لحظة من فضلك!

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 11-12-2018, 09:38 AM الصفحة الرئيسية

مدخل أرشيف الربع الثانى للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-02-2013, 04:23 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: فلو إفترضنا أنه كانت لك علاقة جادة بإحدي النساء تتلمس طريقها للإستقرار فإنني قد أتضايق من سكنك معها او
    أتخوف مصير العلاقة علي اساس الموروثات الثقافية التي تجمعناانا وأنت كأصدقاء ومراقبتي للعلاقة بينكماوبالطبع الدين اولها..

    سامحيني ايتها الاخت الكريمة العزيزة
    بهذا وانت في قلب تداخل الثقافات والتصالحات معها فان الجدار الذي جئت به من بيئتك مازال يلقي بظلاله علي تقبلك ل(بعض) الاشياء مثل
    المساكنه واثر الفواصل عند اختلاف الدين وغيره في تحقيق الاستدامة لهذة العلاقه سواء بالوصول الي الزواج او غيره .. ولن اسبب لك مزيدا
    من الضغط فقبولك لعلاقة متل هذه بيني وبين سودانية سيكون سلبيا وسيقيم الجدار بيننا وبينكم (كأسر) كما ولو كنا بالخرطوم ولم ننفتح علي اي
    ثقافة او اي مؤثرات اخري ..


    Quote: هذا التصالح بين الذي نظن انه مؤكد في نفوسنا وبين ما نشأنا عليه يحتاج الي مجاهدة مستمرة لان يتكامل او ليقارب التصالح التام.

    طيب ليه نتعب انفسنا لكسب تصالح ينهار عند تعرضه لحالة كحالتي مع سودانية مثلي ؟

    معليش تاني .. اخرج بك من هذا الجدال الي حالة مشابهة لحالتي
    كنت اعمل بمدينة حائل بشمال السعوديه ولي فيها صداقات واسعه (مع الرجال طبعا) .. سألني احدهم تعرف فلان .. ايوه .. جلدوه امس في السوق ..
    ليه .. قرص واحده .. وواصل .. اللي مايستحي .. لو يبغي الحاجات دي يروح بانكوك والله مانيلا .. يعملها بالستره .

    شفتي كيف ؟!

    عمر علي حسن
                   |Articles |News |مقالات |بيانات

10-02-2013, 06:12 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: معليش تاني .. اخرج بك من هذا الجدال الي حالة مشابهة لحالتي
    كنت اعمل بمدينة حائل بشمال السعوديه ولي فيها صداقات واسعه (مع الرجال طبعا) .. سألني احدهم تعرف فلان .. ايوه .. جلدوه امس في السوق ..
    ليه .. قرص واحده .. وواصل .. اللي مايستحي .. لو يبغي الحاجات دي يروح بانكوك والله مانيلا .. يعملها بالستره .

    شفتي كيف ؟!

    عمر علي حسن


    وهذا ايضا مفهوم خاطي وأراه إنعدام أخلاقي حتي وهو مقبول في كثير من المجتمعات الشرقيه ..
    الا أنني اري المقارنة الغير معلنة هنا بين ما ناقشناه عاليا وبين قصة "القرص" غير ملامسة لما أود أن اقوله..
    فمقياسي الاخلاقي في علاقة تقوم بينك كإنسان وبينها في مجتمع أوروبي لا يري في قيام علاقة قبل الزواج أمرا مستنكرا
    قائم علي درجة من مسئوليتك انت كفرد..وعلي رغبتكما الجادة كشركاء في علاقة جادة..لن يستطيع إنسان أن يثنيكما عليها
    كما أنكما الإثنان في نضج أو في عمر يعرف ما يود ويتحمل المسئولية كاملة في ذلك..فماذا يصيرني أنا في هذا؟؟
    أما إن كانت هي سودانية وانت كذلك فأنتما الإثنين تأتيان من مجتمع مشابة في قيمة المغروسة فيكما وفي الإتفاق مثلا علي الدين
    وما يحرمه..هذه العلاقة علي الاغلب لا تكون معلنة كما في الغرب ولا تسكنان معاكما يفعل أهل سام..وإن حدث فهي تطوقكما الي الأبد بمشاكلها
    ثم تنتهي سريعا خاصة أمام تانيب المجتمع وعدم رضائه..وبذلك اقصد أن العلاقات والزواج في مجتمعاتنا مختلفة
    في شروط إستمراريتها عن المجتمعات الغربية..فالزواج عندنا قائم علي رضاء الاسرة أولا ثم المجتمع كذلك..بينما هناك قائمة علي
    رضائهم هم فقط..أما إن نجحت تلك العلاقةوأستمرت..فمالذي يضيرنا في ذلك؟


    أماالزول داك صاحب "القرص" في بانكوك فهو يظن أن الخطيئة في إمكان الرجل..وأن كل النساء من ثقافات مختلفة هن نساء إباحيات
    وأجسادهن مباحة..وإستناده علي أن الدعارة في تلك الدول الآسيوية واسعة وبالتالي كل البلد كذلك..
    هناوبصورة عامة من يفعل ذلك يتعرض لمعاقبة القانون..فالجسد ملك المرأة وليس من حق أي إنسان أن يلمسها دون موافقة منها
    حتي ولو بالسترة ..كل شيء هنا بالقبول سواء كان قبولا قائم علي علاقة عاطفية أو علي مادة فقط ..

    ........
    ........
                   |Articles |News |مقالات |بيانات

10-02-2013, 06:30 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)


    أحيانا نحمل في دواخلنا بعض التناقضات وتضطرنا المواقف التي نمر بها او نشاهدها علي أن نتعرف عليها بشكل مختلف..


    عافي منك ومن دبلوماسية ردودك يا ام عروض

    كنت فاكرك ساي لكن لقيتك هييييييييييييييع
                   |Articles |News |مقالات |بيانات

10-02-2013, 06:35 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: فمقياسي الاخلاقي في علاقة تقوم بينك كإنسان وبينها في مجتمع أوروبي لا يري في قيام علاقة قبل الزواج أمرا مستنكرا
    قائم علي درجة من مسئوليتك انت كفرد..وعلي رغبتكما الجادة كشركاء في علاقة جادة..لن يستطيع إنسان أن يثنيكما عليها
    كما أنكما الإثنان في نضج أو في عمر يعرف ما يود ويتحمل المسئولية كاملة في ذلك..فماذا يصيرني أنا في هذا؟؟


    ياستي يا مني
    هكذا نلتقي في رؤية مختلفه .. مهما رفعنا لها الضوء فهي كالدنيا نصفها مضيء ونصفها مظلم .. وكلٌ يراها بمنظاره .. لذلك قال لهم ربهم
    لكم دينكم ولي دين ..

    اما صاحبنا فقد سالته .. الله في بانكوك ومانيلا مافي ؟ فقال لي .. اذا بليتم فاستتروا .. تتصوري ؟
    الاعتبار يا مني ليس للقيم ولا الثقافة ولا القانون وانما لما يبلغه واقع الناس والمجتمع .... قال حسني مبارك ان ما يتحصله الموظف لقضاء حاجة
    طالب الخدمة ليس رشوة .. وانما حافز .. ومشروع

    عمر علي حسن
                   |Articles |News |مقالات |بيانات

10-02-2013, 06:51 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: عارف يا خالد المنبر ده جنو مفاجآت..
    بس الحمدلله المفاجأة حلوة وربنا يسعد البدر بالنجمة..
    وبعدين ياخ لينا مدة في الأخبار الحزينة شوية كده الناس تفرح..
    والفرح في سودانيزاونلاين ليه شكل تلقائي جميل غير مكلف..
    يعني المعازيم بيقدموا وما بيستهلكوا لا عشاء لا فنانين لا مظاهر..
    بالكتير كده بوكيه ورد..

    ولا شنو يا خالد؟؟


    اميــن يا رب وكل يوم عريس وعروس ولا عروس وعريس
    وحت ودشيقوق إن شاء يلقى لي زولة تحبو وتريدو ريدة الحمامة لي وليدا
    ربنا يعمي ام عبدالله من كلامي دا ما تشوفوا ( بقت تدخل النت ومتابعة شيقوق بالطوالا وين وقال شنو )

    وفي أحلى من بوكي الورد ؟
    لكن أنا كان عملتها ومنك أنت بالذات ما بديك وشي حلو لو غمتي لي في الجيب ظرف كبيييييييييييييير فيهو
    استرليني ههههههههههههه ومن بت ربيع اسوية شقة ههههههههه إن شاء في المنشية راضي

    وتقولي كدي تجي شندي وتشوفي ناس شندي الحلوين وطيبين

    تحياتي ومودتي
                   |Articles |News |مقالات |بيانات

10-02-2013, 07:17 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: اميــن يا رب وكل يوم عريس وعروس ولا عروس وعريس
    وحت ودشيقوق إن شاء يلقى لي زولة تحبو وتريدو ريدة الحمامة لي وليدا
    ربنا يعمي ام عبدالله من كلامي دا ما تشوفوا ( بقت تدخل النت ومتابعة شيقوق بالطوالا وين وقال شنو )

    وفي أحلى من بوكي الورد ؟
    لكن أنا كان عملتها ومنك أنت بالذات ما بديك وشي حلو لو غمتي لي في الجيب ظرف كبيييييييييييييير فيهو
    استرليني ههههههههههههه ومن بت ربيع اسوية شقة ههههههههه إن شاء في المنشية راضي

    وتقولي كدي تجي شندي وتشوفي ناس شندي الحلوين وطيبين

    تحياتي ومودتي


    أيوه يا خالد وربنا يبعد عننا سواد المنبر والحزن ويفرح سعيد بسعيدة..
    وأم عبدالله وود شيقوق يسعدوا ببعض وبأولادهم وأحفادهم..

    في ناس ما بتحب بوكيه الورد..أها اسه انت بتحب الورد علا بتفضل عليه غمت القروش..
    ذكرتني الزولة كانت ساكنة في بيتي مجاني أكثر من 15 سنة..قلت ليها يازولة عايزة البيت قالت لي أغمتي لي..
    والغمت إنت قايلو ما محدد؟
    لا قالت لي أغمتي لي أشتري بيت اسكن فيه..
    هي نان يالغبيانه أنا إن كان عندي قروش مثل دي ماكان اخليلك البيت!!

    دايرلك شقة ولا ارض مني ولا حتي قريشات إسترليني؟
    تراك لميت فيهن!

    .........
    .........
    كدي تعال اشرب جبنة معانا وسيبك من العرس وجوطته!
                   |Articles |News |مقالات |بيانات

10-02-2013, 07:25 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: كدي تعال اشرب جبنة معانا وسيبك من العرس وجوطته!


    عيييييييييييييييك دا بجيك لابس سروال طويل وعراقي وسديري و بشرط عينك وبكشف حالك مع ناس لندن

    انت فاكرة ساي؟
                   |Articles |News |مقالات |بيانات

10-02-2013, 08:03 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: كدي تعال اشرب جبنة معانا وسيبك من العرس وجوطته!


    قهوة بعد قهوة منال اليوم المطر زرانا أنا واسامة
    قهوة لندن بتكون
    بدل التيسين هب ضباب وبرد
    في فبارير دا

    كدي ابعدي العدو الحبيب ( شيقوق من قدامي ويدخل في العِزومة بفكر في الجية الأصلو عاقد النية عليها من زمن ليس بالطويل
    بدعوة طالت ولكن القدم ليهو رافع .. والله يفك قدمي ويترفع في جهات لندن واقدل في الهايدبارك قايد أحمد في يدي .. القهوة لو حبشية
    بتكون هناك دوافع للاسراع في الجية
    كدي اهديك الاغنية الحلوة دي عارفك بتذوقي الكلام الحلو ومضبوط يا منى
    اسمحي للمشاعر ان تنداح مع هذا النغم العالي مذاق والكلمة والمفردة التي كان في الابداع والفن الراقي الرفيع







    لانو في تسجيل غير كامل كان الواجب انزلهم الاتنين ولا احرمك واقطع مزاجك وماعارف ايهما كاملة
    المهم لك العذر لو حظك رماك في الناقصة ومع انت كاملة لكن اسوي ليك شنو بكون دا حظك كملي في التانية لوحصل ما توقعته
    تحياتي ومودتي

    (عدل بواسطة خالد علي محجوب المنسي on 10-02-2013, 08:08 PM)

                   |Articles |News |مقالات |بيانات

11-02-2013, 12:56 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: مرحبا بالحب في قلوب كل الناس..

    اوكييييييييييي .. ومرحبا بعيد الحب او الفالنتاين داي ..
    الا تلقي شيئا من اخبار القديس فالنتاين ليتعرف عليه كثيرون ممن لا يعرفونه ..

    هنا في الامارات يتبادل كثير من الناس الزهور الحمراء وعبارات ورسائل التهنئة بعيد الحب .. وينتشر حبور غير مصنوع بين
    كثير من الناس .. وتصعر كثيرات من البنيات خدودهن لاستقبال القبلات التي تتساقط عليها من كل صوب .. وبالناس المسرة ..

    وقد عشت نفس المناسبة في السعوديه .. فمرت بيضاء منهيا عنها .. اولا لانه ليس من الاسلام الاحتفال باعياد النصاري واليهود
    والمجوس .. وثانيا وهذا هو الاهم .. لان القديس فالنتاين (زاني) .. وانه اغتصب الفتاة التي احبته ... شفتي ازاي .

    وعلي ايامنا في السودان كان المحبون والازواج يتبادلون الزهور الحمراء .. وكانت تباع في متجر للزهور مجاور مباشرة لمكتبة
    الخرطوم بشارع الجمهوريه في الجانب المقابل لبابا كوستا ..

    لم اعرف كيف اضيف وردة حمراء هنا .. (غشيم) .. مش ؟

    عمر علي حسن
                   |Articles |News |مقالات |بيانات

11-02-2013, 01:26 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: لم اعرف كيف اضيف وردة حمراء هنا .. (غشيم) .. مش ؟


    حاشاك الغشامة يا خال

    خالك عايز يضيف قندول عنكوليب من عينة السقداوي وارد فداسي - بيكون مقبول؟
                   |Articles |News |مقالات |بيانات

11-02-2013, 02:55 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: خالك عايز يضيف قندول عنكوليب من عينة السقداوي وارد فداسي - بيكون مقبول؟

    خالي مكميك ..
    انت قايل سانت فالنتاين ده جاي من كمبوني ؟ .. عايز تلاقيهو بي سقداوي وارد فداسي .. ويمكن معاهو كوز محاية ؟ .. ياخي الناس
    ديل عنكوليبهم زهور وريحان وياسمين ..

    ومع ذلك بيكون مقبول حسب نظرية التصالح التي طرحتها ستنا مني واعتمدتها انا كضرورة من ضرورات العصر .. وعليه فانه يلزم
    لعمنا الحاج فالنتاين ان يقبلنا علي علاتنا .. عنكوليب زهور محاية المهم الحب .. الذي هو ياروحي عليه ..

    عمر علي حسن
                   |Articles |News |مقالات |بيانات

11-02-2013, 03:59 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: انت قايل سانت فالنتاين ده جاي من كمبوني ؟ .. عايز تلاقيهو بي سقداوي وارد فداسي .. ويمكن معاهو كوز محاية ؟ .. ياخي الناس
    ديل عنكوليبهم زهور وريحان وياسمين ..


    هلا هلا ما خاتي اكان ربنا منعم عليهم بنعومة القشرة

    كنت فاكر ساي


                   |Articles |News |مقالات |بيانات

11-02-2013, 07:08 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: وعلي ايامنا في السودان كان المحبون والازواج يتبادلون الزهور الحمراء .. وكانت تباع في متجر للزهور مجاور مباشرة لمكتبة
    الخرطوم بشارع الجمهوريه في الجانب المقابل لبابا كوستا ..


    وزكي رحمه الله..كان ملك الزهزر ومسابقاتها..
    آخر مرة عمل لينا باقة ورد كبيرة جدا في شكل دائري قلنا ليه عايزنها لي مناسبة علشان يعملها لائقة..
    شلناه في مظاهرة ووضعناه في المسلة (النصب التذكاري)القدام القصر وكانت سبب في سجننا شهر..
    ديل ناس ديل؟؟
    تهدي القصر زهور يهدوك عقاب وسجن!

    بكرة لما يصل فالانتاين والناس كلها تكون مليانة بالزهور الحمر..وكل مع حبيبه ولا نصيبه..
    أنا بكون قاعدة هنا "أحاول"أتذكر أول وردة هدية..

    ولا عزاء للأرامل!
                   |Articles |News |مقالات |بيانات

11-02-2013, 05:19 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: عيييييييييييييييك دا بجيك لابس سروال طويل وعراقي وسديري و بشرط عينك وبكشف حالك مع ناس لندن

    انت فاكرة ساي؟


    شيقوق ما تهجم الراجل ساي..
    اي مره شوفتو في الخرطوم محل المتطفلين كان لابس لبس مناسب..
    إنت فاكر ساي؟

    وذاتو ان جه لندن بسرواله وعراقيه ما بيكون بالغ..
    ياخ هنا عادي تكون ماشي في شبردبوش في الصيف تلقي زول بعراقس وسروال طويل بدون صديري لكن بسفنجة وسفة..
    وزع إنت محل السفنجة ومحل السفة زي ماعايز..لأنه ممكن يبصقها فجأة!!

    لكن ده موضوع تاني..اسه مش الخرطوم قالوا إستلموها المتطفلين؟؟
    لندن ذاتها إستلموها زمان وأهلها خلوها وهاجروا..
    رب مهاجرين من مكان صاروا مقيمين في مكان فسببوا هجر السكان ايضا لمكان!
                   |Articles |News |مقالات |بيانات

11-02-2013, 06:12 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: وذاتو ان جه لندن بسرواله وعراقيه ما بيكون بالغ..


    عييييييك انت فاكرة نحن خايفين عليهو هو ؟ هو في ستين ياخ ما تجننيني حتك

    انا خايف يقوم يهبّش الحمام ياخ
                   |Articles |News |مقالات |بيانات

11-02-2013, 07:21 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: شلناه في مظاهرة ووضعناه في المسلة (النصب التذكاري)القدام القصر وكانت سبب في سجننا شهر..

    ده في زمن ياتو فرعون ؟

    عمر علي حسن

    حاشيه .. انا نسيت ليك زكي ذاتو .. كان في شارع البرلمان قصاد المعروضات المصريه وجنبه السروجي بتاع الشنط ..
    بقي يودي السجن ؟
                   |Articles |News |مقالات |بيانات

11-02-2013, 11:51 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12733

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: حاشيه .. انا نسيت ليك زكي ذاتو .. كان في شارع البرلمان قصاد المعروضات المصريه وجنبه السروجي بتاع الشنط ..
    بقي يودي السجن ؟

    سعادة اللواء ...

    المعروضات المصرية كانت في شارع الجمهورية قصاد بنك الخرطوم في العمارة الفي طرفعا وكالة السر حقة السر عباس ...

    زكي الحلواني كان في شارع البرلمان عمارة ابوالعلا قصاد مخازن ايمان حقة ناس أبّارو ...اذا كان هو زكي المقصود ...

    لو في زكي تاني بتاع زهور ده انا ما بتذكره ...

    الكان في شارع البرلمان يا ريس ( المصنوعات المصرية ) قريبة من شارع القصر ...
    _____________________________________________________
    البوست ده الحاصل فيهو شنو ؟؟؟

    في هيجان و جيشان ... انشالله مافي عوجة ...

    (عدل بواسطة يحي قباني on 12-02-2013, 00:05 AM)

                   |Articles |News |مقالات |بيانات

12-02-2013, 07:32 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: الكان في شارع البرلمان يا ريس ( المصنوعات المصرية ) قريبة من شارع القصر ...

    ايوه صاح المصنوعات المصرية .. ياود قباني
    وزكي ده محل زهور وبذور وشتلات زهور راقي جدا .. غير زكي بتاع السندوتشات .. وانتو في امدرمان عنكم زكي
    بتاع مشروبات وساندويتشات جنب بنده وبار حليم وجورج مشرقي وود الاغا .. يمكن علي ناحية البنك العربي والتمنه ..
    لوحضرتهم ..

    اللذيذ في الموضوع تمشي اي واحد من المحلات دي تلقي زكي ذاتو قاعد .. ويرجع ليك الباقي !

