|
|
 يا غارزيتو...
|
النصيحة ليك يا الله ما بريدك ومكجّنك كجنتي لسلطة الأسود و ملاحو
وبسب ليك كل ما اشوف هيثم و علاء الدين و إيكانغا, كرهتك كل ما القى الهلال لاعب بتلاتة مدافعين و مهاجم بتلاتة
لكن الحق حق, ولازم يتقال
من زمن ما شفت الهلال بلعب كورة بالواطة و ممرحلة زي كورة الليلة
وزمن ما حصل شفت اللاعبين ملتزمين ومنضبطين بمهامهم وواجباتهم زي اليوم
ولا بد أحييك وارفع ليك القبعة على التكتيك و الخطة اللعبت بيهم, بالجد الواحد اطمئن على المشوار الإفريقي, لو لعبوا بنفس الإنضباط و الإلتزام خاصة الدفاع و الإرتكاز ما بتجينا عوجة إن شاء الله أصلوا هجومنا ما عليه خوف ما شاء الله
بس شوف لينا طريقة لكاريكا دا يرفع راسو ويتعلم يعكس صاح ويوصل الكورة للمهاجم المعاه
أحييك يا غارزيتو - على مضض عشان ما بريدك - و شكرا غايتو
|
|
  
|
|
|
|
|
|
|
|
Re: يا غارزيتو... (Re: مجدي كنة)
|
ما بتراد يا كنّة الزول الفقر دا
أظن غير ولدو و الحبشية تاني مافي زول بريد
لكن النصيحة لله شغلو الظهر الليلة شغل مدرب شاااااطر و مقرم
وبعدين شكلو شدّد على اللعيبة في حكاية الباص من الرجل للرجل ومنع اللعب الطويل و التطفيش
لدرجة أحيانا المدافعين كانوا بتزنقوا عديل كدة في منطقتهم ولسة بحاولوا يلعبوا باصات وما يطفّشوا الكورة
النهج و المدرسة دي لو استمرت ح نشوف هلال غير السنة دي
| |
|
|
|
|
|
|
|
|
|
Re: يا غارزيتو... (Re: فاروق عثمان)
|
يا ود البشرى الهلال دوماً يستفيد من ثبات الاجهزه الفنيه رغم تواضع لاعبيه بينما تجد العكس فى المريخ كل موسم بمدرب ورغم تميز لاعبيه كافراد الا ان الفريق لم يستفد منهم
غارزيتو مدرب عصبى بس فاهم كوره صاح ...
| |
|
|
|
|
|
|
|
|
|
Re: يا غارزيتو... (Re: سامى عبد المطلب)
|
| Quote: ورغم تميز لاعبيه كافراد |
ياسامي سلامات
ياخ النصيحة لله عبارتك دي ابت تتبلع لي كلو كلو
ود البشرى ياهندسة سلام
غارزيتو فيهو ميزة مستحبة في المدربين مكروهة في غيرهم
دكتاتور
| |
|
|
|
|
|
|
|
|
|
Re: يا غارزيتو... (Re: د. ياسر عبد القادر)
|
فاروق إن شا الله يحصل و يستمر الشغل دا لحدي نهاية الموسم, الكورة السودانية عوّدتنا على عدم ثبات المستوى يوم في العالي و يومين في الواطي
الشي الغريب يا سامي انو غارزيتو طيلة السنة الأولى ما ترك بصمة ايجابية في الفريق زي العملها في كورة الليلة
إن شا الله تستمر, لكن تعال انتو مالكم ياخوي كورة الإتحاد طرتوا السما وشبكتونا متعة وخبت وقيامة رابطة شنو الإنهيار المفاجئ دا
بالمناسبة الليلة دي واحدة من أسوأ الكور اللعبها المريخ كم سنة لا ورا كدا
هلا عبدالله
غارزيتو دكتاتوريتو دي كان زامينا بيها السنة الفاتت وما شفنا منو شغل كورة يادوب الليلة شفنا تكتيك و خطة وفهم
يا ياسر زولك دا بعد كورة الليلة دي ما نقدر نشكك في مقدراته, ممكن ما نريده ساي كدا لكن نعترف ليه بتميزه
المحك الحقيقي في المنافسة الإفريقية إن شا الله نشوف قدراته الحقيقية
| |
|
|
|
|
|
|
|
|
|
Re: يا غارزيتو... (Re: محمد البشرى الخضر)
|
عان دا كمان ...
ظهر الهلال عندما غاب المريخ ..
كورة ممرحلة بتاعت جزمتك ..؟
أعد ليك التمريرات الغلط الطلعت من لاعبي الهلال أكتر من تلتين أربعين تمريرة
دا غير المحاورة واللف والدوران والتشلت والنطح ورجيع الكورة بى راسمالا ..
باستثناء تسديدة تراوري الضربت في العارضة كل التسديدات الأخري كانت عبارة عن
تدريب للكهل الكذاب الحضري بما فيها تسديدة مهند الطاهر .
غارزيتو مدرب كويس دا صحيح لكن ما عشان كورة الليلة دي ..
كورة الليلة دي ناس المريخ كانوا بيهدوا في الكور لناس الهلال ويقولوا ليهم
جيبوا قون فينا وناس الهلال قاعدين يرجعوها هدية زي ما جات للحضري .
مستوي الهلال بتاع الليلة دا لو كان ضد أي فريق أفريقي كان الضخك شرطتكم .
بلا عواطف لزجة بلا حلاوة لكوم معاكم ياخ ..
كرهتونا تشجيع الكورة ذاتو بحرق العمم دي .
| |
|
|
|
|
|
|
|
|
|
Re: يا غارزيتو... (Re: صبري طه)
|
ودالبشرى كلامو صاح يا طلحة بالله وما كل تجي نظر لينا كلو نقول ليك كلامك صاح
الهلال لو استمر علي نفس النسق وكاريكا دا اتعلم يرفع راسو ويعكس كويس
الهلال ما بتحلق تاني
فعلاً الهلال كان مميز
الود بشة دا شغلو نضيف
ياريت لو كان دكو حصون الحضري دكاً كان الليلة نكون نضحك برانا
| |
|
|
|
|
|
|
|
|
|
Re: يا غارزيتو... (Re: الصادق صديق سلمان)
|
ختفتها من كييبوردي يا ود البشرى..
كنت جايي أكتب العنوان التالي:
كااارثة ..بدأت أحب البرير وغارزيتو !!!
حبيت البرير لأني وبصراحة حاسي إنو في شغل في الإستاد أخييرا والملعب قدر الأمكانات المتوفرة ..وبديت أحبو عشان قصة الدكاكين اللي تم تنفيذها كإستثمار يخدم الهلال وليس الافراد
بديت احب غارزيتو فقط وفقط بي سبب لقطة وااحدة طوول حياتي ما شوفتها في كورتنا ومدربينا اللي جو السودان..
اللقطة الجابوهو فيها وهو بطنو طااامة من حركة سيف مساوي لمن طفش الكورة تطفيش بدل ما يلعب باص مع إنو مساوي كان اخر لاعب ..غارزيتو أشر ليهو إشارة وااضحة لو عمملتها تاني ما بتدقها معاي وبمرقك..
لحدددي قبل كورة امبارح يا ودالبشرى انا كنت بصفق لي أييي مدافع هلالي يطفش الكورة ويمرقا من منطقتنا محل ما تمشي تمشي..
بعد كورة امبارح أيي مدافع هلالي يطفش كورة تاني ما زولي حتتى لو تنقطع!!
عارف يا ود البشرى لو في شغل مطلوب من غارزيتو فهو مع نزار حامد..الود ده حكاااية ونموذج لي لاعب متكامل بسسس عايز ليهو حبببة خفة
| |
|
|
|
|
|
|
|
|
|
Re: يا غارزيتو... (Re: الصادق صديق سلمان)
|
اولاً مبرووووك للهلال الاداء الجميل ومبروك للاهله ولهم ان يفرحوا بهذا الفريق
ثانياً :
يا طلحه وزولك القاعد جمبك ياخ ماتفكونا من قصة ظهر الهلال عندما غاب المريخ دى ياخ ,, اسع عليك الله
العاطفى يا اتو كلام ؟؟؟
قبل الكوره ماكنتوا مالينا الدنيا كواريك عااااااك عاااااااااااك بنرشكم ونحنا ونحنا وبالحسابات المريخ افضل من الهلال وكمان فى جماعه كده يحسبوا ليك بالخطوط ... خط الوسط بتاع المريخ ماعارف شنو داك
ووسط الهلال مافيهوا صانع العاب صريح ( اى والله قالو كده ) تصدقوا ... ودفاع المريخ متجانس وماعارف شنو داك .. المهم
تجو بعد الكوره تقولو لينا ظهر الهلال عندما غاب المريخ ( يا سلاااااااااااااام ) والله فلاحه لكن
ياخ نحسب ليك ساااى انت المفروض تكون مغلوب كم ..
نزار حامد انفرادين ماف اى كلام بى قونين لو ركز شويه وخلا الشفقه
كورة تراورى بتاعت العارضة (دى تبع قيراض الحظ ياعمك ) ياخ محظوظين جنس حظ
يعنى ياطلحة بالميت كده كان تاخدوا تلاتة وتشربوا ماترو بس الله غالب
قال ظهر الهلال عندما غاب المريخ قال
| |
|
|
|
|
|
|
|
|
|
Re: يا غارزيتو... (Re: محمد عبدالرحمن)
|
سؤال تاعبني جداً..
