زمان وانا طالب في الجامعة مسافر في القطر متوجه ام عبد الله في البردانة وكنت بدييييييييييين من اكل الجامعة الما خمج اها شالتني ليك نومة طوييييلة في القطر ولما وصلت ام عبد الله قالت لي وين العدة الجيت بيها ؟
الزمن داك تلقي الواحد فرحان بإجازة الجامعه.. يلقي أمه ولا ابوه منتظرنو متين يرجع.. إنت تلقي أم أولادك..أم عبدالله.. يا حليلك م عرسولا ليكم بدري خالص.. .......... ..........
01-20-2013, 06:02 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
طيب ياقباني .. كلم خالي الطيب قول ليهو الشايقي اشتري التلج من عطبرة لي اهله في كريمه وختاهو في شنطة الحديد وقفل الشنطة بالطبله .. لما وصل فتح الشنطه ما لقاهو .. قال وا فليلي الليلي انا ما سرق .. _________________________________
ايوه أنا بتذكر شنظة الحديد دي.. كان بتكون خضرا ولا لونها أزرق فاتح.. ماما عاشة كانت لما تمشي البلد كان عندها شنطة جلد قوي زي الصندوق فيها ملابسها.. بعدين لما ترجع بيكون معاها الشنطة الحديد دي فيها كعك.. الكعك ده إنت لو فكيتوا في راس زول أكيد بتفتحوا ليه.. والنقش الفيه كبير شديد علشان السكر الماناعم يمسك فيه... وطبعا برضه عندنا أهلنا كتير بيجوا من الشماليه معاهم الشنطه أياها..
Quote: الكعك ده إنت لو فكيتوا في راس زول أكيد بتفتحوا ليه..
وبعد ده كله يا بت ماما لا ركبتي قطر كريمي و(اندليتي) .. ولا ركبتي قطر بورسودان ومشيتي اركويت .. ياخ نص عمرك تاني ضاع .. بس لسه باقي ليك نص .
الكعك ده اسمه (المنين) .. وله مذاق خاص بعد (لحس) السكر لانه بعض التوابل تدخل في صناعته .. ويتم قطع عجينته بالسكين او (الخوسه) .. ثم ينقش اعلي العجينة ب(المنقاش) لاعطائه شكلا يختلف عن البسكويت ولحفظ السكر فوقه .. ثم يرسل الي الفرن وبعد خبزه بالفرن يرش السكر الناعم فوقه وينقل من الصواني الي (بستلات) او جرادل من (الطلس) لحفظه .. وهو يختلف عن (الغريبه) الهشه والتي يرش عليها السكر الناعم ايضا ..
ابوك خباز ياولد ؟ ! ..
واحلي مافيه يا مني .. ان كل انثي اسمها مني او بت المنا تكني به فيقال لها (المنين) او (منين) .. شفتي كيف ؟
عمر علي حسن
01-20-2013, 08:12 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
بعد ده كله يا بت ماما لا ركبتي قطر كريمي و(اندليتي) .. ولا ركبتي قطر بورسودان ومشيتي اركويت .. ياخ نص عمرك تاني ضاع .. بس لسه باقي ليك نص .
الكعك ده اسمه (المنين) .. وله مذاق خاص بعد (لحس) السكر لانه بعض التوابل تدخل في صناعته .. ويتم قطع عجينته بالسكين او (الخوسه) .. ثم ينقش اعلي العجينة ب(المنقاش) لاعطائه شكلا يختلف عن البسكويت ولحفظ السكر فوقه .. ثم يرسل الي الفرن وبعد خبزه بالفرن يرش السكر الناعم فوقه وينقل من الصواني الي (بستلات) او جرادل من (الطلس) لحفظه .. وهو يختلف عن (الغريبه) الهشه والتي يرش عليها السكر الناعم ايضا ..
ابوك خباز ياولد ؟ ! ..
واحلي مافيه يا مني .. ان كل انثي اسمها مني او بت المنا تكني به فيقال لها (المنين) او (منين) .. شفتي كيف ؟
عمر علي حسن
اسه قطر كريمة ده مامشهور زي قطر بورتسودان..ياربي ليه؟؟
أنا غايتو قررت حتتين أمشيهم في السودان أول ما ربنا يسهل لي..مكان إسمه الصفية وده عرفة اول أمس.. وتاني الشماليه بلدنا والمدن والقري المجاورة.. لكن ماشية افتش حتة من قلبي خليتها المرة الفاتت في نوري.. وتبيقي مصيبة لو باقي قلبي راح مني هناك!
............... ............... المنين مافيه سكر مرشوش.. المنين ده بيكون فيه حب البركة او الكمون الاسود..وما بيكون منقوش.. وبعدين غالبا بيتقطع في شكل مستطيلي.. أقوم أسه أمشي أخبز حبه منين؟؟ الكعك هو المنقوش وهو الفيه السكر الناعم...
أما بالنسبة للإسم منين..فهو إسم مناداتي المفضل عند شخصين..واحدة فيهم آسيا بتناديني "منينة"
Quote: المنين مافيه سكر مرشوش.. المنين ده بيكون فيه حب البركة او الكمون الاسود..وما بيكون منقوش.. وبعدين غالبا بيتقطع في شكل مستطيلي.. أقوم أسه أمشي أخبز حبه منين؟؟ الكعك هو المنقوش وهو الفيه السكر الناعم..
لو عايزه واسطه اكلم ليك .. عندي ثلاثه عمات وحبوبه في جريف نوري والمقل .. يخطفوا رجلهن يجيبوهو ليك من محل ما يكون ______________________________________________ هم في جريف نوري؟؟ وسمح إنت قايل قلبي الشالو منو؟؟ ماشالتو نور ي ذاتها.. نخيلها وشجر فواكها وبيوت طينها ونيلها وجروفها..
وبس أنا مندلي وماني راجعي تاني!
............. .............
01-21-2013, 04:34 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
سيبك من الخال و الطيب ديل ... وهاك اسمعي الهدية دى ...
الاغنية : منُي عمري و زماني المغنية : مني الخيــــر الكلمات : عبد الرحمن الريح ... و يقال انو مني عمري هي مني الخير نفسها ... اللحن طبعا اتغنت بيهو جوبا مالك علي بعد داك ...
ياريت ابل الشوق واجيك يا نوري بي فوق ______________________
أسه يا سعادة اللواء لو سألتني أكتر حاجة معكرة عليك في الشمالية شنو.. أقول ليك الصور الضاعت عن نوري! مكانين بالتحديد في الشمالية أخدوني من نفسي أكتر من غيرهم.. واحدة منظر الطريق الزراعي وإنت داخل لمعدية مروي.. والتاني نوري كلها! ................ ...............
طيب أنا الوداني نوري شنو علشان أخلي حتة مني هناك؟؟
القصة كانت في أوائل 2011.. كنت في الطريقة لعمل متابعه لمشروع في أمري القديمة وبصحبتي زائرتان من كندا للمنظمة التي كنت ادير مشروعها في السودان. معنا موظفة سودانية تعمل مع سيدا الكندية والسائق وأحد الموظفين .. في الطريق وعدة كيلومترات قبل أن يفترق الطرق واحد لعطبرا والآخر للشمالية..نزلنا لشراب الجبنة في الطريق.. وهناك علي العناقريب والبنابر وسيد الجبنة والبخور.. نزل رجلان من عربتهم لشراب الجبنة.. بد التعارف بيننا... أنا فلان الفلاني..وهذا صديقي فلان..وكان أحدهما شاعر معروف.. مرحب بيكم.. ماشيين علي وين؟؟ إحنا ماشيين لقرية أمري القديمة في عمل..وبعدها سنتجه الي البركل لزيارة الإثار.. سمح ما تجو مروي فيها إتار وتزوروهم السد كمان؟ وبالمناسبة دي إحنا جايين مخصوص لزواج أختي.. إيه رأيكم تجيبوا الخواجات ديل يحضروا عرس الشماليه وإنتو ذاتكم تتعرفوا بأهلكم في نوري.. لاقت الدعوه القبول بفرح في الحال فكان الوعد بأن نتصل بهم في موبايلاتهم لنعرف منهم الطريق.. شواقنا ماشاء الله شاطر وعسل وأخو إخوان! تفارقنا علي امل اللقاء في الغد لحضور إحتفال الزواج.. ........... ............
بعد إنتهاء عملنا بأمري.. دهبنا الي كريمة محل إقامتنا..ثم ذهبنا الي البركل والزومة وبين السياحة والعمل يوجد بند إسمه الزيارات..فكانت زيارة الزومه والأهل والنيل ونخيله وخضاره. إتصلنا بأهل الدعوة لأن نؤكد الحضور..فكان الإتفاق أن يقابلنا أحداهم بعد رجوعنا من سد مروي بجانب الأهرامات للذهاب معا.. .......... .......... ولاننا كنا في إحتاج للزمن بجانب الآثار ..بينما هو يحتاج للرجوع لحضور مراسم الزواج فإنه وصف لنا الطريق لمنزلهم وذهب.. أكملنا برنامجنا وقررنا الذهاب لحضور الزواج.. وفي اللحظة التي وصلنا فيها للمكان الموصف.. شاهدت جدول عريض كالترعة يفصل بين بيوت الطين والطريق وبين الجناين شعرت بأنني لا أود فراق ذلك المكان علي الإطلاق.. النخيل وضوء القمر المنعكس عليه..وأشجار من الفواكة..وجدول المياه او الترعة ومنازل منخفضة في كل منها من نخيل يظهر أعلي من بنيانها. ما كل هذا الجمال؟؟
Quote: الاغنية : منُي عمري و زماني المغنية : مني الخيــــر الكلمات : عبد الرحمن الريح ... و يقال انو مني عمري هي مني الخير نفسها ... اللحن طبعا اتغنت بيهو جوبا مالك علي بعد داك ...
أسه أنا ذاتي عايزة أهدي ليك هدية حلوة زي هديتك دي.. أنا بديك أسمها وإنت تجيبها وبعد ما تجيبها تقوم تسمعها.. كلماتها بتقول هدية منك مقبوله..إنت جميل والجابك لي ملاك وجميل.. سيد خليفة يعني..أغنية (يا منديل)
01-22-2013, 03:09 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
وعماتي يابت الخليفه .. بنات احمد وبنات الحسن ايه في الجمال .. تخرج منهن النظرة والكلمه مباشرة الي قلبك .. لن تجدي في نوري والمقل وكريمة ومروي فرقا بين الانسان والارض والنخل والماء (المسرسر) في الجداول .. كلهم جمال من جمال يتشابي الي النظر ويسكن في القلوب
قلبك في امان بين مقتنيات نوري الثمينه .. وعنما تصلين سيحملنك من فوق الارض الي الرموش وشغاف القلب وتهدين لهم النصف الاخر .. ونخرج نحن والقباني وعبيد والخال (ملوص) ..
