سهرة الدلوكة تحمى النوم !!!!!

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-11-2018, 08:45 PM الصفحة الرئيسية

مكتبة سهام المجمر(Siham Elmugammar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-10-2009, 06:12 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)

    سلام يا الناس الهنا
    وعيدكن مبارك

    هي يا سهام
    البوست طلع عن سهرة التلفزيون؟
    تصدقي ما حضرتها
    كنا مسافرين ومتلميين مع اهلن لينا والونسة هي الحمتنا النوم ما التلفزيون
    لكن شايفة شجرة البوست بتقت ليها كم فرعن اخدر وزين

    بجي امد يدي كان الله مدَ في العمر
    محبتي والتقدير
                   |Articles |News |مقالات |بيانات

03-10-2009, 09:08 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: الجندرية)

    Quote:
    ندى القلعة ... ثقافة الاختلاف و الممانعة

    د. حيدر ابراهيم علي
    http://www.sudaneseonline.com/ar/article_17837.shtml

    ذات خميس خلال هذا الشهر وبعد الساعة العاشرة مساءً، هاتفني أحد الاصدقاء الظرفاء، طالباً مني أن اضع اي شئ في يدي و ان افتح قناة (....) فقد كان يريد اخراجي من اجواء يراها جادة اكثر من اللازم بل وكئيبة. ولكنه لم يكن يدري في مثل هذه الظروف التي أعيشها بأن " الفرح ليس مهنتي" – كما قال الشاعر محمد الماغوط. واذ بي اعود بمقال أظنه عكس المتوقع.
    كان البرنامج التلفزيوني يستضيف المغنية المشهورة " ندى القلعة" وما ان انتهى البرنامج حتى تكونت كثير من الافكار و الاستنتاجات في ذهني. ولكن ترددت في البداية في الكتابة وان يحمل المقال عنواناً عن الفنانة المثيرة للجدل. فتصورت أن عدداً من القراء سيراها مجرد " سفاهة" أو " عدم الموضوع" كما يقول الشباب. وقد يضيف البعض ان سفاهة الشيخ لا حلم بعدها. وتراجعت هذه المحاذير داخلي، فقد تذكرت ان المفكر البارز ادوارد سعيد، كتب عن تحية كاريوكا، كما كتب الصحافي المتميز عن نانسي عجرم، واصدرت شريفة زهور كتابا كاملا بالانجليزية عن: اسمهان المرأة، الحرب و الاغنية. لذلك، فالاهتمام الجاد والرصين بهذه الظواهر الثقافية عادي وطبيعي.
    جلست الى التلفزيون فأطلت امرأة " في كامل مشمشها" – كما يقول محمود درويش أي شديدة الاعتناء بنفسها لكي تبدأ اغنيتها قبل ان يسمع صوتها وان تقدم اغنية بصرية للمتلقي لكي تمتلكه تدريجياً وفجاءة في نفس الوقت. وبعد هذه المقدمة و التهيؤ تستطيع ان تدمج اغنيات السمع و البصر او كل الحواس و العقل. معا. وان تغيب المستمع تماما في عوالمها المختارة بعفوية وان يقع لمدة ساعتين او زمن الحفلة كله في سلطة ندى الثقافية بلا فكاك وهو لا يريد فكاكاً طوعياً ويفضل ان يكون خارج نفسه وان لا ينتهي الوقت وقد يقول للزمن ارجع يازمن – كما تقول الست ثومة.
    مثلت ندى القلعة ثقافة مضادة لثقافة الهيمنة الرسمية ورغم القمع و الاموال و الجهود من قبل الدولة و الاجهزة الرسمية لفرض ثقافة مهيمنة ذات طابع ديني لم تستطيع الدولة الغاء ظاهرة ندى القلعة وغيرها من الظواهر الثقافية و الفنية التي تحرج المشروع الحضاري. وهى تحاربه وتضعفه و تتحداه دون اللجوء الى الآيديولوجيات الضخمة و مؤامرات السياسة وحتى اللجوء الى الكفاح المسلح. فهذه الظواهر تستخدم دبابيس صغيرة في تنفيس هذا البالون الضخم. وتقدم ندى القلعة ثقافة مقاومة وممانعة لا تريد ان تكون جزءا من الثقافة الكبرى، وهى ثقافة فرعية (sub – culture) ولكنها شديدة التأثير وقادرة على جذب الناس بوعي او لا وعي. فندي القلعة قادرة على حشد الاف المشاهدين و المعجبين و الفضوليين، بينما تعجز الثقافة الرسمية عن حشد الناس رغم توقف العمل وملاحقة الموظفين و الموظفات، وتحضير الباصات ووجبة فطور. ويمكن لها ان تدخل في تحدي: من يستطيع حشد الناس طوعيا في ميدان عام او استاد مستخدما سلطة قائمة على الرضا و القبول و المحبة؟
    تقدم ندى القلعة ثقافة جماهيرية مختلفة بغض النظر عن تسميتها ثقافة هابطة او منحلة او غير محترمة. فقد اصبحت ايقونة ورمزاً بل ومرجعية في بعض تفاصيل مرتبطة بالشكل و الموضة و السلوك. فهي كما اسلفت ليست مجرد مغنية وصوت بل " سلعة ثقافية" أي يمكن تداولها بانتشار و اعادة انتاج بعض عناصرها. وتدرك " ندى" كيف تمارس سلطتها في الاختلاف، من خلال معطيات اللبس و الزينة. وهنا تحارب السلطة الرسمية بأسلحة السحر و الغموض و المغامرة. فالنظم تعتمد على الغاء الفوارق و الاختلاف و التنوع، وهى تخشى المرأة بالذات بسبب تاريخي الملعون و المشترك مع ابليس منذ بداية الخليقة. لذلك، اهتم النظام الحالي بملبس النساء و الفتيات، ومارس من خلاله عملية التنميط (standardization) وألبس طالبات المدارس ملابس الصاعقة العسكرية وفرض الحجاب. ولكن ثقافة ندى الفرعية تقدم ملبسا حديثا يثير التقليد و الاعجاب بين النساء قبل الرجال، وينتشر سريعاً. كذلك الزينة، فقد قدمت في هذا البرنامج شكلا جديداً لنقش الحناء في رسم لبيت العنكبوت المتشابك. وهذا ابداع بعيد المدى، ولكن المهم، يحكي لي احد الاصدقاء ان موضة نقش العنكبوت التي استعرضتها ندى القلعة في مساء الخميس، رآها تملأ أيدي الناس في حفل زواج مساء الأحد! ويمثل شعر المرأة احدى مشكلات وعقد العقل العربي – الإسلامي وثارت حوله معارك وواقعات عظمى. فهى قدمت شكلا للشعر بين الاخفاء و الاظهار، ان تجعله مقصوصا بطريقة غلامية (Garcon) فضحت ببعضه، عكس الشعر الطويل المثير ولكنه في نفس الوقت موجود. وقد يحرك مشاعر الخفاء و العلن، وهو في النهاية يخرج من التنميط.
    يقال إن الثقافة هى سياسة المجتمع و السياسة هى ثقافة الدولة. وعندما يبرز التناقض بين الإثنين تظهر الازمة، وقد امسكت ثقافة ظاهرة ندى وغيرها من الظواهر المشابهة بالمجتمع وتركت السياسة للدولة بلا مجتمع. فالدولة تمارس السلطة بصورة مجردة (abstract) وهى غير ملموسة بين المواطنين في سلوكهم و اتجاهاتهم ورؤيتهم الشاملة. من جهة اخرى، تمارس الثقافة سلطتها من خلال حرمان الدولة آليات لا تستطيع السيطرة عليها و احتكارها، ومن بينها: اللغة و الرمز، فالدولة يمكن ان تحتكر المال و الاقتصاد و العنف الشرعي من قوانين وسجون وممنوعات، ولكن يستحيل ان تحتكر اللغة و الرموز مهما كانت قوة ووحدانية اجهزة اعلامها. والان توجد لغات عديدة للتواصل تنتشر بين فئات اجتماعية من طلاب وشباب و مجموعات اثنية ومهمشين. ولاصحاب الثقافات الفرعية آليات تحوير الثقافة الرسمية و تفريقها من مضامينها، وهى الآلية التي يسميها ليفي إشتراوس الترميق (bricolage) لوصف نمط الابداعية في الثقافة الشعبية في تفاعلها مع الثقافة الرسمية و تحويرها. و الخطوة هنا تكمن في ان عناصر او مفردات من تلك الثقافات و التي تتعالى عليها الثقافة المهيمنة تصبح جزءاً من هذه الثقافة نفسها. وهنا يمكن اعطاء مثال على ادخال الآلات الموسيقية الحديثة في المديح. وهكذا علمنت، أي جعلتها علمانية، الثقافة الشعبية التي تحب الموسيقى ولا تراها حراما او مكروها، الثقافة الدينية الرسمية و التي لم تحتج على الموسيقى في المديح النبوي لانها تريد له الانتشار بين الشباب و الفئات المهمشة، ولا نستغرب اذ جاءت محاولات لتأليف المدائح بلغة الراندوك او عربي جوبا.
    تدخل ظاهرة " ندى القلعة" ضمن ما يعرف في دراسات علم الثقافة و الاجتماع بالثقافة الجماهيرية، وقد تصنف احيانا ضمن الثقافة الاستهلاكية. ويمكن لنا في العالم الثالث النامي ان نفرق بين ثقافة التنمية وثقافة التسلية، وقد يكون الفصل صعبا ان لم تكن التسلية استهلاكية ومعطلة للتنمية. واخشى ان يكون الانطباع هو ان التنمية ترتبط بالكآبة و الحزن. وكان هذا خطأ بعض التجارب الاشتراكية التي ضحت بالفرح و الاجيال من اجل مستقبل لم يأت. وحاول كاسترو تجنب ربط الاشتراكية بالكآبة و الحزن، ويوقل انها اشتراكية بالسامبا (Socialism with Samba) ولذلك كان الكوبيون الذين يقفون لساعات طويلة يرقصون ويغنون لكسر ضجر الانتظار. ومن الخطأ ربط الفرح و التسلية بعدم الجدية باستمرار. وفي حالة ندى القلعة هى تقاوم الكآبة و الغناء، فهى و الانقاذ يمثلان نموذجين متناقضين. تحاول ان تبث الفرح و الحياة و الحب حسب الفهم الفرويدي للايرويس او الايروسي (erotic) ومن ناحية الثانية تقدم الانقاذ ثقافة الموت و الحقد و الكراهية او ما اسماه التاتنوس – حسب فرويد. وهذا هو صراع الحياة بين غريزة الموت مقابل الحب و الحياة. وتطلق ندى اجواء من الموسيقى الراقصة وتدخل روح الفرح حتى في اغاني الفخر و المدح، وتغني القوة و الضرب و السيوف و الذبح بنغم اثيوبي يطعم الضكارة و العوارة السودانية برقة وحنان الامهرا. وهذا ابداع ايرويسي يجعل أعتى الرجال يتمايلون – او كما قال المجذوب: تلك لوسي فجفاني لوسي تلك كأس تدير اعتى الرؤوس. اظنكم رأيتم اعتى الرؤوس و العمم وهى في ساحة ندى القلعة. فهى تخاطب رجولة وضكرنة تقاعدت خلال السنوات العشرين ولا تجد تعبيرا عنها الا في اغاني وليالي ندى القلعة.
    وتضرب على استيهام الرجولة بعد ان قبل الكثيرون الذل و الاذلال. فهى تمثل تعويضا نفسيا. هنالك علاقة حب /كراهية بين ثقافة ندى القلعة وثقافة الاسلامويين في جانبها الترفي. فالمجتمع السوداني يعيش – للمفارقة – ثقافة التفكك الاسري في دولة المشروع الحضاري وذلك من خلال تناقض التدين و الترف من مال و نساء. فقد حاول بعض الاسلامويين ان يجعلوا من تعدد الزوجات ظاهرة وفيهم من ينتظر ليس لرفض الفكرة ولكن لظروف وملابسات خاصة. وفي عهد المشروع الحضاري ظهرت و انتشرت اغنية " راجل المرا حلو حلا" وقبل ايان طرق اذني غناء يقول:
    تلك العجلة بره
    ماقصدي المضرة
    بس عايزة يطلق الضرة