لييي في كورة هلال مريخ بيتم تحديد جائزتين .جائزة لكل لاعب من أي فريق؟؟؟
وليي في باقي المباريات بتكون جائزة واحدة ؟؟
وليي أمبارح أدو باسكال نجومية المباراة من جانب المريخ؟؟؟
وليي أمبارح ما أدو هيثم مصطفى جائزة أفضل لاعب زي كل مرة ؟؟؟
ده كللو سؤال واحد والله ما شتوفوهم كده...
| |
|
|
|
|
|
|
|
|
|
Re: يا غارزيتو... (Re: عمر الفاروق)
|
دقيقة يا ود البشري ما تشكر لي الكهل
هذا الظهور النسبي للهلال بالامس سببه الكوكي
وسوء خط وسط المريخ واخطاء تشكيلة الكوكي
الهلال لعب بستة في خط الوسط قصاد علاء وامير وكمال
فقط
هيثم مصطفي مال لمساعدة هجوم المريخ والباشا لياقتو ضعيفة لذا تفوق الهلال
سيف مساوي كاد ان يهدي كليتشي هدفا بالمجان
كل الفرص التي خلقها الهلال لم تكن بها جملة واحدة
ممكن نمشي المجموعات لكن مافي كاس خارجي
| |
|
|
|
|
|
|
|
|
|
Re: يا غارزيتو... (Re: عمر الفاروق)
|
سلامات يا ود البشري
انا يمكن من الهلالاب القلائل الذين يحبون غازيتو من السنه الفاتت ودا يمكن لاني حظيت بمشاهدتو في واحد من التدرياب وشفت التكتيكات التي يريد تنفيذها وشفت في بعض المباريات نفذ هذه التكتيات تتنفذ بحذافيراها ويجي منها اقوان ومنها قون بشه في المريخ العام الماضي
مشكلة غازيتو السنه الفاتت انو لاعبي الهلال لم يكن لهم انباط تكتي وزيهم وزي اي لاعب سوداني بعد 15 او 20 دقيقه كل زول يبرطع بي جيهتو
بالله اتذكر معاي ال 20 دقيقه الاولي التي لعبها الهلال اما دجوليبا المالي السنه الفاتت وكيف انو لاعبي الهلال كانو مرصوصين رصه قفلت كل المنافذ امام فريق دجوليبا وكان لاعبو الهلال الاكثر استحواذا والاكثر انتشارا لحدي ما ضاعت كوره كاريكا التي اصدمت بالقايم تلك كانت خطة غازيتو التي بناها للمباره لكن بعد 25 دقيقه بدا خليفه في خرمجتو واصبح يبرطع علي كيفو فانفرط عقد الخطه وانفرط معاها عقد الهلال
شاهدت ريكاردو في معسكر الهلال في الدوحه عن قري وبالرغم من انو انا بفتكر انو ريكاردو من المدربين الذين تركو بصمه واضحه في الهلال الا انني اقول وبكل ثقه انو الفكر التكتيكي الذي شاهدته من غازيتو في تمرين واحدوهو يحاول تطبيقه مع اللاعبين يساوبي كل ما شاهدته من ريكاردو طوال فترة معسكر كامل
غازيتو داير الهجمه تتبي من الخلف من حارس المرمي مش بس من المدافعين عشان كدا كان بيفضل جمعه علي المعز السنه الفاتت ولامن معز بدا يتعلم انو ما يشوت الكوره طفاشي ساي بدا يلعب السنه دي
| |
|
|
|
|
|
|
|
|
|
Re: يا غارزيتو... (Re: عمر الفاروق)
|
ود البشرى .... ياجميل يافاتن
Quote: من زمن ما شفت الهلال بلعب كورة بالواطة و ممرحلة زي كورة الليلة
وزمن ما حصل شفت اللاعبين ملتزمين ومنضبطين بمهامهم وواجباتهم زي اليوم
ولا بد أحييك وارفع ليك القبعة على التكتيك و الخطة اللعبت بيهم, بالجد الواحد اطمئن على المشوار الإفريقي, لو لعبوا بنفس الإنضباط و الإلتزام خاصة الدفاع و الإرتكاز ما بتجينا عوجة إن شاء الله أصلوا هجومنا ما عليه خوف ما شاء الله
بس شوف لينا طريقة لكاريكا دا يرفع راسو ويتعلم يعكس صاح ويوصل الكورة للمهاجم المعاه |
تعرف ياود البشرى لمن شفت الهلال في مبارياته السابقة جثه ( جيفه ) عديل كدا
مافي اي تنظيم مافي اي اسلوب للعب لكن امس صراحه عرف كيف يضغط المريخ
وتركه في ركن الحلبه ويفعل به ما يشاء
عرف كيف يلعب في الناحية والطرف الاضعف في المريخ وهو الطرف الايسر هو اسمو منو الولد دا اسمو رايح لي دا ما عندو علاقة بالكورة ابدا من زمان بقول كدا
وكمان علاء الدين اكتفى بالفرجه الهلال اضاع مهرجان اهداف
دا ما الهلال دا فريق تاني
بستغرب جدا الناس تقول المباراه دون الوسط كيف الكلام دا هل عشان الهلال تسيد الملعب وطلع المريخ صفر في اي شي
الناس دي اكيد بتتفرج في كوره تانية ...
Quote: سؤال تاعبني جداً..
لييي في كورة هلال مريخ بيتم تحديد جائزتين .جائزة لكل لاعب من أي فريق؟؟؟
وليي في باقي المباريات بتكون جائزة واحدة ؟؟
وليي أمبارح أدو باسكال نجومية المباراة من جانب المريخ؟؟؟
وليي أمبارح ما أدو هيثم مصطفى جائزة أفضل لاعب زي كل مرة ؟؟؟
|
ما تتعب نفسك يا فارق
لكن باسكل امس عمل حركه قال حاجز الكوره ودا اسلوب خاطي طبعا وقرب كاريكا ينقدها بين رجوله ويحشرها في الحضري لان خروج الحضري كان متأخر
اها بسكال لانه بعتمد على القوه زي دا مفروض يكون صيد في الملعب ... لو في نجومة يستاهلها الحضري ولكن بعد النجومه يدوهو عشره سيطان لانه هو سبب ضغط الهلال للمريخ
وحرمنا من ندية المريخ للهلال ...
بالنسبة لهيثم مصطفى كفاية عليه الكابتنية وعدم ظهور نجوميته هي سبب ضعف المريخ يوم امس
| |
|
|
|
|
|
|
|
|
|
Re: يا غارزيتو... (Re: وليد عبد اللطيف)
|
Quote: لكن الحق حق, ولازم يتقال
من زمن ما شفت الهلال بلعب كورة بالواطة و ممرحلة زي كورة الليلة
وزمن ما حصل شفت اللاعبين ملتزمين ومنضبطين بمهامهم وواجباتهم زي اليوم
ولا بد أحييك وارفع ليك القبعة على التكتيك و الخطة اللعبت بيهم, بالجد الواحد اطمئن على المشوار الإفريقي, لو لعبوا بنفس الإنضباط و الإلتزام خاصة الدفاع و الإرتكاز ما بتجينا عوجة إن شاء الله أصلوا هجومنا ما عليه خوف ما شاء الله
بس شوف لينا طريقة لكاريكا دا يرفع راسو ويتعلم يعكس صاح ويوصل الكورة للمهاجم المعاه
أحييك يا غارزيتو - على مضض عشان ما بريدك - و شكرا غايتو |
والله يا ود البشرى انا المباراة دي استغلقت علي مرة واحدة !
قدر مافتشت اللعب بالواطة والكورة الممرحلة دي اصلو مالقيتها
هوي ياناس الهلال والمريخ فكو التشفير ده شوية خلونا نشوف اللعب الممرحل ده معاكم
قال تكتيك وخطة قال :)
| |
|
|
|
|
|
|
|
|
|
Re: يا غارزيتو... (Re: خالد عبدالوهاب)
|
خليل ياخلي
Quote: دقيقة يا ود البشري ما تشكر لي الكهل
هذا الظهور النسبي للهلال بالامس سببه الكوكي
وسوء خط وسط المريخ واخطاء تشكيلة الكوكي
الهلال لعب بستة في خط الوسط قصاد علاء وامير وكمال
فقط
هيثم مصطفي مال لمساعدة هجوم المريخ والباشا لياقتو ضعيفة لذا تفوق الهلال
|
امس هو كان في مريخ
| |
|
|
|
|
|
|
|
|
|
Re: يا غارزيتو... (Re: خالد عبدالوهاب)
|
غارزيتو والبرير ما بتحبو بالرغم من ظهور الهلال بصورة مريحة لي أنا كهلالابي، يا طلحة ياخ انت بتعرف كورة - مالك في البوست ده؟ الحضري لعب مباراة كبيرة وكان أحسّن واحد في المريخ، والهلال ظهر بمستوى جيِّد، أنا أولّ مرة أحضر هلال مريخ بدون تشنُج، وكنت أتمنى أن يظهر هيثم بصورة أحسّن من مما حصل، ولكن الضغط النفسي عليهو كبير للغاية، ولكن بالرغم من ذلك ما كان سيء..
__
يا أبوحتوت، كاريكا كان يستاهل التغيير من الشوط الأول، لكن على العموم الهلال ظهر بمستوى جيِّد.. شفت بالله البرشا جضمو الكفر كيف قدام الميلان؟ استحواز في الشوط الأول بنسبة 71% وفي الشوط التاني بنسبة 66%، أنيستا المعلم .. ما عارف ليه وانا قاعد أحضر في الكورة براي إتذكرت عمر الفاروق وطلحة وعبد اللطيف وود الصائم، والله جد..
| |
|
|
|
|
|
|
|
|
|
Re: يا غارزيتو... (Re: محمد البشرى الخضر)
|
وبرضو غارزيتة أخطأ في التبديلات
وأخطأ في مراكز اللاعبين
مصيبة الزول ده
كانت الفرصة يهزم المريخ بالأربعة لكن ....................
