ذكرياتى فى جنوب السودان ... عندما يصبح القتل منهجا

Quote: أولاً يا عزيزي هشام كلمة 'عدو' دي كلمة يستخدمها العسكر في تدريب عساكرهم فقولون 'عدو' لكل خصم .. أصلو تدريب العساكر بيكون ضد منو؟ مش ضد 'عدو'؟؟ فعبارة 'عدو' ليست محصورة علي جنوبيين أو شماليين ، بل تطلق علي كل محارب متوقع ضد العسكر .. حتي الحركة الشعبية تطلق علي أعدائها ' the enemy' .. يعني إنت لو مستحي من الكلمة فإن الجيش الشعبي كان يعتبرك 'عدو' - علي إطلاق الكلمة - إنت ما حصل شاهدت أفلام أمريكية حربية؟؟ دي مفردات عسكرية كنت أحسبك عارفها - لأنها بديهية - لكنك غاشي نفسك بعواطف مزيفة .. الشئ التاني إنت كاتب عنوان طويل وصارخ عن 'القتل الممنهج' .. وكنا نتوقع أن تسرد لنا قصة معركة خضتها أو اشتباك أضطررت فيه لإطلاق النار ، لكن في كل هذا السرد الطويل لم تذكر ذلك - وفي الأخر اعترفت أنك لم تخض معركة ولم تطلق النار ولم تر أي قتل ممنهج !! .. بل كنت مركزاً علي سوء أحوالك ومن الجوع والمرض وأنك قضيت عشرة شهور في الخوف والرعب وكنت تتلهف لليوم الذي تمرق فيه بي جلدك من هذه الحارة ، رغم إنك ماضقت الحارة الجد جد .. بعدين في عرف التجنيد إذا كنت قادراَ علي فك وتركيب الكلاش ومشيت الدروة في المرخيات فإنك إذاً متدرب عسكريا .. ففي هذه الحرب كان هناك كوادر طبية لم تتدرب علي إطلاق النار !! .. فالمهام العسكرية مختلفة ومتفاوتة .. وياخي ما ممكن تكون قعدت عشرة شهور وما فكيت ليك رصاصة ولم يقحمك الجيش في معركة وبعد ده تقول إنك دروع بشرية !! .. واضح أنه كانت هناك مفارقات بين طلبة جاهزين للقتال والموت ويتقدمون الصفوف - نسأل الله لهم القبول - وطلبة زيك خايفين ويتزاوغوا حتي من الحراسة !! .. قلت لي جرِّيت الساعة وفكيتوها في زميلكم المسكين الخوَّاف؟؟ ده إنتو طلعتوا أخوف منه ياخ ..!! ماعاوز أسيئ بيك الظن لكن حسب جزئية جر الساعة دي فأعتقد أنك إذا كنت وقعت في شرك كنت ستضحي بزملائك لتنجو بنفسك !!.. وحسناً فعل الجيش أنه لم يقحمك في معركة ، لأنو بطريقتك دي كنت حتسبب في إبادة كتيبة .. وأسوأ شئ كمان إنك طلعت ناغم علي الجيش الذي يخوض المعارك ويخليكم في الضرا - والذي تركته خلفك في تلك المستنقعات يساهر الليالي كي تنوم إنت في حضن والديك ..