشيل ويحك في رجل الراجل الجنبو!!
الراجل : يا حاج قطعت كراعنا انت جنيت !!!
| |
|
|
|
|
|
|
|
|
|
Re: هدددددددف بخارى حرد وطفا النور (Re: Osama Mohammed)
|
Quote: بخاري
الجديدة دي مالك ما داير تجيب سيرتها ؟
مالك ؟؟؟ ما كنت زي الورد فيها ........
يا حليل الاتحاد والرفيق هيثم عبد الغفار .......
ياخ اجمل اتحاد كان في الفترة ديك ( الوحيد الماقدرو عليهو الكيزان ) |
انا فخور جداً بتلك الفترة .. أظن انني ولدت
وانا احمل جينات تبغض الكيزان .. تعال احكي
بالجديدة .. انا حبيت اكاوي معاذ السر ساي
الغلب حاااااااااااار والتلاتة كمان نااااااار
| Quote: تعرف يا بخاري سنة 2004 لميت ليك في جبر الدار في السعودية في الرياض ...ده انقى زول انا عرفتو في حياتي عندك اخبارو ؟؟؟؟ |
بدر الدين علي جبر الدار .. فعلاً انقي زول
كان بصر نقعد بصحن الفته المظبطة في اتجاه
دخان الشية بنادي الديوم الشرقية ونظريته
انه الشية الغالية دي مجرد ريحة ودخاخين
ساي .. يقوم يشيل لقمة من الفتة ويغرقها
في ( دخان ) الشية ويقول كده اتحولت لي
لحمة
| |
|
|
|
|
|
|
|
|
|
Re: هدددددددف بخارى حرد وطفا النور (Re: بخاري عثمان الامين)
|
Quote: تعرف يا بخاري واحد عمنا هلالابي
الكورة شغالة والمريخ متقدم اتنين زيرو
قرصتو نملة في رجلو!
عمنا يشيل ويحك في رجل الراجل الجنبو!!
الراجل : يا حاج قطعت كراعنا انت جنيت !! |
خالد العبيد
انا لو في محل عمك كنت شلت النملة ووقعت بيها الواطة
وين حسن النور صاحبنا ياخي
| |
|
|
|
|
|
|
|
|
|
Re: هدددددددف بخارى حرد وطفا النور (Re: بخاري عثمان الامين)
|
طيب وكت جيت يا بخاري ...
فارس السر حالتو كيف بعد 11 سبتمبر ..... ؟؟؟
اما عن بدر الدين فكلامك بتاع الشية ده كفاية ....
انا كنت محظوظ انو قرينا انا وهو في جامعة واحدة بس كليتين مختلفات ......
يا ريت نرجع زي زمان وصحن الفتة وعم بحر ومحمد جنو واستاذ البلك ....
((( دنيا غريبة ....يتذكر احدهم طفولته فيبتسم ويبكي حاله الذي عليه ... يحن للطفولة ليهرب من واقعه ... ولكن لا فكاك )))
حليلنا يا بخاري
| |
|
|
|
|
|
|
|
|
|
Re: هدددددددف بخارى حرد وطفا النور (Re: Osama Mohammed)
|
مبروك نجلاء النصر والانتصار ...
وسال الكريم - ان لا نسمع لهم صوت نهائي ... عملو لينا شخشخه في راسنا !!
ويا بخاري - نوم اهل الكهف انشالله يا بعيد ...
ولمن تصحي تلقي المريخ في الليق ومهزوم من الديم وسط 8 /صفر يا بركة رمضان ده
ـــــــــــــــ
صيام مقبول يارب
| |
|
|
|
|
|
|
|
|
|
Re: هدددددددف بخارى حرد وطفا النور (Re: عبدالله كع)
|
Quote: مبروك نجلاء النصر والانتصار ...
وسال الكريم - ان لا نسمع لهم صوت نهائي ... عملو لينا شخشخه في راسنا !!
ويا بخاري - نوم اهل الكهف انشالله يا بعيد ...
ولمن تصحي تلقي المريخ في الليق ومهزوم من الديم وسط 8 /صفر يا بركة رمضان ده |
تسلم يا كع
يباركو ليك الكاس
| |
|
|
|
|
|
|
|
|
|
Re: هدددددددف بخارى حرد وطفا النور (Re: بخاري عثمان الامين)
|
بخارى
حمد لله على السلامة
وانشاء الله فارس يجمع كمان
عذراً لنجمتكم.. لكننا نريدها دوماًاكثر اشراقاً
وستبقى كذلك..