اذهبي يامني .. والتذكره علينا .. ولكن لا تسافري بالبص واللواري .. فالحب يأتي بالقطار الذي يجسد (رزيم) عجلاته وجيب القلوب ويوزعه علي الركاب فلا يهبطوا منه الا وقلوبهم متفتحه وملقحة لزراعة المزيد من العشق الباقي والخالد ..
ولا تبخلي عليهن بما لم تجودي به في الزيارة الاولي ....
عمر علي حسن
01-23-2013, 07:03 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: اذهبي يامني .. والتذكره علينا .. ولكن لا تسافري بالبص واللواري .. فالحب يأتي بالقطار الذي يجسد (رزيم) عجلاته وجيب القلوب ويوزعه علي الركاب فلا يهبطوا منه الا وقلوبهم متفتحه وملقحة لزراعة المزيد من العشق الباقي والخالد ..
ولا تبخلي عليهن بما لم تجودي به في الزيارة الاولي ....
ندرا عليا زي ما بيقولوا.. أول ما اسافر الشمالية أمشي نوري وقبل كده آخد منك عناوين الاهل هناك.. يازول أنا اي سوداني في اي حتة أهلي..فكيف ما أمشي لأهلي الفي منطقتي؟؟
بس بصراحة حكاية القطر دي مخوفاني شوية..
عارف ليه؟؟ الناس البينوموا فوق سطحه من فوق..فالنفرض واحد فيهم لا قدر الله وقع؟؟ ما إنت عارف الحوادث في السودان كتيرة والإهمال أكتر..
وبعدين حتي لو هايحصل حادث..انا ذاتي مابكون قاعدة مقلقة إنه في ناس قاعدة فوق راسي! لكن غير كده أسافر بالقطر واستمتع بالسكة..
صحي يا سعادتك ..هل في قطورات دلوقتي ولا ده كلام عن الماضي؟؟
......... .........
علشان لو الكلام عن الماضي طوالي نطلب اغنية ترباس "جاي تفتش الماضي" ونقعد نبكي علي الأطلال!
Quote: صحي يا سعادتك ..هل في قطورات دلوقتي ولا ده كلام عن الماضي؟؟
عارفه يا منيني قطر كريمي ده كان سختوه اكسبريس .. ولا سختوه قطر بضاعه .. والله سختوه لوري حتي .. ياهو قطر كريمي .. فيه كل العبر وكل المسرات .. يتأخخخخخخخر في مواعيده .. ويلم الحبائب مندلّي .. ويفرقهم بشويش طالع .. وبيمشي علي مهلتو .. واي سنده بقيف فيها انشالله مافيها زول .. ولو لَقّينا ليه سندة ود قباني الجنب استاد المريخ برضو حيقيف فيها .. الناس الراكبين فوق راسو مرتاحين وفارشين بطاطينهم وبي سفرتهم وشايهم والكمساري معاهم فوق يغرم ويقطّع في التذاكر ...
سمعتي ليك يوم بي واحد وقع من سطح القطر .. نحن يابت علمنا الهنود التسطيح في قطرهم السريع داك ..
اما حكاية انهم قاعدين فوق راسك .. تاني دور بس .. ما بتحسي بيهم الا يجيك الحبل نازل في المحطه يرفعوا بيه حاجة .. باقي ليك ترباس كان سطح مرة ما كان سكن القطر بي رقّو يغني من سطح لي سطح .....
01-24-2013, 12:39 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
عارفه يا منيني قطر كريمي ده كان سختوه اكسبريس .. ولا سختوه قطر بضاعه .. والله سختوه لوري حتي .. ياهو قطر كريمي .. فيه كل العبر وكل المسرات .. يتأخخخخخخخر في مواعيده .. ويلم الحبائب مندلّي .. ويفرقهم بشويش طالع .. وبيمشي علي مهلتو .. واي سنده بقيف فيها انشالله مافيها زول .. ولو لَقّينا ليه سندة ود قباني الجنب استاد المريخ برضو حيقيف فيها .. الناس الراكبين فوق راسو مرتاحين وفارشين بطاطينهم وبي سفرتهم وشايهم والكمساري معاهم فوق يغرم ويقطّع في التذاكر ...
Quote: سمعتي ليك يوم بي واحد وقع من سطح القطر .. نحن يابت علمنا الهنود التسطيح في قطرهم السريع داك ..
اما حكاية انهم قاعدين فوق راسك .. تاني دور بس .. ما بتحسي بيهم الا يجيك الحبل نازل في المحطه يرفعوا بيه حاجة .. باقي ليك ترباس كان سطح مرة ما كان سكن القطر بي رقّو يغني من سطح لي سطح .....
إن كان كدي انا بعمل حساب سفر الطريق إسبوع ماشي وإسبوع راجع.. مادام القطر بيمشي علي مهله يلملم في الحبايب الماهم شوية..ويقيف في محطاته الدايرها السواق! وبعدين أنا قايله الفي السطح ديل بيركبوا ببلاش..وقت بيدفعوا قروش ما يقعدوا جوه القطر!
لكن أنا باقي لي طبعي خرب في بلد الخواجات دي..القطر بمواعيد الدقيقة والوقوف محسوب المكان والزمن.. والكافتيريا نضيفة والكراسي مهوفرة تمام..والجرايد والكتب والأهم من ده كله المزارع في الطريق تعاين ليها من نافذة شفافة مافيها سفة زول ولا كيس نايلو معلق وتاني طاير..ولا حبل منزلين بيه ولا رافعين بيه حاجه.. والناس هادية لو بتقرا كتاب بتقدر تفهمه..
لالالالا ما أطنو اقدر اسافر بالقطر هناك إلا إذا بقي زي قطر اليوروستار ده.. يعني بالمصري كده في المشمش!
Quote: لالالالا ما أطنو اقدر اسافر بالقطر هناك إلا إذا بقي زي قطر اليوروستار ده..
طيب يابت مامتي (المتدليه) ليها شنو ؟ نوري دي جمالها في المهله .. وجرجير الكلام .. وياااا بنيتي الله يكبرك واشيل وليداتك .. وهي بتها عمرها سنتين دابها .
Quote: إن كان كدي انا بعمل حساب سفر الطريق إسبوع ماشي وإسبوع راجع..
مافي اسبوع .. الماش بالقطر مايحسب .. هو في النهايه حيوصل .. وحيجي راجع .. والباقي مامهم ...
اسالك ؟ القطر الجايباهو معاك دة بيلبسوا ليه شنو ؟ بنات عماتي ما بكونن لبسن بنطلون ولا شافن بنات لابسات موضه وشعرهن فوقه طاقيه زي حقتك دي ..
قال ليك الجنوبي نزل من قطر كريمه ابيض من العجاج .. لما شاف نفسه في المراية اتكيف جدا .. قال لاخوانه والله حسع ارجع خرطوم تاني واركب قطر ده اجيكم خواجه ...
عمر علي حسن
01-24-2013, 08:03 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: ودلوقتي تلقي سعادة اللواء بيحبها أكتر واحد فينا..
ولعلي اكثركم سعادة بأن الحظ السعيد وضعني في مواجهة هذه السيدة العظيمة في دار الاوبرا (مرتين) وفي اعياد الارز بلبنان وفي المسرح القومي بامدرمان (مرتين) .. فرأيتها وسمعتها مباشرة خمسة مرات .. واملك في مكتبتي بالسودان نحو ستين اسطوانه لها ..
وقد بدأ استماعي للست وانا طفل من خلال الجرامفون الذي كان ابي يجلس اليه في الامسيات بعد ان يخرجه الي البرانده ويملأه (بالملاي) .. ويغير الابره ويمسح الاسطوانة ويضعها تحت اليد المرفوعة ثم ينزل اليد علي الاسطوانة الدائره فتخرج الاصوات من (البوق) ..
وعندما (تعلمت) ام كلثوم اوكل الي امر الجرامفون وبقيت الاسطوانات تحت سيطرة الوالد .. ولكنني في النهاية استوليت علي الكل واصبحت المالك الحصري لها .. باذن الوالد وفي حيانه .. ونميت هذا الارث بمزيد من الاسطوانات تجاوزت عند وفاة الست 60 اسطوانه وعدد مقدر من الاشرطة واشرطة الكاسيت .. وكنت لا اسمع في سيارتي الا القرآن وام كلثوم ونشرات الاخبار وفي قليل من الاحيان غناء الاخرين ...
الصادق الياس رجع بيها الجابري للغنا بعد وقوف سنتين حزنا علي امه ...
والجابري وضع مزيكا ما سبقه عليها زول
حكاية ملام
اخت اللوم على نفسي و لا اتحسر على عمري ولّا اكوس مكانى الراح مع الغائبين فضل يجرى..
اخت اللوم على نفسي و ارجع اقول انا الغلطان ما شفنا الندامة تفيد تفيد زولا رجع ندماان رجعت اكوس مكانى الفات لقيت جا عصار غشا البلدات و عاد كيفن الاحق الفات و الاحق الريح وقت يجري.
حكايتى مع الملام طالت و ديمة اعيدا اتأسف فاقد محبوب على مكتوب اقش فى دمعى ما اتجفف متين يا غيمة ترمى الضل..؟ و افر البسمة زى الكل تهل البهجة فوقى تطل و اكون نوال جزيل صبرى
يا ريت اللوم يرجعني و يرجع حالى لى حالو و الم الباقى من عمري و اجيب البال من الشالو و اخت احزانى و اتريّح اصلو البى ما ريّح و احوش مشوارى من بدري و اقول لعمرى ما تجرى.. اخت اللوم على نفسي و لا اتحسر على عمري
01-26-2013, 05:15 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
اخت اللوم على نفسي و لا اتحسر على عمري ولّا اكوس مكانى الراح مع الغائبين فضل يجرى..
اخت اللوم على نفسي و ارجع اقول انا الغلطان ما شفنا الندامة تفيد تفيد زولا رجع ندماان رجعت اكوس مكانى الفات لقيت جا عصار غشا البلدات و عاد كيفن الاحق الفات و الاحق الريح وقت يجري.
حكايتى مع الملام طالت و ديمة اعيدا اتأسف فاقد محبوب على مكتوب اقش فى دمعى ما اتجفف متين يا غيمة ترمى الضل..؟ و افر البسمة زى الكل تهل البهجة فوقى تطل و اكون نوال جزيل صبرى
يا ريت اللوم يرجعني و يرجع حالى لى حالو و الم الباقى من عمري و اجيب البال من الشالو و اخت احزانى و اتريّح اصلو البى ما ريّح و احوش مشوارى من بدري و اقول لعمرى ما تجرى.. اخت اللوم على نفسي و لا اتحسر على عمري
كما ذكرت لي.. هذه الأغنية الحزينة رجع بها الجابري للغناء بعد وفاة والدته والتي كانت كل دنياه.. وسبب الالم والندم فيها هو إضطراره في ذلك المساء لتركها والذهاب للغناء في أحد الافراح والتي كان قد عقد معها إرتباطا قديما.. تردده في الذهاب حسمه الجيران بوجوب ذهابه بينما هم يتعهدون هم بالعناية بها وعدم مفارقتها حتي رجوعه.. عند رجوع الجابري للمنزل وجد صوان عزاء أمه أمام الباب! فالموت لا يعرف الأعذار ولا حب الإنتظار..
