Quote: قرأت أن جماعة الإخوان في مصر قد إعترضت علي وجود مادة تمنع الرق والعبودية..فخطرت في الحال الفتوي الموجودة أعلاه علي بالي.. وتخيلت حوارا داخليا بينهم..
يا شيخ محمود..إن تضمن دستورنا هذه الفقرة التي تمنع الرق فإن مشروعنا الإسلامي سوف يضيع قبل أن تقوم له قائمة!
أنا عندك مثلا ياشيخ محمود..ماينفعش أطلق أي واحدة من "نسواني" وفي نفس الوقت عايز أتجوز واحدة بطريقة "ما ملكت إيماني" تدلعني وترقصلي وتغنيلي..تفتح نفسي أبذل مزيد من الجهد في العناية بديني والإنتاج المفيد لمجتمعي وتحقيق التقدم لتنظيمنا!
صفقت الأغلبية داخل الإجتماع وتعالت الاصوات داخل قاعة الأجتماع..
أيوه..من حقك يكون عندك أي عدد منهم..عندك فلوس وحافظت علي بيتك وزوجاتك وعدلت بينهم..
شيخ عبدالله خنقته الكرافتة الصفرا وضاق علي كرشه قميصه الأخضر..وقف يجفف العرق بمنديله من جانبي وجهه بعد أن أخذ فرصته للحديث .. وقف يلقي السلام علي مجموعته في صوت غريب خرج من أنفه بعد أن مر علي "لحمية" ثم تبع السلام بالحديث..
ياخوانا..إحنا عارفين انه شكلنا الخارجي كأخوان قد تغير..يعني مثلا شيخ محمود دلوقتي لابس عمامة شاريها من إمبابة..وأنا لابس بدلة وشاريها من بلاد بره.. وكذلك كلكم..يبقي إحنا ياخوانا بدينا نغير في مظهرنا حتي يسهل علينا التغلغل ويسهل علي غيرنا التقبل!
عايز يعني اشرحلوكو..إننا في أمس الحاجة لتضمين حق الرق وما ملكت أيمانكم في القانون مش بس علشان نهيص معاهم..لأ..عايزكو تركزوا معايا في اللي جاي.. الشارع النهارده فيه اغلبية بتلبس حجاب..ستات وبنات مؤمنة بالحجاب..بنات معندهاش لبس كفاية والحجاب بيستر فقرها..وكمان ماننساش في بنات خايفة من اللي يحصلها في الشارع لو ملبستش الحجاب..وفي بنات تانية لابسة حجاب وبتستهبل ومالناش دعوه بيهم ده غير البنات اللي ماشية من غير حجاب.. يبقي أحناعلينا نشوف البنات اللي ماشية من دون حجاب ونحاول نتجوزهم بقانون مرتكز علي فتوي ما ملكت ايمانكم! والهدف إنه اي واحدة ماشية وهي مسيبة شعرها تبقي موجودة تحت عصمة أغلبنا..
يحصل إيه بعد كدة؟؟
كده جينا للمهم..الستات دي هاتكون تحت أمرتنا..نخليهم وهم بمظهرهم الغير محجب يروحوا وسط المجموعات السياسية ويجيبولنا الأخبار منهم ونعرف إحنا إزاي نحافظ علي فكرنا الأخواني ونضربهم هم في الصميم!
ينصر دينك يا شيخ عبدالله..هو كده الكلام!
منى بتهظري انت ولا جادة ؟
09-26-2012, 11:18 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
سلام يا شيقوق تابع وإنت تعرف .............. ..............
عقد بعض الإخوانيين إجتماعا تشاوريا بخصوص الجهاد في المواضيع التي تمس كل أمر المجتمع..مثل وجود غير المسلمين بينهم..وجود رأسمالية من غير الإخوان..الحرب المتوقعة من إسرائيل..الجماعة اللي مش عايزين الجماعة الإخوانية..الستات وقلة عقلها..يعني مثل هذه الأمورذات التأثير المحلي والإقليمي وبالطبع العالمي.. بدأ النقاش وإستمر اليوم كله في.. مجاولة معرفة هل يجب تسمية ماينوون عليه جهاد ام أنه يجب تغيير الإسم..
محسن بدأ قوله بأن كلمة الجهاد علي الرغم من أنها الاصل فيما ينوونه..الا أنها قد أستهلكت بالآخرين نطقا وفعلا وفقدت تأثيرها النفسي العجيب علي الجماهير..ثم اضاف..وبصراحة كده ماحدش هايتابعنا في أي حاجة مذكور فيها لفظ جهاد! في الحال تعالت اصوات المستنكرين والموافقين وكان صوت جلال منفعلا ومرتفعا وهو يعلن رايه المخالف لمحسن..
يعني إيه نغير كلمة جهاد؟؟
نسيب كلام ربنا يعني؟؟
طيب حملاتنا علي الكفار تكون ايه غير جهاد؟؟
اشرحلنا حضرتك..ايه فايدتك كمسلم إن خفت من استخدام كلمة جهاد؟؟ اذا هي كلمة انت متردد فيها ..معقولة يعني هاتجاهد؟؟ ثم أستطرد في إستنكار لا حول ولا قوة الا بالله..محسن خايف من كلمة جهاد والتي بها هي فقط يعلو اسم الله وديننا الحنيف!
لم يتحمل محسن رد فعل زميله جلال..وقف مرة خري محاولا ان يكون هادئا ما أمكن ذلك..والحقيقة ان محسن كان مشهودا له بالهدوء والذكاء منذ أن كان طالبا في الثانوية وكانت سنوات الجامعة قد شهدت له بالقدرة علي إدارة النقاش دون عنف وان كان لا يدين العنف عندما يحدث..كان معروفا ايضا بأنه قادر علي إقناع الغير بمنطقه مستشهدا في ذلك بآيات قرآنية وأحاديث نبوية بعضهم قد قرا عنها من قبل بينما كان يسمع البعض الآخر منها لأول مرة.. بجانب هدوءه وذكائه وقدرته علي الخطابة التي كان يزينها كثيرا بابيات شعر كان يبتسم أحيانا مما أكسبه بعض القرب من الآخرين..
ياجماعة..ارجو أن تفهموا حديثي..ثم وجه نظراته الي زميله جلال قائلا.. أنا لا اخاف من الجهاد يا شيخ جلال..فقط أنا احاول أن استفيد من تجربة الاخوان المسلمين حين استخدموا هذه الكلمة في برنامجهم وخططهم في أماكن اخري..
عندكوا مثلا إخوانا في السودان..تعرفوا ايه عن تجربة السودان؟؟
كان في حرب بينهم وبين الجماعة اللي في الجنوب..خدوا الناس كلها من الشمال تحارب في الجنوب وأعلنوها حرب جهادية..ومش كده وبس.. دول كمان جوزوهم من حور عين..حد فيكم سمع بجواز بين واحد ميت وحور عين في السما والمأذون من البني آدميين اللي عايشين زينا؟؟ ايوه والله..ده اللي حصل زمش كده وبس..ده كانوا بيجيبوا لأهل العريس اكل ومصاريف..امكن كمان علشان يعملولوا بيها حفلة ولا حاجة!
طيب الناس دي كلها يعني كانت عبيطة ويتصدق كلامهم؟ طبعا لأ..بس كتير كانوا بيصدقوهم برضه..المهم بمرور الزمن الناس ولادها ضاعت وابتدت تحس بإنه اللي بيحصل ده فيه حاجة غلط.. وبطلوا خالص يسمعوا لأي حد يجيب سيرة الجهاد!
هدأ من نبرة صوته قليلا وهو يقول..
بلاش ياجماعة نجيب أجلنا لوحدنا..ساعة المواطن الفقير اللي بره يلقانا إحنا كده ماشاء الله في راحة وعيالنا ساكنه احسن من عيالهم ومدارسنا احس..أكيد هايشكوا فينا يا جماعة في كل مرة نجيب سيرة الجهاد..تلقي اللي غيران منك يقوللك من غير كسوف..يعني هم الخلفاء الراشيدين كانوا عايشين زيكم وسايبين الناس جعانة..ولا انتو يعني بتجاهدواوهم ماكانوش!
وفرصة بتوع المعارضة يقعدوا يعدولنا في اللي عندنا واللي ماعندناش.. ياجماعة استهدوا بالله وخلونا نتفق علي حاجة تانية تمدلنا في عمرنا وتنجحلنا برنامجنا!
.......... ..........
نواصل..
09-26-2012, 11:02 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
والمأموريات في أفلام الكاوبوي لا تعرف التأخير ومثلها لا يعرف الرصاص التأخير!
جاء الزائر مسرعا من بعيد ممتطيا جواده البني اللامع قاصدا صاحب المزرعة والذي كان "الشريف" المسئول من أمن المدينة في سابق أيامه.. رآه صاحب المزرعة وزوجته يقترب من منزلهم الصغير.. وقفا يترقبان وصوله ونظرة قلق في عيونهم..وبما أن الزوجة تعرف الزائر وطبيعة رسائله التي يحملها كثيرا وهي تكليف زوجها بتعقب المجرمين..فإنها نظرت في الحال لإبنها المنهمك في تنظيف الجواد وأمرته في لهجة لطيفة بأن يذهب للداخل وأطاعها هو بدوره في الحال.. إقترب الزائر أكثر فنظر الزوج أيضا لزوجته نظرة فهمت فحواها في الحال فأسرعت بالدخول للمنزل دون اي مجادلة!
............ ............. لم يستغرق الأمر أكثر من دقيقة نقاش بين الزوج المزارع وحامل الرسالة..فالمجرم الكبير قد هرب وعليه تعقبه وإيجاده في الحال.. هكذا كانت الرسالة..وهكذا كانت طبيعة عمله!
بكت زوجته عند الوداع الذي بدأ في الحال مع آخر خطوات إبتعاد المرسال.. أصلح من حال جواده وحال حزامه..تناول بندقيته وإنطلق في الصحاري وبين الجبال.. الا أن سفره عقبه وصول المجرم المطارد الي منزله ومن ثم قتل زوجته وطفله إنتقاما منه لسجنه في السابق!
مايهمني في مشاهدة فيلم الكاوبوي نفس تلك القصة الأزلية المكررة والتي لا أملها علي الإطلاق..ومازلت منذ سنوات طويلة ابحث في أي فيلم عن مشهد يشرح لي كيف يحصلون علي الرصاص إذ أنني لم أري علي الإطلاق محل بيع اسلحة في هذه الأفلام..فقط نري المتجر الصغير.. الحلاق ثم البار..والذي يحيرني أكثر كمية الرصاص التي تطلق في عمليات تبادل إطلاق النار اثناء المطاردات والذي لا تنتهي فيه الذخيرة علي الإطلاق! واري في تلك الافلام بساطة هيلة لكنها تعجبني كثيرا وترضي آمالي البسيطة..فعلي الرغم من أن البطل في أغلب الحالات يكون متزوجا وله طفل يقتل كما حدث في هذا الفيلم..فإنه في الحال يقابل أسرة أخري تيتمت بسبب المجرمين وصار هو الاب والزوج لها بعد أن قضي عليهم!
.......... ..........
09-29-2012, 01:49 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ما تنثرينه يا منى يأخذنا إلى جمال روحك مباشرة فنناشدك المزيد
فلك الشكر والمحبة
تحياتي واحترامي
ولك الاضعاف من السلام والمحبة يا بله..
اليوم في لندن ممطر وبارد قليلا كسائر ايام الخريف.. مازال البعض يحاول أن يستفيد من آخر شعاع للشمس قبل أن تعلن غيابها اليوم وغالبا الايام التالية.. رائحة الياسمين من النافذة تأخذني لذكري بعيدة لا ادري ان كانت قد سكنتني اثناء قراءاتي لقصص يوسف السباعي وإحسان عبدالقدوس ام أنها باقي ذكري من بلكونه صغيرة في مصر جلست فيها أنا وأحلامي!
رائحة الياسمين ورائحة الحشائش الخضراء المبللة بالأمطار..ثم أصوات تأتيني من الشارع لطفلة تضحك كثيرا مبتهجة ربما بفسحة الأحد.. وخلفية التلفاز.. تلك الصور هي بعض من عشق لحياتي في مدينة لندن!
...... ......
تحياتي يا بله..
09-30-2012, 06:12 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
اعتقد ان متعة السفر يكتمل جمالها أو يضيع تماما بتلك المواقف التي نمر بها أثناء سفرياتنا .. في اي مرة حجزت تذكرة للسفر طلبت معها ان يكون مقعدي في الطرف..أكره الجلوس في الوسط او في المقعد المجاور للنافذة..اشعر بإختناق! والحقيقة ايضا إنني أفضل أن أقف وأفسح الطريق لمن كانوا جلوسا في المقاعد الداخلية علي أن اطلب منهم افساح الطريق لي! الا ان حظي السيئ في تلك السفرية لم اجد معه مقعد آيل ..أي في الطرف..توكلت علي الله ومعي أمي وشقيقتي ماجدة..جلسنا في مقاعد متفرقة كما كان الحظ..نظرت علي يميني فوجدت تلاثة مقاعد يشغل طرفها رجلا..وباقي المقعدين خاليين..قصدت المضيف وسألته ان كان في الإمكان الجلوس علي إحداهما.. رد.. وماله يا فندم بس أول مالطيارة تقفل أبوابها ممكن تنقلي هناك!
سعدت أيما سعادة وجلست أقرا في الآيات طمعا في أن تضيع أعين من هو قادم من المقعد..قفلت الطائرة ابوابها اذ إكتمل العدد.. حملت الأخدودية الصغيرة لوضعها تحت رقبتي..والبطانية لأتدثر بها..أزحت ماكان علي المقعد وحولته الي المقعد في الوسط وجلست وانا امني النفس برحلة مريحة فإذا بالجالس في المقعد الطرفي الآخر يصرخ..
إيه ده..مش شايفة المخدات؟؟ ده محجوز!!
إستدرت بوجهي تجاهه قائلة في إستغراب
يعني ايه محجوز؟؟ الطيارة قفلت أبوابها خلاص!
ايوه برضه محجوز..ثم ردد بصوت من هو متأكد مما يقول وهو يشير بأصابعه علي المقعدين.. الكرسيين دول محجوزين! سالته وأنا اضع مخدتي علي وراء رقبتي متظاهرة بعدم الإهتمام وقد قررت أن لا أترك المقعد مهما كلف الامر.. حاجة غريبة والله.. في ناس هاتنزل من السما يعني علي الكراسي عدل ولا ايه حكاية محجوزين دي؟؟
هنا زاد غضبه وقد رآني استقر تماما في جلستي وأكمل رباط حزامي...
إسمعي.. انا حاجز الكراسي في الصف ده..إتفضلي شوفيلك مكان غير ده!
أخذت نفس هاديء عميق وطويل وأنا ارد ببرود..
حاجز ودافع تمنهم يعني؟؟
ايوه دافع!