المفروض كان من البداية
تراوري وسانيه قدام
كاريكا من الخلف على اليمين
مهند من خلفهم على اليسار
ونزار من خلفهم في الوسط
إكانغا وعمر متقدمين على الدفاع ومساندة المساكين
كايا ومساوي وبويا زي ما هم
| |
|
|
|
|
|
|
|
|
|
Re: يا غارزيتو... (Re: الصادق عز الدين)
|
ابو الياء
| Quote: شفت بالله البرشا جضمو الكفر كيف قدام الميلان؟ استحواز في الشوط الأول بنسبة 71% وفي الشوط التاني بنسبة 66%، أنيستا المعلم .. ما عارف ليه وانا قاعد أحضر في الكورة براي إتذكرت عمر الفاروق وطلحة وعبد اللطيف وود الصائم، والله جد.. |
والله لمن نرجع نشوف كورتنا اقول ياخي نحن من اهل الكهف عديل والناس بعيده عننا شديد
| |
|
|
|
|
|
|
|
|
|
Re: يا غارزيتو... (Re: Yassir Tayfour)
|
يا طيفورنا ياسر..
برشلونة كورتو مسيييخة ما تتغش لي بي التمريرات والاستحواذ..
برشلونة إمتحان مكشوف يسقط فيه الجميع ..آز سيمبل آز ذات ..
ما هو رأيك في القائمة ادناه..
فالديس..
بيكي..
ماسكيرانو..
ألبا ..
ألفيس..
عليك أمان الله ده دفاع الطاهر حماد ممكن يجيب فيهو هاتريك..
| |
|
|
|
|
|
|
|
|
|
Re: يا غارزيتو... (Re: الحاج حمد الحاج)
|
Quote: من زمن ما شفت الهلال بلعب كورة بالواطة و ممرحلة زي كورة الليلة
وزمن ما حصل شفت اللاعبين ملتزمين ومنضبطين بمهامهم وواجباتهم زي اليوم
ولا بد أحييك وارفع ليك القبعة على التكتيك و الخطة اللعبت بيهم, بالجد الواحد اطمئن على المشوار الإفريقي, لو لعبوا بنفس الإنضباط و الإلتزام خاصة الدفاع و الإرتكاز ما بتجينا عوجة إن شاء الله أصلوا هجومنا ما عليه خوف ما شاء الله
بس شوف لينا طريقة لكاريكا دا يرفع راسو ويتعلم يعكس صاح ويوصل الكورة للمهاجم المعاه
|
ودالبشرى .سلام وتحية....تمام أبصم بالعشرة....كلامك مضبوط....تقديرى.
| |
|
|
|
|
|
|
|
|
|
Re: يا غارزيتو... (Re: الحاج حمد الحاج)
|
معاوية ....
| Quote: يا ود عبد اللطيف أسمو مصعب عمر وكان بيلعب في عوضة تخيل الزول دا بيزكرني بالموضوع بتاع سلا وجري خلا |
نعم نعم مشكور ياحبوب
انا بشوف على الاقل موسى الزومه قوي وعنيف دا ضعيف في كل شي حتى في الضغط على الخصم
.
.
ابو الياء
عارف مرات الواحد من شدة الانفعال والاستمتاع بالدوري الاوربي
يقيف في نصف الغرفة زي المجنون لان الناس دي بتعمل اشياء حتى مخالفة لقانون الطبيعه
بس خلى الطابق مستور في كورتنا ...
| |
|
|
|
|
|
|
|
|
|
Re: يا غارزيتو... (Re: وليد عبد اللطيف)
|
الهلال افتقد صانع الألعاب الذي يستطيع التمرير المريح للاعبين..
عبداللطيف بوي أجاد في الشوط الأول بدرجة كبيرة..
ولكنه عاد لأسلوبه القديم في الشوط الثاني في تطفيش الكرة كيفما اتفق..
مهند لعب بمزاج عالي جدا.. ويبدو أنه (تحرر) من قيود وجود هيثم مصطفى..
مساوي قام بطلعات و(شقات) ممتازة جدا وكان بلعن (الون) لكن فاقد (التو) المريح
| |
|
|
|
|
|
|
|
|
|
Re: يا غارزيتو... (Re: أيمن دياب)
|
| Quote: ودالبشرى .سلام وتحية....تمام أبصم بالعشرة....كلامك مضبوط....تقديرى. |
ود البشري
قلنا ليكم الما عارف يقول عدس ..
وده حالتو العدس لسه في النار ..
اسمعوا كلام العجايز ... وتعالوا في الدوره التانية انشاء الله ..
عمر علي حسن
| |
|
|
|
|
|
|
|
|
|
Re: يا غارزيتو... (Re: عمر علي حسن)
|
ياسر طيفور يا حبيب ..
صدقني الهلال أمس كان (كعب) وإلا لهزم المريخ هزيمة تاريخية ..
وصدقني لو لعب الهلال بنفس مستواه الأمس دا قدام فريق أقوي من المريخ
كان شرب ما روي ..
وصدقني لو نام الهلال على مستواه الأمس دا في البطولة الأفريقية ما ح يجيب
مريسة تام زين.
ولعلمك يا طيفور أنا قلت انو الهلال دا ح يكون أفضل كثيرا في هذا الموسم
بعد ذهاب هيثم مصطفي وعلاء الدين يوسف وبرغم إنو أمس كان أفضل من حالو
القديم لكن دي ما الأفضلية القاصدا أنا لسع .
| |
|
|
|
|
|
|
|
|
 Re: يا غارزيتو... (Re: طلحة عبدالله)
|
يا عربي :
غايتو غارزيتك دا انا لسسسسسسسسسسسسسسة .. ولا اعتقد اني يوما ما ح اجي اكسر ليهو تلج ..
المدرب الفنان يا محمد هو من يقود الفريق إلى القمـة بخطى ثابتة جدا .. وتحس يب التغيير دا في كل لحظـة ومع كل لمسـة .. والمدرب الخطير بتحس بيهو في اليقة البتشوفه في اللاعـب لما يستلم الكورة ما عايز اضرب امثلة بي مدربين اتعاقبو على الهلال .. لكن لو كان غارزتيو اساسا مدرب ناجح .. كان حسم المريخ من الموسم الفات في اكتر من مناسبة ..
ولحدت الان انا ما قادر انسى دورو في العملو فينا في المنافستين البطولة والترضية ..
مسالة انو غارزيتو يدرن لي مع المريخ ويجي يلعب بي مستوى باهت قدام الاهلي او النسور او اي تيم حمام ميت دي مسالة ما بتدخل راس الواحد .. لو غارزيتو كان مدرب يستاهل انو يدرب الهلال .. كان امس فرتق المريخ
لاحظ من مباراة الاهلي عطبرة لحدت الان هجوم الهلال ما قادر يستثمر الفرص .. وما قادر يفك حصار بي شكل مدروس .. سواء ان كان بحركات تكتيكة اقتحام الخصم او بي تمرير يخلخل مناطق الدفاعات عند تكتله ..
مسالة انو يركز لي على لعيبة الدفاع على حساب الوسط على حساب منطقة المناورة .. دا كلام ما بيدخل الراس ..
والمنافسات الافريقية ما هي الدوري الممتاز ولا دوري السودان .. وبراك شفته السنة الفاتت عمل فينا شنو ..
| |
|
|
|
|
|
|
|
|
|
Re: يا غارزيتو... (Re: عمر علي حسن)
|
ود البشرى يا حبيبنا ..
مشكلتنا اننا نظرتنا الكرويّة غارقة في المحليّة!
دي في رأيي أنها أكبر مشكلة بتواجه الكرة السودانيّة ولو
ما طلعنا من عقليّة المحليّة ومقارنة مستوى الهلال بالمريخ
والمريخ بالهلال الغارقين فيها دي كورتنا عمرها ما ح تتطور!
الكورة اللي لعبها الهلال امبارح دي بيلعبوها ناس افريقيا في الحواري
بكورة الشُراب قبل ما يحترفوا!! مستوى الهلال الامبارح دا هو نفس مستواه
لما طلع من الكونفدرالية السنة الفاتت .. ما شفت اي حاجة جديدة تخليني
اقتنع أنه الهلال شكله اتغير أو انه السنة دي ممكن يجيب كأس افريقي!
اللهم الا من بعض التمريرات القصيرة مع انه لسة عمر بخيت ومساوي بمسكوا
الكورة بطفشوها من الدفاع للهجوم لاغين خط النص باكمله!! ولو كان الهلال
امبارح لاعب مع الأهلي المصري مثلاً أو مازيمبي أو الترجي أو اي فريق بعرف
يستغل الفُرص كان ممكن تطلع من المباراة دي برأي تاني غير الكاتبو في
البوست دا!!
| Quote: وده حالتو العدس لسه في النار |
يابوي العدس بتاعكم دا لينا اربعة سنين سامعين انه في النار
والله انا خايفوا يتحرق عديل ومعظم اللاعبين ديل يعتزلوا لحدي ما ينضج! 
| |
|
|
|
|
|
|
|
|
|
Re: يا غارزيتو... (Re: Amir Omer)
|
| Quote: مستوى الهلال الامبارح دا هو نفس مستواه |
بالضبط يا شيخا
مرحلة ثبات المستوي دي مهمه جدا في مراحل التطور .. اها رايك في مستوي الجماعة الفايرين و طايرين قبال الموسم ما يبتدي ..
