كتب الكاتب الفاتح جبرا المتوفرة بمعرض الدوحة
|
Re: دفتر احوال ضابط الشرطة المناوب{2011} (Re: Adil Hamza)
|
ياخ .... ياخ...اهههه...
الواحد فينا يكون عايش في مود كويس ومافي مشكله والحمد لله
بس من تكون هناك مباره لهلال السودان الواحد يكون في حاله من التوتر والقلق
وخصوصا عندما يضيع الهلال الفوز بعد ان كان في متناول اليد، اذا انهزم بشرف مافي
مشكله لكن انهزم بطريقه غبيه ده البجيب فوران الدم ... الله يتوب علينا من الكوره
انعل ابوا الكوره لابوا الهلال ولابوا المريخ زاتو ... مرض الله يمرضكم!!!!..
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
Quote: انعل ابوا الكوره لابوا الهلال ولابوا المريخ زاتو ... مرض الله يمرضكم!!!!.. |
اعصابك يااخوى عنتر .. وزى ماقلت الله يتوب علينا من الكورة وخاصة الكورة السودانية .. علق احدهم على الهدف الاول قال دا من سوق ليبيا ..
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
إبان تفريق جموع الأهالي الذين تظاهروا واشتبكوا مع قوات الاحتياطي المركزي بمنطقه الدخينات احتجاجا علي إزاله سكنهم العشوائي أصيب للأخ عاطف عنتر اصابه بالغه من نشاب اطلقه احد المتظاهرين وايضا رموا قوات الشرطه بالحراب والحجاره ولكن رقم كل الإخطار التي احاطت بالقوه ورغم اصابه الاخ عاطف البالغه الا انهم (الشرطه)لم يطلقوا الرصاص علي المواطنين ولم يقتلوااحد
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
الفاتح جـــبرا | ساخر سبيل
اوعا يكون سرطان الفاتح جـــبرا | ساخر سبيل لمراسلة الاستاذ الفاتح جبرا [email protected] علي الرغم من أن حاج أبراهيم قد تجاوز السبعين من العمر إلا أنه كان يتمتع بقوام متماسك وصحة جيدة شأنه شأن كل أبناء قريته من جيله الذى تربى على السمن والتمر والعسل . عند زيارة إبنه بابكر للقرية قادماً من العاصمة التى يعمل فيها مهندساً للبترول بإحدى الشركات إشتكى حاج إبراهيم لإبنه بابكر من ألم فى بطنه : - أها وعملتا ليهو شنو يا بوى - والله يا ولدى مافي حاجه قالوا ليا أعملا ما عملتها .. لمن خلاص معدتي دى إتهرت .. شئ محريب وشئ غرنجال وشئ نعناع .. شئ شراب وشئ سفوفة وشئ أتمسح بيهو - وده كولو يا بوى ما نفع ؟ - والله كلو ما نفع وبطنى دى ذى البشرطو فيها بي سكاكين - طيب ما مشيت الدكتور ليه يا بوى - والقال ليك منو ما مشيت؟ قابلتا مساعد الحكيم الفى شفخانتنا دي وهو القال ليا سوى النعناع والغرنجال والمحريب الما نفعو ديل - خلاس يابوى أسوقك معاي العاصمة يعملو ليكا حاجه إسمها MRI يعنى صورة بالرنين المغناطيسي ودى ح تورينا الحاصل شنو فى بطنك ! - والقلتو ده يطلع شنو؟ - ده يا بوى كشف تقدر تقول ذى صورة الأشعة كده ! فى إستقبال المستوصف العاصمى ذو الطوابق المتعددة قام بابكر مصطحباً والده بدفع الرسوم وعمل الملف ثم ما لبثا أن دخلا لمقابلة الطبيب الذى أوضح له بابكر الحاصل فوافقه على عمل صورة للحاج بالرنين المغناطيسي . - صحي يا دكتور كشفكم ده ما فيهو حقن وطعين ؟ - صاح يا حاج والله هبشة ما نهبشك - ما تهبشونى ؟ نان تكشفوا عليا كيفن؟ - أصلو يا حاج ده جهاز جديد إنتا بس تقلع هدومك وتدخل جواهو وهو بيمشى بيك براهو لغاية ماتطلع من الجيهة التانية - بدون أى ألم؟ - ألم شنو يا حاج ما ح تحس بأى حاجة .. وكان للمبات البتكون فوق راسك دى أكان أزعجتك غمض عينيك لحدت ما تطلع - بياخد قدر شنو الكلام ده؟ - يعنى ما أكتر من دقيقتين يا حاج - أها ومرضى ده بتعرفوهو طواااالى؟ - كيفن يا حاج طوااالى الجهاز ح يطلع لينا النتيجة مكتوبة بالكمبيوتر - خلاص يا دكتور يلا أعملوا لينا الكشف ده والله يستر من أمراض اليومين ديل ! طلب الطبيب من إحدى السسترات مرافقة حاج أبراهيم لغرفة (الرنين المغناطيسي) التى تقع فى أحد الطوابق العليا ، توقفت أمام أحد الأسانسيرات الذى ما أن فتح بابه حتى دخلت وطلبت من حاج أبراهيم الدخول ثم قامت بالضغط علي (الذر) الذى تقع فيه غرفة الجهاز. وباب الأسانسير يبدأ في الإنغلاق تذكرت السستر أمراً هاماً جعلها تحصل باب الأسانسير قبل أن ينقفل وتنسل خارجة ، وجد حاج إبراهيم نفسه وحيداً .. نظر إلى اللمبات التى فى أعلي الأسانسير فقال مخاطباً نفسه : - بالله الدكتور ده مش بيبالغ .. هسه دى أنوار بتزعج ليها زول لحدت ما يغمض عينيهو .. قام حاج أبراهيم بوضع (عمته) على أرضية الأسانسير ثم بدأ فى (قلع) الجلابية ثم (العراقي) ثم (الشنو ما بعرف) وقعد يا الله كما خلقتنى . فتح الأسانسير فى الطابق الأخير حيث كان هنالك عدد من الممرضات والسيسترات ينتظرن الأسانسير )في فزع) : ووووووووووب .. علينا ... ووووووووووب هنا نظر إليهن حاج أبراهيم فى خوف قائلاً : - بس أوعكن تقولن ليا طلع ... سرطان ! كسرة : هذه الحكاية وردت لي عبر الإيميل وقلنا نغير بيها شوية من (الغم والهم) ! والمستفاد منها أن (اللمبات) يمكن أن تستخدم فى أى مكان ! ـــــــــــــــــــــــــ تصلك هذه الرسالة من مجموعة ساخر سبيل البريدية للكاتب السودانى الساخر / الفاتح جبرا للاشتراك بالمجموعة ارسل رسالة فارغة للايميل التالى [email protected] او باضافة الايميل فى الرابط اضغط هنا
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: .. وبعدين .. لاعن أبو كورتنا ليه .. نحنا عا########ا.. وحلاتنا كمان اليومين ديل .. متجدعين في البلد يا سعادتك ..
|
البشوف الكلام ده يا عبده عوض يقول نادى برشلونه .. كل العملتوا حته كاس برنجى لا نزل ولاطلع .. وكفايه ميزانيه الدوله المفتوحه للنادى لاحضار لاعبين مواسير وخرد قال الوالي قال...
| |
|
|
|
|
|
|
Re: دفتر احوال ضابط الشرطة المناوب{2011} (Re: Dr.Mohammed Ali Elmusharaf)
|
تحياتى عبده عوض ومشتاقين
ياخ ما تبقى حاقد .. وأرفع يديك معانا ربنا ينصر الهلال على الرجاء عشان يتأهل لدور الأربعه
ويلاقى ( الحمام الميت ) المجوعه الأخرى ... وعينك ماتشوف إلا النور ... إحتمال النور زاتو ما تشوفوا
ويا سيد عاطف .. خلى أعصابك بااااارده .. الموقف ده متكرر .. ما جديد عشان تزعل
تحياتى للأسره الكريمه
...
سلامات يا سيد فيصل .. وكفاره للكمبيوتر ... إفتقدناك ومواضيعك الُثره
......
يا ود برى
شكراً ساكت مافى ؟؟؟ ولا نفِتُوا ؟؟؟؟
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
الله يطمئنك يا دكتور مشرف ..
أسامة يا كعب ..
Quote: ياخ ما تبقى حاقد .. وأرفع يديك معانا ربنا ينصر الهلال على الرجاء عشان يتأهل لدور الأربعه |
دا الحقد بأم عينه .. أنا كان رفعت يدي داعيا لهم بالهزيمة .. سيكون أهون عليهم من دعوتك ليهم بالصعود .. لأنو المصيبة حاتكون أكبر .. صفاقسي يطفق .. ترجي يرج .. أنيمبا ينوني .. مازيمبي يزوزي بينا ..