لا حول ولا قوة إلا بالله.. اي جزن واي ندم صاحبه حتي رحيله! رحمهما الله وجمعهما في دار الخلود..
..... .....
01-26-2013, 05:49 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: الصادق الياس رجع بيها الجابري للغنا بعد وقوف سنتين حزنا علي امه ...
الكرسابل .. من ام كلثوم للجابري .. الحكايه شنو ياود قباني .. بعد ده ماتزعل مني كان خليت عبيد الطيب يحرش ليك راجين الله تديك عمته تخليك تقنت ثلاثه يوم .. انت قائلنا كلتانين سمع .. نحن يابوي الست قعدنا ليها من كرسي الخيزران بتاع ابوي لحدي كرسي البلاستيك بتاع المسرح القومي لحدي الفوتيل بتاع دار الاوبرا .. تقول لي الجريف واللوبيا ؟ ..والله حسع اقلع سندتك واخليك تساكك في باصات ود اللدر .
Quote: هههها قلت لي الفكة بتاعتي ما بتاكل عيش مع الكوكبة
وانت ذتك يا خالي معاه .. قايلين البوست ده ما عندو كمساري ؟
عمر علي حسن
01-26-2013, 10:49 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: Quote: الصادق الياس رجع بيها الجابري للغنا بعد وقوف سنتين حزنا علي امه ...
الكرسابل .. من ام كلثوم للجابري .. الحكايه شنو ياود قباني .. بعد ده ماتزعل مني كان خليت عبيد الطيب يحرش ليك راجين الله تديك عمته تخليك تقنت ثلاثه يوم .. انت قائلنا كلتانين سمع .. نحن يابوي الست قعدنا ليها من كرسي الخيزران بتاع ابوي لحدي كرسي البلاستيك بتاع المسرح القومي لحدي الفوتيل بتاع دار الاوبرا .. تقول لي الجريف واللوبيا ؟ ..والله حسع اقلع سندتك واخليك تساكك في باصات ود اللدر .
Quote: هههها قلت لي الفكة بتاعتي ما بتاكل عيش مع الكوكبة
وانت ذتك يا خالي معاه .. قايلين البوست ده ما عندو كمساري ؟
عمر علي حسن
اسفين سعادتك
الكن غنية الحابري دي ما هوينة ابدا
واوعدك اعوضك بي حاجة للست شرط انك مدا سمعتها قبال ده
كيف معاك ؟
01-26-2013, 01:22 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: ولعلي اكثركم سعادة بأن الحظ السعيد وضعني في مواجهة هذه السيدة العظيمة في دار الاوبرا (مرتين) وفي اعياد الارز بلبنان وفي المسرح القومي بامدرمان (مرتين) .. فرأيتها وسمعتها مباشرة خمسة مرات .. واملك في مكتبتي بالسودان نحو ستين اسطوانه لها .. وقد بدأ استماعي للست وانا طفل من خلال الجرامفون الذي كان ابي يجلس اليه في الامسيات بعد ان يخرجه الي البرانده ويملأه (بالملاي) .. ويغير الابره ويمسح الاسطوانة ويضعها تحت اليد المرفوعة ثم ينزل اليد علي الاسطوانة الدائره فتخرج الاصوات من (البوق) ..
وأنا طبعا بكون سمعت الست اول مرة وانا في بطن أمي فكل ماحولي مشبع بذلك الفن الجميل.. وحبيتها منذ سنوات المدرسة الإبتدائية وتعلم الموسيقي في الفصل ثم بتخصص في الفريق الموسيقي للمدرسة.. تعلمنا نعزف مقدمات معظم أغانيها..وصار اي يوم في حياتي الدراسية وبعدها مشبع بالست.. ........... ...........
أتخيل كثيرا عندما اشاهد أفلام حفلاتها أنني أجلس مع عشاقها في الصف الأول.. وكثيرا ما اصدق خيالي فأشعر بمشاعرهم اثناء الإستماع لها..رجالا ونساءا..ويشدني الإستمتاع لأنظر لملاح وجوههم ولملابسهم وليتك تصدق حتي الحب في قلوبهم ونشوة الإحساس بالكلمات واللحن أعيشها كما يعيشونها.. فأي فن ذلك الذي إحتوانا ماضيا وحاضرا وقطعا يستمر مستقبلا؟؟
والآن اتخيلك طفلا بالشورت والقميص نصف كم تجلس بإنبهار بجانب والدك..وفي راسك الصغير كثير من الاسئلة واحدة منها تدور حول عمل الجرامفون وكيف جاء صوت الصوت عليه!
Quote: واوعدك اعوضك بي حاجة للست شرط انك مدا سمعتها قبال ده كيف معاك ؟
قد يكون في تراث الست شيء لم اسمعه .. ولكنني اوهم نفسي بانني سمعت كل ام كلثوم .. فانا اتوه في عالمها .. ولا اسمعها سماعا عابرا .. ولا اختار ما اسمع الا نادرا .. وعندما اسمع فانني اسمع كلمة بكلمة وملزمة بملزمة .. فلا اردد معها او (اشيل) .. ولا اسابق الي البيت التالي او الملزمة الموسيقية التالية بل اترك كلا يهبط علي اذني واحساسي كانه جديد فاجد متعة في جدته كاني اسمعه لاول مرة .... ولو اردت استمتاعا اكثر فانني اربط ذلك ببيت سابق او ملزمة سابقه .. واحيانا بذكري لها علاقة .. ..
وهكذا استطعم كتاب الله .. كلمة كلمة .. رغم حفظي .. حتي وانا ارتل دون كتاب .. فاقف عند نهاية الاية وكأني لا اعرف الاية التالية وعندما ابدا بقراءتها افرح بتداعي كلماتها وتشدني المعاني وجزالة اللفظ والاعجاز فيهما فأتأكد كل مرة ان هذا لا يقوله البشر ..
فرق بين غناء ام كلثوم وكتاب الله .. ولكن طريقة استقبالي تمكنني من استجلاء المعاني وتذوق طعم الكلام دون خلط في المقامات .. لو كان القرآن طربا فانه يطرب قلبي واحاسيسي وكياني ويغمرني بسعادة وسكينه ويصعد بي الي السماء مباشرة ويملكني ويتملك دنياي ويغيبني في وجود لا متناه .. ولو كان غناء الست طربا فنه يطربني ويصعد بي الي مراقي لا يبلغها الحس الا به .. دون غيره من الفنون .. ولكنه لا يفتح لي بابا في السماء ولا يخرجني الي ملكوت الله وما يبشر به من خير عميم ..
اما جماعتك يا قباني وجماعة خالي فان اثر اكثرهم سطحي وقليل منهم يبلغ اللحم الحي .. ليس عندي لهم الا الحب للابداع السوداني كفعل انحيازي فطري .. وشيء من الاعجاب لفنانين وشعراء ارتبطوا بوجداننا اليومي ..
فاذا اردت ان تسعدني بفكروني فانها مثل اقبل الليل ومثل فات الميعاد وغيرهم فيما يلحقون بي من طرب .. والهدية مقبولة ..
عمر علي حسن
01-26-2013, 03:23 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: وهكذا استطعم كتاب الله .. كلمة كلمة .. رغم حفظي .. حتي وانا ارتل دون كتاب .. فاقف عند نهاية الاية وكأني لا اعرف الاية التالية وعندما ابدا بقراءتها افرح بتداعي كلماتها وتشدني المعاني وجزالة اللفظ والاعجاز فيهما فأتأكد كل مرة ان هذا لا يقوله البشر ..فرق بين غناء ام كلثوم وكتاب الله .. ولكن طريقة استقبالي تمكنني من استجلاء المعاني وتذوق طعم الكلام دون خلط في المقامات .. لو كان القرآن طربا فانه يطرب قلبي واحاسيسي وكياني ويغمرني بسعادة وسكينه ويصعد بي الي السماء مباشرة ويملكني ويتملك دنياي ويغيبني في وجود لا متناه .. ولو كان غناء الست طربا فنه يطربني ويصعد بي الي مراقي لا يبلغها الحس الا به .. دون غيره من الفنون .. ولكنه لا يفتح لي بابا في السماء ولا يخرجني الي ملكوت الله وما يبشر به من خير عميم ..
ولعل ما ذكرته يا سعادة اللواء لود قباني في السطور أعلاه يشرح كثيرا حالي.. الإحساس المتجدد دائما بالعمق وبالمعني.. بالطبع كلماته سبحانه وتعالي ليست من بشر ولن يماثله قدرا أي شيء آخر..لكن الإتيان هنا بالمثلين لتقريب صورة الإحساس.. وأعتقد أن هذا ما حدث لي بالأمس حين بدأت المقدمة الموسيقية لهجرتك يشرح ما أحاول شرحه بالكلمات الإن... فقد إنتابتني حالة غريبة من الشجن والأشواق وأجزم أن قلبي بكي حزنا وحبا..وكأنها كانت لحظة إسرائي ومعراجي في دنيا النقاء والنبل! حالي بالأمس كان إنصاهارا في الكلمات واللحن والصوت وأداؤه أكثر من إرتباطه المباشر بأي ذكري..
ليتني ابادرك بالشكر .. وذكرياتي اغلي ما أملك .. وخروج بعضها للضوء اصبح يسعدني ويخفف عني وطء حمل ثقيل ظللت انوء به وانا مشغول باداء حياتي اكتسابا وعطاء وتعلما وتعليما وربما زرعا بلا حصاد .. حتي جاء ابني امير وشدني ال هذا المنبر فوجدتك ووجدت خالي ومرتضي والبروفسير وعبيد الطيب والقباني واحمد القرشي وابوبكر سيد احمد وبنيات اخريات وبنين اخرين اقربهم الشاطر تنزعون عني غشاوة المسك باسراري .. بل وتنزعون عني ريشي ليتساقط ما علق به من طيران متواتر وتجوال مبصر في ارجاء الدنيا وبين الناس وما حصدت من اخبارهم ومعارفهم وتجاربهم
واعترف خالي بانه يعمل في التنقيب ويحمل المحافير ليخرج شيئا من ارضي لم اكن اعرف قيمته .. ووجدت اصحاب امير عاطف عمر ومحمد المرتضي لا يتركون جانبي الا وقد استخرجوا منه شيئا ..