طب لما أنت عندك فلوس كتيرة ماكنت تحجز في الدرجة الأولي?! زادت كمية غيظه وبدأ في رص شتائم قطعا لن أستطيع أن اذكر اي حرف منها..شتائم لا تسمعها الا في بلده في الشارع او تقرأها أحيانا في سودانيزاونلاين.. إلا أنني قررت أن لا أتحرك من مكاني فقد علمت كم هو في إحتياج غريب للمقاعد! ناديت علي المضيف وأخبرته بما يحدث.. طالبه المضيف بالسكوت الا أن شتائمه استمرت.. اضاف قوله.. إنتي ست إنتي؟؟ إنتي راجل! رديت في هدوء أحسد عليه.. وايه الغلط لو كنت راجل؟؟. انت شايف كون أنك راجل حاجة وحشة يعني؟! إذا إنت كاره انك تكون راجل تكون دي كمان حاجة تانية!
تزايد غيظه وبدأ سلسلة أخري من الشتائم..
جاءت رئيسة هيئة الضيافة تسألني ماحدث..أخبرتها انه يريدني أن اذهب لمقعد آخر..وما كان عندي مانع لو أنه طلب بهدوء وأدب.. الا أنه تلفظ بألفاظ أعجز عن قولها .. ذهبت له تسأله..
بالله الراجل ال######## في لحظة رخي صوته..وبدأ يحكي حكاية مختلفة وبأدب شديد.. انا أول ماركبت الطيارة سألت حضرتك علي اساس انك مسئولة يا فندم إن كان ممكن آخذ ثلاثة كراسي مع بعض علشان أنا إنسان عيان ومحتاج أنام..حضرتك قولتيلي ايوه لو الكراسي فاضية..ثم بدا في التمثيل اكثر بعد ان رخي صوته تماما كأن حالة إغماء ستصيبه.. أنا عندي مشكلة في قلبي والسفرية طويلة عليا..و و و أنا طلبت من المدام بذوق وإنسانية أنها تسيب لي المقعدين واهي الطيارة فاضية هي ممكن تقعد في اي كرسي تاني وتسيبني انام هنا بس هي مش راضية وبتزعق فيا!
هنا تطلب مني الأمر أن أتصرف بسرعة مستعينة بسودانيتني في مثل هذه الأمور.. الراجل ده كذاب.. شتمني وقال لي كلام بطال..علشان كده أنا ماناوية اسيب الكرسي خالص! هنا تطلب الأمر تدخل من هو أكبر..ذهبت كبيرة المضيفات والمضيفين لتأتي بمن هو أكثر قدرة علي حل الأمر.. بدأ هو في الشتائم بصوت خفيض حتي لا يسمعه غيري..ثم اضاف تهديده.. طول ماأنتي قاعدة هناهاشتمك!
سألته.. إنت صحيح عيان؟؟ رد بسرعة ربما ظانا إني قد غيرت رأيي.. ايوة طبعا عيان..
جاء الكابتن.. وبطريقته المصرية بدا في المزاح.... عايزين كده واحنا بين السما والارض نقضي رحلة حلوه مع بعضنا.. إية رايك يا مدام أفضيلك ثلاث مقاعد تقعدي عليهم لوحدك!
قلت في نفسي الراجل ده مافاهم الفيلم خالص!
قلت ..لا لا انا بس قاعده هنا..ومادام في 3 مقاعد تانيه خليه هو يمشي ينوم فيهم..الزول ده ما مؤدب علي الإطلاق!!
وقف امامه الكابتن ثم إنحني عليه قائلا في صوت هاديء محاولا قصاري جهده أن يقنعه بالتحرك لمكان آخر..
هاريحك علي الآخر..يللا معايا..ثم أكد له عندما راي عناده.. بصراحة مش هانقدر نقومها لأنك غلطت فيها خالص! أجابه بإستسلام من عرف أن الإمور لا تسير لمزاجه.. بصراحة يا كابتن انا خلاص مش عايز انام..خليها تقعد زي ماهي عايزه! هنا لمحت خيبة الامل علي وجه الكابتن..فقد فشلت كل المحاولات في تغيير الموقف.. قررت ان لا استجيب لعنادي أكثر.. وقفت قائله للكابتن وإحساس مختلف قد تملكني ربما هو الإحساس بوجوب إنهاء الموقف حتي يستمتع الجميع بالسفرية..
علي الرغم من كل الألفاظ التي تفوه بها..الا أنه إكراما لنفسي ولكم ولمبدأ الأخلاق الكريمة فإنني سأترك له المقعد.. ثم تحركت من المقعد! سعد الكابتن بالنهاية الطيبة وصحبني الي مكان آخر.. حال وصولي هناك وجدت ان أغلب الطاقم قد قدر لي ما فعلته خاصه بعد سماعهم انه تفوه بألفاظ فظيعة..فواظبوا علي الحضور وسؤالي بإستمرار إن كنت في إحتياج لأي شيء!
............ ............
عتد وصول السفرية لمطار هيثرو وقبل أن تفتح الطائرة أبوابها..وجدته واقفا أمامي وهو يعتذر بشدة في خجل ظاهر علي وجهه وصوته..
أنا آسف جدا يا مدام..ماعرفش ليه عملت كده!!!
تأثرت كثيرا بإعتذاره فمددت له يدي مصافحة!
......... .........
أعتقد أن دعوتي له بالموت قد اخافته..اظنه فعلا عيان شديد!
09-30-2012, 09:13 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: وانا لا احب الا المقعد الذي تطل عليه النافذة لاستمتع بالمناظر تحت منى خوجلي
فعلا يا شيقوق منظر الدنيا من فوق جميل..سحاب كانت ولا بحار ومحيطات ولا أراضي زراعية.. أحب مدينة لندن جدا لو شاهدتها من الطائرة قبل الهبوط.. منطمة شوارعها واشجارها وبيوتها بالأسقف الحمراء..وأجمل مافيها الزراعة وتقسيماتها!
لكن إنت اسه خليك في مناظر سودانيزاونلاين والتي لا تحتاج معها الي مقعد مجاور للنافذة لأنه هو ذاتو نافذة مافي!
إتفرج وشوف الرجل السوداني وعروسات موريتانيا والفلبين واسس الإختيار لهم وطريقة الحديث عنهم..وبعدين شوف طريقتنا السودانية في القرن الواحد والعشرين كيف في النظر للآخر.. وفي نفس الوقت شوف إحنا كيف بننظر للآخر ولما الآخرين ينظروا لينا زي ماحاصل في بوست تاني..العالم السودانية الهنا دي كلها ينقلب حالها ويصيبها الغضب العجيب!
........ ........
يحتاج كل منا الي مرآة ننظر فيها لأنفسنا بعيوننا أولا ثم بعيون الآخرين أيضا..
......... .........
10-02-2012, 10:53 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
تخيلت والايام دي الدنيا كلها خيالات..ان محمد مرسي قد فكر في وضوع مصر والسودان كثيرا تفكيرا شمل عدة جوانب وكل جانب له مدخله..
الجانب الأول علاقة الإخوان في مصر بالإخوان في السودان وهل يصلح في هذه المرحلة تقويتها تماما او تركها للزمن والظروف.. الجانب الآخر وضع حكومة السودان ورئيسها بالنسبة للمحكمة الجنائية واثر ذلك علي العلاقة بين البلدين.. الجانب الثالث بيصبوا في الجوانب الاخري ويأسسوا لها هو انه مصر والسودان حتة واحدة!
فكر محمد مرسي والحق يقال..هو في حالة تفكير محتاس منذ ان وصل للحكم..والحوسة هنا ناتجة من إنه أول مرة فعلا يشتغل في وظيفة رئيس لجمهورية مصر العربية..والحوسة تانية انه هذه الجمهورية بها عدد مهول من البشر وأغلبه جعان وكمان فيها مثقفين بيطلعوا عين الواحد كلام..ده غير انه البلد إنتاجها واقف من يوم 25 يناير.. والحوسة التالته ناتجة كون إنه إخواني دارس في أمريكا وكون إنه أمريكا هي ماما وبابا واي حاجة وأمريكا هي إسرائيل ولازم من وقت لإخر يشتم أمريكا واسرائيل.. والحوسة الأخيرة دي ناتج عنها حوسات كتيرة تانية..بس المهم نشوف الحوسة الرابعة في مصر..مسلمين ومسيحيين ومسلمين وكمان إيه..جابت معاها فنانين وفتاوي!
حوسة محمد مرسي مع أمريكا كبيرة جدا.. يعمل إيه مع المصيبة اللي إسمها إسرائيل من ناحية ومع جماعة المجاهدين من ناحية تانية هي قطعا حوسة لا يستطيع اي حد حلها..خاصة إنه هو غير عبدالناصر..وانه كمان مش زي السادات ولا الزمن زي زمنهم ولا الدول العربية زي زمان..يبقي القومية العربية مادام راحت للابد وحكاية المعسكرين.. إنتهت والجهاد كبر وغزا الدنيا بيكون التفكير صعب جدا والخوف كبير من نتيجة اي تصرف! ثم فجأة تذكر شيئا بدل حوسته الي إستغراب حقيقي.. والله الراجل بتاع السودان ده محيرني جدا..معقولة كل اللي بيحصل ده وهو لسة زي ماهو؟؟ ياتري بيمشي حالو إزاي؟؟
.............. ..............
وتلك كانت لحظة الحوسة الحقيقية في كيفية عمل علاقة قوية بين مصر والسودان اللي هم اساسا حتة واحدة..
10-03-2012, 08:01 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وبمناسبة إنشغال مرسي بتنظيف أنفه بمنديل "مكرفس" وتلاقيه كمان قديم أثناء لقائه بكلينتون..عقد المسئول المصري عن البروتوكول وأسس الإتيكيت وتحسين السلوك جلسة تعليمية مع الرئيس مرسي..والحقيقة أن المهمة لم تكن سهلة علي الإطلاق إذ أنه علي الرغم من أن مرسي قد درس في الغرب وبالتحديد في أمريكا..إلا أن الدراسة شيء والرئاسة شيء آخر..ينفع مثلا تروح البقالة بقميص نص كم وبنطلون جينز لما تكون طالب..بس مش ممكن تعمل كده وإنت رئيس! وحتي تكون الرسالة أكثر شرحا وفائدة..فإن المسئول والذي نرمز له هنا (برجاء) توجه في الوقت المحدد للتدريس قائلا في صوت خفيض ونظرات أخفض منها..
سيادة الرئيس ..إحنا محتاجين نعرض تسجيل اللقاء علشان نفهم منه بالظبط إيه الحاجات اللي محتاجين نعرفها أكثر! بالطبع كان رجاء قد شاهد الفيدو اللي زاد قرفه وقرف غيره.,وفكر في سره.طب لما حبكت يعني تنظف مناخيرك..ماكنت تنضفها قبل ما تطلع علي المنصة ولا حتي كان يكون منديلك نضيف..كسفتنا ربنا يكسفك! هذا التعليق واللوم بينه وبين نفسه لتصرف ماكان يمكن أبدا أن يحدث من رئيس دوله حكمها ذات مره السادات اشيك رجل ولا حتي من حسني مبارك وهو ياعيني في السجن..ولا حتي من عبد الناصر الفلاح والذي ظبطت سلوكه عسكريته..الله يرحمه كان راجل أبهه! لذلك كانت جلسة تعليم البروتوكول صعبة جدا بالنسبة لرجاء ولم يسهلها عليه الا وجود زميلته ميرفت ذات نفس التخصص..بدأت ميرفت الحصة بمقدمة تكاد لا تنتهي من الإنحراج ومن الخوف من رد فعله..
سيادة الرئيس في المؤتمر مع كلينتون كنت في غاية الروعه ورفعت راس مصر كلها فوووووق.. حضرتك رديت بمنتهي العلم...ثم نقلت بسرعة الحديث لموضوع آخر.. موضوع السولار سيستم ده سيادة الرئيس هايولع مطامعهم معانا..وهايخلي كل العالم يجري تحت رجلينا.. والله ياريس جلستك جنب كلينتون ورت العالم كله رئيس مصر كبير إزاي..وبسرعة انتقلت لنقطتها الاساسية وهي تخفف من الحماس في صوتها..
بس ياريت يا ريس ولا مؤاخذة يعني المره اللي جاية لو يعني مافيهاش تعب يعني تحاول تمسك في إيدك ورقة تشغلك .. علي كل حال إحنا هاندربك علي حركات الإيدين ساعة الكلام ..وإزاي تتحكم بيها من غير مالجماعة بتوع بره يفسروها بطريقة تقل بمقامك اسم الله علي مقامك!
هانوصي برضه بدواء يوقف الرشح والذي منه كل ماكان عندك لقاء برئيس اجنبي...أهو بالمرة نستغني عن المنديل!
........ ........
10-03-2012, 08:09 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: سيادة الرئيس في المؤتمر مع كلينتون كنت في غاية الروعه ورفعت راس مصر كلها فوووووق.. حضرتك رديت بمنتهي العلم...ثم نقلت بسرعة الحديث لموضوع آخر.. موضوع السولار سيستم ده سيادة الرئيس هايولع مطامعهم معانا..وهايخلي كل العالم يجري تحت رجلينا.. والله ياريس جلستك جنب كلينتون ورت العالم كله رئيس مصر كبير إزاي..وبسرعة انتقلت لنقطتها الاساسية وهي تخفف من الحماس في صوتها..
بس ياريت يا ريس ولا مؤاخذة يعني المره اللي جاية لو يعني مافيهاش تعب يعني تحاول تمسك في إيدك ورقة تشغلك .. علي كل حال إحنا هاندربك علي حركات الإيدين ساعة الكلام ..وإزاي تتحكم بيها من غير مالجماعة بتوع بره يفسروها بطريقة تقل بمقامك اسم الله علي مقامك!
هانوصي برضه بدواء يوقف الرشح والذي منه كل ماكان عندك لقاء برئيس اجنبي...أهو بالمرة نستغني عن المنديل!
يا سلام على الفهم يا سلام على الاحترافية يا سلام على الدبلوماسية
تسلمي يا ميرفت فانت بالجد جديرة بان تكونى مديرة مراسم اوباما ذاتو
شكرا منى خوجلي كلام مشوق اوي
10-03-2012, 08:38 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وبمناسة السولار سيستم يا شيقوق ..قال لي أحد الاصدقاء انه عنده أهل في الخرطوم تعبوا من غلاء الكهربا في السودان.. فقرروا ان يستغلوا الطاقة الشمسية في توليد كهرباء وقد كان وإستفادوا منها في الإضاءة.. فعرضهم ذلك للمسائلة القانونية!
لا يرحموا ولا يخلوا شمس ربنا ترحم!
10-03-2012, 08:55 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ومتعة مشاهدة افلام الكرتون لا تضاهيها أي متعة أخري سوي متعة مشاهدة افلام الكاوبوي.. تلك التلال المشرق خضار أعشابها..البحيرات او الانهار وأمواجهم الهادئه..المنازل الصغيرة ذات الاسقف الجميلة والقدر الرائع من الالوان الممزوجه بفن في طلاء الجدران الخارجية.. ثم تلك الزهور الرائعة في الساحة الخارجية امام المنزل.. وبعد كل ذلك الشخصيات الكرتونية مثل جاك والقراصنة..توماس..ميكي ماوس..دورا ######صيات أخري .. تأخذني بعيدا تلك الشخوص والتفاصيل لأيام الطفولة وعلبة الالوان وريش مختلفة المقاسات ومحاولات الرسم بها لماأراه أمامي..
