|
|
 Re: دفتر احوال ضابط الشرطة المناوب{2011} (Re: Ali Sirelkhatim)
|
--------------------------------------------------------------------------------
Subject: ظرفاء ود نوباوي قصص وحكاوي
ظرفاء ود نوباوي قصص وحكاوي
بقلم : احمد دولة
«أ» الفنان صلاح محمد عيسى
ود نوباوي هذا الحي العريق الذي ولدنا وترعرعنا فيه - هذا الحي عرف واشتهر بالكفر والوتر - ميادين الكرة الكثيرة وساحات الدافوري انجبت العديد من لاعبي كرة القدم نذكر منهم دريسة وسينا يرحمهما الله وفتحي شيتا ورابح رمضان ومازدا وكمال السني وجابر جبارة وعبدالرحمن زيادة وابو العلا وعوام وشخصي الضعيف كما ان الحي يضم اندية ودنوباوي والاخلاص اما اندية الزهرة وابوروف وفرق الروابط تمارينهم كلها في ود نوباوي امام «حوش دولة».
انجبت ودنوباوي في الفن صلاح محمد عيسى ومني الخير وعوض الجاك ونجم الدين الفاضل وعابدة الشيخ وشقيقها اسامة الشيخ.
وظريف هذه الحلقة هو الفنان صلاح محمد عيسي فبمثل ماكان صلاح محمد عيسي صاحب حنجرة ذهبية كان ايضاً حريف دافوري وكان يتمتع بروح فكاهية عالية جدا وله تعليقات ساخرة ولاذعة هو وصديقه عبدالله البجاوي وابن خالتنا يرحمهما الله فيما يلي نحكي عنه هذه الحكاوي:
1/ كان بيته الذي يجاور مسجد السواراب قبلة لاهل الفن والرياضة الباحثين عن النغم الشجي والصوت العذب.
كما كان يرحمه الله ذو مائدة عامرة وكان كريما ، قدم دعوة عشاء لاصدقائه من اخواننا الكبار لتناول وجبة «زقني بالجداد» وقد عرف باجادة طهيه واشترط عليهم الا يخطروا شخصا من الشلة كان لا يطيقه فوافق له الجماعة على هذا الشرط ولكنهم لم يلتزموا بالشرط واخبروا الشخص غير المرغوب فيه بالحضور الساعة 15:9 لتناول العشاء عند صلاح ليروا ردة الفعل عند صلاح، وعندما حانت الساعة 9 مساء طلبوا من صلاح ان «يخت العشاء» فقام بتجهيز المائدة وفي اللحظة التي قاموا فيها للاكل ظهر صاحبنا «اشعب» وجلس على المائدة وهنا تغير صلاح واحس بالمقلب ولكنه كتم غيظه. لم يكتف صاحبنا بالاكل وقال لصلاح «ده زقني» فقال له بسرعة ساخرا «اي زقني وزيد عذابي».
2/كان يرحمه الله داعيا افراد الاوركسترا الموسيقية للعشاء ولعمل بروفات لبعض الاغنيات واشتري من واحد قريبنا خروفا وكان ذلك ايام السيول والامطار - الخروف شكلا مابطال، كويس ومنفوخ وعندما ذبحه كان الجلد كبيرا ومليئا بالصوف وكمية اللحم بسيطة جداً لم تملأ صينية - فزعل جدا وقال لشقيقنا حسن نسيبك يغشني يبيع لي «قريب فروت» كلو جلد يقول لي ده خروف.
3/ في عشاء بيت بكاء بودنوباوي صينية العشاء كان فيها فول وطعمية وكبدة وكان رحمه الله يحب الكبدة والاضاءة في الخيمة كانت بسيطة ولكي يستأثر بالكبدة. جر عليه صحن الكبدة وقال للجماعة معقول في العشاء يجيبوا ملاح اسود!! وفعلا لم يقرب احد صحن الكبدة حتى اجهز عليه.
4/ من اجمل اغنياته:
هاتي كاسي هاتي خمري *** ثم هاتي العود هاتي
علني يانفس اشفي ** بعض ما شاب حياتي
هاتي كاسي هاتها** ملانا خمرا
تبعث النشوي وتملأ **** النفس سكرا
ثم هاتي العود كي *** نسمع شعرا
هاته يضفي على *** المهجة سحرا
وتعالي ذوبي في الحسن ذاتي ** قبل ذوب الليل في فجر الحياة
وله اكثر من اغنية في الخمر مثل اهوي العيون السودة واحب ثمل في خدودا .
وفي عهد الرئيس نميري وعند تطبيق الشريعة اوقفت الاذاعة حينها كل الاغاني التي فيها ذكر الخمر، فقال والله بعد القرار ده فضلت لي رمية واحدة في الاذاعة علما بان لديه الكثير من المدائح والاناشيد الدينية بصوته العذب.
5/ قبض على قريب لنا يدعي اليسارية في مظاهرات الطلاب وبذلنا مجهودا كبيرا لاخراجه من المعتقل فقال له «عامل لي فيها مناضل والله ناس البوليس ديل ذاتهم ما عندهم شغلة انا لو منهم اديك قشطة بخمسة عروق خدرة في رأسك تاني لو جابوا ليك المظاهرة في بيتكم تمرق تخليها».
6/ كان لاعب «كنكان» راس مع شقيقنا محجوب وكل ما صلاح يرمي كرت يخطفه محجوب وينزل به او يقفل او يفتح به وعذبه عذابا شديدا فالتفت لشقيقنا حسن وقال له «والله يا حسن لو اخوك ده كان صقر كان جنن الحله كلها».
انا بهواك وانت حبيبي
لانك انت انت نصيبي
سهرت ليلي وكمان ليالي
انا والنجوم واطياف خيالي
اتمني طيفك يكون حيالي
نقلاً من جريدة الصحافة
ظرفاء ود نوباوي قصص وحكاوى (2)
بقلم : احمد دولة
(ب) كمال عبد الجليل (سينا)
يعد المرحوم كمال عبد الجليل الشهير بكمال سينا، من اظرف ظرفاء ودنوباوي ـ اشتهر بتميزه في كرة القدم وموهبته الكروية اوصلته للعب بالمريخ العظيم ـ زامل العمالقة ابراهومة الكبير وماجد وعبد الله عباس والمعلم بشرى وهبة وبشارة وسليمان عبد القادر وجقدول وكل عمالقة العهد الذهبي ـ بالرغم من ان شطبه تم مع المجموعة التي قام بشطبها المرحوم الامبراطور حسن ابو العائلة، الا ان حبه للمريخ وللرياضة والرياضيين خصوصاً الهلالاب كان كبيرا.
