|
بــــا .. بووووووو .. ررررر
|
انـا كنت في اجازة لمدة اسبوع .. والحمد لله بعيد عن النت .. وبعيد عن سودانيزاونلاين .. وبعيدا من القلـــب .. وفي المثل الصينيالمعروف ... البعيد من القلــــب بعيد من (الـــــرش) والمثل السوداني المشهور الذي جا فيه ردا على المثل الصيني ..وذلك بي حكمـة (كوشيـة) قديمة ..: البترشـة في استادو .. بيخنــق ..
اديكم ميزة ..؟ زوووط
يللا تعالوا ابكوا هنـا دا .. على وزن ابكوا هنا دا ..
|
|
|
|
|
|
|
|
Re: بــــا .. بووووووو .. ررررر (Re: أمير محمد ادريس)
|
Quote: داون داون تحياتي يا هندسه |
ههههه .. يا امير .. ياخ والله المسالة شكلها كان كعب عديل كدا دا .. بعدين اكرم الهادي دا .. الدوري الممتاز يرقص .. الدوري الاسباني يرقص الدوري الانقليزي يرقص .. اليوم البلعب فيها يزلقوها ليهو تمشي فيهو ..؟ والله انا يا امير لو كنت مكان اكرم الهادي دا .. تاااني الحضري إلا يلعب كركد في بنغلاديش .. يجي ينبرش في أول محاولة غير جاادة ..؟
| |
|
|
|
|
|
|
Re: بــــا .. بووووووو .. ررررر (Re: انور التكينة)
|
Quote: ممكن نطلب تأجيل حتى يوم الثلاثاء ؟ تمبس ازيك .. و تحياتنا للدكتورة |
سلامات يا استاذ انور .. دوريا ما عندك فيهو نفقه ما تعد ايامو .. انت قايل الصينيين ديل بيصنعوا لينا الامثال دي ساااكت كدا ..؟ تقبل تحيات الدكتورة .. وسلاماتها ..
| |
|
|
|
|
|
|
Re: بــــا .. بووووووو .. ررررر (Re: khaleel)
|
Quote: خابور بابور مريح ازاح من اللاعبين توتر مباراة التلاتاء نلعب باعصاب هادئة |
... يــا خلي .. ازيك يا رشــاشة ..؟! أول حاجة .. انا كما اعلنت قبل بداية الموسم الكروي دا .. اني اعلن انسلاخي عن تشجيع الهلال هذا الموسم .. ليس بسبب رحيل هيثم مصطفى .. لا .. وليس جراء حرده عابره .. انما لاسباب موضوعية . اولها واولها .. وا اولها ..هذا الغارزيتو .. وانا ما زلت ممسكا ومتمسكا بقراري المهم دا .. لذلك .. مباراة الهلال اما الندي التقليدي بالرغم من انو حمام ميت .. اتمناها تلاتـة صفر للمريخ السوداني .. الهلال يحتاج إلى هزة قويـة يا خليل حتى يفيق من حولـه .. لنرى الهلال الذي نعرفـه الذي يمتعنا لعبا ونتيجـة ،،ـ كان شي صحي ان يهتف الجمهور .. في وجـه غارزيتو يوم لقاء اهلى عطبرة .. واتمنى ان يقاطع الجمهور مباراة يوم الثلاثاء .. داخل الاستاد .. ويجد الفريق نفسه وحيدا .. بدون سند جماهيري .. لنرى جمهور واعي .. يعرف تماما مصلحة ناديه الذي ستمر عليه ايام من الاحباطات غير تلك التي مرت بنا بنهاية الموسم السابق وقبل بداية هذا الموسم .. لا هـــلال اشجعه .. إلا بذهاب غارزيتو ... وعودة الفاتح النقر او اي من ابناء الهلال الذين يعرفون ما هو الهلال .. ليس هذا المرتزق المأجور لتفتيت كيان الهلال ..
