مين يقدر يجاري الريّس في الرقص والحت ده...!!

Quote: We will dance like that when he is arrested and tried for his crimes ...he will dance now but will feel sorry later.. .let him enjoy whatever he has left before the revolution :-)

Quote: ثورة الانقاذ الوطني..؟؟؟ الحركه الاسلاميه في السودان؟؟؟ يااااا الله ما الذي يحدث امامنا؟؟؟ هذا الراقص ينادي باسم الدين وهو يرقص وسط النساء ويشبه نفسه بابن ا............

Quote: هذا شخص راقص يمثل جمهورية السودان والله مهزله اخرى من المهازل مشروع الحضارة الاسلامية معليش يا سودان الريس خارج شبكة منذ 21 عام‬

Quote: اشوي يا عجيب

Quote: اخي عزيز مسالة طبيعية جدا وما فيها اي حاجة ولا تدعو للمجاراة او الاستغراب وشكرا

Quote: اخي عزيز مسالة طبيعية جدا وما فيها اي حاجة ولا تدعو للمجاراة او الاستغراب وشكرا

Quote: أيها السادر في طغيانه رقصةٌ منك على طبل البُغاة الهب برقصتك الجريحةَ ظهرشعبٍ بائسٍ عُريانَ يلتحفُ السماء قد يرقصُ الجبّارُ قبل نفوقه رقصةَ الملتاعِ في صخبِ الدماء لن تغلب الأفعى ورودَ الماءِ إن فاضت على جحر الخِباء ظالمٌ إختار مكمن قبره واجمٌ حيران يرقص كالنساء

Quote: رقصة المذبوح من الألم يرقص والبلاد إلى هاوية (إن لم تكن بها أصلاً) بطل حسادة يا عُبد خليهو يرقص يا اخي في زول قادر يتحمل بلاويهو السواها والبسوي فيها ولا تهتز له شعرة واحدة أو يرعوي ثم لا يرقص خليهو الله يرضى عليك بس شنو جيب الفيديوهات النضيفة أو فأطلب الدعم من أهل الاختصاص (يعني المطبلاتية) سلام يا عمك

Quote: ما عارف ليه !!

(عدل بواسطة وليد محمد المبارك on 11-16-2011, 01:11 PM)

Quote: انا غايتو ما عارف يرقص ولا ما يرقص فى بيت عرس بيخصو .. دى حاجة متروكة ليهو لكن بصراحة رقيصو اهبل وعبيط ... فى نهاية الأمر الزول دا بووووووم بووم عديل كدا

Quote: سلام يا عبدالعزيز ما عارف ....لكن جانى شعور مختلف عند مشاهدة الفيديو.... شعور ايجابى تجاه الرئيس .... ما عارف ليه !!

Quote: الإستغراب عرفناهو، المجاراة دي شنو كمان؟؟؟ أها يا عبد العزيز، ياها دي مجاراتكم الدايرين تقلبوا بيها الحيكومة؟؟؟ يعني في شنو هسّع؟؟؟ ما رئيس بتاع بهجة وفرايحي قاعد يرقص في حفلة خاصة لزوم هضم اللحوم والحلويات اللحسها في العشاء. يعني إنتو قايلين بطنو دي خلآطة؟؟؟ الراجل ما لآزم يرقص عشان يهضم، وهذا النوع من الرقص يجوز. يا عبد العزيز أسأل دكتورنا عبد الحي كان مكضبني. أها كمان أخونا في الله عمر قال ليك المسألة طبيعية. يا أخي مُش صدرت من البشير؟؟؟ تبقي بالبدآهة كده طبيعيّة. عليك الله يا عبد العزيز ما تعمل لينا وجع ضُرُص، وايّ حاجة يقوم بيها المشير ضعها في خانة الطبيعيات وتوكل علي الله. حفلة خاصة في بيت متواضع الراجل هجج فيها لزوم الهضم عايزين تعملوا منها مشروع نضال؟؟؟!!! يا ريّس طالما إنّك تحكم بالكتاب والسُنّة، وأنت ظل الله في الأرض، فلا تلتفت لعبد العزيز وأمثاله. سيّر، سيّر يا بشيّر نحن معاك للتعمير. الله اكبر. الله أكبر. الله أكبر...

Quote: سلام يا عبدالعزيز ما عارف ....لكن جانى شعور مختلف عند مشاهدة الفيديو.... شعور ايجابى تجاه الرئيس .... ما عارف ليه !!