تطول جلستي لمشاهدة المزيد من افلام الكرتون وأنافس يوسف وياسين في الإستمتاع بها! ........ ........
بس نفسي أعرف..الكلمة دي مشطوبة ليه؟؟ تعقدوا الزول بس!!!
قامت الحكومة الحالية بقطوعات ضخمة في ميزانيات عديدة بما فيها الصحة وخدماتها المختلفة..البوليس ومستلزمات الحماية..اما بالنسبة للتعليم فإن الرسوم الدراسية زادت بشكل كبير مما اثر علي الدراسة بشكل مباشر وعلي من يود الالتحاق بالجامعة..شاهدت اليوم مقابلة مع احدي البروفيسيرات من جامعة ساوس هامتون تتحدث عن مدي التاثير السيء لقطع الميزانيات من الجامعات وعلي الدارسين بها..شاركتها في اللقاء رئيسة اتحاد الطلبة والتي عبرت عن غضبها وغضب من تمثلهم من الطلاب تجاه سياسة هذه الحكومة..اضافت لتعليقها انه من المؤسف حقا ان من يرسمون هذه السياسات الظالمة ويطبقوها هم من أبناء الطبقة الوسطي العليا والذين استفادوا في تعليمهم من مجانية التعليم!
............ ............
أما في السودان وده علي لساني انا..انه من المؤسف حقا ان خصخصة التعليم والصحة وتمكين الجريمة والإنحراف من الإنتشار مكنها الفقراء ابناء الفقراء الذين تعلموا بالمجاني والذين حضروا وإستفادوا من مجانية كل شيء ولكنهم مازالوا ينتقمون لايام فقرهم الماضية بتفقير غيرهم!
........ ........
10-05-2012, 09:08 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: أما في السودان وده علي لساني انا..انه من المؤسف حقا ان خصخصة التعليم والصحة وتمكين الجريمة والإنحراف من الإنتشار مكنها الفقراء ابناء الفقراء الذين تعلموا بالمجاني والذين حضروا وإستفادوا من مجانية كل شيء ولكنهم مازالوا ينتقمون لايام فقرهم الماضية بتفقير غيرهم!
هههههههههههها الله يجازيك كتلتيني بضحكة
غايتو مشتهي اكون وزير ويدوني سحبة فيكم يا ناس البندر عشان اوريكم الويل
Quote: منى خوجلي بدء ( برنجي )العود حميداً لحرفك والأسف تاني ( أكنجي ) أني جيت متأخر لكن أديت البوست حقو قراءة
تأنقي وأنقي بحرفك صدر المنبر ونقول الواحد يقى لي زيادة في الحاجات التي يطلع عليها مودة وأشواق وإن شاء الله تكوني في السودان في الأضحية
كيف حالك يا خالد..
ما أظن اقدر أمشي السودان قبل السنة الجاية! عندي اشغال هنا لازم أخلصها في الاول.. بالله اكلوا لي ضحية معاكم ولما تتلموا اتذكروني.. عيد مبارك من دلوقتي الدنيا ما معروفة!
عندي صورة للاستاذ محمد ميرغني بفتشها وبنزلها ليك هدية العيد.. سلم علي اسامة كتير..
10-06-2012, 11:05 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: غايتو مشتهي اكون وزير ويدوني سحبة فيكم يا ناس البندر عشان اوريكم الويل
يعني بقت عليك إنت يا شيقوق؟؟
ماتراهم كتااااار وصلوا من الاقاليم للبندر وقاموا بالواجب! إنت شفت ..الإنجليز ديل شكلهم كده ماشيين في طريق ما مطمئن.. قالوا يخففوا من المصاريف قاموا ياسيدي من ضمن الحاجات العملوها خفضوا خدمات الأسعاف الجوي بنسبة 25% الإسعاف الجوي هو طائرة مروحية بها الطاقم المسعف تصل لمنطقة الحادث لنقل المصاب للمستشفي وده في حالات الخطورة الشديدة والتي لا تستطيع عربة الإسعاف ان تكون مسعفة سريع فيها..أو في حالة بعد مكان الحادث من المستشفي والسرعة مطلوبة.. او في حالة وقوع الحادث في مكان لا تستطيع عربة الإسعاف الدخول إليه..
المهم انا مواظبة علي مشاهدة برنامج عن الحوادث والإسعافات سواء كان بطائرة او بعربة إسعاف او بمسعف علي موتوبيسكل.. وشفت كيف الطائرة المروحية وإسعافها كان قادر ينقل المصابين للمستشفي في سرعة ساهمت كثيرا في إنقاذ حياتهم.. ناس في حوادث عربات..ناس فوق جبل..ناس بين البحر والجزيرة..حوادث كلها شنيعة لكن برضه في الناس الكسرت رجلها او يدها الخ.. تقليل الخدمة بهذا القدر سيكون له قطعا اثره السلبي علي تقديم الخدمة المستحقاه (علي ما أعتقد إنقاص العدد من 300 طائرة الي 225 طائرة)! وبما انه انا زولة مجهجهة بين بلدبن ..وأحيانا تلاتة..فإنني عقدت مقارنة بين خدمات الصحة في السودان وبين إنجلترا..وحتي أكون معقولة شوية المقارنة واضعة في إعتبارها عظمة وتقدم بلاد الإنجليز في هذا الحقل منذ القدم..ومعقولية خدمات الصحة والتطلع لتطورها قبل فرعون ما يصل.. هل يعقل ان يكون في السودان وبالتحديد الخرطوم 6 عربيات نجدة بس(آخر مره سمعت انهم 6)؟؟ والإسعاف تابع للمستشفيات الخاصة وعليك كمريض ان تدفع تمنها كامل..ولو إنت في المستشفي الخاصة ذاتها زي ما حصل مع زول من الاسرة.. وقرروا انك لازم تعمل إسكان في مستشفي تاني..فعليك مسئولية تدبير الإسعاف..وبعد ده عددهم بسيط للغاية! طبعا بيبقي مافي حاجة نقدر نقارن بيها المستشفيات الحكومية في السودان بنظيرتها في بلاد الإنجليز..وذلك علي الرغم من أن حديثي عن الطائرات وعربات الأسعاف كله تابع للمستشفي حيث العلاج مجاني!
......... .........
رحم الله خالد الكد فقد نقلته الطائرة المسعفة للمستشفي في مدينة وحاولوا اسعافه بسرعة ونجحوا في ذلك الا انه توفي بالمستشفي بعد ايام طويلة بسبب كبر الحادث وما تعرض له..
........... ...........
10-06-2012, 10:35 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
دخلت إحدي البوستات المتناولة لشأن سياسي ووجدت تسجيل للراحل جمال عبد الناصر.. بالطبع كان التسجيل في الستينات من القرن الماضي وكان محور الحديث عن الإخوان المسلمين ومحاولات الإغتيال.. وجاء الحديث عن المرأة ونظرة الإخوان لها..ربنا يهديهم ولا ياريت ياخدهم ولا يريح العالم منهم..وكيف كان شغلهم الشاغل لبس المرأة وبالتحديد الطرحة..ثم عمل المرأة!
سمعت الهتافات في التسجيل من الجماهير العريضة الحاضرة لخطبة حبيب الملايين..
لا رجعية ولا إخوان!
وعلي الرغم من ان الهتاف اعجبني جدا بالرغم من قدمه وتكراره الذي لا نتعب منه ..الا أنني ايضا اصبت بالإحباط.. يعني الجماعة ديل الناس كارهاهم وزهجانة منهم من الوقت داك وهم لسة زي ماهم؟؟ يدعوا عليهم..يشتموهم..ويسجنوهم علي بلاويهم وهم لسة موجودين؟؟
قناعتي ان الإخوان المسلمين هم غضب الله الذي ليس منه فكاك!
....... .......
10-07-2012, 01:07 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
كانت مسئولية يوسف وياسين كلها علي عاتقي مساء الجمعة..آية وعبد الرحيم في الجامعة ولن يرجعوا قبل التاسعة والنصف مساءا.. كنت قد سبق أن نظمت مع يوسف وياسين حفلة مساء الجمعة والتي نصبح منها علي عطلة نهاية الإسبوع.. وبما أن يوسف وياسين مثلهم مثل الأطفال الآخرين في كثرة الحركة وحب اللعب وما ينتج عنه من إزعاج فإنني قررت التعامل معهم بنظام الحوافز....
قلت..عليكم بالالتزام بمواعيد النوم في كل يوم حتي نستطيع الإستمتاع بالوويك إند!
ردوا في صوت واحد موافقين.. نريد حفلة بها اسبايدر مان..القرصان..بات مان ..بيتر بان و...و.. ثم كانت الاستعدادت.. بعض من الفواكه..باكو بسكويت..عصير..كريسب مع قطع الجاتوه..
الملابس..بدلة سبايدر مان ولونها الازرق بالأحمر..ذا بايروت وملابسه البيضاء بالأسود..بيتر بان وبدلته الزيتية اللون..
لم نحتاج لاي مدعوين غيرنا فالحفل اساسا قائم في معظمه علي الخيال والتمثيل..لذلك ارتدي ياسين بدلة بيتر بان بينما إرتدي يوسف بدلة القرصان ورفض تماما اكمالها بلبس منديل القراصنة الاسود ورسمة الجمجمة بالابيض علي رأسه.. شاهدنا مع بعضنا بعض افلام الكرتون..ثم تناولنا العشاء..ثم بدأنا الحرب بالسيوف الفلينية.. بالطبع لم احارب معهم إذ أنني كنت وباقي العابهم جمهور المشاهدين... استمتعت تماما بعد جولات الفوز لكل منهم وطبق البوب كورن بجانبي اتظاهر مرة بالفرح لانتصار بيتر بان ومرة لغنتصار القرصان وايضا لخوف منه! ثم كانت الاستراحة التي جلسنا نتناول الحلويات ونحكي قصص عن جاك القرصان والاميرة النائمة! ...... ......
جاءت الساعة التاسعة وتعب يوسف وياسين من اللعب فكان النوم الهاديء ولاحديث في اليوم التالي عن وجوب عمل حفلات ممثلة مستقبلا!
......... .........
10-07-2012, 08:01 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
كنا لو قالوا لينا دايرين شنو نقول ليهم رغيفة وموزة وكان كترنا وعايزين نتحكنش نقول حلاوة دربس بس
ايوه طبعا فروقات في اي شيء..
طبعا امس السبت قضيناهو وباقي الاسرة عند ماما جارة.. بيتنا معاها..الضحوية قلنا للعيال الكبار اخدوا الصغار وأمشوا ماكدونالد.. قلنا يغيرو جو لكن في الاساس كنا عايزين راحة بال! محمد عوض أداهم القروش..وبعد ما طلعوا حضرنا القهوة وقعدنا قدام التلفزيون علي اساس انه البيت هاديء ومافيه أطفال وإحنا لسه تعبانين من هيصة السبت.. بالله يالطيب قلت اتصل اشوفهم وصلوا كيف..الساعة القالوا هم في طريفهم راجعين البيت انا صرخت والجنبي كلهم صرخوا..
هم مشوا متين علشان يرجعوا؟؟ قلت لمحمد مسكين..قروشك مواصلات راحت علي الفاضي
..... .....
اسه خلاص رجعنا ومشوا ينوموا بكرة المدرسة!
........ ........
10-07-2012, 08:51 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ما أظن اقدر أمشي السودان قبل السنة الجاية! عندي اشغال هنا لازم أخلصها في الاول.. بالله اكلوا لي ضحية معاكم ولما تتلموا اتذكروني.. عيد مبارك من دلوقتي الدنيا ما معروفة!
عندي صورة للاستاذ محمد ميرغني بفتشها وبنزلها ليك هدية العيد.. سلم علي اسامة كتير..
وأنت طيبة يا منى وين الضحية يا منى الغريب في الأمر وانا بصدد الرد على كلامك بعد أن اقتبسته كنت في الفيس شتاتنق مع أبن خالي وسألتو من الأضحية كمالخروف قال لي هسي بي 1500 يعني بي الأصابعين حساب وعدا زي زمان مليون ونصف قلت لي السنة دي الأضحية مرطبات قال لي : الموز الكيلو بـ 5000 بي بالقديم ما تتخلعي وتقومي بعد عشرة سنين ماتجي يا ريت صورة جميلة للاستاذ محمد ميرغني وعيدك مبارك بين الفرنج وتحياتي لماجدة مودتي وتحياتي
10-07-2012, 09:15 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: وأنت طيبة يا منى وين الضحية يا منى الغريب في الأمر وانا بصدد الرد على كلامك بعد أن اقتبسته كنت في الفيس شتاتنق مع أبن خالي وسألتو من الأضحية كمالخروف قال لي هسي بي 1500 يعني بي الأصابعين حساب وعدا زي زمان مليون ونصف قلت لي السنة دي الأضحية مرطبات قال لي : الموز الكيلو بـ 5000 بي بالقديم ما تتخلعي وتقومي بعد عشرة سنين ماتجي يا ريت صورة جميلة للاستاذ محمد ميرغني وعيدك مبارك بين الفرنج وتحياتي لماجدة مودتي وتحياتي
حلمت يا خالد كده والدنيا كانت علي وش فجر بواحد لابس عمة كبيرة وعباية واقف بيخطب..من خطابة يعني.. فس ناس كتيرة كده شكلها زهجان وفيهم ناس شابلة عصايات وناس بتشتم..المهم هو كان يبقول ليهم بثقة تامة..
ماعليكم ضحية.. كدي كلموني.. هو في ضحية أكثر منكم!
صحيت بسرعة وجريت اتصلت بخالي واعمامي وناس الجيران وحكيت ليهم الحلم قلت افرحهم لكن تاني خفت وقلت ليهم فسروه براكم!!
....... .......
اوعاك تمشي تصدق حكاية الخروف ابو 400 الف..السنة الفاتت عندنا سواق قال اخوه شغال في محل الحكومة داعمة خرفانه وتمنه 250 الف ...متل أكنها دعمت الناس وجات بعده عايزة تدعم الخرفان!! أها الخروف حلف مايستوي ليهم وحلف ما يطلع ليهم شية!
بعدين حرام تضيع حاجة قيمتها عالية كده..لازم تحافظ عليها.. بقصد الخروف الغالي..الناس تدفع الإيجار..ولا تشتري هدوم العيد..ولا تدفع فاتورة الكهرباء ولا تاكل الفول؟؟ وبعدين هي ال1500 دي ذاتها.. يتسلفوها من وين؟؟
وبعد ترحيل ابو حمزة الي الولايات المتحدة حيث تعقد محاكمته.. حاولت السلطات أن تطلب من المجلس المحلي أن يخلي المنزل الذي تسكنه أسرة ابو حمزة منهم.. ثمن المنزل في السوق مليون جنيه إسترليني وهو ملك لمجلس هامرسميث علي ما اذكر.. الا أن المجلس رفض قائلا أن الزوجة وهي الساكنة بأسرتها لم تفعل قانونيا ما يعرضها لإخلاء المنزل..كما انها من الساكنين بعقد قديم (Secured tenant)..وعلي حسب العفود القديمة لا يحق للمجلس قانونيا أن يجبر أحد سكانه علي إخلاء السكن الا في حالة خرقه للعقد!