    ثم تعال هنا .. انت وين ؟ اظنك بتبيض في السنده استعدادا للدوري الممتاز ..
    والهيجان عاملاه بت ماما لا مخليه ديفيد كمرون ولا سينت فالنتاين .. طبعا انت جابك عيد الحب .. كل سنه وانت طيب

    عمر علي حسن
                   |Articles |News |مقالات |بيانات

12-02-2013, 11:47 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: المعروضات المصرية كانت في شارع الجمهورية قصاد بنك الخرطوم في العمارة الفي طرفعا وكالة السر حقة السر عباس ...

    زكي الحلواني كان في شارع البرلمان عمارة ابوالعلا قصاد مخازن ايمان حقة ناس أبّارو ...اذا كان هو زكي المقصود ...

    لو في زكي تاني بتاع زهور ده انا ما بتذكره ...

    الكان في شارع البرلمان يا ريس ( المصنوعات المصرية ) قريبة من شارع القصر ...


    سلام يا يحي بركة بشوفتك في لحظة..

    مابتذكر بالنسبة لذكي مقره في الخرطوم لكن المشتل بتاعه كان بعيد شوية من العاصمة..
    وبعدين معرض زهوره كان دايما بيكون في حديقة القرشي..
    صديقتي وهي بنت أخته كانت بتشترك كتير في المسابقات..
    أما بالنسبة للمصنوعات المصرية فكلامك صح ..هي في نفس الشارع الضيق وعلي الطرف المقاصد لباركليز بنك سابقا..
                   |Articles |News |مقالات |بيانات

12-02-2013, 06:09 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ام عروض فووووووووووق
                   |Articles |News |مقالات |بيانات

12-02-2013, 06:22 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    معليش ولحظة من فضلك
    أنا زول دفنو صرتي في مراقد المفردة العذبة
    تكفف دمعة
    تشاطر القلوب الأحزان
    تهدهد اشواق وشجن دفين
    تفي لو بعض من الصبر على الفراق

    هاكي جمال من كلم

    وشوشني العبير فنتشيتُّ
    ساقني الهوى فما أبيتُّ
    يد الحرير إرتعشت في كفي
    بكيتُّ من رعشتها بكيتُّ

    صبيةٌ العطرُ يشتهيها
    أمذنبٌ اذا أنا إشتهيتُّ
    سافرتُ في عيونها دهور
    ما إرتوت عينيّا ما إرتويتُّ
    جَداول الليل على كِتفيها
    تهدّلت حولي فما إهديتُ

    حبيبتي أنيقة العطايّا
    تهمي هوى اذا أنا هَميتُّ
    حبيبتي أُغرودة العذارا
    غنت الأفراح إذ غَنيتُّ
    أجمل منها ماإحتوى فؤادي
    فالعبق الصادح ما أحتويتُّ

    لا تسألوني لا كيف كان المُلتقى
    وكيف في دُروبها مشيـــتُّ
    وكيف طاف الثغر في إبتهالٍ
    وكيف في مِحرابها صَليـــتُّ
    سر عميق حبها بقـــــلبي
    ما قلته للناس وما حكيـتُّ

    إن روى القيثارُ سر حبي
    قولوا له: ما قلت ما رويتُّ
    لكنه حين بكي بكى حنيناً
    بكيتُّ من رقته بكيــــتُّ


                   |Articles |News |مقالات |بيانات

12-02-2013, 08:31 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12733

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    مني و الريس ... وحبيبنا شيقوق راجع ليكم

    لكن داير ارد علي المنسي ده

    تعرف يا خالد رغم حبي الشديد لصوت ابن البادية

    لكن موقفه من فصل الجنوب وقولته المشهورة

    والتي لاتصدر إلا من شخص جاهل خلت ببني وبين سماعي لأغنياته حاجز

    ابن البادية قال : الأغاني السودانية ما حتتاثر بفصل الجنوب لأنو حاليا ما عندنا اي عازف جنوبي ....

    وطبعا بعد داك سمكر كل أغنياته ألفيها كلمة جنوب وعلي راسهم كلام عمنا مبارك المغربي

    من رهيد البردي لوحة من نخيل الباوقة طرحة
    من مريدي السمحة نفحة الطبيعة حنت عليك

    والرجل شنو غير موقف !!
                   |Articles |News |مقالات |بيانات

13-02-2013, 09:17 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: والرجل شنو غير موقف !!

    صح ..

    عمر علي حسن
                   |Articles |News |مقالات |بيانات

13-02-2013, 08:43 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    يا سلام عليك يا خالد..

    هدية حلوة من زول حلو..
    عارف إنه أبن البادية ده عنده أغنبات عظيمة جدا..
    اسه شوف كلمة..من بهاك..ليلة السبت

    شكرا من قبيل باسمع في التسجيلات..

    ........
    ........
                   |Articles |News |مقالات |بيانات

13-02-2013, 06:19 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)


    سلام ود شيقوق..

    شكرا علي الإهتمام بالبوست اثناء غيابي..
                   |Articles |News |مقالات |بيانات

13-02-2013, 07:31 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    سلام سعادة اللواء..لعلك بخير..

    Quote: ده في زمن ياتو فرعون ؟


    في زمن فرعونا الحالي..
    في ابريل 1992

    ........
    ........
                   |Articles |News |مقالات |بيانات

13-02-2013, 07:48 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: شكرا علي الإهتمام بالبوست اثناء غيابي..


    لكن انت فاكرة روحك ساي ؟
                   |Articles |News |مقالات |بيانات

13-02-2013, 07:59 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: لكن موقفه من فصل الجنوب وقولته المشهورة

    والتي لاتصدر إلا من شخص جاهل خلت ببني وبين سماعي لأغنياته حاجز

    ابن البادية قال : الأغاني السودانية ما حتتاثر بفصل الجنوب لأنو حاليا ما عندنا اي عازف جنوبي ....


    ههههههههههههها يا استاذ يحيي ضحكتني

    ات فاكر الفنانين البغنوا ديل كوووووووولهم عارفين مضامين ومعاني كلماتهم ؟

    يا ود قباني اخوى لو بس رخيت اضانك وسمعت كلام بعض منهم في اى حوار تلفزيونى حتصل لنفس النتيجة التي وصلت اليها بعد سماعك لصلاح ابن البادية .

    انسى ناس صلاح ابن البادية ديل والله انا بسمع في نجوم الغد لخرجين جامعيين واحدة من سنار التقاطع غنت غناء جميل بصوت سمح ولما سألوها قالوا ليها الجبال الغرب سنار مباشرة اسمها شنو ؟ قالت ليهم لا انا اتربيت في امدرمان . السؤال التاني الموجه ليها هو ما هي اكبر مدينة غرب سنار مباشرة برضو قالت ما عارفة .

    (عدل بواسطة الطيب شيقوق on 14-02-2013, 06:17 AM)

                   |Articles |News |مقالات |بيانات

13-02-2013, 08:13 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: الطيب شيقوق)

    Quote: لكن داير ارد علي المنسي ده

    تعرف يا خالد رغم حبي الشديد لصوت ابن البادية

    لكن موقفه من فصل الجنوب وقولته المشهورة

    والتي لاتصدر إلا من شخص جاهل خلت ببني وبين سماعي لأغنياته حاجز

    ابن البادية قال : الأغاني السودانية ما حتتاثر بفصل الجنوب لأنو حاليا ما عندنا اي عازف جنوبي ....

    وطبعا بعد داك سمكر كل أغنياته ألفيها كلمة جنوب وعلي راسهم كلام عمنا مبارك المغربي

    من رهيد البردي لوحة من نخيل الباوقة طرحة
    من مريدي السمحة نفحة الطبيعة حنت عليك

    والرجل شنو غير موقف !!


    أخي الحبيب قباني
    تحية كلها تقدير ومحبة
    قد اختلف معك هنا
    ليس في موقف ابن البادية
    لكن بموقفي أنا من هذا
    أنا شخص ما بعرف اضع حواجز لموقف إنسان ابدا
    مثال اختلف مع كُثر في بعض ولكن أحب فيهم أشياء أخرى
    والأمثلة كثيرة
    مبادئ نقد عليه رحمة الله ومواقفة المشرفة الواضحة إلى أختاره الله لداره البقاء والمستقر واختلف معه في بعض
    أحب حسين خوجلي شديد عندما يتكلم عن الأدب وغيره وأختلف معه كسياسي
    والأمثلة كثير
    اخي قباني لما نجعل الحب هو الاساس
    ونختلف في بعض
    ومافي شخص كامل كلنا خطائون وخير الخطائون التوابون

    وبعدين أنا بعشق الكلمة والمفردة والشعر وبموت فيهن
    وكان حبي لكبار المبدعين من هنا عندما كان المبدع يمحص ويختار الكلمة قبل الله ثم يضفي عليها
    لمسة من لحن وادراء فيطرب ويبدع ويزيد جمال المفردة طعماً وروح تنبض تغريدا
    فيهب لنا لون من فن رائع نحدو به في شجوننا
    ومن هنا كان القصد والمقصد يا حبيبي قباني
                   |Articles |News |مقالات |بيانات

13-02-2013, 09:21 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote:

    في زمن فرعونا الحالي..
    في ابريل 1992

    عمك حسين حمو عمل ليه مشتل في مدخل الرياض جنب بيت فرانسيس دينج .. تكوني شفتيهو ..
    كتلوهوا .. قالوا يمكن حرامية عايزين يسرقوا الشتل .. المشكله اصحابو بعد داك ما عرفوا يتلموا وين ..

    الله يرحمو كان راجل فارس .. والمشتل بتاعو عملوا بقروش استبدال معاشو .. اصلو كان ما حرامي

    عمر علي حسن
                   |Articles |News |مقالات |بيانات

14-02-2013, 08:41 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)
                   |Articles |News |مقالات |بيانات

14-02-2013, 08:51 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: وعليه فانه يلزم
    لعمنا الحاج فالنتاين ان يقبلنا علي علاتنا .. عنكوليب زهور محاية المهم الحب .. الذي هو ياروحي عليه ..

    هذا مقتطف من صحيفة كفر ووتر الالكترونيه :

    غازي سليمان يطالب" بمائة جلدة "للمحتفلين بعيد الحب
    02-14-2013 10:35 AM كفر ووتر / الخرطوم

    هاجم الاستاذ غازي سليمان المحامي المحتفلين بعيد الحب قائلاً : ان لا بعرف عيد حب ولا بعترف بعيد الحب ووصفه
    بعيد الحناكيش مردفاً نحن ناس جعليين عمراب لا نعلم اسرنا هذا الكلام الفارغ والانصرافي فمشاكل الاسر في السودان
    اكبر من هذا التقليد الغربي , هذه مفاهيم غربية لا علاقة لها بالاسلام واذا كنت مسئولا " اي شخص يحتفل بعيد الحب
    سوف اجلده مائة جلدة واذا زوجتي قالت دايرة هدية في عيد الحب حقولها ودعناك الله والرسول " ..!! ـ


    بما ان جلدي بياكلني .. ورغم اني عيان والسكري بتاعي هابط وعمل لي مشاكل تمنعني الاحتفال بعيد الحب فانني
    ساكتفي بالمائة جلده المقدمه من الاستاذ .. واهي برضها معايده .. مش قلنا ليكم عنكوليب ممكن .. محايه ممكن ..
    المهم الحب .

    الله يحبكم سيدي ود سليمان الساكن امدرمان

    عمر علي حسن
                   |Articles |News |مقالات |بيانات

15-02-2013, 11:36 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: بما ان جلدي بياكلني .. ورغم اني عيان والسكري بتاعي هابط وعمل لي مشاكل تمنعني الاحتفال بعيد الحب فانني
    ساكتفي بالمائة جلده المقدمه من الاستاذ .. واهي برضها معايده .. مش قلنا ليكم عنكوليب ممكن .. محايه ممكن ..
    المهم الحب .

    الله يحبكم سيدي ود سليمان الساكن امدرمان

    عمر علي حسن


    سلامتك يا سعادة اللواء من السكري واعراضه..
    علي كل حال الإحتفال بعيد الحب ماهو الا تقرير سنوي لوضع حاصل خلال دقائق وأيام السنة..
    فإما هو تقرير صادق أو تقرير مجمل..
    وفي كل الأحوال نحتفل حتي يغلب الحق وحتي يرجع الصادق الي حاله..
    فإهتم بصحتك فهي التي تستحق البقاء الطويل للإحتفال بالقادم من الايام..

    .........
    .........

    إنت صحيح مسحت شنو فوق؟؟
                   |Articles |News |مقالات |بيانات

15-02-2013, 12:07 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    هاجم الاستاذ غازي سليمان المحامي المحتفلين بعيد الحب قائلاً : ان لا بعرف عيد حب ولا بعترف بعيد الحب ووصفه
    بعيد الحناكيش مردفاً نحن ناس جعليين عمراب لا نعلم اسرنا هذا الكلام الفارغ والانصرافي فمشاكل الاسر في السودان
    اكبر من هذا التقليد الغربي , هذه مفاهيم غربية لا علاقة لها بالاسلام واذا كنت مسئولا " اي شخص يحتفل بعيد الحب
    سوف اجلده مائة جلدة واذا زوجتي قالت دايرة هدية في عيد الحب حقولها ودعناك الله والرسول " ..!! ـ

    _______________________________

    يعني هو قريب وضاحة؟؟

    طيب ماله مختلف منها في حكاية الحب ؟
                   |Articles |News |مقالات |بيانات

15-02-2013, 01:38 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)


    وحصيلة هذه الايام من اخبار النشرات التلفزيونية والجرايد اليومية حصيلة مخيفة..
    إذ تحدثنا الاخبار عن اشياء مريعة تحدث للناس هنا دون معرفة منهم لها..
    فعلي سبيل المثال..إكتشف المراقبون للأطعمة أن سلسلة واسعة من السوبرماركات الكبيرة والمعروفة..
    تبيع لحوم البقر المفرومة مع لحم الحصان!
    خضعت تلك اللحوم للفحوصات الدقيقة وتأكد من وجود لحم الحصان بها..
    الآن تخضع نفس اللحوم للفحص لمعرفة إن كانت من لحم حصان مريض أو حتي ميت..
    لأن ذلك يعني أنها لحوم ملوثه ومسببة للأمراض!

    ولا يستثني في ذلك محلات بيع اللحم الحلال في رايي..لأن بعض من هذه السوبرماركات كثيرا ما تعلن أن لحومها حلال..
    ذكرني ذلك بحديث جارتي التي أخبرتني أنه كان هناك تقريرا عاما عن السجون تحدث عن اكتشاف إطعام المساجين من المسلمين
    بلحم الخنزير علي اساس أنه لحم حلال!

    تري ما هي العقوبات التي ستنتج من هذه الفضيحة؟؟
    وماهو عزاء المشتري الذي كان يقصد تلك المحلات لجودة بضاعتها "كما كان يظن" ومعقولية اسعارها؟؟
    وكيف سيؤثر ذلك علي حركة تلك السوبرماركات ومن يصدر لها اللحوم؟؟
    الحمدلله طريقتنا في شراء اللحوم مختلفة ولا نأكلها جاهزة..والآن سنمتنع من الاكل في المطاعم او طلب الوجبات الجاهزة إذا
    كانت مطبوخة باللحم..وقريبا قد نصبح من آكلي الخضروات فقط..

    ........
    ........

    ومن ناحية أخري..
                   |Articles |News |مقالات |بيانات

15-02-2013, 07:16 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    ومن جهة أخري كان الخبر المخيف الآخر!

    ظهرت حالة مرضية جديدة وهي إلتهاب يسبب الإيمونيا وإنهيار الكبد يموت المريض بسبه..المرض معدي يبدأ بإستفراغ وأسهال غير متوقف!
    أعلنت الجهات الصحية المختصة بأن احد المرضي قد توفي بعد ان أصابه الفيروس..في سؤاله عند دخوله المستشفي أوضح المريض بأنه أخذ العدوي من والده..
    وبسؤال المتحدث الرسمي عن عدد المرضي وكيفية منع المرض من الإنتشار ومن اين اتي المرض..رد قائلا بأنهم قد فحصوا حوالي مائة شخص من الذين كانوا حول المريض وكان بينهم إتصال مباشر أو غير مباشر..وأن كل الوضع تحت السيطرة..
    المرض موجود بالسعودية وبقطر..ويبدو ان ذلك كان المكان الذي أتي منه المريض لانه نبه كثيرا علي أمر السفر للخارج وواجب الإحتياط دخولا وخروجامن البلد!

    إتضح ان عدد المرضي الذين توفوا بهذا المرض قد بلغ عشرة أشخاص!

    .......
    .......
                   |Articles |News |مقالات |بيانات

15-02-2013, 09:27 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: فعلي سبيل المثال..إكتشف المراقبون للأطعمة أن سلسلة واسعة من السوبرماركات الكبيرة والمعروفة..
    تبيع لحوم البقر المفرومة مع لحم الحصان!
    خضعت تلك اللحوم للفحوصات الدقيقة وتأكد من وجود لحم الحصان بها..
    الآن تخضع نفس اللحوم للفحص لمعرفة إن كانت من لحم حصان مريض أو حتي ميت..
    لأن ذلك يعني أنها لحوم ملوثه ومسببة للأمراض!


    هههههههههههههههههههههههههههههههههههه
    غايتو الجاي والجاي ما بعرفو
    لكن تاني أنت وأسيا ربيع ما بتصاقعوا في سرعة الجري
    بقترح عليكما أن تشاركا في سباق دبي الدولي للخيوم الموسم القادم
    انت يا منى فت فت فت بتجي الأولى اسيا بتكون التانية لانها تقيلة شوية
    والعجب العجاب لو جبتو معاكم شادية ربيع بتلف لفتين وبتجي الأولى ( جنها لحم )

    الله يكون في عونكم ناس بلاد الفرِنج

    تحياتي ومودتي
                   |Articles |News |مقالات |بيانات

16-02-2013, 11:18 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    فعلي سبيل المثال..إكتشف المراقبون للأطعمة أن سلسلة واسعة من السوبرماركات الكبيرة والمعروفة..
    تبيع لحوم البقر المفرومة مع لحم الحصان!
    خضعت تلك اللحوم للفحوصات الدقيقة وتأكد من وجود لحم الحصان بها..
    الآن تخضع نفس اللحوم للفحص لمعرفة إن كانت من لحم حصان مريض أو حتي ميت..
    لأن ذلك يعني أنها لحوم ملوثه ومسببة للأمراض!

    _______________________________________

    ويا خالد مش كده بس..

    إتصلت بالمستشفي للتأكد من موعد لي معها..
    جائني أول تسجيل وقبل أن ترد علي مكالمتي الجهة المختصة قائلا في لهجة شديدة التحذير..
    إذا كنت تعاني من الإستفراغ ومن الإسهال..فالمرجو منك البقاء بعيد عن المستشفي لمدة 72 ساعة!

    يخرب بيتكم إذا انتو المستشفي بتقولوا كده يبقي الناس تمشي وين؟؟
    واضح ان الوباء حقيقي ومخيف وسريع الإنتشار..
    ولأن بالمستشفيات مرضي آخرين وعاملون فإنهم معرضون لإلتقاط المرض ..
    حتي الموظفين عليهم البقاء خارج المستشفي ان كانت عندهم تلك الأعراض..
    علي الأغلب الثلاثة ايام او ال 72 ساعة..تعني الموت إن كانت الأعراض بسبب الوباء أو انتفاء الوباء في المصاب وتكون تلك أعراض عادية لتسمم او اي مرض خفيف آخر...

    ياتري كلام انتشاره في سعودية صحيح وقطر صحيح؟؟
    لأنه لو صحيح بتكون في مشكلة سفر للعمرة أو للسياحة في الوقت الحالي..
    غايته البيجو من هناك معرضين للكرنتينة..

    ..........
    ..........
                   |Articles |News |مقالات |بيانات

16-02-2013, 05:03 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: فعلي سبيل المثال..إكتشف المراقبون للأطعمة أن سلسلة واسعة من السوبرماركات الكبيرة والمعروفة..
    تبيع لحوم البقر المفرومة مع لحم الحصان!