كان كمال سينا يرحمه الله اميز ظرفاء مدينة ام درمان وود نوباوي على وجه الخصوص ـ كان محبوبا في كل المجتمعات وله صداقات وعلاقات مع وجهاء البلد ـ يحكي النكات الجديدة واحيانا يؤلفها، كما ان مواقفه وردوده اللاذعة يرويها الرواة واحيانا ينسبون اليه النكات خفيفة الدم حتى ان لم يكن طرفا فيها.
في ما يلي نروي عنه هذه الحكاوى:
1- كانوا لاعبين تمرين حار في الحلة ومعهم ابن ام درمان حسن بتي وكان لعبه خشن جدا عوق لاعبين في التمرين واحد بي (فصل) وواحد بي (فكك) بعد (داك) هجم على سينا وعايز (يطفيه) قام سينا قال لي حسن بتي (انت قريبتك بت بتي موصياك تجيب ليها الزباين ولا شنو.
2- في تمرين المريخ اتعوق هو وود الشايقي ـ بعد التمرين جابوهم لي بت بتي علشان تجبرهم ومعهم بقية لاعبي الفريق، وود الشايقي علشان يرجعو ليهو الفصل (اتجرس) قدام اللاعبين وما انستر، لما جاء دور سينا كان ثابت جدا ولم يتحرك ولم يتجرس ـ بعد طلعوا الجماعة هنوه على هذا الثبات قام قاليهم (انتو عورة انا اديتا الرجل السليمة).
3- كانت له صداقة مع السيد انيس حجار وكان بيحبه لانه خفيف الدم ويحكي النكات الجديدة، وانيس يتذوق النكات وراوي جيد لها. مرة سينا قال لانيس تعرف يا سيد انيس انا عكسك في ثلاثة اشياء فقال له انيس باستغراب ما هي؟ فقال:
أ - انا اسمي زي اسمك بس (بالقلبة)
ب - انا مفلس وانت مقرش.
ج - انتو في المصنع بتلفوا السجاير ونحنا بنفرتقا.
4- عندما سرقت عربته التعبانة ومشى يبلغ المتحري بعد دون مواصفات العربة والمكان الذي سرقت منه سأله: هل بتتهم أي شخص؟ بسرعة رد عليه (ايوه بتهم صلاح ادريس) وللأسف لم يهنأ بهذا الاتهام لان عربته وجدت سريعاً.
5 - مرة في حدائق 6 ابريل واحد اقليمي سأله قال ليه (بالله يا اخينا حدايق 6 ابريل وين؟ قام سينا سأله ايضا (ما قالوا ليك سنة كم).
6 - في المحطة الوسطى ام درمان اشترى هو وكابتن برعي احمد البشير بطيخة ووقفا في انتظار صديق ثالث لهما ذهب لاحضار عربته، فقال لهما بائع البطيخ عندما شاف وقفتهم طالت (البطيخة دي عايزين تاكلوها هنا) وهنا قال له سينا (ليه يا عم عايز الفاضي).
7- ذهب لجزارة المرحوم عثمان كايرو بالسوق الجديد بود نوباوي وطلب شراء 2 كيلو لحمة ضأن ووضع عثمان كايرو قطعة لحم في الميزان وعندما لم يرجح الميزان بدأ كايرو في قطع صغيرة من اللحمة ووضعها في الميزان والميزان لا يتحرك فقال له سينا (بالدوات دي الميزان ما بنزل).
8- يوم جمعة لاعبين كونكان وكان معاهم ضيف (ايدو ناشفة) شبك ليك سينا دوات وترايس (ويجليهو) بالكرت الراميهو، لما جا الغدا الضيف كان (بكد) ليهو في عضم لامن بقى ابيض حتة لحمة ما فيهو، واحد من الجماعة قال ليهو (العضم ده ما كفاهو) نط سينا وقال له بي زعل (خليهو امكن عايز يجلي بيهو ######).
9- أسرة سينا واخوانوا كلهم رياضيين ـ المرحوم عابدين وكابتن حداد والهادي وطارق، وكانوا كلهم بيلعبوا في نادي الاخلاص ويطلقون على بعضهم لقب (خواجة) اشارة الى ان لعبهم وحرفنتهم شبيهة بالخواجات، فقال لهم سينا (ثلاثة خواجات والاخلاص في الدرجة الثانية).
10 - كان المريخ لاعب مباراة تجريبية مع نادي ديم سلمان، وفي الشوط الثاني وفي استبدال الاحتياطي استبدل فريق ديم سلمان لاعب له صلعة ومشيب وشكلو كبير جدا ولما وقف في (اللاين) للاستبدال سأل ود الشايقي اللاعب الظريف سينا (ده منو يا سينا) قام سينا قال له (كيف ده ما عم سلمان).
11- كان كمال سينا يرحمه الله حتى أيام مرضه بالمستشفى دائم الابتسام والنكتة ورابط الجأش، كل من يسأله في المستشفى بعد العملية يقول له (الدكاترة فتحوا البطن خلوا الكويس ورموا البايظ).
ألا رحم الله كمال سينا وجعل البركة في اهله وذريته، فقد كان فاكهة مجتمع ام درمان، الرياضي الانسان الذي يعشق ام درمان وود نوباوي ويعتز بالانتماء اليهما.
نقلاً من جريدة الصحافة
ظرفاء ود نوباوي قصص وحكاوي..!! «3»
بقلم : احمد دولة
(ج) الهادي نصر الدين «الهادي.. الدلالي»
الهادي نصر الدين الحاج القرشي الشهير بالهادي الدلالي.. معلم من معالم ام درمان .. كل الناس تعرفه وهو يعرف كل الناس ، عارف بالانساب والقبائل والعوائل- ما شاء الله ذاكرة حديدية - متخصص في هذا المجال قد لا تعرفه انت ، لكنه قطعاً يعرفك ويعرف نسبك ويعرف بيتكم في ياتو حي وبابه مقبل على وين .. ويعرف اسمك واسم حبوبتك كمان ، اجتماعي ومتواصل درجة أولى .. أي خبر بتاع بكى أو مناسبة أو حفلة خصوصاً اذا كان فيه الفنان ابراهيم عوض ، تلقاهو عارفها يا مشى ليها أو داير يمشي ليها ويحسك للذهاب اليها ، في مناسبات الزواج يدعوه أهل ام درمان لكتابة الدعوات وتوزيعها «يوم كتابة البصل» محبوب لوضوحه ولبساطته - انعكس ذلك الحب في مناسبتين ، الأولى عند وفاة والدته يرحمها الله في أحمد شرفي رفعوه في لاندروفر ليشكر الناس ويودعهم لشدة التدافع وكثرة الناس .. والمناسبة الثانية عند زواجه وقد كان الحضور استفتاءً اثبت صحة مقولة (القدم بالقدم والمجامل ما بندم) .