Quote: فضيلة الشيخ د. عبد الحي يوسف الأستاذ بقسم الثقافة الإسلامية بجامعة الخرطوم الحفلات الليلية ورقص العروس!! السؤال : جزاك الله يا شيخنا خير الجزاء، سؤالي أولا هو عن حضور حفلات الأعراس الليلية والتي يكون فيها اختلاط وغناء ورقص؛ ولكن بدون المشاركة في ذلك، فقط من باب المجاملة، هل هذا حرام؟ ثانيا سؤالي عن حرمة أو جواز حضور النساء لما يسمى برقص العروس؛ والتي ترتدي ملابس ليست محتشمة، ولكنهن نساء فقط! الإجابة : الحمد لله رب العالمين، والصلاة والسلام على أشرف المرسلين، وعلى آله وصحبه أجمعين، وبعد. فلا يجوز حضور تلك الحفلات ولو لم تشارك فيما فيها من منكرات؛ لأن مجرد الحضور في ذاته منكر، وقد قال الله تعالى ((وقد نزل عليكم في الكتاب أن إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره إنكم إذاً مثلهم)) ومن إنكار المنكر اعتزاله واعتزال أهله. وكذلك لا يجوز لجماعة النساء حضور رقص العروس، إذا كان مستلزماً الاطلاع على ما أمر الله بستره؛ إذ ما ينبغي للمرأة أن تبدي أمام جماعة النساء ما بين سرتها وركبتها، ففي الصحيح عن أبي سعيد الخدري رضي الله عنه أن النبي صلى الله عليه وسلم قال {لا ينظر الرجل إلى عورة الرجل، ولا المرأة إلى عورة المرأة} والله تعالى أعلم.

Quote: لانك زول متوازن يالنصري لا اكتر ولا اقل عارف انو الحصل في الفلم ده شي طبيعي يحصل في كل الحفلات السودانية .. وعارف انو عمر البشير رقيصو ما داسيه بختم بيه كل التجمعات الرسمية فاذا كان برقص في المناسبات الرسمية حا يقرا قران في الحفلات الخاصة مثلا !!!!!!!!!!!!!!!!!!!!!! يعني اسع سابو عيوب البشير كلها وهي كتيره مسكو في رقيصو ؟؟!! يعني ده موضوع المعارضة الان الله يكون في عون السودان لا حكومة نافعة لا معارضة نافعة

Quote: فهل من عرفنا, اخلاقنا, شيمنا أن نكون أهل رقص والناس تموت..

Quote: -يجب على كل من منح تصديق إقامة حفل غنائي مراعاة الضوابط التالية: ج-عدم استخدام الاعيرة النارية. د-عدم اداء الاغاني الهابطة . ه- منع الرقص المختلط. 2-يجوز للشرطة عند الاخلال بالضوابط الواردة في 1- اتخاذ الاجراءات اللازمة لازالة المخالفة بما في ذلك ايقاف الحفل

Quote: اخى وصديقى عبد العزيز عيد مبارك عليك اولا وثانيا دوما نحاول ان نحارب الشخصيات المسببه لنا الاذى بطرق غير مجديه فى نظرى وبرغم غضبى من هذه الحكومه ومن يمثلها لكن اتوقف دوما فى حدود الافعال اللى ليها تأثير ضار علينا فقط وبحاربها فيهم لكن فى جزئيات اخرى لا اظن مفروض نتداولها وهى حياتهم الخاصه او امور لن تعود علينا باى جدوى غايتو اختلاف الرأى لا يفسد فى الود قضيه مش؟؟؟

Quote: Quote: فلا يجوز حضور تلك الحفلات ولو لم تشارك فيما فيها من منكرات؛ لأن مجرد الحضور في ذاته منكر Quote: فضيلة الشيخ د. عبد الحي يوسف

Quote: هي الحفلة دي بتين ؟ ده اولا ثانيا ولا من عرفنا يا عبد العزيز انو نفتش حاجات الناس الخصة ونكشفها ونعرضها عاااااااارفك حا تقول لي الرئيس شخصية عامة اها الظاهرين في الفلم ده خلاف الرئيس فهمهم شنو ؟ ولا ديل ابدا ما في بالك

Quote: أي شخص سوف يرى هذا الفيديو سوف يكون أنطباعه الأول عن الرئيس البشير أنطباعا إيجابي جدا. وهو يظهر في هذا الفيديو مثله مثل اي مواطن سوداني عادي يحتفل مع أفراد أسرته في مناسبة. ولكن عندما نتزكر السياسات الدينيةالمتطرفة التي يقودها الرئيس البشير في الدولة نرجع ونستغرب جدا. فكم حفل مشابه لهذا يا ترى تدخلت فيه الشرطة وأنهته، أو أعتقلت الشباب الذين كانوا يرقصون فيه رقيص مختلط مشابه لرقص الرئيس في هذا الفيديو؟ أكيد إذا كان الرئيس البشير حكم السودان منذ يومه الأول بمثل هذا المنظر المتسامح في الفيديو لكان حال السودان مختلف جدا. فليسئل الكيزان أنفسهم لماذا كل هذا التطرف الديني الذي تفرضونه على الشعب وأنتم لا تمارسونه في بيوتكم وفي أفراد أسركم؟ أنا أقول كلامي هذا وأقول بأنني زاملت عدد كبير من أبناء الكيزان ولم أحس بأن التطرف الديني الذي يمارسه أبائهم في السياسة تتم ممارسته في منازلهم. ولا عزاء للوهابية في البورد.