انا انسان محظوظ في الاول والاخر .. فما اتيح لي باليسر كله لم يكن لياتي بالقصد ومشقة الوصول الي بعضه .. فعرفت من الناس مالا يتاح ان تتلقاه في حياتك لمجرد العمل او الوظيفه او الموهبة الادبية او الفنيه .. ودخلت في اصناف من المهن بسبب دراساتي الافقيه التي ما كان ليتاح لي ان اتلقاها لو وُجهت الي دراسات عمودية .. فاكتسبت نتيجة لذلك خبرات متعدده .. ولا اقول لك اكثر فثراء حياتي هذا سره .. وقد اراد ابي ان يحقق بي طموحاته فاعطاني كما لايعطي الوالد لابنه .. ولكنني لم اكن هو .. ولذلك فانني اكتب الان بوست الساعة 12 ..
فاذا جئت ومن ذكرتُ والمئات غيرهم حديثا لتستخرجوا ما عندي فانكم تنقذونني من اضاعته .. فانتم اصحاب الفضل .. وذكرياتي لا طعم لها بدون تلقيكم لها يا من فتحتم الصندوق المغلق ..
فلك الشكر كما ينبغي لانسانة بروعتك
عمر علي حسن
01-26-2013, 05:44 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
رت من حولى فإذا البيت يضجّ بالزحام ، تلفزيون يعلوه الغبار ، كتب مبعثرة و كأنّها انتهزت لحظات انشغالى فغادرت مكانها كعصافير ترك صاحبها القفص مواربًا حين سَمِع جرس الهاتِف فحملَه الشوق إذ تذكّر أنّه على موعِد مع حبيبة غابَت فى الزِحام ، زجاجات الماء الفارغة تغريني بحب الحياة فما زال الصيف مقيمًا ها هنا ، صيفًا مضيئًا يفتح الأبواب لزيارة المتاحِف و المكتبات لا صيف يحرِّض على الشّجار و رَش الأرض و صبّ الماء على الرءوس و أغصان الشجَر استجداءً للحظة انتعاش تنهزم امام أوّل دَفقَة شعاع يَطِل من خلف الذّاكِرَة .
شكرًا أستاذة منى خوجلى فحروفك المضيئة جمعتنا حولك كما الفراشات فها هو رحيق قلمِك يضخ فى شراييننا الحياة و يدفع بنا لنتوضأ من هذا الألق الدّافِق كشلّال يروى الصخور قبل الحقول . _________________________________________
مرحب بيك يا وليد.. سعيدة بزيارتك وأرجو أن تتكرر فيصير المكان أجمل.. شكرا علي كلماتك الجميلة فالحقل الذي تراه ما هو الا نتاج للمشاركة بيننا جميعا.. نكتب مع بعضنا بتلفائية عن ذكرياتنا آمالنا ..عن ما يسعدنا وما يشقينا.. ولا ننسي العالم من حولنا فنناقش الاوضاع معا..هموم الوطن ..غربتنا وأحلام تسكننا ولا تغادرنا الا بعد أن تقتلنا شوقا وتمني....
خليك معانا..مع التحايا..
01-27-2013, 06:29 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: عجييييييييييييييييييييييييييييييييب ياقباني .. كده ابيت في السنده
بمناسبة البيتان في السنده.. كنت أثناء عملي بشرق السودان وأكثر بقرورة أسافر بالعربة لها عن طريق أسمرا.. تبدأ رحلتنا في السادسة صباحا لا نتوقف خلالها في الطريق كثيرا..قبل الوصول لقرورة بمسافة ساعتين أو أقل كنا نتوقف في أحد أسواق القري الأريترية علي الطريق..فالطريق خطر جدا والنهار وجده الافضل في السفر خاصة مع قضايا الألغام المزروعة في الأرض.. ذلك السوق عبارة عن أكشاك قديمة صغيرة تبيع العشاء ووقهوة الجبنه في داخله أو أمامه..وكل ذلك علي ضوء فانوس ضعيف بينما يضع بعض الباعة من النساء أو الرجال عناقريب بجانب أكشاكهم أو دكاكينهم..
تلك المنطقة لا تنام علي الإطلاق وكان ذلك في صالحنا..فبسبب التعب من السفر لمدة 12 ساعة كنت بمجرد وصولي أجلس للعشاء والذي غالبا يكون من بعض الفول أو الأ######## بواقي زوادة الرحلة..إذ أنني لا آكل لحم التيس الذي لا نادرا ما يأكلون لحما غيره.. ثم بعد العشاء نجلس لشراب الجبنه والإستمتاع ببخورهاونحن نتبادل الونسة والاغاني تأتينا من مختلف أجهزة الراديو من كل الجهات.. كنت أحيانا أنام داخل العربة يحرسني الحارس من الخارج..وأحيانا لا ارضي الا بالسماء والنجوم فوق رأسي.. وبرضه الحراسة من حولي.. أصبحت تلك "السندة" هي واحدة من اشواقي في السفر لقرورة..حين السفر لها وحين الخروج منها.. وصارت إحدي البائعات الشابات والتي تعمل لإعالة والدها الذي فقد ساقه في الحرب وإخواتها الصغار في المنزل.. صارت هي وجهتي حين اصل هناك..
سلام لقرورة وهمشكوريب
01-27-2013, 06:46 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
سمعت الاثنين من مكتبة الراحل علي المك في زمن روح .... كان يرحمه الله يملك ما يقارب المائه وخمسين اغنيه وطقطوقه للست .. وكان لا يسمح باكثر من السمع بدون اخذ الماده خارج المكتية ..
لا ادري .. سمعت ان معظم مقتنياته الموسيقيه نقلت للاذاعة .. ان كان ذلك قد حدث فلا شك انهم قتلوها لاننا لم نسمع شيئا منها او برنامجا عنها .. والله اعلم ربما كان الطرش من عندنا ..
ومع ذلك اوصيك بالمحافظة علي هذه الدرر وعدم اطلاقها في الاسافير فيضيع اثرها ولا يعرف من بيده نسخة منها .. وعاملها كالخيل الاصيلة بعدم بيعها او اهدائها الا لمن يستحق .. مع تسجيل كل من بيده نسخة ..
لك التقدير .. ومن هنا وغادي ابقي علي المشهور بس
عمر علي حسن
01-28-2013, 02:09 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
لحظة من فضلِك منى خوجلي عارفك ما حا تفهمي شئ من معانيها لكن أغاني الأحباش نحسها بوجداننا وتنداح لها المشاعر طربا والموسيقى لغة تفاهم وتقارب المهم يا ستي على وزن في زول هناك ... قولة سلااام تبقالّو روح
سبب أعجابي بها برضو وجداني في الصيف القبل المضى كان أحمد وأمه في دبي ومشينا حفل الجالية الأثيوبية وأحيى الحفل هذا الفنان ذو الصوت الشجي الجميل طاطليسس ( دي بالتركي ماتقولي بتفشخر وتعني ذو الصوت الجميل ومنها جاء اسم الفنان التركي الكبير إبراهيم طاطلسس ) المهم يا ستي مشينا الحفل ولاحظت أن احمد أبني متفاعل مع الموسيقى ومع ان امه لم تحركها الموسيقة الاثيوبية .. وعندما غنى الفنان هذه الأغنية إنسل من بيننا ولقيتو جنب المسرح يرقص مع الاثيوبيات وهنَّ تحوطنه معجبات والأغرب في الأمر كان وقع تمايله في الرقصة مواكب بنفس الطريقة الأثيوبية التي لحظها من رقيص الاثيوبيات وشويتين أشوف ليك زولك فوق في المسرح مع الفنان وفرقته ونال أعجابهم الخواجة البرقص حبشي دا المهم يا ستي من يومها ما برتاح لو ما سمعت هذه الأغنية كل يوم فلحظة شاركيني أنت وزوارك الكرام أعجبابي لعجب ولدي الحبيب السماع لاغنية في زول هناك قولة سلام تبقالّو روح اسم الفنان ميكيس ( Mikiyas ) تحياتي ومودتي
Quote: مني الريس ده دبنتيهو بعد ( أغار من نسمة الجنوب ) دى و لا لسة ؟
شكلها اصابته في مقتل !!!
الحقونا .... سمعت قبل لحظات في الاذاعة وردي يغني اوعك يا حبيبي اوعك تاني تزعل .. بردت اطرافي وتوقفت انفاسي وكدت اسقط من طولي .. هذا شيء فوق احتمال البشر .. صوت الراحل الاتي من بوابات الجنه وعلي جانبيه شهادة بانه اجمل اصوات البشر منذ ادم .. لحن يتقطر عذوبة وتناسقا مع كلمات الاغنية المليئة بالامل .. عود يترقرق وقع دقاته كماء النقاع رقيقا وعذبا .. وكلمات بمذاق المشاعر الجياشة تزحم الحس بامل انساني يغشي كل نفس ..
وردي .......... يظل عندي فوق كل الفن السوداني وعلي قمة الغناء الافريقي .. الان هو وام كلثوم .. شراكة .. فوق كل الغناء العربي ..
قبل ان تتشاجروا معي .. امسكت عن تنصيبه علي قمة العالم ......
انا باحث عن المشاكل .. وعلي من يريد المشكل ان يتصدي لي هنا وفي بوست الساعة 12 ..
ولا يقول لي احدكم لا علاقة لهذا بالبوست .. لا .. له .. فقد اعادني وردي الي نفسي يوم سمعت هذه الاغنية وانا عريس وهو فنان ناشيء ... وصدقوني فقد وجدت اني نفس الانا .... تماما تماما ..
عمر علي حسن
01-29-2013, 07:15 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: المهم يا ستي مشينا الحفل ولاحظت أن احمد أبني متفاعل مع الموسيقى ومع ان امه لم تحركها الموسيقة الاثيوبية .. وعندما غنى الفنان هذه الأغنية إنسل من بيننا ولقيتو جنب المسرح يرقص مع الاثيوبيات وهنَّ تحوطنه معجبات والأغرب في الأمر كان وقع تمايله في الرقصة مواكب بنفس الطريقة الأثيوبية التي لحظها من رقيص الاثيوبيات وشويتين أشوف ليك زولك فوق في المسرح مع الفنان وفرقته ونال أعجابهم الخواجة البرقص حبشي دا
يا خلودي انا متابع الفديو الرائع النزلتو دا فاكر حمادة برقص فيهو
ياخ اوع يكون فات عليكم ما صورتوهو
اصلو جاي زى ابوهو بتاع حت وجكس
01-29-2013, 08:15 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: لحظة من فضلِك منى خوجلي عارفك ما حا تفهمي شئ من معانيها لكن أغاني الأحباش نحسها بوجداننا وتنداح لها المشاعر طربا والموسيقى لغة تفاهم وتقارب المهم يا ستي على وزن في زول هناك ... قولة سلااام تبقالّو روح
سبب أعجابي بها برضو وجداني في الصيف القبل المضى كان أحمد وأمه في دبي ومشينا حفل الجالية الأثيوبية وأحيى الحفل هذا الفنان ذو الصوت الشجي الجميل طاطليسس ( دي بالتركي ماتقولي بتفشخر وتعني ذو الصوت الجميل ومنها جاء اسم الفنان التركي الكبير إبراهيم طاطلسس ) المهم يا ستي مشينا الحفل ولاحظت أن احمد أبني متفاعل مع الموسيقى ومع ان امه لم تحركها الموسيقة الاثيوبية .. وعندما غنى الفنان هذه الأغنية إنسل من بيننا ولقيتو جنب المسرح يرقص مع الاثيوبيات وهنَّ تحوطنه معجبات والأغرب في الأمر كان وقع تمايله في الرقصة مواكب بنفس الطريقة الأثيوبية التي لحظها من رقيص الاثيوبيات وشويتين أشوف ليك زولك فوق في المسرح مع الفنان وفرقته ونال أعجابهم الخواجة البرقص حبشي دا المهم يا ستي من يومها ما برتاح لو ما سمعت هذه الأغنية كل يوم فلحظة شاركيني أنت وزوارك الكرام أعجبابي لعجب ولدي الحبيب السماع لاغنية في زول هناك قولة سلام تبقالّو روح اسم الفنان ميكيس ( Mikiyas )
ماشاء الله يا خالد.. ولدك بيكون طالع ليك بيحب الغنا السمح والمغنيين الأسمح..