    ثم:
    بقابلو في الصالون
    وانا بشربو الليمون
    انا بصافحو بالقانون

    ولكن " ندى القلعة" تمثل لديهم المرأة التي توجد هناك بمعنى المرأة المختلفة يريدونها ان تقول ما يدعون رفضه وفي عقلهم الباطني يستمتعون به.
    يجرب الاسلامويون طريقة اخرى لاغتيال شخصية "ندى القلعة" من خلال ادوات اعلامية توزع هى نفسها الانحلال و التدهور الاخلاقي ونشر الفضائح. وقامت احدى الصحف الصفراء بحملة – سكت عنها مجلس الصحافة حامي الاخلاق و الاعراف الصحفية. ومازلنا نعتبر العيب و العار مرتبط بسلوك المرأة، وقد اعتذر مظفر النواب لتلك التي تبيع الجسد الغاني بينما هناك من يبيعون ضمائرهم ومواقفهم. ومن الواضح ان من قام بالحملة جاهل لقواعد ثقافة الاختلاف و التمرد التي مثلتها "ندى القلعة" فهو قد قام بدعاية و اشهار و انتشار للظاهرة من حيث لا يدري. وهى من جانبها تؤكد لامبالاتها واختلافها من خلال اغنية تقول بكل رواء صوتها وادائها الرشيق:
    ما علينا ما علينا
    مهما يقول الناس يقولو
    ماعلينا ما علينا

    وفي النهاية تغلبت ثقافة الاختلاف و الممانعة وتسعى لتأصيل نفسها دون حاجة لدعم حكومي او دعاية. ويجد انصار التأصيل من جهة اخرى، في وصول افكارهم وثقافتهم الى القواعد (grass root.) بينما ندى القلعة تنتشر و تمارس سلطتها الثقافية بكل قوة و اندفاع لجذب أناس جدد.