يرتاح وينشرح للجمال والناس الأنيقين .. ويكره القبح و«الشنا» والشينين ويجاهر بذلك . انا غيرت وتلاعبت في اسم الشهرة للأخ الهادي استبدلت «الضاد» بالدال لعدة أسباب هى :
1. التسمية قبيحة.
2. المعنى لا ينطبق على الأخ الهادي .
3. الدلالة سايرة مع شخصية الأخ الهادي باعتباره اعلام متحرك مثل الدلالي .
نحكي عنه هذه الحكاوي :
1. مثلما يحب الجمال في الأشخاص يحب أيضاً الاحياء الجميلة وساكنيها ، فالملازمين وساكنيها مثلاً غرامه الأول وعنده حساسية مع العباسية - ويقول ليك بكاء في الملازمين ولا عرس في العباسية . ويقول ايضاً أن بنات العباسية يقدمن أولاد الملازمين بعد انتهاء حفلات الاعراس أو «البارتيهات الخاصة» أي يوصلوهم لمنازلهم - ويدعي كذلك أن غنم الملازمين تصرفاتها متحضرة وغير غنم الاحياء الاخرى .
2. في الملازمين وفي حفلة بهيجة كان بيغني فيها ابراهيم عوض . وكان ذلك بعد احداث المولد الشهيرة الناس لسه خايفة سمعوا صوت رصاص والحفلة فرتقت - سألوه الحصل شنو قال ليهم «ابداً ده ما صوت رصاص دي منقة طرشقت في التلاجة» .
3. طبعاً لأنه مجامل درجة أولى يحب الناس أن تجامله بنفس القدر - ولأنه لا يقصر فهو «لوام» درجة أولى ايضاً وشيال حال - عندما أجريت له عملية العين الاخيرة كان منزله قبلة للزوار ، كل طبقات المجتمع زارته وباركت له نجاح العملية - أنا شخصياً زرته لوحدي مرة ومرة أخرى مع فريق الدافوري بود نوباوي «اصدقاء الجمعة» بعد أسبوعين من العملية مسكني على جنبه وقال لي يا أخوى طه علي البشير أظنه ما سمع لأنه ما جاني بالله كلمه. كلمت طه ولكنه انشغل ولم يقم بزيارته .. ومر أكثر من شهر وطه لم يظهر في ود نوباوي وهنا قال لي « يا أحمد قول لي طه نحن حافظين اسمك من زمن طه القرشي في المستشفى ، فاوصلت الرسالة بحذافيرها للأخ/ طه - هذا الكلام أزعج طه فدرس الظروف وكبر المظروف وقام بزيارة خاطفة - وتعمدت زيارة الأخ الهادي في اليوم التالي وسألته ماذا حدث فقال لي : يا اخي طه زارني وسلم علي سلام تمام التمام مش زي سلامكم كسر رقبة .
4. التقى مع السيد صلاح ادريس لأول مرة فحياه الأخ/ صلاح بصورة جيدة وقال ليه : قالوا انك راجل ظريف وبتاع نكتة .. وقالوا انك مجامل وانك بتحب الفن والرياضة وقالوا .... وهنا قال الهادي (ما قالوا ليك مفلس) .
5. لاقاه واحد اقليمي شين جداً في المحطة الوسطى «ولي التعتره» سأله «يا أخينا المحطة الوسطى وين» قال ليه «انت من ويا أخينا» قال ليه أنا من «صقع الجمل» قال ليه نحن قاعدين نجيكم في صقع الجمل انتو بتجونا ليه .
6. في مأتم المرحوم أحمد بشير العبادي جلس في ركن يتناقش مع المرحوم مختار عباس الشهير «بمخ» وكان الموضوع هل المال اهم ام العلم ؟ الهادي كان من انصار العلم والسيد مختار عباس يعتبر أن المال أهم من العلم، فقال الهادي للسيد مختار : افرض عندك فلوس واولادك ساقطين تعمل شنو ؟ مختار قال ليهو اعمل جامعة واقريهم فيها وبعد أولادي ما يتخرجوا اقفلها أو اسفرهم للخارج يقروا بالقروش - في هذا الأثناء جاء وفد للفاتحة وما شاء الله قام اولاد عبادي كلهم باجسامهم الفارعة - حفظهم الله ورعاهم وكفاهم شر العين - وهنا قال الهادي للسيد مختار- هسع كان ما العلم اولاد عم أحمد عبادي ديل ما كان بقوا رباطين ، الترماج ما يخلوه يصل محطة مكي ولا السوق وكان قلعوا بكارة الترماج .
7. مرة شتم ليه شخص لي واحد صديقه ، قام صديقه قال ليه الزول الشتمتو ده خالي يا الهادي ، وبدون ان ترمش له عين قال لصديقه : شنو المشكلة يعني ابو لهب ما كان عم النبي صلى الله عليه وسلم .
8. ايام حل الحزب الشيوعي الطلاب عملوا مظاهرات شديدة .. وشارك الاخ الهادي في هذه المظاهرات والهتافات كانت سخنة (قرار الحل قرار فاشستي) و (داون داون يو اس ايه) وكان قائد قوات الأمن وقتها الضابط بدر الدين ابو رفاس ، قبضو الطلبة والهادي زعل لمن العسكري ما قبضوا .. فجاء يهتف أمام ابو رفاس فرفض اعتقاله وقال ليه ( والله لو بقيت لينين ما حنقبضك) .
9. لقى شاب أنيق في بيت عرس واقف وسط اثنين شينين جداً قال ليه (يا صديقي مالك واقف بين يافطتين) .
10. شخصية قيادية ارسلت له مبلغاً من المال من مصر ، والظرف مكتوب عليه الأخ / الهادي .. الدلالي فقال للشخص الذي احضر الظرف «قول ليه .. دي بيقولوها ما بكتبوها».
نحيي الأخ الهادي .. ونتمنى ان يديم الله عليه العافية ويعطيه الصحة ليواصل اجتماعياته الراقية وينثر قفشاته اللطيفة .. وان يحفظ ام درمان وود نوباوي وكل السودان في أمن وسلام .
نقلاً من جريدة الصحافة
ظرفاء ود نوباوي قصص وحكاوي «5»
بقلم : احمد دولة
المرحوم الحاج عبد الرحمن شاخور
ظريفنا الخامس هو المرحوم الهرم الحاج عبد الرحمن حسن الشاذلي المشهور بحاج شاخور وهو يعتبر ابو ظرفاء ام درمان من مواليد مدينة ام درمان ودنوباوي حوالى عام 1912م لعب لفريق المريخ العظيم في خانة الجناح الايمن ، تقلب في المناصب الادارية وكان من اشهر امناء الخزينة ، ترأس المريخ مرة واحدة تحت الحاح واصرار اهل المريخ وكانت فترته مليئة بالانجازات .