......... ......... حقيقي الموسيقي الحلوة والصوت والأداء الجميل مرات كتيرة بيغني عن فهم الكلام.. الموسيقي ذاتها بتكون كلام..ولا شنو؟؟ نادر ما أسمع غناء أثيوبي ما يكون مصاحب ليه رقص.. الشعوب الإفريقية كلها ومن ضمنها السودان الرقص عندها يكاد يكون أقوي أنواع التعبير الفني .. وعند الإثيوبيين في شرق إفريقيا يكون الأقوي..
ماتغيب..
01-29-2013, 11:50 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: نريده انسانا منا ومثلنا .. تفوق علينا بالابدع .. فشدنا اليه (هو) كمصدر للمتعة الفكرية او الحسيه .. لا مجال لترسيمه نبيا او رسولا ولا حتي في اطار الوصف المجازي ولا حتي في التشبيه فذاك يخرج به الي دوائر لا يملك ولا يستطيع ولا يقدر ان ينافس فيها .. مثلا لو قدر له ان يكون رسولا (مثلا) لآمن به بعض وكفر به بعض ... ولكن ان يكون فنانا فيشجي الكل
رحم لله الفنان الكبير وردي..
قطعا كل الوطن إتفق علي أنه الفنان الأكبر.. رأيت معرفة وحب الناس له في بعض دول شرق إفريقيا..وشاهدتهم بالألاف الكبيرة يحضرون حفلاته في إثيوبيا.. ثم سمعت محمد منير النوبي المصري يتغني بوسط الدائرة في برنامج عربي في لندن دون أن يذكر ن وردي هو صاحبها وضايقنا ذلك كثيرا خاصة أن محمد منير فاز بجائزة عليها..علي كل حال تم لقاء بين الاستاذ وردي والاستاذ محمد منير بخصوص هذا فهمنا بعدها أن وردي راضي بأداء محمد منير لها وأعتقد بفوز الأغنية بالجائزة..
الا أنني لا أعتقد أن وردي كان معروفا في باقي أنحاء إفريقيا كما كان في شرق إفريقيا.. وفي كل الأحوال يا سعادة اللواء يبقي وردي هو الفنان الأكتر إنتشارا وسط من يسمعون الغناء السوداني بإفريقيا او اي مكان آخر بالعالم...
رحمه الله وخلده في جناته كما خلد هو أغنياته في دنيانا..
.......... ..........
01-31-2013, 02:25 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ومن أخبار الوطن المصغر قيام ثورة كبيرة قادها البرالمة.. ولقد تم تسمية الثورة بوسطة البعض منهم بأنها ثورة "التجديد" واالأصل في في قيام تلك الثورة هو قيام كل من دينا خالد وحسين ملاسي بفتح بوستات بدت وكأنها إعتراض علي وجود عدد كبير مقبول من عضوية سميت "بالبرالمة." . تلك الثورة طهرت بشكل منظم وكأنه هناك سابق معرفة بين البرالمة وإتفاق منظم علي "الخلع من الجذور" لفكرة القديم والجديد بالمنبر وكذلك أخذ الحقوق حسب المجهود والإستحقاق..
الثوار الجدد بينهم عدد كبير من العالمين بكثير من بواطن الأمور المنبرية.. ويبدو أنهم كانوا "وهذه حسب ماجاء في كلمات بعضهم"انهم علي متابعة غير متقطعة للمنبر وقراءة ما يكتبه الأعضاء..
تشكل الثورة موضوعا هاما في المنبر..إذا إنه بجانب إحتلالها للبوستات المذكورة والتعبير الغير متوقف عن الإمتعاض.. فإنها ايضا تثير سؤالا هاما عن مفهوم المركز وما يترتب عليه ومفهوم من هم خارج المركز وكيف النظر لهم.. فبينما كلمة "إنكبا "علي الخرطوم كل أهل السودان..تشرح معاناة البعض من الإذدحام داخل مدينته بكل مافي الإذدحام من معاني آتيه معه.. فإن أحد الردود عليه جاءت بنفس المستوي أو اقشي من الجملة..فالرد كان بوجوب الرجوع إذا الي تركيا وأخذ من يشبه حسين في لونه "بالأسماء" من القائمين علي الحكم في السودان بالذهاب معه!
........... ..........
نتابع أخبار الثورة
الثورة إنطلقت شعارات ترددها...
01-31-2013, 05:22 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: كمان يامني ما ضبحتو لي حسع ؟ طيب لحقونا حفلة ياسين
أما حفلة ياسين فقد خرجت منها بقرارات عظيمة ستغير قطعا في مجري حياتي.. لو عاوزين تعرفوها تلقوها بعدين في بوست الحبوبة.. وحيث أن حفلات عيد الميلاد تشهد الضبح من النوع الآخر.. مثل صبح الجيوب بهدايا عيد الميلاد ثم "ضبح" الكيكة.. فأرجوأن تتقبل ضبيحتنا في عيد ميلاد يوسف في عشرين فبراير إن شاء الله..
02-06-2013, 02:30 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: تحياتي الاستاذة الفاضلة منى خوجلي إستغربت وانا بفتش من وين بجيبوا ناس سعادة اللواء والاستاذ الطيب والاستاذ عبيد اقتباسات في بوست and#1633;and#1634;/and#1633;and#1634; وهي اصلا ما موجودة في نفس البوست وانا رأسي لافي افتش بين صفحات الموضوع داك عن المصدر ،اتآري هنا ايضا يوجد زخم للحظات الجميلة ايضا. "إذن" متعة مابعدها متعة مابين and#1633;and#1634; ولحظة من فضلك. فشكرا لكم رد · أعجبني· 29 يناير، الساعة 12:26 مساءً
مرحب بأخونا علي حامد من الفيس بوك.. أعتذر في تأخري..لم أر رسالتك الا اليوم!
شرفتني الباقة الجميلة من الزملاء في بوست سعادة اللواء بالمشاركة هنا.. وأنت الآن تشرفنا بحضور لحظاتنا معا..
........... ...........
مرحب بك كثيرا وأرجو المواصلة في التواجد..
02-06-2013, 03:24 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
كثيرا ما الوم ذاكرتي علي لؤمها معي.. فهي تقرر لي ما يجب أن أتذكر في الوقت الخطأ ولا تساعدني علي أن أتذكر عندما أحتاج!
لذلك تجدوني في غاية الإعجاب من ذاكرة البعض وطول بالهم في تذكر اشياء حدثت قبل 1400 عام.. فيناقشوها اليوم كأنها حدثت في العام الماضي.. إعجابي ناتج ليس من قوة الذاكرة فقط..بل أيضا من تلك القدره والإصرار في إحضار مراجع.. علي الرغم ممن أن هذه المراجع أصبح أغلبها في موقع يتحمل التأكيد أو النفي بصحتها الا أن هذا لا يقدح في كم المجهود المبذول.. والحقيقة أنه بالرغم من إعجابي والذي توصفه أختي مديحة أحيانا بأنني ساذجة فيه..قد تغير بعض منه من إعجاب الي تساؤل مالذي يحدث هنا؟؟
النقاشات أصبحت تتحول سريعا الي شجارات حتي وهي تستعيض بالنفس الهادي بدلا عن الشتائم والصراخ -والاخيرة هذه محمدة- فظهرت صراعات منبرية واضحة بين السنة وبين الشيعة.. بين المعتدلون في دينهم وبين المتطرفون.. بين الذين لا يفرقون بين الدين وغيره.. ثم تلك الفئة التي لا تفرق بين جوهر الدين وعدل الله ورحمته..وبين المفسرين له.. وتحيرنا في سذاجة كثير من المعروضات من الفيديوهات كما تحيرت اختي في سذاجة إعجابي..
و.......... ..........
نرجع..
02-06-2013, 04:20 PM
عبد الله فقير عبد الله فقير
تاريخ التسجيل: 01-31-2013
مجموع المشاركات: 453
غايتو البوست دة مفروض يكون اجبارى لنيل العضوية صورة الجواز الاقامة بوست لحظة من فضلك قريتو ؟ شكرا منى شكرا لكل ضيوفك
___________________
وشكرا ليك يا فقيري علي زيارتك للحظة من فضلك.. وعلي كلماتك اللطيفة.. لحظة من فضلك هو بوست كل من يريد التواجد فيه ليشاركنا الكتابة عن اي موقف أو خاطرة تجول بالخاطر او جالت به..
سعيدة بزيارتك وتواجدك بإذن الله..
02-06-2013, 09:01 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وصلت للمستشفي ذلك الصباح لمقابلة الطبيب المختص..لم أعرف في البداية كيف أصل للقسم الخاص به.. وصفت لي موظفة الإستقبال في الطابق الأرضي محل قسم الطبيب والذي يقع في الطابق الأول.. وصلت وبيدي خطاب المستشفي..قدمته لموظفة الإستقبال الموجودة في نفس الطابق.. بإبتسامة جميلة وكلمات تحية رقيقة إستلمت مني الخطاب ..قرأت مافيه وأرجعته لي بنفس الإبتسامة الحلوة قائلة.. لقد سجلت وصولك في الكومبيوتر.. ثم طلبت مني أن أجلس في الكافتيريا ذات المقاعد الوثيرة وأن أراقب إسمي عندما يظهر في إحدي الشاشات العريضة علي الحائط برقم البوابة التي يجب أن أدخل منها للطبيب المختص.. جلست في الكافتيريا الأنيقة الهادئة..بعد دقائق جاء إسمي والطلب بأن أتوجه الي البوابة رقم 3.. وصلت الي موظفة إستقبال أخري..طلبت مني التفضل بالجلوس بعد أن أخبرتها بإسمي..
