|
|
 شمار حظكم يا ناس السعودية
|
كان معاي باكستاني قبل شوية قال لي أخوه أمس مشى عشان يجدد إقامة المعقب شال منو الرسوم القديمة فقط
وقال ليهو ألغوا قرار زيادة مكتب العمل 2400 ريال
يسويها الله
|
|
 
|
|
|
|
|
|
|
 Re: شمار حظكم يا ناس السعودية (Re: محمد عبد الماجد الصايم)
|
بعدين يا حمد .. قرار زي دا وسائل الإعلام
منتظراهو من متين عشان تشتغل في (عاجل)
ورسال جوّال ومباشر .. ومزيد من التفاصيل!!
تقول لي الباكستاني قال!!
قوم لف إنت والباكستاني بتاعكـ والمعقب والكفيل هم سلف!!
أقول ليكـ يوم الأربع مجدد وكعّيت على داير مليم!!
| |
|
|
|
|
|
|
|
|
Re: شمار حظكم يا ناس السعودية (Re: محمد عبد الماجد الصايم)
|
يا معلم
| Quote: استلمت الأربع الفات .. قلّعوني زي الترتيب!! |
حظك سيئ يا معلم خيرا في غيرا
تعرف أنا الشهر الفات نقل كفالة هدا حيلي الشهر الجاي تجديد والشهر البعدوا أيجار شقة
نبيض القروش دي ولا نعمل كيف؟
والله يا محمد دخلت المكتب وقلت يا رب يشيلوا المصيبة دي بس أول زول دخل الباكستاني دا وفت لي
ريحني في حنان حناني
| |
|
|
|
|
|
|
|
|
|
Re: شمار حظكم يا ناس السعودية (Re: Emad Khairy)
|
أهلين عماد خيري
| Quote: ربما اقامة اخونا الباكستانى سائق خاص فبعض المهن لا يشملها القرار وبالذات العامله المنزليه |
ياخ الزول دا كان بتكلم عن القرار الأخير لمجمل الناس وبعدين دا ما باكستاني داقس دا زول ليهو 30 سنة بيدفع رسوم إقامة
مرحب بيك في المنبر
| |
|
|
|
|
|
|
|
|
 Re: شمار حظكم يا ناس السعودية (Re: الزبير بشير)
|
Quote: الكلام صاح 100%
دخلنا موقع الداخليه ، اداره الاجانب ، ووجدنا الرسوم فقط 150 + 500 ريال
يعني 2،400 باح يا ود الصايم ، الله اعوضك و ان شاء الله في التجديد القادم |
الشويحاتي يا عمكـ .. كلام سليم
لأنو وزارة الداخلية ما ليها علاقة بالـ 2400!
دي رسوم بتسدد لمكتب العمل لتجديد الرخصة!!
الجوازات زي ما هي!
650 ريـال للسنة + التأمين!!
| |
|
|
|
|
|
|
|
|
|
Re: شمار حظكم يا ناس السعودية (Re: محمد عبد الماجد الصايم)
|
يا جماعة إذنكم ود الصائم دا دقيقة
كاااااااااااااااااااااااااااااااااااااااااااااااااااااااااااااك +كاااااااااااااااااااااااااااااااااااااااااااااااااااااااااااااااااااااااك
زوووووووووووووووووووووووووووووووووووووط +زوووووووووووووووووووووووووووووووط
واااااااااي + وااااااااااااااااااااااااااااااااااااااااااي 
| |
|
|
|
|
|
|
|
|
|
Re: شمار حظكم يا ناس السعودية (Re: عبدالله ود البوش)
|
Quote: دخلت موقع وزارة العمل اولاين عشان أتأكد
ودخلت رابط تجديد الرخص
ودخلت اسم واحد من عمالنا اقامتو قربت تنتهي
طوالي جاني الاتي
2400
100
والاجمالي 2500
|
كدي بالله أدوني حمد دا على جمبه كـدا
زوووووووووووووووووووووووووووط
كااااااااااااااااااااااااااااااكـ
واااااااااااااااااااااااااااااي
وأهههااااااااي زاتو!!
