|
Re: دفتر احوال ضابط الشرطة المناوب (Re: ياسر عبدالكريم محمد)
|
Quote: السيد فيصل ذهبت الى بيوت الاشباح بسببه ومازلت تتمنى كل الخير لاسرته..وهذا دليل على معدنكم النفيس والاسرة الكريمة التى اتيت منها..يا اخ فيصل.
الاحظ دائما لمداخلا تك المليئة بالحكمة وحسن اختيار المفردة التى تجبر الجميع على احترامكم وحتى الاعداء.. انه شرف لنا ان انتمينا لقوة الشرطة التى ضمت اشخاص امثالك وانت فخر لنا فى هذا المنبر الان وفخر لنا اينما حللت يارجل.. حفظكم الله تخريمة هسة عليك الله انت شايقى وعنتر ده شايقى؟ |
الصديق على السر ربنا يجبر خاطرك والف شكر على الاطراء , يا ريتنى اكون عند حسن ظنك , فى وقتها غضبت غضبا عظيما ولعنت اليوم الذى جمعنى بذلك الزميل والحمد لله أننا لم نلتقى فى تلك الايام ولا ادرى كيف كنت ساتعامل معه , لكن فى المقابل وعند اعتقالى هناك بعض الزملاء الذين تباروا لمعرفة مكان اعتقالى وتوفير الحماية الكاملة لى وقد افلحوا فى ذلك , لا اريد ذكر اسمائهم حيث ان بعضهم لا يزال فى الخدمة , واحدهم قد غادر المهنة برتبة فريق , واسال الله ان يمد فى عمرى واعمارهم ليدروا مدى حبى وتقديرى العظيم لشخوصهم الكريمة , الغريب فى الأمر يا على أن بعض أؤلئك الزملاء كنت التقيهم لقاءات عابرة ولم تكن علاقتى بهم كعلاقتى بذلك الزميل كما أنهم ليس من أبناء دفعتى , لكنهم شعروا بالمسؤولية تجاه زميل فى محنة , هذه المهنة يا على بقدرما جمعتنا باناس لا يتورعون فى الغدر بالآخرين ان اقتضت مصالحهم ذلك , الا انها وبذات القدر جمعتنا باناس فى قامة الملائكة , هذه هى الحياة يا صديقى آخرها كوم تراب ونسأل الله ان يحسن خاتمتنا ولا يجعلنا فى ذمرة الظالمين .
(عدل بواسطة فيصل عثمان الحسن on 11-27-2010, 09:41 AM) (عدل بواسطة فيصل عثمان الحسن on 11-27-2010, 09:42 AM)
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: غيّر النضارات يا كمندان |
الاخ العزيز على سر الختم يبدو لى اخونا فيصل عايز شوية برسيم.. الصديق عنتر لاجراء اللازم .. الاخ العزيز عبد الحفيظ مختفى ليه زمن ياسعادتك اظهر وبان عايزين نسمع رايك فى موضوع الاخ فارس الذى اثرى الدفتر وكان بمثابة الحجر الذى حرك المياه الراكضة ..
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: الاخ العزيز على سر الختم يبدو لى اخونا فيصل عايز شوية برسيم.. الصديق عنتر لاجراء اللازم .. الاخ العزيز عبد الحفيظ مختفى ليه زمن ياسعادتك اظهر وبان عايزين نسمع رايك فى موضوع الاخ فارس الذى اثرى الدفتر وكان بمثابة الحجر الذى حرك المياه الراكضة .. |
الحبيب جويلى
الخيل تجقلب والشكر لى حمّاد
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: وعلمت لاحقا ان من خاطب جهاز الامن مطالبا اياهم اعتقالى والتحقيق معى هو زميل عملت واياه بمركز التدريب الموحد وكنت أرى فيه نعم الاخ والقائد , ذهبت انا لبيوت الاشباح وقضيت فيها ثلاث أشهر بالتمام والكمال تعرضت خلالها لكل ضروب الذل والهوان وذهب هو لأسرته التى أتمنى لها كل الخير |
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الدفعة مكرم احمد البشير كما هو ماشاء الله عليك الدفعة اصبحوا لواءات وانت تحمل شاسيه النقيب ..اخونا مكرم اشرنا عليه باللون الاحمر المرجو تعريفنا ببقية الزملاء والشكر اجزله للزملاء الاجلاء فقيرى والمشرف .. وللدفعة 46 في القلوب حنين ولهم من طول الغياب وداد لايتغير ومن حقها علينا أن نكتب عنها وعن أزاهير وقامات ونجوم كانت تزينها..