    © Copyright by SudaneseOnline.com


                   |Articles |News |مقالات |بيانات

03-10-2009, 10:12 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)





    -----------------
    اها يا سهام عشان ما نفحط ليك بالموضوع الاساسي
                   |Articles |News |مقالات |بيانات

04-10-2009, 07:05 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)

    Quote: استبشرت خير بعفاف الصادق ولانها
    دائما تثري مثل هذه الحوارات وكذلك
    الفلكلور والدنقر ولكن حديثك عنها يبدو
    انها جرت علي غير ما كنت اتوقع ؛ بس
    الفنانات شكلهم ما يطمن واكيد ما قصرن
    في الكوجان ويبدو ان التحضير ضاع بين
    اضابير حفرة الدخان وبيت الحنة والكبريت

    عشة بت فاطنة سلامات و مرحب بهذا القدوم
    وقوع الغنايات المحددات ديل بين الاضابير مفهوم!!!
    لكن شناة اصوات بعضهن غير مفهوم ابدا و ما بتبلع :)

    انا الوجعنى فى السهرة غير سوء الاصوات
    ضياع مقدمات البرنامج فى ما ذكرتى من اضابير
    ومساهمتهن الفاعلة فى تفشيل الحلقة!!!!
    سعيدة بمرورك
                   |Articles |News |مقالات |بيانات

04-10-2009, 07:08 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    Quote: بت المجمر سلامات..وكل سنة وانت طيبة ....

    سؤال برة الدلوكة..يعني خاص كدة..
    .
    .
    .
    انتو بيتكم راح وين؟؟؟؟؟؟؟؟!!!!


    علاء الدين الف سلام و عيد مبارك
    ياخ مالك على مقلب لى الاوجاع اسفيريا

    البيت راح فى فعل الزمن يا ود أمى
    ولكن لازالت الهام تحمل معها روحه و نهكتة

    (عدل بواسطة Siham Elmugammar on 04-10-2009, 07:09 AM)

                   |Articles |News |مقالات |بيانات

04-10-2009, 07:13 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    Quote: انا قت شنو ؟
    فتح العليم . . فتح العليم . . قالوا ياخ !
    الفتوحات كتيرة ياخ . . فتح مكة . . فتح خشم . . . الخ
    ------------------
    النجيضة :
    لي بعدين كان مافي زول جاب كلام د. حيدر علي ابراهيم عن ندى القلعة بجيبو براي . .
    سمح ؟

    والله يا قيقا جنس وهم عليك الله عاين جنس حالتى دى
    الاسم مكتوب قدامى يعنى ببخرتى !!!!!
    الله فى

    عليك الله جيب النجيضة خلينى نستمتع
    سمح
                   |Articles |News |مقالات |بيانات

04-10-2009, 08:18 AM

الصادق صديق سلمان
<aالصادق صديق سلمان
تاريخ التسجيل: 11-07-2006
مجموع المشاركات: 4008

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    السهرة كانت حلوة ياجماعة من وجهة نظري
                   |Articles |News |مقالات |بيانات

04-10-2009, 09:49 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: الصادق صديق سلمان)

    لام يا عزاز و تحايا
    والله كتبت ليك رد طويل لكن راح وين انا ماعارفة
    المهم خلاصة الكلام انو المقال فى رائيى جايط
    افتتح المقال بتعريف اغانى البنات بأنها الاغانى الشعبية الهابطة
    من غير الاشارة من اين اتى هذا التعريف؟؟!!!
    اما عن سؤالى عن رأيى الكاتبة فلانو فيما ظهر لى فى بعض اجزاء المقال
    ان هناك بعض اراء خاصة بالكاتب مبعثرة هنا وهناك لمن خلتنى لايصة
    وتانى كتبت ليك شنو ؟؟؟ ايوااا قلت انى لم احكم على مهنية الكاتبة كصحفية
    وقلت اذا فعلت فهذا تجنى كبير ..ماااا من مقال واحد يا عزاز
    ولاحظى انا قلت : "المقال ما معروف داير يقول شنو"
    وتانى شنو؟؟ أيوااا اتفقت مع قيقراوى
    وقلت انو سبب ايرادى للمقال انى حسيت انو بيعكس
    واقع معرفتنا بأغانى البنات (لايصة)!!!
    عشان كدة الكلام مكرر : انعكاس للواقع و البوح بالمسكوت عنه
    و نقيف على كده

    اتذكرت حاجة تانية
    انو المقال فوقى يا عزاز اذا نظرتى لتعريف اغانى البنات
    بالهابطه فى مكان وبالطريفة فى مكان اخر؟؟!!!

    سعيدة بمروك ومغيوظه من ضياع المداخلة
                   |Articles |News |مقالات |بيانات

04-10-2009, 10:32 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    ألجندرية سلام والف سلام
    الكلام بداهو الغيظ من سهرة التلفزيون
    لكن بدرالدين الله يطراهو بالخير جاب النجيضة
    و قال نتم النقصت هنا اها عشان كدى قلنا ليكم
    تعالو ادلو يا بدلوكم يا بت امى
    بس البركة فى و نستكم
                   |Articles |News |مقالات |بيانات

04-10-2009, 10:43 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    يظن حيدر إبراهيم أن حشو المقال بالتعبيرات الأكاديمية يجعل من المقال مقال أكاديمي.



    ______
    استشهاده بمحمود درويش؛ شريفة زهور؛
    الماغوط؛ و الصحافي المتميز استشهاد .. مضحك.
                   |Articles |News |مقالات |بيانات

04-10-2009, 12:33 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    Quote: السهرة كانت حلوة ياجماعة من وجهة نظري

    سلام يا الصادق و مرحب بيك

    سلام يا ملاسى
    تصدق حتى الان لم استطيع قراءة المقال الذى اتى به مشكورا
    قيقراوى .. ولابد ان فى المقال ما حرضة على ذلك
    الدنيا اول اسبوع والدنيا ربكه... و حيدر داير المهلة

    بس مناكفة منى كده ساى خلينى اعلق على كلامك ده

    Quote: يظن حيدر إبراهيم أن حشو المقال بالتعبيرات الأكاديمية يجعل من المقال مقال أكاديمي.
    ______
    استشهاده بمحمود درويش؛ شريفة زهور؛
    الماغوط؛ و الصحافي المتميز استشهاد .. مضحك.


    و ليه مضحك؟؟!!!!!

    سلام حتى اقرا المقال
                   |Articles |News |مقالات |بيانات

04-10-2009, 09:31 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    سلامين ياملاسي

    Quote: يظن حيدر إبراهيم أن حشو المقال بالتعبيرات الأكاديمية يجعل من المقال مقال أكاديمي.



    ______
    استشهاده بمحمود درويش؛ شريفة زهور؛
    الماغوط؛ و الصحافي المتميز استشهاد .. مضحك.

    كلااااااام يا عوض دكام

    " مقال اكاديمي " دي ما ادونا ليها ! ممكن تتكرم علينا بالفكة ؟

    و بالمرة كدا وكت ماشاء الله ما شاء الله قريت كل استشهادات د. حيدر ( المضحكة ) ممكن تورينا قالوا شنو الجماعة ديلاك حاكم نحن بتوع الاتوبيس ، الشغلة دي ما طقشت عيونا قبل دا ؟
    بالمرة كد ازيل الغموض و ارفع حاجز السرية عن شخصية" الصحافي المميز الكتب عن نانسي عجرم " و اتحفظ عليهو المقال زي تحفظو على اسم القناة المشار اليها بـ ( . . . . ) ؟؟

    ياعمك
    انت عفصت الرابط ؟


    5 مارس 2008 م
    لووووووووول
    كنت وين الزمن دا كلو ؟

    ياخ خليك عميق ياخ !
    الموضوع هنا :

    Quote: سهرة الدلوكة تحمى النوم !!!!!