.......... .......... شوفتو أهمية فصل السلطات من بعضها!
10-09-2012, 07:44 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: بالله يالطيب قلت اتصل اشوفهم وصلوا كيف..الساعة القالوا هم في طريفهم راجعين البيت انا صرخت والجنبي كلهم صرخوا..
هم مشوا متين علشان يرجعوا؟؟
يا منى حرام عليك - ياخ ناس يس ويوسف ديل حلوين اوي - معقول تصرخي لعودتهم ولا بتقصدي ربما يكون هنالك امر اخر؟
والله يا منى انا لما امشي السودان احفادي يصحوا من الصباح ويجوا يكابسونا في بيتنا من الصباح بحثا عن جدو بابا ( جدو بابا) دا هو الاسم الاطلقتو مآب الحلوة بنت عبد ولدى وصار لقب ( جدو بابا) هو السائد بين احفادي كلهم .
المهم يصحون من الصباح ويبحثون عن جدو بابا وتحصل المشكلة عندما يفشل احدهم في الحصول على حتة طارفة من صدر جدو بابا ليسترخي عليها .
10-09-2012, 08:34 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا منى حرام عليك - ياخ ناس يس ويوسف ديل حلوين اوي - معقول تصرخي لعودتهم ولا بتقصدي ربما يكون هنالك امر اخر؟
والله يا منى انا لما امشي السودان احفادي يصحوا من الصباح ويجوا يكابسونا في بيتنا من الصباح بحثا عن جدو بابا ( جدو بابا) دا هو الاسم الاطلقتو مآب الحلوة بنت عبد ولدى وصار لقب ( جدو بابا) هو السائد بين احفادي كلهم .
المهم يصحون من الصباح ويبحثون عن جدو بابا وتحصل المشكلة عندما يفشل احدهم في الحصول على حتة طارفة من صدر جدو بابا ليسترخي عليها
.
يا شيقوق كلامك صح..بس مرات كده الزول بيكون عاوز شوية راحة بال.. يعني ما ممكن نطيط فوق راسك 24 ساعة..غايتو ربنا يحفظهم.. ايه رأيك في بوست اسمه جدو وجدتو؟؟ أنا غايتو مستعدة..
يوسف وياسين لما نكون ماشيين عند ماما جارة بيكونوا فرحانين بشكل ما تتخيلو كيف..
يكلموا حبوتبهم التانية فرحانين
Nany, we are going to mama Jara's house!
بعدين احفادك القالبين الكلمة ولا ده انت ناسي؟؟ يعني بيقولوا بابا جدو مش جدو بابا..
...... ......
10-09-2012, 10:00 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
تواجه إمرأة بلاغ قضائي بسبب قتلها لقطتها.. قالت المرأة والتي تربي ثلاثة قطط ماتت إحداهما مدافعة عن نفسها.. جاءت القطة متألمة ليلا فأعطيتها مخفف للألم (باراثاتامول) الا أن الألم زاد.. فإتصلت بالجهة المختصة بعلاج الحيوان لإسعافها..الا أن القطة ماتت!
التهمة القضائية التي تواجهها قائمة علي أن الباراثاتامول مخفف للالم للإنسان وله تأثير عكسي وقاتل علي الحيوان.. أعتقد أن تهمتها هي القتل غير العمد!!
......... .........
كديسة دي ياناس السودان..انتو تمشوا بني آدمين يقتلكم بالإهمال وزول يسأل فيكم مافي!
........ ........
النقاش في البرنامج لهذه القضية التي تناولتها الصحف تناول جانب الجهل في معاملة الحيوان وفي فهم إحتياجاته.. وإنتقد المشاركون تربية الحيوان بدون معرفة..فالسمك الملون مثلا يموت ان لم نغير له المياه ولم نلتزم بنوع غذاءه.. وكذلك كان حال تلك القطة المسكينة التي ماتت بسبب الجهل!!
......... .........
10-11-2012, 08:37 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: بدءً لك الشكر أجزله يا رائعة على هذه الهدية الرائعة ربنا يحفظهما ..
دا الحيرنا.. وحيناً تكون الحيرة محيرة جنس حيرة لا نملك إلا أن نقول الله المستعان
بس نقعد نغني
وجانا العيد وأنت بعيد يا الخروف وانت سعيد
وسعادة الخراف ( السنة يقل عدد ذابحيها وأكليها )
التحايا بطعم شية جمر لك وانت في بلاد الفرنج
كيف حالك يا خالد.. ممكن جدا الخرفان تكون عايشة طوالي في حالة خوف من ذبحها.. ويتزايد الخوف لما العيد الكبير يجي وموسم الحج.. يازول الخرفان خايفة من ذبحها والناس خايفة من عدم ذبحها!
........ ........
10-11-2012, 09:34 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: يا شيقوق كلامك صح..بس مرات كده الزول بيكون عاوز شوية راحة بال.. يعني ما ممكن نطيط فوق راسك 24 ساعة..غايتو ربنا يحفظهم..
طالما حتى مع ناس يس نفسك بحر كدا التانيين مجبورين يتحملوك
Quote: ايه رأيك في بوست اسمه جدو وجدتو؟؟ أنا غايتو مستعدة..
هووووووووى امشي برااااااااااااااااااااك سويهو ولا حتى بجاملك فيهو بكلمة ههههههها
Quote: يوسف وياسين لما نكون ماشيين عند ماما جارة بيكونوا فرحانين بشكل ما تتخيلو كيف..
يكلموا حبوتبهم التانية فرحانين
Nany, we are going to mama Jara's house!
طيب دا كلو ساهل اها ماما جارة بتقالبهم بالانجليزي؟
Quote: بعدين احفادك القالبين الكلمة ولا ده انت ناسي؟؟ يعني بيقولوا بابا جدو مش جدو بابا..
لا والله دى مآب بت عبد الله ولدى حلوة شديد ودبست فيني كلمة جدو بابا خلت اولاد عالياء بتي ومرتضى ولدى كلهم مسمنى جدو بابا شفت كيف . هم يا منى في الطابق العلوي ومن الصباح دغس نسمع ليك الكركبة وهم نازلين كايسين لجدو بابا
10-12-2012, 08:39 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: هووووووووى امشي برااااااااااااااااااااك سويهو ولا حتى بجاملك فيهو بكلمة ههههههها
شيقوق إنت خايف من شنو؟؟ ما ده واقع انت عندك احفاد والناس دي كلها عارفة تاني خايف من إيه؟؟ والله بوست بيكون دمه خفيف..ايه رأيك؟؟
طبعا بالنسبة لياسين ويوسف ماما جارة تتكلم معاهم بالعربي وطبعا هم ما فاهمين هي بتقول شنو..تقوم تتغاظ منهم وتقوليهم أنا مش بتكلم معاكم؟! يعني كمان زعلانة علشان ما بيردو عليها..
السنة الفاتت طلبت من عبد الرحيم ابوهم يجيب ليها حاجة من البقالة.. طبعا طلباتها كلها بالعربي..واتخيل كانت عايزة شنو؟؟ كانت عايزة بسلة وجزر وحليب وشوية حاجات تانية.. طبعا قالت ليه بالعربي وبس عارفة اسم اللبن بالإنجليزي..الولد المسكين ماعرف يتصرف..اتصل بي وطلب مني أتصل بيها اسألهامن الطلبات.. لما سألتها ردت لي بإستغراب.. هو لحق ينسي؟؟
كانت أمسية جميله بعد نهار حافل بزيارة البركل..توجهنا جميعا بعدها الي منزل خالي في كريمة حيث كانت إقامتنا خلال زيارة العمل.. إثنين من زملائي في العمل.. السائق وضابط الخدمات..ثم ضيفتان من كندا وصديقتي السودانية.. قطعا السفر تلزمه الرفقة الحلوة المرحة وكانت الرفقة في تلك الرحلة بالذات من أجمل مايكون فجميعنا نحب الضحك ونغتنم الفرص للأستمتاع بالوقت خاصة أن وقت العمل كان يستهلكنا تماما..
في تلك الأمسية اصر خالي علي أن نحضر معه زواج شقيقة صديق عمره..كان الزواح في كريمة..فرحت الكنديات بالدعوه فرحا شديدا وعلي الرغم من التعب فإننا قررنا الذهاب حتي يسعد الضيوف بحضور بعض الاحتفالات السودانية.. بالنسبة لي كانت تلك أول مرة أحضر فيها مناسبة زواج في الشمالية ..كان الإحتفال في الشارع حيث الدعوة عامة وأعتقد أن كل كريمة ومروي وماجاورهم كانوا حضورا .. أولا لان والد العروس كان من أعيان المنطقة تانيا لأن فنان الطنبور كان "عبد القيوم" تم إجلاسنا في الصف الأول كما تقتضي الضيافة التي بالطبع لم ترضي إحدي النساء فمضت تعترض بكلمات أخجلتني كثيرا وجعلتني في تردد بين مواصلة الجلوس او القيام وإحراج الضيوف معي..الا ان باقي النساء ويلسان واحد أخرسوها وبسرعة تم نقلها الي الصف الخلفي مع اصوات تتمتم بكلمات تضع لإعتراضها حدا.. شوف الما بتخجل..مابتعرفي الضيافي أصلك؟؟ وتعالي صوت اخري عرفت فيما بعد انها ابنة خالة العريس.. ه ي دي ذاتا العزما منو؟؟لاها قريبة العريس لاها قريبة العروس كمان دار تحمي الناس القعاد! انتهي الموقف بصراخ عالي ومفاجيء من الحضور رجال ونساء..ظننت أن هناك أمرا قد حدث..لكن اتضح ان الصريخ كان بسبب وصول الفنان وفرقته.. تعالت اصوات الترحيب باللهجة الشايقية المحببة ومع بداية العزف علي الطنبور زاد الصريخ وسط استغراب الكنديات فشرحنا لهم ان كل ذلك الصريخ ناتج من فرحتهم بالفنان.. بدأ عبد القيوم بالغناء ..وفي لحظة إنطلقت عدة نساء داخل الساحة يرقصن كالسابحات وهن في حالة إنسجام ظاهر ورقض تود وأنت تشاهده أن لا تتوقف اي منهن علي الإطلاق... إنتهي الفاصل الاول وقاربت الساعة علي الواحدة صباحا..ومع إنتهائه وصلت عربات كبيرة محملة بالبوليس ..ظننا ان النظام العام قد وصلهم وأنه توجب انهاء الحفل!! لكن اتضح لأن والد العروسة كان من المحبوبين والمعروفين في كريمة... حضر البوليس للمشاركة في تنظيم الحفل خاصة وأن جماهير عبد القيوم كانت عريضة مما قد يوعد بمشاكل..
بجانبي جلست إحدي الشابات الجامعيات..تبادلنا الونسة أثناء إنتظار رجوع عبد القيوم للغناء..شرحت لي كيف يعشق أهل كريمة وغيرهم غناء عبد القيوم..تابعت ونستها وهي تعلق علي اشياء مختلفة وباللهجة الشايقية التي اعشقها كثيرا مما جعل الونسة بيننا ممتعة جدا.. انتهت الإستراحة ورجع عبد القيوم لبدأ الفاصل الثاني..وبمجرد أن بدأ دخلت احداهن الي ساحة الرقص..رقصت رقصا أطرب الفنان نفسه..فإذا به يرافقها في خطواتها راقصا دون ان يتوقف غناءه أو عزفه..وكلما رقصت كلما ابتهج الطنبور أكثر..زاد العسكر من تنظيم صفوف الرجال والذين إنتابتهم رغبة شديدة للدخول والرقص..إستمر الغناء ونفس الراقصة والفرقة والفنان معها خطوة خطوة.. رجع الفنان الي محل المايكرون المخصص للغناء واستمر في غناءه قليلا..ثم فجأة رفع عمامته من فوق رأسه ورماها عاليا في الهواء ومع تلك الرمية صرخ الجميع صراخا عاليا جدا بينما توجه هو للخروج من الحفل.. ظننت أن هناك ماأغضبه..سالتها وهي بجانبي..
مالذي أغضبه؟؟ ردت..
لالا ..بس نفسيات!
نفسيته تعبانة يعني؟؟
ضحكت كثيرا من سؤالي ثم شرحت..
لالالا اصلو كدي.. وقت يتكيف يرمي عمته لا فوق..وبعدها مابرجع يغني تاني.. الزوله الرقصت معاهو ديك..كيفتو! ............
وهكذا انتهي الحفل الجميل وعبد القيوم في الذاكرة هو وعمته ..
سلام لكريمة ونخيلها وأهلها..
10-15-2012, 10:27 PM
Raja Raja
تاريخ التسجيل: 05-19-2002
مجموع المشاركات: 16054
إزيك يارجويه.. والله ياريتك كنتي معانا.. وبعدين شوفي انتي المصطلح "نفسيات" ذاتو عجيب كيف!
أما بالنسبة للبوستات إياها أختك اتلدغت علي خفيف كده كم مرة .. وطاقة ألات شكل وكتابة شرح طويلة ماعندي ليها قدرة ولا خلق (بضم الخاء) أها أخير أجي أتونس مع الصحاب ولا مع بت أم روحي دي وأفوت.. لا مفرق جماعات لا غيره.. بيني وبينك الخواجة مسكين راح في الرجلين دون ذنب يجنيه وكذلك المرأة السودانية هاهاها
بالله كرري الجية ما تبقي زي راوية ..
......... .........
10-16-2012, 06:25 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
إستعدلت في جلستي أمام المرآة مستعينة بكرسي العجلات في الدوران.. بينما وقفت هي تلف شعري علي البكرات إستعدادا لتجفيفه.. جلسن خمسة فتيات عاملات في نفس المحل علي مقاعد مختلفة في أنتظار العمل..كنت الزبونة الوجيدة في ذلك النهار..
انتي يا محاسن الصرفة دي حقت سهام موش؟؟ ثم لم تنتظر حتي إجابتهن فمضت تقول بثقة وحسم.. الصرفة الجاية طبعا حقتي ما دايرة زول يجي يحنسني فيها..
بسرعة تعالت أصوات الأخريات مخالافات لرأيها..
هوووي ما تستهبلي انتي صرفتك الاخيرة..يعني بعد الجاية .. صح ولا لأ يا محاسن..الصرفة دي حقت سهام والبعدها سوسن وإتي الأخيرة..قالت جملتها الأخيرة وهي متجهة الي درج الطاولة في ركن الغرفة..فتحت الدرج وتناولت منه نوته صغيرة..