| |
|
|
|
|
|
|
|
|
|
Re: شمار حظكم يا ناس السعودية (Re: محمد عبد الماجد الصايم)
|
عندي مرات { عوارة } كدة غريبة جداً
يعني أكثر واحد مخاتته سايلة وقاعيد { يريل } في السودان ما أظن يتصرف مثل تصرفي
كل مرة استقدام أبنائي ينتهي
وتجديد الاستقدام اجراءاته اصعب من الاستقدام الجديد
يعني اجراءات الاستقدام الجدييد تأخذ مني ثلاث دقائق فقط
اقف فيها أمام موظف الاستقدام وامنحه ملفي واسم الزوجة والأبناء
بعدها مباشرة يطبع لي تذكرة المراجعة
لكن مشكلة الاستقدام الجديد تكمن في السودان
حيث يصفون مبالغ طائلة على اجراءات الاستقدام والفحص
في واحدة من هذه الشطحات وقفت أمام الموظف
تفاجأت بان طلب مني دفع رسوم الاستقدام البالغة 2000 ريال
وانا اعمل بدائرة حكومي ونحن معفيون من ذلك
وقلت له انني عملت استقدام اكثر من خمس مرات
فقال لي لو كانوا بياخدوا منك رسوم ماكان تصرفت مثل هذا التصرف
وطلب مني ان اراجع بنك الرياض
وركبت ليموزين بجدة لأنني لا اعرف مكان البنك
وبكل أدب دفعت الألفين ريال
وفي ذلك اليوم من الزعل اضربت عن الطعام
وبالطبع طالت هذه العاصفة ست النفر وابنائها الأبرياء
فقد كانوا ياتون بالطائرة
لكن دفع هذا المبلغ أحدث شرخاً في الميزانية فأتوا بالباخرة
المهم تمر سنتين على هذا الحدث
وأدخل بالصدفة لموقع الاستقدام والجوازات
اشوف ليك في الصراف الآلي قروشي قاااااااااااااعدة
والكمبيوتر الظريف يقول لي لديك في حساب الاستقدام الفين ريال
مشيت طوالي بنك الرياض وذكرت لهم ذلك
وخلال عشرة دقائق رجعت الألفين الى قواعدها سالمة
الف ذهب لايجار البيت دفعة شهرين
وبالطبع الألف الآخر عدة وملايات !!!
اها ياود الصائم قول ياشيخ ابوحراز تنجدنا وتسترنا وترجع لينا ضحاكاتنا
وان شاء الله ترجع ليك قروشك
وماتنسى البياض !!!!!
| |
|
|
|
|
|
|
|
|
|
Re: شمار حظكم يا ناس السعودية (Re: ابوحراز)
|
مرحب باشمهندس ابو حراز
Quote: لمهم تمر سنتين على هذا الحدث
وأدخل بالصدفة لموقع الاستقدام والجوازات
اشوف ليك في الصراف الآلي قروشي قاااااااااااااعدة
والكمبيوتر الظريف يقول لي لديك في حساب الاستقدام الفين ريال
مشيت طوالي بنك الرياض وذكرت لهم ذلك
وخلال عشرة دقائق رجعت الألفين الى قواعدها سالمة |
ياخ انت ود شيوخ عديل كدا
لكن أقول ليك حاجة الكمبيوترات دي لما تتأمن صاح أمينة أكثر من البني آدمين
يعني قروشك لو كانت زمن الفايلات يمين الشيخ المكاشفي ما كان رجعا ليك
شيئ تاني نوع القروش الزي ديل بفرحن شديد لأنك قنعت منهن خلاس
ودائما بكونن مبروكات بركة شديدة
| |
|
|
|
|
|
|
|
|
|
Re: شمار حظكم يا ناس السعودية (Re: محمد عبد الماجد الصايم)
|
بعد مداخلاتكم دى طوالى دخلت على موقع الشركة التى اعمل بها فى خدمات مكتب العمل(الالكترونية) لاجل اصدار كرت عمل لاحد العاملين (بالرقم السرى طبعا) ولقيت لييييييييييييييك الخازوووق الـ (2400 ريال + 100 ريال) قاااااااعدة زى ماهى ولازم تسددها عشان تاخذ الكرت. والجايات اكتر سمعنا رسوم (200) ريال شهرى لكل طالب اجنبى فى مدارس حكومية سعودية وسمعنا (200) ريال لاى شهر اضافى فى الخروج والعودة وسمعنا (200) ريال اذا مسجل سياره باسمك لدى المرور سنويا وامسكوا الخشب.
