|
|
 Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
Quote: بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبرواقول للدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل للبدور فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي
|
| |
  
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: سيف اليزل برعي البدوي)
|
الأخ العزيز صديق القاعد بعيد وضيوفه الكرام
هاكم هذه القصة الحقيقية
حكى لى الإعلامى "ع" انه قد تم فصله من الإذاعة السودانية إبان العهد المايوي،،،،والذراع التي استخدمها النظام المايوي كان هو أحد متعهدي الأنظمة العسكرية الإذاعي المعروف "م خ ص". ويحكي "ع" انه هاجر من بعد ذلك الى الخليج مثله مثل الكثيرين من مظاليم الأنظمة العسكرية،،،وقد حقق "ع" نجاحات باهرة جعلته يركب أفخم العربات فى دولة الأمارات الشقيقة
وعند حضور "ع" الى السودان قام بزيارة مبانى الإذاعة حاكيا نجاحاته الباهرة فى الخليج ووضعه المادي المميز،،،فبادرة "م خ ص" بالقول: والله لو كنت عارفك بى تنجح كده ما كان فصلتك من العمل....!
| |
|
|
|
|
|
|
|
|
 Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
واحدة من الاسباب الكثيرة و الخفية و بالاضافة الى صعوبة الحياة...و اشياء كثيرة تمنع الشباب من الزواج هو المغلاة فى المهور و المظاهر التى تصاحب اعراس "الجهلاء"...لماذا لا ناخذ السنة و نترك الحياة الزائفة...و التتطلع الى اعلى من مقدراتنا و الزواج بالمظهر قبل الجوهر....و التملق و الكذب....
واحد مغترب ينوم فى الواطة فى الغربة و عايز يتزوج فى الهيلتون!!!!
واحد يلم فى مصارف الزواج الاسطورى 10 سنوات و يصرفها فى 10 ايام!!!!
واحدة جميلة جداً لكن مركبة مكنة...طفلة فى الخامسة من عمرها!!!!
واحدة تمتلك العقل و لا تمتلك الإلفة...و الاحساس...فتقد كل شئ!!!
واحدة تبحث عن المال فى زواجها...فلا تجد المال و لا الزوج!!!
واحدة شائلة اخلاقة فى نخرتها...كيف تخلق السكون!!!!
واحدة عاجبها نفسها...كيف تربى جيل من المتفوقين!!!!
واحدة رايهالابد و لازم يمشى على الكل....ففقدت الكل....!!!!
واحد ببحث عن فتاة....لا تملك الا العقل الراجح و الابتسامة الهادئة.....لم يتزوج بالرغم من انه فى الستين!!!
واحد....عندو مشكلة فى تربيتو....لبس توب جيرانو!!!!!
واحد بحب المظاهر...عرس ليهو واحدة مجنونة....
صديق القاعد بعيد
ودى هدية منقولة:
البايركــــس قالو
البايركس قالوا، نظمهاونشرها نزار حسن على كلام كله حكم والله يكفيكم شره....
البايركس قالوا:
لي إيــدينا بنــــــــرفع***والعازب كلو بيســــــــمع
نفوسنا كتير مشــتاقة***للراعي دوام نتضـــــــــرع
شعارنا عريس متواضع***ياخ ياقدر اسمع أجمع
نحن البايرات في لهفة***والعمـــــــــر ولـــي وودع
نحن مساكين ياجماعة***وللجنة دوام نتطــــــــــلع
لو واحد قام وأتقــــــدم***في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** انشاء الله ربنــــــ يجمــــع
يحن الله عليــــــــــــنا *** ونشــــــيل أيدينا ونرفـــــع
***
ورد الشباب عليهم ب:
للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــ أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإي للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح ي مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا ** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعت وا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع
نزار حسن علي
_______________________________________
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
ساخر سبيل
الحل شنو؟!
الفاتح جبرا
وأنا أقف أتناول الجرائد من الذي يقع على مَقربة من المنزل، وبينما كان (الهادي) صاحب الكشك يناولني (الجرائد)، وجدت شاباً حسن الهيئة يبدو أنه من أسرة محترمة يقف في مواجهتي ثم يبادرني وهو يرفع يديه في علامة تساؤل:
هسه الحل شنو؟
اعتقدت للوهلة الأولى أنّه يشكو من الحَال كعامة الشعب.. فقلت له:
- يا بني مفيش حل... يحلنا الحلة بلة!
في تلك اللحظة كان الشاب يخرج كيس (تمباك) من جيبه ويضع (سفة) على شفته العليا و(يتبتب) عليها ثم يقول مبتعداً من المكان:
بله بتاع مين..؟ والله دي ما بتتحلا كولو كولو!!
نظر لي (الهادي سيد الكشك) وكأنه يقول لي (ما تندهش ح أحكي ليك الحكاية):
(سراج) من أسرة رقيقة الحال، بل من الممكن أن نطلق عليها بدون أدوات تجميل أنها (أسرة فقيرة) منذ نعومة أظافره عشق (سراج) إبنة عمه وعاشا قصة حب طويلة.. بعد (تلتلة) تخرج (سراج) في إحدى الجامعات.. وبعد تلتلة أخرى وجد له صديقه (عادل) عملاً مكتبياً بسيطا بإحدى الشركات.. كانت زميلته في (المكتب) عانس (مرطبة) فاتها قطار الزواج (فطوالي ختت عينا عليهو).. الفطور سمك و(تعال يا سراج أفطر).. والعصير مشكل و(تعال يا سراج أشرب) وماشي وين يا سراج تعال أوصلك معاي بالعربية.. حتى وصل (سراج) إلى مرحلة لا يستطيع بعدها إلاّ أن (يفطر سمك) ويشرب بعدو (عصير) ويحلي بي (باسطة)!! ثم انغمرت الهدايا.. السجائر البنسون ما سجائر.. البناطلين ما بناطلين.. القمصان ما قمصان.. وكمان قالوا كان فيها مصاريف جيب!!
استمر الحال هكذا.. (ترطيب من الخارج) وحب من الداخل.. عندما كان يسأله أصدقاؤه المقربون كان يقول لهم:
إنتو قايليني عوير؟ (أرطب كده وبعدين أكب ليها الزوغة)!!
إلى أن جاء أحد الأيام خاطبته فيها قائلةً:
القصة دي يا سراج طوّلت.. ولازم تجي تخطبني من أهلي عشان نعمل العرس!!
وجد (سراج) نفسه في (محك خطير) وبدلاً من أن (يكب الزوغة) ومع (النفس الدنية) وإحساسه بأنّه (زول تفتيحة) فقد خاطب نفسه قائلاً:
مالو نخطب نخطب شنو يعني ما يا دوبك يحصل (تكثيف للترطيب).
إتصل سراج بصديقه (عادل) الذي كان يتابع الموضوع وشرح له الأمر وطلب منه تهيئة نفسه للذهاب معه للخطوبة والذي قال له:
يا زول بسيطة ما مشكلة أنا عندي (عمي) زول تفتيحة بخليهو يكلم أصحابو ويجي يمشي معاك يخطب ليك الزولة دي من أهلها..
تم عمل برو?ة مع عم (عادل)، جلسوا معاً وظبطوا ليهم سيناريو تمااام.. أهل سراج من وين وأصلهم شنو؟ وفصلهم شنو؟ والبت العاوزين يطلبوا إيدا إسمها منو..؟
في ذلك اليوم قام سراج بتأجير عربة (أمجاد) ركب عليها صديقه عادل وعمه وعدد من الأشخاص كبار السن قام عم عادل بإحضارهم.. وديك يا عِمَم وجلاليب وملافح وعند منزل مكون من (طابقين) توقفت الأمجاد حيث وجدوا والد (العروسة) ومعه رهط من المستقبلين يستقبلون (سراج والمجموعة)، في صالون المنزل الوثير جلس الجميع في شكل دائرة.. البارد.. (صمت) موز.. برتقال.. عنب.. تفاح.. (صمت)..
والله يا جماعة الدنيا الأيام دي مسخنة سخانة!!
كانت هذه الجملة التي أطلقها (أحد الحضور) كافية لكسر الصمت وتبادل الونسة بين الطرفين، التي شملت مواضيع عدة.. الإنتخابات.. الإنفصال.. الفنانين الشباب.. الكورة زمان.. الغناء زمان..
ياخي بس شوف ابراهيم عوض ده صوتو كان كيف؟ والله لو قابلك إتكلم معاك ساااكت زي القاعد يغني!!
إنتو ساكنين قريب منهم كنتو وإللاّ شنو؟!
أيوه كيف ساكنين معاهم في حي العرب.. جيراننا الحيطة بالحيطة!!
طيب كان كده بتعرف حسن كديس.. الزول الكان زمان بيسوق (بص أبو رجيلة) عالي كده وتخين وعندو شلختين!!
كييييف ما بعرفو مش المرة دخل بالبص في نقطة البوليس..؟
ومن (حسن كديس).. إلى عطا العجلاتي.. إلى عمرين سواق الركشة.. إلى عباس بتاع السمك.. وبين الفينة والأخرى تستمع إلى عبارة.. الناس ديل أهلنا.. الناس ديل نسابتنا.. الزول ده لعبتَ معاهو كورة واستمرت هذه الحكاية حتى تم إحضار الشاي بالبسكويت، حيث بدأ الجميع في تناوله وعاد الصمت من جديد.. استمر الصمت بين الطرفين طويلاً.. أخذ (صاحب سراج) يلكز في (عمه) لكزات معناها أفتح الموضوع خلينا نمشي!!
(وهو يستعدل في جلسته): والله في الحقيقة يا جماعة نحنا جينا نطلب إيد بتنا (سهام) لي ولدنا (سراج) ده!!
(والد سهام): ونحنا كمان بعد ما طلعنا بنتعارف جنس العرفة دي عليَّ بالطلاق ما بنردكم ساااكت.. (يلتفت إلى شيخ يجلس في ركن الصالون):
يا مولانا تعال أعقد للجماعة ديل طوااالي!!
كسرة:
الحل شنو؟ زي ما سراج بيقول بعد (بت عمو) عرفت و(فكّت) منو!؟... ناس بتقول كان مع الحالة الصعبة دي يواصل في الترطيب!!
الرأي العام
الصديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
يا زول سلامات
Quote: بالله الواحد بقى ذى "المجنون"....لمن ذهج من "الكوراك"...وحده؟؟؟
|
كورك ذى ما داير, جنس الكواريك دى كتار مستمتعين بيهاو انا واحد منهم.
ده واحد من البوستات الفيهو نفض غبار من الرايب الفى المعاليق المعلقه من زمن قديم
التجريد الانتا بتحكى عنو ده يخلى الواحد عاوز يتابع البوست من غير مشاركة لانو نكهت البوست
بتاعك ده الا واحد يكون قاعد بعيد و ساكن ابعد عشان يداخلك و يهابشك فى المواضيع اعلاها.
و القصة قصة شعب كامل و شعب خليط بين الزنجية و العربية, المسلمة و المسيحية, المتعلمة و الجاهلة
شعب سودانى فريد و غريب.
المستعمر قسم السودان على اربعة (واطه) و الحاكومات قسمتو على كم و عشرين وده الذاد الطين بلة (الغايب)
علوب القاعد قريب
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Yasir Aloob)
|
Quote: المستعمر قسم السودان على اربعة (واطه) و الحاكومات قسمتو على كم و عشرين وده الذاد الطين بلة (الغايب)
علوب القاعد قريب |
الباشمهندس ياسر علوب....صديقى القاعد قريب.....
هل "نلنا" استقلالنا....لا واحتك..حاشة....بل فقدنا استقلالنا عندما تركنا الخدمة الوطنية المؤروثة من المستعمر تتدهور...و النظام الاجتماعى و الاقتصادى و السياسى ... تتقاذه امواج العسكر تارة...و مواكب "المطبلين"....تارات......البلد مازال مُستعمر من ابنائه...يفعلون به ما لم يفعله المستعمر...كما اطلقت عليه....أنت....
واطلق عليه نهاية الاستقلال.....ياخى يا ريتم لو خلوهم اقعدوا ليهم كم سنة كدها...و بعدين..."افرتكوأ"
ياخى انت الناس ديل "بفرتكوأ" متين؟؟؟؟
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
الفرق بين المستعمر و الحكومات العسكرية و الحزبية و القومية "المستعمرة"
* المستعمر ترك لنا بلداً مثالاً فى كل شئ و لكل افريقا من حيث النظم السياسة و الاقتصادية و الاجتماعية و برلماناً منتخباً حراً من غير تزوير و لا " تهليل"....
* الحكومات ما بعد المستعمر حطمت و شوهت و دمرت كل ما تركه المستعمر...و المُدمر الاول هو الشعب السودانى و مؤسساته.
* حكومات العسكر قتلت كل الوطنيين فى الاجهزة العسكرية إما خوفاً منهم و أو حقداً عليهم قتلت خيرة الرجال فى العام 1970 فى الجزيرة أبا و ما حولها و فى العام 1071 حكمت على اجمل العسكريين السودانيين بالقتل... و خربت المؤسسة العسكرية "المنضبطة" و جعلت منها سوق رائج للفردية و المجموعات...فكانت هناك مجموعات القصر و مجموعات الرئاسة و مجموعات المؤسسات العسكرية الاقتصادية....."و الكلام ممكن يكون كتابا"
* المستعمر لم يفصل احداً للصالح العام فتشتت الكفاءات السودانية فى كل دول العالم تنشد العيش الكريم التى حرمتها منه حكومات العسكر و فى كل العهود العسكرية و الطوباوية...و اللاسلامية...و حتى الاسلامية و كانت اقسى عليهم من كل هذه الحكومات فتشرد البقية الباقية...و لا قوم يفقهون و لايحزنون.