أها بس الحمدلله لقيتها..ذهبت بالنوته لها وهي تشير في أحدي الصفحات وهي تضحك لأنتضار رأيها..
ياها دي صرفتك الاخيرة مكتوبة في نوتة المحل هنا في الدرج.وبركة الكتبتها كان تقعدي تغالطي جنس غلاطك الثقيل داك!
ردت هي بغيظ وخيبة أمل من كان يؤمل علي شيء لن يحدث علي الاقل في الوقت الحالي..
خلاص مافي مشكلة لا تغالطوني لا أغالطكم..أنا باخدها في الآخر وبتصرف في ديوني والله كريم.. ثم إلتفتت برأسها ناحية عزة..أها يا سهام ماشة تسوي شنو بصرفتك؟؟
ردت سهام هي ترفع قليلا كتفها الايمن وتنزله مع بداية ردها.. أنتي ماعارفاني اصلو الكريمات ما بلعب بيها..ماشة أصرف الميتين والخمسين كلها علي الكريمات.. تتذكري الخلطة الكلمتنا بيها مدام سعاد ديك؟؟ انا كان جربتها بعد ما أدتني حبة صغيرة في علبة النيفيا الصغيرة والله فتحت لي وشي وشالت القشرة مع انها كانت كمية بسيطة.. بس ماشية أجيب العلبة الكبيرة بيركبوها بي ماية وسبعين..و
قاطعتها إحداهن.. يا خاينة ليه ما أديتينا نجربها معاك؟ بسم الله..هي شوية قلت ليك في علبة النيفيا كفتني مرتين بس سعاد أختي ذاتها سرقت منها مرة! رجعت للحديث لتكملة حديثها..
وماشة اشتري البلوزة الصفرا العا########ي ديك في السوق الشعبي صاحت محاسن بطريقة من تذكر شيئا مهما..
آآي يا دي..انا ما ما وريتك..سامية أختي مامشت أشترت البرتقالية والله كان شوفتيها سمحة خلاص عندها اسكيرت أسود ضيق فيه خط ستان كان لبسته أنا اليوماداك في عرس نعمات والله صحي انتي ماكنتي في..سمح شديدعاجبني اريت لو عندي قروش كان مشيت اشتريت أخوه..
عليك الله أشترتها؟..حظها لكين عنها اسكيرت ماشي معاه..غايتو الإسكيرت الا بس اصبر لبداية الصندوق الجاي اكان الله هون! ثم رجعت لحديثها الاول..أها سمح انا غايتو عجبتني الصفرا وماشة باكر بعد المرقة من الشغل أمشي طوالي أجيبها..
لكن بعد تمرقي السوق ما بكون قفل؟؟
لا باخد إذن ساعة قبال المواعيد كلمت ألم ووافقت....
أها كدي سمح ياختي القروش مانان كملت كريمات سااكت!
ضحكن جميعا وتحول النقاش لموضوع آخر ومازالت هي مستمرة في لف شعري علي البكرات...
.......... ........... أحيانا أحلام الإنسان بسيطة وتحقيقها علي الرغم من سهولته البادية لنا إلا أنها غير ذلك لبعض الناس.. أن كان المرتب 500 فإن مبلغ ال250 يعني نصف المرتب..وماكان لأي منهن أن تحصل علي البلوزة والكريم الا بطريق عمل الصندوق!
.............. ..............
نواصل..
10-17-2012, 12:24 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وقفت لحظات تستمع الي صوت الآخر قادما عبر تلفونها المحمول..ثم بدأت هي في الرد علي الحديث.. ماقلت ليك خلاص أنا بدفع المقدم لكن الاقساط كان دفعتها ما بفضل شي ادفعو لمصاريف البيت.. سكتت برهة قصيرة ثم واصلت وهي تواصل تنظيف الارض من الشعر المقصوص بعصاة طويلة في طرفها بشكير جاف... أنا ما كلمتك اول أمس وقلت ليك الثلاجة بمليون وتلتمية وصاحب المحل وافق ندفع في الأول خمسمية وبعداك ميتين كل شهر..وده بعد تحانيس وبعد عواطف ماكلمتو هم كانو اشتروا منو بوتاجاز وثلاجة واسه ماشاء الله قربوا يكملوا الأقساط.. يعني شنو احنسو ليه؟؟ حنستو لأننا ماعندنا قروش ندفعها مرة واحدة! ردت وقد ضايقها حديث الطرف الآخر..خلاص كويس نتفاهم بعدين.. قفلت الموبايل وارجعت العصاة الي محلها في المخزن خلف الباب وجلست علي أول مقعد صادفها وبعض من الضيق ظاهر علي وجهها..التفتت لزميلتها قائلة.. غايتو عزو ده زول غياظ خلاص..عليك الله تلاجتنا دي بايظة ليها تلاتة شهور..كل يوم يجيب واحد من أصحابه المكانيكية يقول صلحها بلا تاني يوم تقيف! قلت ياعزو الكلام ده ما بينفع التلاجة دي منتهية نحنا اساسا لامن اشتريناها كانت ساكند هاند.. كلمته بالتلاجة الجديده بس ماسك في مافي قروش اسه.. واسه دي لمتين بس خليها ساي ..أها وكت كلمته بزولكم بتاع الأقساط قعد يقول خلي الموضوع ده اسه أنا داير اشتري لساتك للعربية وبطارية.. قاطعتها عواطف..
سمح ماخلاص انتي قلتي بتدفعي قسط التلاجة الاول المشكلة وين؟؟ خليهو هو في لساتك العربية ما برضها مهمة!
القضية ما قسط التلاجة بس..اسه علينا ايجار سبعماية الف..وعندنا ديون ما كملت من يوم ماعرسنا..وقروش الروضة حقت ولدي مية وخمسين ألف..وفواتير الكهربا والموية وأكلنا وشرابنا..وهو من اتسلف علشان يشتري الامجاد ..القروش البتجي ما بتكفي رد السلف ومصاريف البيت..العربية ذاتها ماكانت جديدة كل يوم والتاني معطلة ودايرة اسبير..وانا براك عارفة مرتبي ما وصل الستماية الف..اركب منها مواصلات وأدفع منها حق الفطور معاكم..يعني دايرة لي خمسة الف في اليوم.. المواصلات باتنين ماشي واتنين راجع..وفطورنا ياهو سوا نخت كل واحدة الف ونعمل فتة عدس ولا فول ساي دي براها قربت تبقي نص المرتب..قلت قروش الصندوق الدخلتو مع ناس امي ماشة أتم عليه تلتمية من المرتب الجاي و أدفعو مقدم للتلاجة.. كده بتكون الميزانية اتلخبطت اها هو كان ماجاب قروش لمصاريف البيت بنكون اكلنا نيم!
لأنه طاقية نشيلها من راس ده نلبسها لي راس داك ذاتا مافي..
......... .........
نواصل مع الفقر..
10-20-2012, 12:57 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
إتصل بي أحد اصدقائي من الخرطوم لمباركة العيد قبل ان تزدحم الخطوط وينشغل الناس بضيوفهم.. سالته كم ثمن الخروف؟؟
أجابني بأن ثمنه لا يقل عن الاف وخمسمائة أو مليون ونصف سابقا.. ثم استطرد قائلا.. أنا لي موقف من الذبيحة بهذا اسعر الخرافي وقد التزمت اسرتي معي بذلك.. مثل هذه الذبائح بالاسعار الخرافية غير واجبة وأري فيها ظلم لا يتناسب مع الدين.. أنا قادر أن اذبح لكن جيراني المباشرين من الناحيتين غير قادرين علي ذلك.. تصبح ذبيحتي في مثل هذه الظروف مخجلة لي!
أوافق صديقي علي ماقال وعلي موقفه المبدئي!
...... ......
10-24-2012, 11:13 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
المشكلة النظام بيكره شعب السودان.. ومابيهمه لو ضربته اسرائيل ضربتين تلاته بعد مسخرته البيعمل فيها.. وما بيهمه لو كل البيوت اتحرقت واتهدمت علي اصحابهامن ضربة إسرائيل..
Quote: زمان كان في ناس بتخجل توري انها ما ضابحة بسبب غلاء الخروف..وجيرانها كلهم ضابحين دلوقتي في ناس بتضبح وتخجل توري انها ضابحة والحوالينها كلهم ما ضابحين!
حكمة اليوم يا مني ... علّ الناس تعتبر ...
ياخي ونستك المكتوبة ... تريح الاعصاب ...
زى الزول القاعد في عنقريب حبلو مرخي ... قاعد في طرف برنده هواها هبابي ...
وفي طرف البرندة مزيرة نضيييفه و ازيارها مندية ... ولفحة الهوا بتجي مارة و شايلة " دعاش " المزيرة البارد ...
معسكرين ... بعد اذنك ...
10-25-2012, 05:30 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
والله الواحد محتار حكامنا ديل بفكرو كيف!؟ وليه دايما شغالين معانا بالمقلوب!؟ الناس بالأول بوفرو العيش الواااحد دا ويضمنو قوت عيالم وسلامتم .. بعد داك بوفرو عناية صحية وتعليم متقدم لأسرم.. بعدين يجو لتصليح مساكنم وشوارعم ويعتنو ببئتم ويوفرو وسائل الحياة الكريمة .. في كل المراحل دي بكونو متصالحين مع أنفسهم ومن حولهم .. عشان يضمنو سلامة وأمن أرواحم وعوائلم .. بعد ينجزو ده كلو حتين يفكرو في الاسهام لتوفير الأمن والسلامة للآخرين .. قال أيه : ساكن في عشة ويولع النار في الغابة !!!
تحياتي يا منى وكل سنة وأنت وأسرتك الصغيرة والكبيرة بخير.
10-31-2012, 07:28 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
زى الزول القاعد في عنقريب حبلو مرخي ... قاعد في طرف برنده هواها هبابي ...
وفي طرف البرندة مزيرة نضيييفه و ازيارها مندية ... ولفحة الهوا بتجي مارة و شايلة " دعاش " المزيرة البارد ...
معسكرين ... بعد اذنك ...
سلامات يا يحي قباني وشرفتنا جدا بزيارتك اللطيفة.
العيد جه وفات وغير شوية كلمات معايدة مع اكل اللحمة مافي شي!
وفي السودان.. كتير كان إحساسهم زينا وكتير أوحش مننا وغيرهم في الطريق..وهذا دون تشاؤم!
....... .......
ثم قامت صديقتي واسرتها بالتعاون لخلق أو لإرجاع الاحساس بزمن قديم كان فيه عيد.. فجمعوا بينهم ثمن خروف مقول الحال.. وقالت..
أكلناهو كلو في الفطور وخلاص!
طبعا طلعو عين الخروف..نظريا وعمليا! يعني بعد مغاوضات مع تاجر الماشية ووقوف مع الجزار لحظة بلحظة..ما رمو من الضحية اي حاجة.. طبخوا اي حاجة فيه ولما فضلت عيونه اكلوها!
السنة الفاتت كنت في الخرطوم وقررت اضبح.. مافي زول معاي غير البت الشغالة..والضبيحة كانت حركات مني ساكت أول حاجة قلنا للجزار تشيل الراس والجلد ما تدخلهم البيت.. وبعدها أديناه الكمونية.. وبعد كده اتبرعت بالكبدة والكلاوي والقلب وشوية لحمة للشحات واسرته الواخدين منطقتنا إحتكار.. والفضل عملناه شية واصلو الزوار شوية ..اكلناهها وخلاص!
.......... ..........
تحياتي..
10-31-2012, 08:06 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
المشكلة النظام بيكره شعب السودان. ______________________________________
Quote: والله الواحد محتار حكامنا ديل بفكرو كيف!؟ وليه دايما شغالين معانا بالمقلوب!؟ الناس بالأول بوفرو العيش الواااحد دا ويضمنو قوت عيالم وسلامتم .. بعد داك بوفرو عناية صحية وتعليم متقدم لأسرم.. بعدين يجو لتصليح مساكنم وشوارعم ويعتنو ببئتم ويوفرو وسائل الحياة الكريمة .. في كل المراحل دي بكونو متصالحين مع أنفسهم ومن حولهم .. عشان يضمنو سلامة وأمن أرواحم وعوائلم .. بعد ينجزو ده كلو حتين يفكرو في الاسهام لتوفير الأمن والسلامة للآخرين .. قال أيه : ساكن في عشة ويولع النار في الغابة !!!
تحياتي يا منى وكل سنة وأنت وأسرتك الصغيرة والكبيرة بخير.
اولا كل سنة وانت واسرتك واي زول بتحبه بخير.. ثانيا خروفكم كان كيف..فضل حاجة فيه للغدا؟؟ .......... ..........
الجماعة الحاكمين السودان ديل اساسا ما بيفكروا في الشعب الا من حتة تسلط وجمع أموال منهم.. اي إنسان طالع بتربية معتدلة أو نوعا ما معقولة..بيخاف يعمل ربع عمايلهم دي! ديل لا بيعرفوا الله..ولا عندهم ضمير..وما افتكر في انانيتهم وإجرامهم ده بيكونوا بيفكروا في العواقب عليهم وعلي أولادهم! قال شنو.. كمان بيهددوا إسرائيل! ياربي يكونوا عايزين يعني من باب الخوف من المنتظرهم.. ينتحروا ويقتلوا باقي البلد كلها معاهم؟؟ علي اساس عليا وعلي أعدائي؟؟
يمكن!
وين شعبولة؟؟ يجي يغير مكان الكلمات ويغني لينا أنا بكره البشير..وبخاف من إسرائيل!
...... ......
أيامك بيضا يامحمد علي طه
10-31-2012, 09:46 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وأنا الأسعد بتواجدي هُنا .. مع العلم أنني متواجد في بوستاتك قبل انضمامي للمنبر ...
Quote: وبعدين صورتك دي مشرقة لانه ضحكتك فيها ظاهر عليها طالعة من القلب..
الصورة كانت في يوم زواجي .. وبعد رؤيتي لها اقتنعت تماماً بأنّ القلوب شواهد ... لأنّ من التقطها هو أعزّ أصدقائي .. والتقطها في أسعد يوم بالنسبة لي وبجانب شريكة حياتي .. وطلعت الضحكة بالنسبة لي أجمل وأنقى ضحكة في حياتي ... والغريب في الأمر قبل أن يلتقطها قابلني بأجمل ضحكة شاهدتها له في حياتي ...
Quote: عندي تقليد هنا اي زول يجي لازم يشرب جبنة اعملها ليه أول مرة.. تاني براه يجي داخل الحوش ويقعد يعمل جبنته براه.. أها..بالسكر ولا بالبلح؟؟
تسلم الأيادي .. وبأيّ حاجة بتمشي ...
Quote: كل سنة وإنت واسرتك وحبايبك بخير..
وإنتي وكل الأحباب بخير ...
11-01-2012, 07:05 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: اكان كدا الواحد يقول - يا ربي اكون جزار لمنى بت العوض
كان غيرك اشطر يا شيقوق.. خالي قال تاني مايسمع بي ضبحت خروف.......وهم ما معاي!