    بالمناسبة فيهو صفحة اولى بغادي و فيها حبر مراق و افكار و عييييييييك
    اها انا جبت المقال دا في اللول عشان خاطر هندسة احمد التجاني . . نظام نقول ليهو جات علينا انا و اخوي النضيف المساكين ديل ؟

    Quote: عبد الدائم وقيقراوى ما بسالكم والله
    البوديكم تعاينوا لغنا البنات شنو


    وحاجة تانية في الصفحة الاولى دار سؤال و حوجة لكلام متخصصين موسيقى ، اجتماع ، انثروبولوجي ، انثروبولوجيا ثقافية ، . . . الخ
    اها قنا نجيب رأي
    كان عديل رأي و كان عوج برضو رأي
    بيني و بينك زي ما بقول استاذنا عادل البدوي ، د. حيدر ابراهيم كتر هواء الدباغة في المقال

    و في الآخر لارأي بزيد د. حيدر و لا نقدك و ( استشهادوالمضحك ) في نظرك بقلل من قامتو الاكاديمية السامقة

    ---------------
    ياخ جبت لينا الكلام ياخ ! امسك في الموضوع الاساسي و سو مشهادك فيهو
    خليك من د. حيدر . . شفتا سهام لسة ما ادتنا الاوكي و اعتمدت المقال كوثيقة في البوست دا !
    انت ما شفت استدراكي في المداخلة البعديها طوالي ؟!

    يا سهام نعوض عليك بدعوات . . موافقة ؟

    اللهم اعز البوست بأحد الاحمدين ( د. احمد طراوة او د. احمد القرشي ) او الاثنين و معاهم استاذ / محسن خالد

    اها قصرت معاك ؟

    ابقى طيب ابوي
    و للدكتور حيدر إبراهيم الاحترام و لك و لصاحبة الضيافة مثله
                   |Articles |News |مقالات |بيانات

05-10-2009, 06:31 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)

    Quote: و ليه مضحك؟؟!!!!!

    طبعاً مضحك .. فحتى سهام المجمر – كمثال - رغم ثقلها السياسي و النضالي؛ لم تلجأ لتبرير كتابتها عن
    سهرة الدلوكة بأن خير الله خير الله قد كتب عن بديعة مصابني أو عبد الوهاب بدر خان كتب عن ببا عز الدين.
                   |Articles |News |مقالات |بيانات

05-10-2009, 07:25 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    هل يلزمني شكر قيقراوي على لصق مقال حيدر في هذا البوست .. إن كان كذلك فشكراً.
                   |Articles |News |مقالات |بيانات

05-10-2009, 07:27 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    .. و له أجر اللصق.
                   |Articles |News |مقالات |بيانات

05-10-2009, 11:16 AM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    Quote: هل يلزمني شكر قيقراوي على لصق مقال حيدر في هذا البوست .. إن كان كذلك فشكراً.


    مشتهي ليك شكر ساي اظنك ؟ تشكرني على شنو ؟ انا قدمت ليك بطاقة دعوة اجتماعية .. عامة! ؟ و لا انت صاحب البوست دا ؟

    لقيتك صاحي و الله . .
    طيب مالك شككتني انك بتضحك ليك سنة و نص في استشهادات د. حيدر ؟
    دي مدة طويلة خلاس . . الضحك بشرطك بالطريقة دي
    اهتم باللياقة الاسفيرية
    نحن بنحبك ما تبقى زول مؤلم ياخ ؟

    عجبتني ياخ حكاية الدعوات الاسفيرية دي . . اها نديك دعوة :

    اللهم ثبت اجر اخونا حسين و اثيبه على خدماته الاسفيرية ، اللهم عظم اجره و لا تحرمنا سطره


    -----------------
    ياخ تعال ما نخرب للزولة دي بوستها . . اتفقنا ؟
    لكن ما تنسى ترفع البوست كل ما تلقى نفسك فاضي . . سمح ؟
                   |Articles |News |مقالات |بيانات

05-10-2009, 11:50 AM

Adil Al Badawi

تاريخ التسجيل: 27-07-2005
مجموع المشاركات: 1143

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)

    Quote: اللهم ثبت اجر اخونا حسين و اثيبه على خدماته الاسفيرية ، اللهم عظم اجره و لا تحرمنا سطره
    يا قيقا ألحق سطيرك دا أسحبو* حسين دا كان جا لقاهو قاعد في حِتّتو ياهو المرق ليهو منّو، بي الميّت كِدا، بي خمسة حسنات نظير خدماته الاسفيرية والحالة التشكيل والترقيم ما محسوب! أوّل حسين ماسك في سطيرو دا عَبَط! الراجل راقدلو فوق راي.

    يا سهام ويا عموم ستّات الغُنا كيفنّكن،

    دحين عاشميق زول الغُنْية هو عاشميق الأَصَم (تُقرأ كما تقرأ الفصحى "يوم الأحَد") وألاّ عاشميق ألّصَم (تُقرأ كما تقرأ الدارجة "يوم اللّحد")! حتى غُنا الضهاري بنات المُدُن (لندن وروما واخواتها) لبّسنّو بواريك!...كان يخلّن الشغلة لي خالاتنا الفي الصفوف الخلفيّة ويبقن في الليلتِن.



    ________
    * خطوة استباقية عشان ما نخرب للزولة دي بوستها . . اتفقنا ؟
                   |Articles |News |مقالات |بيانات

05-10-2009, 11:57 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Adil Al Badawi)

    كل واحد يجي يسوط و يسوط ثم يغادر متفقاً - مع نفسه - بأن لا نخرب للزولة دي بوستها
                   |Articles |News |مقالات |بيانات

06-10-2009, 07:37 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    سلامات يا قيقا ياخ

    وسلامات يا عادل و تحايا
    بشكل عام وانا أعتقد وكدة
    ان طبيعة اغانى البنات (موضوع وكلمة و لحن واداء) لا تسمح الا بالتخفيف
    والله اعلم

    يا حسين يا خ عفا الله عنك و هداك لقد اصبتنى فى مقتل
    قد اعود فى بوست منفصل لنفى ما اوردته من صفات
    و اتداعى ليكم تداعى لمن تتحيرو

    اما مقال حيدر يا جسين الله عالم ما لقيت فرقة
    لكن حرضنى ما دار بينك و قيقا لقراءة متعجلة وسريعة
    و بجيكم راجعة هسه دى
                   |Articles |News |مقالات |بيانات

06-10-2009, 08:46 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    السهرة عجبتني
    واكتر حاجة عجبتني الخالة التي غنت كما يغني عوض الكريم عبدالله
    والبنت ام توب مورد الكانت مستمتعة بمزاج وماخدة راحتها ع الأخر
    وكمان عجبتني مونيكا وليم عشان لسانها كان اوضح واحلى من لسان كل الحاضرات
    من زنجيات ومن مدعيات عروبة