| |
|
|
|
|
|
|
Re: بــــا .. بووووووو .. ررررر (Re: tmbis)
|
Quote: والله انا يا امير لو كنت مكان اكرم الهادي دا .. تاااني الحضري إلا يلعب كركد في بنغلاديش .. يجي ينبرش في أول محاولة غير جاادة ..؟ |
ما ده الجنن عبد القادر زااااااااااااااتو
وفي رواية اخري
جنن طلحه
| |
|
|
|
|
|
|
Re: بــــا .. بووووووو .. ررررر (Re: haroon diyab)
|
والله يا هـارون .. امسكو جيدا في طنظير دا .. غايتو هو شخي في الأمر المريخي .. دا طبعا لو خلاهو الزول القاعد جمبو ينظر لينا بي شكل جيد طلحـة دا اول زول دق ليكم جرس الحضري ما صدقتوهو .. لكن كسحابات كدا .. يا هارون الحضري زي غارزيتو واحد .. الاتنين ضيعوا الناس .. الحضري ضيع من المريخ امكانية المنافسة على كاس الترضي .. وغارزيتو طلعنا من الجنة وسقطـة بي طريقة صبيانية خالص .. معروفة للناس القاعده تلعب تنس طاولة وما ليها علاقة بي كرة القدم .. حقو الناس تصحى شوية اكان في الهلال او المريخ .. دا كلام فارغ البيحصل دا يا هارون ..
| |
|
|
|
|
|
|
Re: بــــا .. بووووووو .. ررررر (Re: جمال عبد الناصر محمد)
|
Quote: هههههههههههه تامبا يا عزيز كدة خلاص ارتحتو ؟ قلت لي كنت ما خد اجازة من شنو ؟؟؟ |
.. هههههههه والله يا جمال عايز الصح واللا ود اعمــووو ..؟ اي رشـة حتى ولو كانت صلاخيـة بتريح الواحد في كنكوج عمر الفارروق اريح حاجة في الدنيا .. لما تنومو كدا مرشوشين او شبـه مرشوين .. متعة ياااخ .. ..
| |
|
|
|
|
|
|
Re: بــــا .. بووووووو .. ررررر (Re: عمر الفاروق)
|
Quote: ياخ انا سرحت كدااااا. وحنّيت ليك على لعيبة المريخ ديل كيف!! حولاااا.. |
والله اقوليك حاجة يا عمر .. انا ما حضرت الكورة .. لكـن بي كلامك دا حسسسع دي حننتني انا ذاتي .. ما عارف لييه كلما اشوف هيثم مصطفى بي فنلـة المريخ اتذكر ليك ادوارد جلدو زمااانك مع ناس جمال ابوعنجو وابراهومــه
| |
|
|
|
|
|
|
Re: بــــا .. بووووووو .. ررررر (Re: خالد عبد الله محمود)
|
Quote: ممكن نطلب تأجيل حتى يوم الثلاثاء ؟ |
اوعى تسمع كلام انور يا تامبا تاخد حقك مقدما وناشف وتدوّر كيتتك زي الماحصل شي, الظروف ما معروفة لي قدام و قصة ممتنع عن تشجيع الهلال ما بتمنع موبايلك يستقبل الرسائل العجيبة ديك انا دوّرت البوست الكج المعتاد بعد قون البابور طوالي فيه زي خرتمية زوووط كدا اتفشيييييت تمام, لكن يدي في قلبي الماوس كان جاهز على شيل يا بكري ..الغريبة اتستروا معاي المرة دي ههههههههههه
| |
|
|
|
|
|
|
Re: بــــا .. بووووووو .. ررررر (Re: محمد البشرى الخضر)
|
Quote: ما معروفة لي قدام و قصة ممتنع عن تشجيع الهلال ما بتمنع موبايلك يستقبل الرسائل العجيبة ديك |
وانت الصادق يا كجنا .. يوم مباراة البرشـة والريال الاولى الاتظعمطنا فيها كتير ديك .. يا زول وحياة ابتسامتك قاعد اتعشى في عشاي وخاتي تلفوني قدامي في التربيزة .. اسمع ليك التلفون زوووووووووووووو .. يزحف ويتمرصع ويزح ف يالتربيزة قلت التلفون دا جنه ..؟ طلعت التلفون التاني من جيبي ختيتو ليك جمب التلفون التاني .. اكن اشوف ليك التلفونات انقرنت مع بعض .. بعد شوية التلفونيين شبكو ني ليك زووووووطك .. تخيل فتحت التلفون الاولاني ما اداني اي حاجة .. قرنتو بي التلفون التاني .. الرسالة الزوطية دي نطت من الشاشة الاولى لي الشاشة التانية حتين قدرته اقراها بشكل جيد .. عالم ما عندها اخلاق بي تعريفة .. دا طبعا صاحبك حمودي ود الصايم انا الغاظني في المسالة دي .. مع الهجمة بتاعت زوووط دي .. لمن اللقمـة وقفت لي في حلقي .. ..