* المستعمر ترك لنا كل جميل و حكوماتنا اخذت كل جميل...حتى نفوسنا الطيبة و قسماتنا المعروفة فابصحنا كمن اهلكوأ بغير سلاح و لا رياح...فنجول لا هدف.
* المستعمر لم يمسس عاداتنا و تقاليدنا و اخلاقنا بل تركنا و نحن اكثر رفعة و تماسكاً و اخلاق...ماذا فعلته بنا "حكوماتنا"...الجهل و التخلف و السطحية فى كل شئ ثم لم يتوقفوأ عندها بل طردوأ نصف الشعب فاصبح مهجر الى كل المنافى و القوافى....و دانت لهم فليحكمون....
* المستعمر ترك لنا بلداً واحداً موحد...فاهاهم يقسمونه الى اقســام...و يتبجحون بأنهم اوقفوأ "اطول حرب أهلية فى العالم"..
المستعمر كان اجمل و انظف من هؤلاء.....هذه هى الحقيقة....اردتم أم ابيتم....
صديق القاعد بعيد
| |
|
|
|
|
|
|
|
|
|
نقد زاتى للمنفعة العامة (Re: Siddig A. Omer)
|
نقد زاتى للمنفعة العامة (منقول)
نحن الساس ونحن الراس ونحن ونحن ونحن ودنق دنق دنق وجخ جخ جخ
أنحنا كتار بعرفونا ..؟! أنحنا التبنة المدفونة؟! كلام فارغ!!
لماذا ؟ نحن كشعب سوداني رغم افتخارنا الشديد بسودانيتنا وعلمنا وقيمنا، لماذا نحن خارج السودان جنسية مهمشة وغير مبدعة وفاشلين في ترجمة هذا الافتخار إلى فعل حقيقي نقنع به بقية شعوب الدنيا التي تصادفنا في المهاجر بأننا جنسية مبدعة ويمكننا المساهمة في كافة مجالات الحياة.
ولماذا رغم ذلك نحن (ما جايبين خبر) وماشين في نفس الطريق ومصّرين على مكابرتنا واعتزازنا بوضعنا الحالي دون التفكير في التغيير والتعديل... ومتمسكين بالمثل البقول (الزارعنا غير الله اليجي يقلعنا) وأننا نحن أفضل شعوب الأرض . مع أن كل شعوب العالم تعمل على تطوير ما لديها من مزايا وتأصيلها والتخلص من عيوبها ... السنا نحن من ربت الإنقاذ أجيالنا على شعار التوجه الحضاري والقوي الأمين وغيرها .
لماذا ؟؟؟ نحن فاشلين في تقديم أنفسنا وإظهار المزايا الجميلة فينا بكلمات دبلوماسية ومرتبة وملابس مرتبة ومواعيد مرتبة ... لقد رأيت بأم عيني (شلة) من السودانيين في مطار الشارقة يلبسون (جلاليب) متسخة في انتظار طائرة تقلهم إلى السعودية ... ورغم ذلك (يتضرعون) بكل (قوة عين) في ردها ت المطار وسط الأجانب والناس (النظيفة) . هل تصلح مثل هذه النماذج لتعميق صورة حضارية مشرفة للإنسان السوداني في الخارج .. أليس الأجدر بالجهات الحكومية إتباع سبل تجعل المسافر للخارج يخرج بشكل مشرف بدلاً من مص دمه بالرسوم الباهظة و(فكه عكس الهواء) هزيلا ومفلسا ومتسخ الثياب .
ألسنا نحن من نوصف بالكسالى بدول الخليج ونغضب أيما غضب من هذه الصفة رغم أن التجارب أثبتت أنها فينا ولا دخان بلا نار .
هل نحن شعب نشيط وعملي وسريع الانجاز. كيف ؟ .. ونحن من يضع عمالنا بالبقالات (سراير ) في (محلاتهم) ويشيرون للزبائن بأصابعهم على البضائع دون التحرك من أماكنهم. كيف ينصلح حالنا ما دام عمالنا ينامون في (البقالات) ويقفلون في كل الأوقات ... ويكثرون من كلمة (مافي) و(ما جات).
السنا نحن من يعمل كبيرنا بالبيت ويعيش عشرة أشخاص عالة عليه دون رحمة منهم أو شفقة.
لماذا السوداني مرتبط في أذهان شعوب المهاجر بالشدة والقسوة وسرعة الغضب .. والتي يصنفها البعض بقلة الفهم وربما السذاجة وقد تصل في بعض الأحيان لوصفنا بالمسكنة والغباء، السنا نحن من ندعى أننا أهل المحنّة والنيل والنخيل والرقة ورهافة المشاعر .
أين الطيبة والحنين والتكافل والنخوة، هذه الصفات التي كنا نتميز بها في الغربة ... أين ذهبت وكيف نفسر موقف السوداني الذي جلس بثلاجة الموتى بأحد مستشفيات الرياض بالسعودية لمدة 4 شهور ولم يسأل عنه حتى زملائه (العزابة) ولا المارة ولا السفارة ولا أهله حتى .
في الإبداع والابتكار والإرادة ، ليست فينا ونحن من نفاجأ برمضان والعيد والموسم الزراعي والعام الدراسي والخريف، السنا نحن من نفكر في إعداد برامج رمضان في الأسبوع الأخير من شعبان ونعتذر بأن رمضان (زنقنا هذه السنة) ، السنا نحن من نؤجل عمل اليوم للأسبوع القادم ... وعمل الأسبوع الحالي للشهر(الجاي) ... السنا نحن من تستمر مشاريعنا تحت التنفيذ لعشرات السنين . أين قناة جونقلي التي كانت مثل (الحدوتة) نسمعها منذ أن كنا أطفالاً ،وأين مشروع سندس الزراعي وطريق الإنقاذ الغربي وواحة الخرطوم، ولماذا بعنا حديقة الحيوان وأين المشروع البديل ... ولماذا غابة السنط لا زالت سنطاَ ترقد على ضفة النيل الأبيض كأنها معلم تاريخي يزوره السياح من كل فجاج الأرض ( قال سنط قال)!.
أحضرت عامل من الجنسية ( البنغالية) كي يركب لي سيراميك بالمنزل ... بعد أن انتهى طلبت منه أن يدلني على أحد زملائه في مجال (البوهيات)... فقال لي بكل ثقة ( أنا معلوم دهان مية مية ) وفعلا قام بدهن المنزل( مائتين في المية)... وطلع بفهم في الكهرباء والنجارة وأشياء كثيرة قام بصيانتها لي بالمنزل .
تصورا بعد الانتهاء من جميع أعمال الصيانة فكرنا في تركيب (الدش) وبرمجته .. فقال (دش أنا معلوم). وفعل في الدش ما لم يفعله مالك في الخمر من سرعة وإتقان ومهارة .
وكانت المفاجئة الأخيرة من هذا (البنغالي) الذي يبحث عن أي فرصة لكسب المال أن وجه لي السؤال التالي بعد أن لاحظ وجود خدمة الانترنت بالمنزل (ما تبغى تصليح (?DSL فاكتشفت أنه خبير ماهر في الكمبيوتر والانترنت .
أي إبداع وأي ذكاء هذا ....
في السودان أحضرت أحد العمال لتركيب سراميك لحوض صغير جدا ( وضّاية ) وبعد عودتي آخر اليوم وجدت كل الحوش ( سيراميك مهروس ) أتضح أن صاحبنا لا بعرف شيء عن السيراميك سوى اسمه ، وليس لديه مقص سراميك ويقوم بقضمه ( بالزردية ) ... تصورا شخص يتهجم على مهنة لا علاقة له بها ولا يمتلك أدواتها و( يبوظ ) مواد الناس وأعصابهم ويضيع الكثير من الوقت والمال .
ما هي الصفات المميزة فينا التي نتمسك ونتفاخر بها ؟؟؟؟؟؟
هل نحن أذكياء لدرجة تجعلنا نصاب بغرور العظمة لدرجة تجعلنا لا نرى عيوبنا .. لا أظن ذلك بعد تجربة البنغالي .
هل نحن شعب ضعيف الإرادة ومسلوب العزيمة لذلك كل يوم نحن غارقون في خلافاتنا ######افاتنا وعللنا ومنصرفين عن التطور والإبداع ... هل هذا ناتج عن مكونات الشخص السوداني وهل هو فعلا مجبول على أن يتقوقع في الحروب والمشاكل ويغرق في الفقر والتخلف وكل الأفكار السلبية بدلا من الاتجاه للعمل والتطور والنهضة وتعظيم قيم العمل والتصالح والسلام.
لماذا الخرطوم ثاني ( أ###### عاصمة في العالم ) حسب تقرير الأمم والمتحدة وهي في نفس الوقت عاصمة الثقافة العربية لدورة فائتة قريبة ، ماذا تتوقع من عاصمة غير نظيفة أن تضيف للثقافة ، وهل عاصمة مثل هذه مهيأة أصلا لإنتاج الثقافة . وتأتي المفارقة في أن سعر قطعة الأرض بها أغلى من طوكيو ولندن ومنهاتن. أليس في هذا مفارقة تستدعي من الشعب السوداني أن يقف بقوة وعزيمة وإرادة أمام هذه المفارقة والمبالغة . بدلاً من أن يتحول معظمه إلى سماسرة في أراضيها باهظة الثمن ويتقبل هذا الوضع كأمر عادي .
مع بالغ أسفي واعتذاراي لمن ليست لديهم هذه الصفات ولمن يجاهدون على إزالتها.
_______________________________________
المصدر: الكاتب غير معروف لكنه كما يبدو ذو هم نبيل
صديق القاعد بعيد
| |
|
|
|
|
|
|
|
|
|
Re: نقد زاتى للمنفعة العامة (Re: Siddig A. Omer)
|
وصلتنى هذه المشاركة من الاخ الصديق ابراهيم سليمان وهو سودانى مقيم فى الدوحة مننذ العام 1997 و زميل دراسة منذ أن...نبتنا....من خضار الى يباس....فمازلنا "خضر" كاننا ولدنا بالامس...
صديق القاعد بعيد
------------------------------------
السلام عليكم
الصديق أخوي
تابعنا باهتمام ودهشة كتابتك الرائعة، عن الشعب السوداني، المتكاكئ...........
نلمس فيها الجرأة والتي تصل أحيانا إلي حد الشلاقة.
تخريمة:
بمناسبة الشلاقة يحكي (في منطقة من مناطق السودان، وفي قاعة محكمة، لاحظ القاضي اكتظاظ القاعة يوميا بعدد مهول من الناس، وتتكرر بعض الوجوه مع كل قضية، فعرف أن مقولة (الفاضي يعمل قاضي لا تنطبق عليه وحده). وفي يوم امتلأت القاعة بالناس، أمر القاضي البوليس بان يغلق الأبواب والشبابيك، وقال دعونا الآن من القضية وبدا يسأل في الحضور، سال الأول، والثاني والثالث واستمر (اسمك؟، ووظيفتك؟ والجابك هنا شنو؟)
الاول: فلان وممرض ، وجاء يتفرج
القاضي : ممرض!!!!! وتارك المرضي بدون رعاية واتيت هنا بدون شغلة الا الفرجة؟ وأمر بجلده 25 جلدة.
الثاني: تاجر، والثالث مدرس، وهكذا ولعلع السوط علي الرؤوس.
الرابع : يا مولانا، انأ أسمي فلان، وشغال جزار، وما تسألني الجابك هنا شنو لأنو
(جابتني الشلاااااااااقة).
غير أني لا أتفق معك أخي صديق
• في مسالة التعميم ووصم شعب كامل أو معظمه بالحسد (هذه قوية، وما بتنبلع). وآفة الرأي إطلاق الأحكام العامة.
(ديجانقو أفرز)
اتفق معك جدا أن بعض عيوبنا نتستر عليها، ولا نسلط عليها الأضواء الكاشفة، أو أحيانا نعتقد جهلا أنها من مكارم الأخلاق. لأسباب:
الانغلاق:
بعض الناس وتحديدا داخل قوقعة المحلية المفرطة، تتعطل عنده فرصة المقارنة بين الأنداد والأضداد. الإعلام الداخلي أغرقنا بشاكلة (جدودنا زمان)، (تصور كيف يكون الحال لو ما كنت سوداني)، فصدقنا أننا أشجع أهل الأرض، وأنبلها أخلاقا، وأكثرها ثقافة وعلما. كان ذلك مبررا أيام الحركة الوطنية والتحرر لرفع معنويات وهمة الناس. ثم انفتح الباب علي مصراعيه للهجرة والاغتراب، أكثر من 6 مليون مهاجر ومغترب في كل أصقاع الدنيا عبر البوابات الرسمية للسودان للعام 96، دعك من النازحين واللاجئين. ثم الانترنت والإعلام الجارف المفتوح ووسائل الاتصال والعالم قرية صغيرة. ثم انفتح باب المقارنة وصدمنا بان بضاعتنا التي كنا نعتقد أنها سوبر هي بضاعة مزجاة. أن نكون خلطا بين الصالح والطالح هذا شئ طبيعي، ولكن الصدمة أننا كنا نجهل ذلك. والمقارنة بما لدي الشعوب الأخرى جعلنا نفاجأ بالحقيقة.