بعد اقل من دقيقتين..اتي الطبيب ليعرفني بنفسه ويطلب مني في أدب بأن أتبعه الي عيادته!
.......... .......... أصبحت كثير من المستشفيات في لندن مثلها مثل المطارات..فكماأن كثير منا يسجل وصوله لكاونتر الطيران حتي يستفيد الجميع من الوقت وحتي يخف الزحام عند الكاونتر..يحدث المثل في المستشفي.. يسجل المريض رقمه المخصص والموجود في الخطاب..إسمه..عنوانه وتاريخ ميلاده ثم يجلس إنتظارا لدوره..
إلا أن الشاشات والبوابات للمرور خلالها للمكان المطلوب رأيته أول مره في تلك المرة..شعرت أثناء دخولي قاعة الإنتظار بأني في طريقي للسفر من أحد المطارات الدولية!
ثم دون إارادة مني..عقدت بيني وبين نفسي مقارنة خاسرة وغير عادلة.. إذ قارنت بين المستشفيات في السودان وعلي الأخص الخرطوم وبين مشتشفيات لندن وخاصة تلك التي كنت بها!
وعدم العدل هناناتج من الفرق الشاسع بين الإثنين!
هل تودون معرفته؟؟
......... .........
نرجع..
02-07-2013, 03:31 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
كان الطبيب قد طلب مني عمل اسكان ..سلمني ورقتين..إحداهما لموظفة الإستقبال..والأخري لقسم الأشعة.. وقفت أمام موظفة الإستقبال أنتظرها تنهي مكالمتها التلفونية..وقررت أن أقضي الوقت بالنظر الي المنتطرين في القاعة فالنظر الي الآخرين في مثل هذه الأوقات يبدو ممتعة!
جائني صوتها متسائلا برقة..
كيف يمكنني مساعدتك؟ مددت لها الورقة الخاصة بها كما أخبرني الطبيب وأنا اشكرها.. ثم سألتها كيف يمكنني أن اصل الي مكان الاشعة..
وكانت إرشاداتها لي بأن اصل الي الجانب الآخر من الطابق الاول أولا ساجد عنوانا كبيرا مكتوبا.. وعند الدخول من مدخله يجب أن أنظر للسقف حيث توجد بالونات صغيرة صفراء.. طلبت مني أن أتابعها هي فقط..وعند إنتهائها اكون قد وصلت الي المحل المطلوب! المتعة كانت كبيرة بالنسبة لي..خاصة ان هناك لون أحمر لنفس حجم البالونات..كما كانت هناك تقاطعات عديدة.. بد الأمر لي كأنه مسابقة!
عند الوصول للمكان المحدد ناولت الموظفة الخطاب ..نظرت له سريعا ووعدت بإرسال خطاب علي عنواني بمواعيد الأشعة خرجت من المستشفي وانا سعيدة بإنجازات اليوم الصحية وحزينة لعدم إحضار ياسين ويوسف معي للتمتع بمتابعة البالونات الصفراء والأخري الحمراء علي سقف المستشفي!
......... .........
02-08-2013, 11:45 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: كنت عايز اقول ايك .. ماخفتي ؟؟ .. لكن فهمت ..
خفت البسيطة دي؟؟ والخوف مش نابع بس من كوني وحيدة في "فضاء" ليس كفضاء العلماء الذين يسافرون علي سفن فضائية.. إنما هو فضاء يعيش فقط علي الكلمة.. خفت لأني شايفة الناس بوستاتها بتترفع ومافي زول مسجل حضور.. واحد في الإتنين..يا إما العفريت الفضائي بيرفعها..يا إما هم بيكتبوا بره ويسجلوا ويرسلوا في دقيقة يطلعوا بعدها مباشرة.. تفتكر بيعملوا كده ليه؟؟ في كل الحالات بركة بجيتك!
........ ........
هذا ومن ناحيةأخري يعيش حزب المحافظين أصعب ايامه...فقد تبني رئيسه دافيد كاميرون وهو رئيس الوزراء حملة تؤيد زواج المثليين. انقسم الحزب في هذا الشأن كما إنقسم البرلمان فبعضهم يراه حقا إنسانيا وقضية لا يجب خسرانها في تاريخ الحزب بينما بعضهم الآخر يراه أمرا ضد المؤسسة الطبيعية التي تقوم علي العلاقةالرجل والمرأة وإنجاب الأطفال وتمو المجتمع...بالطبع المثليون لا يستطيعون الإنجاب وهذا يقضي علي المجتمع!
Quote: .بالطبع المثليون لا يستطيعون الإنجاب وهذا يقضي علي المجتمع!
طيب الحكايه دي ما ممكن يلقوا ليها حل هنا والله هنا ؟ ويخلوهم يجيبوا لينا وليدات حلوين كده ..
تتصوري يامني .. قبل خمسين سنه او اقل القانون الانجليزي الاسمه Road Act كان الاعتراض عليه انه القانون العام (مترهل) بالفضيلة وفيه ما يكفي للمحافظه علي الاخلاق وقيم المجتمع في المسائل الجنسية .. وكان القانون الانجليزي به فصل كامل لجرائم الشذوذ والتشدد في عقاب المجاهرة بها .. وتسمي ال Unnatural offences .. ماذا حدث للعالم الغربي حتي اباحت الكنيسة دخول الشواذ الي الوظائف الكنسية .. ثم مضي المجتمع للاعتراف بالشذوذ بهذه الصراحة ... هل اصبح المثليون قوة انتخابية بهذا التاثير ..
هل نتوقع شيئا من هذا في بلادنا .. من جملة التطور والتقدم والحضارة ؟ معليش .. يلرب أغفر لنا ..
طيب الحكايه دي ما ممكن يلقوا ليها حل هنا والله هنا ؟ ويخلوهم يجيبوا لينا وليدات حلوين كده ..
تتصوري يامني .. قبل خمسين سنه او اقل القانون الانجليزي الاسمه Road Act كان الاعتراض عليه انه القانون العام (مترهل) بالفضيلة وفيه ما يكفي للمحافظه علي الاخلاق وقيم المجتمع في المسائل الجنسية .. وكان القانون الانجليزي به فصل كامل لجرائم الشذوذ والتشدد في عقاب المجاهرة بها .. وتسمي ال Unnatural offences .. ماذا حدث للعالم الغربي حتي اباحت الكنيسة دخول الشواذ الي الوظائف الكنسية .. ثم مضي المجتمع للاعتراف بالشذوذ بهذه الصراحة ... هل اصبح المثليون قوة انتخابية بهذا التاثير ..
هل نتوقع شيئا من هذا في بلادنا .. من جملة التطور والتقدم والحضارة ؟ معليش .. يلرب أغفر لنا ..
قطعا -وهذا في رأيي الخاص- أن القوة الإنتخابية هي الدافع الأول لهذا الإتجاه.. تزايد العدد من المثليين في المجتمع لم يعد له رد فعل كما كان سابقا..فالإعتراض عليه وسط مجموعات واسعة ومءترة لم يعد قويا..خاصة أن جرائد ومجلات البلد تأتينا كل يوم بإعتراف احدي الشخصيات الهامة او المشهورة بإعترافات عن الميل للمثلية منهم.. كما أن البرامج التلفزيونية مفتوحة علي مناقشة هذه الإمور دون حساسية قبل ايام شاهدت برنامج عن شخصية رياضية في الروكبي إعترف بعد طول "معاناة" أنه مثلي..وأن ذلك كان سبب طلاقه من زوجته التي أحبها..ثم أضاف أن سره الذي كتمه لسنين طويلة بعد أن عرف بمثليته قد أتعبه الحفاظ عليه خاصا بين زملائه الرياضيين..فكان الإعتراف الأول لزوجته..وفي نفس الوقت لمدرب فريقه وبعض من زملائه حتي صار الموضوع معروفا.. عقبته كانت مع والده ووالدته وهم في السبعينات تقريبا من عمرهم..إلا أن الأمر إنتهي بتفهم منهم للوضع والقبول به كما هو! وفي مسلسل إيست إندرس اليومي والذي يتعامل مع كل القضايا الإجتماعية التي يمر بها المجتمع..تزوج أحد الشبان الإنجليز بمحبوبه الهندي المسلم وسط مباركة الاسرة والإحتفال بالزواج. والحساسية والجرأة في الطرح هنا كانت عادية حتي وهي صادمة في عقيدة المحبوب..فعلي الأغلب وعلي الرغم من وجود المثلية بين المسلمين الا أنهم لا يستطيعون المجاهرة بها أو حتي الإعتراف بها في نطاق الأسرة..
أما بالنسبة للأطفال كنواة للأسرة والمجتمع..فإن البعض منهم قد تبني بالفعل أطفالا..رأيتها بين مثليين ذكورا ومثليات نساء.. والبعض الإخر فضل الإكتفاء ب ك ل ب أوقطة تضفي علي حياتهم بعض البهجة وتشعرهم بإنسانيتهم!
Quote: أما بالنسبة للأطفال كنواة للأسرة والمجتمع..فإن البعض منهم قد تبني بالفعل أطفالا..رأيتها بين مثليين ذكورا ومثليات نساء..
الان ادركت اكثر لماذا يقول ربنا ادعوهم لآبائهم ... ولا يقر الاسلام التبني ..
طيب والزوجه (الراجل) لابسه شنو .. وبتقعد مع الحريم والله الرجال .. والله كلو سايح علي كلو .. وبخطبوها من ابوها والله الزواج عندهم ما فيهو ولي .. ولو اختلفوا يجيبو ليهم حكما من اهله وحكما من اهله ..
المسأله دي يامني في نظري انهيار للمجتمع كله .. وخياسه ..
كلمينا عن القوانين التي تضبط هذه المسائل .. وعن اعضاء الهيئات التشريعية من برلمانات ومجالس لوردات وكيف تجاز فيها .. بالاغلبية العلنية ام بالسكوت الاجماعي ..
قد احدثك يوما عن ازواج شواذ من جنسين مختلفين وحالات وقفت عندها في العمل والدراسة
الهي يقرفكم .. شعوب بايظه
عمر علي حسن
02-08-2013, 10:27 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الناس كلها في عرس بدر الدين الامير ونجمة عشان كدي انا ما شايفك قدر ما فتشتك ما لقيتك حتى السباتة القاعدين فيها الصغار فتشتها قلت بتكون قاعدة مع الحفيدة برضو مافي الحكاية شنو ما عزموك
02-09-2013, 06:58 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: الناس كلها في عرس بدر الدين الامير ونجمة عشان كدي انا ما شايفك قدر ما فتشتك ما لقيتك حتى السباتة القاعدين فيها الصغار فتشتها قلت بتكون قاعدة مع الحفيدة برضو مافي الحكاية شنو ما عزموك
عارف يا خالد المنبر ده جنو مفاجآت.. بس الحمدلله المفاجأة حلوة وربنا يسعد البدر بالنجمة.. وبعدين ياخ لينا مدة في الأخبار الحزينة شوية كده الناس تفرح.. والفرح في سودانيزاونلاين ليه شكل تلقائي جميل غير مكلف.. يعني المعازيم بيقدموا وما بيستهلكوا لا عشاء لا فنانين لا مظاهر.. بالكتير كده بوكيه ورد..