يحب ان يشارك في امور المريخ من خارج المجالس ترأس «لجنة البرش» . كان الاب الروحي للاعبين والمشجعين على حد السواء قال عنه اللاعب الفذ كمال عبد الوهاب يكفي ان تكون هناك شخصية مثل شاخور لتحريضنا على الانتصارات .
عند بداية الاندية وعندما خصصت الارض للمريخ وكان يدفع من ماله ويستدين المواد لحين سداد المجلس .. لانه لعب الكرة بالمريخ ويعرف اسرارها وخباياها ويعرف لغة التخاطب مع اللاعبين كان من انجح الاداريين .
كان رحمه الله يستمد ظرافته من ذكائه الحاد وحسن تصرفه وسرعة بديهته نحكي عنه هذه القصص والحكاوي :
1 ـ في لقاء تلفزيوني على الهواء كان يستمع للمذيع فريد عبد الوهاب وهو يستضيف الفنان المبدع محمد ميرغني تغني محمد ميرغني باغنية «ارجوك يا نسيم روح ليه» وطرب شاخور الذي كان يحب الحقيبة ويتمتع بصوت جميل باداء محمد ميرغني واشاد به ، وعندما علم بهلالية محمد ميرغني في نفس اللقاء تحول 180 درجة وقال للحاضرين ده غنا ده شوف الزول ده صاري وشه وبيرفس كيف ؟
2 ـ كان تاجر عيش مشهور وبما انه انصاري ومن ودنوباوي كان السيد الصديق المهدي يكلفه ببيع انتاج العيش ويتحدث معه بالتلفون كثيرا استلمنا كم ووردنا للبنك كم وظنت حكومة عبود بعد مراقبة تلفونه انه يمول المعارضة فاعتقل مع الزعماء الازهري وعبد الخالق والمحجوب ومبارك زروق وارسلوا لجوبا حفيده نهاد شاخور . قال عندما اعتقل بواسطة الكومر والبوليس كان منزعج جدا وبعد ذهبوا لمنزل عبد الله خليل فوجده لابس ومحضر شنطة «هاندباك» قال زي الماشي تمرين كوره ، في المعتقل الزعيم الازهري قال ليه انت ما عندك ذنب ولكن طالما جيت معانا تناضل معانا علشان نقلب الحكومة هو طبعا باله في المريخ قال ليه نقلبها «باكورد» فعلم الازهري ان فكره كوره وبعيد عن السياسة .
3 ـ ذهب المريخ في رحلة رياضية بدعوة من نادي النصر ورئيسه الامير عبد الرحمن بن سعود وشاخور رئيس البعثة ومولانا احمد حسب الرسول من الاتحاد ومعلوم الغيرة بين نادي النصر والهلال السعودي الامير عبد الرحمن رفض ان يلعب المريخ مع الهلال السعودي ووافق المريخ علي ذلك وانبسط الامير واخذ البعثة وعلي رأسها شاخور وذهب بهم الي المسجد الذي شيده وقال لشاخور شايف ما في هلال في المئذنة فقط شعار النصر وخزنها شاخور وعند العودة وعندما ارادوا بناء مسجد المريخ قال ليهم عايزين فتوى لوضع الهلال على المئذنة اذا كان لا بد من ذلك نلغي فكرة بناء الجامع .
4 ـ طلب منه ناس النادي دعم لاعب العاب القوى وقتها المرحوم حسن جبريل لانه رفع 150 كيلو جرام قال ليهم والله لو رفع النادي ما بدخلها في الهلال لن ادعمه .
وكذلك عندما عبر كيجاب المانش قال ليهم ما بهز شبكة الهلال ما عنده طريقة وعندما هزم السباح ممدوح مصطفى من الهلال كيجاب سباح المريخ واعتذر كيجاب بانه عضه ###### قال ليهم وهو زعلان اصله سبح في البحر ولا في السلخانة .
5 ـ وعندما ضربت الطائرات الليبية الاذاعة ومنزل الصادق المهدي قال الطيارات دي ما شافت استاد الهلال رمت قنبلة في السنتر مش كانت ريحتنا .
6 ـ علم ان ابن اخيه الدنقل اصبح هلاليا فارسل اليه وسأله هل انت صحي هلالابي فقال له نعم وهنا قال شاخور طيب ما احسن تبقى كافر فد مرة .
7 ـ في الحكومة الائتلافية بين حزب الامة والاتحادي الديمقراطي وبقية الاحزاب رفعت الحكومة سعر السكر وخرجت مظاهرات الطلاب مستنكرة الزيادة واخرج الاتحاد الديمقراطي بيانا يرفض الزيادة بالتضامن مع الطلاب وهنا قال شاخور «ناس الاتحادي ديل لاعبين في فريقنا ويشوتوا في قونا» .
8 ـ عندما خاض الهلال في عام 1987م المعارك الافريقية في كاس افريقيا وكلما يهزم فريق يذهب المريخاب شفقانين ويقولوا لي شاخور الهلال ده لو جاب كاس افريقيا وهو بالطبع احسن من كاسنا ما حيخلونا نقعد في البلد يقول لهم اصبروا . اجتاز الهلال يوفنتوس وكانون ياوندي وهم يقول لهم اصبروا ولما وصل في النهائي مع الاهلي المصري قال ليهم «الهلال يا دوب طار ما حيقدر على المصريين ديل ربنا سبحانه وتعالى لما رسل موسى لم يقدر عليهم وطلب دعمه باخيه هارون يعني رسولين وعصايه ما قدروا عليهم يقدر عليهم الهلال» وفعلا جاء لاراش الحكم وكان ما كان.
9 ـ المريخ كان لاعب مع فريق اجنبي وكان جالس معاه واحد هلالابي مجامل تمنى ان يهزم المريخ الفريق الاجنبي فقال له انت ما هلالابي كدي خلينا نسأل اخونا بدر عبد الخالق الداخل علينا ده . بدر عبد الخالق قال لي عايز رأيي ولا امنيتي قال ليه امنيتك بدر قال ليه اتمنى ان احضر للماتش متأخر 5 دقايق القي المريخ ماخد خمسة وكمال عبد الوهاب وبشارة طلعوهم معوقين .
10 ـ زاره صديق بالمنزل ولاحظ انه لابس شبشب لبني قال ليه «لابس شبشب كحلي يا شاخور» قال ليه «اي لكن عافصه».
11 ـ فريق ودنوباوي لعب ضد المريخ وهزمه واحد صفر وكان وقتها ود نوباوي مزاحم الزهرة في الهبوط للدرجة الثانية ومعروف ان معتصم ابو جميل زهراوي ، ابو جميل حرش مشجعين قاموا بمظاهرة حتى منزل شاخور وهي تردد «النجمة تحت الجزمة» وخرج اليهم شاخور وعاد وقال للجماعة الغريبة كلهم لابسين سفنجات وواحدين حفايه .
