|
|
 Re: ما ينوم .. NEXT الدمازين (Re: أحمد ابن عوف)
|
عزيزي أحمد
ياخي سلامات، وكيف حالك، ولعلكم جميعاً عافية
يازول ده شنو البتسوِّي فيهو ده! جبهة ثورية بتاعة مين ياخي! هذه جبهة مصلحجية وفاقد أخلاقي
وهل أي حرب الناس، تنفخ فيها ..؟ حتى لو كان الكيزان هم الحاكمين!
يؤسفني أن أقول لك: أن عنونة بوست لك، بهذا العنوان، فجيعة والله
أليس لك أهل في الدبازين؟ ألستَ تأبه أن يبعج الرصاص "المأجور" والطامح "بكل الغرور" بطون كثيرين، من فقارة السودانيين، الغلابى، التعابى، إلخ,,, وكذلك رؤوسهم دون ذنب إلا أنهم - في غالب الأحوال - قد وجدوا نفسهم في المكان الخطأ والزمن الخطأ والسياسة الخطل؟
عزيزي الشفيع، الجزيراوي
سلامات
ياخي ما تجامل أحمد ساي! ناس الجزيرة كان فيهم "شوية نار" الليصلوبا واليهم الذي لا ينشغل إلا بالجهاد إعلامياً، ويترك كل العوَج في بُكانو!
ولسوء أوضاع السودان، فقبل شوية، شاهدت كاشا، الوالي العائد (بايتاً) بعد أن رأى فيه " مركزيّوه" أنه لا يصلُح في ولاية جنوب دارفور، فأقالوها وهو المُنتَخَب! ثم حرِد! لمّا عرضوا عليه "شرق دارفور" .. ولمّا لم يجد ما يفعله! أو بالأصح، لمّا لم يكن ذي جدوى، ما ظل يفعله!!
فقد قبِلَ أخيراً أن يرجع والياً لشرق دارفور، وقد نسيَ الحَردة؛ ويبدو أن الدّهر عضّه!! لمّا وجد نفسه بلا ولاية؛ هذا الكاشا، شاهدته في تلفزيون أم درمان يقول: ما دايرين زول في مكتب، ما دايرين مرَة في مكتب، خدمة مدنية بتاعة شنو! والبلد في حالة حرِب!..
فتأمّل!
----
والتحايا للجميع
|
|
  
|
|
|
|
|
| العنوان |
الكاتب |
Date |
 ما ينوم .. NEXT الدمازين | أحمد ابن عوف | 04-28-13, 05:59 PM |
| Re: ما ينوم .. NEXT الدمازين | أحمد ابن عوف | 04-29-13, 12:55 PM |
| Re: ما ينوم .. NEXT الدمازين | أحمد ابن عوف | 05-02-13, 10:05 PM |
| Re: ما ينوم .. NEXT الدمازين | حسين عبد المجيد | 05-02-13, 10:45 PM |
| Re: ما ينوم .. NEXT الدمازين | أحمد ابن عوف | 05-03-13, 03:22 AM |
| Re: ما ينوم .. NEXT الدمازين | Alshafea Ibrahim | 05-03-13, 05:39 AM |
| Re: ما ينوم .. NEXT الدمازين | saif massad ali | 05-03-13, 05:47 AM |
| Re: ما ينوم .. NEXT الدمازين | أحمد ابن عوف | 05-05-13, 01:50 PM |
| Re: ما ينوم .. NEXT الدمازين | أحمد ابن عوف | 05-18-13, 03:11 PM |
| Re: ما ينوم .. NEXT الدمازين | الصادق الزين | 05-18-13, 07:41 PM |
| Re: ما ينوم .. NEXT الدمازين | أحمد ابن عوف | 05-18-13, 08:22 PM |
| Re: ما ينوم .. NEXT الدمازين | محمد أبوجودة | 05-18-13, 09:20 PM |
| Re: ما ينوم .. NEXT الدمازين | أحمد ابن عوف | 05-19-13, 06:37 AM |
|
| |
محمد أبوجودة
فيس بوك
تويتر
انستقرام
يوتيوب
بنتيريست