    لحم الحصان ليس جديدا علي المائدة الانسانية .. فهو مألوف منذ القدم .. (ومبرئ للذمه) في حالات اكرام الضيف .. وقد قال امرؤ القيس
    ويوم عقرت للعذاري مطيتي .. فيا عجبا من كورها المتحمل .. وكان قد غافل العذاري وهن عرايا في الغدير واخذ ثيابهن ورفض ان يردها
    الا لمن تخرج عارية فتاخذ ثوبها .. فتمنعن حتي الضحي .. وإذ خشين ان يضيع يومهن خرجن له .. وقلن له بعد ان لبسن حبستنا وجوعتنا
    فعقر لهن فرسه وشووها ..

    كذلك اذكر انني في انجلترا وبعض دول اوربا وجدتهم يبيعون لحم الخيل وكان يذبح في السلخانات الحكومية .. ويقال انه اصلب من لحم البقر
    واطري من لحم الابل .. إذن فلا عيب فيه كلحم اذا كان مذبوحا تحت الاشراف الصحي البيطري .. وخاصة وانه ليس معروفا عنه التاثر
    بالامراض الفتاكه ولا ينقلها .. اما اذا كان فطيسا او مريضا اومجرد انه مذبوح خارج الاشراف الصحي فإن الامر يصبح مخالفة صحية خطيرة
    تعرض مرتكبها لعقوبات مشدده يمكن ان تصل الي سحب الرخصة واغلاق المصنع

    ولعلم الجميع فان مصانع اللحوم تبني تكلفة الانتاج علي اساس بيع كل قطعة لحم تخرج من الحيوان او الطير المذبوح وتقوم بفرم مالا يمكن بيعه
    كلحم (للاكل) فيفرمون العصب والشغث والشحم والاجزاء التي لايمكن تقطيعها تجاريا .. لذلك فان اللحوم المفرومة التي تباع بالبقالات وتستحدم
    بالمطاعم قد تكون فاقدة لاي قيمة غذائية .. ولكنها ليست غير صالحة للاستهلاك البشري .. يعني مش unwholesome وخالية من الامراض ..


    Quote: ظهرت حالة مرضية جديدة وهي إلتهاب يسبب الإيمونيا وإنهيار الكبد يموت المريض بسبه..المرض
    معدي يبدأ بإستفراغ وأسهال غير متوقف!

    طيب من اين جاء .. وكيف اكتشف .. وهل له علاقة باللحوم (المغشوشه) ...
    هنا لم نسمع بشيء من هذا .. ولن تتلاعب السلطات هنا او في السعوديه او تتهاون في امر كهذا ولو كان حالة واحده .. وقد بحثت قبل ان
    اعود اليك في كل مواقع الارشاد الصحي الخليجية ولم اجد اشارة لهذا المرض الوبائي ..


    Quote: يخرب بيتكم إذا انتو المستشفي بتقولوا كده يبقي الناس تمشي وين؟؟

    هذه مصيبة .. وواجب علي السلطات التنبيه والتوعية بها ولو لم تجد لها حلولا وقائية او علاجية .. وتعمل بكثافة لحماية الاطفال في
    المدارس والكبار في اماكن التجمعات كالمصانع .. وقد كنا في بريطانيا عندما انتشر بها فيروس الانفلونزا الاسيوية القاتل .. فاقاموا مناطق
    لعزل وعلاج المصابين .. واقاموا نقاط استقبال خارج المستشفيات لفحص المرضي قبل السماح لهم بالدخول لمقابلة الاطباء .. اما انذار
    المرضي بهذا الالتهاب بعدم الحضور للمستشفي فامر لايخلو من غرابة ..

    وقاكم الله من كل سوء ومكروه
    عمر علي حسن
                   |Articles |News |مقالات |بيانات

17-02-2013, 06:06 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    أسه نكتب كيف مع النجم الساطع ده؟؟
                   |Articles |News |مقالات |بيانات

17-02-2013, 06:22 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: أسه نكتب كيف مع النجم الساطع ده؟؟


    كدي امرقي من الحصين وهمها وربنا يقيكم شرها كلكم
    احكي لينا حكاويك الحلوة وممتعة
    ويا حبذا لو حبتي القهوة وقعدتي
    تذكري سيرمس القهوة يوم حفلة بحري والتراب
    رغم التراب كان فيها سرويس الباسطة الكبير وسيرمس القهوة الجميل

    ولك مني التحية

                   |Articles |News |مقالات |بيانات

17-02-2013, 06:59 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote:
    أسه نكتب كيف مع النجم الساطع ده؟؟

    طيب كلمي خالي يدينا فرصه نطلع في الكفر .. وكلمي خالد المنسي ياكل الباسطة بي كتاحتها .. تنفعو انشالله ..
    نحن بنشرب القهوه بس ..

    وينك يا ماما

    عمر علي حسن
                   |Articles |News |مقالات |بيانات

17-02-2013, 08:44 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: طيب كلمي خالي يدينا فرصه نطلع في الكفر .. وكلمي خالد المنسي ياكل الباسطة بي كتاحتها .. تنفعو انشالله ..
    نحن بنشرب القهوه بس ..

    وينك يا ماما

    عمر علي حسن


    هو اكلها وأنتهي ..
    قاليك أكلها هو ومنال وإنعام وابوبكر سيد أحمد..

    يللا قول لي..قهوتك عايزها بالجبنة ولا بالتنكة؟؟
                   |Articles |News |مقالات |بيانات

17-02-2013, 07:46 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: كدي امرقي من الحصين وهمها وربنا يقيكم شرها كلكم
    احكي لينا حكاويك الحلوة وممتعة
    ويا حبذا لو حبتي القهوة وقعدتي
    تذكري سيرمس القهوة يوم حفلة بحري والتراب
    رغم التراب كان فيها سرويس الباسطة الكبير وسيرمس القهوة الجميل

    ولك مني التحية


    والله داك كان يوم عجب!

    كلنا بقينا متربين ولونا بيج..
    ورشاشات معاوية المالامة نافورة ولا حبل ديك تسكت ترش الموية علينا ..
    والعجب الفنان..كان منو هو يا خالد؟؟
    والإنعامات بقن حاجة تانية..
    والغريبة أخدنا كلنا الموضوع عادي وآخر ونسة وسماع للغناء..

    ياربي في ايام عمر لأوقات حلوة زي ديك؟؟

    لكن في زول أكل الباسطة كلها..ياربي ده كان العازف مع الفنان؟؟
                   |Articles |News |مقالات |بيانات

17-02-2013, 06:58 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: لحم الحصان ليس جديدا علي المائدة الانسانية .. فهو مألوف منذ القدم .. (ومبرئ للذمه) في حالات اكرام الضيف .. وقد قال امرؤ القيس
    ويوم عقرت للعذاري مطيتي .. فيا عجبا من كورها المتحمل .. وكان قد غافل العذاري وهن عرايا في الغدير واخذ ثيابهن ورفض ان يردها
    الا لمن تخرج عارية فتاخذ ثوبها .. فتمنعن حتي الضحي .. وإذ خشين ان يضيع يومهن خرجن له .. وقلن له بعد ان لبسن حبستنا وجوعتنا
    فعقر لهن فرسه وشووها ..

    كذلك اذكر انني في انجلترا وبعض دول اوربا وجدتهم يبيعون لحم الخيل وكان يذبح في السلخانات الحكومية .. ويقال انه اصلب من لحم البقر
    واطري من لحم الابل .. إذن فلا عيب فيه كلحم اذا كان مذبوحا تحت الاشراف الصحي البيطري .. وخاصة وانه ليس معروفا عنه التاثر
    بالامراض الفتاكه ولا ينقلها .. اما اذا كان فطيسا او مريضا اومجرد انه مذبوح خارج الاشراف الصحي فإن الامر يصبح مخالفة صحية خطيرة
    تعرض مرتكبها لعقوبات مشدده يمكن ان تصل الي سحب الرخصة واغلاق المصنع


    سلام يا سعادة اللواء وارجو ان تكون قد بلغت تمام الصحة..

    طبعا لحم الحصان عنده مريديه..ويقال انه من أغلي اللحوم..
    في نيروبي وفي السفاري بارك علي ما اذكر..هناك مطعم كبير جدا يشوي ويقدم كل انواع لحوم الحيوانات وليس عليك إلا أن تطلب..حصان..
    تمساح الخ..
    لكن بالطبع وأنت أول العارفين..هناك فرق بين أن يشتري الإنسان اللحم علي اساس أنه بقري فيجده مختلط بلحوم أخري..وبين أن يشتريه وهو يعرف مكوناته غير البقرية..
    هنا السائد أن اللحوم البقرية يكتب عليها بقري خالص 100% أو اي نسبة لاي مادة أخري معها..والجميع يشتري الوجبات الجاهزة بعد أن يقرأ مكوناتها كلها.. لذلك خلط البقري بلحوم أخري يعتبر مخالف للقانون ويعرض للمسائلة القانونية هذا غير السمعة السيئة لمن قام ببيعه ومصداقيتهم في البيع قطعا إهتزت..إذ كيف يثق اي إنسان في المستقبل فيما يشتريه منهم؟؟
    التحايل علي القانون لا ينفع في مثل هذه البلاد فهي لها رقابتها الإدارية الصارمة التي تهتم بتفعيل وتطبيق القانون..
    أما إن ثبت أنه لحصان مريض أو ميت فإن المخالفة تصبح مخالفتين..وعقوبتها كما قلت عقوبة صارمة جدا..

    السؤال الآن لماذا لحم الحصان وخاصة أنه اغلي من اللحم البقري؟؟

    .........
    .........
                   |Articles |News |مقالات |بيانات

17-02-2013, 07:37 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: طيب كلمي خالي يدينا فرصه نطلع في الكفر .. وكلمي خالد المنسي ياكل الباسطة بي كتاحتها .. تنفعو انشالله ..
    نحن بنشرب القهوه بس ..

    وينك يا ماما


    هههههههههههههه
    سعادتو عرفت وين الفائدة
    في المغطى ومستور في الحافظة ومنى كانت خاتا الحافظة كلها جنب كرسيها ههههه واخوك عارفها بس جا قعد جنبها
    نشرب والكتاحة تكتح ومافي زول بعاين للتاني في وشو لان الوجوه بقت زي فول الحاجات ( المرا رو ) بس كان يوم حلو صدح فيه
    المبدعين ابوبكر سيد أحمد وأحمد فنان هاوي وجميل وكانت فاكهة الحفل أغنية
    في الضواحي

    لكن راي قهوتك خليها تكون في لندن الضباب ارحم من الكتاحة
                   |Articles |News |مقالات |بيانات

17-02-2013, 07:58 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: والعجب الفنان..كان منو هو يا خالد؟؟

    ابوبكر سيد أحمد
    والجميل أحمد ( في الضواحي )


    Quote: والإنعامات بقن حاجة تانية..


    ههههههههههههههههه
    والعجب الكركار ومعالكتاحة عملو لوحة أجعص فنانما يرسم زيها


    Quote: والغريبة أخدنا كلنا الموضوع عادي وآخر ونسة وسماع للغناء..


    واحلى شئ ضيوفك الخوجات بقو دهب خام

    Quote: ياربي في ايام عمر لأوقات حلوة زي ديك؟؟


    إن شاء الله يا منى لو ربنا أمدَّ في الاعمار
    نحن اللذين نخلق اللحظة الجميلة


    Quote: لكن في زول أكل الباسطة كلها..ياربي ده كان العازف مع الفنان؟؟


    هههههههههههه أكلناها انا ومنال خوجلي وانعام عبدالحفيظ وابوبكر سيد أحمد
                   |Articles |News |مقالات |بيانات

18-02-2013, 08:39 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: والكتاحة تكتح ومافي زول بعاين للتاني في وشو لان الوجوه بقت زي فول الحاجات ( المرا رو )

    يا منسي
    دي باين عليها كانت قعده محضورة وفي السودان لانه الكاركاتيرات الزي دي وزي بتاعة الكركار ما بترسمو الافي السودان ..
    شفت واحد مرسوم في المرتبة ؟ .. لغاية ما فكرت انا يوم اخترع بصمة الكتاحة وادخلها في شغل الشرطة

    طيب .. القهوه في لندن ليه ؟؟ ما برضها لذيذه في الكتاحه .. زي الباسطة

    تنفعكم الاتنين
    عمر علي حسن
                   |Articles |News |مقالات |بيانات

18-02-2013, 07:46 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    طيب كلمي خالي يدينا فرصه نطلع في الكفر .. وكلمي خالد المنسي ياكل الباسطة بي كتاحتها .. تنفعو انشالله ..
    نحن بنشرب القهوه بس ..

    وينك يا ماما

    عمر علي حسن

    __________________________________

    كفر شنوكمان البتحتاج ليهو إنت؟؟

    إنت كل الخير والبركة..

    لكن فعلا اللمات في الخرطوم مشهوده بالجمال..
    وخاصة لما المجموعة الحلوة بتاعتنا تكون ماناقصة..
    مش مهم هبوب ولا مطرة..

    ياربي أنا كلمتك عن لماتنا في شارع النيل؟؟
                   |Articles |News |مقالات |بيانات

19-02-2013, 07:49 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: ياربي أنا كلمتك عن لماتنا في شارع النيل؟؟

    لا ..لسه

    عمر علي حسن
                   |Articles |News |مقالات |بيانات

20-02-2013, 01:47 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    طبعا بورداب السودان احلي بورداب..بيحتفلوا باي زول بيصل الخرطوم..

    المهم نشاطاتنا كانت كتيرة جدا ومافي طريقة حتي أعدهم..

    وبعض من تلك النشاطات كان في شارع النيل..
    شارع النيل مكان جميل ومفتوح ولا يحتاج لأكثر من سجادة نقعد عليها كلنا..
    واصلو اصحابنا كلهم فنانين..
    شيرموس شاي وتاني جبنه ومعانا ساندويتشات..
    أجمل وقت نقعده كاسرة واصحاب..
    ايام كانت لطيفة ومرحة ومليانة موده..
    نتناقض في مواضيع مختلفة..نتونس ونسمع غنا..
    مرة من ابو بكر سيدأحمد..
    مرة من أحمد النعيم..
    مرة من ياسر تمتام..
    ومرة من مصطفي السني..
    كنا نتفقد بعضنا ونهتم ببعضا ونفرح بعضنا..
    كلنا اخوات وأخوان والقلوب مليانة بالود والاشواق..
    والنيل شاهد علي تلك الأوقات النقية الجميلة..

    ...............
    ...............
    ياريتك يا سعادة اللواء حضرت معانا الايام ديك..
                   |Articles |News |مقالات |بيانات

20-02-2013, 02:07 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12733

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: ياريتك يا سعادة اللواء حضرت معانا الايام ديك..

    اجمل مافي سعادة اللواء روحه ...

    رجل علمته الايام كيف يتكيف مع جميع الناس ... و مع كل الاجيال ...

    فهو ليس فقط شباب في العمر .. وانما شباب في الروح و الجمال ...

    اتابع كتاباته يا مني ... واراه في اكثر من بوست يشتكي من عدد المشاهد الذى لا يوازي عدد المداخلات ...

    واقول له لا احد يقرا يا ريس في هذا المنبر ... الكل يتسايق ليكتيب بوست ...ويلهث لرفع بوستاته ...

    فلو كان ذلك العدد من المشاهدين الذي فقط يعمل كلك ويركض ..لو كانو يقرأون بتأني لانجبروا علي الرد

    او انجبروا علي اختصار ما يكتبون من بوستات غريبة ...

    ولكنه حال البلد ...

    تصوروا مر عام عاي رحيل وردي ولم يابه احد ... ذكري رحيل وردي ...وردي يا ناس ...

    والناس تتنافس في الردود علي فنانات الحزام و الكوندوم ذو النكهات و ( الموبايل الدكتور ) ...

    والبعض محتار في من هو خليفة محمود عبدالعزيز ؟؟؟

    من هو محمود عبدالعزيز نفسه !!

    وان كان حب الناس له كبيرا كالذي نراه ...لماذا لم ينصحه احد حتي يحافظ علي نفسه صحيا؟؟؟

    لكنه سودان العجايب ...
                   |Articles |News |مقالات |بيانات

20-02-2013, 03:39 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: والنيل شاهد علي تلك الأوقات النقية الجميلة..

    ...............
    ...............
    ياريتك يا سعادة اللواء حضرت معانا الايام ديك..

    هل تعلمي يا مني ان النيل لا يشهد الزور والكذب ولا يقبل علي من يتوارون خلف اشجار شاطئيه .. النيل يحب من يحبونه ويفيض عليهم
    وفاء فيقربهم من بعضهم ويوثق صلاتهم .. شيء غريب ان تأتي صوب النيل وفي صدرك ضيق وعندما يسقط نظرك عليه يسقط الضيق عن
    صدرك وتحل محله راحة وسكينه .. كنت احل كل مشاكلي بالنظر اليه .. وكنت من اكثر ابناء جيلي حظا ومكتبي دائما بالطابق الاعلي في
    وزارة الداخلية يطل علي النيل او تكون له شرفة (بلكونه) مطلة علي النيل ارتادها كل ليلة وخلفي نغم هادئ .. ومع تأمل النيل وضوء القمر
    في الليالي المقمرة اجد الحلول لمعظم مشاكل عملي .. وتصدر عني المشاركات الايجابية في حلول مشاكلنا الرسمية العامة .. واكتب افضل
    المذكرات وبعض مشاركاتي الادبية .. لذلك لابد ان تكون علاقاتكم وثيقه واوقاتكم نقيه وانتم تتلاقون عنده ..

    وياليتني حضرت معكم ..


    Quote:
    واقول له لا احد يقرا يا ريس في هذا المنبر ... الكل يتسايق ليكتيب بوست ...ويلهث لرفع بوستاته ...

    لك الود يا راعي السنده والشكر علي كلماتك الطيبة المشجعه .. ونعدك اذا واصلت هذا الاطناب المفرح ان نفتح لك سندة اخري بجوار
    استاد الهلال لتكون (راعي السندتين) علي غرار ذي النورين وذات النطاقين الابرار ..

    اما القياس بالمشاركة فقد اكد لي (السناير) انه ليس معيارا فكثير منه غث وخارج الموضوع .. لذلك يعتدون بالرواد لما قد يعلق بهم من اثر
    ولا اعتراض لي علي هذا او ذاك .. ولكن اعتراضي ابدا يكون علي الجدل والمشادات المنفره التي اشتهر بها بعض الاعضاء .. عدا ذلك فان
    الاسفير يجمع نماذج لواقع الحياة بعضها كالورد وبعضها كالشوك وبعضها كالقصب والطرور ..

    يحيرني ثبات بعض البوستات في مكانها دون مداخلات ترفعها بينما بوستاتي تبحر اسفل النهر كان التيار يدفعها الي المصب .. وحدها ..
    هل في الامر سر ..

    وليتنا نخلد وردي كل يوم لا في ذكري رحيله فقط ..
    سمعته يغني امس ذات الشامه .. تمنيت الاتنتهي .. وكانني اسمعها لاول مرة .. وكانني اسمعه يغنيها من الخلد او من احدي بوابات الجنه ..

    دمت سالما
    عمر علي حسن
                   |Articles |News |مقالات |بيانات

20-02-2013, 04:26 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: يا منسي
    دي باين عليها كانت قعده محضورة وفي السودان لانه الكاركاتيرات الزي دي وزي بتاعة الكركار ما بترسمو الافي السودان ..
    شفت واحد مرسوم في المرتبة ؟ .. لغاية ما فكرت انا يوم اخترع بصمة الكتاحة وادخلها في شغل الشرطة

    طيب .. القهوه في لندن ليه ؟؟ ما برضها لذيذه في الكتاحه .. زي الباسطة

    تنفعكم الاتنين

    سيادتو
    سلااام واحترام وتقدير لشخصك الجميل روحاً
    نعم كانت محضورة بنقاء من جلسوا رغم الكتاحة أم غبشة وتراب ناعم تراكم مع مراوح صاحب الدعوة الرشاشة تنثر تثبت التراب النزل علينا لينزل كم اخر لتثبه طلعنا من هناك على وجه كل منّا سمك يقدر بــ 3 مليميتر تراب ناعم نعومة مشاعر واحساس كل من حضروا
    تصدق ام كركار هي أكثرنا نقاء وروح سمحة لكن مشكلتها كركارها هذا
    والكركار حكاية
    حكت لي صديقة أن صديقتها جنها كركار .. وهي دائمة السفر والترحال مهمات عمل في بلاد الغرب والشرق وكل مرة مسافرة تحزم كركارها هذا وتسمكره بالسلوتيب خوف ان يندفق في شنطة اليد .. ويكشحوا ليها في المطار ..تعود من تاني تحزم الكركار في السفرة الجاية .. الغريبة لي هسي ما تابت وإقنعت أنو السوائل ممنوع حملها داخل الطائرة وما دايرا تشحنو خايفة علي الهديمات من دردرة الشنيطا المشحونة من عمال الشحن في المطارات

    هههههههههه
    دي اجمل بصمة بالذات في كتاحة شندي ودي نوعها برا مشاترة ..دي اقوى من بصمة الأصابع والعين
    قهوة لندن مافيها ما يزعج وتحك عيونك تخاف من رؤية منى خوجلي التي هي خايفة منك سلفاً وقاعدة بس جسارة وتثبت في قلبها
    من الشيطان القاعد جنبها وهي فاقدة المراية
                   |Articles |News |مقالات |بيانات

20-02-2013, 04:47 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: اتابع كتاباته يا مني ... واراه في اكثر من بوست يشتكي من عدد المشاهد الذى لا يوازي عدد المداخلات ...