ويحضرني الذي ولد ضريرا ثم فتَح مرة ورأي ديكا ولم يري غيره، ثم ارتد عميانا. كلما قالوا شيئا، تسائل (وين للديك؟)، أن قالوا أن الأبيض بعيدة قال: (وين للديك؟)، وإن قالوا أن فلانة جميلة قال (وين للديك؟).
عدم الموضوعية للحكم علي الأشياء
عندنا مسطرة للحكم وقياس الأشياء ، في طرفها الأدنى صفر وطرفها الأقصى 1000، وبينهما الفراغ لا توجد أرقام (مح) . فإن حكمنا علي شي إما نرده بخسا إلي الصفر أو نرفعه غلوا ومبالغة إلي الإلف وبينهما خارج عن حدود خيالنا ومعاييرنا. الحكومة والرئيس لم تلد النساء مثله قط من قبل والحكومة بدأ التاريخ عندها وسينتهي بها. لذلك تم إعادة صياغة الشعب السوداني 8 مرات بعدد حكوماتنا المتعاقبة منذ الاستقلال!!!!!!!!! (1000).
وهذا مخالف لطبيعة معظم الأشياء فكثير من الأمور فيها دخن ومزجا بين حق وباطل ومباح ومكروه واللون الرمادي حاضر دائما.
المسطرة 0 -1000 عمقت ثقافة التستر وعدم الشجاعة في مواجهة عيوبنا والاعتراف بأخطائنا لاننا لو فعلنا لصق بك الصفر فمن يستطيع أن يسامح نفسه أو غيره مع الصفر. وانجازاتنا الصغيرة مضخمة (1000)، مصنع كنانة اكبر مصنع في افريقيا والعالم العربي، وسعر السكر عندنا ضعف سعره في الدول التي تستورده منا ويحتكره 12 شخص عوضا عن فاتورة انتخابات مزورة. امريكا لمي جدادك ونحن لسنا قادرين علي أن نلم فضلاتنا من الطريق العام، فنقضي حاجتنا في طريق السابلة والعراء.
وتذكرون قصة الذي توفي أخوه فلما جهزه، كفنه وأرادوا أن يدفنوه، جاء ابن المتوفى قائلا لعمه (ابوى كرعينه تتحرك)، أجاب العم (أبوك دا تأني لو قام نطط صقرية يانا الدافننوا دافننوا، أنت عايز الناس يقولوا ما بنعرف الموت)، ولو قال الناس ذلك لالتصقت بهم إلي يوم يبعثون، ولسماهم الناس عائلة (الما بعرفوا الموت (صفر)).
ثم المسطرة بتاعتنا 0 - 1000 جعلت المحاسبة امرأ شاقا. ونسينا أن امر الدنيا والاخرة يقوم علي الحساب. فالمخطئ أن غفر الله له لم نغفر له، وان تاب الله عليه لم نقبل توبته فهو (صفر) سرمدى!!!!!!
ساعود:
مع
3. البداوة في السلوك المدني 4. الفشل في العمل الجماعي 5. التربية الصوفية والزلق في الطريق
ابراهيم سليمان - الدوحة
| |
|
|
|
|
|
|
|
|
|
Re: نقد زاتى للمنفعة العامة (Re: Siddig A. Omer)
|
Quote: غير أني لا أتفق معك أخي صديق
• في مسالة التعميم ووصم شعب كامل أو معظمه بالحسد (هذه قوية، وما بتنبلع). وآفة الرأي إطلاق الأحكام العامة.
(ديجانقو أفرز) |
صديقى و اخوى أبراهيم سليمان...أولاً قبل ما ارد على الاقتباس اعلاه، أود أن اشكرك بمشاركتى هذأ الموضوع والهمو و الذى لابد أن يعمم فى أطار النشر التوعوى و النقاش الاسفيرى و النقد الهادف ومن هنا لا يمكن أن انتحر اسفيرياً بتعميم صفات لا يتمناها المرء لعدو أو رفيق ، كما يقلنها (حبوابتنا)....
أنا قصدت من العنوان اعلاه أن نناقش سيئاتنا من العادات الزميمة و التى تعمقت و تجزرت فينا حتى اصبحنا عبيداً لها...و اصبح همنا هو الظلم الذى حذرت منه كل الكتب السماؤية و اقصاها و اقساها هو "ظلم النفس" الذى اصبح سمة من سماتنا...ليست جميعاً لكن جمعاً لا يستهان به....
عندما تناقش قضية شعب فلا يمكنك أن تكوم الناس كيمان فاالاخلاق لا تتجزأ و كذلك المثل و كذلك العادات السيئة التى نزلت علينا....من الارض...
ياخى أنا عندى سؤال يؤرقنى تماماً....لماذأ لا نتفق على حكم البلد جميعاً!!!!؟...اليست هو الحسد بأن يمتلك أخاك...ما لا تمتلكه...
يعنى الحكاية "خربانة" من كبارها....و الله مشكلة...كبيرة...
صديق القاعد بعيد
| |
|
|
|
|
|
|
|
|
|
Re: نقد زاتى للمنفعة العامة (Re: Siddig A. Omer)
|
الأخ صديق ,
| Quote: واحد من اسباب تخلفنا...هو الحســـد...ل الله الحاسد...و الحاقد...فهو اسوأ من القتل...لذلك انزل الله صورتان تتعوزان منهما...... |
قال عمر بن ابى ربيعة :
حسد حملنه من اجلها وقديما كان فى الناس الحسد .
الحسد والجشع ظواهر طبيعية فينا.. ولااعمم .
ولى عودة ان شاء الله .
مع تحياتى وكل عام وانتم بخير .
| |
|
|
|
|
|
|
|
|
|
دعونا من التباكي ولنتفاكر كيف ننقذ مشروع الجزيرة ؟- ندا...يين وعامة السودانيين (Re: Siddig A. Omer)
|
دعونا من التباكي ولنتفاكر كيف ننقذ مشروع الجزيرة ؟- ندا...يين وعامة السودانيين
ثورة اللا إنقـــــاذ اللا...وطـــــنى....
فليمت نصف الشعب السودانى....و ليحيا النصف الآخر...كريماً..عزيزاً....يوسف عبد الفتاح....أوئل ايام ثورة اللا إنقاذ اللا..وطنى..
لن نتازل عن الحكم...حتى لو حكمنا الخرطوم فقط.....عمر البشير فى احد خطبه النارية بمناسبة اللا مناسبة....
فليذهب الجنوب....أو لينفصل....و سوف نحكم الشمال بالقوانين التى نريدهـــا...عمر البشير فى احد خطبه النارية بمناسبة اللا مناسبة....ثورة اللا إنقاذ اللا..وطنى
صديق القاعد بعيد
| |
|
|
|
|
|
|
|
|
|
Re: دعونا من التباكي ولنتفاكر كيف ننقذ مشروع الجزيرة ؟- ندا...يين وعامة السودانيين (Re: Siddig A. Omer)
|
و الله فكرة استجلاب المصريين دى حكرت لى فى راسى....ياخى مالم المصريين ما أهلنا و نحنا من سنة 1980 "مفطسنيهم" بالسودانيين حتى تجاوز عددنا فى مصر الخمسة ملايين سودانى ينعمون بكل خيرات مصر و يعيشون عزيزين مكرمين فى كنف اهلنا المصريين.
ثم لماذأ لا نتفق بأن السودان و مصر ، إن طال الزمن أو قصر، دولة واحدة من الناحية الاستراتيجية...و المطالب القومية و الامتداد الطبيعى لكل حدود نهر النيل و المصير المشترك. فكل ما يحصل فى مصر سوف يصب فى السودان خيراً أو شراً و العكس تماماً يحصل للمصر نتيجة ما يحصل فى السودان خيراً أو شراً...
أما المتباكون على مشروع الجزيزة الآن لماذأ لم يتباكوأ عليه إلا الآن؟؟؟ واهلنا فى كل الجزيرة يرزحون تحت كل اشكال التهميش و التخلف و التقوقع و الالانهيار و الفقر فى كل مناحى حياتهم التى كان يضرب فيها المثل فى الانضباط و النظام و الجهد و الانتاج الذى كان يعم كل العالم فاصبحوأ لا يستطيعون أن يطعموأ انفسهم، نتيجة للتدهور فى كل شئ ثم الانهيار الاجتماعى و الاقتصادى الناتج عن ترك غالبية اهل الجزيرة للارض و الارث و الحرث و الضرع و الهروب الى بلاد الغربه حيث العمل بعيد من الحواشات أهون منه الى العمل فى شئ لا ينتج إلا ما يؤكل....
أذأ كانت هذه الهجرات باشراف اهلنا فى الجزيرة و الملاك للحواشات فاهلاً و سهلاً به و إلا سوف تنشأ كثير من المنازعات القانونية و الاجتماعية و الاقتصادية...و ربما...تذهب الجزيرة الى غير رجعة.
اتمنى أن يحضروأ فلاحين من لبنان و سوريا كمان عشان نبقى بحق و حقيقة دولة "بترولية" افريقية....
صديق القاعد بعيد
| |
|
|
|
|
|
|
|
|
|
Re: دعونا من التباكي ولنتفاكر كيف ننقذ مشروع الجزيرة ؟- ندا...يين وعامة السودانيين (Re: Medhat Osman)
|
Quote: بوست جميل
كل سنة والجميع بخير... |
الاح الفاضل مدحت عثمان....
كل سنة و الجميع بخير و السودان الجميل بالف خير....
نعم...أذا لم نترك "سف" التمباك ...و "العباد" لن نعرف النظافة...بالرغم من انه، اى سف التمباك، من الامور الشخصية جداً لكن لا يستطيع أى واحدأن يجبرك على تقبل شكلهأو رائحته...أو رائحة فمه وهو "يسف" فى التمباك و مال "العباد" باسم الدين....
ثم ياخى...قصة نظافة البيوت دى تربية لازم نَعود الجماعة البقعدو فى العمود ديل على استثمار وقتهم فى عمل يعود على الجميع بالعافية و الخير...و اشهد بان اهلى فى شمال السودان ، و رؤية عين، ينظفون شوارعهم ثم يجلسون و يتسامرون امام بيوتهم و شوارعهم النظيفة....
اتمنى أن تختفى كل سيئة من عاداتنا السيئة و اتمنى أن نصعد الى السماء بجمائل خصالنا التى عُرفنا بها فى كل الاوطان....
وشكراً جزيلاً لاثراء هذأ البوست و اتمنى الواصلـــة يا أصيل....
صديق القاعد بعيد
| |
|
|
|
|
|
|
|
|
|
Re: دعونا من التباكي ولنتفاكر كيف ننقذ مشروع الجزيرة ؟- ندا...يين وعامة السودانيين (Re: Siddig A. Omer)
|
صورة ثانية:
حبوبتهم تخاطبهم: يابت انتى اسمك منو؟؟
البنت الكبيرة: My name is Jassmin, grand maa
الحبوبة: يا ولدى بتك دى قالت شنو؟
الولد: أمى قالته ليك اسمها ياسمين...
الوالدة: مابتعرف عربى؟؟
الولد: لا يا أمى ما الاولاد ديل "اتربوأ" بره!!!
الوالدة: ليه ما علمتوهم الكلام "السودانى"؟؟
الولد: يا أمى نعلمهم كيف؟ و مافى زول بتكلم عربى هنــــــاك!!
البنت الكبرى ترمق "حبوبتها" بنظرة متفحصة....و تلتفت الى اخوانها: Hey guys, my grand Maa is so fashionable, look at her dress و كانوأ يقصدون ثوبها السودانى....
يا جماعة دى حالة شنو...صاحت الحبوبة باعلى صوتها....و نظرت الى السماء...
صديق القاعد بعيد
| |
|
|
|
|
|
|
|
|
|
Re: دعونا من التباكي ولنتفاكر كيف ننقذ مشروع الجزيرة ؟- ندا...يين وعامة السودانيين (Re: jini)
|
Quote: واللابس كرفتة مضيقة والعندو هارمون تيسترون ذكورى عالى هو ابوصلعة
يديك العافية يا صديق
جنى |
اخوى جنى...أولاً العافية امنية اتمناها من قلبى لكل الشعب السودانى الصابر على اذيته فى حكوماته التى "تتفنن" فى تعذيبه و قتله وهو حى لا يرزق الا الاساء[/B]....و المعاناة... لكن له ربه فهو لا ينسى...و هو رحيماً غفور.
اما ناس الكرفتات ديل يسمونهم "المتفلهمين"...حتى لو كانت هذه الكرفتة "متسخة" لا لشئ الا لضيق ذات اليد....
علماء بلادى هم افقر قطاعات شعبى...و عندما يتجمل ببدلة يسمونه "مثقف" ..أو "متفلهم"....او "متثقف"
نحن شعب لن ترضيه.....ابداً حتى لو سرت عارياً فى الطرق العام....فيسمونك "بالمجنون".