| |
|
|
|
|
|
|
Re: دفتر احوال ضابط الشرطة المناوب{2011} (Re: عبده عوض)
|
Quote: سلام للأخوان هنا وهناك .. بالأخص .. ودبري و أسامة الكرور و د. مشرف |
العزيز / عبده عوض يسالك من الخير .بالمناسبة قبل دقائق كان معى بالمنزل اخونا امير محمد عثمان شرفنا بطلته البهية وهو بالجد بسال منك وقبل مداخلتك دى انا قلت ليه عبده عوض ده قاطع الايام دى وهو قالى (بيكون شغال )..! الحبيب / اسامة الكرور شكرا شكرا العزيز / سيد الحوش نحن فى انتظار الاتصال ؟ الاحبة مشرف وعلى جويلى وفيصل وعادل وياسر ... سلام . وسالين من الخير اين اخونا عمر محمد عثمان وابراهيم الرشيد؟
اما اخونا الاخر . شمارك مع الفاتح دهيس وصل . ولكل سلام ودبرى
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
اتصلت بالحبيب فيصل عثمان الحسن ولقيتو فاتح خط شايقي اللهجه مع احد ابناء جلاس بقرينز بورو حتي فاحت رائحه الويكي والقراصي وامتزجت بالفايبر اوبتكس قلت ليهو فاقدنك والناس كووووووووووولها بتسال عنك فقال جا هواء شديد شال كبايه الشاي من الطربيزه وطارت ضربت في المروحه وخبتت الكي بورد بتاع الكمبيوتر ونفضت منّو الحروف العربيه وطلعت بالشباك التاني والهواء شايلها وهسه كان قريبه تكون وصلت لفّه الكلاكله
ترجمه الكلام الفوق ده يعني بالعربي كده قال لينا قوموا لفّوا عملتوا لي وجع وش(وش عايز ينفصل)
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
معقولة بس الفاتح جـــبرا | ساخر سبيل لمراسلة الاستاذ الفاتح جبرا [email protected]
على خشبة مسرح (الإمدادات الطبية) يجري عرض عدد من المسرحيات الهذلية التى تندرج تحت مسرح (اللا معقول) ولا منظور ذاااتو، لا تفوتك الفرصة عزيزى القارئ لمشاهدة هذه المسرحيات (الموثقة) التى تعرض هذه الأيام والتى تم إخراجها (كوبي بيست) بنفس سيناريو مسرحية (محاليل كور) والتى شاهدناها في العام 1999م سوى بعض الإختلافات فى وجوه الممثلين ! المسرحية الأولي هى بإسم (السابتمول) ومشاهد المسرحية تقول بان الإمدادات الطبية استوردت عدد 720 ألف فتيل من دواء محلول الاستنشاق (السابتمول) وقبل أن يتم تحليل عينات من هذا الدواء بواسطة المجلس القومي للأدوية والسموم قامت (الإمدادات الطبية) بتوزيع الدواء علي المستشفيات الحكومية والخاصة لتنال حصتها من هذا الدواء ويتم تناوله بواسطة (فئران التجارب) أقصد المواطنين ! علماً بأن المستندات تؤكد بأن الدواء الى جانب عدم تحليله انه غير مسجل والمصنع الذي أنتجه أيضاً غير مسجل والمنظمة التي قامت بتسويقه غير مسجله ، مما يعنى أن من إستورده زول (مسجل خطر) كما يقول إخوتنا فى شمال الوادى . أما المسرحية الثانية التى يتم عرضها علي مسرح (الإمدادات الطبية) فهى مسرحية (الدم الفاسد) وهى مسرحية تتكون من مشهدين مختلفين المشهد الأول يقول بأن الإمدادات الطبية قد قامت بإستيراد ادوية لم يتم تسجيلها ومستلزمات طبية حوت (اكياس دم) بها عدد (2 ) تاريخ إنتهاء صلاحية (يعنى إستريو) ، واحد خارج العبوة يقول بأنها تنتهى عام 2014 والتانى داخل العبوة ويقول بانها تنتهي في عام 2010 يعنى بعد شهر شهرين من إستيراده (شفتوا الفن والحرفنة دى كيف؟) وقد قامت الهيئة عند إنكشاف الأمر بسحب أكياس الدم هذه من المستشفيات (أكيد بعد ما بعض المرضى لحقوا أمات طه( أما المشهد الثانى من المسرحية فيقول بأنه وبعد إستيراد أكياس دم (المشهد الأول )المصرية الضاربة (أم تاريخ جوه وتاريخ بره) إتجه (المخرج) بمسرحيته إلى بلاد (فارس) إذ قام باستيراد عدد(104) ألف كيس بمبلغ (274) ألف يورو... من (إيران) وفي هذه المرة لا يوجد بالأكياس لا تاريخ إنتاج ولا حتي تاريخ إنتهاء صلاحية ولا يحزنون !! (لاحظ أنو دى أكياس دم يعنى ما لمبات) .. ومش كده وبس فالشركة التى تم إستيراد هذه الأكياس من الدم منها شركة (مجهولة) لا يوجد لها عنوان حيث غابت عن (الوثائق) أرقام النلفونات والفاكسات وكل ما يمكن أن يدل عليها (بالله ده إسمو كلام؟( !! ويمضى هذا المشهد من هذه المسرحية (العبثية) التى تقول لمسرح اللامعقول (إنتا شنو؟) ليقول بأن هذه الأكياس التى من المفترض أن تحتوى على هذا السائل الحيوى قد تم توزيعها على المستشفيات دون فحصها وتسجلها لدى المجلس القومى للادوية والسموم كما هو معمول به بتسجيل المستلزمات الطبية بالمجلس !! أما المسرحية الثالثة فهى مسرحية (الكانيولة) أو ما يعرف بالفراشات فقد قام (ذات) طاقم هذه المسرحيات بإستيراد عدد مليون (كانيولة) بمقاسات مختلفة بما يعادل (77) ألف يورو? تؤكد المصادر بانها غير مسجلة لدى المجلس وكذلك المصنع المنتج لها علما بانها استوردت من الهند !! هذه المسرحيات عزيزى القارئ والتى لا يمكن أن يتم عرضها إلا في مسارح (دولة المشروع الحضاري) التى لا تستأجر إلا (القوي الأمين) وثقت لها الصحفية (الخترية) بالرأى العام الأستاذة (سلمى سلامة) ولم تكتف بالوثائق التى بين يديها بل أرادت أن تمارس سلطتها (الرابعة) وصولاً إلى الحقيقة فبعثت بخطاب إلى ادارة الاعلام بهيئة الامدادات الطبية تطلب منهم السماح لها بمقابلة (مدير الهيئة) ليقوم بالتعليق عما جاء في هذه المسرحيات (اللا معقولة) إلا أن إدارة الإعلام بالهيئة ردت بأن السيد المدير (وبكل بساطة) يعتذر عن الحديث فى هذا الموضوع !! (دقيقة أقوم أجيب حبوب الضغط ) ؟ عزيزى القارئ : فى الحتة دى بالذات والله غلبنى أواصل المقال .. هسه الزول بس يكتب شنو وللا يقول شنو؟ خلونا من قصة الوازع الديني .. (الإنسانية وين؟) .. معقوله بس زول يستورد ليهو (دم فاسد) للمرضى الأهلهم راجينهم يطلعوا من المستشفى بالسلامة؟ الراجي أبوهو يشفى .. الراجي أمو تشفي .. الراجي ولدو أو بتو تشفى .. ياتو نوع من البشر هؤلاء الذين يتاجرون في أرواح المواطنين دون أن يرمش لهم جفن؟ الناس دى قايله مافى آخرة وللا مافى حساب ! (حساب هنا ده قنعنا منو( ! كسرة : بعد أن بلغت الإستهانة بأرواح (المواطنين) هذا الحد (الردئ القمئ النتن) اللا إنساني أبشر المواطنين بأن حياتهم في حرز أمين وأن هنالك جهات تقوم بالتحقيق ... عشان يتوصلوا للزول الذى قام بتسريب وإخراج هذه الوثائق و بإذن الله لن يفلت من العقاب !! ـــــــــــــــــــــــــــــــــــــــــــــــــــــــــــــــــــــــــــــــــــــــــــــ تصلك هذه الرسالة من مجموعة ساخر سبيل البريدية للكاتب السودانى الساخر / الفاتح جبرا للاشتراك بالمجموعة ارسل رسالة فارغة للايميل التالى [email protected] او باضافة الايميل فى الرابط اضغط هنا مراسلة الاستاذ على الايميل [email protected]
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: ويا سيد عاطف .. خلى أعصابك بااااارده .. الموقف ده متكرر .. ما جديد عشان تزعل
تحياتى للأسره الكريمه
|
يااسامه تحياتي
خليهوا يتكرر وانشاء الله سوف ياتي يوم الفرح الاكبر.. وخلينا نطير ونرك نحن اسياد بلد نطير ونرك علي كيفنا
شاهده مباراة الاهلي المصري والوداد المغربي والله نهائي مبكر ..
Quote: اتصلت بالحبيب فيصل عثمان الحسن ولقيتو فاتح خط شايقي اللهجه مع احد ابناء جلاس بقرينز بورو حتي فاحت رائحه الويكي والقراصي |
نحنا زمان اديناك شلخه واحده عشان الشايقيه العاجبنك ديل جابت ليها رائحه تركين كمان .. اهه سحبنا منك الشلخه الواحده .. شن قولك
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
Quote: وخلينا نطير ونرك نحن اسياد بلد نطير ونرك علي كيفنا |
الأفريقي فرتق فريقي .. والرجاء رج أرجائي .. ويا مازيمبي .. ما تزوزي بي .. آآآآآيا .. يالعربية .. أطير أنا .. أطير .. أقبل وين !!! بالمناسبة يا سيد عاطف .. الكلام الفوق دا ما تشجيع كورة ولا حاجة .. دا غنا هابط ساكت .. آآآآآآآآآآآيا ..
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
Quote: - أتمنى أن تكون الوالدة تماثلت للشفاء وقد من الله عليها بالصحة والعافية .. يا سيد علي جويلي .. أتمنى أن نسمع عنها كل خير ..
|
شكرا صديقنا العزيز عبدو عوض .. حمد الله على السلامة .. ونرجو ان تفك قيود قلمكم الرصين .. الوالدة طريحة فراش مستشفى الشرطة تعانى من الذبحة والحمد لله على كل حال .. نرجو من الزملاء الكرام مذيدا من الدعوات الطيبات جعلها الله فى ميزان حسناتكم ..
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
Quote: الوالدة طريحة فراش مستشفى الشرطة تعانى من الذبحة والحمد لله على كل حال .. |
اللهم نسألك أن تمن عليها بعاجل الشفاء وأن تمتعها بوافر الصحة والعافية .. ربنا يطمئنكم عليها ياكمندان .. وأن نسمع عنها كل خير يا رب .. آآآآآآمين ..
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
.
Quote: الوالدة طريحة فراش مستشفى الشرطة تعانى من الذبحة والحمد لله على كل حال .. نرجو من الزملاء الكرام مذيدا من الدعوات الطيبات جعلها الله فى ميزان حسناتكم .. |
بسم الله الرحمن الرحيم ، بسم الله دواء ، والحمد لله شفاء ، و لا إله إلا الله كفاء ، هو الشافي شفاء ، وهو الكافي كفاء ، أذهب البأس برب الناس ، شفاء لا يغادره سقم ، وصلى الله على محمد وآله النجباء .