    واقول له لا احد يقرا يا ريس في هذا المنبر ... الكل يتسايق ليكتيب بوست ...ويلهث لرفع بوستاته ...

    فلو كان ذلك العدد من المشاهدين الذي فقط يعمل كلك ويركض ..لو كانو يقرأون بتأني لانجبروا علي الرد

    او انجبروا علي اختصار ما يكتبون من بوستات غريبة ...

    ولكنه حال البلد ...


    سمح الخصال والذوق يا سليم
    أخي يحى قباني
    فعلاً صدقت في كل قولك
    لكن أبشرك أنت وسعادة اللواء وغيركم من من يعاني هذه الظاهرة في المنبر ( عدم المشركة والرأي في مواضيع مهمة )
    هناك قارئ جميل
    وتنتج من
    منى دي ما من أصاحبي
    يحى هذا ماقاعد يدخل بوستاتي خارج أعضاء المنبر والدليل عدد الزيارات في البوست والتصفح
    فلا تحملوا هم اخواني واخواتي ( اعني منى )
    اكتبوا واكتبوا
    والله أنا مرات بقرأ لكن برى أنو لو اضفت بخرب فأكتفي بالقراءة والاستمتاع
    ومن هنا بدعوكم لبوست فتحته قريب ( لتقفي معاني ومفردة الشاعر محمد طه القدال بقدر ما أحمل من معلومة عن المفردة الموروثة كما يحلو للجميل عبيد الطيب ود المقدم وانا متأكد انيمخطئ في معاني الكثير من مفرداته لكن حتى تاريخه لم اجد من يتداخل ليصحح مفردة رغم اني طلبت ذلك في البوست التصحيح لان بيت القصيد هو بوست لمعاني جميلة غنيت بها على ليلاي والقدال غنّى علي ليلاه )
    بوست ودري يا قباني أجزم لك اني أمر عليه يومياً ولكن كيف اصب بعض من جمال على كل الجمال فلازم استمتع وبس
    وبوستات سعادة اللواء او ما يكتب في بوستات أُخر الاستمتاع بكل تلك التجارب فرض


    سعادة اللواء دا من شلة ناس شيقوق وانا شيقوق دا عندي معا مشكلة
    البوست دا طويل هيس اقرأ متين
    الزول دا ما قابلتو ومابعرف موجتو ( شن بدور بالموجة حقتو ؟ )
    وهناك من يقرأ للاسم ولا ضير في ذلك لو كان الاسم من يجيدون فن الكتابة

    تحياتي قباني ومودتي
                   |Articles |News |مقالات |بيانات

20-02-2013, 04:57 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: أجمل وقت نقعده كاسرة واصحاب..
    ايام كانت لطيفة ومرحة ومليانة موده..
    نتناقض في مواضيع مختلفة..نتونس ونسمع غنا..
    مرة من ابو بكر سيدأحمد..
    مرة من أحمد النعيم..
    مرة من ياسر تمتام..
    ومرة من مصطفي السني..
    كنا نتفقد بعضنا ونهتم ببعضا ونفرح بعضنا..
    كلنا اخوات وأخوان والقلوب مليانة بالود والاشواق..
    والنيل شاهد علي تلك الأوقات النقية الجميلة..


    يا سلاااام على تلك الايام
    اسعد أجازة قضيتها في السودان
    لكن يا منى مع زيادة الاسعار والغلاء الحاصل الناس إنشدهووووو
    هههههههههههههههه
    جلسات النيل البوابة الشمالية لكلية الهندسة
    إتذكرت انعام حيمورة وهي ممدة كرعينا وخاتا السندوتشات كيس علي اليمين وكيس علي اليسار وواحد في عبها وتوزع
    كانت بتذكرني بتاعت الفطور عندنا في معهد التربية شندي ( حاجة زينب بت الطويلة )
    كانت ما بتدين كلو كلو عندك ولا تقعد بي جوعك ههههههههههه
                   |Articles |News |مقالات |بيانات

23-02-2013, 03:30 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    يا سلاااام على تلك الايام
    اسعد أجازة قضيتها في السودان
    لكن يا منى مع زيادة الاسعار والغلاء الحاصل الناس إنشدهووووو
    هههههههههههههههه
    جلسات النيل البوابة الشمالية لكلية الهندسة
    إتذكرت انعام حيمورة وهي ممدة كرعينا وخاتا السندوتشات كيس علي اليمين وكيس علي اليسار وواحد في عبها وتوزع
    كانت بتذكرني بتاعت الفطور عندنا في معهد التربية شندي ( حاجة زينب بت الطويلة )
    كانت ما بتدين كلو كلو عندك ولا تقعد بي جوعك ههههههههههه

    __________________________________________

    يا حليل نعومتي (إنعام حمورة)..
    كانت أغلب المسئوليه عليها..
    أولا لأنها خدومة بطبعها..
    ثانيا حركتها كانت أسهل خاصة وإنها عندها العربية..
    رحلات شارع النيل ماكانت بتكلف لانه أغلبها ماكان فيه مصاريف كتيرة السندوتشات ذاتها فول وطعمية..
    وبعدين الشاي والقهوه والباسطة..
    سمؤال كان عليه يجيب السجاة البنقعد فيها..
    منال بتجيب الباسطة من جنب بيتهم..
    نعومي (إنعام حفيظ) واسمهان غالبا بندبس فيها تشتري الحاجة البارد علشان برضه تجي شايلاها في عربيتها..
    المهم الشباب الباقي إسهاماتها غالبا في لرحلات الكبيرة قروس ومجهود..هنا المساهمات بسيطة..
    أحمدالنعيم بيجي بعربيته والعود داسيه في الظهرية ومعاه مطر قادم..
    مصطفي السني كان بيجي متأخر من الباقيين بعد يخلص إرتباطاته..

    .........
    .........
    الايام الجميلة ممكن نخلقهابالمودة والرفقة الطيبة..
    ربما بتفاصيل مختلفة في تفاصيلهاوربما صحبة مختلفة عن الماضي..
    لأن ظروف الناس إختلفت والجو العام برضه إختلف!
    ........
    ........

    أما رحلات جبل أولياء فهي شيء مختلف!
                   |Articles |News |مقالات |بيانات

21-02-2013, 08:31 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    Quote: سلااام واحترام وتقدير لشخصك الجميل روحاً
    نعم كانت محضورة بنقاء من جلسوا رغم الكتاحة أم غبشة وتراب ناعم تراكم مع مراوح صاحب الدعوة الرشاشة تنثر تثبت التراب النزل علينا لينزل كم اخر لتثبه طلعنا من هناك على وجه كل منّا سمك يقدر بــ 3 مليميتر تراب ناعم نعومة مشاعر واحساس كل من حضروا
    تصدق ام كركار هي أكثرنا نقاء وروح سمحة لكن مشكلتها كركارها هذا
    والكركار حكاية
    حكت لي صديقة أن صديقتها جنها كركار .. وهي دائمة السفر والترحال مهمات عمل في بلاد الغرب والشرق وكل مرة مسافرة تحزم كركارها هذا وتسمكره بالسلوتيب خوف ان يندفق في شنطة اليد .. ويكشحوا ليها في المطار ..تعود من تاني تحزم الكركار في السفرة الجاية .. الغريبة لي هسي ما تابت وإقنعت أنو السوائل ممنوع حملها داخل الطائرة وما دايرا تشحنو خايفة علي الهديمات من دردرة الشنيطا المشحونة من عمال الشحن في المطارات
    هههههههههه
    دي اجمل بصمة بالذات في كتاحة شندي ودي نوعها برا مشاترة ..دي اقوى من بصمة الأصابع والعين
    قهوة لندن مافيها ما يزعج وتحك عيونك تخاف من رؤية منى خوجلي التي هي خايفة منك سلفاً وقاعدة بس جسارة وتثبت في قلبها
    من الشيطان القاعد جنبها وهي فاقدة المراية


    عارفين انا والله عكسكم في حكاية الكركار دي..بتضايق جدا منه لذلك لا يمكن استخدمه!
    ويخيل لي اصله ما بيطلع من الشعر بسبب الدهن والشمع الفيه..لكن بس قالوا مفيد للشعر وبيمنعه من التساقط..الله أعلم!

    إتخيلت منظر زول مكركر ولتراب عليه اكيد كان منظر لذيذ جدا..

    والله يا خالد تجي لندن اعمل ليك جبنة أعوم ليها الحبايب ونقعد بيها قدام البيت في الشارع بس علي شرط في الصيف..
    زمان الخليفة ربنا يرحمه كنت بطلع ليه وماما كرسيين قدام الباب علي المصطبة..
    وبعدين اعمل الجبنة بس هو مابيشربها ومعاها بخور التيمان..الخواجات يعاينوا مستغربين مرة واحد قلنا ليه إتفضل راح طوالي
    قاعد علي عتبات المصطبة شرب قهوتنا اتونس شوية ومشي!
    كمان لو قلت ما عايز قهوه اعمل ليك شاي..

    .........
    .........
                   |Articles |News |مقالات |بيانات

21-02-2013, 02:47 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    اما القياس بالمشاركة فقد اكد لي (السناير) انه ليس معيارا فكثير منه غث وخارج الموضوع .. لذلك يعتدون بالرواد لما قد يعلق بهم من اثر
    ولا اعتراض لي علي هذا او ذاك .. ولكن اعتراضي ابدا يكون علي الجدل والمشادات المنفره التي اشتهر بها بعض الاعضاء .. عدا ذلك فان
    الاسفير يجمع نماذج لواقع الحياة بعضها كالورد وبعضها كالشوك وبعضها كالقصب والطرور ..


    كثير من البوستات ذات المشاركات الواسعة تعتمد في كتابتها علي مقدمة معقولة في حجمهاولكن بهابعض الإثارة..
    ثم تداخل لا يعقبه نقاش..بل فقط كلمات بسيطة تعبر عن قراءة الموضوع دون إبداء راي مستفيض يكون حلقة لنقاش مستمر..

    ثم كثير من البوستات تكون علي شاكلة البيعرف "مساخر" أكثر مني يجي يكتبها لينا وهي بوستات لا تحمل الا الاخبار التي تأتي
    بزبائنها من الرجال وغالبا لا يرون حرجا في كتابة أي لفظ أو الإيحاء باي معني ..وهي تشهد رواجا كبيرا..هذا الرواج لا يعني
    ان كل من يقرأها مستمتع بقراءتها بل يعني أيضا اشياء أخري..
    مثل فتح البوست وقفله بعد معرفة مافيه من السطور الأولي..أو معرفة لأي حد وصل الحديث فيه..أو كيف يفكر الزملاء في المنبر..


    أواصل ..
    ارسلته قبل كتابة الباقي..

    (عدل بواسطة Muna Khugali on 21-02-2013, 02:52 PM)

                   |Articles |News |مقالات |بيانات

20-02-2013, 09:09 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: اجمل مافي سعادة اللواء روحه ...

    رجل علمته الايام كيف يتكيف مع جميع الناس ... و مع كل الاجيال ...

    فهو ليس فقط شباب في العمر .. وانما شباب في الروح و الجمال ...

    اتابع كتاباته يا مني ... واراه في اكثر من بوست يشتكي من عدد المشاهد الذى لا يوازي عدد المداخلات ...

    واقول له لا احد يقرا يا ريس في هذا المنبر ... الكل يتسايق ليكتيب بوست ...ويلهث لرفع بوستاته ...

    فلو كان ذلك العدد من المشاهدين الذي فقط يعمل كلك ويركض ..لو كانو يقرأون بتأني لانجبروا علي الرد

    او انجبروا علي اختصار ما يكتبون من بوستات غريبة ...

    ولكنه حال البلد ...

    تصوروا مر عام عاي رحيل وردي ولم يابه احد ... ذكري رحيل وردي ...وردي يا ناس ...

    والناس تتنافس في الردود علي فنانات الحزام و الكوندوم ذو النكهات و ( الموبايل الدكتور ) ...

    والبعض محتار في من هو خليفة محمود عبدالعزيز ؟؟؟

    من هو محمود عبدالعزيز نفسه !!

    وان كان حب الناس له كبيرا كالذي نراه ...لماذا لم ينصحه احد حتي يحافظ علي نفسه صحيا؟؟؟

    لكنه سودان العجايب ...


    وإحنا محظوظين بسعادة اللواء ولعلني اكثركم حظا وسعادة به.. فقد كسبت زميلا وأخا ذو معرفة واسعة وخلقا رفيعا..

    أود أن ارجع في وقت آخر لما أثرته من نقاط مختلفة يا ود قباني..
    لكم جميعا التقدير والمودة..

    .......
    .......
                   |Articles |News |مقالات |بيانات

21-02-2013, 04:08 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: حكت لي صديقة أن صديقتها جنها كركار

    يا منسي ..
    كركار ؟ .. في المنبر ؟ ..
    ياخي غلّبتونا .. ولابد ان صديقة صديقتك حبوباتية .. و(معطونة) في التقاليد والعادات السودانيه .. لكن كمان بيني وبينك الكركار لذيذ
    جدا واحلي من الزيوت الهندية .. والكريمات .

    وعندي سؤالين .. الاول اذا كان سمك العجاج الذي يجعلكم اشبه بالمررو 3 مليمتر بدون كركار .. صاحبتكم دي بيكون سمكه كم فوقها ؟ ..
    اظنها بعد ترجع البيت الا (يكردوها) بي حجر ويبردوها بالخرطوش ... والثاني الحاجة ست الكركار دي بتشيلو في شنطة اليد كيف مع
    قوانين امن الطيران ؟ انا مره نسيت فتيل ريحه وشلته في شنطه اليد شالوه مني .. انشالله ما ينفعهم ...


    Quote: ثم تداخل لا يعقبه نقاش..بل فقط كلمات بسيطة تعبر عن قراءة الموضوع دون إبداء راي مستفيض يكون حلقة لنقاش مستمر..

    لهذ السبب يا مني ومنذ فترة وانا افاضل بين قرارين ترسخا في نفسي وكدت انفذهما لولا محبة لمن تقاربت معهم في البورد .. لا اظن
    في الامر غلوتية .. وانا اعرف نفسي جيدا واقع في حبائلها دائما .. لذلك لاتستغربوا اذا وجدتموني استجيب لها .. وما تزعلوا مني


    Quote: فنانات الحزام و الكوندوم ذو النكهات و ( الموبايل الدكتور ) ...

    ديل وين ياقباني .. اخوك طبعا ابو جهل .. ما عرفت فيهم غير الاي دكتور بتاع شيقوق .. وشفقان علي المسكين منه شفقه شديده .. ولا اقول
    الا الله يكفيه شره .. شكله كده ما ود حلال ابدا .. اها اوعي يكونوا جماعتك ديل زيو ؟ ..


    Quote: وإحنا محظوظين بسعادة اللواء ولعلني اكثركم حظا وسعادة به.. فقد كسبت زميلا وأخا ذو معرفة واسعة وخلقا رفيعا..

    اقعدي انتي كمان يابت ماما (طنبري) لي كده زي القباني خليني اقوم اعمل ليك سندة تانية غير بتاعة قروره .. وتبقي ذات السندتين .. كبرتوا
    راسنا يا جماعة

    والله انا المحظوظ ..
    عمر علي حسن
                   |Articles |News |مقالات |بيانات

21-02-2013, 09:03 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: عارفين انا والله عكسكم في حكاية الكركار دي..بتضايق جدا منه لذلك لا يمكن استخدمه!
    ويخيل لي اصله ما بيطلع من الشعر بسبب الدهن والشمع الفيه..لكن بس قالوا مفيد للشعر وبيمنعه من التساقط..الله أعلم!


    العجب ريحتو في السيارة الهوندا ...

    Quote: إتخيلت منظر زول مكركر ولتراب عليه اكيد كان منظر لذيذ جدا..


    بكون زي
    ماقال الشاعر محمد طه القدال
    بيت لبخ خالوص
    مزبّل لي الخريف عمة


    Quote: والله يا خالد تجي لندن اعمل ليك جبنة أعوم ليها الحبايب ونقعد بيها قدام البيت في الشارع بس علي شرط في الصيف..
    زمان الخليفة ربنا يرحمه كنت بطلع ليه وماما كرسيين قدام الباب علي المصطبة..
    وبعدين اعمل الجبنة بس هو مابيشربها ومعاها بخور التيمان..الخواجات يعاينوا مستغربين مرة واحد قلنا ليه إتفضل راح طوالي
    قاعد علي عتبات المصطبة شرب قهوتنا اتونس شوية ومشي!
    كمان لو قلت ما عايز قهوه اعمل ليك شاي..


    قهوتك قهوة السرور زي مابتقول نور بت السرة ( ام القرضابي ) عليها رحمة الله
    ما ضقتها في منزل منال خوجلي العامر ... هنا بنقلب المثل ( البضوق عضة ( لدغة ) الدبيب مـــا بخاف من شراب قهوتك ويجترها مرات عددا ويزيد الكيف كيوف لو بتجمع كدا .. موش نحن أهل السودان جمعنا أكسبرس وقلنا اكسبريسات ) والكيف جبنة يا منى
    وكان قلتي الشاي برضو كيف والكيف بزيد في وجودكم صفاء وخوة
    سمح شاياً تسوي إنتي وتجيبي
    وبريد شاياً تقعدي إنتي وتهبي
    وسمح شاياً تغيلي لي كبابي

    تحياتي ومودتي
                   |Articles |News |مقالات |بيانات

21-02-2013, 09:09 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)
                   |Articles |News |مقالات |بيانات

23-02-2013, 03:07 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: خالد علي محجوب المنسي)

    وبعضها كالقصب والطرور

    ________________________________


    سعادة اللواء ماهو الطرور؟؟

    انا بعرف الكرور وما أظنه يكون هو الطرور..

    ولا أنا غلطانة؟؟
                   |Articles |News |مقالات |بيانات

23-02-2013, 05:36 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    الاسفير يجمع نماذج لواقع الحياة بعضها كالورد وبعضها كالشوك وبعضها كالقصب والطرور ..

    Quote:
    سعادة اللواء ماهو الطرور؟؟

    انا بعرف الكرور وما أظنه يكون هو الطرور..

    ولا أنا غلطانة؟؟

    انتي مستعربة يابت ؟
    دي ياسين بكون عارفها ..

    الطرور هو الحطب (الفاو) الخفيف الذي (يطفّح) في الماء .. زي الفلين كده .. وناره ما بتعمل جمر .. سريعه.. زي نار القصب ..
    ويوصف الزول العوير بانه طروره ساكت .. وكذلك الزول الغشيم والاجوف .. ويقال له ده زول بو .. طروره ساكت ..

    بالمناسبه نار القصب تطلق علي الضحك (القرقراب) .. فيقال يتضحّكوا زي نار القصب .. للسخرية من سبب ضحكهم

    اما الكرور فهو اللميم والبقايا والسقط واحيانا القمامه .. يمكن تضيفيها لعبارتي .. (وبعضها كالقصب والطرور) .. والكرور
    لتكون فاقدة المعني والقيمة والطعم .. .. خدتي بالك ؟

    عمر علي حسن
                   |Articles |News |مقالات |بيانات

23-02-2013, 06:20 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: الطرور هو الحطب (الفاو) الخفيف الذي (يطفّح) في الماء .. زي الفلين كده .. وناره ما بتعمل جمر .. سريعه.. زي نار القصب ..
    ويوصف الزول العوير بانه طروره ساكت .. وكذلك الزول الغشيم والاجوف .. ويقال له ده زول بو .. طروره ساكت ..