صديق القاعد بعيد
| |
|
|
|
|
|
|
|
|
|
Re: دعونا من التباكي ولنتفاكر كيف ننقذ مشروع الجزيرة ؟- ندا...يين وعامة السودانيين (Re: osama fadlalla)
|
| Quote: الاخ صديق تحية طيبة |
الاخ اسامة لك كل التحايا القلبية.
| Quote: والله دايرين نشارك لقيناك ماخليت حاجه...بالله نحن ده كلو... |
نحنا ما دها كلو....لسع الجاى...اكتر بس....شوية شوية
| Quote: ..الاضافة الوحيدة اقول ليك انت ماقاعد بعيد ولا حاجة ...انت جوه الجوة..شيل شيلتك !! |
شيل شيلتك!!!....و الله يا ليتها لو كانت شيلتى براى...لكن للاسف دى شيلة كل الحادبين على المصلحة العامة فاصبحت هم عام..هم بلد...و امانة لا يحملها الا المجانين....ياليتنى...اكسب فيها عشرة اشخاص فقط فاضمن عشرة بيوت نظيفة...ثم تكون بلد...و وطن...
صديق القاعد بعيد
| |
|
|
|
|
|
|
|
|
|
لماذا ياشعبى؟؟؟؟ (Re: Siddig A. Omer)
|
ظاهرة سرقة مال اليتيم اصبحت عادة و ليست ظاهرة...فيموت الاب أو الام أو الاثنين معاً فيسرق الاخ أو الاخت أو الغريب مال اولادهم بغير وازع دينى أو اخلاقى و يصرفها على نفسه/نفسها و لا نكترث بان مال اليتيم و عرضه من اكبر المهلكات فى الدنيا قبل الاخرة...و ما بالك و الرسول الكريم صلى الله عليه و سلم و هو يوصينا بان كافل اليتيم يجلس الى يمينه فى الجنة..فاصبحنا هالكين فى الارض قبل النار لا تقوم لنا قائمة و شعب لايفهم فى اصول دينه....فماذا فعلت بنا حكومة الدنيا ......يا..ناس الدين...
صديق القاعد بعيد
| |
|
|
|
|
|
|
|
|
|
Re: لماذا ياشعبى؟؟؟؟ (Re: Siddig A. Omer)
|
ما يدفعنى للكتابة هنا عدد الزوار.....!!!!!
فانا لابد مقتول.....
هاهاهاهاهاهاه
مالو!!!!
ما نحنا اصلنا مقتولون .. هنا... وهناك ...لكن ليست بعد....
صديق القاعد بعيد
| |
|
|
|
|
|
|
|
|
|
Re: لماذا ياشعبى؟؟؟؟ (Re: Siddig A. Omer)
|
نواصل ملف الفساد.....
كم من التجار و الراسمالية الوطنية افقرتهم الانقاذ لكى تتحكم فى مصائر العباد و تركعهم؟؟؟؟ما هى الاساليب التى مارسها افراد محسوبين على الشعب السودانى لكى يفقروأ اخوانهم و يركعونهم؟؟؟؟
ربما اتئيكم بالاجابة....بالرغم من علمى أن الجميع يعرف الاجابة.....
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: سيف اليزل برعي البدوي)
|
سلامات
الأخ صديق جزيت خيرا ..وتحدثت عن كبد الحقيقة ..أحب أن أضيف من أخطاء الشعب السودانى
الخلط بين إحترام الكبير ..و إتباع الصحيح ؟؟؟نحن دائما يقودنا أكبرنا سنا ...حتى لو كنا شبا ب أو أولاد وأبوهم
أوأولاد و أحد كبار القرية ...حتى لو كان رأيه خطأ ...فهو الكبير رايو لازم يمشى ...وكما ذكرت ...ياولد جيب الإبريق ...يا ولد غسل لى
يا ولد أدينى موية ..يا ولد ...يا ولد ...ودا غلط أحترمك يا عم لكنى لست خدامك أخدم نفسك ...لكن عند الكبر أو العجز خدمتهم واجبة
كذلك لا نواجه الكبار بأخطائهم سواء والد او عم أو أى شخص من القرية ..أو كبار الحكام ...وجد أحد المسليمن سيدنا على يحمل شىء من السوق فهمّ
بمساعدته ..رفض أمير المؤمنيين وقال له أبو العيال أولى بالحمل ,,
فى مواجهة الكبار سيدنا إبراهيم وهو غدوة لنا قال لوالده (إتبعنى أهدك مليا ) بدأ بوالده
سيدنا محمد قال (أول ربا ابدأ به ربا عمى العباس ...وحارب أعمامه ..وأفسد تجارتهم المبنية على العبيد والرق والغارات والسرقة وشرب الخمر
وحاربهم حتى الموت ..لم يقل هؤلاء أعمامى أحترمهم وأتركهم فى غيهم
فهل نحن نواجه حكامنا وأعمامنا
هل يقف الكبير القوى الشديد خلف الصبى فى الصف والطابور
هل الكبير سيحمل الإبريق ويغسل لنفسه
هل الكبير سيسمع كلام الصغير المتعلم والمتحضر أكثر من الكبير
يجب أن لا تخلط بين إحترام الكبير
وإحترام رأى الكبير
الرأى لا يحتاج كبير ولا صغير
يتساوى الجميع هنا
والفرق بينهم يأتى فى الرأى الصواب
لكن يجب أن لا نحترم الرأى والفكرة فقط لكونها جاءت من كبير
عوض مختار
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: عوض مختار)
|
أخوى الاستاذ عوض مختار
نعم..صعوبات الحياة...و الظروف القاهرة اصابت كثير من كبارنا بالهرم المبكر فاصبحوأ غير متوازنيين فى اتخاذ القرارات الصحيحة... فتجد كثير من القرارت الخاطئة و الغير مدروسة، مثلاً زواج البنت لاول طالبى يديها من غير التأكد من اصله و فصله و اخلاقا..فتفسد بقية حياتها....او لا تاخذ الاشياء بمحمل الجد فتنقلب عليك الامور و تزيد الامور تعيقداً...
شكراً استاذى على المشاركة و اتمنى أن تواصل فى نقد عاداتنا السيئة التى اصبحت تفوح من كل اتجاه...و تغير فى اخلاق هذأ الشعب النبيل....
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
اقترح الاخ ابراهيم سليمان (الدوحة) الموضوع ادناه للنشر (منقول) فى نفس سياق عاداتنا السيئة:
تخيل كيف يكون الحال لو ما كنت سوداني
كنت ح تلتزم بالمواعيد - كنت ح تدفع فاتورة المحامي او الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف ال (ق) و ال) غ) كما ينبغي وما كنت حا تقول للتسعة تزعة - كنت بطلت تسف ساعوط - كنت صرت متخصص وعالم في مجالك - كنت حتلبس شيك جدا عند خروجك أمام التلفاز وأجهزة الاعلام - كنت تتحدث بطلاقة وإنسيابية بدون أ أ أ أ أ أ– ولو ما كنت سودانى كنت عرفت ان باللدقيقة 60 ثانية وبالساعة 60 دقيقة وباليوم 24 ساعة وفي اليوم ممكن تعمل كذا وتنجز كذا وكنت خططت لحياتك ومستقبلك و كنت اخترت المساق التعليمي بنفسك و درست الجامعة بالكلية اللي تناسب مقدراتك ومواهبك ورغباتك المستقبلية مش عشان ود جيرانكم اختار الكلية دى بالزات يعنى اخنق فطس.. كنت ح تتصل بالتلفون قبل زيارة أحد في منزله بدري شويه, مش و أنت في خشم الباب ده طبعا لو اتصلت وما جيت داخل زي قدر الله بدون حتي ماتدق الباب وتدقو ليه؟؟مش في سلك تجرو وتدخل!!بدون مراعاة لحرمة البيت ولو ما كنت سوداني...كنت انتظرت دورك في الصف وخلصت معاملتك بنظام بدل الململة البتعملوها وكنت ح تنهر أولادك لما يبهدلوا ليهم بيت زول ويعيثوا فيهو فسادا وحضرتك قاعد تضحك ومتعوجب لي اولادك ورافع لي ناس البيت الضغط والسكري....كنت حا تتوقع بحصل شنو لما ترقد طفلك الصغير بدون بامبرز في سرير في بيت ناس!!واولادك الاكبر شوية بعملو شنو في نباتات وازهار الناس التعبانين عليها وزارعنها وراوينها بي دم قلبهم ..والطامة الكبري لو كان عندهم حوض سمك ...
و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...كنت ح تتردد في إعطاء رقم تلفون أو عنوان شخص ما.. دون إذنه او حتي سؤاله اذا كان عندو رغبة يتواصل مع الناس ديل أو مفهمم انو ما عندوا تلفون من اصلو بدل تورطو وتحرجو كدة!!!.وكنت امتنعت عن السماح بجلوس طفلك الرضيع في المقعد الأمامي على حجر والده او والدته ولمن يحصل حادث الحبيب ياكلها لا لذنب جناهو سوي انو اهلو سودانين!!...كنت ح تترد في زيارة شخص ما.. أنصاص الليالي و صابح تاني يوم مدارس و عمل وتساهر بالناس وتطلع روحهم تشرب العصير والشاي ويعملو ليك العشاء علي امل انك تمشي وتخليهم ينومو وانت برضو قاعد تبرأ فيهم وما تحس الإ قبل آذان الفجر بشوية وتقوم تنكشح بعد ما الديك قرب يعوعي!!!ولو ما كنت سوداني ...كنت ح تخلي الصغار في البيت عندما تكون المناسبةمناسبة كبار..-كنت اتونست بصوت معقول, خصوصا' عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...كنت امتنعت عن التدخين في منزل شخص اخر, او على الاقل استأذنت قبل ما تولع...كنت ترددت في ارسال حاجات وزنها خمسة كيلو و ما فوق مع كل من تسمع بأنه ماشي السودان...كنت رجعت القروش الاستلفتها في وقتها, أو في الحقيقة رجعتها و بس..كنت امتنعت عن زيارة احدهم في مكتبه , للونسه او مناقشة امور لا صله لها بالعمل كنت خجلت من عدد المسكولات التي تعملها, مش كمان تقول 'شنو يا فردة, خمسه مسكولات ما ترد عليها؟ و الله الفيك اتعرفت'.....كنت حا تقعد فى صالون الناس بدل تلوص فى البيت كلو..كنت حا تبطل التحشر فى خصوصيات الناس وتعمل الحالة واحدة وتدى نفسك الحق تسأل اى سؤال يخطر فى مخك( لو كان فى يعنى) ..كنت ما حا تمشي مستشفى الولادة وتقعد تحقن النسوان الفى العنبر كلهم واللللللللللله عيب كبير يا سودانيين اصلا ما شفت غيركم بتحاوم فى عنابر الولادة وكمان معاها هرجلة وإزعاج ..اصلا انتو البوديكم شنو مستشفي الولادة؟؟ عشان تودو نسوانكم اوكي آمنا بالله طيب اقعدوا في الاستقبال لزومو شنو الحوامة في العنابر يعني حبكت تباركو للام استنو لمن تطلع في البيت أما لو كانت اختك او زوجة اخوك يا ريت الزيارة تكون من طرف الاوضة وتتوكل علي الله ... ولو ما كنت سودانى كنت بطلت تطلع بالعراقى والسروال والسفنجة وراسك مكشوف وصوتك يجيب الطاش..لو ما كنت سودانى ما كنت اكلت ميراث اخوانك الصغار واستوليت على بيت ابوك لى يوم يبعثون عشان بس انت الكبير!!ولو ما كنت سودانى كنت إبتكرت فى خريطة بيتك بدل تشف حقت صاحبك بالكربون وكنت استثمرت فى حاجة غير الركشة !! ومحلات الاتصالات !!لو ما كنت سودااااااااااانى ما كنت سوقت معاك كتيبة وانت ماشى المطار وما كنت عملت الضوضاء والغوغاء العجيبة البتعملوها فى المطارات ولابسين الجلاليب والبراطيش وراسكم كاشف وفي احسن الاحوال لابسين طاقية ويوم تحبو تقشرو تلبسو مركوب نمر يقزز .. ونسوانكم معنكشين بى دهب البيت كلو ولابسين الاحمر والاخضر والترتر وزفة الوان ما شوفناها حتي في اعتي صحن سلطة ده غير شباشب الظار البرتقالي والليموني وهلمجرا وشفعكم يكوركو ويتساككو ده غير التحنيس والدناءة عشان يمشو ليك الوزن !!! ولو ما كنتو سودانين كنت قعدتو محترمين فى الطيارة وما قرفتو المضيفات بي الطلبات والاصوات والمشية والجية والهمجية وبكاء الشفع والشنط والكراتين والصفايح الداخلين بيها الطيارة والاصوات العالية والجلاليب الشربانة وما كان نسوانكم غيرو التياب فى الطيارة وما كنتو فكيتو الاحزمة ووقفتو قبل الطيارة تنزل..لو ما كنت سودانى ما كان ممكن تدخل فى زول شمال وتقول ليهو راتبك كم؟؟؟؟ولو ما كنت سودانى ما كان ممكن تفكر انك تمشى عرس بتاع ناس وتقيف بكل بجاحة تصور العروس بى موبايلك وانت ما بتقرب للعروس ولا حتى بى حواء وآدم بدون ما تسأل نفسك منو الاداك الحق ده في إختراق خصوصيات الناس ومنو السمح ليك تدخل وتتعشي وتصور!!!! ..ولو ما كنت سودانى ما كنت طلعت من شغللك ولمدة تلاتة ايام وسبت المراجعين يتبهدلو عشان حبوبة جار جاركم ماتت عن عمر يناهز المية وشوية والبكا جاى خبر من الشمالية.. والمراجعين برضو لو ما كانو سودانيين ما كان سكتو عن حقهم وكل يوم يمشو ويجو المؤسسة عشان موضوع ######## ما بياخد اكتر من عشرة دقايق!!! لو ما كنت سودانى كنت استفدت من غربتك وامنت مستقبل اولادك وقدمت استقالتك ورجعت بلدك بي كرعينك مش بالصندوق..لو ما كنت سودانى ما كان كل يوم جاييك تلفون رسل وجيب وحول عشان هم يقعدوا ياكلو فى حقك لا شغل لا مشغلة ويشتغلو ليه؟؟كفاية عندهم سودانى مغفل زيهم يرسل بدون تفكير ..ولو ما كنت سودانى مستحيييييييييييييييل تدى اخوك يبنى ليك بيتك وترجع بعد خمسة سنين تلقاو لسة ما حفر الساس ولو سألتو عن القروش الحولتها طول السنين دي يزعل منك ويخاصمك ويعملها حكاية طويلة وعريضة ولو ما كانو اهلك زااااتهم سودانييين ما كان غلطوك وطلعوك انت الكعب!!وجبروك تسكت عن حقك وطلعت من الموضوع بي ازمة نفسية!! صدقنى لو ما كنت سودانى كانت حياتك مشت بى اريحية ونظام ورااااااااحة كانت مجاملاتك حا تكون حلوة وفى حدود المعقول بدل كل يوم جاري ولاهث من بيت لي بيت في الفارغة والمليانة!!..كنت نمت لما تحب وتصحى لمن تحب..كنت انت القررت مشروع زواجك بمن تحب بدل القبيلة كلها تقرر معاك..ويجزمو بأغلظ الإيمان انو فلانة هي البتناسبك !!!عرفو احتياجاتك كيف؟؟ميولك كيف؟؟طلبك كيف؟؟ انا ما عارف!!!!!. كنت سميت اولادك الاسماء البتحبها مش البختاروها ليك عمك وجدك ونسيبك وتقوم الدنيا وما تقعد لو ما سميت ليهم الاسم الدايرنو ويسلبوك ويسلبو الام ابسط الحقوق انها تسمي الكائن الكانت شايلاو تسعة شهور وتعبانة فيهو ده!!! .كنت استمتعت باجازتك وبى وقتك وحياتك بدل كل واحد يديك الفتوي الفى دماغو..لو ما كنت سودانى كنت حا تكون سييييييييييد نفسك وووووووووووووو.
