|
|
 Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي (Re: ابنوس)
|
أخوي أبنوس سلام
عندي تساؤلات يا ريت ألاقي ليها إجابات عندك وياريت كمان إجاباتك تسهم في حل المشكلة .
في البداية , وبلا شك دارفور غنية بي منتجاتا الزراعية وبي ثروتا الحيوانية زي ما كلنا عارفين , بس الثروة دي ما تم إستغلالا إستغلال امثل أو إنو ما كان في دعم البنية الأساسية الممكن تساعد الإنتاج يسهم بي شكل فعال في تنمية دارفور . السبب شنو المنع إنو تكون أرض في خصوبة دارفور منتجة وتمد السودان ودول الجوار ؟ .
مثلا شوف قطاع النقل في دارفور , قطر نيالا لحدي أوائل التسعينات كان بقطع المسافة من الخرطوم لي نيالا _ عبر مدن الوسط والغرب العشرة الكبيرة _ في أكتر من عشرة يوم في الخريف , وبإعتبار القطر هو واحد من الوسائل الأساسية لنقل منتجات دارفور الزراعية وصادراتا من الماشية , ونفس القطر هو الناقل لزيت توليد الطاقة الكهربية , القطر حينا ما كان حتى في عمال دريسة بهتموا لي سلامة وامن السكة الحديدية . ده غير إنعدام الطرق المسفلتة أو حتى المعبدة ترابياً إنشاء الله .
النقل بسهم في تداخل مناطق دارفور ببعضها وتداخل أهل دارفور ببقية أرجاء السودان , ودي ممكن تساعد في كسر حاجز التكتلات القبلية في كل منطقة .
النقل عامل أساسي في التنمية الممكن تساهم في تحقيق سلام لي دارفور . وين مطالبات أبناء دارفور ولو دوليا بمخصصات طريق الإنقاذ الغربي ؟ ووين مساهمات ولاد دارفور في مجال النقل ؟
برضو نقطة تانية , دارفور لسة واقعة بين مطرقة إعلام الحكومات الموجه حسب الطلب وبين سندانة الحكامات . دور الحكامة وناظر القبيلة في دارفور او الغرب عموما ليهو كبير الأثر في الإستقرار .
خلينا من الحكومة المطرقة . . .
الحكامة منو الممكن يغير تشجيعا السلبي بعض الأحيان لي دور إيجابي ممكن يوعي ويثير الهمم في الإتجاه المطلوب ؟
والناظر في مجلس حكمو الأهلي المخولة ليهو سلطات فصل في قضايا بعض الأحيان بتكون مربوطة بي تأثيرات خارج نطاق سيطرتو , برضو منو الممكن يوجه عملو ويحددو ؟
ممكن يكون في مجالس حكم أهلي من كل منطقة ؟
وممكن نقبل بي نظام اللجان الشعبية الوضعتو الحكومة ؟ يعني نطورو لي صالح توسيع قاعدة المشاركة في تسيير شئون المنطقة محليا بعيد عن وسائط الجودية ؟
دور أبناء دارفور شنو في الخارج ؟
أكيد لدارفور جالية كبيرة جدا من أبناءها .
في تنظيم معين بجمع أبناء دارفور في الشتات ؟
ولو في تنظيم بي الشكل ده , عندو أي برنامج واضح ومحدد تجاه قضايا دارفور ؟
يعني قدر يؤسس لي نظام إنذار مبكر لي أي كارثة قبل لحظة وقوعا أو يكون الأقرب لي الحدث لحظة وقوعو ؟
ولييه بقبل أبناء دارفور إعانات خارجية لي أهلهم رغم إنهم حتى الفي الداخل معروف عنهم إنهم أهل سعة في الرزق ؟ ( ربنا يزيدها ليهم ويفتح عليهم وعلينا آمين ) .
نظرة حالمة شوية :
لامن ينزلوا الشفع من كرجاكة بتبعد كذا كيلو من الحلة , ويقعدوا تاني يمسكوا لوح ودفتر ولو في ضل شدرة , حينا نقول ممكن تبدا حلول حقيقية ومستقبلية لي مشكلة دارفور أهل القران والثروات المهدرة .
نظرة حالمة أكتر شوية :
منطقة دارفور منطقة خالية من السلاح .
أبنوسي
|
|
 
|
|
|
|
|
| العنوان |
الكاتب |
Date |
| بوست آخر افتحه بأسم اجاويد .. بماذا تنصحونا كي نعيد التعايش السلمي بين ال | ابنوس | 02-25-04, 10:43 AM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | ابنوس | 02-25-04, 10:49 AM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | Ahlalawad | 02-25-04, 10:50 AM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | ابنوس | 02-25-04, 11:03 AM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | Omer54 | 02-25-04, 11:30 AM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | ابنوس | 02-27-04, 01:23 AM |
 Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | Raja | 02-28-04, 04:24 AM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | hanouf56 | 02-28-04, 06:52 PM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | Raja | 02-29-04, 11:30 PM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | Shao Dorsheed | 03-01-04, 07:54 PM |
| Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي | tabaldy | 03-02-04, 02:53 AM |
|
| |
فيس بوك
تويتر
انستقرام
يوتيوب
بنتيريست