شدد شاخور على الفريق وهزم ودنوباوي في الدورة الثانية هزيمة كبيرة نزل بعدها للدرجة الثانية وبقيت الزهرة بالدرجة الاولى .
12 ـ توفيق دكه يرحمه الله تسجل بالمريخ وكانوا لا يلعبونه ولا يوضع في الاحتياطي فاحتج وطالب بشطبه من شاخور . شاخور قال ليه : ادينا كداراتنا وامشي ـ عوقت لينا لاعبينا بي كرعيك الشتر ديل.
لحن الختام
هذا الرجل العظيم ودعته جماهير المريخ قبل وفاته في مهرجان بالاستاد ادخل العربة وطافت به في الاستاد وهو يلوح للجماهير والجماهير تلوح له والدموع تنهمر لهذا المشهد من الجميع وتوفى بعدها بمدة بسيطة وظلت صورته محفورة في اذهان الرياضيين مريخاب واهلة وكل الوان الطيف الرياضي .. الا رحمه الله واسكنه فسيح جناته .
نقلا من جريدة الصحافة
ظرفاء ود نوباوي قصص وحكاوي «7»... سعيد بلبوط :
بقلم : احمد دولة
متأزم : أكلوني لحم ... ورموني عضم!!
هو المرحوم سعيد خير الله الشهير بسعيد بلبوط «وعوك» ولد في حي القلعة - قلعة صالح جبريل في شارع «اللولوي» ، شقيق كل من عبد الحليم وسعيد خير الله الذي لعب حارس مرمى للهلال وحسن خير الله - لعب لفريقي الاخلاص وود نوباوي ، واخلص في ذلك خصوصا لنادي الاخلاص ، اول من اهتم بالاشبال والناشئين وكان يدربهم بنفسه ، اتحادي موت - كان فكره متقدما جدا واول من وقف ضد الاستعانة «بالفقرة» - اسرع من لعب الكرة وهو يلعب في خانة الجناح الايمن - يقال وللمبالغة انه اسرع من الكرة اذا كان يرفع الكورنر ويجري تحت ظلها ويحصل يضربها «هد» كان رحمة الله مثقفا - تعلم قوانين الكرة من الاداري الفذ عبد الرحيم شداد - توفي عام 1998م رحمه الله، نحكي عنه هذه القصص والحكاوي :
1) كان في الاخلاص هو المدرب وسكرتير الالعاب واللاعب اذا اقتضي الامر ، في الخمسينيات كانت صناعة الكور صعبة ولا يعرف سرها الا عوض سالم في الهلال - وشخص اخر اسمه «نكلس» واحمد حسين الذي كان يملك دكان عرض بالخرطوم . واذا الكورة تمزقت كانوا يرسلوها لعوض سالم لتفويرها زي لستك العربة اي فتحها وعمل رقعة واعادة خياطتها ، كلفوه في الاخلاص بتفويرالكور وتأخر ولم يحضرها للتمرين ولما ذهبوا اليه في المنزل لقوه خاتي الكور في حلة كبيرة وشاديهم في النار ولما احرجوه قال ليهم والله فوروهم دي قايلها زي ما بفوروا اللبن .
2) قلنا انه اسرع من عرفته الميادين في الطرف اليمين، وكان في الاخلاص لاعب سريع ايضا اسمه ادم ابو فرار، في ماتش في ميدان الخليفة كان لاعب فيه عثمان الديم قبل انتقاله للهلال، واللاعب ود البحر - الاخلاص، بدأ اللعب قبل اللاعبين ما يخرجوا من دائرة السنتر كان سعيد بلبوط وأبو فرار وصلوا قون الفريق الخصم ولم يجدوا اي لاعب من المهاجمين، ود البحر قال لي عثمان الديم خلي العبوها للمرحوم صالح جبريل - ديل يحصلوهم كيف ؟
3) في القلعة كان عندهم جيران عزابة 4 ولهم ###### خطير جدا . وكان المرحوم بلبوط بلاوز منه ، وهو لا يستلطف العزابة والعزابة لا يستلطفونه . وكلما احسوا به يطلقون ال###### . سأله احد الجيران العزابة جيرانك ديل عددهم كم فقال له بثقافته القرآنية «اربعة وخامسهم ######هم» .
4) الاخلاص كانت له لعبة مهمة والفريق اعمدته الاساسية كانت غائبة ، في نفس اليوم سجل نفسه في الكشف ولعب مدافع ، زملاؤه يقولوا ليه اطلع من خط 6 يقول ليهم بثقة الواثق من نفسه «اقيف في خط ستة وامسك بهم السبعة» .
5) الاخلاص كانت عنده مباراة مهمة ، قاموا ادوهم عجلة وهو واللاعب عبد الله ود آدم علشان يجو بها لي دار الرياضة ام درمان ، واتضح انهما لا يعرفان ركوب العجلة واضطروا لقيادتها وكان وقتها القانون لا يسمح بلعب الاحتياطي ، ووصلا متأخرين ووجدوا الاخلاص مغلوبا فقالا للجماعة لو خليتونا جينا بي كرعينا كان اسرع .
6) كان سريع لانه يلعب حفيان بدون جزمة او كدارة ، في مباراة بعد تعديل القانون ارغم على لبس الكدارة فاعاقته الكدارة في السرعة واتقان التمرير ، ولما اوشكت المباراة على الانتهاء ملص الكدارة وبسرعته الفائقة وصل وسدد واحرز هدفاً دفاع الخصم كله يكورك للحكم والله حفيان والله حفيان .
7) كان بلبوط لطيفا وراجل نكتة حكي ان صديقه ود ارسد سائق تاكسي في المحطة الوسطى ، اخرج ود ارسد الفلوس التي تحصل عليها ورتبها ، وحوالي الساعة 12 ليلا ظهر له 4 فتوات مفتولو العضلات وقالوا ليه عايزين مشوار لام بدة بالسبيل ، فقال لهم بالله ما احسن تدقوني وتشيلوا قروشي هنا لزومو شنو امبدة والتلتلة .
8) سعيد بلبوط مرة جاي من الخرطوم بالطراحة ام شلن ، فاخرج شلن مسهوك ونوي ان يعطيه لصاحب التاكسي ، وعندما نزل بدل ان يعطيه الشلن اعطى صاحب التاكسي الجزلان - صاحب التاكسي يكورك ليه يا خينا يا خينا وهو يقول ليه اعمل ليك شنو مسهوك مسهوك انا دقيته ، ولما لحق به صاحب التاكسي وعلم بامر الجزلان اعتذر له في ادب واداه شلن جديد .