اللهم صلِّ على محمد وآل محمد الطيبين الطاهرين اللهم شافي كل مريض لا سيما من دعونا لأجلها اللهم شافها بشفائك وداوها بدوائك وعافها من بلائك يا كريم واجعل أوجاعها وما تعانيه كفارة لذنوبها ،،، ثم فرج عنها فرجاً عاجلاً قريباً كلمح البصر أو هو أقرب من ذلك يا أرحم الراحمين وصلِّ الله على محمد وآل محمد.
.
| |
|
|
|
|
|
|
Re: دفتر احوال ضابط الشرطة المناوب{2011} (Re: عبدالحفيظ حسن)
|
الأخ على جويلى
نسأل الله أن يمن على والدتكم بعجل الشفاء وتمام الصحه
................. على سر الختم
ياخ النور دا عايزين نشوفوا والله .. ومتابعين معاكم الوعود الكتيره دى .. ربنا يحنن قلب صاحبك
لكن النور بتاع ناس عاطف عنتر دا . الله أعلم يشوفوهوا
..........
القومندان عبدالحفيظ
حمدلله على سلامة شوفتك .. وكل عام وأنتم بخير
.......
عبده عوض
بالله شفت كورة الأهلى والوداد دى .. حمام ميت .. الهلال يطقطقكم زى السلام عليكم .. بس ياااااااااارب يصعد لى دور الأربعه
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
السيد علي الجويلي نسال الله يمن على الوالدة الشفاء العاجل
Quote: بسم الله الرحمن الرحيم ، بسم الله دواء ، والحمد لله شفاء ، و لا إله إلا الله كفاء ، هو الشافي شفاء ، وهو الكافي كفاء ، أذهب البأس برب الناس ، شفاء لا يغادره سقم ، وصلى الله على محمد وآله النجباء . |
| |
|
|
|
|
|
|
Re: دفتر احوال ضابط الشرطة المناوب{2011} (Re: Dr.Mohammed Ali Elmusharaf)
|
- أسأل الله الشفاء العاجل وتمام الصحة لوالدتنا الغالية يا سيد جويلي ..
- سلام وتحايا خاصة للكومندان العائد بعد غيبة السيد عبدالحفيظ حسن .. أتمنى أن تكون والأسرة الكريمة بخير يا سعادتك ..
Quote: بالله شفت كورة الأهلى والوداد دى .. حمام ميت .. الهلال يطقطقكم زى السلام عليكم .. بس ياااااااااارب يصعد لى دور الأربعه ] |
أسامة يا كرور .. يا ( كعب ) عالي .. يا ضلالي .. وحاتك الجماعة ديل لما أنتبهو لكلامك المظلم دا .. لقو نفسهم دخلوا في ورطة وحيرة كبيرة .. لا الدخول بخليهم ينستروا.. ولا الخروج بخارجهم.. ( سمعت بالهزيمة بشرف !!) .. دي يعني من 5 أقوان وانت ماشي !! طبعاً بدون ضربات جزاء ولا رشاوي حكام .. الحل شنو يا صاحب !!! أنا خائف ليهم من الهزيمة بـ( شغف !!) دي .. < دي قال لي واحد صاحبي ألجن !!!>
أنا ما عارف القال ليهم فارقو درب الحكام منو !! ماكانوا ماشين كويس الجماعة ديل !! أها دخلو نفسهم في ورطة كبيرة خلاس !!
| |
|
|
|
|
|
|
Re: دفتر احوال ضابط الشرطة المناوب{2011} (Re: عبده عوض)
|
والده اخونا علي جويلي...
اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما
مرحب بعوده الكمندان عبد الحفيظ .. وعقبال فيصل عثمان
Quote: بالله شفت كورة الأهلى والوداد دى .. حمام ميت .. الهلال يطقطقكم زى السلام عليكم .. بس ياااااااااارب يصعد لى دور الأربعه |
اسامه الكرور اول مره اعرف انوا قلبك اسود ليه الحقد ده علي هلال الملايين..
وانت ياعبده عوض مهتمين بموضوع الهلال ليه عشان بسوى ليكم الوجع
نحن اسياد بلد نخرج وندخل علي كيف كيفنا.. وكاس افريقيا الجاي برضوا الهلال
امشوا شوفوا دوري كاسات البرنجي وين...
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما
اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما اللهم اشفها انت الشافي لاشفاء الا شفاءك شفاء لايغادر سقما
اجر وعافية ان شاء الله ياسيد جويلى
| |
|
|
|
|
|
|
Re: دفتر احوال ضابط الشرطة المناوب{2011} (Re: omer osman)
|
Quote: لينا مالك عقار تقول أمارس عملي كالمعتاد ولم أجد أي مضايقة من أحد
الملازم أول شرطة لينا مالك عقار لـ(السوداني): ليس لي ممتلكات لتصادر ... والمنزل ( ده حق أبوي) أمارس عملي كالمعتاد ولم أجد أي مضايقة من أحد أمي من المسيرية وليس لي علاقة بالسياسة لم ألتقِ بأبي لواحد وعشرين عاما أجراه: طارق عثمان لينا مالك عقار. تعمل بإدارة جوازات الأجانب بالشرطة برتبة الملازم أول كغيرها من ضباط الشرطة السودانية. ظهر اسمها فجأة في وسائط الإعلام التي دائما ما يتجنب أفراد الشرطة الحديث فيها من باب الانضباط، برز اسمها ليس كمتحدثة تدلي بإفادات حول عملها بل ضحية لأحداث ليست لها فيها يد سوى أنها ابنة رئيس الحركة الشعبية بالشمال والي النيل الأزرق المقال مالك عقار الذي أعلن تمرده على الدولة مؤخرا ويخوض حربا الآن ضد القوات المسلحة في أدغال جبال الأنقسنا، وجدت لينا الابنة الكبيرة لعقار نفسها ضحية تغالبها أحاسيس التوجس وعدم الاطمئنان بعد أن نقلت الصحف والوكالات خبر مصادرة ممتلكاتها بالخرطوم... "السوداني" بدورها قامت بنشر الخبر وتناولته كقضية علق عليها رئيس التحرير الأستاذ ضياء الدين بلال عبر زاويته العين الثالثة أعرب فيه عن تمنياته أن يكون خبر المصادرة غير صحيح، ودعا فيه الى ضرورة ألا تتسلل الحرب من ميدان القتال الى حوائط الأسر .. لم تمض سوى خمسة أيام إلا وزار الجريدة شاب يبدو في العقد الرابع من العمر عرفني بنفسه وقال إن اسمه علي بلل قريب لينا مالك عقار.. واستطرد بعد أن رأى تعابير دهشتي قائلا: " نحن أهل أمها لأن أمها تنتمي لنا نحن قبيلة المسيرية" هكذا قالها مباشرة قبل الاسترسال في الحديث معي والذي بدأ يحدثني عن "لينا" وكيف عانت خلال الأيام الماضية. بعد أن تجاذبت معه أطراف الحديث حول الموضوع طلبت منه أن أتحدث مع لينا إن كان يحمل رقم هاتفها حتى أسمع منها دون وسيط .. لم يتوان بل في الحال اتصل بها وناولني الهاتف.. والذي بادرني الطرف الآخر بالشكر للصحيفة لتناول قضيتها، وبعد التحية حاولنا أن ندلف معها خلال دقائق المهاتفة الخاطفة الى بعض تفاصيل حياتها وعلاقتها بوالدها عقار ، وبعدها قررنا الذهاب الى المنزل الذي تقطن فيه وأسرتها بالمعمورة بعد أن تعثر إرسال صور لها عبر الوسائط ، لنجد أن المنزل عادي جدا كغيره من بنايات المنطقة الواقع بها. تحيط به مجموعة الأشجار. بداخله حديقة منزلية جميلة، خارجه توجد "فسحة" بها كابينة حراسة مغلقة، ولم تظهر عليه أي من مظاهر الحراسة الواضحة للعيان .. أعتقد أنني قد أطلت في المقدمة ولكن هي خلفيات رأيت أنه لابد منها .. فإلى إفادات لينا عقار. * هل تم إخطارك من قبل السلطات بمصادرة ممتلكاتك ؟ = بالصدفة شفت في الشريط الإخباري على التلفزيون خبر مفاده مصادرة ممتلكات ابنة مالك عقار. اندهشت لأنني لا أملك أي ممتلكات باسمي عدا عربة عادية ولدينا بيتين بالخرطوم واحد بأركويت والآخر بالمعمورة والآن أنا في المعمورة والاثنين مسجلات باسم أبوي، وليس لدي صالة بأحد أبراج الخرطوم. * مقاطعة.. أبوك سجل ليك شيء من أملاكه باسمك ؟ = لا. أبوي ما كتب لي شيء إلا العربة القلتها ليك دي. * مقاطعة العربة الهمر؟ = أبدا. ما عندي همر. الهمر حقت أبوي وما كانت في البيت، العربية التي صادرتها السلطات كانت في البيت للترحيل للمدارس. * هل تم التعرض لك من قبل السلطات بعد أحداث النيل الأزرق؟ = أبدا ما في زول اتعرض لي في شخصي حتى تعامل الأفراد الجونا في البيت كان تعاملم معانا كويس. * الأفراد الجوكم قالوا ليكم عايزين شنو ؟ = يفتشوا البيت ، بعد ما فتشوا شالوا أوراق البيت ومشوا. = أي البيتين ؟ = بيت أركويت. = انتو كنتو موجودين في بيت أركويت لما السلطات جاتكم ..؟ = لا أبدا نحن ساكنين في بيت المعمورة وبيت اركويت مؤجرنوا ، حتى وكيل البيت لما سألناه قال ما في زول جاهو. * هل تم وضع حراسة على البيت؟. = أبدا وما صادروه. * طيب القاعد معاك في المنزل الآن منو من أفراد أسرتك؟ = في حبوبتي واثنين من خالاتي إضافة لابن خالتي وعقار أخي الأصغر. * ما فصلوك من الشغل ؟ = أنا الآن أمارس عملي بشكل طبيعي. * عندك علاقة بالسياسة ؟ = ما بحب كلمة سياسة حتى .. وما عندي أي انتماء لها. * علاقتك بأبيك مالك عقار قبل اتفاقية السلام وبعد الاتفاقية كيف كانت ؟ = الحاجة الغريبة انو لم التق بأبي طيلة الستة سنوات الماضية إلا أربع مرات بس في الخرطوم. * هل كانت تلك اللقاءات عامة عابرة أم خاصة ؟ = لا لقاءات خاصة يعني لقاء بت بأبوها في الأسرة، فكلما كان يجي الخرطوم يكون في حالة شغل واجتماعات متواصلة حتى داخل البيت كان بيكون في اجتماعات والصباح كنت بلقاهو نايم ما بحب اصحيهو وأمشي شغلي. مقاطعة .. حصل مشيتي ليهو في الدمازين عشان تلاقيهو ؟ = حتى لما أمشي الدمازين ما كنت قاعدة ألاقيه الغريبة كنت دائما أصادفه مسافر. * ما هو إحساسك وأنت فجأة بقيتي بنت رجل تصفه السلطات بأنه متمرد على الدولة ؟ = بصراحة عندي إحساس بعدم الاطمئنان ومرعوبة. * مقاطعة.. مرعوبة من شنو؟ = ماعارفة بس بحس كدا .. هو إحساس بس. * نطلع بيك شوية كدي كلمينا عن نفسك ؟ = أنا اتولدت في الروصيرص والدتي اسمها بالكامل خديجة جبر الله عبدالله وتوفيت وأنا صغيرة وهي تنتمي لقبيلة المسيرية ربتني حبوبتي ام أمي مكة حمدان ودرست كل مراحلي بالدمازين لي حدي ما دخلت الكلية، وهم زي ماقلت ليك من المسيرية وجو من الغرب بدري واستقروا في الدمازين. * يعني عايز تقولي ما دخلت الشرطة بعد اتفاقية السلام ..؟ = لا أبدا قدمت عادي وشالوني في كلية الشرطة، وناس أبوي لما عادوا بعد الاتفاقية أنا كنت في الكلية وما اتخرجت لسة، وأذكر انو أخذت إذن ومشيت سلمت على أبوي، لأنو خلاني صغيرة جدا وطيلة واحد وعشرين سنة ما شفتوا وما اتكلمت معاه. * مقاطعة.. ليه ما كان بينكم اتصال.؟ = أبدا ما كان في اتصال لأنو زمان ما كان الاتصال متاح. * أخت لينا ما شايفين مظاهر لحراسة على منزلكم.؟ = أبدا ما في حاجة إلا بس بنتخلع لما نسمع طرق في الباب. من المحرر هذه كل الإفادات التي أدلت بها الملازم أول شرطة لينا مالك عقار والتي نقلناها لكم كما قالتها لتوضيح حقيقة قصتها طيلة الأيام الأخيرة بعد الأحداث التي شهدتها ولاية النيل الأزرق. عبد اللطيف
|
- التحية للملازم أول شرطة لينا مالك عقار وهي تؤدي عملها وواجبها كضابط شرطة وبعيداً عن لعنة السياسة .. - أتمنى أن لا تطالها أو أياً من أفراد أسرتها يد الظلم والبطش التي طالت الكثير من الزملاء وتسببت في تشريدهم وتجويعهم وأسرهم .. ليس لجرم أرتكبته .. أو قانوناً خالفته .. سوي أنها إبنة مالك عقار الذي رفع السلاح في وجه الحكومة مؤخراً..
- إتقوا الله في هؤلاء يا هؤلاء ..
- أرجو من كل الزملاء داخل وخارج القوة تبني و متابعة هذا السناريو الكريه والمتوقع بحق هذه الأسرة .. والوقوف بشدة ضده وإيقاف أي محاولة لوقوعه ...
| |
|
|
|
|
|
|
Re: دفتر احوال ضابط الشرطة المناوب{2011} (Re: عبده عوض)
|
Quote: - التحية للملازم أول شرطة لينا مالك عقار وهي تؤدي عملها وواجبها كضابط شرطة وبعيداً عن لعنة السياسة .. - أتمنى أن لا تطالها أو أياً من أفراد أسرتها يد الظلم والبطش التي طالت الكثير من الزملاء وتسببت في تشريدهم وتجويعهم وأسرهم .. ليس لجرم أرتكبته .. أو قانوناً خالفته .. سوي أنها إبنة مالك عقار الذي رفع السلاح في وجه الحكومة مؤخراً..
- إتقوا الله في هؤلاء يا هؤلاء ..
- أرجو من كل الزملاء داخل وخارج القوة تبني و متابعة هذا السناريو الكريه والمتوقع بحق هذه الأسرة .. والوقوف بشدة ضده وإيقاف أي محاولة لوقوعه ...
|
عبده عوض يا هميم ربنا يجبر خاطرك ياخ , عبرت عنى تماما , حق العمل حق أصيل من حقوق الانسان وتعضده الجنسية السودانية التى تحملها الملازم اول لينا مالك عقار , لا علاقة للملازم اول لينا بمواقف والدها السياسية , ان حدث مكروه للملازم اول لينا نتيجة لمواقف والدها فاليستعد كيزان الجن للثأر من ابناءهم الذين يعملون فى وظائف مرموقة فى جهاز الدولة علما بأن هناك ملامح ثورة عارمة تلوح فى الافق وبالتاكيد سوف تكنس نظامهم المتعفن الى مزبلة التاريخ . أتركوا مساحة للآخرين يا كيزان الجن حتى لا يفكروا فى الانتقام من أسركم بعد زوال نظامكم المتهالك .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
الاعزاء عاطف عنتر , على سرالختم , دكتور مشرف الف شكر على التواصل عبر الهاتف وسؤالكم عنى . الاحباب جويلى ,أسامة الكرور , عادل حمزة , عبده عوض , فارس موسى , ود برى , الطيب عثمان يوسف يسأل عنكم الخير وربنا يديم المودة بيننا .
تعازى الحارة لكل من فقد عزيز , وعاجل الشفاء لكل مرضانا بحول الله وقوته . ربنا يطمئنك على الوالدة عزيزى جويلى .
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
قفة صابر الفاتح جـــبرا | ساخر سبيل لمراسلة الاستاذ الفاتح جبرا [email protected]
خرج (عم صابر) من منزله وهو يفكر فى كيفية الحصول على حق المواصلات الذى يمكنه للذهاب إلى المعاشات لصرف معاشه الشهري ، لم يكن بإستطاعته الإستدانه من (آدم ( سيد الدكان ففى ذمته له أكثر من (تسعين ألف) كما لم يكن بإستطاعته ايضاً الإستدانه من فوزى (الجزار) أو عوض (بتاع الخضار) أو محمد (سيد البقالة) فكل هؤلاء قد إستلف منهم ولم يستطع التسديد لهم منذ وقت طويل تحسس عم صابر جيب جلابيته وجد جسماً معدنياً صغيراً يقبع هنالك .. أخرجه فكانت خمسمية جنيه .. أتجه مباشرة قاطعاً الظلط للجهة الأخرى نحو عوضية ست الشاى .. جلس على أحد البنابر وخاطبها قائلاً : - بالله يا عوضية كبي ليا كباية شاى ! - ساده وللا بي لبن يا حاج - ساده يا بتى .. اللبن ده كان زمااان مع كل رشفة شاى كان عم صابر يعمل تفكيره محاولا حل المعضلة التى تواجهه وهى إيجاد ثمن المواصلات حتى يستطيع الذهاب إلى المعاشات لإستلام معاشه الشهري . - عوضية أنا ماشى أجيب معاشى وعاوز ليا دين الله والرسول أركب بيهو المواصلات - عاوز كم يعنى يا حاج ! - يعنى قولى خمسة ألف ! أمسك عم صابر بالخمسة ألف التى أعطتها له عوضية بعد أن أعطاها خمسمية الشاى وقام من البنبر يا الله يا الله متجها نحو الحافلة التى كان سائقها ينادى : - السوق .. السوق توقفت الحافلة فى سوق أم درمان أمام الجامع الكبير وكان على (عم صابر) وهو يتجه إلى حافلات الخرطوم أن يمر بأكشاك الكتب المتناثرة أمام الجامع ، وهو يسير بين الأكشاك ناظرا لعناوين الكتب التى كان بعضها مفترشاً على الأرض إستوقفه عنوان كتاب صغير مهترئ ( تحضير الجان المسلم ميمون) ! أمسك عم صابر بالكتيب الصغير ، نفض عنه الغبار ثم قال مخاطباً صاحب المكتبة : - الكتاب ده بي كم ؟ - خمسة الف يا حاج ! - طيب عشان (ميمون) ده مسلم وكده ممكن تخفضوا لينا شوية ؟ - خلاص جيب ألفين يا حاج ! كان النهار قد إنتصف وبدأت حرارة الشمس فى الإزدياد لذا آثر (عم صابر) العودة للمنزل وترك قصة المعاشات دى ليوم تانى خاصة أن ما تبقى لديه من (قروش عوضية) ألفين ونص لا تمكنه من العودة إلى منزله فى حالة إنو (لقى المعاش ما نزل) ، لذا قرر ركوب الحافلة عائداً إلى المنزل .. ما أن جلس عم صابر على كرسى الحافلة حتى قام بفتح الكتاب الذى جاء فيه بأنه من خلال هذا الكتاب يمكنه تحضير الجان (ميمون) والإستعانة به فى توفير معايش الحياة بعد أن فشل جميع (البشر) الذين تقع علي عاتقهم هذه المسئولية. ما أن وصل (عم صابر) إلى صالون المنزل الذى يستخدمه كغرفة خاصة به حتى استلقى على السرير وأخرج نظارته الطبية رافعاص الكتاب فى إتجاه ضوء النافذة حيث بدأ في قراءة محتوياته فى شغف كانت صفحات الكتاب المهترئة تحكى عن كيف يمكن للجان ميمون أن يساعد كل من يقوم بتحضيره وينفذ له كل طلباته من مأكل ومشرب وقروش (كاش) كمان . - أهو ده الأنا عاوزو ذاتو .. عشان نتفكا من المعاش الما جايب مشوارو ده هنا دخلت إلى الصالون حاجة (سعدية) زوجة (عم صابر) تساله :- أحضر ليك حاجه تاكلها ؟ لا أنا عاوز أحضر (ميمون)- قلت أحضر ليك شنو؟ - مواصلة- عندنا عدس وفى كمان رشوشة متضايقا حضرى أى حاجه والسلام .. خلاس فرجت بعد أن تناول (عم صابر) الغداء عاد من جديد لمتابعة القراءة حتى إذا ما وصل إلى صفحة 16 هب قائماً فى تركيز فقد كان عنوان الصحة (خطوات تحضير الجان ميمون) 1- أبدأ بالدخول إلى مكان مظلم لا تدخله الشمس - دى بسيطة 2- قم بالصوم عن أكل اللحوم بأنواعها والبيض وكل ما هو حى لمده سبعة أيام وأفطر على الخبز وزيت النبات - دى برضو بسيطة هو أنحنا قادرين ناكل لحوم مع الكيلو الحصل أربعين ألف ده !! 