    بالمناسبه نار القصب تطلق علي الضحك (القرقراب) .. فيقال يتضحّكوا زي نار القصب .. للسخرية من سبب ضحكهم


    يامنى ما سمعت هذا القول
    بالعامية
    هسّي نخُت الميس دحين حديد يلاقي حديد
    بِنبرش الطرور وبثبت الصنديد

    والطرور هو ماجاد به قولا وشرح معنى سعادة اللواء متعه الله بالصحة والعافية
    بنبرش كلمة طبعاً مستخدمة كثيراً حتى في عامية الشباب اليوم دي ( يقول ليك مالك منبرش في البنية دي كدا )
    اي وقاع في دباديبا
    الصنديد هو الأصم الثابت ..
    واا الميس فهي كلمة تركية تعني مكان التجمع والمشاركة الذي يجمع أناس في عمر واحد أو مهنة واحد ومنها جاءت كلمة
    ميس الضباط اي مكان سكنهم ومجمعاتهم ومنها الميس في لعبة ( حرينا وشاديت )
    وهاك ليها بالعربي الفصيح

    وترى الضعيف فتذدريه وفي اثوابه أسد هصور
    ويعجبك الطرير فتبتغيه ويخيب ظنك الرجل الطرير

    ومن كلم طرير جاءت كلمة طرور بالعامية السودانية اي الشي المجوف الخاوي وهذا يطفح كما قال اللواء
                   |Articles |News |مقالات |بيانات

23-02-2013, 06:41 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    انتي مستعربة يابت ؟
    دي ياسين بكون عارفها ..
    _______________________

    الزول الطرور طبعا عارفاها لكن كنت عايزة اعرف الكلمة أساسا مشتقة من وين..

    وفعلا اسة يادوبك عرفتها..

    إنت فاكر ساي؟
                   |Articles |News |مقالات |بيانات

23-02-2013, 07:14 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: ومن كلمة طرير جاءت كلمة طرور

    وفوق كل ذي علم عليم

    عمر علي حسن
                   |Articles |News |مقالات |بيانات

23-02-2013, 07:20 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: إنت فاكر ساي؟

    ايوه .. قلت سنين الغربة نستك الكلام .. نخن عندنا واحدين فكت منهم ....

    تحياتي
    عمر علي حسن
                   |Articles |News |مقالات |بيانات

24-02-2013, 08:51 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: ايوه .. قلت سنين الغربة نستك الكلام .. نخن عندنا واحدين فكت منهم ....


    سنين الغربة يا سعادة اللواء نستنا أكتر الأسماء والأحداث وكثير من الوجوه!

    فاكر سنين الغربة دي هينة ولا فاكرها ساي؟؟


    ..........
    ..........

    وعجائب تأثير التكنولوجيا علي علاقاتنا الإجتماعية عامة والاسرية كثيرة..

    قامت مجموعة بعمل بحث علي عينة تجاوزت الألفين عن الموبايل وإستخدامة وآثاره علي العلاقات داخل الأسرة..
    وجد ان التواصل عن طريق إستخدام الرسالة المكتوبة تواصل واسع وصل الي 45% بينهم!

    .........
    .........

    علي الرغم من ان شكل هذا التواصل يهدد العلاقات الإنسانية ويزيد في درجة التباعد بين المقربين الا أنه ايضا يعد من أحد
    الأساليب الهامة في التواصل العملي والسريع..
    طريقة التواصل الموبايلية الحالية هي نتيجة طبيعية للسوق والمنافسات القائمة فيه..تنتشر العروض بين الشركات في عدد
    الرسائل المجانية الممنوحة مع عروض الخطوط..
    بدلا من الخروج من الغرفة والحديث وجها لوجه مع الآخرين يكون إرسال الرسائل اسهل وافضل!
    أذكر أنني إستخدمت هذه الطريقة حين كنت مريضة..
    ارسل الرسالة..
    آيه جيبي لي موية..
    وده بس لأنها زمان كان بتعمل نفس الحركة!

    .........
    .........
                   |Articles |News |مقالات |بيانات

25-02-2013, 10:48 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: فاكر سنين الغربة دي هينة ولا فاكرها ساي؟؟

    عارفه يابت ماما .. انا كنت بشتغل في شرف العالمية ومكتبي في شارع الجمهوريه قريب من بابا كوستا وجنبرت وبوقف عربيتي لما
    اجي الصباح في الزقاق الخلف باباكوستا ولما اطلع الظهر من المكتب ما بقدر اصل العربيه الا لما اسلم علي عدد كبير من الناس واحد يجيك
    بي جاي وواحد بي جاي .. يا الله يا الله تتخارج ..

    لما اغتربت وغبت كم سنه جيت ازور فتح الرحمن البشير في نفس المكان .. وقفت عربيتي ومشيت في البرندات بتاعة شارع الجمهوريه
    زول واحد عرفني مافي .. ولو سلمت علي زول يعاين ليك كده ويقبل .. .. خفت .. قلت ياولد شد الخطوه ما يقوم عليك واحد يقول ليك انت
    حايم بي جاي مالك ؟ .. لما وصلت الاستقبال بتاع شرف العالميه قلت للموظفة انا عايز اقابل فتح الرحمن .. قالت لي نقول ليه انت منو ؟
    وكان فتح الرحمن خارجا فسمع السؤال وضحك وقال لها يابتي ده مابقولوا ليه انت منو ...

    والمسأله لم تقف عند البشر والتوهان بينهم لكنها امتدت الي اللغة .. فكلما اذهب الي السودان اجد المفردات تغيرت ودخلت الي لغة التخاطب
    مفردات جديده تحتاج لمفسر لتعرف معناها .. قالوا لنا زمان في انجلترا انجليزي شكسبير لا يتغير ولكن انجليزي الشارع بقي هردبيسه
    اما في امريكا فانك لا تستطيع متابعة اللغة العامه .. بس دي مجتمعات محتكة مع الشعوب التي تتوافد عليها كالمطر .. لكن نحن مالنا ؟

    وساعود اليك لنتفاهم حول عصر الموبايل ..
    عمر علي حسن
                   |Articles |News |مقالات |بيانات

26-02-2013, 02:26 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: عارفه يابت ماما .. انا كنت بشتغل في شرف العالمية ومكتبي في شارع الجمهوريه قريب من بابا كوستا وجنبرت وبوقف عربيتي لما
    اجي الصباح في الزقاق الخلف باباكوستا ولما اطلع الظهر من المكتب ما بقدر اصل العربيه الا لما اسلم علي عدد كبير من الناس واحد يجيك
    بي جاي وواحد بي جاي .. يا الله يا الله تتخارج ..

    لما اغتربت وغبت كم سنه جيت ازور فتح الرحمن البشير في نفس المكان .. وقفت عربيتي ومشيت في البرندات بتاعة شارع الجمهوريه
    زول واحد عرفني مافي .. ولو سلمت علي زول يعاين ليك كده ويقبل .. .. خفت .. قلت ياولد شد الخطوه ما يقوم عليك واحد يقول ليك انت
    حايم بي جاي مالك ؟ .. لما وصلت الاستقبال بتاع شرف العالميه قلت للموظفة انا عايز اقابل فتح الرحمن .. قالت لي نقول ليه انت منو ؟
    وكان فتح الرحمن خارجا فسمع السؤال وضحك وقال لها يابتي ده مابقولوا ليه انت منو ...

    والمسأله لم تقف عند البشر والتوهان بينهم لكنها امتدت الي اللغة .. فكلما اذهب الي السودان اجد المفردات تغيرت ودخلت الي لغة التخاطب
    مفردات جديده تحتاج لمفسر لتعرف معناها .. قالوا لنا زمان في انجلترا انجليزي شكسبير لا يتغير ولكن انجليزي الشارع بقي هردبيسه
    اما في امريكا فانك لا تستطيع متابعة اللغة العامه .. بس دي مجتمعات محتكة مع الشعوب التي تتوافد عليها كالمطر .. لكن نحن مالنا ؟

    وساعود اليك لنتفاهم حول عصر الموبايل ..
    عمر علي حسن


    طيب الناس جوه البلد بتنسي وليها اسبابها..أو بتتغير بالإيقاع السريع بتاع الحياة زي مكتبكم الموجود قريب من السوق..
    كيف بقي الحال مع الذين أقتلعوا من الجذور؟؟

    يعني حياة مختلفة في كل تفاصيلها من حولك..وموجوده بكل تفاصيلها بداخلك..تناقض بين الخارج والداخل وتردد بين الإتنين في كل لحظة!
    ده غير الموت والتعامل معاه من علي البعد..ممكن جدا زول مات وإنت عرفت بموته لكن قررت تتظاهر انه لسه عايش..علشان تقدر تتعايش
    أكثر مع قصة وجوده كأنه بس بعيد وأنت بعيد!

    ومواقف تمر بيها وتتذكر إنك مريت بيها قبل كده..متين ووين ومنو الناس ما تقدر تتذكر..
    ولكن أفظع شيء إنك تنسي أسماء ناس كانوا في يوم قراب منك..ولما ناس يسألوك عنهم تقول ما بعرفهم بس لأنك نسيت الأسماء!

    أما مفردات اللغة فده موضوع تاني..

    يا سعادة اللواء هموم الدنيا كتيرة علي الناس كلها وربنا يلطف بينا جميعا!!

    ..........
    ..........
                   |Articles |News |مقالات |بيانات

26-02-2013, 08:14 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    تعددت البوستات عن المريضة الحاجة زينة ثم عن موتها..وكلها تكشف فساد عدد من الأطباء الذي يفترض أنهم هناك للرحمة وليس للتجارة بأرواح الناس..وعن وزير إمتلك مشتفيات وجامعة وأراضي وجعل التجارة هي منهجه وغايته في بلد يعاني مواطنه من الفقر المقدع!
    الموضوع في حد ذاته غير غريب ..فالطب مثل الهندسة..مثل التدريس مثل الإعلام ومثل أي مهنة أخري ..حالهم واحد في دولة الفساد..
    أصبحت كل المهن تحمل في داخلهاعقلية المكسب المادي فقط وتتصرف بعقلية التجارة دون إعتبار للأخلاق المهنية والضمير الإنساني..
    وفي عهد الدولة الفاسدة تكبر المحسوبية وعلاقات الإنتفاع..تضيع الشفافية ويصبح كل شيء له تمن غالي ما عدا روح الإنسان..
    وماذا ننتظر من دولة تقتل أبنائها تحت مسميات حروب مختلفة؟؟
    دولة ليست لها من مقومات الدول الا الإسم فقط..
    فليس هناك نظام قضائي عادل وليست هناك خدمات طبية مجانية للفقراء أو حتي بأسعار زهيدة..وإنهار التعليم في كل المراحل ..
    نظام يصرف ميزانيات الدولة علي الحروب ودعمها بدلا من خلق مشاريع تهتم بالسلام والتنمية ترجع بالفائدة علي ابناء الوطن..
    ماذا ننتظر من دولة رئيسها مطلوبا دوليا من المحكمة الجنائية بعد إتهامه بإرتكاب جرائم ضد الإنسانية؟؟
    رئيس قد جعل منذ أمد طويل كل السلطات تحت سلطته التنفيذية وإستمر في غيه هو ومن معه غير آبه بحال البلاد..
    ثم يأتي ومن معه ليحدثونا عن الشريعة وكيف يجب أن تكون ويكون تطبيقها!

    .............
    .............

    الحاجة زينة ليست الأولي ولن تكون الأخيرة!
                   |Articles |News |مقالات |بيانات

26-02-2013, 08:56 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    وما يحير العقول هو جرأة بعض الأطباء في الظهور بدور لا يكشف حقيقة ما يفعلونه!

    الدكتور كمال أبو سن لا يتردد في الحديث في المنتديات الثقافية عن أهمية الصحة وكيفية الإعتناء بها..
    ويظهر كذلك في وسائل الإعلام المختلفة..

    لقد كانت صدمتي كبيرة وأنا اشاهد الفيديو الإنجليزي وفيه يعلن المراسل والمذيع خلال نشرة لأخبار بأن الدكتور كمال ابو سن قد تسبب في ضياع كلية شاب في بداية عمره كان قد أتي للمستشفي للتبرع بواحدة من كليتيه لوالده..فإنتهي به الحال لأن يتبرع له الأقرباء بكلية تساعده هو علي الحياة بعد عملية فاشلة دون سبب طبي مقنع..
    مبلغ الملايين الذي تم دفعه للمريض كتعويض سببه غلطة الدكتور كمال ابو سن كما هو سبب في نوع الصحة البائسة التي يعيش بها ذلك الشاب!

    نحن في وطن النفايات!
    كل ما هو موجود من خدمات بائسة يعبر عن وطن نفايات..
    العقول المنوط بها تطوير البلاد أغلبها من النفايات..من تم منعه من العمل في الخارج لأسباب تتعلق بالمهنة والإساءة لها او جهلها...
    يرجع ويجد في السودان مكانا قياديا..يل يجمع الأموال من الفقراء مايجعله مليونيرا في أكثر البلاد ثراءا!

    مالنا نضيع في كل يوم أكثر؟؟

    مالنا قد إرتضينا الذل والضعف والضياع؟؟
    مالنا اصبحنا جميعا لا حول ولا قوة لنا؟؟

    ..........
    ..........
                   |Articles |News |مقالات |بيانات

27-02-2013, 02:55 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    مني ايها العزيزة
    وانت عزيزة لانني اتلقي منك القول فاصدقه ولا ابحث له عن دليل .. ولا اتعقبه لاثبت خطأه ..

    وانا في حيرة كبري فما اري لا يطابق ما اسمع .. انا منذ فهمت وتعلمت وحملت السلاح لا اري حقا لاحد ان يحكمني بقوة السلاح ..
    واري ان الديموقراطية والشوري والتوافق وحتي الملكية اقرب لمطلبي من وسائل الاستيلاء علي الحكم باختلاف اشكالها من استعمار
    وانتداب وانقلابات عسكرية وغيرها من وسائل الديكتاتوريه ..

    وبالقطع فانني لا اؤيد نظام الحكم الراهن في السودان .. ليس لاي سبب الا لانه جاء بوسيلة خولت نفسي الا تعترف بها .. وكذلك كان
    موقفي مما سبق رغم اني وجدت في عبود ونميري حكاما اشخاصا كنت ساقبلهم لو جاؤا عن طريق الارادة الشعبية ..

    الذي يحيرني انني اري تاييدا جارفا يظهره الناس عند استقبالات الحكام الرسمية في الزيارات التي يقومون بها لمناطقهم .. لبس مرة
    ولا مرتين .. بل في كل مرة .. واخرها ما رايت في زيارة البشير لابو حمد ..

    هل هذه طبيعة الامور والاشياء ان ياتي الاف الناس لاستقبال الحاكم وهم في ذات الوقت لا يؤيدونه ويعتقدون ان نظامه فاسد وان من
    حوله قراصنة وكل شيء مما نعرف ونتداول

    وقفت عطبره كلها ذات مرة في وجه النميري ولم يخرج احد لاستقباله .. حتي الاطفال وطلبة المدارس ...
    وعادت عطبره كلها وبعد سنوات فاستقبلت النميري وبايعته وهو في قمة مجده ونصرته لاكثر قضايا السودان حساسية ..

    اما خطأ الدكتور ابوسن وغيره فهل يجعل منا وطنا كما وصفته .. كل ما هو موجود به من خدمات بائسة يعبر عن وطن نفايات..
    هل تجعل مثل هذه الاخطاء من الدول الاخري التي تحدث فيها وبقدر اكبر مما يحدث عندنا اوطانا للنفايات .. وقد سمعت هذه القصة
    قبل سنوات .. فهل نحن متوقفون عندها ابدا .. نتاولها كلما اصابنا وجع وننسب اليها تحولنا لوطن للنفايات ..

    لا ادري .. فغيرنا يحدث عندهم اسوأ مما يحدث عندنا ويتجاوزونه بالتصحيح او التقويم او العقاب .. ولكننا نقف عنده (ونبلط) لا
    الحكومة تفعل شيئا ولا البنيات المهنية تفعل شيئا ولا القانون يفعل شيئا ولا اصحاب الحق يفعلون شيئا ..

    لا اعفي نفسي ولا اقول اني اقرب للخروج من هذه الحياة .. ولكنني اريد ان اعرف .. هل تغيرت المعايير واصبحنا لانري حقيقه
    الاشياء وان سلاحنا الاوحد اصبح النقد والتنديد والسخط وكله كالنقش في الحجر

    لا تؤاخذيني .. فعندما يحتار مثلي فان ذلك يكون امرا مؤذيا .. وربما فاتكا

    عمر علي حسن
                   |Articles |News |مقالات |بيانات

28-02-2013, 05:01 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    مرة اخري اعود للجزء الخاص بالخطأ الذي ارتكبه الدكتور كمال ابوسن فقد قرأت المقتطف الاتي في بوست ورد بالمنبر فتحه الاستاذ اشرف مصطفي
    وتداخل به عدد طيب من الاعضاء باراء اكثرها جدلية وانطباعية وساعود بعد عرض الخبر المقتطف من البوست الي ما خرجت به من مساجلات الاخرين :


    Quote: : كشف قرار المجلس الطبي عن ايقاف جراح الكلى الشهير د. كمال ابوسن عن ممارسة مهنة الطب في السودان
    لمدة عام اعتبارا من 11 - 12 - 2012 بسبب شكوى مقدمة من المواطن عادل الامير الحسن
    شقيق المرحوم محمد الامير الحسن ضده وضد القسم الجنوبي بمستشفى الخرطوم بالرقم ( 815/ 2009) ـ

    ورأت لجنة المحاسبة ان هناك استعجال في اجراء العملية دون التحسب لحالة المريض والاجراء
    التحاليل و التحضير الجيد ولم يتم التوثيق لما قام به الفريق المعالج

    واعتبرت اللجنة ان المسؤولية المباشرة تقع على رئيس الفريق المعالج (د. كمال ابو سن ) وبصورة اقل
    على بقية اعضاء الفريق , وبعد الاستماع لاعضاء الفريق قررت اللجنة ادانت الدكتور كمال ابو سن
    واثنين من الفريق المعالج تم ادانتهما بالانذار هما دكتور هشام حسن عبد الوهاب
    و دكتور محمد بابكر عبد الرحيم

    وانتقي من بين ماورد من اراء رأيا واحدا تداخل به الاستاذ عبد الباقي الجيلي .. جاء فيه :



    Quote:
    من المدهش أن طبيباً مثل الدكتور كمال أبو سن يحدث منه مثل هذا التقصير ...

    ومن المدهش أكثر أن بعض المتداخلين نزلوا فيه شتيمة وسب طوالي ....

    د. كمال أبو سن من الكفاءات المميزة ... ولم نسمع أن تقصيراً كهذا قد حدث منه قبلاً ...

    هذا أولاً ...

    وثانياً :

    نشيد بالقرار لحقظ حقوق الناس .. أحياءً وأمواتاً ...

    وإن كان هناك مسوغ قانوني لقرار كهذا فمرحباً به كثيراً ...

    ثالثاً : وهذا الأهم ...

    هل تتعامل الجهات المختصة بمثل هذا الحسم مع الأخطاء الطبية دائماً ؟؟؟؟؟؟؟؟؟؟؟؟؟؟
    (عبد الباقي الجيلي)


    اختت هذه المداخلة لانها اعتمدت المنطق واحترمت تاريخ المخطيء وقرار العقوبة ورفعت الضوء علي شك في تعامل المجلس الطبي مع الاخطاء
    الطبيه ..

    ولست ادري ان كان من حقي عرض جزء من بوست زميل اخر هنا .. فاذا كانت تقاليد المنبر تمنع ذلك فارجو ارشادي وساعود لنقل المقتطات
    وتعليقي عليها للبوست الاصلي .. واعتذر عما تقدم لاعتقادي بانه يصلح لتصحيح الرؤية في هذا البوست ..

    وقد وجدت في الخبر الاساسي نفيا لما اعتقدت من غياب الهيئات المهنية ولكن بعض المتداخلين اوضحوا ان المجلس الطبي لا يتصدي لكل الاخطاء الطبيه
    وكذلك اظهر البوست ان هذا الطبيب يعتبر مميزا ولكن متداخلين في البوست اوضحوا انه صاحب اخفاقات جسيمة وانه منع من ممارسة الطب في انجلترا
    وانه عرض انسانة للموت باهماله واخطائه المهنيه .. بعد ايقافه .....