9) الاخلاص لاعب مع الموردة - وهو طرف يمين وابو فرار طرف شمال ، سنترهاف الموردة الصافي جهجهوه جدا ما عرف يمسك منو فيهم ، طلب من المدرب اخراجه وقال ليه «معقول العب مع حرامية ديل عايزين ليهم سواري عشان يمسكهم» .
10) سعيد بلبوط قال ان المرحومين فار وكديس يعملان في دار الرياضة ام درمان . وحدث ان مرض فار وذهب كديس لزيارته ولم يجده بالمنزل ، فقال لزوجته «قولي لي فار كديس جاء ما لقاك» فردت عليه «الحمد لله الما لقيتو كنت اكلته» .
11) الاخلاص وود نوباوي المنافسة بينهما زي الهلال والمريخ ، هجوم الاخلاص كان مكونا من نتشة والسر دوليب ويوسف محمد يوسف ماجوا التمرين الختامي ، وكانوا مساهرين في حفلة جوا منها 5 صباحاً فوجدوا سعيد بلبوط منتظرهم امام البيت ، يوسف كان احمق اخرج كدارته من الدولاب وساق سعيد بلبوط ورمى الكدارة في الحمام وقال ليه جايني 5 صباحاً بتاع لبن انت ؟ الكورة دي خلاص بطلناها والكدارة رميناها .
مرة لم يدخلوه مجلس الإخلاص ولم يمسكوه سكرتير العاب ، قعد يغني في النادي اوصيه «بالاخلاص» وما يحفظ وصيتي واغنية :
خلاص يا قلبي جافوك
نسوا «الاخلاص» ونسيوك
فحاول انت انساهم
ولا تحفل لذكراهم
وقول للماشي يغشاهم
امانة تقول لمن هجروا
فراقكم لينا امره مريب
ولما نالوا مرامهم
جفوني وقالوا «زول» مجنون .
توفى عام 1998م وعمل العزاء بالحارة الخامسة بمنزل اخيه حسن .. رحمه الله واسكنه فسيح جناته مع الصديقين الشهداء والصالحين وحسن اولئك رفيقا .
27/9/2005م .
نقلاً من جريدة الصحافة
ظرفاء ود نوباوي قصص وحكاوي «8» ...
بقلم : احمد دولة
محجوب كُشك
ناس (الهاي هاي) بلياردو ... أتاري .. كشري وحاجات كدة
الشماسة / الحناكيش في رمضان :
حاولنا نبحث عن الشماسة في الازقة والايام دي بقوا نادرين ذي الجوافة لقينا لينا كوم صغير كدة وفهمناهم انو نحنا دايرين نعرف علاقتهم برمضان كيف ؟ وفي اتجاه ثاني تحركنا صوب كافتريات الخرطوم الراقية وكبري شمبات وتجمعات اولاد العز عشان نعرف برنامجهم في رمضان كيف ؟ طبعا حانتجاوز عن جزء من الاسماء !!
الشماشة الشحدة عندهم عيب .. يا كلو كيف .. كدا !!
كرت .. بواقي مطاعم .. سينما .. نوم !!
ظريفنا الاثمن بودنوباوي هو المرحوم محجوب عبد الجبار المشهور بكشك وهو شقيق كل من صديق والزين وصالح عبد الجبار هو من مواليد ام درمان وهو دفعة المشير جعفر نميري وكان زميل دراسة له في الاولية بمدرسة الهجرة الاولية عندما كانت بحي الركابية جوار مسجد الامين عبد الرحمن قبل ان تنقل جوار مقابر البكري لعب لفريق الثعالب الذي كان المرحوم الفاضل سعيد يقول لهم «يا ثعالب يا ثعالب مين الغالب» كان حكم روابط وسكرتير العاب لنادي الاخلاص الامدرماني ولم يلعب للاخلاص كلاعب اساسي يعمل صانع احذية بسوق امد رمان ثم التحق بعد ذلك بمصلحة وقاية النباتات حتي فارق الحياة في 28/3/2001م كان معلما بارزا وضمن ظرفاء رواد دار الرياضة ام درمان سريع النكتة حاضر البديهة بعد الوفاة اقام له رواد دار الرياضة ام درمان تأبينا خاصا في يوم 5/4/2001م مع مباراة الاخلاص والتاج ورفعت صوره المكبرة في جنبات الدار ووقف الجميع ترحما عليه لدماثة خلقه .
نحكي عنه هذه الحكاوي
لانه من رواد دار الرياضة امد رمان كان اصدقاؤه يناكفونه ويشاغلونه خصوصا صديقه المشجع السر (س) الذي كان يعمل جنايني في جامعة الخرطوم هذا السر قال لمحجوب كشك انتو في وقاية النباتات مطلوب منكم مكافحة الجراد لكن انتو لا تقتلون الجراد بس تدلعوه علشان كان مات انتو حيرفتوكم من العمل كشك قال لصديقه السر (س) انت شغال جنايني في جامعة الخرطوم 50 سنة كان بتقيف بالشباك وتسمع كل يوم كلمة كنت بقيت بروفسير .
ذهب مع صديق عمره حسن محمد حسن يوم جمعة لمطعم مشهور في سوق ام درمان بالقرب من حي البوستة اكل هو وصديقه حسن سمك كان يشتهر به هذا المطعم ، الجرسون قال للمعلم صاحب المطعم حساب الافندية 15 قرش كشك قال لصاحب المطعم مستكثرا المبلغ سمك بي 15 قرش امال التمساح عندكم بي كم .
هناك منافسة شرسة بين فريقي ودنوباوي والاخلاص زي هلال مريخ مع ان الفريقين في حي واحد بعد صعوده للدرجة الاولي صال فريق ودنوباوي وجال وهزم كل الفرق الكبيرة ولكنه نزل للدرجة الثانية قام وزير الرياضة وقتها بتعيين مجلس ادارة لفريق ودنوباوي برئاسة المرحوم الرياضي المطبوع عمر مهدي لكي يرجع بالفريق للدرجة الاولي لما امتاز به عمر مهدي من ادارة حكيمة وصرف على الفريق كشك الحكاية دي زعلته قال للجماعة (والله ودنوباوي تاني ما يرجع للدرجة الاولي لو جابو ليه سيدنا عمر بن عبد العزيز خلي عمر مهدي).