3- أشعل خمسة من أعواد الند ووقية من بخور اللبان والمستكه فى مجمرة ثم أتلو الأسماء السيريالية التاليه 4444 !! -ما مشكلة إن شاء الله نقراها (مليون ألف مرة) يعنى شنو؟ مش أخير من العذاب اليوماتي ده؟ 4- ثم بعد قراءة الأسماء كل مأئة مرة اطلب من ملك الجان (ميمون) أن ينزل بقولك : يا ميمون ملك الجان أنزل وبان عليك الأمان - نقول ومالو 5- بعد نزول ميمون ملك الجان أطلب منه ما تريد ! - هو في غيرها .. قفة الملاح الجننتنا دى بدأ عم صابر فى الإعتكاف في صالون منزله بعد أن قام بإطلاق البخور وقراءة الإسماء المطلوبه مستعينا (بمسبحة) وورقة وقلم (لزوم حفظ العدد) . فى اليوم المحدد لنزول الجان ميمون بدأ على عم صابر الإضطراب كان الوقت ليلاً والهدوء يلف المكان ، بدأت أرجاء الغرفة تهتز .. وإعصار من الدخان يتشكل .. ويتشكل ليصبح ماردا ضخما : - شبيك لبيك .. عبدك ميمون بين يديك ! - (وهو يرتجف) : اس اس اس السلام عليكم أيها الجان ميمون - وعليكم السلام .. طلباتك ! - هو في غيرها يا ميمون ؟ قفة الملاح يا ميمون .. . ما عاوزين حاجه بس كل يوم تجيب لينا قفة ملاح إختفي الجان ميمون .. وجد (عم صابر) أمامه – حسب طلبو - (قفة ملاح) جديده (لنج) .. نظر داخلها وأخذ يصيح : - اللحمة وين ؟ الطماطم وين ؟ الخضار وين ! هرع عم صابر يقرا فى الكتاب من جديد (عشان يصلح غلطتو) وجد مكتوباً علي الصفحة الأخيرة (لا يمكن تحضير الجان ميمون إلأ مرة واحدة فقط) ! كسرة : إذا وجدت شخصا أشعثاً أغبراً جالساً القرفصاء فى المحطة الوسطى (يومياً) واضعاً أمامه قفه ملاح (جديده لنج) وهو يقول : - اللحمة وين؟ الطماطم وين؟ الخضار وين؟ لا تعتقد بأنه (ثورة مضادة) يسعي لإثارة المواطنين ... أنه (عم صابر) ! ـــــــــــــــــــــــــــــــــــــــــــــــــــــــــــــــــــــــــــــــــــــــــــــ تصلك هذه الرسالة من مجموعة ساخر سبيل البريدية للكاتب السودانى الساخر / الفاتح جبرا للاشتراك بالمجموعة ارسل رسالة فارغة للايميل التالى [email protected] او باضافة الايميل فى الرابط اضغط هنا مراسلة الاستاذ على الايميل [email protected]
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
ضابط الشرطه وماادراك ماضابط البوليس..
ضابط الشرطه اشبه بالبنت البكرالحلوه الجميله وكل العيون
من حولها ترصد في تصرفاتها واخلاقياتها ومصداقياتها حتي لو حاولت او فكرت ان تخون نفسها او عرضها او شرفها او امانتها
تطاردها السمعه البطاله وتسقط في نظر المجتمع وقد يفوتها او لايفوتها قطار الزواج ، حتي لو تابت او حجت او اعتمرت
وان الله غفور رحيم وان الله يغفر الذنوب جميعا ولكن المجتمع لا يغفر لها ولا يرحمها بعد ان شوهت سمعتها وخانت امانتها
ولذا يجب علي كل ضابط شرطه امين وعفيف ان يحافظ علي شرف المهنه وامانتها وان لا يتلوث بالفساد وان يحافظ علي
كرامته وشرف مهنته....................................................................... يابوليس .........
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
بفضل الله سبحانه وتعالى ثم دعواكم المباركة لمسنا تحسنا فى صحة الوالدة والحمذ لله الذى بنعمته تتم الصالحات .. ولذلك وجب الشكر والتقدير لكل الاحباب ّّ : السيد عبد الحفيظ وحمد الله على سلامة العودة .. الدكتور مشرف عمر عثمان عبدو عوض فيصل عثمان اسامة الكرور عاطف عنتر ودبرى على سر الختم و كل من ابتهل لنا الدعاء بظهر الغيب ..
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
Quote: بفضل الله سبحانه وتعالى ثم دعواكم المباركة لمسنا تحسنا فى صحة الوالدة والحمذ لله الذى بنعمته تتم الصالحات .. .. |
سلام جنابو على ...
ألف حمدا لله على السلامة ... وربنا يفرحكم بشفائها ..
أجر و عافية إن شاء الله..
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
أخى وصديقى ودفعتى العميد حسين جبريل طلبة عطبراوى المولد والمنشأوالهوى , اصول والده العم الراحل جبريل طلبة من جنوبنا الحبيب , عمل عمنا جبريل بشرطة سكك حديد السودان وترقى فى الرتب الى ان وصل لرتبة المقدم كما أعتقد , استقر به المقام فى مدينة عطبرة بعد التقاعد , كيف لا وهى المدينة التى وفرت له ولأسرته الامان والجيرةالحسنة كما انها مسقط رأس بنيه وبناته ومقر اقامة معظم اصدقائه ومعارفه الكثر , نال ابنائه تعليمهم فى تلك المدينة الرائعة باهلها وعلاقاتها الاجتماعيةالباذخة , تشبع صديقى حسين حتى الثمالة بقيم واخلاق أهل عطبرة , فهو صاحب مروءة ونخوة واجتماعى من الدرجة الاولى , يعرف مدينة عطبرة بكل تفاصيلها , أزقتها وحواريها ورموزها من مشايخ وعمد وأسر , مثقفيها وفنانيها , يحفظ اغانى العطبراوى ويطرب لاغانى الشايقية ويجيد عرضة الجعليين , يحفظ أشعار ود بادى عن ظهر قلب خصوصا الحلمنتيشى منها , وعندما يداهمه الشوق والحنين لمدينة عطبرة تجده يترنم بأغنية قطار الشوق متين ترحل تودينا نشوف بلدا حنان اهلها ..., صديقى حسين من امهر لاعبى كرة القدم الذين شاهدتهم فى حياتى يضاهى فى مهاراته الرفيعة لاعب المريخ السابق سكسك وربما يتفوق عليه فى السرعة وقوة التهديف , لعب صديقى حسين لأحد فرق الدرجة الأولى بمدينة عطبرة , رفض عرض مغرى من فريق الهلال العاصمى وفضل ان ينتمى للشرطة السودانية مقتفيا أثر والده عليه شآبيب الرحمة والمغفرة , تقدم بطلب للالتحاق بالدفعة 47 وهى دفعتى التى اعتز بها كثيرا , خضع كغيره لكل المعاينات والاختبارات المؤهلة للقبول بكلية الشرطة وقد اجتازها جميعا بمنتهى النجاح , انتظمنا جميعا فى تدريب قاسى وشاق منذ مطلع العام 1981وحتى مطلع العام 1983 موعد تخرجنا من كلية الشرطة , وقد تم توزيعنا على كل اقاليم السودان وفقا للرغبة , اخترت انا العمل فى الخرطوم و اختار صديقى حسين مدينة عطبرة عشقه الابدى ومسقط رأسه , تعطلت مسيرتى المهنية بالفصل الجائر من الخدمة واستمر صديقى حسين فى العمل الى ان وصل لرتبة العميد يتبع
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
انفصل جنوب السودان وفقا لاتفاقية نيفاشا التى منحت الجنوب حق تقرير المصير , وكان من المامول أن يفضى حق تقرير المصير لوحدة اختيارية , لكن طبيعة النظام القائم المبنية على الاستعلاء العرقى والدينى جعلت خيار الوحدة هو اسوأ الخيارات بالنسبة لاهلنا فى جنوب الوطن , فكان التصويت بنسبة كبيرة لصالح الانفصال , عليه جن جنون نظام الخرطوم وأصبح كالثور الهائج فى مستودع الخزف فطفق يلاحق أبناء السودان من اصول جنوبية فى معاشهم واستقرارهم , فلم يشفع لهم اسلامهم ولا حتى ارتباطهم الوثيق بالشمال اجتماعيا وثقافيا وانسانيا , صديقى حسين أجزم بأنه لايعرف عن الجنوب سوى القليل المتاح لكل من عاش فى الشمال , فهو يعرف الداخلة والحصايا والامتداد والموردة وأم بكول وأم الطيور وكنور ودار مالى وأبو حمد ودامر المجذوب , ويعرف قبائل الشمال من محس ودناقلة وشايقية وجعليين ورباطاب وبجا وفور وزغاوة وبقارة وكبابيش وحمر ونوبة , ويعرف نمط حياتهم وعاداتهم وتقاليدهم وفى المقابل لا يعرف كثيرا عن تنصيب رث الشلك ولا نمط حياة المورلى واللاتوكا والباريا والزاندى , أصر نظام الخرطوم العنصرى على اذية صديقى حسين انسانيا فتم الاستغناء عن خدماته وسويت حقوقه , وربما يعيش الآن باقامة مؤقتة تجدد سنويا وقد لا تجدد , صديقى حسين متزوج من سيدة شمالية ولديه عدد من البنين والبنات , أى ظلم هذا وأى ضيم ذلك الذى حاق باخى وصديقى حسين , من المفارقات المبكيات ان يصدر قرار الاستغناء عن خدمات صديقى حسين ممهورا بتوقيع وزير داخلية مشكوك فى انتماءه للسودان .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
Message bodyيا حليكم يا مساكين قالو ليكم ....اكلو كنتاكي(دجاج علي الطريقة الامريكانية اهداء للشعب الذي يملك اكبر ثروة حيوانية ولا يمتلك ثورة !!!! يشتكي غلاء اللحمة!!!!. فالنجعل هذا الشهر الامتناع من شراء اللحمة ثم ماذا؟!!!! والي متي تسمى ثورة اللحمة!!! ثم جمعة الكوارع.جمعة الكمونية.جمعة الراس ...!! ياعلم القضية مش لحمة وسكــــــــــــــــــــــــــــــــــــــــــــــــــر!!!!