اسمعوا كلام ود الصائم وماترموهو البحر
لكم مودتى ... وبالطريقة دى نتلاقى فى السودان ياود الصائم
د. محمد الهادى
| |
|
|
|
|
|
|
|
|
|
Re: شمار حظكم يا ناس السعودية (Re: محمد عبد الماجد الصايم)
|
قالوا فى واحد باكستانى جاى من المدينة المنورة و من مطار جدة ركب تاكسى قال ليه ودينى الجوازات . بتاع التاكسى وداهو الجوازات . الباكستانى اختلط عليه البقر . قال ليه يا شيخ هادا مو جوازات . جوازات بنى مالك . و طبعاً الباكستانى الان ( السمحة قالوا مرحلة )
تحياتى
| |
|
|
|
|
|
|
|
|
|
Re: شمار حظكم يا ناس السعودية (Re: محمد الهادى عبد الرحيم)
|
مرحبا محمد الهادي
| Quote: وبالطريقة دى نتلاقى فى السودان ياود الصائم |
السودان زاتو ما بشيلنا حتمشي تلقى الكيزان فاتحين خشومهم ليكم كدا ها ويزيدوا ليكم الرقم الوطني طوااالي
شفت الحاجات الصغيرة صغيرة دي ناس 200 و100 ريال ممكن تحصل وتستمر بس القرار دا عوق مؤسسات كتيرة وممكن يؤدي لحاجات كتيرة أقلها تزوير الإقامات
عشان كدا التراجع عنو كان متوقع
| |
|
|
|
|
|
|
|
|
|
Re: شمار حظكم يا ناس السعودية (Re: مجاهد محمد الهادي)
|
أهلين مجاهد ومرحب بيك في المنبر
انت ولد محمد الهادي الفوق دا ولا تشابه اسماء عشان نلحقكم عائلات سودانيز
| Quote: فعلا كنت احتفظ بخبر ورد في جريدة الرياض عن قرب إلغاء أو تأجيل القرار |
تعرف الناس ديل روحهم سلبة عديل كدا قراراتهم بتاخذ وقت طويل حتى تتطلع لكن الرشح بحصل وبكون أقرب للحقيقة لأنهم ما بقدروا على القوالات دي
نحن ذاتنا اتعلمنا منهم هسة أنا الباكستاني أداني ضهرو بس فتحت سودانيز ورشيت ليكم القوالة
| |
|
|
|
|
|
|
|
|
|
Re: شمار حظكم يا ناس السعودية (Re: الامين موسى البشاري)
|
مراحب يا بشاري
Quote: بخت ذو الكفل يا حمد
نحن دخلنا شنو في الموضوع دا .. والله صحي |
آخ ثم آخ يا أولاد المصارين البيض
يمين نحن الفازلين حق المعقب مننا
تعرف أنا لما نقلت كفالة جبت الجواز للكفيل الجديد قال لي خليهو معاك ، قعدت أحنس فيهو عشان يخلي الجواز معاه
قلت ليهو شيلوا ياخ خليني أحس إنو عندي كفيل في الزايلة دي
زول طيب طيبة مبالغة
| |
|
|
|
|
|
|
|
|
|
Re: شمار حظكم يا ناس السعودية (Re: الزبير بشير)
|
| Quote: كيف يا ود الصايم ، يبدو انو اخوك طاش شبكه |
الزبير يا عمكـ
الرسوم بتاعت الـ 2400 دي فرضتها وزارة العمل
والداخلية (تحتها الجوازات) ما ليها أي علاقة بالمبلغ دا!