الحركة دي عملتها مرة زمان في لندن.. الجزار سلمنا الذبيحة بالمسا.. خليتها في الصينية بعد ماقلت ليه تشيل الحاجات الكتيرة ديك كلها!
يا شيقوق انا ما باكل كمونية.. ياخ دي أحشاء..اسة لو ما غسمها كمونية.. تقدر تاكل احشاء؟؟ وبعدين ما اقدر آكل كلاوي وهي مكنة الغسيل في الجسم.. ولا القلب الكان بينبض بالحياة.. ولا الكبد..مش كفاية هند الكرهتنا في اي كبد؟؟
بيني وبينك أنا طبعي غريب... مش المفروض ما آكل لحمة خالص؟؟
بخليها قريب لإذن الله اصلو ذاتو قندهار ادونا عين فيه!
11-02-2012, 09:32 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: الصورة كانت في يوم زواجي .. وبعد رؤيتي لها اقتنعت تماماً بأنّ القلوب شواهد ... لأنّ من التقطها هو أعزّ أصدقائي .. والتقطها في أسعد يوم بالنسبة لي وبجانب شريكة حياتي .. وطلعت الضحكة بالنسبة لي أجمل وأنقى ضحكة في حياتي ... والغريب في الأمر قبل أن يلتقطها قابلني بأجمل ضحكة شاهدتها له في حياتي ...
أيوة علشان كده يا صبري الصورة سعيدة..
الغريبة الناس ما كلها بتكون بتضحك يوم عرسها..علي الرغم من إنهم بيكونوا فرحانين بالفكرة.. ياخ ناس كتيرة بتجي تقول مبروك والعرسان إيدينهم بتوجعهم وهم اساسا بيكونوا مرهقين من الكوافير للمصوراتي للزفة وتجي بعدها التبريكات الكتيرة.. لأنه كل زول عايز يوري إنه جه وجامل..
وكأننا نعيدمؤتمرات التجمع الوطني الديموقراطي وميثاق اسمرا وإسقاط النظام بالطرق السلمية والمسلحة.. فقط وكما يبدو الإختلاف في إنضمام فصائل جديدة وإختفاء أخري!
........... ...........
12-05-2012, 10:08 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
لا أعتقد فشماتتي في مصاب من يعذب ويقتل بإستمرار تعني أنه أصبح في موقف العاجز لن يستطيع مضرتي ولا تعذيبي ولا قتلي.. تعني أنه يمهل ولا يهمل وأنني صدقت وعد ربي المنتقم الجبار..
12-07-2012, 11:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وقفت مصر كلها وقفة رجل واحد عدا قلة من الاخوان المسلمين وقيل أن عدد الاخوان المنظمون في مصر فعلا لا يتجاوز الثمانمائة ألف! الزيطة دي كلها وعددهم بسيط كده! المهم ان مصر وقفت ضد عملة مرسي المهببة وقالت لا بالصوت العالي للإعلان الدستوري الفضيحة
Quote: بيان المثقفين والكتاب والفنانين حول الإعلان غير الدستوري:
حرية اُنتزعت بالدم .. لن يمحوها إعلان دستوري
لقد جاء الإعلان الصادر في 22 نوفمبر ليقنن رسميًا، الآن ومستقبلاً، خنق الحريات؛ بدءًا من إغلاق الصفحات الثقافية ومنع مقالات الكتاب وإغلاق القنوات التلفزيونية وفصل رؤوساء التحرير ومحاكمتهم ومصادرة الصحف والاعتداءات الوحشية بالأيدي على الكثيرين من الإعلاميين والوطنيين لإرهابهم، وفرض الرقابة على الإنترنت ، والسعي لتمرير مفهوم غامض عن "حماية الوحدة الثقافية" داخل مسودة الدستور يبيح لقبضة الدولة اعتصار كل من يخرج على مفاهيمها المتخلفة للثقافة وللحماية. إن الإعلان الدستوري المشئوم محاولة لإضفاء الطابع القانوني على الأنشوطة التي تلتف على رقبة الحرية والثقافة والإعلام، إذ أنه لا يكتفي بوضع كل السلطات بين يدي الحاكم الفرد المستبد حين يحصن قرارات الرئيس من أي نقض أو طعن ، بل ويعصف بمؤسسة القضاء المصري، وحرية التعبير، والصحافة، ويناقض شكلاً وموضوعًا كل الأعراف الدستورية باعتراف كبار فقهاء القانون بمن فيهم البعض من رجال الرئيس. ويعتبر المثقفون والكتاب والفنانون أن الإعلان الدستوري المشئوم قد عاد بنا إلي عهد لويس السادس عشر حين صاح "أنا الدولة ، والدولة أنا"، وهو وضع لا يمس المثقفين والإعلاميين وحدهم بل مستقبل الديمقراطية في مصر بكل ما تعنيه الكلمة. لكن حبر الإعلانات الدستورية لن يمحو الدماء التي بذلها شباب مصر من أجل حرية وطنهم، ولن يطمسها.
إن المثقفين والكتاب والفنانين يعلنون عن رفضهم القاطع لما يسمى غصبًا "إعلان دستوري"، ويعتبرونه عدوانًا صارخًا على كل الحريات، ويطالبون بإسقاطه، ويذكرون كل كاتب شريف بصيحة عباس العقاد عام 1930م في مجلس النواب حين قال "ألا فليعلم الجميع أن هذا المجلس مستعد لأن يسحق أكبر رأس في البلاد في سبيل صيانة الدستور وحمايته".
إن المثقفين والكتاب والفنانين، إذ يعتبرون أنفسهم جزءًا من ضمير الشعب المصري، وجزءًا من تطلعه للحرية والعدل ، يجدون لزامًا عليهم اليوم أن يعلنوا رفضهم القاطع للإعلان الدستوري المشئوم.
لا للإعلان الدستوري .. كل الحرية للوطن.
12-09-2012, 09:49 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ومادمنا قد سكتنا بعد موت مجدي وجرجس.. ثم علي فضل.. ثم ضباط رمضان.. ومادمنا سكتنا علي التايه وزملائها.. علي أطفالنا في العيلفون.. وسكتنا علي موت راسخ.. علي حرب الابادة في دارفور.. وسكتنا علي قتل أفراد هنا وهناك.. في المناصير وفي بقع السودان المختلفة.. وخفتت أصواتنا ومن قبلها انعدم فعلنا إعتراضا علي المجازر في جبال النوبة.. وعلي كل ما لا نستطيع حصره هنا..
فإنه لا يجب أن نستغرب قتلهم للطلبة الأربعة! ولا علي إستهدافهم هنا لأبناء دارفور فقد أبادوهم من قبل في ديارهم! ولا يجب أن نستغرب أن ضربوا بالرصاص الحي أبنائنا غدا! ...... ......
12-10-2012, 07:23 AM
محمد فضل الله المكى محمد فضل الله المكى
تاريخ التسجيل: 03-29-2008
مجموع المشاركات: 4846
واللهِ ما مسجِّل غياب لكن فضَّلت أستمتع بالسرد خفيف الظل حتى النهاية, بعدين لمن شُفت بكري روحو محرِّقاهو, قلت يا زول أحسن تطِل من الشباك وتسلم على منى قبل قطار الأرشفة يدهمك. أتمنى أن نستصحب هذا البوست للربع القادم.
بت الخليفة تحياتي لكِ وللأسرة. دمتِ لنا.
12-10-2012, 08:22 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
واللهِ ما مسجِّل غياب لكن فضَّلت أستمتع بالسرد خفيف الظل حتى النهاية, بعدين لمن شُفت بكري روحو محرِّقاهو, قلت يا زول أحسن تطِل من الشباك وتسلم على منى قبل قطار الأرشفة يدهمك. أتمنى أن نستصحب هذا البوست للربع القادم.
بت الخليفة تحياتي لكِ وللأسرة. دمتِ لنا.
زارنا النبي! إنت ماعارف زياراتك بتفرحني؟؟ وبعدين إنت بقيت ما بتكتب ليه وحارمنا من جمال كتاباتك وعمقها؟؟ السوق حقكم في الدوحة وشوارعه وشخوصه وحواراته..واحشنا شديد!
.......... ..........
علي فكرة الأرشفة دي مع إنها ضرورية بس دمها تقيل خالص! زي لما تقول لي زول حاجاتك دي كلها ما عايزنهاهنا أمشي شوف حاجة جديدة..وإنت أساسا تكون بتحب حاجاتك! وبعدين أنا مترددة في الإحتفاظ بلحظة.. شكل ايقاعها مختلف من زمان.. أصحاب لحظة الزمان يا ماتوا يا المنبر مات عندهم! بس كمان انا ماعندي بوستات كتيرة والفات قديمه تاه (مثل حبوبات) وأنا بصراحة ماعايزه أتوه أكتر مما أنا تايهه.. لذلك أفكر في الإحتفاظ بلحظة وأكتب فيها ما شئت بمزاجي الذي لا يتحكم فيه الا مزاجي..
ناجية كيف وليه قاطعة؟؟ .......... ..........
مشتاقين لتلك الجلسة علي الغداء وماهيتاب وساندرا وطارق يخدمونا ويملوا الصحون كلما تبقي بها قليل من الملاح.. وونسه وأبو ساندرا ونحن نحكي عن القاهرة والمعارضه الله يرحمها.. وعن الحجاج والدنيا وحلاوتها!
مشتاقوون والله!
12-10-2012, 09:31 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
والمتابع للأفلام المصرية القديمة قد يذكر في أحد أفلام الكوميديا أحد الأبطال يغني علي حظه المتعثر وربما خيبته القويه وهو يغني ويرقص هازا كرشه الكبيره..
ساعة تروح..وساعة تييجي.. ساعة تروح..وساعة تييجي..
هذه الجملة الغنائية تذكرني بحال الثورات في السودان ثم ظلالها علي المنبر..
و"ساعة" السودان التي نقصدها لها توابع وآثار علينا جميعا بدرجات مختلفة..
......... .........
منذ مظاهرات ود نوباوي وتلك القمة التي وصلناها في إحساسنا بقرب إنهيار النظام..لم تأت لنا الأخبار الا بثورة الطلاب القادمة من الجزيرة..ومابين الثورتين نذهب نحن الي مصالحنا ليس حبا في المصالح إنما عجزا وقلة حيلة في التفكير الصحيح عما يجب علينا القيام به تجاه الوطن..وتجاه أغلبية مسحوقة بالتفقير هناك.. حتي يفاجأنا أبنائنا بتمرد آخر وتخرج أجسادهم محمولة الي قبورهم أو لا تخرج إطلاقا..
ثم نجلس بعد بكاء نكرر أغنية ذلك الكوميدي المصري برقصة أو بغضبة!
....... .......
ماذا عن ظلالها في المنبر؟؟
12-12-2012, 08:49 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
تخرج كمية من البوستات تتناول الحدث إما بالكلمات فقط..بالصورة أو بالفيديو أو بجميعهم معا.. ولان الحدث هو نفس الحدث فإن العناوين قد تختلف الا أن الصور هي نفس الصور والفيديو نفس الفيديو.. فيكون إعادة الإنتاج فعلا مقصود به المحاصرة حتي وهو يصيب البعض من الذين أملوا في معرفة أخبار أكثر تفصيلا بخيبة الأمل .. والقاري لمعظم تلك البوستات يفهمأنه قد تم تبادل اللينكات والاتفاق علي لصقها في البوستات المختلفة.. ثم يحاصرك بعضهم بأن عدم دخولك لتلك البوستات يعني أنك أمنجي أو أنك غير متعاطف مع قضايا ابناء الوطن حين أن الحقيقة أن البعص بلغ به الالم مبلغا عظيما الا أنه لا يري في إحتجاجه هنا معني يؤدي الي وقف المجازر.. بينما يخجل بعض آخر من أن دوره ينحصر فقط في بعض كلمات تندد بالفعل الإجرامي ولا ينتج عنها شيئا آخر.. وثورات المنبر.. وفي منطق آخر ثورات المنبر كان ليكون لها شأنا آخر إن خرجت لأرض الواقع حتي ولو بشكل مساهمة تحقق إمكانيات تفضح النظام أكثر.. القناة التلفزيونية والتي يمكنها أن تدخل اي بيت سوداني الآن كان من الممكن أن يكون لها أثر أكبر وأعظم وكان يمكن أن تهدد النظام وتستمر في فضح جرائمه بشكل مستمر بدلا من فوران اللبن الذي يعقبه إنطفاء النار بعد ضياع اللبن!
......... .........
الثورة المنبرية تحتاج لأليات مختلفة ولمنهج مختلف..منهج يفكر ويخطط ليوسع دائرة المشاركة من العضوية..
12-18-2012, 12:59 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وبعدين كتر الكلام عن يوم القيامة.. والاكثار في الحديث عنه لا ينتج فعلا مغاير للحديث عن قرب سقوط النظام في السودان.. يعني إحنا كلنا عارفينه ماشي من سنة إنقلابه.. وعارفين القيامة هاتقوم من قبل ما يولدونا حتي!
لكن ساورني شك بسيط من كترة الكلام في نهاية العالم.. وأكثر حاجة جات سريع في راسي..
طيب لزومه شنو اسه أعمل العملية في رجلي..مش المفروض أنطط في باقي الأيام؟؟ وكمان الصندوق الدخلتو وصرفته ولسه باقي علي أدفع شهور.. ياربي ببقي ذنب عليا؟؟ الا إنني عندما فكرت في ذنب الصندوق ودينه سخرت من نفسي.. جات علي الصندوق؟؟ اكيد ذنوبك كتيرة اقعدي فوق الارض وإستغفري ربك.. لكن لقيت حالي زي التلميذ العنده امتحانات فضل ليه ساعات بسيطه لازم يراجع فيها حاجات كتيرة.. يعني بصراحة مابيقدر يركز..وأنا ذاتي ماقادرة أركز في قصة الإستغفار دي..
علي كل حال نعاين للجانب المشرق في الموضوع.. إذا قامت القيامة بنموت كلنا..ودي اجمل حاجة في نهاية الدنيا.. يعني ما هانتحسر ولا بنلحق حتي نتحسر علي الحياه..وافتكر كلمة موت الجماعة عرس بتنفع هنا كتير.. لأنه في رأيي أصعب حاجة تكون عارف إنك مفارق الحياة..فلو في تأكيد انه أساسا الحياه مفارقه نفسها وكل الناس هاتموت تبقي المشكلة وين؟؟ بس صراحة شهر 12 ده كمان قريب خالص! .......... ..........
12-18-2012, 01:24 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
مبسوطة بزيارتك خاصة إني زي ماتقولي كده راسي ضارب! وراسي ضارب لأنه ماقادرة أركز علي الدنيا والفيها.. اسه بعد كتابتي الصباح وبعد قرايتي لكم بوست ..بتاعين رد الفعل ديك.. وقرايتي لطلاسم ورموز وكلام كبار كده.. قررت إني أكون زوجة مسيلمة الكذاب! علي اساس انه حتي مدعي النبوه وفي الحالة دي مسيلمة الكذاب ما كان ممكن يكون غير راجل.. يبقي أرضي بنصيبي وأكون زوجته..
