|
|
 Re: إيجابيات وسلبيات الشخصية السوادنية (Re: احمد سيد احمد)
|
من السلبيات الحماقة وسرعة الغضب والانفعال :
مرة في كتاب يتحدث حول الشخصية السودانية - ويمكن فكرة البوست استفدتها منو -...حكى الدكتور الحبر يوسف نور الدايم قصة حقيقية قال مره واحد سوداني مصاحب سعوديين صحبه شديده وبجوهو وبجيهم فيوم مشى ليهم زياره والسعودي من الباب استخدم معاهو الايه بتاعة الاستئذان ...وان قيل لكم ارجعوا فارجعوا....فصاحبنا السوداني حرقتو شديد القصه دي فقام قال للسعودي والله دي ايه من كتاب الله وما عندي فيها شك لكن علي الطلاق زول استخدمها غيركم مافي وتاني كان اجيكم كراعي تنقطع.
برضو في نفس الكتاب دا احد الدكاترة لا اذكره بالضبط...قال انو السوداني بيقدم الشجاعة الجسمانية على الشجاعة الادبية...فمثلا ممكن يتضارب مع اتخن تخين لكن ما بقدر يقول للمخطيء انت مخطيء في وشو..بعد يمشي يقوم يغتابو
|
|
 
|
|
|
|
احمد سيد احمد
فيس بوك
تويتر
انستقرام
يوتيوب
بنتيريست