واحد قريب كشك اسمه مكي من اهل العوض جاء ام درمان وسكن الحتانة قال للجماعة عايز امشي السوق قالوا ليه تمشي شارع الزلط تركب الحافلة لحدي ما تصل السوق قام ركب الحافلة الكمساري كلما يجي محطة بينده اسم المحطة ويقول في حد نازل محطة المهداوي الحارة السادسة كلية التربية السوق الجديد محطة الدومة ، الكبري ، م
Reply Reply to all Forward
|
|
 
|
|
|
|
|
| العنوان |
الكاتب |
Date |
| دفتر احوال ضابط الشرطة المناوب{2011} | Ali Sirelkhatim | 12-15-10, 00:41 AM |
| Re: دفتر احوال ضابط الشرطة المناوب{2011} | Ali Sirelkhatim | 12-15-10, 01:23 AM |
| Re: دفتر احوال ضابط الشرطة المناوب{2011} | النصرى أمين | 12-15-10, 02:59 AM |
| Re: دفتر احوال ضابط الشرطة المناوب{2011} | على جويلى | 12-15-10, 04:58 AM |
| Re: دفتر احوال ضابط الشرطة المناوب{2011} | omer osman | 12-15-10, 04:58 AM |
| Re: دفتر احوال ضابط الشرطة المناوب{2011} | ابراهيم الرشيد عبدالرحمن وراق | 12-15-10, 07:23 AM |
 Re: دفتر احوال ضابط الشرطة المناوب{2011} | محمد عبد الماجد الصايم | 12-15-10, 07:39 AM |
| Re: دفتر احوال ضابط الشرطة المناوب{2011} | أسامه الكرور | 12-15-10, 08:32 AM |
| Re: دفتر احوال ضابط الشرطة المناوب{2011} | أسامه الكرور | 12-15-10, 08:55 AM |
 Re: دفتر احوال ضابط الشرطة المناوب{2011} | الطيب عثمان يوسف | 12-15-10, 12:02 PM |
| Re: دفتر احوال ضابط الشرطة المناوب{2011} | الصادق عوض | 12-15-10, 01:34 PM |
| Re: دفتر احوال ضابط الشرطة المناوب{2011} | Ali Sirelkhatim | 12-15-10, 01:38 PM |
| Re: دفتر احوال ضابط الشرطة المناوب{2011} | Ali Sirelkhatim | 12-15-10, 01:44 PM |
| Re: دفتر احوال ضابط الشرطة المناوب{2011} | Ali Sirelkhatim | 12-15-10, 01:54 PM |
| Re: دفتر احوال ضابط الشرطة المناوب{2011} | Ali Sirelkhatim | 12-15-10, 02:02 PM |
| Re: دفتر احوال ضابط الشرطة المناوب{2011} | Ali Sirelkhatim | 12-15-10, 02:11 PM |
| Re: دفتر احوال ضابط الشرطة المناوب{2011} | Ali Sirelkhatim | 12-15-10, 02:20 PM |
| Re: دفتر احوال ضابط الشرطة المناوب{2011} | فيصل عثمان الحسن | 12-15-10, 02:33 PM |
| Re: دفتر احوال ضابط الشرطة المناوب{2011} | أسامه الكرور | 12-15-10, 04:31 PM |
| Re: دفتر احوال ضابط الشرطة المناوب{2011} | أسامه الكرور | 12-15-10, 04:43 PM |
| Re: دفتر احوال ضابط الشرطة المناوب{2011} | عبد الرحيم محمد عبد الرحيم | 12-15-10, 07:28 PM |
| Re: دفتر احوال ضابط الشرطة المناوب{2011} | عاطف نورالهدى الطاهر | 12-15-10, 11:23 PM |
| Re: دفتر احوال ضابط الشرطة المناوب{2011} | عبد الرحيم محمد عبد الرحيم | 12-16-10, 06:47 AM |
| Re: دفتر احوال ضابط الشرطة المناوب{2011} | Yassir Tayfour | 12-16-10, 07:25 AM |
| Re: دفتر احوال ضابط الشرطة المناوب{2011} | أسامه الكرور | 12-16-10, 09:38 AM |
| Re: دفتر احوال ضابط الشرطة المناوب{2011} | عبدالكريم أحمد الامين | 12-16-10, 10:06 AM |
| Re: دفتر احوال ضابط الشرطة المناوب{2011} | عبدالكريم أحمد الامين | 12-16-10, 10:09 AM |
| Re: دفتر احوال ضابط الشرطة المناوب{2011} | عبدالأله زمراوي | 12-16-10, 10:14 AM |
| Re: دفتر احوال ضابط الشرطة المناوب{2011} | عبدالحفيظ حسن | 12-16-10, 10:43 AM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 04:02 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 03:38 PM |
| Re: دفتر احوال ضابط الشرطة المناوب{2011} | الطيب عثمان يوسف | 12-16-10, 11:01 AM |
| Re: دفتر احوال ضابط الشرطة المناوب{2011} | فيصل عثمان الحسن | 12-16-10, 12:58 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 03:26 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 04:07 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 04:29 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 04:41 PM |
| Re: دفتر احوال ضابط الشرطة المناوب{2011} | أسامه الكرور | 12-16-10, 05:36 PM |
| Re: دفتر احوال ضابط الشرطة المناوب{2011} | عبد الرحيم محمد عبد الرحيم | 12-16-10, 06:56 PM |
| Re: دفتر احوال ضابط الشرطة المناوب{2011} | النصرى أمين | 12-16-10, 07:06 PM |
| Re: دفتر احوال ضابط الشرطة المناوب{2011} | عبد الرحيم محمد عبد الرحيم | 12-16-10, 07:35 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 07:42 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 07:46 PM |
| Re: دفتر احوال ضابط الشرطة المناوب{2011} | Ali Sirelkhatim | 12-16-10, 07:50 PM |
| Re: دفتر احوال ضابط الشرطة المناوب{2011} | فيصل عثمان الحسن | 12-16-10, 11:27 PM |
| Re: دفتر احوال ضابط الشرطة المناوب{2011} | فيصل عثمان الحسن | 12-17-10, 00:00 AM |
| Re: دفتر احوال ضابط الشرطة المناوب{2011} | Ali Sirelkhatim | 12-17-10, 00:03 AM |
| Re: دفتر احوال ضابط الشرطة المناوب{2011} | Ali Sirelkhatim | 12-17-10, 01:33 AM |
 Re: دفتر احوال ضابط الشرطة المناوب{2011} | Yassir Tayfour | 12-17-10, 01:30 AM |
| Re: دفتر احوال ضابط الشرطة المناوب{2011} | Ali Sirelkhatim | 12-17-10, 02:19 AM |