هلال الامس هو نفسه هلال المباريات الثلاثه السابقه مع قليل او بقية خوف تقليدي من المريخ .. وستري اننا في كل يوم قادم
سنجد ويجد غيرنا اننا غلطنا في الاعداد النفسي لهذه المباراه وركزنا علي الاعداد الفني فقط .. واننا واياهم ومنذ 1930 نخاف
مما بعد المباراه قبل ان ندخل المباراه .. يوم نتجاوز هذه العقبه فسيكون عندنا ديربي زي الباقين
Quote:
يابوي العدس بتاعكم دا لينا اربعة سنين سامعين انه في النار
والله انا خايفوا يتحرق عديل ومعظم اللاعبين ديل يعتزلوا لحدي ما ينضج! |
والله العدس بتاعنا ده انت واخوك ود البشري لو ما حرقكم في لسانكم ما حتعرفو بينجضوه كيف .. انتو قايلينو بيعملوه
بالبرستو ؟ .. والله بكبوه في الحله كله .. دا بيلقطوهو واحده واحده ..
تاني تجو ؟
قال ليك المباراه جابت 280 مليون والاستاد سعته 30 الف .. يعني لو التذاكر كلها (مصاطب) بي عشرين الف كانت جابت 600
مليون ..... اكلونا ؟ مش ؟ .... تقول لي عايزين كوره عالمية ؟ .. اها خموا .. بديناها ليكم بالمافيا العالميه .. بعدين نجي نشوف
الكوره ؟
عمر علي حسن
| |
|
|
|
|
|
|
|
|
|
Re: يا غارزيتو... (Re: عبد الحكم ابراهيم الحاج)
|
ريسنا الحبيب ..
| Quote: مرحلة ثبات المستوي دي مهمه جدا في مراحل التطور .. |
المستوى الانا كنت بتكلم عنه أنه مستوى متذبذب من مباراة لأخرى ولا زال كما هو لم يتغير! ولكن حتى لو افترضنا جدلاً أنه مستوى الهلال ثابت على السنة الفاتت ، فهل دا هو المستوى الممكن يحرز بيهو الهلال بطولة قاريّة؟! لا أظن .. لأنه لو كان ممكن يحرزها كان احرزها السنة الفاتت بمستواه دا ذاته!!
| Quote: اها رايك في مستوي الجماعة الفايرين و طايرين قبال الموسم ما يبتدي .. |
دي نفس المشكلة الكنت بتكلم عنها في مداخلتي الأولى لود البشرى وهي انناغارقين في المقارنة بينا وبين الجماعة الفايرين، واقصى طموحاتنا هي المريخ وهم نفس الشيء ، وكأن الهدف الرئيسي من وجود الهلال هو لمنافسة المريخ وإثبات أنه أحسن منه والعكس صحيح ، ودا في رأيي أهم سبب في أنو كورتنا متخلفة عن القارة النحن بنلعب فيها ناهيك عن باقي العالم!
رأيي في مستوى الجماعة الفايرين زي رأيي في الجماعة الما فايرين .. كلهم في الهم شرق!!
| Quote: هلال الامس هو نفسه هلال المباريات الثلاثه السابقه مع قليل او بقية خوف تقليدي من المريخ |
طيب يعني انت مقتنع أنه الهلال اللعب قدام الأهلي عطبرة (مثلاً) كان بنفس مستوى الهلال اللعب قدام المريخ أول أمس؟!
Quote: سنجد ويجد غيرنا اننا غلطنا في الاعداد النفسي لهذه المباراه وركزنا علي الاعداد الفني فقط .. واننا واياهم ومنذ 1930 نخاف
مما بعد المباراه قبل ان ندخل المباراه .. يوم نتجاوز هذه العقبه فسيكون عندنا ديربي زي الباقين |
النقطة دي نحن متفقين فيها ... الشحن الزائد وتحميل المباراة اكبر مما تحتمل هي أحدى الآفات لكنها ليست السبب الرئيسي!! البهمني أننا ننظر للفُرق الأفريقيّة الكبيرة ونحاول نصل لمستواها ونقارن نفسنا بيها لأنها أعلى مستوى من الهلال والمريخ مجتمعين .. ووقتها ما اظن نحتاج لإعداد نفسي لمباراة المريخ!!
| |
|
|
|
|
|
|
|
|
|
Re: يا غارزيتو... (Re: Amir Omer)
|
| Quote: انناغارقين في المقارنة بينا وبين الجماعة الفايرين، واقصى طموحاتنا هي المريخ |
الامر ليس كذلك .. انا لا اتحدث الا عن المباراه ..
والمقارنه مع المريخ لا تعني الاقتداء به .. ولا عدم المقارنه معه يصنفنا مع غيره ... لا تستطيع تفادي المقارنه مع المريخ لانه المنافس المتاح
في الظروف الموضوعية المتاحه .. معليش دي فوتها لينا لاننا لا نعرف مع من نقارن الهلال (السوداني)
Quote: طيب يعني انت مقتنع أنه الهلال اللعب قدام الأهلي عطبرة (مثلاً) كان بنفس مستوى الهلال اللعب قدام المريخ أول أمس؟!
|
بالضبط .. والتسجيلات لمباريات الهلال الثلاثه السابقه موجوده وهي تثبت ان الهلال اصبح يؤدي وفقا لموجهات محدده وثابته وتقوم
اساسا علي متطلبات تجاوز الخصم المعين الذي يواجهه كل مره .. وهنا يكمن الثبات.. لذلك ستجد الهلال في اضعف حالاته يتجاوز
الخصم الذي امامه .. وباللاعبين المناسبين للمباراة ..
Quote: البهمني أننا ننظر للفُرق الأفريقيّة الكبيرة ونحاول نصل لمستواها ونقارن نفسنا بيها لأنها أعلى مستوى من الهلال والمريخ
مجتمعين .. ووقتها ما اظن نحتاج لإعداد نفسي لمباراة المريخ!! |
هذا خيال محض ..
نحن الان لن نبلغ مستوي الاهلي والزمالك والترجي ولا الانديه الاوربيه مثلا (كاندية) .. لان ظروفهم افضل واساسهم امتن .. ونحتاج وقتا
اطول لنصل الي مستوي بنياتهم الاساسيه ... اما في الكوره فاننا الافضل .. شوف التصنيف العالمي وشوف مبارياتهم معنا في السنوات
الاخيرة في الكوره التي تجمعنا بهم .. اعرف انك ستقول لي انهم يحصلون علي البطولات ونحن لا نحصل عليها وهذا صحيح .. في الوقت
الحاضر فقط ... وكذلك فانهم لا يحصلون عليها بالكوره فقط وانما باساليب ووسائط لا نتبعها ..
هذا الطموح ياشيخنا يتطلب عملا وليس تمنيا .... وانت شايف بلدكم .. والعدس ما بينفع بالبرستو .. عايز نار هاديه ..
عمر علي حسن
| |
|
|
|
|
|
|
|
|
|
Re: يا غارزيتو... (Re: عمر علي حسن)
|
بعد السلام والاحترام
ياريس Quote: هذا الطموح ياشيخنا يتطلب عملا وليس تمنيا
|
ليس مجرد عمل إنما عمل ممنهج يبدأ بازالة عقلية هواة الدافوري
مرورا برفع سقف تطلعات اللاعب والإداري والمشجع ولا ينتهى باحلال العقلية
الإحترافية التى تفتقدها الكورة السودانية بل بتوعية الوسط الرياضي وإنهاء
تعصبه ونظرته القاصرة فقط على تشجيع فريقين ظلا ومنذ عشرات السنين دون
الطموحات والأمنيات.
يجب تشجيع الأندية الأخري ودعمها ورفع طموحاتها إلى درجة منافسة الهلال والمريخ
على الألقاب وليس الإكتفاء بدور كمبارس مهمتها إكمال قائمة المنافسة والاقتناع
في النهاية بالفتات .
من مشاكل الكورة السودانية إختزال كل بطولاتها المحلية التى يتنافس عليها أكثر من
عشرة أندية في الهلال والمريخ فقط .. مع الوضع في الاعتبار ما تستهلكه هذه البطولات
من طاقة ووقت ومال بالإمكان الإستفادة منها في عمل أهم .
| |
|
|
|
|
|
|
|
|
|
Re: يا غارزيتو... (Re: عمر علي حسن)
|
خليني أمشي معاك خطوة لقدام وبرجع ليك في مداخلة تانية لموضوع المقارنة لأنك عارفني ما بقتنع بالساهل! 