    بس عن { بالتشديد} السؤال:
    سهرة الدلوكة واغاني البنات

    أي بنات ؟
    ----------
    هل الأغنيات او مايسمى بغنا البنات عموما بيعبر عن كل البنات ؟
    وفيه تستوي
    بنات الفصول مع بنات الحقول
    بنات لقيط القطن مع البنات حلاوة قطن

    بنات الهامش الحقيقي في جبال النوبة والنقسنا والنيل الازرق واعالي النيل
    مع بنات المدن ب خرطومها وام درمانها ومدينة السني ود مدني ؟

    بنات الرأسمالية الطفيلية وبنات المسحوقين تحت وطئتها وآلة السوق الطاحنة
    بنات الديم وما خلفه أم بنات المنشية وماجاورها

    البنات المعتقلات في الوطن
    أم البنات الماسورات في الشتات سواء كان مهاجر ام غربة وليل ومطر ؟

    ثم
    هل الدلوكة وايقاعاتها هي الوحيدة الصالحة لضبط ايقاع غنا البنات
    أم انه إستلاب جعلي الايقاع
    وعلى حساب ايقاعات اخرى في الهامش ؟

    هل أغنية البنات بتعبر عن حال
    ام عن آمال ؟

    بتكشف حال و أحوال ؟

    ثم ماذا عن البنات البيشبهن الأولاد
    والأولاد العاملين فيها بنات
    وكلهم/ن برعو/ن في أغاني البنات
                   |Articles |News |مقالات |بيانات

06-10-2009, 11:32 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: أبو ساندرا)

    سلامات يا قيقا و ملاسى
    عليكم الله ادونى فرقة ادخل معاكم فى شكلة مقال حيدر دى (وش ضاحك)

    بدأ د. حيدر مقالة بالتبرير لكتابتة عن ندى القلعة. اعتقد و فى ذهنه ما الثال السلبى لندى القلعة عند بعض من الاعلام و والمثقفاتية و بعض من رجرجة و دهماء (وش ضاحك) ...واتى بالامثلة التى اضحكتك يا ملاسى عشان يقول ما انا اول زول اكاديمى او مفكر او مثقف او شيخ اكتب عن "أمثال" ندى القلعة
    Quote: (ولكن ترددت في البداية في الكتابة وان يحمل المقال عنواناً عن الفنانة المثيرة للجدل. فتصورت أن عدداً من القراء سيراها مجرد " سفاهة" أو " عدم الموضوع" كما يقول الشباب. وقد يضيف البعض ان سفاهة الشيخ لا حلم بعدها.)

    و اعتقد- والله اعلم- ان تبريرة قد يربك قليلا بعض المتلقين للمقال فبعضهم قد يرى ان فى هذا تعالى الاكاديمى والمثقف و البعض الاخر ممكن يرى ان لا مشكلة فى هذا التبرير الذى اتى فى كلامى ادبى جميل و ذكر الامثلة هى من عمل الاكاديميين...
    اما فى يخص رائيى وهو ليس بقاطع الشكلة :) فأن هذة المقدمة حاملة التبرير لم تفسد التناول و التحليل العلمى لظاهرة ندى القلعة وان كانت سالبة لاخرين

    ما لم بستطيع عقلى هضمة فهما وياريت انو الاتنين (واخرين) يساعدونى ما جاء فى هذا الاقتباس:
    Quote: جلست الى التلفزيون فأطلت امرأة " في كامل مشمشها" – كما يقول محمود درويش أي شديدة الاعتناء بنفسها لكي تبدأ اغنيتها قبل ان يسمع صوتها وان تقدم اغنية بصرية للمتلقي لكي تمتلكه تدريجياً وفجاءة في نفس الوقت. وبعد هذه المقدمة و التهيؤ تستطيع ان تدمج اغنيات السمع و البصر او كل الحواس و العقل. معا

    وخصوصا اذا تم ايجاد صلة بينها و بين ما جاء هنا
    Quote: تقدم ندى القلعة ثقافة جماهيرية مختلفة بغض النظر عن تسميتها ثقافة هابطة او منحلة او غير محترمة
    !!!!
    لماذا غض النظر عن هذه التسميات وقد جاء فيما فى اول الفقرة نفسها التعريف الاتى:
    Quote: مثلت ندى القلعة ثقافة مضادة لثقافة الهيمنة الرسمية ورغم القمع و الاموال و الجهود من قبل الدولة و الاجهزة الرسمية لفرض ثقافة مهيمنة ذات طابع ديني لم تستطيع الدولة الغاء ظاهرة ندى القلعة وغيرها من الظواهر الثقافية و الفنية التي تحرج المشروع الحضاري. وهى تحاربه وتضعفه و تتحداه دون اللجوء الى الآيديولوجيات الضخمة و مؤامرات السياسة وحتى اللجوء الى الكفاح المسلح. فهذه الظواهر تستخدم دبابيس صغيرة في تنفيس هذا البالون الضخم. وتقدم ندى القلعة ثقافة مقاومة وممانعة لا تريد ان تكون جزءا من الثقافة الكبرى، وهى ثقافة فرعية (sub – culture) ولكنها شديدة التأثير وقادرة على جذب الناس بوعي او لا وعي. فندي القلعة قادرة على حشد الاف المشاهدين و المعجبين و الفضوليين، بينما تعجز الثقافة الرسمية عن حشد الناس رغم توقف العمل وملاحقة الموظفين و الموظفات، وتحضير الباصات ووجبة فطور. ويمكن لها ان تدخل في تحدي: من يستطيع حشد الناس طوعيا في ميدان عام او استاد مستخدما سلطة قائمة على الرضا و القبول و المحبة؟
    !!!!
    ربما لفتت نظرى هذه الفقرة بما فيها من تناقض لكراهيتى للاستخدام اغانى هابطة و ربطها مع اغانى البنات.. اذا كنا سلمنا بأن اغنيات ندى يمكنها ان تتحدى حشود السلطة بالرضا و القبول و المحبة
    Quote: وفي حالة ندى القلعة هى تقاوم الكآبة و الغناء، فهى و الانقاذ يمثلان نموذجين متناقضين

    فكيف يستقيم ان نطلق عليها هابطة (ما يجونى المتقفين و يتكلمو لى عن وعى الجماهير و طبيعتها والا ح نخش فى تنظير شديد عن دور الفنون فى ترقية الذوق العام و ما بعرف شنو داك) ما اقصدة ببساطة انو هابطة دى فيها حكم جاى من فووووق و نازل على صحابات الشىء زاتو الجاى من واقع محدد و معاش (بنية تحتية) انتجت ما اطلق عليه من بعد "هابط" و هذا هو الظلم بعينه.
    ياخ عجبتنى الحتة دى كيف:
    Quote: ومازلنا نعتبر العيب و العار مرتبط بسلوك المرأة، وقد اعتذر مظفر النواب لتلك التي تبيع الجسد الغاني بينما هناك من يبيعون ضمائرهم ومواقفهم

    لانها عرضت نموزج واقع لمفارقة المجتمع الذكورى لدروب العدالة حتى فى القبح
    يعنى زى ما يقول ليك حقكم سميح و حق الناس قبيح (بكسر الفاء والباء) عشان ما تخربو القافية وكدى يعنى..