____________________________________________________________
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
صديقى السودانى فى الغربة...اغترب وهو فى عمر الزهور 18 سنة فتعب و كد و اجتهد و تفوق على امكانياته العلمية و الحياتية البسيطة. قرر الزواج من بنت عمه....و قبل شهر من زواجه رفض الخطة المحكمة التى وضعت له و عندما سالته لماذا غير خطة زواجه...بالذهاب الى السودان...قال بالحرف االواحد:
ياخى النسوان ديل "مجانيين"
ما..لهن؟؟...سالته
ياخى ديل قبل ما امشى اعرس فلسوأ بى..
عايزين حق الرقاصة و حق بتاع الريحة و حق بتاع العشاء...و حق بتاع طباخ....
و الشيلة ...و ايجار النادى ..و رقيص العروس...و ....و...و ....و...و ....و..
ياخى مش العرس دها ...انا زاتى "بطلتو" خليهم يشوفليهم زول يعرسها ليهم...
ياخى دى حالة....احسن منها "الغربة"...
صديق القاعد بعيد
تخريمة:
لابد أن نترك هذه العادات السيئة...ذى ياخى دها ولدى و لازم افرح بيهو...
و الجماعة...ياخى انت مغترب فى ليبيا؟؟؟ ما تصرف...
و اهل العروس ...طلبات....
و العروس طلبات...و الاصحاب طلبات...و الاهل طلبات...و الجيران..طلبات
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
الزواج....يا الله من الآلم؟؟؟؟....
تنوم و تقوم وهى فى "وشك"....لا إلفة و لا حب و لا تجديد...بل يجب أن تتملكك با الكامل...فلا يحق لك أن تجلس مع اصدقائك...و لا يحق لك أن تسامر أحداً فى التفلون.أو امام البيت..و لا يحق لك أن تضحك مع ناس الجيران و لو بالمجاملة...و لا يحق لك أن تتكلم مع زميلتك فى التفلون و لا يحق لك أن تسهر خارج البيت و لا يحق لك ان تفعل اى شئ لا تريده زوجتك...فتكرهها و الى الابد....و تكره اليوم الذى تزوجتها فيه....
بالمناسبة...اتسأل من اين ياتين النسوة بهذه العقلية...بعد الزواج......يا الله.....و الله مشكلة....
صديق القاعد بعيد
تخريمة:
لماذا تصبح القتاة الجميلة كالبرميل بعد الزواج!!!!
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
وصف البيوت في السودان (الكاتب مجهول)
تخش بشارع المخبز (التركي)
تلقى ليك محل بتاع حلويات (شامية).....
تمشي ........
طوالي بلاقيك حلاق (فلسطيني)....
جنبو....................
بتاع سباكة (بنغالي).......
و في الركن.....
بتاع سراميك (باكستاني)...
أول شارع تدخل بيه تلقى
بيت ساكنين فيه عمال (هنود) تخليه..... بعديه
بتلقى عمارة ساكنين فيها لعيبة كورة (نيجيريين).....
تلف......
على يدك الشمال تلاقى محل شيشة (مصريين)
وقدامو في عمال (صينيين) بيحفرو مجاري الخريف...
وبعدين بتلاقيك شجرة تحتها ست شاى(حبشية)
وقدامها بيت فيهو عطالة (سودانيين)...
أهادا البيت زاتو
__________________________________________________________________________
مشاركـــة من على البعد من احدى الاخوات الساكنات بعيد
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: محمد الكامل عبد الحليم)
|
| Quote: اثمن محاولاتك اجلاء ما هو سالب لكشفه واخضاعه للتشخيص والمعالجة .....واخشي ان يتحول الامر الي مع او ضد من هواة تبخيس الناس اشياؤهم ......ولك الاحترام وسنعود... |
الاخ محمد الكامل عبد الحليم....لك كل الشكر و التقدير و انت تشاركنى همى.... همنا...لا اريد أن اخوض فيما هو شخصى و غير شخصى و لكننى اعمم لكى لا يصبح هذأ النقد لكثير من عاداتنا "الزميمة" و "السيئة" و "الرديئة"....محور حديث يبعدنا من حقيقة باننا شعب متفرد فى كل شئ إلا النجاح فى خلق أدب العادات فتجد من يبيح اشياء لا نمارسها خارج اطر سودانيوتنا الفريدة و التى حاولت أن ابعث بها اشارات لسلوك اكرهه على نفسى فما بالك على الاخرين.
نعم الفقر من اهم اسباب تخلفنا و تعُمق كثير من عاداتنا السيئة و لكن أذا لم نعمل لازالته و اسبابه سنظل فى فقرنا و تخلفنا.... و ربما فناءنا....فليس الفقر عيب بقدر التخلف و الجهل.....و التخفى حولهما.....
انا اكتب هنا لاننى اعلم تماماً بأن هناك ما يهزه هذأ الموضوع الحساس...لكننى أنا اعلم تماماً بأن يخوض احداً فى هذأ الوحل لابد...انه "مجنون".....
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
رب أخ لك لم تلده أمك...
هذأ هو صديقى المكافح....منذ نعمومة اظافرنا و نحن لم نفترق....الا بعد "الانقاذ" فهاجر هو الى السعودية...ثم هاجرت انا الى قطر...لم نلتقى سنوات و بعد أن كنا لا نفترق لساعات...تقرب فى بلد صعب به كل مآسى السودان مجتمعة....تعلم الى أن تخرج مهندساً معمارياً يشار اليه بالبنان....ثم كانت هجرته و منذ زمناً بعيد....تزوج ورزقه الله بزهرات من الجمال و الطفولة...لم يجد بد من التكرب و التحزم و العمل ليل..نهار، فله من البنات زهرات ست...ينعم برعايتهم و باخلاق الاب الفاضل و السودانى القح بيته مفتوح للجميع....كرماً و جود ...و ضيافة و اخلاق ابن الاصول ...و نفرة وقت الحارة...الكل يشيد به حتى من لم يعرفهم....
اتصلته به بالامس اطمئن على حالهم فنحنا اخوة....و بيننا كل الحب....
لم اراه حزيناً من قبل و لم اسمعه الا ساخراً....و كلمته المشهورة "الدنيا أم بنايتن قش".....العبرات خنقته و هو يحاول أن يتماسك....فهو لم يعودنى على الآهات و الحزن إلا الضحك و السخرية من دنيا فانية.....، سالته" يازول إنشاء الله خير؟؟؟"
اجابنى: و الله انت رايك دائماً صاح"!!
سالته: يازول فى شنو؟؟؟؟إنشاء الله خير...
صمت حتى طننت أن أحدى بناته مريضة أو هو مريض أو يعانى من بعض العلة....سالته بلهفة: ياخى ما تقولى فى شنو؟؟؟
اجابنى: رايك فى بعض السودانيين....طلع صاح بالرغم من اننى لا اقيس به، ربما لم اصدقه...لكن يا صديق ياخى هم السودانيين ديل مالم؟؟؟
سالته: اتلدغته.....؟؟؟؟
ضحك باعلى صوته...كمن سمع نكته....قالى : اى و الله لدغة حارة جداً من اعز اصدقائى!!!
سالته: احكى لى الحصل شنو؟؟؟؟
اجابنى: انت تعلم بأن مرتباتنا ضعيفة جداً و لا استطيع أن اتحمل مصروفات البيت و الاولاد و انت تعلم تماماً باننى ارسم الخرائط و اشرف على المشاريع و اعمل مدرساً للغة الانجليزية و العربية و مرات الهندية...و زوجتى تدرس و ا...وا ..اكاد ألا ادرى ماذأ اعمل و انت تعرف الحال مستورة و الحمد لله منذ أن قدمنا الى هذه الارض الطيبة و السترة تتبعنى اينما احل....
و لكن.....جارى السودانى الذى اسكنته لطيبته و اصالته و اكلنا "الملح و الملاح" و عيشنا الايام الصعبة و الحلوة و احسبه مثلك يا صديق و الله العظيم... عندما علم باننى "موفق" من الله العليم السميع و باننى اسير بخطى ثابتة...ذهب الى مدير الشركة التى اعمل بهاو قابله شخصياً و حكى له باننى اعمل فى كذأ و كذأ و كذأ....و اتجاوز قانون العمل فى السعودية....لم احلم يوماً بانه سوف يطعننى فى ظهرى و رزقى و يفعل ما لم يفعله اعدائى اذا كان لى اعداء.....
صمت لبرهة ثم واصل لكن ربك اكبر مننا كلنا....فصليت و دعيت و الحمد لله...الامور تسير الى حل....و انا متاكد باذن الله بأن كل شئ سوف يسير سيره....لكننى و الله متالم وآسف لفقده....و لاخلاقه التى انحطت للحضيض....
ياخى ليه نحنا كدها؟؟؟؟؟؟؟؟؟؟؟؟؟؟
ليه نحنا بنحسد بعض حتى المجتهد الذى لا يدرى احداً ماذا ياكل وما يشرب و ماذأ يلبس...وكيف؟؟؟ نحسده على نعمه الله التى اعطاها له..و بجهده ومثابرتها....لماذأ؟؟؟؟
قلته له و بصوت المجرب: "الباب البجيب الريح سدو و استريح"
صديق القاعد بعيد
تخريمة:
قصة "ناس قنيط" مشهورة فى ادب الهجرات الى السعودية...وخاصة بين تلكم الذين يأتون بلا أوراق اقامة قانونية "يعنى عمره او حجه و زوغة"..
يحكى بأن احدهم لا يملك من الدنيا الا "غنيمات" و قطعة ارض باعهم ليلتحق بى ابناء عمومته و اصدقاءه الذين هاجروا للسعودية و عملوا البدع فى قريتهم المتواضعة فرى فيهم و فى السعودية الخلاص فباع كل شئ يملكه و ذهب الى العمرة بعد استخرج جواز سفر لاول مرة فى حياته....كان يتمسك بالجواز كانه أخوه....و بعد أن وصل و تمتع بايام الاقامة القانونية فى زمن العمرة....و اجتمع بكل اصدقاءه و ابناء عمومته و هم يقودون العربات و يلبسون الجلاليب الناصعة البياض و يدخنون افخر انواع السجائر...انبهر و راى فيهم مستقبله....ثم جاءت الطامة الكبرى فلقد تم ترحيله بعد اسبوع من وصوله بداعى عدم وجود اقامة قانونية.....
ثم بعدها بايام، كان فى السودان يتجول فى السوق العربى، فراى بعض المغتربيين من معارفه و هم يتجولون بذات السيارات و الجلاليب البيض ، فانشد باعلى صوته:
السعودية القطعو باسبورك.....
وناس قنيط....الما هوليك....
هدية من قلبى الذى اصبح كالحجر....الا من جزءاً يضئ لامثالك يا صديقى فى "المحنة"
انسى...و تمتع...بنجاحك فنحنا اعداء النجاح....