............ ............
تصدقي يا منو انه اسه بكتب وإحساسي وكلامي ده كله جاني زي القلتو قبل كده؟؟
الليلة أظنوالكلام بقي جد!
أما بالنسبة لمحسن خالد.. فمهما يكون تفسير ما يقوله فهو صادق به..وعلي المستوي الشخصي أعرف محسن وأعرف أنه غير مدعي.. أي أن قال أنه المهدي المنتظر..يكون صادقا في أعتقاده أنه المهدي المنتظر.. وإعتقاده في رأيي له زواياه الخاصه به وحده..
وبعدين أنا عندي إحساس انه أكثر ما أغضب البعض نهاية رحلة بحثه بالإيمان بالله والتوحيد.. ......... .........
خليني أذاكر قصص مسيلمه وأبني عليها حكايات وأرجع!
عليك الله تعالي تاني..
12-18-2012, 08:23 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
خلاص يا بكري.. من حقك من الليلة إنك تطلب رسوم عاليه..رسوم إشتراك يعني من أي زول طالب لعضوية المنبر..ده مابقي منبر..ده بقي حاجة تانية خالص.. وكمان لازم بسرعة تشوف ليك شعار للمنبر يناسب المرحلة الخطرة الإحنا فيها..
عمر البشير؟؟ ياخ نحنا فاضيين ليه!
......... .........
المشكلة أنا ماعندي إحساس بنهاية العالم زي مابعض العلماء بيقولوا.. وكذلك خايفة من عدم الإحساس ده! كم منكم متبلد الإحساس مثلي؟؟
استاذتي العظيمه ما هذ الترف ؟ والله انه فوق طاقة البشر .. وفوق قدرتي ان اتجاوزه وانا بعد في الصفحة الثالثة .. وحتما ساكمله الليله الا ان ينقضي الليل او ينعس الساقي .. هذا شيء لا يمكن تركه للعودة اليه او ورود غيره .. وهوغائب عن بصري (الاعمش) منذ يوليو حتي كاد العام ان ينطوي ..
لا والله .. فساسأله ان يجازي غفلتي .. انا القراي .. الذي يقلب كل ورقة ملقاة علي الارض وبها شخابيط لا تستحق الوقوف عندها .. يفوتني كل هذا البذخ .. وهذا القصر من قصور الف ليلة . وقد كنت اقول لنفسي اين مشاركاتها التي جاوزت الالف العشرين .. حتي قفز هذا البوست الي مدي بصري وهو يحفل بما يهز القلوب والجوانح .. تري من اين جاء .. لا بل اين كنت انا ..
ولن ابكي معك من ذهبوا .. فجراح قلبي لم تعد تحتمل مزيدا من البكاء .. ولن يعصرني الم لما يغشي وطني فقد بليت قدرتي علي الاحساس بالالم .. ولن اشرب معك القهوة ولو صنعتها انت فغصة حلقي لاينزل منها سوي العبرات ودخان التبغ .. ولكنني سافرح معك لو عشت لاري جديد يوم طال انتظاري له
مني خوجلي قولي واطنبي في القول .. انك رائعة .. وسأكفر سقطتي بالقراءة والمتابعة والاستزاده ..
عمر علي حسن
12-18-2012, 10:55 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
تمتع يا ريس بهذه الصفحات التي كتبتها هذه البنت الشقية
كل حرف منها صادق و صادر من دواخل القلب ...
انا ابحث دائماً عن جديدها ..
رغم أنها مقلة ..
ولكني انتظرها ... لأني اعلم انه القليل المفيد ...
تمتع يا خال ...
غايتو يا ود قياني الصفحة الثامنة دي مبروكة شديد إنت وسعادة اللواء في يوم واحد؟؟ ياخ أنا قدر ما بحب لحظة دي قدر ما كنت بفكر اركنها.. مرات يجيني إحساس نوع انتي يازولة في شنو والناس في شنو؟!
وبعدين شفت متبرنا ده طلع كيف؟؟ ياخ أنا مستغربة كيف الأنباء الإقليمية والعالمية ما جابت ذكراه العظيمه لغاية دلوقتي؟؟ ياخ قول الجزيرة العربية ما شغالة بينا.. لكن مرة مرة كده الجزيرة الناطقة بالإنجليزية بتجيب أخبارنا..والعربية نت..ومصر القريبة دي! وبعدين الكنيسة الفي إنجلترا دي أنا ماعرفت مكانها بالضبط..لكن بيني وبينك إن عرفت ماشية أعمل شنو مع الإنجليز المتسلبطين ديل؟؟ كمان يطلعوني إرهابية! إحنا نلقاها من وين ولا وين بس!
.......... ..........
إيه رأيك أعزمك فتاوي؟؟ زورني هنا..أفتكر شقاوتي بتكتر فيه اللينك التحت ده.. لحظه من فضلك..3
شكرا علي كلماتك الطيبة..
12-20-2012, 11:46 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
علي بكري أن يمد في الأيام قبل الأرشفه.. فمحسن العزيز قد إستولي علي البورد بطريقة مباشرة وأخري غير ذلك. إنتشرت البوستات التي تناقش فكر محسن ومهديته.. وأختلفت ا لآراء في بعضها عن البعض الآخر..
الا أن بوست محمد جمال الدين أشعرني أكثر بأني أحضر فيلم رعب حيث "القاتل" ممكن يكون أي واحد فينا!! فعلي الرغم من تغير موقفه ثلاثة مرات في البوست حيث بدأ بالسخرية من محسن ثم بدأ يظهر بعدها إيمانه بمهدية محسن ليرجع في الأخر ويتهم محسن بأنه منغمس في خلق رواية ..
يبقي محمد جمال اذا بيفتكر محسن بيكتب في رواية.. وهو ذاته قعد يغير في كلامه.. بيكون هو كمان بيحاول يقلد محسن "حسب تحليله هو" ويكتب رواية..
وأهه الشخوص والأدوار الثانوية مع البطولة تخلق الجو المناسب..
التنقل في تبني الآراء أخافني أكثر من إحتمالات الأحد!
.............. ..............
إنتو الناس دي كلها بتجيب الكلام البيخوف ده من وين؟؟ شوفتو النقه الفي السطرين حقاتي الفوق ديل ؟؟ اها هناك في قدرها مليون مرة!
12-19-2012, 11:18 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: استاذتي العظيمه ما هذ الترف ؟ والله انه فوق طاقة البشر .. وفوق قدرتي ان اتجاوزه وانا بعد في الصفحة الثالثة .. وحتما ساكمله الليله الا ان ينقضي الليل او ينعس الساقي .. هذا شيء لا يمكن تركه للعودة اليه او ورود غيره .. وهوغائب عن بصري (الاعمش) منذ يوليو حتي كاد العام ان ينطوي ..
لا والله .. فساسأله ان يجازي غفلتي .. انا القراي .. الذي يقلب كل ورقة ملقاة علي الارض وبها شخابيط لا تستحق الوقوف عندها .. يفوتني كل هذا البذخ .. وهذا القصر من قصور الف ليلة . وقد كنت اقول لنفسي اين مشاركاتها التي جاوزت الالف العشرين .. حتي قفز هذا البوست الي مدي بصري وهو يحفل بما يهز القلوب والجوانح .. تري من اين جاء .. لا بل اين كنت انا ..
ولن ابكي معك من ذهبوا .. فجراح قلبي لم تعد تحتمل مزيدا من البكاء .. ولن يعصرني الم لما يغشي وطني فقد بليت قدرتي علي الاحساس بالالم .. ولن اشرب معك القهوة ولو صنعتها انت فغصة حلقي لاينزل منها سوي العبرات ودخان التبغ .. ولكنني سافرح معك لو عشت لاري جديد يوم طال انتظاري له
مني خوجلي قولي واطنبي في القول .. انك رائعة .. وسأكفر سقطتي بالقراءة والمتابعة والاستزاده ..
عمر علي حسن
هسه بس اقول شنو؟؟ والله من الصباح الف في المنبر وأجي أكتب يغلبني..كلماتك فوق طاقتي! فلحظتي هذه والتي تشرفهها أنت بزيارتك الكريمة لها من العمر مايقارب الثمانية أعوام.. معظمها في المكتبة..وإن غبت عنها عامين كنت خلالها كمن فارق توأم روحه.. فهذا البوست هو أنا بكل هدوئي وشقاوتي وغضبي وفرحي.. هو شاهد علي غبائي أحيانا وعلي طفولتي وعقلي وتقديره.. فيه تجاربي وتعريفي لأسرتي.. هل تصدق أن كل من يعرفني يعرف لحظة من فضلك ويعرف ماما جارة؟؟
اكتب في لحظة من فضلك عندما افرح وعندما أحزن..وأكتب أحيانا دون أن اكون في اي حالة منهما! ولكن في اي وقت زار لحظتي إنسان وإنسان عزيز ..تتجدد مشاعري وأبدأ بها الكتابة أو شرح ما يجول بخاطري.. وعدم قدرتي علي مفارقة لحظة ناتج من انها أصبحت مكاني بالحكر.. أكره جدا السكن في بيت الإيجار..والبوستات القصيرة تذكرني بالإيجارات المؤقته.. وعلي الرغم من أن لحظة تشهد تغير مزاجاتي وإنتقالها من مزاج الي آخر..الا أنني في لحظة من فضلك أعيش إستقرار حتي وهو يشغل حيز أسفيري قد يضيع في أي لمحة..
ليتك كنت هنا حين كان أعزاء لنا يسكنون معي هذا البوست ويساهمون في حيويته..كنت والله لجلست معهم وشاركتهم النقاش والونسة والضحك جميل..ولكنت أنت سعدت برفقتهم كما سعدت أنا بزيارتك ورفقتك بإذن الله..
Quote: ليتك كنت هنا حين كان أعزاء لنا يسكنون معي هذا البوست ويساهمون في حيويته
وها انا معك .. اكملت القراء فجرا .. ورجعت اليها ثانية .. منتصف هذه الليله ..
اشياء كثيرة تتشابه واناس كثر مثلي .. وقفوا طويلا عند مواضع استوقفتني .. وبعضهم عاد اليها اكثر من مرة .. اما لجاذبية التعبير او جاذبية الموضوع ..
وانا اصررت علي الاكمال فلم يشف غليلي .. الامر ليس قراءة تلم فيها بمعلومة او خبر ..ويريد قدرا من التمهل والتامل .. فهذا البوست قارة .. اكثر من قارة .. حياة ووجود كامل .. يضني احيانا .. ثم يعود ويفرح
انا لن ارهقك بما يرهقني .. وساقرأ حتي اشبع .. بعدين اكتب .. خياراتي من هذا الكون المترع بوضوح نادر ستكون سباقا مع مافات وما اهملت ..
ولن اتوقف حين ابدأ .. وانا مثلك لا احب بيوت الايجار .. لذلك حاولت ان اتخذ جدار الثانية النادرة سكنا .. والفت مواضيعه .. وسآلف لحظة من فضلك .. واسعد بساكنيه ورفقتهم ..
عمر علي حسن
12-21-2012, 10:58 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وها انا معك .. اكملت القراء فجرا .. ورجعت اليها ثانية .. منتصف هذه الليله ..
اشياء كثيرة تتشابه واناس كثر مثلي .. وقفوا طويلا عند مواضع استوقفتني .. وبعضهم عاد اليها اكثر من مرة .. اما لجاذبية التعبير او جاذبية الموضوع ..
وانا اصررت علي الاكمال فلم يشف غليلي .. الامر ليس قراءة تلم فيها بمعلومة او خبر ..ويريد قدرا من التمهل والتامل .. فهذا البوست قارة .. اكثر من قارة .. حياة ووجود كامل .. يضني احيانا .. ثم يعود ويفرح
انا لن ارهقك بما يرهقني .. وساقرأ حتي اشبع .. بعدين اكتب .. خياراتي من هذا الكون المترع بوضوح نادر ستكون سباقا مع مافات وما اهملت ..
ولن اتوقف حين ابدأ .. وانا مثلك لا احب بيوت الايجار .. لذلك حاولت ان اتخذ جدار الثانية النادرة سكنا .. والفت مواضيعه .. وسآلف لحظة من فضلك .. واسعد بساكنيه ورفقتهم ..
عمر علي حسن
______________________________________
لك الخيار كاملا وغير مشروطا في ماذا وكيف ومتي تقرأ لحظتي .. في كل الأحوال أنا المتشرفة بقراءتك.. أما بالنسبة لبيوت الإيجار.. فهذا أمر بالنسبة لي مخيف جدا خاصة أنني قد جربته في العامين السابقين لأول مرة في السودان.. في فرق كبير بين بيت أبوك أو بيتك وبين بيت زول مافي صلة بيناتكم غير تبادل مصالح..هو او هي بالحيز المكاني وأنت بمالك! وتبادل المصالح أمر مرتبط أولا بالسوق وفي نادر الأحوال توجد ايضا أخلاق.. فكلما تغير السوق من وجهة نظر المالك كلما إنعكس ذلك علي المستأجر! يعني الدولار مثلا زاد..تلقاه هو عايز يزيد إيجاره..مش في السنة مثلا لكن في اليوم.. وفي ملاك (بضم الميم)زي ما بسمع .. ممكن يطلعوا عينك علشان ياخدوا منك زياده علي الرغم من وجود عقد وكده.. بس إحساسهم إنك عندك قروش أكتر بيخليهم يعملوا العجب!
ربنا يدي كل سوداني بيت علشان يقدر يعيش ويناوم مرتاح!
Quote: ربنا يدي كل سوداني بيت علشان يقدر يعيش ويناوم مرتاح!
أمنية مستحيلة..موش؟؟
هنا حيث نعيش .. السكن حق لكل مواطن .. وغير السكن كمان .. وفي بلاد اخري قيل لي ان ان الدولة تكفل للمواطن كل شيء منذ ان يتكون جنينا في احشاء امه .. الي ان يكون قادرا علي كسب رزقه .. وما بعد ذلك .. وكل شيء هذه تشمل كل ما نعاني منه .. وسيعاني منه ابناؤنا واحفادنا (علي الاقل) .. كل شيء ..
واستحالة الامنيه معيار متفائل .. فاذا ملك السوداني بيتا فانه لن يستطبع ان ينام مرتاحا .. عندنا .. ليه ؟
ستحاصره التكاليف وتقض مضجعه .. فتطارده الضرائب والعتب والعوائد وشركة القمامه وشركة النور والماء والذباب والبعوض والناموس وعدم تصريف مياه المطر والشوارع والطرق غي المعبدة والمليئة بالحفر والمطبات والظلام والنفايات والعطن والروائح غير الطيبة .. طيب ينوم مرتاح كيف ..
اخشي يامني .. ان تصبح المقابر امنية مستحيله .. وبالمناسبه هل هي حق للمواطن ام منحة ؟ ..