يا حليكم يا مساكين قالو ليكم قاطعوها وهم بدل الكيلو بياكلو البهيمه كلها لو كانو جادين فعلا الينزلو الضرائب ولا الرسوم الما ليها اول ولا اخر ويوقفو التصدير ياخى انتو مساكين بشكل
| |
|
|
|
|
|
|
Re: دفتر احوال ضابط الشرطة المناوب{2011} (Re: عبدالحفيظ حسن)
|
Quote: قنعتو تب من خيرا فيها...
واصابكم اليأس والإحباط....
ما فى فايدة....
فكلنا فى الهم شرق!!!!!!!
|
سعادتو عبدالحفيظ , تحايا وتقدير ومودة , من زمان يا سعادتك نحن قنعانين من خيرا فى نظام الانقاذ لقناعة راسخة فحواها أن الذى يظلم الناس بدم بارد لا يمكن ان ينصفهم , والذى يعتقد بأنه افضل من الآخرين لا يمكن أن يعبأ بمشاكلهم وان كانت من صنعه , لكننا تب ما قنعانين من عدالة السماء , أنظر يا صديقى أين القذافى بكل جبروته واسلحته ومليشياته ومرتزقته بل أين مبارك و بن على ومن قبلهم صدام حسين , الظلم عمره ما كان من بواعث الاستقرار ولم يحم الانظمة القمعية من غضبة الشعوب , الثورة قادمة وراجحة يا صديقى وفى المقابل علينا متابعة قضيتنا والوقوف عليها الى ان يقضى الله امرا كان مفعولا , شكرا للتذكير .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
Quote: وصبرا جميلا ال جبريل طلبة فان الامور سوف ترجع الى نصابها قريبا..
|
الحبيب جويلى , أتمنى مثلك ان ترجع الامور لنصابها , لكن قطعا الجرح الغائر الذى سببه ذلك القرار الطائش لا يمكن ان يضمده تقادم الزمن , كيف لصديقى حسين بعد اليوم ان يطمئن لمن عاشرهم ردح من الزمن وتطبع بعاداتهم وتقاليدهم وتزوج منهم وانجب البنين والبنات و كيف له ان يحتمل غدر من اطمئن اليهم واعتقد انهم اهله وعشيرته أى ضمائر يحملها هؤلاء الكيزان وفى أى مستنقعات تربت هذه الطفيليات , ما الذى استفادوه من الاسلام الذى يبدو انه قد فشل فى تطهير نفوسهم الخربة من ادواء العنصرية والحقد , لاحول ولا قوة الا بالله .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
Quote: يعرف الداخلة والحصايا والامتداد والموردة وأم بكول وأم الطيور وكنور ودار مالى وأبو حمد ودامر المجذوب , ويعرف قبائل الشمال من محس ودناقلة وشايقية وجعليين ورباطاب وبجا وفور وزغاوة وبقارة وكبابيش وحمر ونوبة , ويعرف نمط حياتهم وعاداتهم وتقاليدهم وفى المقابل لا يعرف كثيرا عن تنصيب رث الشلك ولا نمط حياة المورلى واللاتوكا والباريا والزاندى , أصر نظام الخرطوم العنصرى على اذية صديقى حسين انسانيا فتم الاستغناء عن خدماته وسويت حقوقه , وربما يعيش الآن باقامة مؤقتة تجدد سنويا وقد لا تجدد , صديقى حسين متزوج من سيدة شمالية ولديه عدد من البنين والبنات , أى ظلم هذا وأى ضيم ذلك الذى حاق باخى وصديقى حسين , من المفارقات المبكيات ان يصدر قرار الاستغناء عن خدمات صديقى حسين ممهورا بتوقيع وزير داخلية مشكوك فى انتماءه للسودان . |
فيصل عثمان الحسن رجل بقامة وطن
سبّاق لنصرة المظلوم ...يوجد اينما يوجد الحق
والله والله انت فخر للدفعه 47 انت فخر لشرطة السودان انت فخر لكل من هو من السودان فخر لنا جميعا
لله درّك ياابومازن
حفظكم الله
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
Quote: سعادة العميد شرطة حسين جبريل .. لا أملك هنا .. وليس بيدي شيئاً .. سوى أن أهنئ شرطة السودان بكل لحظة حب وعطاء وإبداع نهلتها من حضن وحنايا سعادتكم.. لأنها كانت خالصة ونظيفة .. وأعزيها والحزن يملأ قلبي في أنها فقدت رجلاً في مثل قامتكم .. وعزاي .. أنك الآن تبوأت مقعدك بجدارة ضمن قائمة من أحب وخدم بشرف وتشرف به المنصب .. ولم ينل إلأ الظلم والعدوان ..
التحية والتجلة لك ولأسرتك .. وحفظكم الله دوماً من كل شر أو مكروه .. وستظل دوماً مصدر فخر لكل من يعرفك .
|
الأرباب عبده عوض ليك وحشة يا صديقى , تشكر على الكلمات الصادقة فى حق الرجل الجميل حسين جبريل , اكاد أجزم ان الصديق حسين ينظر الآن بعين الشفقة لمن شردوه ولحال السودان الذى لا يستطيع امهر منجم أن يتنبأ بمآلاته بعد ان أصبح امره فى أيدى صبية لم يحسنوا دراسة التاريخ ولا نصيب لهم من الأخلاق والانسانية .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
كانت رئاسة الشرطة فى زمن غير هذا تنتهج سياسة أحسب أنها رشيدة فيما يخص القبول لكلية الشرطة تحقيقا لقومية الشرطة والعدالة فى توزيع الفرص , حتى لا تستأثر فئة بعينها بالسلطة , فكان لكل اقليم نصيبه من الفرص فى القبول بكلية الشرطة حسب الكثافة السكانية لذلك الاقليم , فكانت الخرطوم تحظى بنصيب الأسد باعتبارها الاكثر كثافة سكانية ويليها الاقليم الأوسط ودارفور وكردفان والاقليم الشرقى ونهر النيل وفى المؤخرة الشمالية وكان للاقليم الجنوبى وضعه الخاص فهو الذى يتولى كل الامور المتعلقة بالاعلان عن الوظائف وعمل المعاينات ومن ثم القبول , وياتى بمنسوبيه لكلية الشرطة فقط لأغراض التدريب , وبعد التخرج يعود الزملاء من جنوب الوطن لأماكنهم للعمل فيها نسبة بسيطة منهم تعمل فى الشمال وتضاف للكشف العام بقصد اكتساب الخبرات وايضا تحقيقا لقومية الشرطة التى اشرت لها بعاليه صديقى حسين جبريل تقدم بطلبه للالتحاق بكلية الشرطة من اقليم نهر النيل باعتباره أحد ابناء نهر النيل , ودخل منافسة مع زملاءه المتقدمين للدخول لكلية الشرطة ورغم ضيق فرص ابناء نهر النيل استطاع صديقى حسين ان ينجح فى تلك المنافسة ويجد طريقه للكلية ويتخرج منها بتقدير جيد , لماذا الاصرار على معاملته مثل الزملاء الذين قدموا من جنوب السودان , أؤلئك لم يتاثروا كثيرا بل تميزوا على غيرهم بالترقيات السريعة والمرتبات العالية , لماذا لا يتم تخيير صديقى حسين وغيره من ابناء الجنوب الذين ولدوا فى الشمال وعاشوا فيه بين البقاء فى الشمال أو العودة للجنوب , هذا حق انسانى وحرى بالنظام الذى يرفع المصحف شعارا ان يتمتع بقدر من الانسانية .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
Quote: وان حاق بغيره من البشر , فما بالك عندما يقع الظلم على رجل كريم سجايا واخلاق مثل الصديق حسين جبريل , والمؤلم فى الامر ان يتم تتبع سيرة الرجل والبحث عن اصوله ويقصى من عمله وفقا لجيناته
|
Quote: من أحب وخدم بشرف وتشرف به المنصب .. ولم ينل إلأ الظلم والعدوان |
Quote: الصديق حسين ينظر الآن بعين الشفقة لمن شردوه ولحال السودان الذى لا يستطيع امهر منجم أن يتنبأ بمآلاته بعد ان أصبح امره فى أيدى صبية لم يحسنوا دراسة التاريخ ولا نصيب لهم من الأخلاق والانسانية . |
التحيه لك الاخ والصديق وسعاده السيد العميد فيصل عثمان..