رسومها هي القديمة المعتمدة 650 ريـال للسنة + التأمين
الداخلية بترفض تماما الارتباط بأي شبكة تانية غير الأجهزة الأمنية
التابع ليها: الجوازات، المرور، الشرطة، وكـدا
البقية كل واحد ياكل نارو!
في فترة سابقة حاولت شركات الاتصالات بكل السبل
عشان تعمل اتفاقيات مع الداخلية لاستخدام قاعدتها
عشان لما تجي تسافر ويكون عندكـ مديونية جوال أو ثابت
ما تقدر تعمل أي إجراءات إلا بعد ما تسدد .. بنفس نظام
المخالفات المرورية .. لكن الداخلية رفضت وقالت ليهم لو
بتدونا قروش المديونية دي كلها ما دايرين .. دبرو حالكم!!
أها الرسوم دي هسي تابعة لمكتب العمل
وهو البتجدد عندو رخصة العمل قبل تجديد الإقامة
القرار بـتاع 2400 ريـال لا يشمل العمالة المنزلية
يعني أي زول كفالة فردية ما عندو قصة بالموضوع دا!!
حتى الشركات التي يكون فيها عدد الأجانب والسعوديين
متساوي لا يفرض عليهم دفع المبلغ ..
50:50 غير مشمولة بالقرار!
49:50 تتليّس فيكـ الـ 2400 زي الترتيب!!
معظم الشركات الكبيرة اتورطت وبقت هي المسؤولة عن دفع القيمة الزائدة
لكن كمان الشركات الصغيرة والفردية وناس قريعتي راحت زينا ماف طريقة
تعمل حسابكـ: تجديد الإقامة + الإيجار + التأمين + رسوم العمل + المصاريف
+ .. زايد شنو تاني .. ممكن نقول دا كلو - من صحتكـ والله يعين!!
أقــول قولي هذا .. وجهزوا قروشكم يرحمكم الله!!
| |
|
|
|
|
|
|
|
|
|
Re: شمار حظكم يا ناس السعودية (Re: الزبير صالح الزبير)
|
| Quote: المصدر برضو واحد باكستاني من نواحي الجزيرة جنوب مدني |
ياااا عمكـ الزبير
مصدركم لو بقى باكستاني من نواحي مكة المكرمة
برضو دفعنا .. وجهّزوا قروشكم تب!!!
_
ياخ والله الواحد متمني الخير للناس وإنو
الموضوع دا يتشال .. لكن ما بالسهولة دي!!
| |
|
|
|
|
|
|
|
|
|
Re: شمار حظكم يا ناس السعودية (Re: احمد حمودى)
|
مرحب أحمد حمودي ومرحب بيك تاني في المنبر
| Quote: مشكوووور حمد عبد الغفار من بقك للسماء |
شكرا ليك انت ونأمل أن يكون صحيحا فترنا ياخ بقة لافين صينية نجمع بس ويجي الفيل يفجخ البفجخو ويشيل الباقي
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
سلامي استاذ حمد
أي قرار زي ده بيطلع أولا في موقع وزارة العمل
ومن بعده في وسائل الاعلام
وتسبقه دائما تصريحات مسئولين . . .
وتداولات وجلسات وبرامج ولقاءات
و . . .
الباكستاني ده شكلو عامل منزلي
العمالة المنزلية ليس عليها بطاقة العمل
وبالتالي لا تدفع رسوم مكتب العمل
كل الود
| |
|
|
|
|
|
|
|
|
|
Re: شمار حظكم يا ناس السعودية (Re: ولياب)
|
قد يكون الشخص المعني كما قال بعض الاخوان من الفئات التي لا يشمملها القرار او ان تكون الجهة التي يعمل بها تشغل عمالة سعودية تعادل خمسين بالمائة من العاملين بها..