بل طموح مشروع في أني أشوف أنديتنا السودانيّة بتنافس بمستوى قاري وعالمي زي العالم والناس ... تفوز أو تخسر ما مشكلة لكن ما تكون أقل من غيرها!
| Quote: اما في الكوره فاننا الافضل |
النقطة دي debatable .. التصنيف عنده مقاييس محددة وما بالضرورة تكون أفضل من الأهلي والترجي والوداد البيضاوي عشان تصنيفك احسن منهم لكن ممكن تكون محظوظ وتقع في مجموعة توصلك مرحلة افضل منهم.
| Quote: لان ظروفهم افضل واساسهم امتن ونحتاج وقتا اطول لنصل الي مستوي بنياتهم الاساسيه |
طيب ما ح اناقشك في موضوع البطولات اللي ما قادرين نحققها لأن الطريق للبطولات دي محتاج منظومة كاملة وانا شايف انها ما متوفرة عندنا لكن خليني اضع امامك أسئلة ونقاط كتيرة بصفتك واحد من الاداريين الرياضيين في سوداننا الحبيب، لانه بالجد ما عندي ليها إجابات (معليش إتحملني):
- هل نحن عارفين الظروف دي ومحددين ماهيتها؟ وهل عندنا خطّة واضحة لتغييرها أو تحسينها على أقل تقدير؟ وهل عندنا جدول زمني لتحقيق ظروف أحسن ولا المسألة متروكة للزمن؟
- الأسس الأمتن دي انا ما قادر أتقبلها كمبرر؟ لأنه الهلال والمريخ ديل تم تأسيسهم قبل أكتر من سبعين سنة ، فهل الأسس القامت عليها الأندية دي كانت خاطئة؟ ولو كانت خاطئة لماذا لم تتغير خلال تلك السنوات الطوال؟ ومتين ح تتغير؟ وكيف؟
- وهل تعتقد أنه إدارات الأندية الحالية أو القادمة وأساليب إدارتها للأندية السودانية كفيلة بتحقيق مستقبل أفضل من الشايفنو دا؟؟ وهل اساليب الإدارات دي مواكبة للتطور الرهيب الحصل في علم إدارة الأندية في العقود الماضيّة؟!
- البنية الجسمانيّة الضعيفة مشكلة لكنها ليست عائق ورغم معرفتنا بالمشكلة لكننا حتى الآن لم نضع خطط مستقبلية لعلاجها أو تفاديها في الأجيال القادمة وح تكون مستمرة معانا كدا لحدي ما يجي واحد يشتغل عليها بكل جدية أو نموت بيها.
- المسألة ليست مسألة امكانيات ماديّة بحتة بل إمكانيات إدارية ضعيفة وعقليات تدير الأنديّة بثقافة (رزق اليوم باليوم) وليس لها أي نظرة مستقبلية (قريبة أو بعيدة) ، وكل همهم الفوز بدورة إداريّة ثانية وثالثة ورابعة في الإنتخابات المقبلة!
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
ود طيفور..
الرسول فيك وريني نسبة الاستحواذ دي حسبتها كيف؟؟
71and#1642; و66and#1642;؟؟؟
طق طررررررق قلت لي؟ ههههههههههه
70 و60 بفهمها لكن أم كسور دي ما وقعت لي
---------
الباقين
ارفعوا اقلامكم عن طلحة..
| |
|
|
|
|
|
|
|
|
|
Re: يا غارزيتو... (Re: سارة علي)
|
Quote:
ليس مجرد عمل إنما عمل ممنهج يبدأ بازالة عقلية هواة الدافوري
مرورا برفع سقف تطلعات اللاعب والإداري والمشجع ولا ينتهى باحلال العقلية
الإحترافية التى تفتقدها الكورة السودانية بل بتوعية الوسط الرياضي وإنهاء
تعصبه ونظرته القاصرة فقط على تشجيع فريقين ظلا ومنذ عشرات السنين دون
الطموحات والأمنيات.
يجب تشجيع الأندية الأخري ودعمها ورفع طموحاتها إلى درجة منافسة الهلال والمريخ
على الألقاب وليس الإكتفاء بدور كمبارس مهمتها إكمال قائمة المنافسة والاقتناع
في النهاية بالفتات .
من مشاكل الكورة السودانية إختزال كل بطولاتها المحلية التى يتنافس عليها أكثر من
عشرة أندية في الهلال والمريخ فقط .. مع الوضع في الاعتبار ما تستهلكه هذه البطولات
من طاقة ووقت ومال بالإمكان الإستفادة منها في عمل أهم . |
طلحه
100% ... وابصم معاك بالعشره .. بس ورونا السكة وحددوا المدي الزمني الانتقالي ..
عمر علي حسن
| |
|
|
|
|
|
|
|
|
|
Re: يا غارزيتو... (Re: عمر علي حسن)
|
يا ريس
الحاجات دي يجب أن لا يتم تقييدها بظروف زمانية ومكانية ..
دي حاجات زي النبتة يتم رعايتها وسقايتها لتنمو بالتدريج حتي تصبح شجرة كاملة
النمو وفي النهاية تطرح ثمارها .
ودا يا ريس عمل منوط بيكم إنتو كسدنة الرياضة وكبارها من الذين يمكن أن تتوفر
لهم ميزة القيادة ووضع الفكرة والقرارات موضع التنفيذ .
ضعوا اللوائح والقوانين والشروط وأبدأوا في تطبيقها وأتركوا أمر متابعتها والترويج
لها للتنفيذين والاعلام الحادب على المصلحة العامة والواعي بمتطلبات المرحلة وليس
إعلام هلال مريخ .
إذا تم الإلتزام بالمنهجية في منطقة ذات ثقل مثل الخرطوم فحتما ستزحف هذه
المنهجية إلى باقي المناطق.. فقط المطلوب كثير من الجهود وقليل من الصبر.
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
Quote: ودا يا ريس عمل منوط بيكم إنتو كسدنة الرياضة وكبارها من الذين يمكن أن تتوفر
لهم ميزة القيادة ووضع الفكرة والقرارات موضع التنفيذ .
ضعوا اللوائح والقوانين والشروط وأبدأوا في تطبيقها وأتركوا أمر متابعتها والترويج
لها للتنفيذين والاعلام الحادب على المصلحة العامة والواعي بمتطلبات المرحلة وليس
إعلام هلال مريخ . |
يا سلام عليك يا طلحة ... دايما بتجيب المفيد
لا أعتقد أن كبار الرياضيين وسدنته في السودان (وهم كُثر) بعاجزين عن إنجاز مثل هذا العمل لا سيما لو نحّوا
إنتماءاتهم الفردية ونظروا للرياضية السودانية بمنظور سوداني أوسع لا يفرق بين هلال او مريخ أو أي فريق ناشئ.
الرياضة السودانيّة تحتاج فعلا لعمل مؤسسي منظم يضع بنية تحتية ثابتة لمستقبل أفضل.
| |
|
|
|
|
|
|
|
|
|
Re: يا غارزيتو... (Re: Amir Omer)
|
شكرا يا عامر وإتا والله ما قصرت أبدا في إثراء البوست أكثر كثيرا مما كان يحلم به صاحبه ..
أنت وعمر الفاروق برأيي من أفضل الذين يعرفون الكلام في الكورة باحترافية عالية .. ربنا يزيد ويبارك .
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
Quote: ود البشرى يا حبيبنا ..
مشكلتنا اننا نظرتنا الكرويّة غارقة في المحليّة!
دي في رأيي أنها أكبر مشكلة بتواجه الكرة السودانيّة ولو
ما طلعنا من عقليّة المحليّة ومقارنة مستوى الهلال بالمريخ
والمريخ بالهلال الغارقين فيها دي كورتنا عمرها ما ح تتطور!
|
والله يا امير عمر انت اضافه حقيقية الى هذا المنبر مع كثير من الاخوان
تخلي الواحد يكون حريص لكي يتابع اي كلمه تكتبها هنا في الرياضة
Quote:
الكورة اللي لعبها الهلال امبارح دي بيلعبوها ناس افريقيا في الحواري
بكورة الشُراب قبل ما يحترفوا!! مستوى الهلال الامبارح دا هو نفس مستواه
لما طلع من الكونفدرالية السنة الفاتت .. ما شفت اي حاجة جديدة تخليني
اقتنع أنه الهلال شكله اتغير أو انه السنة دي ممكن يجيب كأس افريقي! |
بس هنا عايز اضيف حاجه بسيطه تخلي الواحد يقيف عندها
مافعله امس الهلال بالمريخ رغم النتيجه كانت تعاديلة ما اظن تتكرر مره اخرى
ودي بحسابات الكوره تضع الهلال في الافضليه
وشخصك لم يرى الهلال الافضل ىن لم بستيطع ان يرجح الكفه لصالحه ويحرز هدف
ودا شي طبيعي يمكن يحدث لان الهلال ولاعبيه لم يتحيلوا بان المريخ سوف يكون صيد سهل لهم بهذه الطريقة
لذلك رافقة المباراه اخطاء تكتيكيه في كيفة احراز هدف بكل سهوله في المريخ
ماحدث لم يحدث له مره ثانية ولم يحدث له منذ تاسيسة شاهدنا المريخ وهو يلعب مع اعتى الفرق ولم يحدث له ما حدث في اخر لقاء له مع المريخ
ياخي ماضل للاعبي المريخ ألا ان يرسلو تلغراف داخل الملعب عشان يعرفوا من هو حارس مرمى الهلال ...
| |
|
|
|
|
|
|
|
|
|
Re: يا غارزيتو... (Re: وليد عبد اللطيف)
|
تحية
بالمناسبة عدم ظهور المريخ بصورة جيدة سببه الحضرى الذى اصر على لعب الكور الطويلة التى تصل الى
يد المعز اوترجع من دفاع الهلال كهجمة جديدة ..
| |
|
|
|
|
|
|
|
|
|
Re: يا غارزيتو... (Re: وليد عبد اللطيف)
|
Quote: ودا يا ريس عمل منوط بيكم إنتو كسدنة الرياضة وكبارها من الذين يمكن أن تتوفر
لهم ميزة القيادة ووضع الفكرة والقرارات موضع التنفيذ . |
الاعزاء طلحه وامير
نحن جيل لا يصلح لهذا العمل لاننا سكبنا عطاءنا ومعرفتنا في نظام الهواية .. وان بقي عندنا شي من فهم فاننا لم لم نعد قادرين
علي التنفيذ .. لذلك ظللنا ومنذ زمن طال في الصفوف الخلفية والاقل تاثيرا في القرار .. كذلك فان اكثرنا لا يتمتع بالمواهب الماليه
الجاذبه والتي صارت مؤهلا اساسيا لمن يريد ان يصنع القرار او يحدث التغيير والفارق ..