التحيه لك وانت تدافع عن الذين ظلموا والشهادة لله انت اول من ظلم في شرطه السودان ودخولك لبيت الاشباح وتشريدك خارج الوطن انت واسرتك الكريمه وامثالك من الضباط الشرفاء الكل عاجز عن فعل شي سواء كان بالداخل او الخارج... فلنرفع ايادينا لله عزة وجل لرفع الظلم عن شرطة السودان واهل السودان.. واهدي لك هذة الصوره واتمنا ان تضعها في البروفايل حتي تكون شعارك وانت تدافع عن المظلومين.
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: الكل عاجز عن فعل شي سواء كان بالداخل او الخارج... فلنرفع ايادينا لله عزة وجل لرفع الظلم عن شرطة السودان واهل السودان.. |
قريبى وصديقى عاطف عنتر , تحايا ومودة وتقدير يليق بشخصك العزيز . صدقنى يا عنتر أن العجز الذى تراه الآن هو عجز مؤقت , وصدقنى أن الشعب السودانى شعب أبى ولن يتعايش مع الظلم الى ما لانهاية وقطعا سيأتى اليوم الذى ينتفض فيه ويحيل حياة هؤلاء الاوغاد الى جحيم لا قبل لهم به , خصوصا وأنهم فى سكرة السلطة لم يتركوا قبيح الا وفعلوه , وقد تجاوزا كل الخطوط الحمراء , تباشير الخلاص أصبحت تلوح فى الأفق , تابع يا صديق والايام حبلى بالكثير المثير .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
علمت أن الزملاء فى الدفعة 47 قد اقاموا حفل تكريم للصديق حسين جبريل وهذا امر محمود ان كانت الاحالة عادية اما أن يتعرض الرجل لكل هذا الظلم ويكرم فهذا امر عجيب , المظلوم ينصف يا اخوتى واحبابى ولا يكرم , كان حريا بكم رفع مذكرة لرئاسة الجمهورية عبر وزير الداخلية توضحون فيها وضع هذا الرجل ولا اظنها ستهدد وضعكم خصوصا وأن بينكم من هو نافذ فى الحزب الحاكم ويحظى بثقة النظام , رتبة العميد رتبة قيادية وحاملها بالضرورة ان يكون رجل مبادر وحقانى وصاحب مواقف ولا مو هيك , صدقونى أجمل شئ فى هذه الحياة هو ان تناصر مظلوم وتقف الى جانبه وان لم تأت مناصرتك له بفائدة تذكر , المهم المحاولة .
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
الفاتح جـــبرا | ساخر سبيل
نحس شديد
الفاتح جـــبرا | ساخر سبيل
لمراسلة الاستاذ الفاتح جبرا [email protected]
نحن شعب ما محظوظ أبداً .. يعني شعب منحوس .. كثير من الدلائل والبراهين تؤكد ذلك إبتداء من (الجو السخن) معظم شهور العام .. مروراً بالكتاحات والعجاج .. إنتهاء بالحكومات التى يتم إختيارها لنا بعناية فائقة ! ورد في صحف الأيام الماضيات أن وكالة ناسا قد فقدت سيطرتها على قمر صناعي أمريكي يسمى UARS بعد أن خرج من مداره المحدد والقمر المشار إليه يبلغ وزنه 6 أطنان (بس) وهو يسير بسرعة عاليه مما يجعل مسألة تخمين مكان وقوعة أمرا متعسرا ولكن ناسا عادت لتؤكد أنه بالإمكان تحديد مكان وقوع القمر ولكن قبل ساعتين فقط من ذلك ! المشكلة ان المنطقة التى سوف يقع عليها هذا القمر الكارثه قيل أنها في (السودان) !! مافيش حظ ردئ ونحس أكتر من كده .. القمر ده ليهو خمسة سنين لافي حول الكرة الأرضية بسرعة ألاف الأميال فى الدقيقة الواحدة .. من دون دول العالم كوووووولها .. يقع عندنا فتأمل ؟ مرات كتيره يجينى شعور البلد دى محسوده (وضاربنها عين) وعاوزه يبخروها بي (بخور مسبع) من عند التيمان .. لكن أرجع واقول لنفسى .. ويحسدونا علي شنو؟ على الجوع وللا علي الفقر وللا علي المرض ... خلاااس يعني (سويسرا) وللا (السويد) وللا النرويج ! مرات بقول (النحس) ده غضب من رب العالمين علشان الناس بقت بعيده عن ربها حيث إنتشر الظلم وملأ الفساد الجو والبر والبحر !! طيب لو ناس (ناسا) ديل إتصلوا قبل ساعتين وقالو لينا القمر ده للأسف ح يقع عندكم فى الحتة الفلانية أها (السلطات) ح تعمل أيه وح تتعامل مع الكارثة دى كيف؟ وهل هنالك أجهزة وآليات للتعامل مع مثل هذه الكوارث ! العبد لله يعتقد جازما بأن المسئولين لا يضعوا لمثل هذه الكوارث أى إحتياطات .. وأنهم بيهتمو بالآليات من فصيلة (البرادو) أكتر .. غايتو بس ربنا يكضب الشينة ويبعد عننا الكوارث ما ظهر منها وما بطن ! بمناسبة النحس الملازمنا ده تحكى تلك النكته القديمة أن عوض المنحوس .. زول نحس للغاية .. (يلاقي العضم في الفشفاش) ، ما أن يدخل ليهو فى حاجه إلا تبوظ .. بعد تخرجه من الجامعة حاول البحث عن عمل عدة سنوات لكن نحسه لا يساعده علي ذلك .. وفي المرة الوحيده التى تم إستيعابه للعمل بأحدى الشركات تم التخلص من الشركة الحكومية بالبيع ليجد عوض نفسه في الشارع مرة أخري . شقيقة عوض المغتربة بإحدى الدول .. أرسلت له فيزاء لزيارتها حتى يستطيع البحث عن عمل هنالك .. أكمل (عوض) كل الإجراءات .. ركب الطائرة .. بعد دقائق من الإقلاع .. جاء صوت (الكابتن) منبها الركاب بأن الطائرة تعانى من عطب فى أحدى عجلاتها متسائلا إن كان هنالك شخص يمكنه المجازفة يقوم بالتبرع بتغيير اللستك المعطوب ! كل الركاب (عملوا نائمين) ما عدا عوض (ما سودانى وكده) الذى أبدى أن يقوم بالمخاطرة وتغيير اللستك .. صفق له جميع الركاب .. تم ربط عوض بسير قوى تم تثبيته داخل الطائرة .. خرج عوض وقام بفك اللستك البايظ .. ووضع اللستك الجديد وفى أثناء ذلك فلت من يده اللستك القديم إلا أن قائد الطائره أخبره بأنو ما مشكلة وأنهم سوف يقومون بتزويد الطائرة بلستك آخر عند محطة الوصول ! ما ن أن وصلت الطائرة المطار حتى وجد عوض شقيقته فى إستقباله ، وما أن جلسا داخل العربة منطلقين نحو المدينة حتى أخذت تبكى : - مالك بتبكى فى شنو ؟ - أبوى يا عوض ابوى - مالو ما هسه خليتو فى البيت هناك في أحسن حال ! - أبوى مات يا عوض ! - لا حولة ولا قوة إلا بالله - هسه قبل ساعتين وشوية ضربوا ليا ورونى الخبر - مات بشنو ؟ مات كيفن؟ ما خليتو هسه كويس - والله بس قالو شايل الإبريق بتاعو ماشى يتوضأ عشان يصلي المغرب جاهو ليك (لستك) من السماء .. !! كسرة : بالله قصة القمر الصناعي ده مش زى قصة لستك (عوض) .. ده نحس شديد تصلك هذه الرسالة من مجموعة ساخر سبيل للكاتب السودانى الساخر / الفاتح جبرا للاشتراك بالمجموعة ارسل رسالة فارغة للايميل التالى [email protected]
-- للاشتراك بالمجموعة ارسل رسالة فارغة من ايميلك للايميل التالى [email protected] للاشتراك اضفك ايميلك فى الرابط التالى https://groups.google.com/group/alfatihgabra/boxsubscribe?p=FixAddr&email&_referer&hl=ar
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
انا الله وانا اليه راجعون اللهم أرحمه و أغفر له اللهم تقبل صالح أعماله و تجاوز عن سيئاته و أبدلها له حسنات اللهم نقه من الذنوب كما ينقى الثوب الأبيض من الدنس اللهم أجعل قبره روضة من رياض الجنة و لا تجعله حفرة من حفر النار
خبر مؤلم ومحزن ومبكي
زيدان الذي أسعدنا كثيرا اليوم أبكانا
لقد أورث رحيله في القلب حسرة
داوي ناري وإلتياعي وتمهل في وداعي يا حبيب الروح هب لي بضع لحظات سراع قف تأمل مغرب العمر وإخفاء الشعاع وأبكي جبار الليالي
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
بسم الله الرحمن الرحيم
وهكذا .. مرةً أخرى .. على صهوة قلمٍ هرم .. وقصاصات شوقٍ فى أوج الشباب .. أعود إليكم سادتى .. على رهق الإنتظار ألتمست طريقى .. أنفض عنه غبار الذكريات .. وسيد القهوة على الفنجرى يجابد بينى وبين مضيفنا .. فهو لا يعلم أن بينى وبين ومحطات الإنتظار ومدن الغبار عداء سافر ..
التحية لكم .. من نجد .. إبنة الصحراء المتردة .. حيث لا تشرق الشمس ,إنما تعاود الظهور .. لا تنبيك عن فجرٍ وسيم , بل صبحك المؤود .. على أشواك من الملل المكندش .. الرياض .. مدينة لا تستقر فى الذاكرة إلا بقدر إلتفاتة عنق وبعض خدر تحذر الليل والدفء والعناق والإبتسام ..
