أصـــــوات الـــبــــــــورداب عـــــبــــر جـــهــــــاز الايـفـــون

(عدل بواسطة عبدالكريم أحمد الامين on 11-15-2012, 02:43 PM)

Quote: الاخ العزيز الغالي عزالدين الفحل _ ابو ظبي السلام عليكم ورحمة الله تعالى وبركاته كنت متردد جدا بان اخاطبكم خوفا من الا تهتم بي وتحرجني زي ما تم احراجي قبل ذلك في بوست من البوستات يتكلم عن الايفونات ... اها انا قمت سألت سؤال برئ جدا عن التلفون الذي املكه وكل زول حسب الصارو أها يا طال عمرك انا طلبت معلومات في ذلك البوست المشؤوم الذي احرجني حتى تعقدت حتى الان فقمت سألت من ميزات تلفوني وهو الذي يقال له الكشاف تلفون ممتاز خلاص والله كان وقع في ابوعشرين في اثناء المكالمة جلبغ جلبغ تغتس ايدك وتشيل وتنهر حمارتك وتنضم مع رواعيتك في امان الله ( كلام السعية وابو عشرين دا اتجاهلو طال عمرك ) دا كان في اجازتي الصيفية التي استمتع بها في قريتنا الكائنة بالقرب من التكلة حلة الفكي حامد ناحية سرحان النفيدية الذين لماهم الشيخ تاي الله راس في طاقية لا اطيل عليك طال عمرك .. اها بعدما وقع تلفوني الكشاف في ابوعشرين تعطل الكشاف والصوت ذاتو بقى اتختخ ساهي وكمان لازم استعملو بالقلبة زي ركوب الحمير بالقلبة ..... ركوب الحمير بالقلبة يعني راس الحمار لقدام ونحن لوراء عشان تعصر ضهر الحمار بالحديدة عشان اقرب قربة جد لا اطيل عليك طال عمرك ارجو ان تحن في حالي وترسل لي ايفون ان شاء الله حقك دا لانو سمعت بانك كل ما اجي واحد جديد تترك الاول كمان ما تقول الليام دي ناوي علي العرس رسل لي واحد تاني للحاجة التي سوف اعرسها وتكون كسبت ثواب جمع بين راسين عزيزي عز الدين اهو انا طلبت طلبي هذا راجيا من الله ان أوفق فيه ولكم الشكر والتقدير وطول العمر وانا كلي ثقة بان يتم الارسال في اقرب زيارة لكم للاراضي السعودية المقدسة حيث اعمل في عاصمتها راسا على عقب بالرياض ارجو الا اكون اطلت عليكم وزهجتكم ولو دايرني ارسل لك في الخاص فذلك ما يسرني وارجو ان اكلمك عنقريب من الايفون ات داير تجنني يا الفحل ولا شنو ؟ . . عبدالله ود البوش

Quote: ناصر يا أمين! حاول تتواصل مع عمكـ الفحل عشان تلحقو المعسل يرسلو مع الآيفون!! ----- الفحل يا عمكـ الموضوع ساهل شديد جدن جدن تمش لـ DHL ـ دا بعد ما تشتري الآيفون 5 طبعا ـ تديهوا ليهم وتكتب الرياااااض .. تلفون (رقمي عندكـ)!! ذاتز إت!! . ------------ .هع هع هع هع يا ود الرشيد!! إنت ما شايف عمكـ الفحل قاعد (يلوّح) بالآيفون!! في الحالة عادي بقول ليكـ: قوم لف!! محمد عبد الماجد الصايم

Quote: أخي الخلوق .. عزالدين الفحل "عزو" سلام وتحايا...وعساك عافيه. يازول وينك ياخي ..منتظر اتصالك..بالله تحياتي للاخ محمد. خالص الود والتقدير. الشيخ سيد أحمد

Quote: Quote: ما جاى الدوخة قريب السفرجل دا مااا نشف ياخ,, الفحل ... عليك الله ايمن دا زاتو رشوووو .. بالحته الفيها الحديدو و طوالي في زيزفونو هههههه ناصر احمد الامين

