|
|
|
 Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي (Re: ابنوس)
|
في هذا البوست لا نريد ان نتحدث نحن باناء دارفور فمنذ اشتعال هذه الحرب وحتى الان فقد دلقنا حبرا كثيرا وما زال في دواتنا حبر قادم ، لكن اريد ان نستمع لوجهات نظر مختلف المشاكرين وارجوا ان يطرح كل الاعضاء مشاركاتهم حسب رؤيتهم للوضع ، وما يهمنا ليس انتصار طرف على طرف لكن كيف نعيد الى دارفور التعايش السلمي بعد التمزق الراهن .. حسب تجاربكم ومعرفتكم بتجارب الشعوب الاخرى .. فدارفور تتكون من مختلف القبائل والاثنيات وهي سودان مصغر .. واي قبيلة سواء كانت من الشمال او الجنوب او الشرق يوجد بعض افرادها المستوطنيين بدارفور .. وبالتالي دارفور هي سودان مصغر انقسامها الى عرب وزرقة وما شابه يعنى على المدى البعيد انقسام السودان كله على هذا الاساس .. ولذلك ارجوا ان تكون المشاركات ثرة واخص المبدعين ان يخرجوا من صمتهم لان رايهم له وزنه .. وان يشاركوا في اسبوع النزيف هذا .. وبالتأكيد اي رأي يكتب هنا سيبصرنا الى الطريق الذي علينا سلوكه ..
ولكم الود
| |
 
|
|
|
|
|
|
|
|
Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي (Re: Ahlalawad)
|
العزيز اهل العوض .. شكرا لافتتاحك .. وبجلوسك كأول اجواد في هذا البوست .. اتفق معك اننا علينا البحث عن السلام واعتقد اي احد لا يلجأ للحرب الا عندما يفقد كل الطرق الاخرى الممكنة لنيل حقوقه حسب رؤيته لمشروعيتها .. ولكن ما يهمنا تلافي اثار الحرب على مستقبل التعايش السلمي بين قبائل وتكوينات المنطقة .. فهذه الحرب هي لتحقيق مطالب سياسية وطرفاها الحكومة والمعارضة ، وانا اعارض هذا النظام اونت كنت لا ارفع سلاح .. لكن ستذهب كل الانظمة ويبقى الشعب ، وعلينا ان نعي ما هو تكتيكي وما هو استراتجي .. فهنا التعايش السلمي وواحد من الاشياء الاستراتيجية التي علينا ان نحافظ عليه سلما ام حربا .. وابعاد القبائل عن الحرب او محاولة تجييشها هذا ما اعتقده حلا صحيحا ونسمع رايكم
| |
|
|
|
|
|
|
|
|
|
Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي (Re: ابنوس)
|
تحياتي للاخ عزت الماهري.
اهنئك علي هذا الطرح الاصيل الواعي بمواجع منطقته و الذي يبحث عن حل بكل هذا الانفتاح.
ان اؤيدك تماما في ان البعد القبلي لن يضيف الا الزيت للنار. و المشاكل السياسيه يجب ان تحل بعيدا عن القبليات. فالقضايا السياسيه تحل في زمن وجيز و ينتهي الموضوع لكن الثأرات القبليه تظل في الخاطر لتخرج الي العلن في اقرب فرصه ممكنه.
قضايا دارفور قضايا سياسيه في المقام الاول لكنها اصبحت قبليه و لها سمات عنصريه لا تخفي علي احد. اعتقد ان الوصول الي وقف لاطلاق النار هو الخطوه الاولي و الاساسيه في طريق الحل. لتقف المدافع و تصمت البنادق ثم ليجلس الجميع لمناقشه الحل الامثل. اعتقد ان مؤتمر جامع يضم اهل دارفور فقط كخطوه اولي سيكون مناسبا ليضمد الجراح و يجمع اهل دارفور في صعيد واحد تجاه قضايا المنطقه. و بعد ذلك يعقد مؤتمر تشارك فيه القوي السياسيه كلها ليضع حلا ناجعا للمنطقه يشارك فيه الجميع. الحل الشار اليه يكون ملزما للحكومه الحاليه و اي حكومه تأتي من بعدها.
| |
|
|
|
|
|
|
|
|
|
Re: بوست آخر افتحه بأسم اجاويد .. بماذا تنصحونا كي نعيد التعايش السلمي بي (Re: ابنوس)
|
أخوي أبنوس سلام
عندي تساؤلات يا ريت ألاقي ليها إجابات عندك وياريت كمان إجاباتك تسهم في حل المشكلة .
