|
|
|
 Re: موقع Yahoo.com يقدم نشرة جوية لثمان مدن سودانية...لماذا لا تستفيد منها؟كتااااااااااحة (Re: ombadda)
|
.
.
الأخ الكريم الزميل أمبدة
تحياتي وتقديري
تعرف أنا بتابع الموقع ده يومياً لمعرفة الطقس في المدينة التي أقيم بها ، وكمان بتابع وضع الخرطوم وفي الغالب تصدق هذه التوقعات بنسبة كبيرة.
حكاية التراب والكتاحة دي ذكرتني قصة حصلت معاي أيام المدرسة(شهادة عربية) كان عندنا أستاذ لغة عربية مصري وسبق إنه إشتغل في السودان وبعدين إغترب للخليج. المهم ياحبيب في يوم من الأيام كان بتكلم عن العواصم العربية وإنه لكل عاصمة لقب زي مثلاً تونس الخضراء ، دمشق الفيحاء، فقمت أنا إتشالقت وسألته قلت ليه طيب والخرطوم؟ فقام طوالي وبصوت عالي قال لي لاااااااا بأااااه دي إسمها الغبراء .
طبعا الزملاء العرب في الفصل كلهم ضحكوا وأنا إتحرجت إحراج السنين وشميت الأستاذ زي ما البشير شامي أوكامبو كده .
أكيد المصري ده يوم لاقته كتاحة من كتاحات الخرطوم الغريبة بشتنت حاله .
خالص الود .
.
.
| |
 
|
|
|
|
|
|
|
 Re: موقع Yahoo.com يقدم نشرة جوية لثمان مدن سودانية...لماذا لا تستفيد منها؟كتااااااااااحة (Re: ALazhary2)
|
أزهرى 2
شكرا لمرورك
| Quote: قال لي لاااااااا بأااااه دي إسمها الغبراء |
فعلا الخرطوم دى غبراء..وعلشان كدة عاوزين نتعلم نقرأ أحوال الطقس
قبل الخروج, قبل الإعلان عن مواعيد الحفلات والمناسبات الإجتماعية..وهكذا.
قراءة تفاصيل النشرة تحتاج للتعاون وللتكاتف لفهمهاوهذا هو الغرض من البوست.
فى المثال أعلاه -أول البوست- تفاصيل الحالة الجوية فى مدينة الخرطوم
مذكور فيها:سرعة الرياح(بالكلم فى الساعة) وكذلك مدى الرؤية,ونسبة الرطوبة فى الجو..
كيف نقرأ هذه المعطيات ؟
| |
|
|
|
|
|
|
| |
ombadda
ALazhary2
سارة علي
فيس بوك
تويتر
انستقرام
يوتيوب
بنتيريست