ومع ذلك فاننا وبما نجده من المكانة والاحترام نقدم ما يوصل صوتنا لصانعي القرار ..
لقد خاطبت مجالس الهلال المختلفه بافكاري ومقترحاتي لمرحلة التحول الرياضي الي احتراف وبيزنيس وصناعه .. ونشرت في
هذا المنبر ما كتبت وتبني غيري بعض ما ارسلت .. وناقشت مع اكثر من مجلس وبينها هذا المجلس اغلب ما رددتم في هذا البوست
وغيره .. واسعي مع بعض الشباب في الروابط لتنظيم سمنارات ودورات تدريب لتطوير وتغيير المسار وتحديث اليات العمل في
الانديه .. واني انتظر تكوين برلمان الهلال ومجلس امناء الهلال الذي سادخله بحقي كرئيس سابق لاضع دراساتي امامهم واتابع
اخذها بجديه ..
كذلك فان بعض مقترحاتنا تسير في درب التنفيذ والاتباع البطيء .. ولكن العذر لمن يعمل في الاندية هو انهم لا يكلفون فوق وسعهم ..
خصوصا في ظروف بلادنا والعالم .. ماذا ننتظر من اناس يهدر كل وقتهم في البحث عن قرش للتسيير فقط .. ولا يزعم احد منكم ان
في الاستثمار والمسالك الاقتصاديه متسع .. فلا بد لهذا من وقت .. ويحتاج منكم للصبر
ثم اين انتم .. العمل خارج الانديه متاح للشباب ويمكن من خلاله دعم الاندية وتطويرها
ولن نكف عن (الاستمتاع) بالموجود مهما بلغت مرارتنا وعجزنا عن تطويره .. نحن لسنا Robots نبرمج انفسنا اليا ولا نحس
بما يجري امامنا من (عك مباح) ... ولن ننتظركم لتأتوا الينا في المقابر وتقولوا لنا شركة الهلال نالت كاس افريقي ومؤسسة المريخ
كسبت ثلاث مليار دولار من تسويق منتجاتها واسقطت جمال الوالي في الانتخابات الاخيرة ..
سننشاهد ما امامنا ونستمتع به ونفرح ونسخر مما نري حتي نتوكل
هل تعلم كم دخل ريال مدريد وبرشلونه من المراهنات .. وكم دخل الاهلي والزمالك من العضوية وحدها .. وكم دخل الاندية السعودية
والكويتيه والقطريه من حكوماتها ....... وهل تعلم ان سماءنا السودانية لا تمطر ذهبا .. وان دخل مباراة الهلال والمريخ الاخيرة
لهفته جهة لا دخل لها بالمريخ ولا الهلال .. ولا احد يستطيع ان يقول بم .. ولا حتي البياكل براهو بخنق ...
القضية يا طلحه ويا امير عندكم ولا يكفيكم الاحساس بالوجع ومد اللسان علي خيبتنا القويه .. اعملوا فسيري الله عملكم ورسوله
والمؤمنون ....... وساعمل معكم قدر طاقتي الواهنه
عمر علي حسن
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
| Quote: يا ريس دا استسلام محبط جدا والله .. |
ليس هذا مقصدي يا عمنا طلحه
فقد اردت بعبارة نحن مش روبوتس .. اننا بجانب محاولاتنا الجاده للمساعدة علي احداث التغيير فاننا لن نتخلي عن الاستمتاع
بالمتاح .. فالوقت المتبقي لا يكفي .. ما تنسي نحن لا عبين في الوقت الضائع
كتير علينا ناكلها بي مويه ؟ .. ونعافر باليد التانية ..
لماذا لا تتبنوا الدعوة لاحدات التغيير من الداخل كما قلت سابقا باكتساب العضوية للمجيء بالخيار الصحيح للقياده .. وعدم السماح
لدافعي اشتراكات العضوية المستجلبه للوصول الي كراسي الادارة .. هذه خطوة ..
الكتابه في المنابر ليست سلبيه وانما وسيله من وسائل احداث التغيير .. ولا بد من اجلها من تحمل كلمه زائده واخري ناقصه ..
الانبياء شبعوا شتائم .. وطولوا بالهم
والي ذلك الحين هلال مريخ بتتشاف برضو .. مش كده ؟
عمر علي حسن
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
| Quote: نحن جيل لا يصلح لهذا العمل لاننا سكبنا عطاءنا ومعرفتنا في نظام الهواية .. وان بقي عندنا شي من فهم فاننا لم لم نعد قادرين علي التنفيذ .. |
| Quote: ثم اين انتم .. العمل خارج الانديه متاح للشباب ويمكن من خلاله دعم الاندية وتطويرها |
| Quote: القضية يا طلحه ويا امير عندكم ولا يكفيكم الاحساس بالوجع ومد اللسان علي خيبتنا القويه .. اعملوا فسيري الله عملكم ورسوله والمؤمنون ....... وساعمل معكم قدر طاقتي الواهنه |
سيادة الريس الموقر ...
رسالتك وصلت ..!
الآن فقط وبعد قراءة متأنيّة لمداخلتك الأخيرة وللإقتباسات أعلاه تحديداً ... فهمتك تماماً ، وبدأت أقتنع بأنك على صواب!
أنتم (كجيل) حفرتم في الصخر حتى تجد أفكاركم (التي كانت تتناسب وزمانكم وثقافة جيلكم) التربة الخصبة لقبولها من المجتمع الرياضي في ذلك الزمن دون الإعتماد على غيركم من الأجيال السابقة في تبني تلك الأفكار والرؤى .. فأصبح من الواجب علينا كجيل جديد أن نحفر في الصخر لنضع أفكارنا الحديثة التي تتناسب مع ثقافة عصرنا في مواجهة حقيقيّة أمام الواقع المرير الذي نعيشه ، ونحارب ونبذل قصارى جهدنا من أجل إيصال تلك الأفكار مهما لاقينا في سبيل ذلك من العنت والإستهزاء والسخريّة ، بدلاً من الإعتماد عليكم في المحاربة عن أفكارنا بالوكالة!! وهذا لايعني أن نطمس إرثكم الذي أجتهدتم في بناءه لأنه بالتأكيد سيكون معيناً لنا، ولكننا سنمحص فيما يصلح منه لهذا الزمان ونترك منه ما لا يصلح!
| Quote: ولن نكف عن (الاستمتاع) بالموجود مهما بلغت مرارتنا وعجزنا عن تطويره .. سننشاهد ما امامنا ونستمتع به ونفرح ونسخر مما نري حتي نتوكل |
لا أستطيع أنا أو غيري أن نلومكم أذا أكتفيتم بالإستمتاع بحصاد ما زرعتموه في سنوات عمركم الغضّة حسب ما أملته عليكم ظروف زمانكم والتي لم يكن العالم فيها مفتوحاً - كما هو اليوم ! جيلنا يختلف عن جيلكم لأنه توفرت له أشياء لم تتوفر لكم في زمانكم، فنحن نشأنا على معرفة الأندية والمنتخبات العالميّة ، ومعرفة حتى أسماء اللاعبين والمدربين ودكّة الإحتياطي وأسعار اللاعبين بينما لم يكن أمامكم من العالم الخارجي كل هذا فأنحصر تفكيركم في المحليّة أكثر من القاريّة والعالميّة!! الآن فقط بدأت أفهم تلك الفروقات وفهمت مقولة العم شاخور عندما أقترح عليه بعض اعضاء مجلس الرياضة لتخصيص منشط لرياضة كمال الأجسام حتى يستطيعوا ضمّ أحد اللاعبين المميزين في كمال الأجسام وتنمية مهاراته للإستفادة منه في المنافسات الخارجيّة فقال ليهم: "زولكم دا يعني بغلب لي الهلال؟" فقالوا له لا دخل له بالهلال .. فقال قولته المشهورة: " وداير بيهو شنو لو ما بغلب لي الهلال؟ هذا هو السبب الذي جعلكم كجيل تنظرون للإمور بمنظور مغاير لنا ولا لوم عليكم في ذلك !! .. فأهنئوا وأستريحوا وأستمتعوا بإنجازاتكم التي أتت بجهدكم وعرقكم وسنعمل نحن على أن نبني إنجازاتنا حسب طموحاتنا ولن نحملكم أكثر مما تحملتم، ونشكر لك إيمانك بنا كجيل ووقوفك بجانبنا ومساندتنا ولو حتى بقولك: « وسأعمل معكم قدر طاقتي الواهنة » ، فهذا والله يكفينا وأكثر.
Quote: والله يا ريس ليس بيدنا إلا ما نبذله من أراء نقولها أو نكتبها هنا وهناك .. وحتي هذه الأراء تواجه بالسخرية
والصدود ويعتبرها كثير من الانهزاميين والمتعصبين والانطباعيين وأصحاب العاطفة اللزجة مجرد تنظير وفلسفة.. ودونك
هذا المنبر . |
يا طلحة فلتسمح لي يا صاحب بأن أخالفك الرأي هنا، فلو قلنا أننا كجيل لا نملك سوى آراء نقولها ولا نتحمل في سبيلها السخرية، فأننا بذلك نظلم جيلنا ونسفه دوره في أن يكون قدوة لأجيال قادمة!!