Quote: لكن يدي في قلبي الماوس كان جاهز على شيل يا بكري ..الغريبة اتستروا معاي المرة دي ههههههههههه |
تااااني .,. تاااني يا ود البشرى ..؟ غايتو حظك سمح لو انا كنت قريب .. كان بلعتك ليهو قبال ما الكورة تنتهي .. انا ما عارفك بتتحمل كيف
| |
|
|
|
|
|
|
Re: بــــا .. بووووووو .. ررررر (Re: khaleel)
|
يا جماعة تمبس دا ادوه فرصة يلعلع ويفضفض شوية اصلو الزول دا عندو عادة قبل مباراة هلال مريخ بطلع لسانه طويل ههههههههه وبعد المبارة بختفي وتاني ما بتلقوه سما واطه واحتمال يحصل ليهو خسوف كلي لمدة شهر لي قدام
+
مشتاغوووووووون
| |
|
|
|
|
|
|
Re: بــــا .. بووووووو .. ررررر (Re: جمال عبد الناصر محمد)
|
Quote: دا كلام فارغ البيحصل دا يا هارون .. |
اتفضل للتأكيد :
Quote: تؤكد الزاوية أن رئيس المريخ المستقيل جمال الوالى قد أكمل إتفاقه مع الحارس عصام الحضرى على كافة التفاصيل وسيعود الحضرى للخرطوم اليوم السبت كما قام قطب النادى وصديق الحضرى الفاضلابى بالتنسيق مع اللاعب بخصوص الشقة والسيارة وتم توفيرهما بالفعل بتوجيهات من جمال الوالى وسيتسلم الحارس الدولى السيارة فور وصوله ومن ثم سينتقل إلى شقته قبل أن يشارك فى تدريب المريخ المسائى. |
وبدون تعليق كمان
| |
|
|
|
|
|
|
Re: بــــا .. بووووووو .. ررررر (Re: haroon diyab)
|
وشوف كلامو الاخير
Quote: نفى عصام الحضري حارس مرمى المريخ ان يكون قد توصل الى اتفاق مع مجلس ادارة نادي المريخ لمزاولة نشاطه بصورة طبيعية مع الفريق وقال في تصريحات خاصة لـ(الزاوية):" لا يوجد اي جديد في الامر " وعندما سالته الزاوية عن تدخل الوالي لحل الازمة قال الحضري:" لا هذا لم يحدث ، وبالنسبة لي انا قفلت باب المريخ بالضبة والمفتاح ، ونفسياتي ماينس 100" وطالب الحضري بعدم سؤاله مجددا عن وضعه في المريخ وقال:" من يريد ان يعرف الجديد عليه ان يسال مسؤلي المريخ وليس انا " واكد الحضري انه يحترم جماهير المريخ ويحترم نادي المريخ وقال:"الجميع يعرف من فرق بيننا الان" وذكر الحضري انه لن يواصل مشوار مع المريخ مستقبلا واضاف:" فقط ستبقى ذكرياتي الجميلة مع الجماهير وزملائي في الفريق" واختتم الحضري تصريحاته بالتمنيات للمريخ بالنجاح في الموسم الجديد |
| |
|
|
|
|
|
|
Re: بــــا .. بووووووو .. ررررر (Re: صبري طه)
|
Quote: غايتو النقطتين ديل تاني إلاّ أنتظر ولدي الفي الابتدائي يتخرج من الجامعة عشان نحصّلكم |
يعني الجماعة كبو جرسلين من حسع دي ..؟
مفروض طوالي يا صبري كان تقوليهو الله هونيني يا بالميت كدا تقول ليهو نحن في المريخ نهوى .. وإلخ من الموال ايـاه
| |
|
|
|
|
|
|
Re: بــــا .. بووووووو .. ررررر (Re: محمد عبد الماجد الصايم)
|
Quote: : نفى عصام الحضري حارس مرمى المريخ ان يكون قد توصل الى اتفاق مع مجلس ادارة نادي المريخ لمزاولة نشاطه بصورة طبيعية مع الفريق وقال في تصريحات خاصة لـ(الزاوية):" لا يوجد اي جديد في الامر " وعندما سالته الزاوية عن تدخل الوالي لحل الازمة قال الحضري:" لا هذا لم يحدث ، وبالنسبة لي انا قفلت باب المريخ بالضبة والمفتاح ، ونفسياتي ماينس 100" وطالب الحضري بعدم سؤاله مجددا عن وضعه في المريخ وقال:" من يريد ان يعرف الجديد عليه ان يسال مسؤلي المريخ وليس انا " واكد الحضري انه يحترم جماهير المريخ ويحترم نادي المريخ وقال:"الجميع يعرف من فرق بيننا الان" وذكر الحضري انه لن يواصل مشوار مع المريخ مستقبلا واضاف:" فقط ستبقى ذكرياتي الجميلة مع الجماهير وزملائي في الفريق" واختتم الحضري تصريحاته بالتمنيات للمريخ بالنجاح في الموسم الجديد |
الحضرى راجل زكى جداً فى حتة القروش دى ياهاورن. يعنى بيلعب ضاغط كدة لاخر لحظه مع ناس المريخ . مجرد ما يستلم الدولارات بيجى يبلع كلامة ده زى الما حصل حاجه.