والقرار هو قرار مجلس الوزراء ولا تستطيع اي جهة ان تلغيه او تجمده سوى مجلس الوزراء او الملك ..
| |
|
|
|
|
|
|
|
|
|
Re: شمار حظكم يا ناس السعودية (Re: الزبير صالح الزبير)
|
تعرف يا حمد قبيل الصباح واحد يمني شغال معانا حكي لي نفس الحكاية دي
قال واحد قريبو يمني جدد بالرسوم القديمة
طبعاً إستبعدت الكلام و قلت ليهو يمكن زولك ده عامل منزلي
لكن لما قريت البوست بتاعك جاني شك إنو الكلام يكون صحيح
| |
|
|
|
|
|
|
|
|
|
Re: شمار حظكم يا ناس السعودية (Re: خالد عبد الله محمود)
|
قرار الـ 2400 جوبه باحتجاجات من قبل التجار ورجال الاعمال وزارة التجارة قالت ان القرار غير قانوني
قرات قبل يومين تقريبا عن ان الموضوع سياخذ طريقه لطاولة مجلس الوزراء ليتم البت فيه وبحسب الخبر احتمال ان ياخذ مجلس الوزراء قراره باعادة النظر في هذه الرسوم
يمكن بلعوهو كتيمي
| |
|
|
|
|
|
|
|
|
|
Re: شمار حظكم يا ناس السعودية (Re: مهدي صلاح)
|
مرحب محمد عبد العزيز ومنور المنبر
Quote: أي قرار زي ده بيطلع أولا في موقع وزارة العمل
ومن بعده في وسائل الاعلام
وتسبقه دائما تصريحات مسئولين . . .
وتداولات وجلسات وبرامج ولقاءات |
طبعا لازم ما هي النقة حاصلة ليها كم يوم وشكلها نجضت بس باقي الإعلان
مشكور
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
يا جماعة كدي نرحب بالضيف الفيسوبكابي خالد عتباني
| Quote: يا حمد عبد عبد الغفار عمر أظنك إنت هندي لانك بتسمع كلام باكستاني :) |
تعرف الهنود والباكستانيين ديل جو السعودية دي وعارفين أنهم جو ليه لذلك بكونوا مهتمين بأي حاجة مؤثرة على وضعهم
لكن مشكلتنا نحن 90 % مننا ما عارفين جينا السعودية دي عشان شنو تصدق؟
وبعدين صلحوا اللغة ياخ حركات المدرجات دي ما بتنفع تكتروها بنخلي بكري يلعبا بدون جمهور
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
أهلين الشامي الحبر
| Quote: ومثل هذا القرار لا بد ان يكون الغاؤه معلناً لانه ترك تداعيات كبيرة |
الغريبة في بعض السعوديين فرحانين للكلام دا حتى من أصحاب المؤسسات البمسهم القرار دا ما عارف مكاواة للأجانب ولا دي قناعاتهم الحقيقية
امس كان معاي واحد كان شغال قنصل في السودان
مبسوط شديد للقرار دا
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
كان معاي باكستاني قبل شوية قال لي أخوه أمس مشى عشان يجدد إقامة المعقب شال منو الرسوم القديمة فقط
وقال ليهو ألغوا قرار زيادة مكتب العمل 2400 ريال
....................................................................