نحن كجيل أو أفراد لم نفعل ما فعله (مثلا) عمر علي حسن (الموظف الصغير بحكومة السودان) الآتي من رفاعة ليترأس نادي من أكبر نوادي القارة السمراء في زمانه! بالتأكيد هذا الإنجاز لم يأت بمحض الصدفة بل هو نتاج لجهد ومثابرة وعمل دؤوب وجب علينا أن نفعل مثله من الإجتهاد والمثابرة قبل أن نطالب غيرنا بأن يفعل لنا ما لم نفعله نحن لأنفسنا ولجيلنا. يا طلحة يا رائع ببساطة شديدة ... طالما أن هذه الأفكار هي أفكارنا وافكار جيلنا وتمثلنا نحن في المقام الأول، فنحن الأحق بتبنيها ونشرها والعمل على تنفيذها ووضع مداميكها وحجر أساسها بأنفسنا قبل أن نرمي اللوم على أجيال أدت ما عليها حسب مقدراتها وظروف زمانها! لقد أوحى لي هذا النقاش الثر بأفكار ورؤى سأعمل على ترتيبها في ذهني وسأحاول أن أجتهد في فتح بوست منفصل لها أتمنى منك ومن كل المؤمنين بضرورة تغيير الحال الرياضي في السودان بغض النظر عن إتنمائتهم أن يتواجدوا فيه لنرى ما نحن فاعلون! مبدئياً أقترح أن يكون البوست بأسم ... « الرياضة السودانيّة - إلى آفاق أرحب (رؤية مستقبليّة) »!
| |
|
|
|
|
|
|
|
|
|
Re: يا غارزيتو... (Re: وليد عبد اللطيف)
|
Quote: والله يا امير عمر انت اضافه حقيقية الى هذا المنبر مع كثير من الاخوان
تخلي الواحد يكون حريص لكي يتابع اي كلمه تكتبها هنا في الرياضة |
كتر خيرك يا وليد ياخي ... وأتمنى أن أكون عند حسن ظنك بي!
| Quote: ودي بحسابات الكوره تضع الهلال في الافضليه |
الهلال والمريخ صنوان .. وضعف أحدهما وأستقواء الآخر عليه لا يعني القوة الحقيقة للمستقوي!
بمعني آخر ... هنالك اكثر من سيناريو ولكن كلها مبهمة:
السيناريو الأول: هل كان الهلال أفضل لأن المريخ ضعيف؟
السيناريو الثاني: هل كان الهلال أفضل لأنه كان سيفعل نفس الشيئ حتى لو كان المريخ في أوج قوته؟
السيناريو الثالث: ماذا لو كان المريخ بنفس قوة الهلال؟ هل كان سيخرج الهلال مهزوماً أم متعادلاً؟
لا أحد يستطيع أن يجزم بالإجابة ، وبالتالي الأفضلية في هذه الحالة ليست افضلية يعتد بها أو نفرح لأجلها
ولكنها في حقيقة الأمر أفضلية تدعوا للقلق لأنهم توهم الهلالاب بقوة فريقهم دون الارتكاز على مقياس واضح!
| |
|
|
|
|
|
|
|
|
|
Re: يا غارزيتو... (Re: Amir Omer)
|
يا ناس البوست سلام ..
ومعليش ما قريت كل الكلام بكل تفاصيله الدقيقة من الجميع لكن عايز أقيف عند نقطة أرجو من الريس يتقبلها مني (ولو إنو انا عندي رأي كبيير في كلمة رييس دي) وهي واحدة من سبب بلاوينا الكروية ..
معليش يا (ريس) بس اقولا ليك صراااحة انا شخصياص ما قاعد أحب أقرا كلامك عن علل ومشاكل كورتنا السودانية ..وما بحب اقراك وانت بتتكلم عن كيف نحقق إنجاز وكيف وكيف وكيف للهلال..والسبب وبكل صراحة لأنو إنت من الناس اللي كانو جوووة الجك بي لغة الشارع..عرف يا (ريس) كلامك ده بقارنو بي كلام السيد الصادق المهدي في السياسة و عن تدهور اوضاع السودان و عن وعن مع إنو السيد الصادق من المحظوظين اللي ادارو دفت البلاد لمرتين في اوقات مختلفة وعليه لاااا يحق للسيد الصدق المهدي التنظير ووضع التصورات..
أنتم كذلك يا (ريس) ..جاتكم الفرصة وفي زمنكم وفي ظل ادارتك الهلال ما عمل ايييي شي من الاسة انت بتحلم بيهو وبتتصور فيهو ده..
معليش يا ريس عااارفك ممكن تجي تحكي لي قصص ونوادر وإنو في عهدي إتخذت القرار الفلاني وعملت الشئ الفلاني وتصديت لعلان وأرسيت مبادئ الفرتكان ..وأعلم إنك إن قلت فقد صدقت لكن ده كللللو ما بيعفيك من إنو الهلال في وقتك ياااهو هلال اسة ياهو هلال زمااان ولو إنو انا بشوف هلال اسة احسن كتييير..
عليه يا (ريس) ومعليييش للراي الاشتر المخالف والمصادم ده بس انا بالجد الحاجات اللي زي دي بحسبها في باب التنظير لمن الزول يكون جووة وما يعمل ولمن يطلع برة شوفا يقوا كمااا لاعبي الشطرنج تلاقي المتفرجين شايفين اللعبة احسن منهم وينظظظرو لكن الواحد من يخش يلعب بيدوهو ليك كش ملك من النقلة الرابعة ..
| Quote: نحن الان لن نبلغ مستوي الاهلي والزمالك والترجي ولا الانديه الاوربيه مثلا (كاندية) . |
ووين الزمالك أسة ووين الهلال أسة ..عشان أوريك إنو نحن ممكن نبلغ وبسهووولة كمان ..
يا ريس الزمالك ليهو زي جغلومية سنة كده دوري محلي ما قادر يشيلو خليك من يلعب اصلا دوري افريقي..لكنك بطبيعة الحال تتحدث عن زمالك ليهو اكتر من ربع قرن مش؟؟زمالك الماضي ؟؟؟
ببساطة هلال الحاضر افضل مليون مرة من زمالك الحاضر وعليه مقولتك تحتاج مراجعة ...معاك في الأهلي ولكن حتى الترجي انا عندي حولو استفهام كبييير ..
تخريمة :
أها يا طلحة طبزتها ليك عشان تغيير رأييك فيني :)
| |
|
|
|
|
|
|
|
|
|
Re: يا غارزيتو... (Re: عمر الفاروق)
|
عمر الفاروق ياحبوب
| Quote: أها يا طلحة طبزتها ليك عشان تغيير رأييك فيني :) |
من ناحية طبزتها طبزتها لان المثل بقول الماعندو كبير يشتري كبير
والريس دا زي ماقلت كان في مكان الحدث وشاهد عصر وبعد الكلام القالو تحت دا بخلينا نزيد له الاحترام احترام
حتى انا يا عمر الفاروق كنت مثلك اتهم الاجيال السابقة ولوملاحظ انتقدتهم كثيرا هنا وقلت انهم لم يضعوا الطريق الصحيح للاجيال القادمه
ولكن الان ياعمر الفاروق اصبحت ادارة الادنديه لاتخلو من العلمية والتخطيط والتنظيم الى ابعد مدي واصبح بها 1+1 =2
الان نحنا نفقد اي شي من مقومات الرياضة وهذا لايمنع ان نستفيد من اي كلمه يقولها الريس هنا اذا كان تخدم مصلحة الرياضة
وانا عكسك تمام ياعمر الفاروق تخيل اي كلمه بكتيها الريس هنا بكون متابع لها حتى كفشاته وكلامه الطيب وونسته مع باقي الاعضاء
ولكن كلام الكوره بالزات الذي يصدر منه بخلينا نبني اشياء كثيره من الافكار ونستفيد حتى من سلبياتهم يعني قصة تقول هلال اليوم افضل من هلال الامس
لكل عصر رجاله والناس دي حتى في زمنها لم تقصر مع الهلال لان الهلال كان لهم عشقهم الاول وزي ماقال الريس ما كانوا قاصدين الوجهات بل حبهم للنادي
Quote:
نحن جيل لا يصلح لهذا العمل لاننا سكبنا عطاءنا ومعرفتنا في نظام الهواية.. وان بقي عندنا شي من فهم فاننا لم لم نعد قادرين
علي التنفيذ .. لذلك ظللنا ومنذ زمن طال في الصفوف الخلفية والاقل تاثيرا في القرار .. كذلك فان اكثرنا لا يتمتع بالمواهب الماليه
الجاذبه والتي صارت مؤهلا اساسيا لمن يريد ان يصنع القرار او يحدث التغيير والفارق ..
ومع ذلك فاننا وبما نجده من المكانة والاحترام نقدم ما يوصل صوتنا لصانعي القرار ..
لقد خاطبت مجالس الهلال المختلفه بافكاري ومقترحاتي لمرحلة التحول الرياضي الي احتراف وبيزنيس وصناعه .. |
| Quote: معليش يا (ريس) بس اقولا ليك صراااحة انا شخصياص ما قاعد أحب أقرا كلامك عن علل ومشاكل كورتنا السودانية ..وما بحب اقراك وانت بتتكلم عن كيف نحقق إنجاز وكيف وكيف وكيف للهلال..والسبب وبكل صراحة لأنو إنت من الناس اللي كانو جوووة الجك بي لغة الشارع..عرف يا (ريس) كلامك ده بقارنو بي كلام السيد الصادق المهدي في السياسة و عن تدهور اوضاع السودان و عن وعن مع إنو السيد الصادق من المحظوظين اللي ادارو دفت البلاد لمرتين في |
عمر الفاروق ياخي خليك من كلام الانشاء دا واسأل الريس عن اي شيء من ايام زمان والان عشان نحنا نستفيد وغيرنا يستفيد
والله ياعمر الفاروق معليش امكن انا كثيرا احتلفت مع الريس هنا ولكن مثله مفروض ندفع ليه راتب عديل هنا للفائده العامه انت بجدك ولا شنو ...
| |
|
|
|
|
|
|
|
|
|
Re: يا غارزيتو... (Re: وليد عبد اللطيف)
|
والله يا وليد كلامك سمح والصاح رأي والأعوج رأي..