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
مقال جميل أحببت أن أشرككم بقراءته.
-----------------
شهوة الانتقاد
عبد الله الجعيثن
تروي حكاية مختصرة أن امرأة شديدة الانتقاد والتنقيب عن أخطاء الأخرين، كانت كل صباح تأخذ زوجها إلى النافذة المطلة على شرفة الجيران وتريه غسيلهم المنشور في الشرفة ثم تقول:
- ألا ترى أن الغسيل يُنشر وهو غير نظيف؟!.. هل هذه ست بيت؟
وذات صباح - وزوجها يتناول الإفطار - أخذته لممارسة هوايتها المعتادة في رؤية (الغسيل القذر) ونشره أمام العيون، ولكنها فوجئت هذه المرة بأن الغسيل نظيف جداً فغضبت وقالت:
- عجيبة وغريبة.. غسيلهم اليوم نظيف.. ما هي عادة.. ولكن إن ينظف مرة يتسخ عشرات المرات.. هذه عادة جارتنا.. مؤكد أن هذا الغسيل النظيف ليس من صنع يديها بل جاء من ساعدها..
فضحك زوجها بشدة فاستشاط غضبها وقالت له مقطبة:
- لماذا تضحك؟!
فقال:
- الغسيل كما هو كل يوم.. نظيف فعلاً.. الحدث المختلف اليوم هو أنني استيقظت مبكراً فقمت بتنظيف النافذة القذرة التي ترين من خلالها غسيل الجيران قذراً بسبب ما تراكم على نافذتك من الأوساخ..
*******
قلت:
وشهوة الانتقاد والانتقاص موجودة عند كثيرين، حيث ينظرون للآخرين من خلال نوافذهم هم، فالخلل في نوافذ المنتقد القذرة، والعيب في عيونه المنتقصة، التي )تريد) أن ترى النقائص والعيوب وتختلقها اختلاقاً، وكأنها بهذا تعطي نفسها قيمة إذا حقّرت الآخرين.. مع أن العكس هو الصحيح..
* * *
إن التقليل من قيمة الآخرين شائع مع الأسف.. وخاصة بين أصحاب العمل الواحد.. فالمدرس الذي يشعر بالنقص قد يقدح في بعض زملائه المدرسين أمام طلبته ليحط من شأنه ويرفع شأنه هو - كما يظن - مع أن الطلبة أذكى مما يعتقد..
وقس على هذا بقية الأعمال والتصرفات فإن الذي لا ينظر إلا بعين السخط لا يرى غير النقص ولا يعرف غير البغض:
وعين الرضا عن كل عيب كليلة
ولكن عين السخط تبدي المساويا
ومن تركبه شهوة الانتقاد ويحب تنقيص الآخرين والتنقيب عن العيون فهو مريض من الداخل..
ومن يك ذا فمٍ مرٍ مريضٍ
يجد مُراً به الماء الزلالا
كما قال المتنبي، ومرض النفس أشد من مرض الجسد..
وللمتنبي أيضاً:
وكم من عائبٍ قولاً صحيحاً
وآفته من الفهم السقيم
من جريدة الرياض – عدد يوم الإثنين 25 أكتوبر 2010 م
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
بيت البكى التجارى ....(منقول)
[red]]فش الغبينة
قرر حاج صديق وهو ' معاشي ' من سكان أركويت بالخرطوم ، قرر أن يستثمر جزءا من المكافأة ويفتح صالة للبكاء . يذهب إليه كل من يريد أن يبكى ويفش غبينتو. كتب في دراسة الجدوى أن الممغوصين من الشعب السوداني رجالا ونساءَ يحتاجون إلى صالات واسعة لكي يتنفس ويبكى ويتشفى ولندب الحظ السيئ... ولكي يلطموا ويجعروا ..
قال له صديقه وجاره مأمون : إتوكل على الله يا حاج صديق وأعمل المشروع ده وأوعك تتردد .. والله تكسب دهب وكمان تفش غبينة الناس دول وتلقى أجر .. أول حاجة تعمل ليك قسم للناس الكبار في السن ، غبينتهم شديدة بالحيل .. وقسم لي ناس الصالح العام .. وقسم لي ناس الركشات .. وأهم قسم في غرفة خاصة للمغتربين وخليهم يدفعوا بالدولار أو في أسوأ الحالات بالريال السعودي .. الريالات التانية حقت ناس قطر وسلطنة عمان وأبوظبى ما تقبلها ... وما تنسى ناس الطيارات الوقعت ... وأهم حاجة ناس السدود بالذات ناس كجبار ودال يجوك من الكلاكلة ومناديل الورق كان جبتها بالدفار ما حتكفيهم ..
حاج صديق مشى للفاضل السمسار في شارع جوبا في سبيل إيجاد مقر للمشروع ( بيت البكاء) :
والله يا الفاضل أخوى أنا عايز لي بيت كبير .. كبير جدا ..
يا حاج صديق أنت ما ساكن في ملكك عايز شنو بالبيت ؟
يا الفاضل أخوى أنا ما عايز البيت للسكن .. عاوزو تجارى !!
قصدك مخزن يا عم صديق ؟؟
مخزن شنو يا الفاضل .. عاوز أعمل بيت بكاء !!!
بكاء شنو !! المات ليكم منو !! ما تدق ليك صيوان في الشارع وخلص نفسك ..
وما أن انتهى حاج صديق من شرح المشروع حتى بادره السمسار :
والله دي فكرة بت ستين ###### . الشعب كلو عاوز يبكى ويتفشى وما لاقى ليهو طريقة ..
والله أنا أول زول بجي بفش غبينتى .. ناس المحلية مغصونى جنس مغصه .. كل يوم رسوم وضرائب وزكاة ..
المهم أنا عندي ليك بيت كبير ولقطة جنب البلابل .. ستة غرف وصالة كبيرة وصالون وحمامين .. بس يا الفاضل ما حيكون في إزعاج للجيران وبعدين نخش في إشكالات مع ناس النظام العام ويجو يكشونا ..
إزعاج شنو يا حاج .. أنا حأعمل ليك عوازل ضد الصوت عشان الناس تبكى لامن تقول كفاية..
بعد أن عاين حاج صديق للبيت وأبدى إعجابه طلب من السمسار بإحضار سبَاك يعمل في كل غرفة حوض غسيل وحنفية ويوصلوا بالسايفون عشان الزول بعد الجعير والتفشي يقوم يستغفر الله ويغسل وشو ..
دفع الحاج مقدم الإيجار للسمسار تلاته شهور ورجع البيت شايل ترخيص وعقد إيجار ..
' يا نفيسة ' !! نفييييســــا ...
أيوة يا حاج ، في شنو ؟؟
خلاص لقيت بيت البكاء ودفعت الإيجار !!
أها يا حاج . كان كده ما فضل ليك إلا الزبائن .. والله يوم الافتتاح حأجيب ليك نساوين الحلة كلهم يحرروا ليك البكاء جنس حرير .. أعمل ليك جنس افتتاح يا حاج .. وووووب وأحييا ما تديك درب .. ناس كلتومة عندهم أتنين ماتوا في الجنوب .. حليمة راجلها عمرو 39 نزلوه الصالح العام .. ورقية بت التو مه أختها زرعت الكلية في الأردن وماتت في الطيارة الأتحرقت!!!
كفاية يا نفيسة ... إنتى عايزة تطرشقى لي المشروع من أول يوم .. إنتى ما عارفة الاختلاط ممنوع عايزة تجيب لي نسوان كمان يبكن ويتشخنفن قدام الرجال ؟؟؟
في هذه اللحظات يستيقظ حمادة الطالب في الجامعة من النوم ويتمطى ويذهب نحوهم :
والله يا أبوى أجيب ليك كترة جكسويات ... شواكيش سااااااااكت ... وبالمناسبة يا أبوى عشان نحل إشكالية الاختلاط أحسن نعمل الغرف للرجال والحوش للنساوين !!
تتدخل الحاجة نفيسة : لا . أنا رأى كل ناس ( غبينة ) نعمل ليهم قسم بي حالوا .. يعنى ناس الصالح العام براهم وناس الحور العين براهم وناس الطيارة براهم ...
طيب المغتربين ... المغتربين يكونوا مع ناس الركشات .. وكمان يا أبوى في ناس عندهم Double Gabina يعنى زول شالوه الصالح العام قام جاهو ضغط .. أو مغترب عندو ضغط وسكري ...
قبل الافتتاح بيوم تم الإعلان في الصحف المحلية لزوم الدعاية :
يتم في الساعة السابعة مساء بتاريخ 27/7/2008 افتتاح محلات فش غبينتك .. صالات مكيفة تحتوى على عوازل الصوت للبكاء الحار والسكلي والحي وووووب ... يوجد قسم خاص للنساء والمحل مزود بمناديل الورق وأحواض الغسيل والبراطيش والجزم والشباشب القديمة لزوم اللطم .. الأسعار في متناول الغلابة .. السعر ألفين جنيه بالقديم .. البندول مجاني وكذلك البصل لزوم الإفاقة في حالات الهستيريا !!!
لم يصدق حاج صديق وهو يرى أفواج المواطنين تتداعى نحو المحل.. أضطر لطلب عدد من قوات حفظ النظام العام لتنظيم الصفوف . انتابت بعض الواقفين خارج المحل حالات الإجهاش البكائى قبل وصول البوابة الرئيسية وغرف البكاء .. عندئذ طلب حاج صديق من رجال الأمن بالسماح للذين على ( الهبشة ) للدخول أولا .. صار المتماسكين قليلا يحتجون ..
يا جماعة شوية .. ناس الطيارة يجو بي جاى .. ناس الصالح العام عشان عددكم كتار خليكم بي هناك في الصف داك .. المغتربين تعالوا بالباب الخلفي عشان ممكونين شديد .. المغتربين دورو شكلة .. ناس مشروع سندس بي جهة وناس المطاعم في شارع غبيرة بي جهة .. الأمن يتدخل ..
في اليوم الأول امتلأ المحل Full .. ألو حمادة ؟؟ أغشى السوق المركزي أشحن بصل زيادة.. حالات الإغماء في ازدياد .. جلست الحاجة نفيسة في كاونتر النساء بينما جلس زوجها في كاونتر الرجال .. يدخل المواطن في غرف فش الغبين ويخرج محمر الوجه متورم العينين مستريح الأعصاب بعد أن قام بفش غبينته .. بعد أن رأى حاج صديق الغباين المختلفة لكثير من الحالات وسمع الجعير والسكلي والنحيب لم يعد ينظر إلى الربح بقدر نظره إلى خلق جو بكائي مثالي مما جعله يحدد يوما في الأسبوع مجانا وبكاء جماعي مره واحدة وذلك لغير القادرين على دفع الرسوم ..
بعد ثلاثة أيام دخل عليهم شخصان يحمل أحدهما كاميرا والآخر دفترا وقلم.. نحن من جريدة الإثارة وعاوزين نعمل لقاء .. تقدم حمادة إليهم ورحب بهم وجلس معهم في الكاونتر .. طلب الصحفيان المرور في الغرف والصالات المختلفة ليروا كيف أن المواطنين ( يفشو غبينتهم ) .. هذه صالة الغبين الجماعي .. في هذه الصالة أكثر من مائة شخص من مختلف الأعمار ينتحبون بطرق مختلفة منهم من يبكى بحرقة ومنهم من يتمتبهستيريا. يلطم وجهه ويصيح بهستيريا ... وقف الصحفي بعيدا قرب المدخل وهو يتابع هذه الحالات التراجيدية وصار ينظر إلى أحد المواطنين يضرب رأسه مع الحيطة بحرقة وهو يجهش بالبكاء ويردد :
أنا كان مالي ومال كده !!!
أنا كان مالي ومال كده !!!
سأل الصحفي حمادة ؟ الزول القاعد يضرب رأسه مع الحيطة ده ماله ؟؟؟
رد حمادة :
ده الوالد صاحب المحل ! حاج صديق !!
أمبارح ناس الضرائب جابو ليهو ضرائب أكتر من رأسمالو .. عشان كده بيضرب راسو بالحيطة
_____________________________________________
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
منقول
حلمان أنا ان شاء الله خير
سيف الاقرع – لندن
رأيت فيما يرى النائم أني اجلس أمام التلفاز اسمع وأشاهد في الاخبار المؤسفه والملاسنات بين شريكي الحكم ,ثم تداخل حزب الامه في السباب , ومن وراءه الاتحادي الديمقرطي الاصل والتايواني , وبقية الاحزاب الاصل والفروع , ثم يأتي رجلا هرما اكل عليه الدهر وشرب تقوده بنته التي تزوجت من يهودي , ثم انقطع الارسال للحظة ثم عاود سريعا ليس بين صوت المزيع وحركات شفايفه او( شلاضيمه ) تناسق لان الصورة تسبق الصوت او العكس لا ادري فأغمض عيني احيانا حتى اركز في السماع وكل المهندسين في السودان اعياهم ذلك العطب الفني الذي فضحنا في بلاد الغربة .. المهم عاد الارسال واعلن المزيع ان اجتماعا هاما سيعقد اليوم بعد ساعة بين كل القوة السياسية المتناطحة في السودان ولم يذكروا سببا لهذا الاجتماع المفاجيء وجلست انتظر الساعات الطوال وكانت كاميرا التلفزيون موجهة نحو المجلس الوطني وليس هناك اي تعليق من مزيعى التلفزيون غير ان هناك حركة دائبة وتحركات سريعة , وتلتقط عدسة الكاميرا صور بعض الوفود وهي داخلة على عجل وبعض العربات الفارهة والمواتر , كل الاحزاب والقوى السياسية الكبرى رؤسائها وامنائها كل على عجل افرادا وجماعات دخل قاعة الاجتماعات وبعد ساعة ونصف تقريبا صرت اسمع احيانا الله اكبر ولله الحمد .. ثم اسمع بعد برهة ياربي بهم وبآلهم عجل بالنصر وبالفرج .. واحيانا اسمع هي لله هي لله ..