ولا شنو يا خالد؟؟
........ ........
02-09-2013, 11:57 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: الان ادركت اكثر لماذا يقول ربنا ادعوهم لآبائهم ... ولا يقر الاسلام التبني ..
طيب والزوجه (الراجل) لابسه شنو .. وبتقعد مع الحريم والله الرجال .. والله كلو سايح علي كلو .. وبخطبوها من ابوها والله الزواج عندهم ما فيهو ولي .. ولو اختلفوا يجيبو ليهم حكما من اهله وحكما من اهله ..
المسأله دي يامني في نظري انهيار للمجتمع كله .. وخياسه ..
كلمينا عن القوانين التي تضبط هذه المسائل .. وعن اعضاء الهيئات التشريعية من برلمانات ومجالس لوردات وكيف تجاز فيها .. بالاغلبية العلنية ام بالسكوت الاجماعي ..
قد احدثك يوما عن ازواج شواذ من جنسين مختلفين وحالات وقفت عندها في العمل والدراسة
الهي يقرفكم .. شعوب بايظه
بالطبع النسب مهم جدا في الإسلام كنظام إجتماعي أخلاقي وإقتصادي..علي كل حال تجاوز عدد كبير في العالم الأديان..بعضهم تمسك بالقواعد الأخلاقية وبعضهم نظر لها من زوايا تختلف عن الجميع.. كما ذكرت الدين يطالبنا عند التبني بأن ندعو الطفل بإسم أباه حتي لا يختلط النسب وتعرف حقوق الميراث أيضا.. بالنسبة لقضية التبني هنا لا توجد نسب متوفرة عن نسبة المتبنون في الأسر المختلفة..ففي نفس الوقت الذي يظن بعض من سبق تبنيهم أنهم مع أسرهم البيولوجية..يعلم البعض الآخر بأنه قد تم تبنيهم منذ طفولتهم الأولي ولا يشعرون أبدا بغضب وأن طان طبعا يسودهم بعض الحزن لعدم معرفتهم لاسرهم الحقيقية.. قضية التبني في حد ذاتها هي فعل إنساني لأنها توفر اسرة لمن لمن ليس له اسرة ..وكثير من رجال ونساء في نهاية اعمارهم يعترفون بأنه لم يعرفوا علي الإطلاق اسرهم الحقيقية وأن ذلك يعتبر حلقة ناقصة في حياتهم..فالإنجاب خارج نطاق الأسرة كمؤسسة إجتماعية لا يعترف بغيرها كان عارا في ذلك الوقت كما هو عار عندنا الآن في مجتمعاتنا..فلم يكن في إمكان المرأة أن تعترف بحملها دون زواج..فكان علي العديد منهم ترك أطفالهم سرا في دار الرعاية وعدم زيارتهم علي الإطلاق بعد ذلك وبدأ حياة جديدة قائمة علي الزواج! الا أن الومن تغير كثيرا..تعودنا في برامج صباحية مثل برنامج تريشا وكيلروي وغيرهم أن نفهم طبيعة المشاكل والقضايا الإجتماعية خاصة في الطبقات الأكثر فقرا وأقل علما وإن شئت طبقات واسعة سواء في بريطانيا أو أمريكا مع وجود درجات من الإختلاف بين المجتمعات في كل منهما وبالتالي شكل المشاكل ودرجته فاولا قضية الزواج ليست هي الاساس دائما..فالزواج قرار قد يصلون له بعد العيشة سويا لسنوات طويلة وقد لا يصلون له علي الإطلاق..وكثيرا ما رأيناهم يتزوجون بعد إنجاب عدد من الأطفال.. ا.. معظم تلك البرامج تتناول قضية النسب عن طريق معالجات أخري.. فهذا زوج او بوي فريند يشك بأن إبنه ليس إبنه..لأن شريكته أقامت علاقة أو أكثر مع رجال آخرين أثناء فترة خصام بينهما أو اثناء فترة غياب وعي بعد سهرة في أحد البارات أو غيرها..علي كل حال معظم هذه الاشياء تجدهامن شباب في العشرينات من عمرهم..
القضية هنا يتم حسمهاأمام الملأ بتحليل ال دي إن إيه..فإن كان الطفل إبنه فإنه وشريكته يكونا في غاية الفرح..تصبح قضية العلاقة التعددية في الدرجة التانية من الأهمية تنتهي بالتأنيب من مقدم البرنامج بنصائح حادة عن الخيانة وسوءها علي كل حال القضية في الأوساط المتعلمة والطبقات المتوسطة والعليا لها مقاييس تختلف كثيرا..مازالت الاسر المحافظة موجودة ومازالت هناك تقاليد نبيلة موجودة يتمسكون بها ومن ضمنها قضية العلاقات والزواج والإنجاب.. الحديث في هذا الامر طويل وكثير! ........... ...........
ارجو أن تحدثنا عن الحالات التي مرت عليك أثناء العمل والدراسه..
Quote: علي كل حال تجاوز عدد كبير في العالم الأديان.
هذه حقيقة .. ولكنها لاتبرر عندي حالة الفوضي الجنسية التي تسود العالم بما في ذلك بعض مجتمعاته المتدينه .. وقد عشت كثيرا مما رويت في مداخلتك اثناء تواجدي في مجتمعات غربية او غير اسلامية .. ولم اجد انها توصلت بالمنطق او الحاجة الي الي ما أصبح الان في عداد النظم الاجتماعية (المقبولة)) .. فقد استقر يقيني علي ان مؤسسة الزواج وحدها ولا شيء غيرها هي الوعاء السليم والطبيعي للعلاقة الجنسية .. وان العلاقة الجنسية لا تكون الا بين رجل وامرأه .. بل وذهبت لقناعات ابعد منها ان هذه العلاقة لايجب ان تقع الا كفعل حب حتي ولو لم تكن في اطار مؤسسة الزواج .
هذا يعني ان نظرتي للمجتمعات التي عشت في كنفها خارج السودان ظلت محكومة بهذا المبدأ .. وظل لذلك اقبالي علي انشاء علاقة باسرة لا يربطها زواج هو اقبال ضعيف .. قد لا يتعدي الشارع وعتبات الابواب .. مع انني انسان شديد المرونه في اقبالي علي الحياة .. وقد تأثرت بهذا المبدأ وانا اتعامل مع مجتمعات الدعارة سواء اثناء دراستي او خلال التطبيق العملي لمقتضيات وظيفتي فيما يخص ظواهر الدعارة العلنية والسرية ..
وللفائدة فانني ساحدثك بالصراحة الكاملة عن اولي تجاربي الجنسية لغرابتها ولعلاقتها بما اعتقد .. فقد علم استاذي وانا ادرس ابجديات البحث في موضوع الدعارة انني لا املك تجارب جنسية (يعني مش مدردح) كما كانوا يقولون عن مثلي من الفتيان .. وقرر ان حالتي يجب ان تعرض علي كونسلتو نفسي .. فقد لا اكون صالحا لهذه الدراسة .. ولم يجدوا فيّ عيبا سوي انني ارفض العلاقة خارج اطار الزواج وانني سليم بدنيا .. ويبدو انهم بحثوا بين من هم مثلي في السن والظروف الاجتماعية فلم يعثروا الا علي حالات نادرة مثل حالتي .. ثم بحثوا وبحضوري اكسابي قدرا من (الدردحه) يمكنني من السير بأمان في منهج البحث .. واستبعدوا امر تشجيعي علي الدخول في علاقة صداقة مع فتاة تجرني الي الفراش تلقائيا .. فذلك سيدعم (نقطة الضعف) الموجوده .. واختاروا ان ادخل (السوق) مباشرة .. ويقوموا بمعالجة ما قد يحث من صدمات .. واعدوا لذلك خمسة تجارب (محروسة) .. ترعاها الشرطة منعا لاي احتكاك اجرامي قد اتعرض له او اسببه ..
التجربة الاولي كانت مع امرأة (محترفة) في منزل يستقبلنا وحدنا ويخلو بنا تماما ..
جمعتنا غرفة بها سرير واربعة مقاعد وثيرة وطاوله بها مشروبات وبعض الاكل .. كانت المرأة رقيقة وغير متبذله و(وناسه) .. قدمت لي ما وافقت علي تناوله من العصائر بعد ان فهمت مني اني لا اشرب الكحوليات .. واختارت ان تجلس بعيدا في مقابلتي ثم احيانا بقربي مباشرة ومع زوال الحواجز وتقارب آفاق الحديث وبعض التلاصق العفوي للاصابع واحتكاك الاكتاف زال عني كثير من التوتر الذي دخلت به المكان .. وكنت موجها بترك نفسي لها تماما ..
مع كل هذا لم اجد عندي اقبالا عليها رغم ان شفاهنا كادت تلتقي في احدي اللحظات .. ثم وبعد مضي الوقت سالتني ان كنت لا اجدها جذابه .. ثم ان كنت لا امانع ان القاها مرة اخري .. ولم تكن اجاباتي علي السؤالين سلبيه .. ولكنني لم انجح في الاختبار .. خاصة بعد ان علمت انها محترفة ..
كثيرون ممن عرفت وصادقت من ابناء جيلي لم يعرفوا الجنس قبل الزواج ولا خارجه .. وقليلون لهم تجارب يعتد بها .. ويقابل ذلك تماسك في بنية الاسر وانخفاض في نسبة البغايا (علنا وسرا) بما يوحي بسيطرة الفضيلة علي المجتمع ....
وكانت جرائم الاغتصاب والزنا والافعال الفاضحة والتحرش والاشارات البذيئه في حكم العدم .. وكان البغاء علنيا
ربما اعود لكم بقضايا مما كنا نواجه في مجالات العلاقات الجنسية
سامحونا علي الخروج عن المألوف
عمر علي حسن
02-09-2013, 08:25 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: هذه حقيقة .. ولكنها لاتبرر عندي حالة الفوضي الجنسية التي تسود العالم بما في ذلك بعض مجتمعاته المتدينه .. وقد عشت كثيرا مما رويت في مداخلتك اثناء تواجدي في مجتمعات غربية او غير اسلامية .. ولم اجد انها توصلت بالمنطق او الحاجة الي الي ما أصبح الان في عداد النظم الاجتماعية (المقبولة)) .. فقد استقر يقيني علي ان مؤسسة الزواج وحدها ولا شيء غيرها هي الوعاء السليم والطبيعي للعلاقة الجنسية .. وان العلاقة الجنسية لا تكون الا بين رجل وامرأه .. بل وذهبت لقناعات ابعد منها ان هذه العلاقة لايجب ان تقع الا كفعل حب حتي ولو لم تكن في اطار مؤسسة الزواج .
