نافع بغباءه يكشف اخطر الغواصات ............

Quote: يا معلم هدي الاعصاب وشنو قايم بنمرة خمسة كدا طوالي؟ بتكسر ليك فــــــيك ترس. Quote: ثانيا : لماذا لم ترد بنفس هذه التفاصيل في منبر السودان الجديد ؟ وهل عندك اثبات ان الشعبي الثوري هو صلاح جادات ؟ لا تكذب وتقول ان صلاح جادات كتب ذلك الكلام .. لماذا تخاف من الشعبي الثوري لماذا لا ترد عليه بنفس ردك هنا بانه معتوه وغيرها من الالفاظ ؟؟؟ انظر الي ردك عليه كله ادب وود لماذا ؟؟؟ لانني لا احب اكتب في في منبر السودان الجديد، والله جد. والسبب الخلاني ادخل هناك عشان ارد عليك. عارف ليه لم ارد عليك بالمعتوه هناك، لاني حقيقة كنت بتعامل معاك علي حسب عقلك، والحاجة التانية انا لا احب استعمالها ضد من اختلف معهم الا نادراً لانو المرض النفسي دا ما شي بيد الواحد يعني ما شي الواحد بيختارو بيدو ويقوم يبقي معتوه. لذا تجدني غير مرتاح عندما اقول لانسان انو معتوه، لانو انا متاكد انني سوف لن اساعد هذا الشخص ان يتجاوز هذه الازمة عندما اقول له يا معتوه، بل ربما ازيدها له. بالرغم من علي اني استخدمتها معاك هنا، فهي شي للاسف I should not have done it وبخصوص استعمالي الكلمة هذه لا اجد غير ان اللومني. زمان كنت ود عامل فيها مؤدب جداً وبرد علي الناس بأدب، حتي اللذين اختلف معهم، لكن شكل الحاجات اتغيرت حالياً تعال احكي ليك دي، انا زمان لمن كنت صغير كنت زول بتاع مشاكل جداً كل يوم كنت جايب لناس البيت كفوة المهم في تلك المرحلة كنت لمن اتشاكل مع زول كنت بكون مبتسم اثناء اللحظات الاولي في الشكلة وكنت لا استخدم الالفاظ البطالة كثيرً بل كنت انتظر خصمي الي ان يفلت لسانه بكلمة ما ياها وبعداك اخلعو ليك بي بنية. وبعديها ما تشوف الا الغبار. والله صحي، اسأل عضو البورد ابو قصي (مجدي عبدالرحيم) عن تفاصل شكلة حصلت امامه مع بتاع دكان ضرب اختي الصغيرة كف والكلام دا كان في رمضان قريب مواعيد الافطار كنت لحظتها ابلغ من العمر 14 عاما وكان صاحب الدكان في اواخر العشرينات من العمر، ما حاملك اكتر بالتفاصل لكن اسال ابو قصي خلي يحكي ليك. المهم الكلام الكتير الفوق دا كلو كان عشان اعرفك انو انا ما بقوم بنمرة خمسة من البداية ليه. بعداك دا صراع اسفيري وهمي جداً بنقضي بيه الزمن، عشان كدا انا بدري قلت ليك قاعد ارد عليك لاني ما عندي موضوع، وهذا بالتاكيد لا يعني اني اكذب في اي من التفاصيل التي ذكرتها. سمح؟ Quote: ثالثا : اذا قال الشعبي الثوري ان محاولة تجنيدك فشلت فانا اقول انها لم تفشل ونجحت تماما طبعاً بعد كدا لو ما قلت نجحت تكون ما براك برضو. Looool Quote: رابعا : لقد توعدت كمال سالم وقلت :( اما كمال سالم دا الله قال بي قولو خليني برجع ليهو بشويش ونشوف معارضتو دي صاح ولا لا. . ) لماذا توعدت كمال سالم ؟ مع العلم انت ذكرت انك سافرت من بيته وان كل وقتك كان ببيتهم ؟ ماذا حدث ؟ ذكرتني قصة طريفة حدثت، كان في زيارتي هنا في كندا الصديق د. ابكر ادم اسماعيل قادماً من السودان كان نازل معاي في البيت المهم عندنا زول صاحبنا كدا جانا في البيت ووجدني بقراء في شعر فكل ما انتهي من نص لخالد مونيكا او عاطف خيري او الصادق الرضي او عثمان البشري او نص لابكر ذاتو، كان بكر يقف ويقول لصاحبنا دا، راني دا زول ت ا ف ه واحياناً كان يقول له راني دا زول غذر فقام صاحبنا دا افتكر انو ابكر بيشتم فيني بهذه العبارات وقام داير يمسك ليك فيها. المهم الما كان عارفو صاحبنا دا، انو في حاجة اسمها لغة اصحاب بستخدمو فيها كلمات ربما تعني لزول اخر شي ولكن للصديق شي اخر. فلا تشطح كتير لمن قلت " كمال سالم دا الله قال بي قولو" اكد تماماً الكلام دا بعني شي اخر تماماً لكمال انت ما حتفهمو بالسهولة دي. نخليك شوية ونجي نشوف باقي نقاطك دي. قلت لي ماذا حدث؟ جندوني وبقيت قواصة كبير وبتاع امن خطري، احترس.