انا عايز اقترح انو اكلم احمد هرون يجى (يعزم) لينا فى موية ونخليك تشربا
طالما انت تمام التمام حنقول ليهو: يا شيخنا ادعو للجماعة عشان يتجاوز اثار التلاتة
| |
|
|
|
|
|
|
|
|
|
Re: هدددددددف بخارى حرد وطفا النور (Re: حسن سنوسى)
|
Quote: انا عايز اقترح انو اكلم احمد هرون يجى (يعزم) لينا فى موية ونخليك تشربا
طالما انت تمام التمام حنقول ليهو: يا شيخنا ادعو للجماعة عشان يتجاوز اثار التلاتة |
والله يا سنسيني شكله المريخ دا محتاج لي فكي
عازمك تالت يوم عشان ( أنتقم ) منك
| |
|
|
|
|
|
|
|
|
|
Re: هدددددددف بخارى حرد وطفا النور (Re: بخاري عثمان الامين)
|
من كلمات الشاعر ازهرى محمد على
مسدار الهمباتة لسيد الحيشان التلاتة
اب احمد ولادك استوعبوه كلامك
متحرى الصدق مولاى يعلى مقامك
ابواب الكريم واسعة بتنفتح قدامك
خليه الحسود كان شكرك كان لامك
*************************
ابواب القيم نحن بنعلى مسيدا
بى كل احترام نخنار ادارة رشيدة
فى كل اتجاه نحن بنجيد تسديدا
وين بتقلبوا من سيدا سيد ابو سيدا
**************************
كم كانت دروس فى المقبرة اتخطاها
وكم خضعت رؤوس فى حضرتو وطاطاها
نيران المجوس اقدامو تتواطاها
والبدخل يكوس بنلحقوا امات طه
***************************
ويا اخوانا البلد بى سيد تحمدسيدا
حرسوها الرجال ديمبا وحمودة وديدا
فرسان النزال فى الحوبة اخوان سيدا
والبين الهلال والنجمة حاجة بعييييدة
**************************
مزقت الشباك تسلم خطاك يامعلم
وليك تعظيم سلام كل البلد بتسلم
انت سليل رجال من الكبار متعلم
العرضة انتشت لكن جنوبها مضلم
*************************
باريتو الظنون وهم الامانى الهشة
لا اتحقق حلم لامغس الهلال اتفش
الممطورة كيف تتبالا من الرشة
ما قصمت زمان ضهر البعير القشة
************************
تلعبوا فى عمود كبت الحقيقة وزورا
لملمتوا الشيوخ وعملتوا مجلس شورى
مسكين القعد فى ضلها المقصورة
كترتوا الغلاط ونسيتوا لعب الكورة
***************************
وما درنالك الكنبة وقعاد الشاشة
والكورة التطير منعول كمان ابو خاشة
ايفوسا الفجع الصفوة وهرد فشفاشا
قوم سخن عديل ادخل مكان الباشا
**************************
يا اخوانا الوصيف فضح البلد بى عكو
يدوه الورق لا بفتحو ولا يدكو
كأس افريقيا وين القلت قاطع شكو
شان طولة اللسان طبقنا حكم اب تكو
*************************
ما بتصل الشباك فى استادو كان بتا
والروح يوم تروح واجب سترة الجتة
جيب ورقك تعال نبدأ الحساب بالحتة
نفطر بالهلال والرؤية ستة فستة
*************************
بوظتوا النظام كسرتوا باب الشردة
وبطلتوا الكلام وحرتوا ديك يالحردة
ياخى حرام عليك ماكان بالمقاس ياوردة
دى الصفوة انزوت عملت شتات يا فردة
**************************
ادمنتوا الغلب لمن بقالكم طبعة
افريقيا وعرب واللبعة فوق لبعة
محمولات شنو بعد الغلب بى سبعة
والياكلو الاسد احسنلو من الضبعة
*************************
بارين الشكاوى اصبحتوا وزن الريشة
قايلين الهلال ونسة ومجالس وشيشة
زى سيرة الهلال بين الامم مافيشة
ما تقنع نقول منعول ابوها دى عيشة
**************************
كدى احسب معاى نص وارغو
ناقص ماذدا فى ابوجريشة
كم بتساوى فى حسبة حساب الكيشة
زي شكل الديوك فى الفارغة تنفش ريشة
ما عاشت بلد فى يوم تشجع طيشا
**************************
لو تصبح صفر نحن بنجيبك سالب
وما نصبت شباك تلقانا نحن الغالب
ارفع فى بناك تلقانا تحتو عقارب
ما نحن القدر والحصوة فوق الحالب
*************************
فرسان النزال دايما بسدوا الفرقة
فى صدر الهلال باقين حصانة ودرقة
يلعبوا بالخصوم لعب العصار بالورقة
واموال الوصيف راحت شمار فى مرقة
نقلا" عن صحيفة الهلال
| |
|
|
|
|
|
|
|
|
|
Re: هدددددددف بخارى حرد وطفا النور (Re: نجلاء سيد أحمد)
|
ويا اخوانا البلد بى سيد تحمدسيدا
حرسوها الرجال ديمبا وحمودة وديدا
فرسان النزال فى الحوبة اخوان سيدا
والبين الهلال والنجمة حاجة بعييييدة
يسلم خشمك ازهرى محمد على
مسدار الهمباتة لسيد الحيشان التلاتة
ورشاكم بلاثلاثة
| |
|
|
|
|
|
|
|
| |
معتز القريش
نجلاء سيد أحمد
بخاري عثمان الامين
moaz elsir
معاوية المدير
رأفت ميلاد
حمد فتح الرحمن
داليا حافظ
قيقراوي
محمد زكريا
Osama Mohammed
خالد العبيد
Marouf Sanad
عبدالله كع
فيس بوك
تويتر
انستقرام
يوتيوب
بنتيريست