الطريق الى حراك الحياة .. هو خلوتى المفضلة .. أمارس فيه جناية التمنى وفضائل التأمل وحيناً يكتمل هلال ( الكيف ) بدراً أدندن بصوتى الأجش ( دايماً , دابماً .. اطيب خاطرك الغالى , واسامحك .... )
وفى المكتب .. الذى تتواضع فيه آمال النجيع وتتوارى فيه موبقات الأحلام المنهكة .. ينعش ذاكرتك هذا الشاب الصغير بابتسامة وفنجان من القهوة التركية حالكة السواد كحظوظ هؤلاء الفتية المبعثرة .. الرياض تعيد فيك ترتيب المشاعر والحواس .. و أولويات لا تأبه لها كثيراً وتعلنك أن ( غض الطرف إنك من نمير ..... فتستقيم عندك ظلال شهوات بريئةعلى عود أيامك المعوج .. . ويبقى حلم العودة شبحاً يمشى مترنحاً بين تلك الشهوات .. . .. التحية لكم فى منافى تأخذكم فى أحضانها برفق .. والشكر أجزله للأخ على سرالختم و أن منحنى هذا الفرصة لكون بينكم .. لدى مشكلة صغيرة فى تغيير اليوزر نيم وسأحاول معالجتها مع اصحاب الشأن .. يا سيد على همتك معانا ..
الشكر مرة أخرى لكل الزملاء .. ومشتاقكم والله فرداً فرداً .. أتمنى ان نكون خفيف عليكم ..
| |
|
|
|
|
|
|
Re: دفتر احوال ضابط الشرطة المناوب{2011} (Re: النور يوسف محمد)
|
رحم الله الفنان العملاق زيدان إبراهيم وأحسن إليه
.......
مرحباً بعودة أخونا صاحب القلم المشاكس الجرىء فارس موسى .. وبعودته تعود الروح للدفتر
..
وأهلاً وسهلاً بإنضمام القلم الأنيق والذى طال إنتظارنا له .. الأخ النور يوسف
وفى إنتظاركم.. نثراً وشعرا... ذكريات وتأملات . . ورأى جرىء
ونتمنى عودة الغائبين جميعاً
وإنضمام المتاوقين من الشُباك
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
مع التغيير الوزارى المنتظر بالسودان يدور همس عن تغيير قيادات الشرطه
ماهو توقعكم للمدير الجديد ؟؟؟؟؟ ومن سيكون ؟؟
شخصياً لا أتوقع أن يكون من ضباط البراءه .. أو بمعنى أدق لا أتوقعه من الضباط الذين تخرجوا بالبراءه
وأكثر دِقه .. أتوقعه فنى من الذين أُلحقوا بالبراءه مؤخراً .. ومادام الأولى مرَت .. المانع شِنو ؟؟؟
| |
|
|
|
|
|
|
Re: دفتر احوال ضابط الشرطة المناوب{2011} (Re: Mohiedin Sir El Khatim)
|
بسم الله الرخمن الرحيم ..
شكراً محى الدين على الترحيب ..
بالنسبة لسؤالك ( البرئ ) ( برئ لكن بدخل الزول فى كيبوردو )
ما اتذكرت يا محى الدين والله بالرغم من إستعانتى بصديق بعرف كتير من ناس دفعتكم ..بالذات الإشتغلوا فى الخرطوم .. لكن الظاهر إنت كنت فى الأقاليم ..
ياخى ذكرنا فما زال فى الذاكرة شعاع ...
| |
|
|
|
|
|
|
Re: دفتر احوال ضابط الشرطة المناوب{2011} (Re: النور يوسف محمد)
|
جنابو النور..
ينعم صباحك خير ..
Quote: ما اتذكرت يا محى الدين والله بالرغم من إستعانتى بصديق
|
أناعملت بمركز شرطة كادقلى فى الفترة من 1990-1993، و كان من بين الضباط الموجودين فى تلك الفترة: المقدم (حينها) هاشم أبراهيم فضل المولى و ميرغنى كوة- الجوازات، الرائد كامل موسى كافى- النقيب ابو القاسم على البشرى- النقيب عبد الرحيم ونزار العمدة، ومن أبناء الدفعة 54-55، ابراهيم كدودة- الفاضل خيار- عثمان النعمة- فارس حسين- مرتضى يوسف-احمد الطيب- عاطف العاتى-
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
Quote: يا سيد فيصل نداءك الفى الكود الفوق دا ما هو الجابنى جارى حفيان ! الجابنى جارى مغبون و ومهموم لانك هبشت جرح من جراحات كراماتنا وإنتماءتنا المؤلمه جدا !! هذا الذى اشرت إليه فيما وقع على السيد العميد دفعتكم حسين طلبه فالجرح الغائر هو هذه الهزيمه
التى نتمرغ فى اوحالها ، مررت بنفس موقفكم واصبت بهاء السكته وانا اتساءل عن مصير ثله من ابناء دفعتى وزملاء من دفع اخرى كانوا وسيظلوا اكثر سودانويه منى ومنك ومن عبده عوض اصبت بهاء السكته حين افادنى محدثى بانهم سوف يطردون
من المؤسسه التى كانت فى يوم من الايام تجمع كل ابناء السودان وكنا نعتد بها وبتنوع منتسبيها مقارنة مع مؤسسات اخريات حكرا للغول !
|
مرحب بالفارس فارس موسى , عارفك يا صديقى لا تتوانى ولا تتردد عندما يحمى ا########س , ربما تنسى نعلاتك لكنك مطلقا لا تنسى الشلكاية ودربك عديل على الفيل , الشلكاية لأولاد البنادر تعنى الحربة ذات المقبض الطويل , واضح يا صديقى من خلال ما حاق بالزملاء من اصول جنوبية أن هذه الدولة يقودها خال الرئيس , وقد أصبحت بصماته واضحة فى كل شأن يخص الجنوب .
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
Quote: وهكذا .. مرةً أخرى .. على صهوة قلمٍ هرم .. وقصاصات شوقٍ فى أوج الشباب .. أعود إليكم سادتى .. على رهق الإنتظار ألتمست طريقى .. أنفض عنه غبار الذكريات .. وسيد القهوة على الفنجرى يجابد بينى وبين مضيفنا .. فهو لا يعلم أن بينى وبين ومحطات الإنتظار ومدن الغبار عداء سافر ..
التحية لكم .. من نجد .. إبنة الصحراء المتردة .. حيث لا تشرق الشمس ,إنما تعاود الظهور .. لا تنبيك عن فجرٍ وسيم , بل صبحك المؤود .. على أشواك من الملل المكندش .. الرياض .. مدينة لا تستقر فى الذاكرة إلا بقدر إلتفاتة عنق وبعض خدر تحذر الليل والدفء والعناق والإبتسام ..
الطريق الى حراك الحياة .. هو خلوتى المفضلة .. أمارس فيه جناية التمنى وفضائل التأمل وحيناً يكتمل هلال ( الكيف ) بدراً أدندن بصوتى الأجش ( دايماً , دابماً .. اطيب خاطرك الغالى , واسامحك .... )
وفى المكتب .. الذى تتواضع فيه آمال النجيع وتتوارى فيه موبقات الأحلام المنهكة .. ينعش ذاكرتك هذا الشاب الصغير بابتسامة وفنجان من القهوة التركية حالكة السواد كحظوظ هؤلاء الفتية المبعثرة ..
الرياض تعيد فيك ترتيب المشاعر والحواس .. و أولويات لا تأبه لها كثيراً وتعلنك أن ( غض الطرف إنك من نمير ..... فتستقيم عندك ظلال شهوات بريئةعلى عود أيامك المعوج .. . ويبقى حلم العودة شبحاً يمشى مترنحاً بين تلك الشهوات .. . .. التحية لكم فى منافى تأخذكم فى أحضانها برفق .. والشكر أجزله للأخ على سرالختم و أن منحنى هذا الفرصة لكون بينكم .. لدى مشكلة صغيرة فى تغيير اليوزر نيم وسأحاول معالجتها مع اصحاب الشأن .. يا سيد على همتك معانا ..
الشكر مرة أخرى لكل الزملاء .. ومشتاقكم والله فرداً فرداً .. أتمنى ان نكون خفيف عليكم .. |
الكتابة النثرية الأنيقة تضاهى فى مفعولها ضروب الفنون الأخرى من شعر وغناء ورسم , فلا تحرمنا يا صديقى من متعة الاطلاع على مثل هذه الدرر , اتمناك والأسرة الكريمة فى تمام الصحة وكمال العافية , واكيد المنبر والدفتر يتشرفان بمقدمك الميمون , كن بخير .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
Quote: يعنى السيد المدير ما حيلحق يحجج المعاشيين , يا اسامة ياخ انا كنت معول على حجة المدير دى تقوم تحبطنى ب خبر مهبب زى ده . |
يا سعادتك حجه زى دى ما أظنها مقبوله . بل أظن فيها إثم وهى على نفقة مساكين لا يجدون الخبز والدواء لأطفالهم
تعال بى حقك .. وسيُستجاب دُعاؤُك
أما السيد المدير فلا خوف عليه .. سيتولى مسؤوليه أُخرى
| |
|
|
|
|
|
|
Re: دفتر احوال ضابط الشرطة المناوب{2011} (Re: Adil Hamza)
|
Quote: يا سعادتك حجه زى دى ما أظنها مقبوله . بل أظن فيها إثم وهى على نفقة مساكين لا يجدون الخبز والدواء لأطفالهم
تعال بى حقك .. وسيُستجاب دُعاؤُك |
أسامة يا صديق يبدو انك ما فهمتنى , لدى رأى قاطع وقد يصل لحد التطرف فى مسألة تفويج موظفى الدولة للحج بالأموال العامة و التى يفترض أن توظف لاغراض التنمية ومقابلة خدمات الصحة والتعليم , وأى كائن يتصرف فى الأموال العامة بانفاقها فى الزواج الجماعى والحج الجماعى فى تقديرى هو انسان فاسد وجبت مساءلته ومحاسبته عندما يحين موعد المحاسبة واظنه قد أزف أكيد تقديرى ومعزتى
| |
|
|
|
|
|
|
|