في البداية , وبلا شك دارفور غنية بي منتجاتا الزراعية وبي ثروتا الحيوانية زي ما كلنا عارفين , بس الثروة دي ما تم إستغلالا إستغلال امثل أو إنو ما كان في دعم البنية الأساسية الممكن تساعد الإنتاج يسهم بي شكل فعال في تنمية دارفور . السبب شنو المنع إنو تكون أرض في خصوبة دارفور منتجة وتمد السودان ودول الجوار ؟ .
مثلا شوف قطاع النقل في دارفور , قطر نيالا لحدي أوائل التسعينات كان بقطع المسافة من الخرطوم لي نيالا _ عبر مدن الوسط والغرب العشرة الكبيرة _ في أكتر من عشرة يوم في الخريف , وبإعتبار القطر هو واحد من الوسائل الأساسية لنقل منتجات دارفور الزراعية وصادراتا من الماشية , ونفس القطر هو الناقل لزيت توليد الطاقة الكهربية , القطر حينا ما كان حتى في عمال دريسة بهتموا لي سلامة وامن السكة الحديدية . ده غير إنعدام الطرق المسفلتة أو حتى المعبدة ترابياً إنشاء الله .
النقل بسهم في تداخل مناطق دارفور ببعضها وتداخل أهل دارفور ببقية أرجاء السودان , ودي ممكن تساعد في كسر حاجز التكتلات القبلية في كل منطقة .
النقل عامل أساسي في التنمية الممكن تساهم في تحقيق سلام لي دارفور . وين مطالبات أبناء دارفور ولو دوليا بمخصصات طريق الإنقاذ الغربي ؟ ووين مساهمات ولاد دارفور في مجال النقل ؟
برضو نقطة تانية , دارفور لسة واقعة بين مطرقة إعلام الحكومات الموجه حسب الطلب وبين سندانة الحكامات . دور الحكامة وناظر القبيلة في دارفور او الغرب عموما ليهو كبير الأثر في الإستقرار .
خلينا من الحكومة المطرقة . . .
الحكامة منو الممكن يغير تشجيعا السلبي بعض الأحيان لي دور إيجابي ممكن يوعي ويثير الهمم في الإتجاه المطلوب ؟
والناظر في مجلس حكمو الأهلي المخولة ليهو سلطات فصل في قضايا بعض الأحيان بتكون مربوطة بي تأثيرات خارج نطاق سيطرتو , برضو منو الممكن يوجه عملو ويحددو ؟
ممكن يكون في مجالس حكم أهلي من كل منطقة ؟
وممكن نقبل بي نظام اللجان الشعبية الوضعتو الحكومة ؟ يعني نطورو لي صالح توسيع قاعدة المشاركة في تسيير شئون المنطقة محليا بعيد عن وسائط الجودية ؟
دور أبناء دارفور شنو في الخارج ؟
أكيد لدارفور جالية كبيرة جدا من أبناءها .
في تنظيم معين بجمع أبناء دارفور في الشتات ؟
ولو في تنظيم بي الشكل ده , عندو أي برنامج واضح ومحدد تجاه قضايا دارفور ؟
يعني قدر يؤسس لي نظام إنذار مبكر لي أي كارثة قبل لحظة وقوعا أو يكون الأقرب لي الحدث لحظة وقوعو ؟
ولييه بقبل أبناء دارفور إعانات خارجية لي أهلهم رغم إنهم حتى الفي الداخل معروف عنهم إنهم أهل سعة في الرزق ؟ ( ربنا يزيدها ليهم ويفتح عليهم وعلينا آمين ) .
نظرة حالمة شوية :
لامن ينزلوا الشفع من كرجاكة بتبعد كذا كيلو من الحلة , ويقعدوا تاني يمسكوا لوح ودفتر ولو في ضل شدرة , حينا نقول ممكن تبدا حلول حقيقية ومستقبلية لي مشكلة دارفور أهل القران والثروات المهدرة .
نظرة حالمة أكتر شوية :
منطقة دارفور منطقة خالية من السلاح .
أبنوسي
| |
|
|
|
|
|
|
| |
ابنوس
Ahlalawad
Raja
hanouf56
فيس بوك
تويتر
انستقرام
يوتيوب
بنتيريست