عمر علي حسن
12-21-2012, 08:38 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
أخشي يامني .. ان تصبح المقابر امنية مستحيله .. وبالمناسبه هل هي حق للمواطن ام منحة ؟ .. _______________________
المقابر من حيث انها ارض ولا من حيث حق كل إنسان في الحصول علي الدفن؟؟ هي في كل الأحوال مبنية أو قائمة علي الموت اللي هو حدث إجباري إلزامي كان ذلك مفاجيء أو بعد مرض.. زفي الحالة دي المفروض يكون حق وليس منحة!
علي كل حال هي المقابر وينا في رقبتها؟ إنت عارف المقابر إتملت؟؟ ده غير الناس المامعروفة مدفونه وين..أكيد ما في المقابر!
طبعا عارف في مصر كثير من الناس مالكة لمقابرها وأحيانا بيكون ما كان عندهم أساسا سكن في الحياة..يعني وهي ميته عظامها مرتاحة أكتر! يعني الاسرة تشتري ارض وتعتبره مدفنها الخاص..بعد كده الزول يكون علي طاولة ولا غيره مش مهم..يزحوا عضامه علي جنبة علشان يدفنو جنبه قريبه.. الستات مع بعضها والرجاله مع بعضها.. قبل شهور مشينا مع ماما جارة مقابر المرغنية في مصر..تعبنا علشان نوصل. لمقبرة جدتي..بس كويس الشجره الجنبها موجوده والغفير موجود..ع لي فكرة الناس بتموت في كل لحظة بكميات خرافة! شوفت حمدالنيل اتملت كيف؟؟ شوفت مقابر فاروق؟؟ آخر مرة مشيتها في موت نقد-عليه الرحمة- تحاول تتفادي في مشيك القبور والسير عليها لكن هيهات!
........... ........... أما عندنا هنا.. فأي أسرة لها الحق في السكن في الدنيا أو بعد ماتروح من الدنيا.. المقابر نظيفة وحلوه ومليانه زهور وممكن تقعد جنب البر زي مافي الافلام تذرف دموعك ولا تقرا كتابك ولا تاكل حتي السندوتش بتاعك! وأي طفل له حق في غرفة منفصلة في منزل الحكومة .. المدارس ومجانية التعليم.. التغطية الصحية الكاملة والدراسة الجامعية وإن تردي الوضع بالنسبة لها مع زيادة الرسوم! الا أن الحكومة تدبر القروض علي أن يدفعها المتخرج بعد حصوله علي الوظيفه وعلي اقساط مريحة.. ................ ................
إنت مشكلة السودان شنو مع المجاري؟؟ ياخ دي حاجة تكسف تصدق لسه في أغلبية ماعندها نظام سيفون؟؟ ولا الحاكمنهم عايزين يعملوا ليهم شبكات مجاري؟؟
حاجة تكسف والله!
12-21-2012, 09:15 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ومن بوست الزميل عامر بيضاي أتينا بالخبر الآتي فقررنا أن نبني عليه أحداث يا ود شيقوق
Quote: 12-21-2012 11:03 AM قطع معتمد محلية الخرطوم اللواء عمر نمر بعدم السماح مجدداً لتجوال أي حمار أو كارو وسط الخرطوم، وقال: أي شخص يشوف حمار وسط الخرطوم يبلّغ عنه. ورفض عمر الذي دشن أمس أضخم حملة لإزالة الأنقاض وإصحاح البيئة رفض ما أسماه بـ ترييف العاصمة، مشيراً إلى عدم السماح بترييف الخرطوم والتي توجد بها مقر الرئاسة ورئيس الجمهورية والوزراء والسفارات.
وانتقد المعتمد سلوك بعض الأجانب في الخرطوم وقال: هنا يعيثون في الأرض فساداً وفي بلدانهم لا يقبلون هذا. مطالباً أي أجنبي باحترام السودان وقوانينه. وكشف نمر إن الحملة تستمر 10 أيام تشهد طوافاً يومياً وإشراف من والي الخرطوم، مشيراً إلى أنه ومعاونية سيكونون "أولاد شوارع" حتى تنتهي الحملة لحيث لا دخول للمكاتب.
وبمجرد أن سمع عامة الشعب بهذا الأمر قام بعضهم بتقديم البلاغات عن طريق الهاتف وبعضهم الآخر عن طريق الذهاب الي الاقسام في أحيائهم..
ومن ضمن البلاغات المقدمة جاء البلاغ التالي..
والله انا كنت راكب أمجاد في شارع عبدالله الطيب وشوفت لي حمار قاطع الشارع عند أوماك..أحتمال تلقوه وصل بري!
........... ........... ثم من غضبها الزايد من المعتمد وحركاته العجيبة.. إتصلت فايدة ببرنامج عاصمتنا اليوم..
مرحب يا فايدة.. ماهي مشاركتك اليوم؟؟
مشاركتي عن الحمير وسيلتنا في أكل العيش!
يعني المعتمد ده ماقفلا علي الكارو حقنا ده..منو الماشي يسوقو؟ ما ياهو الحمار والحمار ده يعني عنده سكة حقتو مخصوصة؟؟ ما ياهو الشارع البنمشي فيه كلنا.. بالله كلموهو المعتمد يتخلي عن قرارة الجائر ده..
في ذلك النهار الحار..قرر عبد الكريم أن يقدم بلاغه..وعبد الكريم رجل في الاربعين من عمره لكن كان له عقل طفل في العاشرة.. سمع ونسة أهله في البيت عن وجوب التبليغ عن الحمير في الشوارع وقرر في الحال أن يقدم بلاغه إذ أنه سبق وشاهد قبل قليل أحد الحمير وهو يسير الهوينا في الشارع الخرطومي الكبير علي الرغم من سخانة الجو..
وقف أمام العسكري والبلاهة ظاهرة عليه..
سيادتك أنا داير ابلغ.. نظر له العسكري نظرة طويلة ثم إستمر في كتابة ماكان يكتبه وهو يقول وفي صوته نبرة متهكمة....
تبلغ عن شنو؟
رد.. أنا الليلة شوفت حمار..
بالله؟؟ شوفتو وين؟؟
لامن كنت في الخرطوم في شارع محمد نجيب..بس باللفه ديك شوفتو..
وطيب الكلام ده قبيل .. أسه عايزنا نلقاه كيف؟؟
والله ماعارف أنا حاولت أشيل نمرته لقيت ماعنده نمرة! ................... ....................
ثم جاء صوت تلك المرأة ثائرا.. الخرطوم مليانة حمير..أها ماشيين تقبضوهم كلهم؟؟
........... ...........
وعند البلاغات وجد المبلغين إن الأسئلة التي توجه لهم فوق طاقتهم.. مثل الحمار كان لوحده ولا معاه حمار تاني؟
Quote: لك الخيار كاملا وغير مشروطا في ماذا وكيف ومتي تقرأ لحظتي .. في كل الأحوال أنا المتشرفة بقراءتك.. أما بالنسبة لبيوت الإيجار.. فهذا أمر بالنسبة لي مخيف جدا خاصة أنني قد جربته في العامين السابقين لأول مرة في السودان.. في فرق كبير بين بيت أبوك أو بيتك وبين بيت زول مافي صلة بيناتكم غير تبادل مصالح..هو او هي بالحيز المكاني وأنت بمالك! وتبادل المصالح أمر مرتبط أولا بالسوق وفي نادر الأحوال توجد ايضا أخلاق.. فكلما تغير السوق من وجهة نظر المالك كلما إنعكس ذلك علي المستأجر! يعني الدولار مثلا زاد..تلقاه هو عايز يزيد إيجاره..مش في السنة مثلا لكن في اليوم.. وفي ملاك (بضم الميم)زي ما بسمع .. ممكن يطلعوا عينك علشان ياخدوا منك زياده علي الرغم من وجود عقد وكده.. بس إحساسهم إنك عندك قروش أكتر بيخليهم يعملوا العجب!
ربنا يدي كل سوداني بيت علشان يقدر يعيش ويناوم مرتاح!
أمنية مستحيلة..موش؟؟
الجميلة مني ...
هنالك محطات يتوقف عندها الانسان في حياته و تضع علامات فارقه في المشوار ...
اتذكر موقفاً ظل عالقاً بذهني و مازال ... كان ذلك في بداية تمانينات القرن الماضي ...
عمى رحمه الله المهندس عمر محمد سعيد ... كان عميدا في سلاح المهندسين و كانت زوجته
الاستاذة سنية مصطفي احمد المحامية ... يسكنان بالإيجار لفترة طويلة جدا ... نظرا لعدم توفر الامكانيات
والتي بطبيعة الحال مرتبطة بنزاهة اصحابها ...
قرر العم و العمة الاغتراب الي الامارات او قطر لا اذكر ...
و عادت العمة الي السودان في اجازة و احضرت معها سيارة " اول مرة يقتنوا سيارة جديدة "
كانت العمة سنية تقود السيارة في سوق الخرطوم اتنين و توقفت عند سيدة جميلة كنا نشتري منها الكسرة ...
سيدة بسيطة ... تعوس الكسرة في منزلها و تحضر لتجلس علي الارض و تبيع كسرتها ... و الكل يعرفها ...
وكانت تعرف العمة سنية حق المعرفه بحكم سكن والدها الاستاذ مصطفي احمد ...
وعند ست الكسره وقفت العمة بسيارتها الجديده امام ست الكسره
للسلام و لشراء الكسره ...
رفعت السيدة البسيطة رأسها ... وقالت ...
جبتي معاك عربية ؟؟
فقالت العمه بابتسامه ... نعم ...
فقالت ست الكسره ... انتي و عمر لساكم في الخليج ؟
قالت سنية نعم ...
و لساكم ساكنين بالايجار ؟؟
قالت سنية نعم !!!
فقالت ست الكسرة ... يا بتي العمر فايت بيكم ... الحقوا وقفو ليكم عامودين و عرش ضللوا بيهم علي وليداتكم ...
Quote: رفض ما أسماه بـ ترييف العاصمة، مشيراً إلى عدم السماح بترييف الخرطوم
تزييف كيف يعني ؟ .. قلبوها هونج كونج مثلا ؟
كانت الخرطوم مدينه كالزهرة المونقه كما وصفها الشاعر علي الجارم .. وكان جمالها عند سيد خليفه جنة رضوان .. ولم يجد فيها حسن عطيه شيئا غير الوان الزهور التي زانت ارضها .. وكنا يا مني خوجلي نحضر اليها من امدرمان في الامسيات.. (لنتفسح) ..
طيب .. ماذا بقي فيها ليخاف عليه المحافظ من (الزيفه) ..
وبعدين يعني بقت علي (الحمير) المساكين ديل .. يا حليل حمار جدي التليع الفنجط رماهو .. والله انا لو منهم اسيبها ليهو واهاجر امدرمان وبحري .. واخلي الخرطوم الهاملة دي ل (اولاد الشوارع)
اذا ارد الله بقوم سوءا .. شغلهم بالفارغه .. جاء في براق الختميه .. (واشغل اعدائي بانفسهم .. وابليهم ربي بالهرج)
الطيب خالي .. تتذكر حمار شيخ العرب ؟ .. تعال نونس بيه مني خوجلي ..
شيخ العرب ماشي وسط البلدات .. في عربي مكار كده عمل نفسو ما شايفو ابي يقيف ليه .. شيخ العرب لف بي حمارو وجاهو راجع .. وفاجأوا بسؤال لاذع .. ها عربي ها الحمار في سوق تمبول بي كم ؟ .. العربي المكار عرف الفوله .. قال ليه والله ياشيخ العرب متلك متلك .. فرد شيخ العرب مستهزئا .. المتلي انا خلّو .. المتلك إت سمين وباطل بي كم ؟؟؟؟؟
تقولي لي المحافظ داير يلم الحمير ؟ ما بخاف الزول ده يلمو معاهن شوية اولاد شوارع بالغلط كده ؟ .....
في السعوديه .. وبعد الطفره .. أصبح في كل بيت ثلاثة سيارات علي الاقل .. صالون مناسب لرب البيت وجيمس لترحيل الاسرة وبكب لخدمات البيت ونقل الاغراض والبهائم .. ولم تعد هناك حاجة للحمير (بالذات) .. فتم اجلاؤها عن البيوت وطردها الي خارج القري والمدن .. دون قتلها او ايذائها فذلك يمكن ان يستدعي تدخل جمعيات الرفق بالحيوان العالمية ويسبب حرجا للدولة التي تفضل ال low profile وعدم تعريض نفسها للسفسطائيين و(متلقي الحجج) .. واصبحت الحمير تعيش في مجموعات بالخلاء وتأكل مما جعله الله تذكرة للمقوين ..
كنت عائدا ذات ليلة في وقت متاخر من المشروع الزراعي الذي كنت اعمل به متجها الي منزلي بمدينة حائل واقود سيارتي بسرعة بين ال160 وال 180 .. وفجأة لاحظت ان سيارة قادمة من الاتجاه الاخر قد غيرت نورها للاعلي ونزلت من الشارع ثم عادت اليه وكادت تنقلب .. وعندما افقت من المنظر سقطت انوار سيارتي علي قطيع من الحمير يقف علي الاسفلت ولا يبعد عني باكثر من مئة متر .... ولم يكن ممكنا ان انزل بتلك السرعة من الشارع .. فصرخت يا حي ياقيوم .. واتخذت اسرع قرار في حياتي ودخلت في الحمير .. وزي ما تجي تجي ..
بعد لحظة وجدت نفسي وقد دخلت بين الحمير وخرجت دون ان يصيبني او يصيب سيارتي اي شيء .. فتوقفت وقلت لنفسي (شياطين اولاد ال ...) وعدت اليهم علي اقدامي وانا اقرأ يس والقران الحكيم .. فلم تحرك فيهم شعرة .. .. وجاءت سيارة شحن (تريلة) من الاتجاه الاخر وتوقفت ونزل سائقها .. وبعد التفاهم معه قررنا ان نخرج الحمير خارج الطريق حتي لا تتسبب في كارثه .. واخذنا في ضربها وهي (مدحّشه ) علي الاخر .. وفصل السائق راس التريله واخذ يدفع به الحمير حتي اخرجها من الشارع وانصرفنا لنبلغ الشرطه عنها (دون ان يطلب منا المحافظ التبليغ)
ولما كان معروفا ان المنطقه بها شياطين فقد سيطرت الفكرة علي عقلي لانني لم اجد تفسيرا لاختراقي هذا القطيع دون ان اصاب ..
وعندما عدت في الصباح وانا في طريقي للعمل وجدت الجماعة مايزالون (مدحشين) حيث تركناهم .. ووجدت الشرطة تقف قريبا منهم .. وقالوا لي بلهجتهم البدوية (حزاني .. يجوز عندهم ميت) ..
شفتي الحمير الراقية يا مني عمر علي حسن
12-24-2012, 06:26 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
رأفت ميلاد
الطيب شيقوق
Muna Khugali
بله محمد الفاضل
خالد علي محجوب المنسي
Raja
يحي قباني
ABUHUSSEIN
محمد على طه الملك
محمد فضل الله المكى
مني عمسيب
فيس بوك
تويتر
انستقرام
يوتيوب
بنتيريست