بالطبع إيفاع الحياة في مجتمعاتنا..الدين والثقافات المرتبطة به والتي هي ثقافات ربما كانت في أحايين كثيرة اكثر تشددا من الدين نفسه تجعل ما يحدث في الغرب في هذه القصية أمرا غير مقبولا أجتماعيا عندنا بل هو تابو.. لكن ايقاع الحياة بكل ما تحمله الثقافات في المجتماعات الغربية مقارنة بمجتمعاتنا هو إيقاع مختلف تماما من حيث القيم الروحية ودرجتهاوأهميتهافي المجتمع من ناحية والمادة التي هي لحد كبير تتحكم في المجتمعات هنا من ناحية أخري..
مؤسسة الزواج في حد ذاتها عندها مخاوفها عند كثير من الغربيون مخاوف اكبر من معني الزواج كما نراه في مجتمعاتنا الشرقية..ومخاوف قائمة علي الفرد وما يقابله حيث لا توجد اسر ممتدة تساعد علي ان يستمر الزواج بسعادة او بغيرها..حتي مفهوم السعادة عندنا لا يتعدي الرضاء بينما هو أكبر من ذلك عندهم..فهو يشمل القناعة الذاتية الكاملة بالشريك كأساس وبالطبع معها العاطفة..والقناعة ايضا كما تعلم سيدي قائمة علي الصدق المتناهي وليس علي ما نظن انه موجود..أو علي الرضاء علي شكل الاسرة كأصل للمنبت الحسن...او علي مجموعة القيم التي نسعي لها بشكل عام في مجتمعاتنا.
الأمثلة التي تم ذكر بعض منها في مداخلتي السابقة كانت أمثلة توصف حالات في المجتمعات الغربية وبالتحديد هنا في انجلترا..قبل سنوات كانت نسبة اقل ولكنها بالطبع في حالة نمو سريع.. مستوي الأمية والجهل في تلك الطبقات عالي..بالطبع حديثي ليس علميا بمعني إصطحاب نسب مئوية..لكنه قائم علي مشاهدات في الواقع وفي الإعلام المكتوب والمشاهد..العطالة المستشرية لها ايضا تأثيرها فالفقير يظل فقيرا والغني يزيد من ثروته..ومغريات السوق والعالم متزايدة علي اساس مادي.. الفقر وما يسببه من مشاكل إجتماعية وإقتصادية يقود ايضا لاستهلاك الكحول والمخدرات والغرق في علاقات مكتوب عليها الفشل قبل قيامها..
أغلب ماهو موجود في الغرب موجود في مجتمعاتنا حقيقي بنسب اقل كما أنه يحدث في الخفاء..انظر للنسب المعترف بها حكوميافقط عن عدد المصابون بمرض الإيدز في السودان..انظر لعدد الأطفال دون أسر في الملاجيء..الفرق بيننا وبينهم أنهم قادرون علي أن يأتوا في العلن ويتحدثون بصراحة عن حالهم وأخطائهم دون خوف من المجتمع ..
Quote: الفرق بيننا وبينهم أنهم قادرون علي أن يأتوا في العلن ويتحدثون بصراحة عن حالهم وأخطائهم دون خوف من المجتمع ..
.......... ..........
نرجع..
ابدعت .. ولكن يبقي الحال علي ماهو عليه عجلة التغيير عندهم ليست كالتي عندنا .. وما اشرت لحدوثه في مجتمعاتنا الجديده سيظل احد افرازات العوز الاقتصادي وحدة بينما تعرضت مجتمعاتهم لكل شيء .. الفقر والمرض والجهل والحرب .. فسكتوا علي الانحراف واسموه تطورا اجتماعيا .. وعدم خوف من المجتمع .. جرأة ..
هل نحن .. (يعني الزيي كده) .. بعيدون عن هذا .. ام بعيدون عن فهمه ؟
ثم سنشاهد كمية من الورود البيضاء علي عتبات البيوت ومع الباعة المتجولون بعد غد.. وستكون ديكورات وبرامج التلفزيون وأفلامها كلها عن الجب وتجاربه.. وسينتهي اليوم ليبدأ يوم جديد ومازالت بقايا الاشياء في مكانها شاهدا علي الأمس..
مرحبا بالحب في قلوب كل الناس..
......... .........
02-10-2013, 01:15 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: هذا يعني ان نظرتي للمجتمعات التي عشت في كنفها خارج السودان ظلت محكومة بهذا المبدأ .. وظل لذلك اقبالي علي انشاء علاقة باسرة لا يربطها زواج هو اقبال ضعيف .. قد لا يتعدي الشارع وعتبات الابواب .. مع انني انسان شديد المرونه في اقبالي علي الحياة .. وقد تأثرت بهذا المبدأ وانا اتعامل مع مجتمعات الدعارة سواء اثناء دراستي او خلال التطبيق العملي لمقتضيات وظيفتي فيما يخص ظواهر الدعارة العلنية والسرية ..
أكثر ما يعجبني عند الالمتعلمين والمثقفين وبعض من خارج فئتهم في هذا الغرب هو إخلاصهم لمبادئهم سواء إتفقنا علي قيمة هذه المباديء كمراقبين أو كأصدقاء من خارج دائرة ثقافاتهم.. كثيرا ما نجد ان كذبة واحدة أثناء علاقاتهم تقضي علي اي العلاقة مهما كانت تلك العلاقة ومهما طال زمنها..فالكذب كالخيانة.. والخيانة ذنب لا يغفر..فإن حدث ذلك عندنا في السودان وخان الزوج زوجته او كذب عليها فإن ذلك يمر عادي لأن المجتمع لا يري في ذلك ضرر فهو رجل ولن يضيره مثل ذلك الأمر..وهذا بشكل عام ولكنه متفشي..فالدين هنا وقيمه يتراجع امام الذكورية وحقوقها المجتمعية.. اما هنا فإن المجتمع الذي ينتمي له الزوجان لا يرضي لاي منهم بخيانة الآخر ولا يعترف بمثل هذه التصرفات صدرت من إمرأة أو رجل..
أحيانا في تعاملنا مع الآخرين لا نحكم عليهم بما يفعلون من خلال مخزوننا الثقافي بل نحكم عليهم بما يفعلون من خلال ثقافاتهم هم.. بالنسبة لي إن رأيت أو تعارفت بإثنين يعيشان معا كالأزواج وهم غير متزوجين فإنني لا أحكم عليهم بالفسادالأخلاقي أو بأي حكم قاسي.. فهذا فعل عادي في مجتمعاتهم وفي ثقافاتهم المفتوحة وفي قوانينهم لا يوجد ما يمنع ذلك..لهم دينهم ولي دين.. أتعامل معهم علي أساسات اخري ولا اقاطعهم..
علي كل حال لي صديقين من الرجال الإنجليز..تزوج أحدهما بفرنسية وتزوج الآخر بمسلمة إيرانية من الشيعة بعد أن أسلم.. أعرف بعلاقاتهم منذ أن بدأت وكنت طرفا فيها..تزوجوا جميعا بعد ذلك ولهم أطفال ويعيشون في سعادة وإستقرار..
ليتني اتمتع بهذه المرونة المطلقه .. فكم اعترضت علي التعايش الجنسي وانجاب الاطفال دون زواج .. ورغم ذلك فانني (اغفر) قليلا اذا كانت العلاقة تتجه للزواج ..
ولهذا السبب لم استطع احترام الرجال الذين يذهبون لبيوت الدعارة لحل مشكلتهم الجنسيه واعتبرهم بهائم .. اما بائعات الهوي فهن عندي اضل سبيلا ..
طيب .. الان لمست ان المعايشة والتداخل الثقافي يمكن ان يكسرا هذا الجدار ويجعلانا نتقبل الاخرين لان ثقافتهم وبيئتهم لا ترفض هذا النوع من الحياة ..... معليش يامني علي السؤال الذي (يحرقني) .. هل هذا نفسة يكون مقبولا لديك لو كنت مثلا انا طرفه ؟ يعني هل تحفظين لي نفس مقدار الاحترام الذي اظن اني اكتسبته منك
عمر علي حسن
02-10-2013, 03:58 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: طيب .. الان لمست ان المعايشة والتداخل الثقافي يمكن ان يكسرا هذا الجدار ويجعلانا نتقبل الاخرين لان ثقافتهم وبيئتهم لا ترفض هذا النوع من الحياة ..... معليش يامني علي السؤال الذي (يحرقني) .. هل هذا نفسة يكون مقبولا لديك لو كنت مثلا انا طرفه ؟ يعني هل تحفظين لي نفس مقدار الاحترام الذي اظن اني اكتسبته منك
أحيانا نحمل في دواخلنا بعض التناقضات وتضطرنا المواقف التي نمر بها او نشاهدها علي أن نتعرف عليها بشكل مختلف.. هذا التصالح بين الذي نظن انه مؤكد في نفوسنا وبين ما نشأنا عليه يحتاج الي مجاهدة مستمرة لان يتكامل او ليقارب التصالح التام.
أنا بالطبع أحتفظ لك بقدر عالي من الإحترام..وعلي هذه القياس يجب أن أحكم علي العلاقة بما هو متوقع من هذا الإحترام وذلك من من خلال سؤالك المطروح أعلاه.. فلو غفترضنا أنه كانت لك علاقة جادة بإحدي النساء تتلمس طريقها للإستقرار فإنني قد أتضايق من سكنك معهااو أتخوف مصير العلاقة علي اساس الموروثات الثقافية التي تجمعناانا وأنت كأصدقاء ومراقبتي للعلاقة بينكماوبالطبع الدين اولها.. وعلي كل حال كثير من الرجال السودانيون قد تزوجوا بأجنبيات غالبا ما كانت هناك علاقة بينهما قبل الزواج وبارك المجتمع لهما ذلك.. إذ يبدو أنه بجانب أنه رجل..هناك أيضا حقيقة أنهما قد تزوجا وهذا هو المهم الآن! أنا احاول ان لا أحكم علي الآخرين في مثل هذه الأشياء بأحكاما مطلقة..أترك للإخرين مساحاتهم فيما يختارون أو هكذا اسعي لان أفعل..
التداخل لثقافي والإنفتاح الذهني علي الآخرين يحقق لك قدر من المرونه في النطر للاشياء حتي وأنت متمسك بقناعاتك الخاصة فيما يخص تصرفاتك..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muna Khugali
الطيب شيقوق
يحي قباني
خالد علي محجوب المنسي
عبد الله فقير
فيس بوك
تويتر
انستقرام
يوتيوب
بنتيريست