الامر محيرا واصبحت مشدودا جدا اتململ في مكاني متمنيا ان اسمع اي تعليق من المزيع ولكن هيهات طال انتظاري والقلق باديء على وكنت مشدودا كما الوتر .. وبعد فترة طويلة من الانتظار ظهر مزيع التلفزيون متهللا فرحا يسبق التلعثم حديثه وهو يقول هذا ما كنا نريده , هو والله ماكنا ننتظر.. ثم انقطع الصوت يبدو انه ضرب سلك المايكرفون برجله وهو على عجل من امره وصرت ارى الصور ولا اسمع الصوت ولكني رأيت عجبا فماذا رايت ..
رايت عمر البشير يخرج اولا من قاعة الاجتماعات وهو يرتدي قبعة سلفاكير ومن خلفه سلفاكير وهو يرتدي العمامه يرفعون علامات النصر ثم من بعدهم الصادق المهدي وهو يرتدي جلابية الختمية ( ام لياقة ) ولكنه يرتدي طاقية الانصار في راسة مع عمامة يبلغ طولها نصف متر تقريبا ثم محمد عثمان الميرغني يخرج حاملا حربة الانصار وهو يرتدي جلابية جناح ام جكو وفي هذه اللحظة رجع صوت التلفزيون يعلن ان عمر البشير اصبح اسمه عمر كير وسلفاكير اصبح اسمه سلفا البشير وان محمد عثمان الميرغني اصبح اسمه الميرغني المهدي وان الصادق المهدي اصبح اسمه الصادق ابو هاشم والشعب من الخارج يهتف تحيا الوحدة الوطنية تحيا الوحدة الوطنية ثم رأيت ابناء الشمال جالسون امام مأذون شرعي ليزيجهم من فتياة الجنوب وكذلك رأيت فتياة الشمال ينتظرون المأذون وكذلك ابناء وبنات الشرق والغرب لعقد قرانهم من بعضهم البعض والكل فرح والكل يهلل ويكبر منهم من يقول هللويا ومنهم من يقول الله اكبر .. وبعد قليل حضر ذلك الرجل الهرم مع بنته زوجة اليهودي ولكنه وقف متحفزا ينظر ذات اليمين وذات الشمال وفجأة صحوت من النوم ..
قصصت رؤياي هذه على معبر حتى يفسرها فقد كنت فاقد القدرة على التفكير واصابني نوعا من الفشل الفكري .. فنظر المعبر الي نظرة طويلة عميقة حتى ادهشتني بل اخافتني ثم توضأ وصلى ركعتين وانا في انتظاره . طأطأ راسة بعد ذلك ثم رفع ثم نظر الي نظرة غريبه قائلا ..
ان هذه من علامات الساعة الكبرى واني ارى تلك الفكرة هي فكرة سيدنا المسيح عليه السلام اذ ان الناس سيعيشون في سلام بعد ظهوره وتلك علامات قوية واشارات واضحة بأن نزول عيسى عليه السلام لم يبقى عليه كثيرا بل هو غاب قوسين او ادنى اما الرجل الهرم الذي رأيته مع بنته زوجة اليهودي فهو المسيح الدجال .. نعوز بالله منه ومن شروره .
فصرت منذ ذلك اليوم انتظر نزول سيدنا المسيح عليه السلام واستعيذ بالله من المسيح الدجال ..
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
سالت صديقى الهندى....كم قضيته فى الهند من اجازتك؟؟؟؟
اجابنى....شهرين بالتمام و الكمال...و الله مرت مثل اسبوعين و يالتها....كانت سنتين!!!
سالت صديقى السودانى....كم قضيته فى السودان من اجازتك....؟؟؟؟
أجابنى...اسبوع...واحد.......و الحمد لله
و الله يا صديقى.....كان ذى السنة بالتمام والكمال....التقول الواحد لم يغترب!!!!
سالته لماذأ....؟؟؟
و الله يا صديق بقيت لمن امشى السودان اشتاق لوطن الغربة.....كانه وطنى!!!!
لك الله ياسودان الموارث.....و الحكومات.....الكوارث....و المتارس....فى كل شئ ..الا...تعذيب....النوارس...
صديق القاعد بعيد
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
ايها الصغار اتركوا المجنانين و... جنهم؟؟؟؟؟
صديق القاعد بعيد_
_______________________
يا جبارة يا مجنون
هاك الشطة بالليمون
هذه الاهزوجة لم تكن ضمن مسرحية سودانية او مسلسل محلي باهت ولكنها دراما واقعية حدث لصاحبكم العبد لله ابو لسان طويل واخرست لسانه من لغاليغه لعدة ايام وأصل الحكاية من طقطق للسلام عليكم هي انني كنت قادماً الى ام درمان مع شلة من ابناء الاهل على متن لوري يمكن ان يستخدم لنقل الدجاج والقش وهو ابعد من ان تكون مخصصا لنقل الآدميين ولكننا كنا مضطرين للتسطيح في تلك الدابة الحديدية وكان السائق اجاركم الله رجلاً ارعن وضيق الخلق واحمق من ابو الدقيق لذا فقد تجنبنا الحديث معه منذ البداية وفي احدى القرى يبدو انه ـ دقس ـ وما هي إلا لحظات حتى وجدنا انفسنا على الارض وفوقنا الامتعة والجوالات ولا اقصد هنا ( الموبايلات) طبعا لان هذه االتقنية كانت في تلك السنوات في رحم الغيب المهم ان ـ القلبة جات ـ سليمة ولم تحدث اصابات بين الركاب سوى كدمات ورضوض خفيفة اما ملابسنا فقد كانت هي الوحيدة التي تضررت وصدقوني فقد افقت من هول صدمة القلبة فوجدت ملابسي ممزعة ومعطونة بالتراب اما خلقتي فقد كان يعلم بها الله وحده وبعد ساعة من انقلاب اللوري ذهبت الى منتصف القرية للبحث عن وسيلة مواصلات اخرى واثناء وقوفي بحالتي المزرية تلك شاهدت مجموعة كبيرة من الاطفال يلتفون حولي وهم يهتفون :
يا جباره يا مجنون
هاك الشطة بالليمون
يا جبارة يا جبارة
بس راسمالك خيط ودبارة
وعندها تلفّت يمينا ويسارا بحثا عن ذلك الجبارة صاحب الاهزوجة المسخرة ولكن لم يكن هناك احد سوى محسوبكم فايقنت انني وقعت في مطب ساخن وبعد ان استجمعت قوتي وشجاعتي قلت للصبية انا لست جبارة وانما غريب عن هذه البلدة ابحث عن عربية لنقلي الى ام درمان وما كدت اقول تلك العبارةحتى اشتعل الملاعين بالضحك وجذبني احدهم من قميصي المهلهل ـ وهو يصرخ (يا جبارة تودي العربية وين الليلة انت بايت معانا هنا عشانتحكي لينا قصة الشفيع مع عروسته) وقد اصبت في تلك اللحظة بالبلم فمن هو الشفيع ومن هو جبارة اصلا ؟ وبعد ضرب اخماس في اسداس تأكد لي ان هناك شخص مجنون في الحتة يدعى جبارة ولكن هل يا ترى انني اشبهه الى هذا الحد وعندها انفجرت ضاحكا وبدات اتحسس جسمي فقد اكون انا جبارة او ربما تكون تلك [القلبة الملعونة حولتني الى جبارة غير ان ضحكتي جعلت العفاريت الصغار يضيقون الحلقه حولي وبعضهم يدعونني للجلوس لكي اقص عليهم الحكايات فقلت في نفسي ( يا جماعه دي مصيبة شنو دي) وبدأت افكر في ذلك الجبارة الذي اوقعني في ذلك المطب الساخن وتمنيت ان يظهر في تلك اللحظة ليخلصني مما انا فيه كما فكرت في ان انطلق (صوف) هربا من جوقة العفاريت الصغار ولكن الرضوض التي احدثتها قلبة اللوري كانت لا تزال تؤلمني فخفت ان اتعرض الى وابل من الحجاره من قبل الاطفال طالما انهم يعتقدون انني جبارة المجنون ولانني كنت تعبا للغايه فقد جلست على الارض وبدأ بعض الصغار يذكرونني بوقائع على اعتبار انني جبارة ولم اكن ارد على اي سؤال إلا بالضحك فقط كنت اتساءل عن ما اذا كان المدعو جبارة المجنون يشبهني الى هذا الحد وفيما كنت افكر في كيفية الهروب من تلك الورطة حضر رجل مسن على صهوة حمار سمين فتحاملت على نفسي ونهضت وحاولت ان اتفاهم معه بان هناك التباس من هؤلاء الصغار وانهم يتعقدون انني جبارة المجنون وقبل ان افتح ـ بقي بكلمة واحده ـ زعق الرجل قائلا : اتوكل يا جبارة لحال سبيلك وخلى الشفع يمشوا بيوتهم فتأكدت ان الشبه بيني وبين صاحبنا جبارة باين ومائة بالمائة وبعدها افلت من جوقة الشفع الملاعين وركضت مثل الثور الهائج متناسيا اوجاعي وصرخات الملاعين تلاحقني يا جبارة يا مجنون الى آخر الاهزوجة والادهي من ذلك هو انني حينما ذهبت الى حيث اللوري المقلوب لم اجد رفاق الرحلة فقد اصابهم الملل ورحلوا بوسيلة مواصلات اخرى وعندها ايقنت انني سوف اقضي ليلتي في تلك القرية وسوف اخرج منها مجنوناً بشهادة طالما ان هناك مجنون بها او في محيطها يشبهني وقضيت ليلتي في محل القلبة وانا اضع يدي على صدري من الخوف فالمنطقة على حواف الصحراء وربما يداهمني ذئب او ضبع ويقضي على البقية الباقية من عقلي وفي صباح اليوم التالي استيقظت وكانت حالتي اكثر سؤا من اليوم السابق وما هي الا لحظات حتى كانت تقف بجواري امرأة عجوز وهي تقدم لي كباية شاي ساخنة وقالت بصوت مبحوح يغالب البرد والنعاس (امشي اهلك يا جبارة) فبدأت الطم واضرب رأسي بيديّ لانه تأكد لي ان المدعو جبارة يشبهني وانا وهو ـ فولة وانقسمت نصين ـ ورغم ان عصافير بطني كانت تصوصو واشعر بالجوع الكافر يصارع معدتي إلا انني عندما سمعت المرأة العجوز تنطق باسم المدعو جبارة اطلقت سيقاني للريح وانا لا الوي عن شئء وابرطم باسم جبارة حتى وجدت لورياً قديماً قادما من اتجاه الشمال فصعدت على سطحه وانا في حالة مزرية وحمدت الله ان واحدا من ركاب ـ اللوري حلّ بي اللوري ـ لم يكتشف انني المدعو جبارة المجنون وإلا لكان السائق قد تهور وقلب اللوري وراح صاحبكم العبد لله وبقية الركاب في (ابو نكلة) .... وسلمولي على جباره سلمولي ......وسلمولي على البنيّه ام سن لولي وسلامتكم .
منقول
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
وصلنى الايميل من الآخ ماهر بك.....و اسعدتنى المشاركة.....
صديق
_______________________________________________________________
السلام عليكم
موضوعك المنشور في سودانيز أونلاين منذ أغسطس والذي ينسب تخلفنا إلينا .....كل من يخالف هذا الرأي إما أعمى أو متعامي ..... نحن قوم نخاف ولا نختشي......في اي مكان في العالم تجد السوداني ملتزما بالنظام إلا في السودان وممثلياته خارجها(البعثات الدبلوماسية ومكاتب سودانير)رأيت بعيني في مطار جدة موظفا سودانيا في الخطوط السعودية يطبق النظام الخاص بشنطة واحدة داخل المقصورة لكل راكب وكل راكب يعترض يلقي شنطته خارج منطقة الوزن وبها ما يمكن أن ينكسر ولكن لا أحد يفتح فمه في حين لو حاول موظف سودانير بأدب أن يقنع الراكب بأن ذلك ممنوع تبدأ الإهانات والإنتقادات من الراكب للشركة وللسودان !!!!!! أما في البعثات الدبلوماسية فالعيب في الدبلوماسيين ....تعاملت مع البعثات الدبلوماسية السودانية في عدة بلاد ووصل بي الغيظ مرة أن قلت للموظفة الدبلوماسية في سفارة السودان ببيروت أن من شروط العمل في سفارات السودان أن تكون غبيا وقليل الأدب..... في زيارتي للسودان وقفت في دكان وإشتريت عصيرا في عبوة بلاستيك وعندما فرغت صرت أتلفت حولي....سألني البائع عما أبحث؟؟؟ سألته أين سلة المهملات لألقي الفارغ؟؟؟ كان رده بسخرية ....إنت قايل نفسك وين؟؟....إنت في السودان ....أرميها في أي مكان!!!!