إنت خليك مع كلام الريس الدرر وأدفع ليهو وانا خليني في جانب النقد وكشف الحساب لي ناس زمان ..
وفي النهاية الغاية واحدة ..الفائدة للجميع والإصلاح ما أييي شي تاني..
وبالمناسبة أسس الإدارة الإنت بتقول تطورت أسة دي انا بعتبر إنو ناس زمان نهلو منها أكتر من أسة ..وتشربوه من المنبع وشالوها من أسياد الشي زاااتا ..وعليه مفروض يكونو طبقوها بي حذافيرها ..
والحق يقال وحسب ما سمعنا من قصص إدارية فما حصل زمان احسن كتيير من ما حصل اسة في قرارات ادارية تأديبية كتييرة ..لكن يبقا المحك الاساسي إنها قصص للحكاوي والمتعة فقط بس النتيجة بيق اااند بيق زييرو سواء من الريس سواء من الراحل عبد الله الطيب سواء من ابو العايلة سواء من مهدي الفكي..مع إنو انا بشوف زي الراحل الضو حجوج ممكن يجي يتكلم ويحكي عن كاس مانديلا ولو إنو كلنا يعلم إنو تم صدفة وبمجهود وقلب الرجال اللاعبين في الاول ..
إنتو محصلتكم لي نجاح الإدارة كأساست خارجية وهذا ما لم يحققه الريس في زمنه ..
أيي كلام من الريس انا بشوفو تنظير ليس إلا مع كااامل إحترامي ليهو ويعلم الله ..
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
Quote: ويا أبو عمير على الأقل ناس ابو العايلة وعبدالله الطيب كانوا حاسمين وأصحاب شخصيات قوية حتي
على الإعلام .. عكس جيل الاداريين الحالي تماما . |
يا طلحة قصة الإدارة دي شااائكة ومجهجهة شديييد ف يالسودان وما بتعرف تقول الزمان صاح ولا غلط..
البيحصل من جوطة إدارية هم ناس زمااان زااتم النحن بنشكرهم ديل ..صاح في أفراد كانو علامات فرقة في الادارة للأندية لكن يظل السواد الأعظم من الإداريين حقين زمانهم أبان جلاليب وعكاكيز ومراكيب ..والعقلية هي ذااات العقلية ..
نحن ركزنا في السابق على نوادي التربية وده والله شي جمييل ..لكن طالما الشغلانة كانت كوورة فمفروض نركز في الكورة ..مع ذكر نقطة مهمة شدييد غنو معظم لاعبين الكورة ومن زمااان ما متعلمين ..
عارف يا طلحة انا مليييت وفترت من حكاوي لعيبة وإداريين ناس زمان دي .. قصص يصورو ليك فيها عظمتهم وأيامهم وقممة روعة الررياضة وتصافيها وتاخيها على ايامهم وقممة العطاء والمجد للكرة السودانية على ايامهم مع إنو والله ده كلللو كلام ساااي وحكككي يا قول ناس الخليج أسمع جعجعة ولا أرى طحين ..
بيضة الديك الإسمها كأس افريقيا طيلة سنوات مجدنا..ولم يفتح علينا الله بكأس اندية واااحد في ظل كل هذه الاسماء العظيمة الرنانة من كمال عبد الوهاب لي منزول لي جكسا لي لي لي..
عارف يا طلحة انا بحب وبعتققققد جدددددا في البروف كمال شداد ليي؟؟؟ لأنو الزول الوحيييد الدوغري وواااضح وقال الكلام ده في كتيير من ندواته..
شررح ليك تاريخ الكورة السودانية وحكى قصص وخزعبلات ما يسمى بالعصر الذهبي وحكى بكل شجاعة حتى عن ال شداد..
لو في زول واااحد انا بحترم رأيو الرياضي فهو هذا العملاق شداد لأنو أييي كلام قالوا وأييي تشريع شرررعو طلع مستقبليا كلامو فيهو صاااح والناس هي الما فاهمة ...
| |
|
|
|
|
|
|
|
|
|
Re: يا غارزيتو... (Re: عمر الفاروق)
|
Quote: عارف يا طلحة انا بحب وبعتققققد جدددددا في البروف كمال شداد ليي؟؟؟ لأنو الزول الوحيييد الدوغري وواااضح وقال الكلام ده في كتيير من ندواته..
شررح ليك تاريخ الكورة السودانية وحكى قصص وخزعبلات ما يسمى بالعصر الذهبي وحكى بكل شجاعة حتى عن ال شداد..
لو في زول واااحد انا بحترم رأيو الرياضي فهو هذا العملاق شداد لأنو أييي كلام قالوا وأييي تشريع شرررعو طلع مستقبليا كلامو فيهو صاااح والناس هي الما فاهمة
|
طبعا كلامك أكيد ح يكون قلقل كيان كل جماعة الفوضي والعشوائية والمصالح الخاصة وهم
الغالبية العظمي .
سلمت يا أبو عمير ياخ ..
عايز لي خمسة ستة منك والحبيب عامر الفوق دا عشان أراهن على إنو الكورة السودانية ح يكون عندها شنة ورنة .
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
Quote: أوافق يا عامر وأقترح أن تفتح بوست بالإسم دا وننقل فيهو بعض المداخلات الهنا
دا على أن يستمر النقاش على منوالها هناك . |
تسلم يا طلحة ... ياها دي المحرية فيك يا ملك!
ح أبلور الفكرة وأرتبها وبإذن الله سيكون البوست جاهز في اقرب وقت
وأن شاء الله بقية الشباب ديل كلهم يكونوا معانا .. ودعوة خاصة للفاروق عمر
عشان ما يحرمنا من رؤاه وافكارو!
ــــــ
بالمناسبة ود البشرى دا أختفى وين؟
| |
|
|
|
|
|
|
|
|
|
Re: يا غارزيتو... (Re: عمر الفاروق)
|
| Quote: ولو إنو انا بشوف هلال اسة احسن كتييير.. |
بي بريرو
ــ
| Quote: والعقلية هي ذااات العقلية |
هسي جابت ليها عقلية ولغة شوارعية وبلنجة يسارية
ياحليل أبان جلاليب وعكاكيز
ــ
أسوأ إدارة في تاريخ الهلال البِتّدير في الهلال حاليا"
أسوأ من الكذب تاني في شنو؟؟
ـ
ياالفاروق إتفق معاك تماما" في د. شداد
و ...كاام داون كاااااام داون
| |
|
|
|
|
|
|
|
|
|
Re: يا غارزيتو... (Re: أمير محي الدين محمد)
|
الأميرين ونبدأ بي الأمير عمر :
يا زول نحن رهن الإشارة ..الكورة دي بتهمممنا شدييد والله وانا ما اكضب عليك بييي عولاقا ده بحبببها بل ومرات كتيرة لو ما اتعولقنا ما بقتنع انو دي كورتنا :)
سر ونحن معاك مش من خلفك :)
الأمير محي الدين :)
بالمناسبة البلنجات دي شغالة من زمااان بس زمان ماف إعلام..والله تسمع قصص وبلاوي بيعملوها إداريين زمان تشييب الراس البرير جمبهم اسة حمل وديييع ..
| |
|
|
|
|
|
|
|
|
|
Re: يا غارزيتو... (Re: عمر الفاروق)
|
Quote: الكورة دي بتهمممنا شدييد والله وانا ما اكضب عليك بييي عولاقا ده بحبببها بل ومرات كتيرة لو ما اتعولقنا ما بقتنع انو دي كورتنا :)
سر ونحن معاك مش من خلفك :) |
تشاهد مرات ياعمر مباريات وحصص في الكورة تقول تاني ما تقبل تشوف كوره سودانية
لكن بيني بينك كورتنا بي اي شيء وزي ما بتقول بعولاقها تهمنا ومرات نشاهد مبارايات ليس طرفها هلال مريخ ولكن لانها كورة سودانية خالصه
كع كرع كع
.
.
امير بجيك للرد ...
| |
|
|
|
|
|
|
|
|
|
Re: يا غارزيتو... (Re: طلحة عبدالله)
|
والله أظنننو أمير ..
انا شايفك شابكو عامر وانا لقناعتي إنك بتعرف أيي شي في أييي شي قلت هو انا بعرف أكتترمي الحيكووومة ؟؟؟
أميييير يا طلحة ياخ أمييير 
| |
|
|
|
|
|
|
| |
محمد البشرى الخضر
مجدي كنة
فاروق عثمان
سامى عبد المطلب
عبد الله فقير
د. ياسر عبد القادر
الصادق صديق سلمان
عمر الفاروق
محمد عبدالرحمن
khaleel
Omar Bob
وليد عبد اللطيف
Yassir Tayfour
الحاج حمد الحاج
ismeil abbas
tmbis
keiga2000
Amir Omer
عبد الحكم ابراهيم الحاج
سارة علي
فيس بوك
تويتر
انستقرام
يوتيوب
بنتيريست