    وجاية تانى
                   |Articles |News |مقالات |بيانات

06-10-2009, 07:45 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    فى بوست لاشراقة وجدت هذا الكلام و رأيت انو ايضا مناسب هنا اها قلت اجيبو ليكم
    Quote: ما ياها دي أيام الغُنا الهابط !!
    والتشجيع الهابط ..!!
    والفرح الهابط !!
    ما جبت حاجة من عندي
    ____________________________


    اهو ده اللى بقصدوا ياعمران وقدرت عبرت انت عنو
    الغنا الهابط
    والتشجيع الهابط
    والسياسة الهابطة وال...
    يعنى ده كلو متسق مع حالات الهبوط الحاصلة ولا شنو؟


    يعنى اذا كان اغانى البنات توصف بأنها هابطة و فى نفس الوقت قاعدين ينظرو لينا بأنها انعكاس للواقع
    بيكون الواقع زاتو هابط
    لابد فى حالة كهذه ان يكون الهبوط متسق
                   |Articles |News |مقالات |بيانات

06-10-2009, 10:13 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    سلام يا سهام و ضيوفها الكرام و خصوصاً سيدي البدوي شريكي في الاتفاقيات النرجسية . . امسحا لي في وشي دا

    بالتأكيد يا سهام ما جبت مقال د. حيدر صنم لنعبده . .
    كلامك عاجبني بالحيل
    بس عشان تستقيم قراية المقال اعتقد من العدالة انو مفروض يقرأ في سياقتو التاريخية . .
    قصة الشريف المبسوط منها و مشكلة بلوبلو - ندى القلعة . . الحملة عليها . . . الخ
    http://www.alwatansudan.com/index.php?type=3&id=9515
    المقال دا بعد مقال د. حيدر لكن ممكن اديك صورة تاريخية
    ما علينا

    ما عارف الصورة المرفقة بالمقال بسودانيز جات من وين ؟ حقو الريس بكري يراجع المسألة دي . .

    ما اعتقد انو د. حيدر كان محتاج مبرر لقراية ظاهرة اجتماعية !! ( رأي شخصي )
    و عشان كدا ما ركزت في تبريرو الشافو ملاسي ( مضحك ) - أكيد من حقو طبعاً - و مشيت لعبارة بعده اعتقد انها المهمة

    Quote: فالاهتمام الجاد والرصين بهذه الظواهر الثقافية عادي وطبيعي.

    و ليته كان شاف المسألة اكتر من " عادي و طبيعي " و رفعا لواجب عديل !
    الظاهرة دي موغلة في القدم و متجذرة و ليها تأثيراتها . . . ليه ما لقت الاهتمام و السبر الكافي لاغوارها ؟
    لحدي اسي قاعدين نسأل هل اغاني البنات هي اغاني الدلوكة ؟ و لا زي ما قالت استاذة / شذى هي الاغاني الشعبية الهابطة ؟ . . .
    و لا زي ما قال ترباس مرة انو لو غننها البنات عادي لكن كان غناها راجل بتبقى هابطة ؟!!
    اضيفي تسآؤلات بدر الدين الامير ، و كمان زيادة خير كدا اضيفي ليها اسئلة ابو ساندرا كلها ؟
    مش في هوة كبيرة هنا ؟
    جماعة الحداثة ساكين لي وافد القيم الجمالية من برة بس ! . . . و ما جايبين خبر تراثهم ولا قادرين يفرزوا قوانينو البتحكمو و البتطور بيها ؟
    حداثة بتقطع مع التراث شن طعما بلا زيادة اغترب ؟ . . . يا زولة دي حداثة ما جايبة حقها و ما حبابا و الله . .
    النسألكم الشغلة دي هي ظاهرة ثقافية صافية ؟ و لا اقتصادية و اجتماعية و بعدين ثقافية ؟

    نرجع لمقال د. حيدر ابراهيم
    احادية التحليل ما عجبتني ، و كنت ( بحلم) بقراية للظاهرة في تاريخانيتها و تحليل شامل اقتصادي / اجتماعي / ثقافي . . الشغلة بدت مع الانقاذ ؟ و لا بدت بندى القلعة ؟ . . . و اني لأراه هو القادر على ذلك بكل تأكيد
    بالمناسبة دي وين " قسمة و نصرة و مجروس . . . ؟ ديل زول سأل عنهن مافي ؟
    و في كتير من الفقرات كنت بقرأ الكاتب و هو خرج من وقار و برودة المحلل لمنابزة السياسي و الهتاف الصاخب
    يا سيدي البدوي هواء الدباغة دخل بشباك المقال فخرجت احلامنا بالباب . . او كما قلت رضيانين عليك و عافين منك ليوم الدين . . . الا باقي فينا من عشم انو نصل



    ------------------
    يا سهام ما تتواضعي ساكت ياخ ما دام قالوا عندك تاريخ سياسي و نضالي بعد ! . . يبقى عندك . . بهتوك الما بشبهوك ؟
    في مقال سمح كدا قريتو زمان لكاتبة ، سحب الشغلة دي من الحكامات و دورهن في النضال الوطني و التحرر . . بس بدورلو فاتحة كاربة كدا اها آ بت الشيوخ انت و سيدي البدوي ادونا الفاتحة و انا بساعدكم بالجكة . . اتفقنا ؟
                   |Articles |News |مقالات |بيانات

07-10-2009, 06:12 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)

    Quote: فحتى سهام المجمر – كمثال - رغم ثقلها السياسي و النضالي؛
    Quote: يا سهام ما تتواضعي ساكت ياخ ما دام قالوا عندك تاريخ سياسي و نضالي بعد !

                   |Articles |News |مقالات |بيانات

07-10-2009, 08:04 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    سلام يا ابوساندرا و تحيات

    Quote: أي بنات ؟----------
    هل الأغنيات او مايسمى بغنا البنات عموما بيعبر عن كل البنات ؟
    وفيه تستوي
    بنات الفصول مع بنات الحقول
    بنات لقيط القطن مع البنات حلاوة قطن
    بنات الهامش الحقيقي في جبال النوبة والنقسنا والنيل الازرق واعالي النيل
    مع بنات المدن ب خرطومها وام درمانها ومدينة السني ود مدني ؟
    بنات الرأسمالية الطفيلية وبنات المسحوقين تحت وطئتها وآلة السوق الطاحنة
    بنات الديم وما خلفه أم بنات المنشية وماجاورها
    البنات المعتقلات في الوطن
    أم البنات الماسورات في الشتات سواء كان مهاجر ام غربة وليل ومطر ؟