حمد
بطل لولوة وامشي ادفع الاتي
2500 مكتب العمل
480 تامين
تجديد اقامة 650 ريال
| |
|
|
|
|
|
|
|
|
|
Re: شمار حظكم يا ناس السعودية (Re: ود الباوقة)
|
مرحبا ود الباوقة
Quote: حمد
بطل لولوة وامشي ادفع الاتي
2500 مكتب العمل
480 تامين
تجديد اقامة 650 ريال |
ريال
3630
صليبك
وبعدين أحسب كويس وضيف عندك
100 كشف طبي ومشوارو
200 ريال حق المعقب
دا غير ضياع الزمن في المحاحاة بتاعة المعقب
| |
|
|
|
|
|
|
|
|
|
Re: شمار حظكم يا ناس السعودية (Re: سامى عبد المطلب)
|
مرحب سامي عبد المطلب ومنور
انت دفعة قيقراوي ؟ هسة يقولوا ليك برلوم كيف؟
| Quote: حتى لو نجت من مكتب العمل فلن تنجوا منه |
أجل ما عليك إلا احتسابها دي وقعت بين فكي الأسد
دائما سدد من حسابك عشان كان في رجعة ترجع لحسابك
| |
|
|
|
|
|
|
|
|
|
Re: شمار حظكم يا ناس السعودية (Re: مهدي صلاح)
|
مرحب صلاح مهدي
| Quote: قرات قبل يومين تقريبا عن ان الموضوع سياخذ طريقه لطاولة مجلس الوزراء ليتم البت فيه وبحسب الخبر احتمال ان ياخذ مجلس الوزراء قراره باعادة النظر في هذه الرسوم |
عييك تعرف دي بتاخد ليها على الأقل 3-4 شهور وللوقت داك التجديد التاني بكون دخل علينا
| |
|
|
|
|
|
|
|
|
|
Re: شمار حظكم يا ناس السعودية (Re: خضر صيام)
|
مرحب عباس الدسيس
| Quote: وجع الرجل والضهر خلاك تهلوس مشيت لي دوابه .. قال شالو ال2400 بتحلم انت يا الحبيب |
ما مشيت ليهو صدقا لكلامك لقيت واحد كسلني منو قال لي دا عايز ليك شهرين حتى تقابلو المهم بديت فيها علاج طبيعي ماشي كويس
أما الـ 2400 ريال صدقني بشيلوها بس بعد أدفع أنا مع محمد الصائم دا
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
مرحب بيك في البورد يا علي محمد الفكي ومنور
Quote: يخلوها يشيلوها يزيدوها على كيفهم ..
مالنا ومالهم ..
البدفع الشركة السعودية وللحكومة السعودية .. |
حظكم انتو
لكن صدقني ناس الشركات هسة عندهم أمل إنها تنشال لكن لو استمرت كما فنجطوا ليكم تشوف
لو جاملوكم بقولو ليكم تدفعوا النص ولا يعملوا كشات تخفيف عمالة
هنا الحساب ولد مافي أي مجاملة
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
مرحب بيك يا خضر صيام ومنور البورد
| Quote: اما اذا كنت بتعمل في عمل خاص او غيره وبتشوف كفيلك في السنة للتجديد هنا المشكلة |
هي ما مشكلة لكن بتحرق ساااي
لو عاينت ليها 200 ريال شهريا الواحد ممكن يحرقها سيجاير أو أم فتفت وأقاشي من غبيراء
ممكن لبعض الفئات تكون مكلفة
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
| Quote: اما اذا كنت بتعمل في عمل خاص او غيره وبتشوف كفيلك في السنة للتجديد هنا المشكلة |
فعلا يا اخ خضر ديل بيواجهو مشكلة كبيرة ... رسوم التجديد والتامين الصحي والـ 2400 ريال بيلتهموا نسبة مقدرة من الدخل السنوي لكتير من الناس
التحية ليك يا اخ حمد وان شاء الله قبل تجديدك الجايي تسمع اخبار طيبة ...