نحن قوم نفتخر بتخلفنا والتخلف نفسه يكاد ينتحر حزنا لإلحاقنا به ............ .سلام
ماهر بك - السعودية
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
بعد كارثة اليابان:
ماذا حدث في اليابان بعد الزلزال؟
١-الهدوء
لا مظهر للنواح او الصراخ او ضرب الصدر
سمو ورقي حتي في الحزن
٢-الإحترام
طوابير محترمة للماء و المشتريات
لا كلمة جافة و لا تصرف جارح ولا زحام ولا إعتداء
٣-القدرة
المعمار الفائق الروعة.... المباني تأرجحت و لم تسقط!!!
٤-الرحمة
الناس اشتروا فقط ما يحتاجونه للحاضر حتى يستطيع الكل الحصول على نصيب
٥-النظام
لا فوضى في المحال.. لا تزمر و لا إستيلاء على الطرق..ولا تجمهر.فقط التفهم
٦-التضحية
خمسون عاملا ظلوا في المفاعل النووي يضخون ماء البحر فيه..كيف يمكن مكافأتهم
٧-الرفق
المطاعم خفضت أسعارها وكذا الفنادق والشقق ..كل شيء وكل مكان اصبح ارخص مما هو عليه قبل الزلزال
أجهزة الصرف الآلي تُركت على حالها دون حراسة "مشددة" .. والقوي اهتم بالضعيف
٨- التدريب
الكبار و الصغار .. الكل عرف ماذا يفعل بالضبط. و هذا ما فعلوه
٩-الاعلام
أظهروا تحكما رائعاً..لا مذيعين ########ين.. ولا إثاره صحفية رخيصة فقط تقارير هادئة
١٠-الضمير
عندما انقطعت الكهرباء في المحال أعاد الناس ما بإيديهم إلى الأرفـف و مشوا بهدوء
تحية آجلال واحترام لهذا الشعب العظيم
نسيت أن أقول
لم تسجل ولا حالة سرقه أو نهب "أو بلطجه" في ظل غياب الحماية للبنوك والمحلات التجاريه في اليابان خلال الكارثة
هذه الشعوب - وإن خالفت دين الله - فقد أودع الله فيها كريم خلق وعظيم صفة ميزهم بها عن ما دونهم من خلقه... (منقول للأمانة)
تخريمة:
واحدة معرفة ردت على الموضوع اعلاه (كارثة اليابان)
هم و نحن Us & Them
يااختى نحن نخلى الخنق والمدافره فى الصفوف لى منو؟؟؟؟
,,,,,
وحرم وعلى الطلاق دى نخليها لى منو ؟؟؟؟؟
,,,,,,,,
وحرم وعلى الطلاق دى نخليها لى منو ؟؟؟؟؟
,,,,,,,
وحشر الخشم فى اليخصك والما يخصك دى نخليها لى منو؟؟؟؟؟
,,,,,,,,,,,
وبيع حاجات الاغاثه فى السوق دى نخليها لى منو؟؟؟؟؟
,,,,,,,,,,,,,
كدى بس كدى بس ( لا هدوء لا احترام لا قدرة لا حيله لارحمه لا نظام لا تضحيه لا رفق لا تدريب لا اعلام لا ضمير) ياهو السججى واللججى بتاعنا دا بس الشى الوحيد القلناهو يا حليل اليابانيين غرقوا
صديق القاعد بعيد
(عدل بواسطة Siddig A. Omer on 04-13-2011, 10:02 PM)
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل...الخامل..الحاسد..الحاقد.. (Re: Siddig A. Omer)
|
الشعب المغلوب على امره
الفاتح جـــبرا
للمرة الثالثة على التوالى تخترق الطائرات الحربية الإسرائلية أجواء بلادنا وتحرز (هاتريك) كما يقولون فى كرة القدم بعد أن تصيب أهدافها بدقة متناهية (وعلى مهل) وتعود إلى قواعدها سالمة وهى تخلف وراءها عدداً من المواطنين القتلى (المتفحمين) !
وأين .. فى (بورتسودان) المدينة التى بها قيادة الدفاع الجوى وهو السلاح الوحيد المناط به المحافظة على الأجواء من الإنتهاكات !
لقد إنتابتنى ضحكة أسيفة حزينة (من الغلب طبعن) وأنا أستمع إلى السيد وزير الخارجية بعد واقعة ضرب بورتسودان الأخيرة حيث صرح سيادته بأن السودان يؤكد (شوفو يؤكد دى) على إحتفاظه بحق الرد على هذا العمل الإجرامى !
هذا التصريح ينفع أن يكون نموذجاً (للكلام الساااكت) !
أتوقع إن إستمع إليه وزير الدفاع الإسرائيلى أن يضحك حتى يستلقى على قفاه ...
أى رد حياك الله وأبقاك يا سعادة الوزير؟ وبأى سلاح؟ إذا كانت طائرات العدو (تدخل وتمرق) زى الما حصلت حاجه ! لا رادار (يشوفا) ولا دفاع جوى (يضربا) ولا طيارات (حربية) تتعقبها !! فى بلد يرضخ أبناؤه لان تكون ميزانية (دفاعة) عشرات أضعاف ميزانية علاجه وتعليمه وذلك حتى ينعم بالأمن والإستقرار !
إن أكثر ما حيرنى فى أمر هذه الضربات (البقت كتيره ومسيخة) هو مسالة التصريحات المتضاربة التى يطلقها المسئولون بعد كل (ضربة) !
والدربكة واللخبطة التى يتعاملون بها مع الحدث وإليكم بعضاً منها :
قام التلفزيون الرسمى ببث الخبر بعد أن بثته كل القنوات والمحطات العالمية !
على الرغم من أن كل هذه القنوات العالمية التى بثت الخبر (قبل تلفزيون السودان) قد أوضحت بأن الطائرة التى شنت الهجوم هي طائرة إسرائيلية إلا أن تلفزيوننا (ربنا يهديهو) قد أشار بأن الطائرة مجهولة الهوية (ليه ما تعرف) !!
يكونو يا ربي ما عاوزين يتبلوا على إسرائيل ساااكت وخايفين يصيبوها (بجهالة) !
تم بث تصريحات وزير الخارجية التى إتهم فيها إسرائيل مباشرة بشن هذا الهجوم على كافة القنوات الفضائية العالمية قبل أن يبثة (تلفزيون السودان) !!
ربما كان مسئولو التليفزيون ماشين بالمثل (كل تأخيرا فيها خيرها) والذى إن كان من الممكن أن يتناسب مع كل شئ فهو لا يتناسب أبداً والإعلام !!
فى الوقت الذى أكد فيه وزير الخارجية الهوية الإسرائلية للطائرة، كما ورد فى تصريحاته للقنوات الفضائية الخارجية صرح نائب والى ولاية البحر الأحمر بأن الطائرة قد أتت من الشرق و لكنه لم يحدد هويتها.
(مش كويس إنو عرفوها طيارة) !
أشار وزير الخارجية بأن القتيلين هما مواطنان سودانيان، فى الوقت الذى أشار فيه نائب الوالى الى أن أحدهما مواطن سوداني، و لم يحدد هوية القتيل الآخر!!
(عرف واحد وما عرف القاعد جنبو .. أيه الفتاكة دى)!!
وقال مصطفى مندر نائب الدائرة (10) القومية في تصريح لـ(smc)إن الطائرة ظلت تتابع العربة حتى قصفتها موضحاً أن شهود عيان كانوا يتابعون الطائرة حتى قصفت السيارة.
(طيب الدفاع الجوى ما كان بيتابع مع الشهود ديل ليه؟) !
ولعل المدهش من هذا كله أنه وعلى الرغم من مضى وقت على الحدث فالعبد لله لم يقرأ ولم يستمع ولم يشاهد أى من جنرالات (وزارة الدفاع) والذى يعنيها هذا الأمر الجلل أى مقابلة أو مؤتمر صحفى أو تصريح !! من أجل توضيح الحاصل بالظبط (ولو ده حصل بيكون حصل متأخر جداً)
يا جماعة الخير لو ما عندكم (رادارات) أو راداراتنا (موديل قديم) كلمونا عشان الناس ديل إستباحوا أجواءنا وبقو يدخلو ويكتلوا ويمرقو زى ما عايزين ..
ما مشكلة الشعب عارف إنو (الحكومة) مفلسة والقروش بتاعتا كوووولها صارفاها علينا وعلى اللى خلفونا فى التعليم والصحة والعلاج والشنو ما عارف ..
عشان كده أنا بقترح على (الشعب الفضل) يعمل ليهو صندوق يحل بيهو المشكلة دى عشان ما نبقى (ملطشة)
ويسميهو (صندوق دعم الرادار)!
كسرة :
يا سلام ... دخلوها وخفيرا نام !
هييييييييييييييع !!
| |
|
|
|
|
|
|
|
|
|
Re: لماذا الحكومات...لماذا لا "نلوم" الشعب السودانى الجاهل.. (Re: Siddig A. Omer)
|
صديق تحايا واشواق
هذا بوست مفيد جدا جدا في راي المتواضع
علمونا زمان ونحن يفع بان السودان من مؤسسي الاتحاد الافريقي لكرة القدم وان جامة الخرطوم اعرق جامعة ووووو
قبل نحو عقدين من الزمان كنت اقدم شهاداتي للجهات المختصة في الجامعة بانجلترا وكانت تقريبا تشمل كل الجامعات السودانية ومنها شهادة من جامعة القاهرة الفرع
والاخيره هي الوحيدة التي جذبت انتباه مسجل الكلية
كنا نصدق باننا الاكثر نزاهة وامانة وغيرها
عندنا كثير من الامراض النازية
التي خربت بلادنا ما بين شلكاوي ونباوي وشايقي ودنقلاوي
صدقنا باننا الافضل
والاميز
هذه اولي المشاكل
بعدين نجي لنظامنا الاجتماعي الذي تسوده الانتهازية ونسميها تكافل او كرم او غيره
تخيلوا اسرة كبيرة عريضة ممكن تعتمد علي مغترب واحد
الموضوع طويل وقد عدت يا صديق للوطن ودخلت الي مجال الصناعة واقمت مصنعا للطوب الحراري
بالطبع استعنت بخبرات مصرية وانجليزية وصينية كلفتني كثيرا
قلت اعمل علي تدريب كوادر سودانية سريعا لاستبدال الاجانب الذين يكلفوني كثيرا
يعني المهندس المصري يكلفني اكثر من عشرة مليون قلت السوداني بخمسة افضل
وبعض العمالة الماهرة الاجنبية تكلفني في اليوم 50 -70 جنيه
بينما ندفع للسوداني مابين 15 - 20
قلت لو السوداني دربته وعلمته وكلفني 40 في اليوم افضل لاستمراريته واستقراره
حملت معي كل الوطنية وكل الحب للاهل والوطن وكل الخبرة في مجال التدريب والتعليم
فشلت
ابوي عيان
عمي مات
جارنا في المستشفي
صاحب اختي تزوجوها
جيرانا عندهم بكاء
ماشي البلد
امبارح كنت مساهر
والافظع الجلوس مع ستات الشاي والقهوة الذين احاطوا بالمصنع احاطة الساعة بالمعصم
حساب الربح والخسارة يقول بضرورة استمرار الاجنبي وتوظيف اثيوبيين وارتريين
المصري ياخذ اجر ثلاثة سودانيين ولكنه يعطيك اكثر من عطاء عشرة سودانيين مع ادب واحترام والتزام
نواصل
ا
| |
|
|
|
|
|
|
|
|
|
Re: لماذا الحكومات...لماذا لا andquot;نلومandquot; الشعب السودانى الجا (Re: Siddig A. Omer)
|
صديقى الصحفى الناجح اتئ الى الغربة و هو يطمح فى أن يستقر فى بلد يخلق له مناخ الابداع و الاستقرار النفسى و العملى. و بعد أن وفقه الله و التحق باحد الصحف الكبرى فى بلد الغربة طُلب منه احضار شهاداته الاصلية موثقة من بلده و من سفارة الدولة التى يعمل بها. اتصل على صديق عمره و ارسل له قيمة استخراج الشهادات و توثيقها فى كل الجهات المطلوبة.
صديقه ارسل له كل الآوراق المطلوبة و موثقة كما طلبها و عندما ذهب لوزارة خارجية ةالبلد التى يعمل بها لتأكيد توثيق السفارة و جد بأن كل الاوراق مزورة و كذلك كل التواثيق الآتية من السودان.
خضع لكل انواع التحقيقات و كاد أن يفقدفرصته التى انتظرها طويلاً إلا ان الضباط طمانوهبأن هذه الآشياء اصبحت عادية و نتوقغها من كل قادم من السودان لذلك لا نقبل اى شهادة ما لم توثق من السفارة فى بلدكم....
الى اين انحدرناياسودانين.....الى "الحضيض"
صديق القاعد بعيد
| |
|
|
|
|
|
|
| |
سيف اليزل برعي البدوي
mekki
Siddig A. Omer
Yasir Aloob
قلقو
مدثر محمد عمر
Medhat Osman
jini
osama fadlalla
Al-Shaygi
فخرالدين عوض حسن
فيس بوك
تويتر
انستقرام
يوتيوب
بنتيريست