    الوجه الحسن ان هناك محاسبه .. وواضح انها مبنية علي شكوي ...
    الوجه القبيح ان الطبيب اثناء سريان عقوبة الايقاف ظل يمارس العمل وتسبب في وفاة مريضة

    راجعت بروفايلات المتداخلين علي امل ان اجد بينهم اطباء ولم اوفق .. كان لا بد ان يتداخل بعض المهنيين لتوضيح الحقائق والراي العلمي ..

    لم المس دورا حكوميا ولا استطيع اتهام السلطة بانها تجامل وزيرا في نظامها القائم

    لا ادري ان كان منع الطبيب من الممارسه او ايقافه يقتصر علي دولة واحده .. لا اظن ان هذا يكون صحيحا ..

    احضرت ما تقدم لنقاش هادئ وغير متشنج وفي حدود مايجب علي الحكومة والهيئات المهنية وحقوق الناس في مواجهة مثل هذه الاخطاء
    والاخلالات بالقانون من جانب مستشفيات لا تتقيد بسحب الرخصة او ايقاف الطبيب المدان ألخ .. واتمني ان نجد مداخلات من اطباء ..

    وما زلت في حيرة من امري يا مني .. حيرة مؤذية وفاتكة .. فما اري يناقض ما اسمع وكاننا نعيش في عوالم مختلفة

    عمر علي حسن
                   |Articles |News |مقالات |بيانات

05-03-2013, 08:42 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: مرة اخري اعود للجزء الخاص بالخطأ الذي ارتكبه الدكتور كمال ابوسن فقد قرأت المقتطف الاتي في بوست ورد بالمنبر فتحه الاستاذ اشرف مصطفي
    وتداخل به عدد طيب من الاعضاء باراء اكثرها جدلية وانطباعية وساعود بعد عرض الخبر المقتطف من البوست الي ما خرجت به من مساجلات الاخرين :


    سلام يا سعادة اللواء..
    إعتذاري اولا علي عدم الرد في وقتها..لظروف مختلفة لم أستطع التواصل..
    أرجو أن تكون بخير وأمان..

    فكرت انه ربمامن الاجدي أن اضع روابط بعض البوستات في هذا الأمر ثم ارجع لمناقشة مداخلتك ووجهات نظرك المقدره..


    هل نُزعت البركة من الدكتور كمال أبو سن!


    تم...

    Quote:

    Portsmouth kidney transplant surgeon faces GMC warning

    The operation took place at the Queen Alexandra Hospital in Portsmouth in 2008
    Continue reading the main story
    Related Stories

    Kidney donor wins £6.7m damages
    A surgeon may be warned after a man nearly died during an operation to donate a kidney to his father.

    Kamal Abusin carried out the procedure on the man in his 30s at Portsmouth's Queen Alexandra Hospital in 2008.

    A General Medical Council prosecutor is set to recommended Mr Abusin receive a warning but not be struck off.

    In February the patient was awarded £6.7m damages after the operation left him with kidney failure and needing a transplant from his sister.

    The GMC Fitness to Practise panel, led by Dr Ann Barker, considered allegations Mr Abusin, a consultant in renal transplant surgery, took an inappropriate course of action while removing the patient's right kidney and did not discuss the increased risks of the method with the patient.

    The panel also considered an assertion Mr Abusin did not treat a haemorrhage appropriately and failed to make proper medical notes.

    He was also accused of failing to respond to requests from the GMC for details of his employers.

    The panel found that Mr Abusin had not been negligent in opting to remove the kidney in the manner he chose or for the way he treated the haemorrhage.

    However, it did uphold the assertions the surgeon had not discussed the increased risks of the procedure with the patient, but said this did not represent a culpable failure because he had not perceived there to be any risks.

    It also said he had failed to keep proper medical notes about the decision to remove the right, rather than the left kidney.

    The final accusation that Mr Abusin had failed to respond to requests from the GMC was also upheld.

    Following the hearing in London on Monday the GMC prosecutor has indicated that the GMC would not seek to find Mr Abusin impaired in his fitness to practise but instead recommended he receive a warning.

    In February, the High Court heard the life of the patient - a father-of-two - had been shortened by about 10 years and he had to suffer the trauma of dialysis, considerable health problems and the prospect of future deterioration with the inevitability of another transplant.

    He was in his mid-30s at the time of the operation and had wanted to give his father a better quality of life in retirement.

    He received more than 100 units of blood and fluid transfusions and he was in hospital for two months.

    The panel will make its full decision after hearing from the other parties involved.

    More on This Story
    Related Stories

    Kidney donor wins £6.7m damages 14 FEBRUARY 2011, HAMPSHIRE and ISLE OF WIGHT
    Related Internet links

    Portsmouth Hospitals NHS Trust


    سأرجع في وقت أفضل مع كل الود والإعزاز..

    تحياتي...
                   |Articles |News |مقالات |بيانات

06-03-2013, 08:27 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    يا منو .. مبروكـ لمنال ياخ!
    إن شاء الله أيامكم كلها أفراح!
                   |Articles |News |مقالات |بيانات

06-03-2013, 11:18 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: محمد عبد الماجد الصايم)

    Quote: يا منو .. مبروكـ لمنال ياخ!
    إن شاء الله أيامكم كلها أفراح!


    شكرا يا جميل..
    ربنا يسعدهم ويجمل ليهم أيامهم..
    ويبعد عننا الأحزان..
    ويقدرنا علي أن نتغلب علي سخفها بالحياة الساعية للأفراح..

    ..........
    ..........

    قصتنا قصة والله..
    قلت لأحد اصدقائي..
    المنبر ده ايقاعه زي الحياة الفي الأرض..
    الشكل موجود في أيام..خمود او هدوء في أيام أخري
    يقوم فجأة كده في النص يحصل زواج نفرح بيه كلنا..
    ما نتم شوية يحصل موت لبوردابي ويسودو البورد وتسود معاه نفسياتنا!
    الليله جاتني صحية اربعة صباحا..الكومبيوتر خليته فاتح لنورتون يشوف شغله..
    البورد ما كان اسود..
    لما صحيت وفتحت لقيت طرف سواد..بس بكيت مقدما ..
    غمضت عيني علي دموعي والصفحة بتتتفتح وأنا خايفة جدا!

    الرحمة والمغفرة للدكتور ابو حريرة..

    .......
    .......
                   |Articles |News |مقالات |بيانات

06-03-2013, 10:17 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: مني ايها العزيزة
    وانت عزيزة لانني اتلقي منك القول فاصدقه ولا ابحث له عن دليل .. ولا اتعقبه لاثبت خطأه ..

    وانا في حيرة كبري فما اري لا يطابق ما اسمع .. انا منذ فهمت وتعلمت وحملت السلاح لا اري حقا لاحد ان يحكمني بقوة السلاح ..
    واري ان الديموقراطية والشوري والتوافق وحتي الملكية اقرب لمطلبي من وسائل الاستيلاء علي الحكم باختلاف اشكالها من استعمار
    وانتداب وانقلابات عسكرية وغيرها من وسائل الديكتاتوريه ..

    وبالقطع فانني لا اؤيد نظام الحكم الراهن في السودان .. ليس لاي سبب الا لانه جاء بوسيلة خولت نفسي الا تعترف بها .. وكذلك كان
    موقفي مما سبق رغم اني وجدت في عبود ونميري حكاما اشخاصا كنت ساقبلهم لو جاؤا عن طريق الارادة الشعبية ..

    الذي يحيرني انني اري تاييدا جارفا يظهره الناس عند استقبالات الحكام الرسمية في الزيارات التي يقومون بها لمناطقهم .. لبس مرة
    ولا مرتين .. بل في كل مرة .. واخرها ما رايت في زيارة البشير لابو حمد ..

    هل هذه طبيعة الامور والاشياء ان ياتي الاف الناس لاستقبال الحاكم وهم في ذات الوقت لا يؤيدونه ويعتقدون ان نظامه فاسد وان من
    حوله قراصنة وكل شيء مما نعرف ونتداول

    وقفت عطبره كلها ذات مرة في وجه النميري ولم يخرج احد لاستقباله .. حتي الاطفال وطلبة المدارس ...
    وعادت عطبره كلها وبعد سنوات فاستقبلت النميري وبايعته وهو في قمة مجده ونصرته لاكثر قضايا السودان حساسية ..

    اما خطأ الدكتور ابوسن وغيره فهل يجعل منا وطنا كما وصفته .. كل ما هو موجود به من خدمات بائسة يعبر عن وطن نفايات..
    هل تجعل مثل هذه الاخطاء من الدول الاخري التي تحدث فيها وبقدر اكبر مما يحدث عندنا اوطانا للنفايات .. وقد سمعت هذه القصة
    قبل سنوات .. فهل نحن متوقفون عندها ابدا .. نتاولها كلما اصابنا وجع وننسب اليها تحولنا لوطن للنفايات ..

    لا ادري .. فغيرنا يحدث عندهم اسوأ مما يحدث عندنا ويتجاوزونه بالتصحيح او التقويم او العقاب .. ولكننا نقف عنده (ونبلط) لا
    الحكومة تفعل شيئا ولا البنيات المهنية تفعل شيئا ولا القانون يفعل شيئا ولا اصحاب الحق يفعلون شيئا ..

    لا اعفي نفسي ولا اقول اني اقرب للخروج من هذه الحياة .. ولكنني اريد ان اعرف .. هل تغيرت المعايير واصبحنا لانري حقيقه
    الاشياء وان سلاحنا الاوحد اصبح النقد والتنديد والسخط وكله كالنقش في الحجر

    لا تؤاخذيني .. فعندما يحتار مثلي فان ذلك يكون امرا مؤذيا .. وربما فاتكا


    سعادة اللواء...

    ما تسمعه ليس كله صحيحا وليس كله خطأ..لكن الأفعال المعروفة لا يمكن تكذيبها كلها..وحال الوطن وما وصل له من تدني في الخدمات
    الاساسية بل وإنعدامها في معظم أحوالها وتهدم بنيته التحتية التي كنا نأمل لها التطور بعد الثبات هو الفعل المعروف الذي أقصده..
    وخروج الجماعات في مقابلة امير مؤمنين الجيش المتأسلم لا يعني بالضرورة انه خروج من أجل الحب..فهناك ايضا الخوف..وهناك الجهل الذي
    لا يحتاج الا الي من لا يعرف في اي إتجاه يتجه..وهناك المنتفعون وهناك أيضا من هو مؤهل لأن يصدق الأكاذيب..
    إلا أن من يخرجون لا يساوون عدد الممتنعون..لا يعادل عددهم عدد من خرج من البلاد ومن هو داخل السجون ومن هو في مناطق الحروب..
    فهل يعقل ان يخرج لمقابلته من شردهم من الخدمة المدنية؟؟
    هل يعقل أن يخرج لمقابلته من مات ابنائهم في معسكرات العيلفون ومن أرسلوا للحرب دون إرادتهم؟؟
    هل يعقل أن يخرج الفقراء من أعزة الأنفس لمن يمرغهم كل يوم اكثر في الفقر والعوز؟؟
    كم من السودانيين خارج البلاد بسبب إعادة التوطين أو الإغتراب؟؟

    كيف يتم حشد المواطنين للخروج ومقابلته عند وصوله لأي مكان؟؟
    .........
    .........

    وما يحدث بالوطن ظاهر لمن هو داخله ولمن هو خارجه.في الأخبار المحلية وفي الأخري عندما يتصاعد إيقاع الحروب..
    ذلك الإحتفال الجارف ليس جارفا في حقيقته..
    بل نراه جارفا لأننا نستنكر وجود هذه النوعية!

    .............
    .............

    أنا سعيدة لأنك تصدق ما أقوله وتأكد أنن أهل لتلك الثقة..
    وحقيقي عندما اتيت بالخبر وباي خبر آتي به أعتمد علي مصادر وأعتمد عليه في تحليلي له أو نقاشه مستفيدة من تجارب الآخرين
    وقراءاتي الخاصة..وفي ذلك لا أكتب شيئا ليس له اساس..
    بالطبع أنا كغيري معرضة للخطأ الا أنه قد يكون خطأ قائم علي قراءتي الخاصة أو تحليلي لما يحدث وليس علي عدم وجود مصدر لقراءتي..
    في حادث الدكتور ابو سن إعتمدت علي الخبر الموجود في ال بي بي سي وفي نشرة الأخبار المقروءة..
    وهذا بالنسبة لي كافيا مع الأخطاء الاخري المذكورة في الوطن والقائمة علي تجارب الآخرين لأن أكتب ما كتبت....
    وكافيا لان الأخبار هناكما تعرف لها مصداقيتها..فإن لم تكن حقيقية فإنهم يكونوا معرضين للمسائلة القانونية للإتيان بخبر كاذب
    وهذا لم يحدث حتي الآن..فلم نقرأ عن إعتذار للدكتور وكذلك لم نقرأ إعتذار من المستشفي..وفي نفس الوقت لم نري قضية مرفوعة من الدكتور
    المستشفي أو ضد الإعلام..

    ...............
    ...............

    الوطن اصبح متلقي للنفايات هو أمر مفروغ منه بالنسبة لي..
    قبل أعوام قامت مجموعة من الصيادلة بالإحتجاج علي الأدوية التي إنتهت صلاحياتها ومازالت تقدم للمواطن المسكين بعد أن يدفع الاموال الطائلة فيها!
    إذا كان الكادر الطبي الموجود بالوطن في أغلب الاوقات كادر يعمل من أجل المادة فقط ولا يقدم علاجا فهو في رأيي وطن النفايات..
    لأن ذلك الكادر قطعا لن يجدعملا له يمارسه كما في السودان في أي مكان في العالم يهتم فعلا بإنسانه..سيجده قطعا في السودان وهذا هو ما يحدث الآن!
    وفي رأيي النفايات والفساد قضايا مترابطة فالأخيرة هي تربة الأولي التي تعيش عليها وتكسب منها علي حساب المواطن المسكين..
    كفساد تلك العمارة التي تهدمت قبل سنوات..
    وكفساد تراكم المياه في نفق عفراء لعدم وجود نظام تصريف كما قرأنا وسمعنا..فاي مهندس ذلك الذي اوكلت له مهمة أكبر من خبرته
    وعلمه؟؟

    ........
    ........

    ويبقي موضوع النظم العسكرية والنظم الديموقراطية وما ينتج عنهم من وطنية أو فساد موضوعا كبيرا للنقاش..

    لك صادق المودة والتقدير..
                   |Articles |News |مقالات |بيانات

06-03-2013, 12:47 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: أنا سعيدة لأنك تصدق ما أقوله وتأكد أنني أهل لتلك الثقة..

    مني العزيزه
    قيل لابي بكر ان صاحبك قال انه أُسري به الي السماء ليلا .. قال ان قالها فقد صدق .. .. هكذا دون ان يسمع منه
    وانا اصدقك ..

    واصدق كل ما يحدث من تحول للاسوأ .. ولا اصدقه .. فوطني الذي اعرفه لا يحتمل هذا ولا يستحقه .. لذلك يصاب أمثالي بالحيرة الفاتكه
    وربما اتمني الزوال لما يطوقني من عجز .. كأني اعيش كابوسا مميتا ..

    هل نحن نفسنا نسل الابطال والشهداء الذين تلقوا جبروت الغزاة والمستعمر والدكتاتوريات العسكرية بصدورهم .. هل نحن نسل السلالات
    النبيله من الحكام والسياسيين والمهنيين والعمال والمثقفين الذن لم يحنوا الراس لغاصب اوغاشم .. ولم تشيع بينهم الرذيله والفاحشه وسرقه
    المال العام والتستر علي اخطاء المحاسيب ..

    وهل نحن الممتنعون عن اللقاءات الجماهيرية نستحق شرف الانتماء لهذا الوطن .. تزداد حيرتي ..

    وسيبقي وطننا يامني طاهرا ولو غطته النفايات شبرا شبرا

    عمر علي حسن

    (عدل بواسطة عمر علي حسن on 06-03-2013, 12:51 PM)

                   |Articles |News |مقالات |بيانات

06-03-2013, 03:35 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12733

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: قلت لأحد اصدقائي..
    المنبر ده ايقاعه زي الحياة الفي الأرض..
    الشكل موجود في أيام..خمود او هدوء في أيام أخري
    يقوم فجأة كده في النص يحصل زواج نفرح بيه كلنا..
    ما نتم شوية يحصل موت لبوردابي ويسودو البورد وتسود معاه نفسياتنا!

    وانا اشهد ...

    رحم الله الدكتور ابو حريرة ...
                   |Articles |News |مقالات |بيانات

07-03-2013, 11:39 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: يحي قباني)

    Quote: وانا اشهد ...

    رحم الله الدكتور ابو حريرة ...


    نعم له الرحمة الواسعة بإذن الله..

    أصبحت أفكر كثيرا في موسمية الموت..
    إذ كثيرا ما يأتي موت واحد فجأة ليعقبه موت لعدة آخرين ..
    العام السابق وبداية هذا العام كان موت الفنانين هو الأكبر!
    الموت حق الا أنني أخافه وأكرهه..
    ورغم ظني أحيانا أنني تعودت عليه الا أن ظني يصير كما هو مجرد ظن ..أتفاجأ وارتعد كلما سمعت به او أصاب أحبتي..
    ولكل موت طعم مختلف..
    ولكل أخ فراق اصعب من التحمل..
    ومكانة الأب غير مكانة الزوج..
    كل موت له طعم أمر مما سبقه..
    ونبقي نحن كما نحن..
    نبكي ونصرخ مع كل موت ثم نهدأ لنأكل ونغني..
    ثم نموت ويمر غيرنا بعدنا بما مرينا به بدرجات مختلفة..

    اللهم نسألك اللطف بنا..

    اللهم آمين..

    ........
    ........

    سأخرج الآن لأنظر للزهور والطيور وأمدد ساقي أمامي في إسترخاء..
    سأصطحب معي ضحكتي رغم أنفها ونتعلم سويا الإنتصار علي الحزن..
    ساشاهد وأبتسم للحمام وهو يبحث عن طعامه في فتافيت صغيرة يراها وحده مشتتة بين الحشائش..
    وسأستمتع يالجروات وهي تجري مسرورة بحريتها وبالشمس وحتي الأمطار..

    ......
    ......
                   |Articles |News |مقالات |بيانات

07-03-2013, 11:50 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote:

    سأخرج الآن لأنظر للزهور والطيور وأمدد ساقي أمامي في إسترخاء..
    سأصطحب معي ضحكتي رغم أنفها ونتعلم سويا الإنتصار علي الحزن..
    ساشاهد وأبتسم للحمام وهو يبحث عن طعامه في فتافيت صغيرة يراها وحده مشتتة بين الحشائش..
    وسأستمتع يالجروات وهي تجري مسرورة بحريتها وبالشمس وحتي الأمطار..

    ايواااااااااااااااااااااااا
    يعني نحن نبكي وبس ........

    عمر علي حسن
                   |Articles |News |مقالات |بيانات

07-03-2013, 02:23 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: ايواااااااااااااااااااااااا
    يعني نحن نبكي وبس ........

    عمر علي حسن


    أها أنا ذاتي رجعت أبكي معاك!

    مطرة شديدة وأبت تقيف خالص..
    حمامة واحدة في الحدائق مافي..
    حتي الجريوات أهلهم ماسكنهم في البيوت خايفين عليهم من الجو العجيب ده..

    وخلاص بقينا زي بعض..
    هذا مع التحيات الأكيدة..
                   |Articles |News |مقالات |بيانات

07-03-2013, 03:29 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: أها أنا ذاتي رجعت أبكي معاك!

    شفتي الفكي بتاعنا شدته .. ضمبجا ليكم مويه خلاها طمله ..
    تاني قولي لي مارقه اقعد في الشمس وامدد رجلي .. ونحن بي جاي المكيف ما قادر يلاحق ..

    اخوك سره باتع يابت

    عمر علي حسن
                   |Articles |News |مقالات |بيانات

07-03-2013, 08:43 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: وسيبقي وطننا يامني طاهرا ولو غطته النفايات شبرا شبرا



    بالطبع يا سعادة اللواء نحن الذين نحسن من وضع الوطن اونخربه..نجعله جنة رغم هبوبه وحرارة جوه وطول صيفه الحارق..
    الوطن يبقي دايما طاهرا إلا أن إنسانه لايبقي دائما كذلك..
    فاليثبت الله قلوب الأطهار فيه ويزيح عنهم الغم والهم وتقصير العمر..