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: برضو عنتر حكى لى عن واحد زميل كان معانا بالشرطة ومشى الامن وبقى يرسّل ليهم عساكر امن فى جوازات الاجانب عشان يراقبوهم. |
الاخوه الافاضل ... لكم التحيه
الموضوع اعلاة كان بحضور الحاج ياسر عبدالكريم( حاج حنكشة)
واثناء ظهور كشوفات الصالح العام ظهرة ظاهرة دخيلة وغريبة
علي الشرطة حيث تم تكوين قوة بجهازالامن الغرض منهامراقبة السادة
الضباط اثناء ساعات العمل وفي غير ساعات العمل والغرض من المراقبة
الله اعلم،
والكل مصاب باالاحباط ، وعدم الرضاء لمااصاب الاخوة الزملاء من احالة
لصالح منو ومنوا العام ومنوا الخاص اصلا ومن انتم اصلا!!!
وعلية قمت بقفل باب الحوش الجوة جوة والبرة برة واثناء التحقيق مع
الكل تم العثور علي اثنين من بين الملكية ما القرض من تواجدكم داخل
قسم الاجانب!!! والله قالو لي الغرض هو مراقبه السادة الضباط !!
ومن هو الضابط الذي ارسلكم، هو فلان الفلاني وكلكم تعرفونه جيدا
ما المقصود من المراقبة، ولمصلحة من، ولية وا وا ..الخ
فعلا الشرطه اصبحت تنفذ تعليمات الحزب الحاكم، لا العاقب ولا كل
المدراء السابقين والقادمين يستطيع ان يغير شي. واضف علي ذلك
اصحاب النفوس الضعيفة اللزين يقدمون المصلة الخاصة فوق المصلحة العامة
من اجل حفنة من المال او وظيفة تهميشية,, البوليس الان لاحولة لة ولا قوة
حليل اتخاذ القرارات الفردية مع تحمل المسؤولية..
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
يا سلام عليكم يا شباب ... الله يديكم العافية ويحفظكم جميعاً ..
كلامكم كلو سمح وطيب .. وربنا يديم الود والمحبة والإحترام بين الجميع ...
Quote: ام انكم تفضّلون انه مدان حتى تثبت براءته مخالفين بذلك ابسط قواعد العدالة |
أبداً لا .. وطبعاً لا .. يا سعادتك ..
| Quote: انتوا الحصل شنو للناس بى ورانا والله دى اشياء عجيبة جدا .. الناس دى الحصل ليها شنو يا اخواننا ؟ لاحول ولا قوة الا بالله... |
ما قلنا ليك يا سيد علي ..العالم دي بقت مامضونة ..
بس ما علينا إلاّ أن نردد معك .. لا حول ولا قوة إلاّ بالله ..
Quote: هسّة انا كنت قايل عندك معزة بكسر الميم بى دبرها حايمة فى المنبر ده برضو زى حقّت فارس ديك..
|
سمعتا شينة يا سيد فارس .. المعزة دي لمها عليك ...
Quote: يا اخواننا اواصل ليكم فى الصور من الارشيف كاستراحة محارب ولا تخلّوا دواس بس؟ الهكر مسح معظم الصور الفى البوست الله يمسح د..نو ذاتو..لكن ماتخافوا اندى كلها هافظا فى فلاش يا عمّك..
دايرين ولا ما دايرين؟ |
|
ودي عاوزة كلام يا سيد علي ... نحن في شوق لها وعلى أحر من الجمر ...
Quote: سلام يا سيد فيصل .. و شكرا لهذه الكلمات الجميلة انا و الله لا ادافع عن السيد الفريق ... و اذا راجعنا ما فعلته هذه الحكومة بالشرطة خلال ال 21 سنة الماضية لوصلنا الى ان كل قادة الشرطة مشتركين فى المآسى التى تجرعها زملائهم من تشريد و تعزيب و السيد الفريق العادل ليس استثناء فهو بالشرطة منذ مجئ الانقاذ الى يومنا هذا و لم نرى له اى موقف ضد المظالم التى حدثت اما السؤال انه كوز ام لا فلا ارى اى داعى له طالما ان السيد الفريق ينفذ سياسات الحزب الحاكم بحزافيرها ...
|
تحياتي يا سيد عادل .. والله كلامك الجميل الفوق دا كان مفروض يكون في مداخلة قادمة لي مع إختلاف بسيط في الفكرة وليس الجوهر وإنت سبقتني في ذلك ... على العموم أنا برضو حا أنزلها ..
| |
|
|
|
|
|