اقول ليك ميزة فى فضل بابوور ده يا تمبس . الزول ده متخصص فى المريخ وده ما اول زووط. الحل شنو اوع تقول يسجلوهو معاهم .
| |
|
|
|
|
|
|
Re: بــــا .. بووووووو .. ررررر (Re: haroon diyab)
|
يا هاروون راجع كلام الطائف دا .,. الحضري قاري ذاكرة الشعب السوداني كلو وبي مزاج .. وقاري كمان ذاكرة الشعب المريخي .. علشان كدا بيلاوي في حتات هو عارفه تمام .. والتصريحات دي كل مرة قاعده تتكرر وبالكربون .. الحضري من دون المحترفين الذين يلعبون في السودان الآن يعتمد على عنتريات (وجيب) جمال الوالي معروف جمال الوالي لماذا اتى بالحضري .. ومعروف لماذا الحضري يتضارى من خلف جلباب الوالي .. الحضري اتى السودان مستثمر اجنبي مثله ومثل عمال البلاظ والسيراميك وبقية العمالة المصرية التي انتظمت السودان حاليا .. بس الحضري على شوية كدا .. الحضري يتلخص في انو ما عايز يلعب كورة .. او بالاحرى قدر كورتو الباقية دي عايز يلم بيها اكبر كمية من الدولارات .. والسودان ارضية خصبة .. انظر لبقية المحترفين في كل الاندية الاخرى بما فيهم الهلال .. وقارن بين اللعيبة في انتظامهم مع الفرق وبين الحضري الذي يفتعل المشكلات ويلوح بالرحيـل دائما .. ولا يتنازل غلا بعد ان يتدخل الحضري ويستخدم الميكي جيب ..
| |
|
|
|
|
|
|
Re: بــــا .. بووووووو .. ررررر (Re: محمد البشرى الخضر)
|
Quote: دي عنصرية بغيضة ... يعني مستكترين على فرق الهامش التعادل مع فرق المركز .... |
..
Quote: تابما بالله تعال رد على ابوحسين الراجل مداخلاته معدودة لمّا يبرّك بي واحدة منهن معناتها قدّرك تقدير شديد :)
|
... .. والله يا معلم ابو حسيـن انا كنت عايز ارد ليك زيك وزينا واحد .. لكن نبهني اخونا وزميلنا في الموقع محمد بشرى الخضر انو عندك تلاتة بس وقاعد تختهم للرد الاسود والبقية بتكتب بيهو نظام رسالة من تحت الماء . إني اغرق اغرق اغرق يا زول الله كريم ما تهتم للايام ظروف بتعدي .. غن شاء الله بكرة القريبة دي يجي عفـو عام وترجع تاني تكتب زينا واااحد
... ().. غايتو يا ود البشرى شكيتك على اب ايدا قوية .. ابو حسين دا علاقتي معاهو سمحة وقريب جدا واول زول بيأترني .. اهو زي ما شايف البسمع كلامك .. يترشة في صمـة خشمو .. لكن كمـان .. اهو ,, الواحد كلما يلقى ليهو فرقـه في واحد دقس يرجمو طوالي ..