| Re: دفتر احوال ضابط الشرطة المناوب{2011} | Ali Sirelkhatim | 12-17-10, 02:34 AM |
| Re: دفتر احوال ضابط الشرطة المناوب{2011} | فارس موسى | 12-17-10, 04:20 AM |
| Re: دفتر احوال ضابط الشرطة المناوب{2011} | Ali Sirelkhatim | 12-17-10, 03:08 AM |
| Re: دفتر احوال ضابط الشرطة المناوب{2011} | عاطف نورالهدى الطاهر | 12-17-10, 03:27 AM |
| Re: دفتر احوال ضابط الشرطة المناوب{2011} | على جويلى | 12-17-10, 08:24 AM |
| Re: دفتر احوال ضابط الشرطة المناوب{2011} | فارس موسى | 12-17-10, 08:38 AM |
| Re: دفتر احوال ضابط الشرطة المناوب{2011} | Ali Sirelkhatim | 12-17-10, 02:48 PM |
| Re: دفتر احوال ضابط الشرطة المناوب{2011} | Ali Sirelkhatim | 12-17-10, 02:54 PM |
| Re: دفتر احوال ضابط الشرطة المناوب{2011} | فيصل عثمان الحسن | 12-17-10, 03:13 PM |
| Re: دفتر احوال ضابط الشرطة المناوب{2011} | فارس موسى | 12-17-10, 05:46 PM |
| Re: دفتر احوال ضابط الشرطة المناوب{2011} | عبدالحفيظ حسن | 12-17-10, 06:29 PM |
| Re: دفتر احوال ضابط الشرطة المناوب{2011} | عبد الرحيم محمد عبد الرحيم | 12-17-10, 06:56 PM |
| Re: دفتر احوال ضابط الشرطة المناوب{2011} | على جويلى | 12-18-10, 05:15 AM |
| Re: دفتر احوال ضابط الشرطة المناوب{2011} | فيصل عثمان الحسن | 12-18-10, 12:42 PM |
| Re: دفتر احوال ضابط الشرطة المناوب{2011} | فارس موسى | 12-18-10, 05:12 AM |
| Re: دفتر احوال ضابط الشرطة المناوب{2011} | Ali Sirelkhatim | 12-18-10, 01:38 PM |
| Re: دفتر احوال ضابط الشرطة المناوب{2011} | Ali Sirelkhatim | 12-18-10, 01:48 PM |
| Re: دفتر احوال ضابط الشرطة المناوب{2011} | فيصل عثمان الحسن | 12-18-10, 01:56 PM |
| Re: دفتر احوال ضابط الشرطة المناوب{2011} | Ali Sirelkhatim | 12-18-10, 02:41 PM |
| Re: دفتر احوال ضابط الشرطة المناوب{2011} | Ali Sirelkhatim | 12-18-10, 02:46 PM |
| Re: دفتر احوال ضابط الشرطة المناوب{2011} | عاطف نورالهدى الطاهر | 12-18-10, 03:24 PM |
| Re: دفتر احوال ضابط الشرطة المناوب{2011} | محمد إبراهيم علي | 12-18-10, 04:33 PM |
| Re: دفتر احوال ضابط الشرطة المناوب{2011} | عبدالحفيظ حسن | 12-18-10, 04:40 PM |
| Re: دفتر احوال ضابط الشرطة المناوب{2011} | Ali Sirelkhatim | 12-18-10, 06:36 PM |
| Re: دفتر احوال ضابط الشرطة المناوب{2011} | عبد الرحيم محمد عبد الرحيم | 12-19-10, 06:51 AM |
| Re: دفتر احوال ضابط الشرطة المناوب{2011} | أسامه الكرور | 12-19-10, 08:29 AM |
| Re: دفتر احوال ضابط الشرطة المناوب{2011} | ابراهيم الرشيد عبدالرحمن وراق | 12-19-10, 10:01 AM |
| Re: دفتر احوال ضابط الشرطة المناوب{2011} | الطيب عثمان يوسف | 12-19-10, 10:25 AM |
| Re: دفتر احوال ضابط الشرطة المناوب{2011} | Ali Sirelkhatim | 12-19-10, 01:00 PM |
| Re: دفتر احوال ضابط الشرطة المناوب{2011} | ابراهيم الرشيد عبدالرحمن وراق | 12-19-10, 02:39 PM |
| Re: دفتر احوال ضابط الشرطة المناوب{2011} | Ali Sirelkhatim | 12-19-10, 06:15 PM |
| Re: دفتر احوال ضابط الشرطة المناوب{2011} | فارس موسى | 12-19-10, 07:52 PM |
| Re: دفتر احوال ضابط الشرطة المناوب{2011} | أسامه الكرور | 12-19-10, 08:05 PM |
| Re: دفتر احوال ضابط الشرطة المناوب{2011} | فيصل عثمان الحسن | 12-19-10, 10:22 PM |
| Re: دفتر احوال ضابط الشرطة المناوب{2011} | Ali Sirelkhatim | 12-19-10, 10:45 PM |
| Re: دفتر احوال ضابط الشرطة المناوب{2011} | Ali Sirelkhatim | 12-19-10, 10:55 PM |
| Re: دفتر احوال ضابط الشرطة المناوب{2011} | Ali Sirelkhatim | 12-19-10, 11:01 PM |
| Re: دفتر احوال ضابط الشرطة المناوب{2011} | Ali Sirelkhatim | 12-19-10, 11:11 PM |
| Re: دفتر احوال ضابط الشرطة المناوب{2011} | على جويلى | 12-20-10, 04:51 AM |
| Re: دفتر احوال ضابط الشرطة المناوب{2011} | على جويلى | 12-20-10, 05:02 AM |
| Re: دفتر احوال ضابط الشرطة المناوب{2011} | ابراهيم الرشيد عبدالرحمن وراق | 12-20-10, 06:39 AM |
| Re: دفتر احوال ضابط الشرطة المناوب{2011} | ابراهيم الرشيد عبدالرحمن وراق | 12-20-10, 07:45 AM |
| Re: دفتر احوال ضابط الشرطة المناوب{2011} | فيصل عثمان الحسن | 12-20-10, 10:23 AM |
| Re: دفتر احوال ضابط الشرطة المناوب{2011} | فيصل عثمان الحسن | 12-20-10, 10:41 AM |
| Re: دفتر احوال ضابط الشرطة المناوب{2011} | فيصل عثمان الحسن | 12-20-10, 11:04 AM |
| Re: دفتر احوال ضابط الشرطة المناوب{2011} | Dr.Mohammed Ali Elmusharaf | 12-20-10, 01:32 PM |
| Re: دفتر احوال ضابط الشرطة المناوب{2011} | ابراهيم الرشيد عبدالرحمن وراق | 12-20-10, 01:57 PM |
| Re: دفتر احوال ضابط الشرطة المناوب{2011} | Ali Sirelkhatim | 12-20-10, 02:34 PM |
| Re: دفتر احوال ضابط الشرطة المناوب{2011} | Ali Sirelkhatim | 12-20-10, 04:37 PM |
| Re: دفتر احوال ضابط الشرطة المناوب{2011} | Ali Sirelkhatim | 12-20-10, 04:44 PM |
| Re: دفتر احوال ضابط الشرطة المناوب{2011} | أسامه الكرور | 12-20-10, 06:11 PM |
|
| |
Ali Sirelkhatim
فيس بوك
تويتر
انستقرام
يوتيوب
بنتيريست