عكست الاسم ... كدة حتديني مشوار للجوازات عشان تعديل الاسم
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
يا مهدي متأسفين على عكس الأسم لكن أقول ليك حاجة ؟
أنا من جيت السعودية دي أسمي دا ما أتكتب صاح في الإقامة
أول اسم اتكتب حمد عبد القادر قلبوا عبد الغفار
بعدو حمد عمر يوسف جلو عبد الغفار
الحالي حمد عبد الغفار يوسف جلوا عمر
ولا شغال بيهم يقلبوا ويصلحو براهم
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
Quote: فعلا يا اخ خضر ديل بيواجهو مشكلة كبيرة ... رسوم التجديد والتامين الصحي والـ 2400 ريال بيلتهموا نسبة مقدرة من الدخل السنوي لكتير من الناس
|
فى الحالة دى الواحد بدفع كالتالي :
1/ 2400 غمته للكفيل سنويه
2/ 2500 لمكتب العمل
3/ 300 - 350 ريال للمكتب البجدد الاقامات مقابل الاقامة الواحده للمعاهو اسره
4/ 800 ريال للتامين الطبي او قريب من كده
5/ 650 رسوم تجديد الاقامة
6/ 400 ريال التأمينات الاجتماعية
فالاجمالي فى حدود (7100 ريال) للفرد الواحد وضيف عليها لكل تابع فى الاقامة ما بين 300 -350 ريال
| |
|
|
|
|
|
|
|
|
|
Re: شمار حظكم يا ناس السعودية (Re: فايزودالقاضي)
|
شركات المقاولات الكبيرة ترفع اصوات احتجاج عالية نظرا للعد الكبير من العمالة على كفالتها وصعبة عليهم يدفعوا عن كل عامل 2400
بل ذهب البعض الا ان هذه الرسوم قد تكون حجر عثرة امام بعض المشاريع في الميزانية الضخمة التي تم اقرارها قبل فترة
التحية لك الاخ حمد ولجميع المتواجدين
بالنسبة للاسم انا برضو عندي مشكلة ... مرة يكتبوا مهدي صلاح ومرة مهدي صلاح الدين ... بمشي بقول ليهم صلحوا (الدين) دا ياخي
المنبر ليه بيصغّر كلمة ريال ... الشغلة ما ناقصة محق بركة
انتو برضو شايفين (ريال) دي بتتكتب صغيرة ولّ انا عندي عمى عملات ؟
| |
|
|
|
|
|
|
|
|
|
Re: شمار حظكم يا ناس السعودية (Re: شمس الدين محمد)
|
أوو شمس الدين محمد دفع الله يا دفعة
| Quote: الاخ الحبيب حمد يادفعة من الثانوى حتى الجامعة |
ياخ منورنا لحدي بهناك كيفك يا راجل وليك وحشة
اتمنى أنك تكون خلاس كملت الدكتوراة وتجينا راجع الأماكن كلها مشتاقة لك
طبعا ألمانيا أفضل النصيحة لله
أنشاء الله يطيب ليك المقام في البورد وتتحفنا ياخ
تحياتي للمعاك
| |
|
|
|
|
|
|
|
|
|
Re: شمار حظكم يا ناس السعودية (Re: حمد عبد الغفار عمر)
|
التحية لصاحب البوست الأخ حمد ولزوار البوست والقراء:
يا ود الصائم بالنسبة لقرار الـ 2400 ريال ، اعتقد هو مشكلة ولكن المشكلة الحقيقية تكمن في تداعيات هذا القرار على أسعار السلع الاستهلاكية ، قبل يومين مشيت البوفية وطلبنا شاي حليب وشاي سادة وعندما ناولنا الهندي 2 ريال كما هو في العادة – قال لينا الهندي : صديق ، شاي حليب 1 ونس (ريال ونص).
فنتيجة لهذا القرار قامت شركة الألبان بزيادة سعر الحليب المركّز لمقابلة الزيادة في المصروفات الناتجة من دفع مبلغ مكتب العمل للعمال ، وسوف يقوم عامل البوفيه الهندي تلقائيا بزيادة سعر الشاي التي سوف سيتحملها في الأخير المستهلك (أنا وحمد وود الصائم بالإضافة للمواطن السعودي اللي من أجله استقطع هذا المبلغ – يعني ح يدوهو 2400 باليمين ويأخدها منو الهندي باليمين برضو) وبالتالي فإن الدفع لا يتوقف على 2400 ريال فقط يعني تضربها في 2 وتبقى 4800 ريال في السنة ، يعني أخونا الفرحان بعدم الدفع (أبو حراز) ، ح يدفع 2400 ريال كسر رقبة على الرغم من انو قرار الـ 2400 ريال لا يشمله.