| |
|
|
|
|
|
|
Re: بــــا .. بووووووو .. ررررر (Re: tmbis)
|
والله يا تامبا مع إني ما بدور أكرم دا كحارس للمريخ لكن أحسن من مجاميعو مقارنة بالكهل الكذاب الحضري .. أولا الهدف بتاع بابور دا هدف عديل زيو وزي أي هدف بدخل في أي حارس.. بل أكرم غير ملام عليهو والغلطة غلطة المدافع الفات منو بابور زي الفايت ليهو من باب تلاتة ضلف. ثم أن الحضري ملصا عديل في سيكافا وطير المريخ من البطولة .. وعاد وملصا عديل في الكونفدرالية وطير المريخ منها .. الحضري في بورتسودان ركبوا فيهو قون من النص وفي الخرطوم سولي شريف فصل ليهو جلابية جناح أم جكو وحشرا ليهو .. بى سببو فقد المريخ كل البطولات المطروحة في الساحة .. بالضبط كدا يا تامبا زي ما قلتا: دا كلام فارغ وكوراك أولاد بالغين يا دوبك .
| |
|
|
|
|
|
|
Re: بــــا .. بووووووو .. ررررر (Re: سيف الدين محجوب)
|
Quote: تابما بالله تعال رد على ابوحسين |
و إنت مالك محنن يا كابتن حسن ....؟؟؟؟
Quote: الراجل مداخلاته معدودة لمّا يبرّك بي واحدة منهن معناتها قدّرك تقدير شديد :) |
لا تقدير و لا أي حاجة لكن تقضية وقت بس ... عليك الله إنتو الإتنين بتستاهلو كلمة وااااااحدة مني خليها مداخلة كمان ...
Quote: والله يا معلم ابو حسيـن انا كنت عايز ارد ليك زيك وزينا واحد .. لكن نبهني اخونا وزميلنا في الموقع محمد بشرى الخضر انو عندك تلاتة بس وقاعد تختهم للرد الاسود والبقية بتكتب بيهو نظام رسالة من تحت الماء . إني اغرق اغرق اغرق يا زول الله كريم ما تهتم للايام ظروف بتعدي .. غن شاء الله بكرة القريبة دي يجي عفـو عام وترجع تاني تكتب زينا واااحد |
يا تامبا ياخ كابتن حسن دا زول بتاع إشاعات و كدا فا شنو حاول إنك ما تصدق أي شئ إقولو ... بعدين ياخ مداخلة واحدة من أبو حسين تساوي عشرين مداخلة من مداخلات كابتن حسن ....
Quote: غايتو يا ود البشرى شكيتك على اب ايدا قوية .. ابو حسين دا علاقتي معاهو سمحة وقريب جدا واول زول بيأترني .. اهو زي ما شايف البسمع كلامك .. يترشة في صمـة خشمو .. لكن كمـان .. اهو ,, الواحد كلما يلقى ليهو فرقـه في واحد دقس يرجمو طوالي . |
غايتو أعمل حسابك ما إبقى عليك المثل البقول
البباري كابتن حسن بسجلو في الزمالك
| |
|
|
|
|
|
|
Re: بــــا .. بووووووو .. ررررر (Re: محمد البشرى الخضر)
|
غايتو يا ابوحسين زول بي فقارتك ومساختك دي اصلو ما لاقاني التلج نكسّر و نشكّرك وبعد دا تجي تتفاقر وتتماسخ اصلو بكري ما خاتي عليك و التلاتة زاتهن كتيرات كان يخلّيهن واحدة ونص
ود البشري لقيتك حاكد شديد
ياخ ابو حسين اسي مفروض نطالب من بكري يفك حظرو ده
تاما سيد البوست ازيك
وهاك البابور جاز ده كمان هديه
ابو حسين عساك طيب
| |
|
|
|
|
|
|
Re: بــــا .. بووووووو .. ررررر (Re: abas)
|
Quote: ود البشري لقيتك حاكد شديد |
ظهر الحق ...
Quote: ياخ ابو حسين اسي مفروض نطالب من بكري يفك حظرو ده |
و الله يا عباس بقت ما فارقة معاي مداخلة واحدة ما فارقة معاي....
بخير و الحمد لله و إديك العافية ...
| |
|
|
|
|
|
|
|