    ياخ بمناسبة اسئلتك دى ممكن تدونى فرقة انظر شوية
    انا أعتقد انو اغانى البنات دى بشكل عام ممكن نقول انها الاغانى الشعبية التى تغنيها البنات (كنوع) (غض النظر عن الطبقية و الجهوية و العرقية) وهى اغانى مجهولة الشاعرة و يشترك فى اثرائها عدد كبير من المغنيات بعد انتشارها بينهن.
    يا ابوساندر غنية البنات لما تتغنى فى حى شعبى ولما تتغنى فى المنشية صداها واحد عند البنات
    يعنى تنال نفس القسط من الهجيج والربة حتى ولو كلمات الاغنية لا تخاطب الوضع الاجتماعى فى المنشية؟؟؟!! ودى ملاحظه خاصة (عليك الله مادايرين لينا باحث هنا؟؟!!) الله فى :)
    يعنى اذا فى غناية من واحده من المجموعات الانت ذكرتها نظمت ليها اغنية تعبر عن حالة معينة تجد هذه الاغنية طريقها للانتشار بين المجموعات التانية وتتعرض للزيادة و النقصان على حسب واقع كل مجموعة تقع فى ايدها...
    اما عن الجهوية فمن واقع المعايشة انو لمن الغنا يدور البنات بينطربن لكل اغانى الشمال..الوسط..والغرب (مافى غنا بنات من الجنوب قاعد يجينا و دى قصة طويلة) وبمعرفة انو الاغنية جاية من وين احتمال لانها بتعبر عن المشترك فى اشكاله المختلفه والمتضامن معه وده بيخلى الغنامحسوس لكل الشرائح
    Quote: هل الدلوكة وايقاعاتها هي الوحيدة الصالحة لضبط ايقاع غنا البنات
    أم انه إستلاب جعلي الايقاع
    وعلى حساب ايقاعات اخرى في الهامش؟

    والله استلاب دى كتيره :) فى واقعنا السودانى المتداخل و المتشابك ده
    نحن شعب واحد مهما قالو و قالو وهم شن قالو (اغنية)
    ممكن يكون السبب ارتباط الدلوكه باغانى البنات
    انها الغنيات الاوائل وجدو فيها الايقاع الحار البخش الراس
    والتوفر ورخص الاسعار و سهولة حملها و استخدامها
    -والله اعلم-
    اها كيف معاك؟؟؟


                   |Articles |News |مقالات |بيانات

07-10-2009, 07:52 AM

Ishraga Mustafa
<aIshraga Mustafa
تاريخ التسجيل: 05-09-2002
مجموع المشاركات: 11885

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)

    Quote: بالنسبة لى اغانى البنات هى وسيلة لإنتزاع حق التعبير
    عن خلجات النفس في مجتمع ذكورى قامع ومتناقض وهى علاج
    او تحايل لكشف انثوى خلاق وتنبيه عن الداء والدواء من
    خلال موسيقى الشعر والتغنى والملاحظ ان السيمة الاساسية
    فى اغانى البنات هي تمرير الرغبات من خلال المثل او القيم
    الذكورية اغنانى البنات مهما كان شكلها ونوعها وطريقة تقديمها
    هى عديدة ومتعددة ومتاحة والناقص هو تحليها ودوافع وجودها



    تسلم يابدر


    سهام كيفنك

    انا ماشاهدت البرنامج لانى اصلا مقاطعة التلفزيون من فترة
    لكن الموضوع مهم وداير ليهو قراية متأنية

    هل فى غناء اسمو غناء بنات؟
    ياريت لو فى طريقه يساهم دكتور مجدى اسحق بما كتبه فى المجال ده
    رؤية واعية وبتفتح مسارب للتفكر

    بتابع واتمنى يسعفنى الزمن واساهم
                   |Articles |News |مقالات |بيانات

07-10-2009, 08:40 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Ishraga Mustafa)

    سلام يا قيقا
    Quote: و ليته كان شاف المسألة اكتر من " عادي و طبيعي " و رفعا لواجب عديل !


    موش كده؟؟؟ انت عارف التبرير ده بديك احساس انو فى حاجة غلط ... يعنى تخوف د.حيدر من رد فعل قرائه تحديدا ينبئك بالكثير عن رؤية هؤلاء وتعاملهم مع مثل هذه الظواهر الغنائية (ما بقول النسوية فقط لانو ممكن نلقى نفس التخوف لو كان عاوز يتناول ظاهرة حمادة بت مثلا)
    كدى نتخارج من دى :) ونرجع لمقال حيدر زى ما قلت لكن اولا خلينى اتفق معاك فى كلامك ده
    Quote: الظاهرة دي موغلة في القدم و متجذرة و ليها تأثيراتها . . . ليه ما لقت الاهتمام و السبر الكافي لاغوارها ؟
    لحدي اسي قاعدين نسأل هل اغاني البنات هي اغاني الدلوكة ؟ و لا زي ما قالت استاذة / شذى هي الاغاني الشعبية الهابطة ؟ . . .
    و لا زي ما قال ترباس مرة انو لو غننها البنات عادي لكن كان غناها راجل بتبقى هابطة ؟!!
    اضيفي تسآؤلات بدر الدين الامير ، و كمان زيادة خير كدا اضيفي ليها اسئلة ابو ساندرا كلها ؟
    مش في هوة كبيرة هنا ؟
    جماعة الحداثة ساكين لي وافد القيم الجمالية من برة بس ! . . . و ما جايبين خبر تراثهم ولا قادرين يفرزوا قوانينو البتحكمو و البتطور بيها ؟
    حداثة بتقطع مع التراث شن طعما بلا زيادة اغترب ؟ . . . يا زولة دي حداثة ما جايبة حقها و ما حبابا و الله . .
    النسألكم الشغلة دي هي ظاهرة ثقافية صافية ؟ و لا اقتصادية و اجتماعية و بعدين ثقافية ؟


    عشان كده قلنا يا ناس العلوم الاجتماعية هوووى تعالو افتونا

    Quote: احادية التحليل ما عجبتني ، و كنت ( بحلم) بقراية للظاهرة في تاريخانيتها و تحليل شامل اقتصادي / اجتماعي / ثقافي . . الشغلة بدت مع الانقاذ ؟ و لا بدت بندى القلعة ؟ . . . و اني لأراه هو القادر على ذلك بكل تأكيد


    لكن يا قيقا الزول ده قال انو عايز يتكلم عن ندى القلعة والعنوان
    "ندى القلعة و ثقافة الاختلاف و الممانعة" يعنى هو اختار كدة

    واتفق معاك تماما انو نحن محتاجين لتحليل شامل وياريت د.حيدر يفيدنا

    عارف يا قيقا لو نظرنا للمقال ده تانى فيهو الكتير الممكن يعمم
    خصوصا فى حتة ثقافة الاختلاف و الممانة دى
    وفى اغانى بنات كتيرة بتعبر عن التمرد على واقع القهر و التكبيل
    وانا كانت فى بعض الاحيان مغلفة بماهو مقبول من قيم المجتمع

    يا قيقا ياخ فى حاجة انتبهت ليها هسة فى مقال حيدر ضحكتنى و غاظتنى فى نفس الوقت
    Quote: تلك العجلة بره
    ماقصدي المضرة
    بس عايزة يطلق الضرة

    تلك شنو ياخ؟؟؟؟ موباااالغة
                   |Articles |News |مقالات |بيانات

07-10-2009, 08:50 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    Quote: ا قيقا ياخ فى حاجة انتبهت ليها هسة فى مقال حيدر ضحكتنى و غاظتنى فى نفس الوقت