Quote: شفت يا صديق الموج أها الاخ العزيز عزالدين الفحل رد علي من ابوظبي وجبر بخاطري كيتا عليك لكن وعد مني مسكتي للايفون والله العظيم طوالي اديك سبحة ان شاء الله تكلم خالي حمزاوي وتقول ليهو يا حمزاوي شيخ الجماعة كان جاك بتدي شنو وتسدروا علي كيفك ...... الله اجبر بخاطرك يا عزالدين ولدي انا في المنبر دا زول شغال بي مافي لكن ردك علي دا رفع لي معنوياتي وهيج علي اشجاني خاصة واني اوعد نفسي عن قريب ان اتكلم بالايفون واقدل بيهو في شارع غبيرة العام ومرات اتكلم ساهي في الفاضي وحمالتك علي أئ زول اسعلني اقول ليهو جابو لي ولدي عزالدين الفحل من ناحية ابوظبي واخليهم ادعو ليك وانا كل يوم ادعو لي وامي تدعو ليك بعد ترتاح من عوك عوك حقت الكشاف ياخي التقول انا شغال في طاحونة .... الوووووووو الووووووو معاي منو ..... يم أمي شوية من حوش البقر عشان تسمعيني واخواني ادعو ليك وايضا كذلك ناس حلتنا عموم خاصة يوم الفاتحة اخلي ليك الفراش كلو كورك لكن بعد الايفون تاني برااااااااحة الكلام لكن انا خايف ناس حلتنا اقولو الجنا اتعولق ولا شنو ؟ وات يا صديق الموج ابشرك مسكتي لي الايفون نمشي انا وات شارع غبيرا العام ونبيع الكشاف بستة وتلاتين ريال ات طمانطاشر وانا طمتاشر شوف الرزق الجاك في نومك دا يا البخيت والله ازيدك يا عزالدين ولدي كمان وكمان ولداتك تيمان تيمان ملحوظة : أسكن الرياض طريق الخرج وتلفوني على البروفايل وناس الدي اتش ال ما بقصرو الليلة غايتو النوم ببقى خزاز كل مرة احلم اشوف روحي ماسك الايفون الوووووووووو معاي منو ..... وقعت معاي يا زنبار قداد الهبوب عشان تاني تضحك علي تلفوني الكشاف وهو لا يدري ان رحمة الله واسعة وتتنزل على عباده المساكين تنزيلا عبدالله ود البوش

Quote: سلامات باسط المكي

Quote: وازيدك فى الشعر بيت يا الما ك خابر شى لا فيه شريحه لا بشحنوهو مسكتك ليه تكلم الفى سقط لقط لا فاتورة لا بتشحنو بعشرة ريال تكلم العتامنه كلها و القرى المجاورة مجانى وحكينا القصه دى ليييييييييييه؟؟؟؟؟؟ الفاتورة ما بتمشى لى ولدك الفحل ده هناك انت بس عليك الكلام ، كل العليك كلمه فى الفيس واحكى ليه الكيس يقوم هو من الامارات يدفع ليك فاتورة المكالمات الفحل عالم جميل،، صديق الموج

Quote: يا الفحل قريبك صديق الموج دا فاضحنا فضيحة هو عندو كشاف وانا عندي كشاف بس انا دائما بخليهو صامت لكن هو اصلو ما بخليهو صامت لمن ارن زي ابو الجندب جرررررر جرررررر الناس بعرفوهو دا الكشاف اها ما دام طلع قربك وتم اعلان ذلك على المنبر العام وكمان في بوست يخص الفحل كدي اسع شوف الناس القروا البوست ديل كم ؟ معناها العالم دا كلو عرف انو صديق الموج تلفونو كشاف وايضا كذلك عرف انو ود البوش شحدك شحتة الله والرسول تلفون ايفون اها ما تخذلنا ولازم كل الناس ديل اعرفو انك رسلت لينا ايفونين اتنين نستلمن وطوالي نمشي الاستديو نتصور جنب الايفونات ووسطن وردة ودحيشة ههههههههههههههههههههههههههههههههههههههه عبدالله ود البوش

Quote: هاك التسبيح من صوري في الفيسبوك : كان زمان عندي وأحد بستخدموا زي تلفوني النوكيا أبوكلـــــــــب الظاهر جمبو في الصورة السلام عليكم وعليكم السلام ......... بس البرافوا بخلعني لما المتصل يتكلم معاى لاسلكي ......... تكون نائم ولا بتعمل في حاجة يجيك الصوت ياعبد الناصر يا عبد الناصر ......... ياحليل أيام البرافوا بس ياود الفحل أخوي للشركات نظام موبايلي بتاع المجموعات أوفر عشان كده البرافوا أبتدي يقل ............. مالم تأتي الشركة بميزات وتخفيضات ترجع ليهوا بريقوا المفقود حاليا وشكر للبوست الازال لى كتير من تخلفي الاتصالاتي وتعاملى المحدود مع التلفونات بالفكرة القديمة أنها وسائل أتصال فقط يعني أي نوع منها مدام موفي بالغرض خلاص بعد ما أخلص الشغل حامشي شارع فلسطين أسأل عن الأيفونات بس اوعدنا ببوست تدينا فيهوا فكرة عن كيفية الاستخدام والمهارات الماحنلقاها في دليل المستخدم سؤال جانبي الإيفون ده مافي منو أبو كــــــــــــــــلب ولك التحية عبد الناصر الخطيب

Quote: كشلو كشلو كشلو عارفينو دا صوت شنو؟ دا صوت الجكسي فون بتاع ود الصائم لمان تجيهو رسالة بعد ما الهلال اتغلب والله دا كلام خشمو MOHAMMED ELSHEIKH

Quote: اسعد الله مساءك يا الفحل ناصر احمد الامين

(عدل بواسطة عزالدين عباس الفحل on 11-15-2012, 02:14 PM)
(عدل بواسطة عزالدين عباس الفحل on 11-15-2012, 02:17 PM)

Quote: الأخ الحبيب عزالدين الفحل. سلآم وإحترام مختوم بإعتذار لشخصك الجميل. يا ود الفحل أنا ماني زول ايفونات، لكن ليك علي أكان سعيت لي وآحد أوّل مكالمة ليك إنت يا راجل يا سليل المكوك. مودتي ... إنت قريب أحمد الفحل ؟؟؟ معاوية المدير