بحسبة بسيطة فلو كان عامل البوفية ببيع في اليوم 20 كوب حليب × نص ريال = 10 ريال × 360 يوم في السنة = 3600 ريال في السنة ، هذا فقط بالنسبة لشاي الحليب وقيس على ذلك باقي الأشياء مثل السندوتشات وغيرها.
واحد بلدياتنا شغال في شركة – الشركة عملت اجتماع وبعده قررت أن تدفع الـ 2400 ريال نيابة عن العاملين بها ، لكن قالوا ليهم ما في واحد تاني يطالبنا بزيادة مرتب (:
نصيحة لود الصائم:
دق على ود الباوقة وخلي يحجز ليك أي وظيفة في مزرعته الكائنة ببتري ... كاااااااااااك
-------------
وبيني وبينكم نحن السودانيين ديل لو ما عملوا لينا كدة اصلا ما ح نستعدل ونمشي السودان بأخوي وأخوك ، فغربتنا غير مدروسة مثل باقي الجنسيات الأخرى المصريين مثلا ، قابلت اقربائي في عزاء وهم شخصين ليهم 40 سنة في السعودية – أها قاعدين ينقنقوا في قرار 2400 ريال وفي الأخير قالوا والله لو عملوها 24000 ريال ما ماشين من البلد دي .... (:
| |
|
|
|
|
|
|
|
|
|
Re: شمار حظكم يا ناس السعودية (Re: قسم الفضيل مضوي محمد)
|
| Quote: اصلا ما ح نستعدل ونمشي السودان |
اي واحد في السودان الليلة كايس طريقة مرقة وخروج ... الجامعات السودانية قالوا عدمت طفاي النار من هجرة الاساتذة ومكاتب التسفير والهجرة ما تديك الدرب وكل يوم اي واحد بسمع بواحد من معارفو قدر يستخلص رقبتو من اتون السودان واتخارج ومرق بي جايي
تقول لي نستعدل ونمشي السودان ... الناس بتخاطر بحياتها وترمي بنفسها في المجاهل وبيهاجروا لدولة زي ليبيا في مغامرة محفوفة بالمخاطر بحثا عن حياة كريمة عجزت الحكومة السودانية ان توفرها لهم ... هو البشير زاتو قالوا جا هنا يفتش فيزا لكن ماتوفق في فيزا بمهنة رئيس سابق
| |
|
|
|
|
|
|
|
|
|
Re: شمار حظكم يا ناس السعودية (Re: مهدي صلاح)
|
Quote: آخ ثم آخ يا أولاد المصارين البيض
يمين نحن الفازلين حق المعقب مننا |
يجازي محنك يا حمد ياخ.... ضحكتني في زيفة الرياض دي ....
يا ودالصايم شنو الحكايه أنا برضك same same استلمت الأربعاء بالرسوم الجديده لكن أنحنا أولاد مصارين بيض على قول حمد .... ما تقول لي كمان إيحارك بيحل في 01/06/1434 .... وبعدين القسط اللي بعده 01/12 مع خروف الضحيه عدييييل يا عمك ....وعييييك .....
| |
|
|
|
|
|
|
| |
حمد عبد الغفار عمر
صديق عيسى صالح
محمد عبد الماجد الصايم
الزبير بشير
حيدر حسن ميرغني
عبدالله ود البوش
Emad Khairy
ابوحراز
Mortada Adam
محمد الهادى عبد الرحيم
مجاهد محمد الهادي
احمد حمودى
الامين موسى البشاري
زول ساكت
الزبير صالح الزبير
ALZOLZATOO
Mohammed Abuzaid
الشامي الحبر عبدالوهاب
ولياب
ياسر منصور عثمان
خالد عبد الله محمود
مهدي صلاح
سامى عبد المطلب
عباس الدسيس
علي محمد الفكي
وضاح عبدالرحمن جابر
فايزودالقاضي
شمس الدين محمد
قسم الفضيل مضوي محمد
إدريس محمد إبراهيم
فيس بوك
تويتر
انستقرام
يوتيوب
بنتيريست