    .......
    .......
                   |Articles |News |مقالات |بيانات

07-03-2013, 09:14 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: الوطن يبقي دايما طاهرا إلا أن إنسانه لايبقي دائما كذلك..

    ولذلك سينجب الوطن ابناء جدد كل لحظه .. فاذا اشتد عودهم فسينظفون وجه الوطن .. ويعيدون القه وبريقه .
    قال ربك َسوف يأتي الله بقوم يحبهم ويحبونه .. وهذا قريب .

    لن اكفر بوطني مهما عراه ..

    عمر علي حسن
                   |Articles |News |مقالات |بيانات

08-03-2013, 01:14 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    شفتي الفكي بتاعنا شدته .. ضمبجا ليكم مويه خلاها طمله ..
    تاني قولي لي مارقه اقعد في الشمس وامدد رجلي .. ونحن بي جاي المكيف ما قادر يلاحق ..

    اخوك سره باتع يابت

    ___________________________

    عارف لما كنت في السودان قالوا لي لازم أي واحدةه يكون عندها فكي خاص..ولو ماعندها حقها بيروح ساااااكت..
    طبعا الطريقة الإتقال بيها الكلام كان فيها شكل ثقة وتأكد عالية وكمان إستغراب إني قاعدة في السودان وإنه ماعندي فكي أمشي ليه بشكل مستمر وثابت..
    والفكي في السودان وإسمه أحيانا "شيخ" كنا نسمع في الماضي البعيد عنه ووجوده في قري بعيده في أغلب الأحوال..
    كان كالاسطورة تسمع عما يفعله من معجزات تتناولها الحكاوي بأشكال مختلفة حتي يخيل لك بأنه مخلوق قادم من عالم آخر..
    لكن دلوقتي هم "علي قفا من يشيل"

    ..........
    .........

    قالت لي أثناء حديثها معي بالتلفون وذلك أثناء وجودي بالخرطوم وإقامتها هي في أحد البلدان..
    عندما أصل الخرطوم سأذهب الي شيخي المقيم ........قبل أن أذهب الي أي مكان!
    إجازتي صغيره كلها كام يوم..عندي مشاكل كتيرة وشيخي قال لازم أجيه يومين تلاتة!

    الفكي أو الشيخ مهنة تدر علي من يقوم بها أموال طائلة حيث أن أغلب من يذهب لهم بإستمرار هم من أصحاب الحاجات الملحة والمشاكل والذين يعتقدون بشدة أنه الوحيد القادر علي حلها..
    وفي سبيل ذلك يصرفون كل ما يملكون علي قضاء غرضهم..
    ولا تظن يا سيادة اللواء أن الأمر خاص بالنساء فقط..
    أبدا..فالرجال من مختلف المراكز والوظائف يلجأون أيضا للفكي أو الشيخ لحل مشاكلهم....

    .............
    .............


    أعمل حسابك إنت كان سرك باتع أنا عندي شيخ زار عدييييل!
                   |Articles |News |مقالات |بيانات

08-03-2013, 06:19 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: الفكي أو الشيخ مهنة تدر علي من يقوم بها أموال طائلة

    نحن ياست الظهر حقنا بلوشي .. لله .. لا للسلطة ولا للجاه
    وزي ماتطلبي .. نوقف قطر .. نكتف كوره .. نطلع سرقه .. نفرتق سحابه رابطه .. نجهجه ليك شيخ الظهر .. وكله بي
    السبحه .. وقدام عينك .. بس ما بنضر زول

    ساعود لك ان شئت بحكاوي وحكاوي عن الجماعة ديل

    ذهب اللواء احمد عبد الوهاب (نائب عبود) الي احد اخواله من مشائخ المجاذيب .. وبعد جلسة وصلة رحم سال الشيخ ابن
    اخته اللواء ان كان يطلب شيئا .. فاجابه والله ياشيخي مافي حاجة كده تقول عليها لكن دايرك تزح الفي بالي ده من وشي ..
    ما اشوف خلقته في الدنيا .. قال له الشيخ كتل ما فينا .. رد اللواء ما مهم المهم تطيروا من قدامي .. قال له الشيخ وقد جهز
    نفسه للفاتحه خلاص نقرأ .. فرفع اللواء يديه وقرأ معه الفاتحة .. وهما خارجان عند الباب سأله الشيخ يا احمد ما قلت لي
    الزول ده منو .. رد احمد بصرامة معروفة عنه .. دا تريس الشيريه ياشيخنا .. اول ما يجيني يقبضوا ورقي كله .. لعنه
    الشيخ ولعن الكوتشينه ورقه ورقة ..

    ساعود لك بحكاوي وحكاوي عن الجماعه ديل اذا سمح الوقت فقد حاربتهم بشراسه .. وكانت ايه (واتبعوا ماتتلو الشياطين
    علي ملك سليمان) معلقه في برواز ضخم بمكتبي في كثير من المواقع

    ونحن في الخدمه ..

    عمر علي حسن
                   |Articles |News |مقالات |بيانات

09-03-2013, 10:41 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: ساعود لك بحكاوي وحكاوي عن الجماعه ديل اذا سمح الوقت فقد حاربتهم بشراسه .. وكانت ايه (واتبعوا ماتتلو الشياطين
    علي ملك سليمان) معلقه في برواز ضخم بمكتبي في كثير من المواقع

    ونحن في الخدمه ..

    عمر علي حسن


    طبعا لازم تكلمنا عنهم لأنه بصراحة رغم نهي الدين عنه الا أنه ممارس كثيرا عندنا في السودان..
    الا أنني أتمني أيضا أن أعرف كيف يمكن لكم التفريق بين الدجال والشيخ الذي يعتمد علي آيات الله في دعم من به حاجة..

    الأرشفة قربت ممكن توقفها لي؟

    ........
    ........
                   |Articles |News |مقالات |بيانات

09-03-2013, 11:54 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    الإستفتاء والنقاش كان يدور في أحد البرامج حول المتهمين بجرائم الإغتصاب..
    هل يتم الكشف عن شخصياتهم بعد توجيه تهمة الإغتصاب لهم..
    أم تحفظ شخصياتهم سرية حتي تتم محاكمتهم وإدانتهم؟؟

    أصحاب الرأي الثاني يرون أن لإتهام وحده لا يكفي لتعريض المتهم لإدانة المجتمع القائمة علي الغضب ثم الإدانة في هذه الحالة..
    بل يجب أن ينتظر الجميع حتي إدانة المحكمة له إن كان مدان..فالمتهم بريء حتي تثبت إدانته..
    بإعلان اسم المتهم قبل محاكمته يفقد سمعته ومستقبله..

    أصحاب الرأي الأول يرون أن أي متهم تم القبض عليه يجب الإعلان عن شخصيته..فعادة من يتم القبض عليهم من أصحاب السوابق
    الذين يجب علي المجتمع معرفتهم والإحتراس منهم..

    ليست هناك إحصائيات لكن أجري التلفزيون مقابلات مع بعض الأفراد الذين تم إتهامهم ظلما ثم برأتهم المحكمة..
    بالطبع كان المجتمع كله متابع لتلك القضايا وشاهد صورا للمتهمين في وسائل الإعلام المختلفة..

    قال أحدهم بعد أن برأته المحكمة..

    فقدت حياتي وإحترام مجتمعي وحتي أسرتي لم تعد تثق بي كما في السابق وألمح في عيونهم الشك أحيانا!

    ..............

    ...........
                   |Articles |News |مقالات |بيانات

09-03-2013, 12:41 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    Quote: الأرشفة قربت ممكن توقفها لي؟

    شايف ياريس بكري ..
    الحاجه دي ما لقت في الكون كله شيء توقفه الا الارشفه .. مع انه اديناها خيارات بعيده عن شنب اجعص فكي .. عليه نرجوكم
    ايقاف الارشفه .. بي اخوي واخوك كده .. عشان ما نطلع فكي فشنك قدام اختنا مني ..

    سال استاذ القانون احد زملائنا في امتحان الشفوي عن تعريف document of title فتلفت يمنة ويسرة وقال له .. والله يادكتور
    دي ما حافظها لكن حافظ تعريف document براها .. اقولها ليك ؟

    اها يا بت ماما دي عاوزه واحد بتاع digital forensics زي قضية العروس منال .. مش بتاع سبحه ومحايه ..

    عمر علي حسن
                   |Articles |News |مقالات |بيانات

09-03-2013, 02:50 PM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: الا أنني أتمني أيضا أن أعرف كيف يمكن لكم التفريق بين الدجال والشيخ الذي يعتمد علي
    آيات الله في دعم من به حاجة..

    يامني ياستي ..
    الاسلام ليس فيه كهنوت .. وربنا ليس بينه وبين عبده حجاب .. وهو ايضا سميع بصير وعليم خبير .. والشيخ او الفكي او الدجال
    ليس سكرتيرا عند ربنا ولا عرضحالجيا يكتب له شكاوانا باللغة التي يقبلها جل جلاله وتقدس اسمه .. وطالما انه ليس بيننا وبين
    الله حجاب فما الذي يمنعنا ان نرفع اليه يدينا مباشرة ونخبره بما نريد ..

    وهذا لايمنع المسلم ان يدعو لاخيه المسلم ولا يمنع الجماعة ان تدعو لواحد والواحد ان يدعو للجماعه ..

    لم يرفض الرسول الكريم عليه الصلاة والسلام الدعاء للغير من الكل وممن عرف عنهم الصلاح ولكن في الحق .. وأن يرشدك صالح
    الي كيفية التعوذ من السحر والشيطان ورقية المرضي .... ولكن ان تكتف هيثم مصطفي ما يشوتها ولا يجيب قون في الهلال يوم الثلاثاء
    فهذا خارج النظام .. ويمكن ان يعمله لك الدجال وياكل قروشك كمان .. اذن فالفرقه الاولي لاتطلب منك شيئا (لتدعم) دعاءك والثانية
    لاتفعل لك شيئا لله .. وبدل ما تغنيك تقلّع طواقيك ..

    جاءني رجل وانا انزل من سيارتي امام المكتب وقال لي انت عمر قلت له له نعم قال لي انا مرسّل ليك .. ليه ؟ .. في عارض واقف ليك
    ولي اولادك وسببه عمل .. وانت بتعرف تطلع العمل ؟ .. لا انا زول الله ساكت .. حلمت بيك تلاته مرات وفي الرابعه وروني اطلع
    العمل كيف .. الوراك منو ؟ .. افتكر الملائكه .. انت شفتهم ؟ .. لا .. ما بتشافوا .. طيب يمكن شياطين .. لا .. الشياطين مابيدلوا علي
    الخير .. اها وتاني قالوا ليك شنو .. لا ما قالوا لي شي لكن وروني اسم مرتك .. مرتي برضو عاملين ليها عمل؟ .. لا .. لكنها حتكون
    الوسيلة البنمرق بيها العمل .. طيب استناني هنا اودي شنطتي دي المكتب واجيك راجع ..

    من مكتبي اتصلت بضابط صديق في مباحث الشارقه ورسمت معه سيناريو التحرك لضبط الرجل عندما اسلمه (البياض) امام الة
    الصرف بجوار شويترام ..

    عدت للرجل وسالته ببراءه المسأله دي بتكلف كم ؟ .. قال .. لا لا .. انا ما طلبوا مني اشيل منك قروش .. انزعجت قليلا ولكن قلت لنفسي
    انني ساجد وسيله لاستدراجه حيث الضابط ينتظر ..... سالته ان كان الملايكة وروه سكة بيتنا فقال نعم .. ووصف لي الطريق ..

    وصلنا البيت واحضرنا الشاي والقهوة والحلويات .. وكان معي شقيق زوجتي .. وجاءت المدام وسلمت وجلست فطلب الرجل
    فوطه بيضاء واناء به ماء (طاهر) .. ثم جلس يدعو ويكتب ويخطط .. ولكنه لا يلمس الفوطه او يقترب من اناء الماء الذي تغطيه ..
    ثم قال لزوجتي اقرائي الاخلاص والمعوذتين .. وامرها بعد ذلك ان تدخل يدها في الاناء

    ترددت المدام قليلا ثم ادخلت يدها وعلي الفور تغير وجهها ..

    ويبدو انها وجدت العمل .. فتجمدت اطرافها ..
    قال لها اخرجيه ولا تخافي فانه الان تحت سيطرتنا .. وسنحرقه وننسفه في اليم نسفا .. هكذا وبكل ثبات ورباطة جأش ..

    ولما اخرجت يدها كان بها حجر رملي او مغطي بالرمل بحجم راحة اليد .. فاخذه منها وجففه واشعل النار تحته في الاوراق التي
    كتبها في بدايه الجلسه وهو يقرأ ويستزل لعنة الله علي صاحبة العمل .. ثم اعطاني الحجر لاذهب الي البحيرة والقيه بها علي امتداد
    ذراعي وانا اردد ادعية حفظتها عنه فلايعود ابدا ..

    طبعا الباقي معروف ..

    عمر علي حسن
                   |Articles |News |مقالات |بيانات

09-03-2013, 08:24 PM

Sinnary
<aSinnary
تاريخ التسجيل: 12-03-2004
مجموع المشاركات: 2213

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    أتحين هذه اللحظة لتهنئة الأخت مني بيوم المرأة العالمي مع التمنيات بغد أفضل وسودان متوحد آمن ديمقراطي
                   |Articles |News |مقالات |بيانات

10-03-2013, 05:57 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: Sinnary)

    Quote: الا أنني أتمني أيضا أن أعرف كيف يمكن لكم التفريق بين الدجال والشيخ الذي يعتمد علي آيات الله في دعم من به حاجة..

    الفرق ياسيدتي اوضح من الشمس .. الرجل الذي عرف اسمي واسم زوجتي وقصدني واستوقفني وحدثني عن مشكلة لا علم لي بها وزعم
    ان الملائكة ارشدته الخ ثم ذهب معي الي ماكينة الصرف .. لا يحتاج لقاموس للتعريف بانه دجال وحرامي وابن ستين .. اما الاخر فانك تقصده
    لأن شيئا قد اهمك وتريد ان تستعين بالله عليه دون ان تعتقد ان له قوة خارقة ..ولعل به شيء من الصلاح والطهر ..

    كان عبد الله بن عمر كلما ختم القران يذهب الي مكان يلعب فيه الاطفال ويجمعهم ويطلب منهم ان يؤمنوا علي دعائه .. فالاطفال احباب الله وقلوبهم
    طاهرة والله لا يردهم .. كذلك الورع التقي والشخص المؤمن بانك علي حق يدعو لك او يدعو معك .. او يقرأ اية مناسبة من القران او يرقي بايات
    او دعاء يعرفه .. لله في لله ودون مكافأة مالية او بياض .. وكالذي يحدث بالمنبر من دعوة الاعضاء للدعاء لمريض او الترحم علي ميت .. فهذا
    والله عندي اجدي لان الداعي لا يعرف من سيستجيب له ولا المستجيب لا يستجيب الا لرقة قلبه واحساسه بوطأة حاجة اخيه ولا يرجو الا دعمه
    وربما لا يعلم ان الله يثيبه علي ذلك ..

    كنا نطلب من جدي الخليفه الحسن ان يدعو لنا لننجح في الامتحان .. فكان يقول لنا ظبّطوا القرايه وانا بدعي ليكم .. وفي مرة قلت له طيب لما نحن
    نظبّط القرايه حننجح برانا بدون دعاء .. فقال لي كل شيء بيد الله وحده فعملك وحده لا يدخلك الجنه .. وحفظك للدروس وحده لا يؤهلك للاجابة
    الصحيحه فربما يلتبس عليك الامر .. وانا لا ادعو لكم الا بالتوفيق ..

    الاخر اول همه المال .. فهو لايفعل شيئا لله .. ويدعي القدرة علي احداث النتائج وهو اعجز في ذلك عمن لجأ اليه .. ثم ان اكثرهم يقوم باعمال
    ظاهرية تستهدف اقناعك بسطوته الروحيه وصلاحه .. (لماذا يحلم بي رجل لا يعرفني ولماذا ترشده الملائكة علي كيفية اخراج العمل ولا تفعل
    ذلك مباشرة معي ) .. ولمثل هؤلاء الدجالين سمعة عند من يتبعونهم لذلك يكثرون من التردد عليهم ليحلوا لهم فرعا جديدا من فروع المشكلة التي
    جاؤهم بها اولا وزعموا بحلها ..

    وبعضهم سحرة .. يسترهبون ابصار الناس بما يظهروه امامهم كالحجر الذي اخرجته زوجتي من الاناء ..

    المهم الفارق الاساسي بين هؤلاء واؤلئك هو الحافز المادي الذي ينتظره الدجال ولا يفعل شيئا بدونه .. ولا يقبله الاخر شيخا كان او (ظلنطحيا) ..

    قولي لصديقتك ان شيخك هذا لا ينفع نفسه ولن ينفعك .. وان القريشات التي تنفقينها عليه اجدر بان تحل مشاكلك لو انفقتها علي الفقراء ومن هم بحاجة
    لها فيحل ربنا مشاكلك .. هل علمت ان الصدقة تشفي المرض وتنفع الحي والميت ....

    ربكم لا يحتاج لسكرتيرين ومساعدين .. ولا وسطاء او سماسرة .. والامر بيننا وبينه مباشر ..
    دخل ضابط صغير مكتب القائد رغم اعتراض مدير المكتب له ... فسأله القائد انت دخلت هنا كيف ؟ .. رد الضابط الصغير انه ومنذ ثلاثة ايام يريد
    مقابلته وان مدير المكتب لايسمح له بالدخول بحجة او اخري .. وقال له .. ثلاثه ايام عشان اقابلك ياسعادتك ؟ .. انا لو عايز اقابل الله اقول الله اكبر
    واقابله علي طول .................

    عمر علي حسن
                   |Articles |News |مقالات |بيانات

10-03-2013, 08:40 AM

عمر علي حسن

تاريخ التسجيل: 26-09-2009
مجموع المشاركات: 3170

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: الإستفتاء والنقاش كان يدور في أحد البرامج حول المتهمين بجرائم الإغتصاب..
    هل يتم الكشف عن شخصياتهم بعد توجيه تهمة الإغتصاب لهم..
    أم تحفظ شخصياتهم سرية حتي تتم محاكمتهم وإدانتهم؟؟

    اولا .. كان هذا في زماننا ممنوعا تماما بأوامر لها قوة القانون فالنشر في القضايا الجنائية لا يتم الا بتصريح من مصدر مأذون وبالقدر الذي لا
    يمس بسمعة احد او يؤثر علي العدالة .. والتشهير بالناس ونشر الفضائح والاتهامات امر يرفضه المجتمع لأن سمعة الانسان اقيم من اي شيء في
    الحياة وان تلويثها بالحق او بالباطل لا يمكن ازالته بنفي او تكذيب او اعتذار او براءة .. وضرر ذلك اكبر من ضرر الجريمة نفسها .. وكنا اكثر
    تشددا في الجرائم الجنسية لان نشرها يضر بالضحية والمتهم ..

    وتعاقب الصحيفة التي تقوم بالنشر غير المأذون بالاغلاق حتي ولو كان الخبر صحيحا .. كذلك فان التحري فيها يتم بسرية بالغه ودون تعريض
    الضحية او المتهم لمعرفه الغير بما حدث ..

    فوجئت وانا داخل للمركز بامراة تبكي وتصرخ عند المدخل بان فلانا اغتصب ابنتها القاصر .. اسكتُّها وصحبتها الي مكتبي .. واستمعت اليها فروت
    لي ان جارهم مدير البنك المتزوج والاب لبنتين وولدين قد اغتصب ابنتها الطالبه بالسنة الرابعة المتوسطه .. الرجل سمعته كالذهب وله مكانة اجتماعية
    جليلة في المنطقة بل في المدينة كلها .. ولكن النفس البشرية امارة بالسوء الا ما رحم ربي ..

    اتصلت برئيسي الاعلي فطلب مني فتح البلاغ وترك اسم المتهم خاليا وان اسجل أنه بمعرفة الضابط والقاضي وان اذهب مباشرة بالبلاغ الي القاضي
    وافصح له عن اسم المتهم واستصدر منه مايلزم من اوامر وتوجيهات بشأن المتهم والضحية وأن اخذ علي الام تعهدا بعدم التحدث بالامر للجيران او
    غيرهم وأن اوضح لها ضرر ذلك علي ابتها واسرتها ..