    شكراً.
                   |Articles |News |مقالات |بيانات

07-10-2009, 10:38 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    ملاسى قلنا ليك ح نفتح بوست بالموضوع :) ونشوف قصة النضال دى

    Quote: قيقا ياخ فى حاجة انتبهت ليها هسة فى مقال حيدر ضحكتنى و غاظتنى فى نفس الوقت

    ملاسى ياخ الضحكنى غير الضحكك والا كلو ضحك بالنسبة ليك
    افتكر انا ضحكى ضحك نسوان وانت ضحكك ضحك رجال :)
    اها عاد كيف؟؟؟؟

    ممكن اسأل سؤال انت هلالابى والا مريخابى؟؟؟
    هذا السؤال لايخلو من غرض وذلك للتنبة :) :) :)
                   |Articles |News |مقالات |بيانات

07-10-2009, 10:59 AM

tmbis
<atmbis
تاريخ التسجيل: 19-10-2002
مجموع المشاركات: 24862

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    Quote: ممكن اسأل سؤال انت هلالابى والا مريخابى؟؟؟

    بشجع (ارتقاشـة) يا سهام
    في واحد من الجماعة اياهم مستواهو (ليــق) خالص .. كلما يجي يرد لي .. يشجع لي فريق .. غايتو حسع انا متابعو لفى بي الدوري الممتاز كلو ..
    حسع في دوري الأولى .. قمت قلت اجي اقطع ليو الطريق بي هنـا .. احتمال يجي يقول ليك حسين ملاسي دا بشجع برشلونــة ..
    ..
    عايني ...
    احمد الله سيدي ما حضرت الحلقة دي .. أنا في زولة اسمها سلمى العسل يوم بالصدفة جابوهـا معاها زول اسمو القلع عبد الحفيظ .. الاتنين قالو قاعدين يغنو (كيف لا اعشق جمالك)
    من اليوم داك .. بقيت اخاف يجيبو اي زولة ويقولو دي فنانه ..
    عند شريط بتاع دلوكـة مبالغـة .. لكن ممنوع نم النشر بأمر الطبيب لكن ممكن نجازف ليكم منـو حقنتين تلاتة ..
    ملحوظـة:
    أنا أحب هاجـر كباشي
                   |Articles |News |مقالات |بيانات

07-10-2009, 02:02 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: tmbis)

    Quote: احمد الله سيدي ما حضرت الحلقة دي .. أنا في زولة اسمها سلمى العسل يوم بالصدفة جابوهـا معاها زول اسمو القلع عبد الحفيظ .. الاتنين قالو قاعدين يغنو (كيف لا اعشق جمالك)
    من اليوم داك .. بقيت اخاف يجيبو اي زولة ويقولو دي فنانه ..
    عند شريط بتاع دلوكـة مبالغـة .. لكن ممنوع نم النشر بأمر الطبيب لكن ممكن نجازف ليكم منـو حقنتين تلاتة ..
    ملحوظـة:
    أنا أحب هاجـر كباشي


    اوووووو ولدنا تمبس والله بركة دى الجابتك استوحشنا لونستك ياخ
    اها يا تمبس النحكى ليك.. فى واحد من عرس اخوانى و نحن جايبين فرمالتنا الجيلى الشيخ (قبل الاعتزال)و نمنى النفس بهجيج مبالغة
    لقينا ليك العروس مصرة انو هذا القلع برضو يغنى .. قلنا مافى مشكلة و انا كنت ما سمعتو ..ما طالبنى حليفة يا تمبس لما بدأ يغنى انا دموعى قربت تنزل وقربت افرتق الحفلة..و اعمل فيها اهل عريس شكالين لولا الاجاويد.. اها قام جا ليك يوم الصبحية قسمة حضور و الهجيج الف و بين الفواصل طنبور اصلى تقوم تجى ناطه ليك منو ووو؟؟؟ تجى ناطة شروق ابوالناس وقال انا عاوزة اغنى بين فواصل الرقيص اهداء للعروس... طبعا العروس دى لولا انها من الخطوبة بقت فردة كان رميت عليها يمين الطلاق انى دى:):)
    لووووووووووووووووووووووول

    ملحوظه: انا احب شادية* على شرط مصحوبه بفرقتها

    *باقى الاسم جارح شوية :)
                   |Articles |News |مقالات |بيانات

07-10-2009, 11:13 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Ishraga Mustafa)

    Quote: تسلم يابدر
    سهام كيفنك
    انا ماشاهدت البرنامج لانى اصلا مقاطعة التلفزيون من فترة
    لكن الموضوع مهم وداير ليهو قراية متأنية
    هل فى غناء اسمو غناء بنات؟
    ياريت لو فى طريقه يساهم دكتور مجدى اسحق بما كتبه فى المجال ده
    رؤية واعية وبتفتح مسارب للتفكر
    بتابع واتمنى يسعفنى الزمن واساهم


    يسلم الاقتباس الجابك يا اشراقة :)
    والله البوست يفتقد بدرالدين عسى ان يعود
    واتمنى ايضا ان نرى اسهامات مجدى اسحق
                   |Articles |News |مقالات |بيانات

07-10-2009, 12:40 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    Quote: ممكن اسأل سؤال انت هلالابى والا مريخابى؟؟؟

    لولا الهلال لما جمعني شيء بهشام المجمر سوى أبونا آدم و .. بحري
                   |Articles |News |مقالات |بيانات

07-10-2009, 03:15 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Hussein Mallasi)

    Quote: لولا الهلال لما جمعني شيء بهشام المجمر سوى أبونا آدم و .. بحري

    خلى الهلال و بحرى والله ابونا ادم براهااا اوجبت عليك ان تقيم الليل يوميا و تسجد شكرا لله مدة حياتك :)
                   |Articles |News |مقالات |بيانات

08-10-2009, 09:30 AM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    Quote: لولا الهلال
    لبارت السلع ( الثقافية )


    يا عمك
    اها تخلي و لا نخلي ؟




    ---------------
    اسمع ان شاء الله الخطأ في ( تاريخ ) يكون لغوي بس ؟ ان لم يكن كذلك ، الضحك تاني بشرطك !
                   |Articles |News |مقالات |بيانات

09-01-2010, 03:47 AM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: قيقراوي)

                   |Articles |News |مقالات |بيانات

08-10-2009, 01:14 PM

انا بنت النيل

تاريخ التسجيل: 06-08-2003
مجموع المشاركات: 717

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: Siham Elmugammar)

    سهام ياخ الشوق مطر عديل
    قلت لي سهرة الدلوكة غايتو تياب سااااكت وحنن اديتا نظرة وحولت الريموت اصل جنس الغنا دا ما قاعد يستهويني

    بالمناسبة معاكم يوم الجمعة ان شاء الله
                   |Articles |News |مقالات |بيانات

08-10-2009, 01:38 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: سهرة الدلوكة تحمى النوم !!!!! (Re: انا بنت النيل)

    والله يا قيقا الجبتو كلو جميل عليك الله "السلعة الثقافية" دى ما بتفتح النفس

    بت النيل شكلو كده بيت المزاد راح وراحت معاهو المات

    بركة الجيتى يا بت امى

    الجمعة انشألله كما جيتى بنجى نقلعك من ريموتك
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de