    وافق القاضي علي الاحتفاظ باسم المتهم والضحية دون تسجيلهما بالبلاغ ودفتر البلاغات وان اعمل بسرية تامة في استكمال التحريات وان يتم ذلك
    ان امكن بعيدا عن قسم الشرطة وباللبس المدني والا يستغرق التحقيق اكثر من يومين وان اطلعه شخصيا علي سير الاجراءات والنتائج ..

    احضرت الضحية .. بصحبة امها .. بعد ان استاذنت من مدير مدرسة قريبة من القسم ان استخدم مكتبا فيها (كانت في الاجازه) .. فاخذت اليها الضحية
    والام وسائق سيارتي .. وعندما وصلنا المدرسة دخل معي السائق الي المكتب واغلق الباب واخبرني بان سمعة هذه البنت ( مش ولا بد ) وان بعض
    اهل الحلة قالوا انها بتركب مع الرجال ... طلبت منه الا يتحدث عن الموضوع لافي المركز ولا في الحله ..

    سألت البنت بحضور امها فقالت ان الرجل واقعها مواقعة كامله بغرفتها في المنزل وانه فض بكارتها .. وكيف دخل الي غرفتك .. لاادري ولكنني
    وجدته بجواري في السرير وقت صلاة الصبح وكان مازال يداعبني ويعبث بجسمي .. هل نزع عنك ملا بسك بالقوة .. لا .. كنت خايفه ان اقاومه
    او احدث حركة تشعر امي فيضربها او يقتلها فخلعت له لباسي .. ووضع يده علي فمي حتي اكمل مايريد .. هل استبرأت او غسلت مكان الفعل ..
    نعم وتبولت مرة او مرتين حتي احضرتموني ال هنا .. كيف عرفت امك .. هي شاهدته يخرج من البيت وسالتني فاعترفت لها واخبرتها بمن يكون ..
    هل لك علاقة سابقة به .. لا ولكنه في مرات يعطيني فلوس عندما يقابلني ..كيف فتح باب البيت وكيف عرف غرفتك .. لا ادري .. هل كنت تنتظرينه ؟
    ردت عليّ الام بحده عمرها 16 سنه حتي لو متفقه معاهو برضو اغتصاب .. كلامها صح ..... ذهبت بها للطبيب وارسلت السائق بسيارتي الخاصه
    لاحضار المتهم من مكتبه بالبنك مباشرة الي المستشفي ..

    قال لي الطبيب الشرعي ان ازالة بكارة البنت قديمه وان بها اثار اتصال جنسي حديث .. وان الرجل واقع زوجته في الليلة السابقه وان العينات التي
    اخذت منه ومن البنت ستصبح دليلا ضده اذا تطابقت وستصبح قرينة لصالحه اذا اختلفت .. حبست الرجل بالمدرسه وذهبت مع الطبيب الشرعي الي
    مختبر وزارة الصحة حيث لم تكن للشرطه مختبرات جنائية .. وطلب منا الانتظار حتي اليوم التالي لمعرفة النتيجه ..

    انكر الرجل الاتهام واهتز اهتزازا شديدا .. وأقر بانه اعطي البنت خمسه جنيهات كمساعدة لانه يعرف انها تعيش مع امها في بؤس ..
    اخذت الرجل الي مكتبه ليحضر سيارته ويذهب الي منزله وطلبت منه الا يخرج حتي وقت العمل في اليوم التالي ووضعت حراسة من المباحتث عليه
    وعدت مع الطبيب الشرعي والقاضي للمختبر في اليوم التالي وتسلمنا التقرير وكانت النتيجة سلبية ..

    ذهبنا الي المدرسة وامر القاضي باطلاق سراح المتهم واحضار البنت وامها .. وبمواجهتها بالنتائج ودقة استجوابها اعترفت ان الرجل الذي واقعها قد
    التقطها من الطريق العام مرات عديده وانه لم يكن لديه مكان يذهبا اليه فاتفقت معه علي ان تترك له الباب مفتوحا ويدخل الي غرفتها وان يترك عربته
    بعيدا من المنزل .. فكان ياتيها عند الثالثة صباحا ويذهب قبل ان تستيقظ امها .. وكانت لا تعرف سوي اسمه الاول ونوع سيارته ......

    قررنا ان نفتح بلاغا من جانب الشرطة ضد الام وابنتها للبلاغ الكاذب وتمت محاكمتهما سرا في نفس اليوم بالسجن للام وحفظ البنت بالاصلاحية ..
    واقنعنا الرجل بالا يفتح بلاغا ضدهما حتي لا يثير شكوكا غير مبرره حول نفسه ..

    في هذا الزمن الذي يلتقط فيه محرروا صفحات الجريمة بالصحف مثل هذه الاخبار من مداخل مراكز الشرطة ومحاكم الجنايات كانت هذه الواقعة
    ستنشر بالصفحة الاولي وبالبنط العريض الاحمر (مسئول في احد البنوك يغتصب طفله) تم تاتي التفاصيل ان س. س. مدير البنك الفلاني قد تسور
    منزل جارته واغتصب ابنتها فجر اليوم وقد تم فتح بلاغ ضده بقسم الشرطة الشمالي وتم القبض عليه تحت البلاغ رقم 9122 بتاريخ 10/3/2013
    وقبل حلول الليل تكون زوجته قد اخذت الاطفال وذهبت الي بيت ابيها وطلبت الطلاق .. ويقوم امام الجامع بعد الصلاة بالدعاء عليه والدعوة الي فصله
    من العمل وطرده من الحلة والحكم باعدامه .. ويقوم رئيس الجمهورية بتخييره بين الاستقاله وستر البنت الطاهره بالزواج منها .... مثني وثلاث ..

    وتنشر ذات الصحيفة في اليوم التالي خبرا صغيرا في الصفحات الداخلية ان البلاغ كاذب والرجل برئ .. .. فلا يقرأه احد ...

    كم عدد المتضررين ؟ وماذا افاد المجتمع من النشر في هذه المرحله

    انا ضد النشر في مرحلة الاتهام جملة وتفصيلا .. واحيانا بعد الادانه وبدون تشهير باحد .. فالضرر في الحالين ابلغ وقد لا يفيد المجتمع او ينهي عن
    تكرار الجريمه الا في حالات قليلة يقدرها المصدر المأذون

    عمر علي حسن
                   |Articles |News |مقالات |بيانات

10-03-2013, 02:12 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: عمر علي حسن)

    Quote: اولا .. كان هذا في زماننا ممنوعا تماما بأوامر لها قوة القانون فالنشر في القضايا الجنائية لا يتم الا بتصريح من مصدر مأذون وبالقدر الذي لا
    يمس بسمعة احد او يؤثر علي العدالة .. والتشهير بالناس ونشر الفضائح والاتهامات امر يرفضه المجتمع لأن سمعة الانسان اقيم من اي شيء في
    الحياة وان تلويثها بالحق او بالباطل لا يمكن ازالته بنفي او تكذيب او اعتذار او براءة .. وضرر ذلك اكبر من ضرر الجريمة نفسها .. وكنا اكثر
    تشددا في الجرائم الجنسية لان نشرها يضر بالضحية والمتهم ..

    وتعاقب الصحيفة التي تقوم بالنشر غير المأذون بالاغلاق حتي ولو كان الخبر صحيحا .. كذلك فان التحري فيها يتم بسرية بالغه ودون تعريض
    الضحية او المتهم لمعرفه الغير بما حدث ..

    فوجئت وانا داخل للمركز بامراة تبكي وتصرخ عند المدخل بان فلانا اغتصب ابنتها القاصر .. اسكتُّها وصحبتها الي مكتبي .. واستمعت اليها فروت
    لي ان جارهم مدير البنك المتزوج والاب لبنتين وولدين قد اغتصب ابنتها الطالبه بالسنة الرابعة المتوسطه .. الرجل سمعته كالذهب وله مكانة اجتماعية
    جليلة في المنطقة بل في المدينة كلها .. ولكن النفس البشرية امارة بالسوء الا ما رحم ربي ..

    اتصلت برئيسي الاعلي فطلب مني فتح البلاغ وترك اسم المتهم خاليا وان اسجل أنه بمعرفة الضابط والقاضي وان اذهب مباشرة بالبلاغ الي القاضي
    وافصح له عن اسم المتهم واستصدر منه مايلزم من اوامر وتوجيهات بشأن المتهم والضحية وأن اخذ علي الام تعهدا بعدم التحدث بالامر للجيران او
    غيرهم وأن اوضح لها ضرر ذلك علي ابتها واسرتها ..

    وافق القاضي علي الاحتفاظ باسم المتهم والضحية دون تسجيلهما بالبلاغ ودفتر البلاغات وان اعمل بسرية تامة في استكمال التحريات وان يتم ذلك
    ان امكن بعيدا عن قسم الشرطة وباللبس المدني والا يستغرق التحقيق اكثر من يومين وان اطلعه شخصيا علي سير الاجراءات والنتائج ..

    احضرت الضحية .. بصحبة امها .. بعد ان استاذنت من مدير مدرسة قريبة من القسم ان استخدم مكتبا فيها (كانت في الاجازه) .. فاخذت اليها الضحية
    والام وسائق سيارتي .. وعندما وصلنا المدرسة دخل معي السائق الي المكتب واغلق الباب واخبرني بان سمعة هذه البنت ( مش ولا بد ) وان بعض
    اهل الحلة قالوا انها بتركب مع الرجال ... طلبت منه الا يتحدث عن الموضوع لافي المركز ولا في الحله ..

    سألت البنت بحضور امها فقالت ان الرجل واقعها مواقعة كامله بغرفتها في المنزل وانه فض بكارتها .. وكيف دخل الي غرفتك .. لاادري ولكنني
    وجدته بجواري في السرير وقت صلاة الصبح وكان مازال يداعبني ويعبث بجسمي .. هل نزع عنك ملا بسك بالقوة .. لا .. كنت خايفه ان اقاومه
    او احدث حركة تشعر امي فيضربها او يقتلها فخلعت له لباسي .. ووضع يده علي فمي حتي اكمل مايريد .. هل استبرأت او غسلت مكان الفعل ..
    نعم وتبولت مرة او مرتين حتي احضرتموني ال هنا .. كيف عرفت امك .. هي شاهدته يخرج من البيت وسالتني فاعترفت لها واخبرتها بمن يكون ..
    هل لك علاقة سابقة به .. لا ولكنه في مرات يعطيني فلوس عندما يقابلني ..كيف فتح باب البيت وكيف عرف غرفتك .. لا ادري .. هل كنت تنتظرينه ؟
    ردت عليّ الام بحده عمرها 16 سنه حتي لو متفقه معاهو برضو اغتصاب .. كلامها صح ..... ذهبت بها للطبيب وارسلت السائق بسيارتي الخاصه
    لاحضار المتهم من مكتبه بالبنك مباشرة الي المستشفي ..

    قال لي الطبيب الشرعي ان ازالة بكارة البنت قديمه وان بها اثار اتصال جنسي حديث .. وان الرجل واقع زوجته في الليلة السابقه وان العينات التي
    اخذت منه ومن البنت ستصبح دليلا ضده اذا تطابقت وستصبح قرينة لصالحه اذا اختلفت .. حبست الرجل بالمدرسه وذهبت مع الطبيب الشرعي الي
    مختبر وزارة الصحة حيث لم تكن للشرطه مختبرات جنائية .. وطلب منا الانتظار حتي اليوم التالي لمعرفة النتيجه ..

    انكر الرجل الاتهام واهتز اهتزازا شديدا .. وأقر بانه اعطي البنت خمسه جنيهات كمساعدة لانه يعرف انها تعيش مع امها في بؤس ..
    اخذت الرجل الي مكتبه ليحضر سيارته ويذهب الي منزله وطلبت منه الا يخرج حتي وقت العمل في اليوم التالي ووضعت حراسة من المباحتث عليه
    وعدت مع الطبيب الشرعي والقاضي للمختبر في اليوم التالي وتسلمنا التقرير وكانت النتيجة سلبية ..

    ذهبنا الي المدرسة وامر القاضي باطلاق سراح المتهم واحضار البنت وامها .. وبمواجهتها بالنتائج ودقة استجوابها اعترفت ان الرجل الذي واقعها قد
    التقطها من الطريق العام مرات عديده وانه لم يكن لديه مكان يذهبا اليه فاتفقت معه علي ان تترك له الباب مفتوحا ويدخل الي غرفتها وان يترك عربته
    بعيدا من المنزل .. فكان ياتيها عند الثالثة صباحا ويذهب قبل ان تستيقظ امها .. وكانت لا تعرف سوي اسمه الاول ونوع سيارته ......

    قررنا ان نفتح بلاغا من جانب الشرطة ضد الام وابنتها للبلاغ الكاذب وتمت محاكمتهما سرا في نفس اليوم بالسجن للام وحفظ البنت بالاصلاحية ..
    واقنعنا الرجل بالا يفتح بلاغا ضدهما حتي لا يثير شكوكا غير مبرره حول نفسه ..

    في هذا الزمن الذي يلتقط فيه محرروا صفحات الجريمة بالصحف مثل هذه الاخبار من مداخل مراكز الشرطة ومحاكم الجنايات كانت هذه الواقعة
    ستنشر بالصفحة الاولي وبالبنط العريض الاحمر (مسئول في احد البنوك يغتصب طفله) تم تاتي التفاصيل ان س. س. مدير البنك الفلاني قد تسور
    منزل جارته واغتصب ابنتها فجر اليوم وقد تم فتح بلاغ ضده بقسم الشرطة الشمالي وتم القبض عليه تحت البلاغ رقم 9122 بتاريخ 10/3/2013
    وقبل حلول الليل تكون زوجته قد اخذت الاطفال وذهبت الي بيت ابيها وطلبت الطلاق .. ويقوم امام الجامع بعد الصلاة بالدعاء عليه والدعوة الي فصله
    من العمل وطرده من الحلة والحكم باعدامه .. ويقوم رئيس الجمهورية بتخييره بين الاستقاله وستر البنت الطاهره بالزواج منها .... مثني وثلاث ..

    وتنشر ذات الصحيفة في اليوم التالي خبرا صغيرا في الصفحات الداخلية ان البلاغ كاذب والرجل برئ .. .. فلا يقرأه احد ...

    كم عدد المتضررين ؟ وماذا افاد المجتمع من النشر في هذه المرحله

    انا ضد النشر في مرحلة الاتهام جملة وتفصيلا .. واحيانا بعد الادانه وبدون تشهير باحد .. فالضرر في الحالين ابلغ وقد لا يفيد المجتمع او ينهي عن
    تكرار الجريمه الا في حالات قليلة يقدرها المصدر المأذون

    عمر علي حسن


    قرأت أعلاه وأنا بين الحزن والرضاء..الحزن لكل القصة والرضاء علي الطريقة التي تم التعامل فيها مع كل الأطراف بحكمة علي الرغم من التعقيدات الكثيرة وخاصة فيما يتعلق بكتمان الموضوع حتي التأكد حتي لا تضيع حقوق وسمعة البشر بدون ذنب..واضح أنه كان هناك إعتبار لأحتمالات البراءة والأدانة إعتبارات إنسانية علي الأغلب نابعة من فهم وإنسانية..
    وقفت كذلك بين زمن ماضي كان لتنفيذ القانون فيه أخلاق مستوعبة تماما لظروف ما يحيط يالجريمة ومن هم متهمين بإرتكابها..
    وقارنتها بالظروف الحالية في ظل ما شاهدته بنفسي وما قرأته..
    تري لو حدث إتهام الآن مشابه لما سبق..كيف يمكن التعامل معه؟؟
    تري هل يغطي السيء علي الجيد؟؟

    ...........
    ...........

    النظام العام يا سعادة اللواء ظلم عدد كبير من الفتيات والشبان..ومن عدد من متابعتي لتلك القضايا كباحث في ذلك الوقت..
    قضت بعض الفتيات ليلتان في في سجن الحراسة بعد القبض عليهن في تهم مختلفة..علي سبيل المثال تم القبض علي إحدي الفتيات
    من أحد أطراف الخرطوم فقط لأنهم فقط وعلي حسب حديث المتهم والمتهمة وجدوها تتحدث مع الشاب الذي يكبرها بأعوام بسيطة داخل
    حوش منزلهم..كان يستأجر منهم الدكان ودخل للحوش ليجمع زجاجات المشروبات الفارغة منها..
    من قبض عليهم هو نفسه الشاكي وكان معه زميله..
    بسؤال القاضي لهم بعد أداء القسم عما شاهداه..كان حديثهم مطابقا لحديث المتهمان..
    أفرج القاضي عنهمادون تهمة..
    لكن..مالفائدة؟؟
    فال لهم المتهم..
    لقد دمرتوا سمعتها وسمعتي..شاهدها أهل القرية حين القبض علينا..
    بتنا في الحراسة مع آخرين لا نعرفهم وتعرضنا لأسوأ تجربة ظلما..ماذا نقول لأهل منزلها وأهل القرية الآن؟؟

    ..........
    ..........
    الحديث عن القوانين وطرق تنفيذ القوانين حديث مهم..فاصلاح المجتمع كما انه يحتاج الي القوانين العادلة يحتاج في نفس الوقت الي الكوادر المختصة المدربة والواعية بمرمي القوانين وهو الإصلاح عن طريق العقاب وليس لإستخدامة لظلم أفراد المجتمع!
    ..
                   |Articles |News |مقالات |بيانات

10-03-2013, 12:10 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظة من فضلك! (Re: Sinnary)

    Quote: أتحين هذه اللحظة لتهنئة الأخت مني بيوم المرأة العالمي مع التمنيات بغد أفضل وسودان متوحد آمن ديمقراطي


    شكرا يا سناري ومستقبل أفضل للنساء بإذن الله..
    التحية للنساء الساعيات للرزق الشريف بإمكانانيات تكاد تكون معدومة..
    التحية للنساء في مناطق الحروب وهن ينمن ويستيقظن علي أصوات الرصاص والإنفجارات في مناطق جبال النوبة ومازلن يناضلن من أجل
    حماية أسرهن وتوفير اللقمة الأساسية لهن..
    التحية لهم وهن في معسكرات النزوح في دارفور في حالة نضال لأن يتعلمن حرفا ومهنة..
    والتحية لهن وهن يقمن بالبناء لبعض المنشآت دون خوف من سقوط او إصابة لأجل توفير الطعام لأبنائهن..
    التحية لهن وهن في مناطق الشرق المختلفة وخاصة البجا وهن يسعين لان يبقي أطفالهن أحياء ولا يموتن من الجوع..
    التحية لنساء الشمال والوسط وفي كل مناطقهم المهمشة وهن يسعين لجلب المياه بطرق صعبة وهن يسعين أيضا للعمل البسيط الصعب من أجل بقاء
    أسرهن وتعليم أبنائهن..
    التحية لنساء بلادي وهن يهدين التاريخ مكانة للمرأة القادمة..وأخص في ذلك الإتحاد النساء السوداني الذي سعي وقدم للمرأة
    أرض صلبة تحميها تحت ظل القوانين لن يستطيع أي إنسان أن يستلبها منها تماما حتي مع وجود القوانين الجانية مثل النظام العام
    علي سبيل المثال..
    التحية للمرأة في سودان الجنوب وهي تسعي وتنجح لأن تصنع لنفسها مكانا محليا وإقليميا وعالميا..

    التحية للبائعات في شوارع الخرطوم وهن متحملات لسخف الهجمات والإتهامات الجائرة..

    ........
    ........
    شكرا سناري..
                   |Articles |News |مقالات |بيانات

10-03-2013, 02:34 PM

سيد محمد احمد سيدنا
<aسيد محمد احمد سيدنا
تاريخ التسجيل: 21-11-2005
مجموع المشاركات: 1249

للتواصل معنا

FaceBook
تويتر Twitter
YouTube


Re: لحظة من فضلك! (Re: Muna Khugali)

    بنت حلتنا كيف حالك والعقاب


    اخوك / سيد سيدنا
                   |Articles |News |مقالات |بيانات


[رد على الموضوع] صفحة 6 „‰ 9:   <<  1 2 3 4 5 6 7 8 9  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de