طربقه!!!...نطيط كلام

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
التحالف الديمقراطي بأمريكا يقيم ندوة بعنوان آفاق التغيير ما بعد هبة يناير 2018
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-10-2018, 11:24 PM الصفحة الرئيسية

مكتبة سهام المجمر(Siham Elmugammar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-10-2007, 08:34 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    Quote: بس أنا طالب سهام أختي... إنها تقوم بحملة لنقل "سجن كوبر" من موقعه الحالي "لمنطقة جبال المرخيات... ونقل الدروة (بتاعة ضرب نار) من جبال المرخيات.. لمنطقة (حلايب).. عشان يكون التنشين صاح.. أها رأيك يا جني أخوي


    عاد دى نصيبة شنو يا كمال اكان انت اكان جنى قاعدييين مرطبين فى الخليج و انا اشتغل ليكم الشغل كله؟؟؟؟
    والله دى طربقه جد هسه سجن كوبر كان نقلناه... احفاد احفاد احفادنا لما يقلبو الحكومه دى يدكو شنو؟؟؟
    المسافه دحين ما بعيده عليهم لغاية المرخيات وهم مكدرين (ماشين كدارى) عشان يحررو المعتقلين السياسين ؟؟؟؟
    بعدين ناس بحرى ديل يقعدو اتظاهرو فى صينية الماعونه 3 يوم و بعدين نجى نقول ليهم امشو المرخيات؟؟؟!!!!

    قالو اعز من الولد ولد الولد
    دحين انا ما بدور ليهم الشمس

    و اكان على حلايب ...
    انت قايل نفسك قوى عظمى عشان تنشىء قواعد عسكريه فى بلدا ما بلدك؟؟؟؟!!!!!!!!!


    ________________________________
    اولاد بمبه ما بريدهم ما بريدهم
                   |Articles |News |مقالات |بيانات

11-10-2007, 09:31 AM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    Quote: سلامات..
    أنت ما عارف أولاد بمبة ديل.. مغتاظين من مسألة النيل ماشي من الجنوب للشمال.. قدر شنو!! تعرف مرات بيقعدوا يتفلسفوا عليّ.. وأنا ردي ليهم ببيت عمر بن كلثوم..."ونشرب أن وردنا الماء صفوا** ويشرب غيرنا كدرا وطينا"... بيفصلوا عديل كده...

    انهار الدنيا دى كلها تقريبا الجريان حقها من الشمال الى الجنوب ماعدا النيل لان الله عارف المصريين كان كتلونا بالعطش عشان كدة خلى النيل من الجنوب للشمال!
    والله اولاد بمبة يدوكم ليهو زى الصندلية بالقطارة!
    تعرف المصرى تقوم وتقعد تقيف معاهو وقفة ابوهو الولدوا ما يقيفها!
    آخرة النهاية يقول:
    هو عملى آيه!
    اتخيل انك ما عملت ليهو حاجة!
    كان حيقول شنو!
    Quote: بس أنا طالب سهام أختي... إنها تقوم بحملة لنقل "سجن كوبر" من موقعه الحالي "لمنطقة جبال المرخيات... ونقل الدروة (بتاعة ضرب نار) من جبال المرخيات.. لمنطقة (حلايب).. عشان يكون التنشين صاح.. أها رأيك يا جني أخوي

    ديل حبايبنا اللى أخدوا حلايبنا!
    انت داير تفلع نعال البشير ونافع!
    جنى
                   |Articles |News |مقالات |بيانات

11-10-2007, 09:49 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: jini)

    Quote: آخرة النهاية يقول:
    هو عملى آيه!
    اتخيل انك ما عملت ليهو حاجة!
    كان حيقول شنو!


    الله لا سمعك الممكن يقولو!!!!!!


    انت يا جنى شفت لون النيل عندهم؟؟؟؟؟
    فى نهر لونه اسود
    قال التلوث قال
    ده وجه النيل حزين لمفارقته لنا
    و لارضنا السمحه و لسانا النضيف
    يكسوه السواد الما و غم
    فهو مجبرا ولا بطل


    ______________________________
    ما بريدهم مابريدهم مابريدهم
                   |Articles |News |مقالات |بيانات

11-10-2007, 09:43 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    جني نقول الحمد لله على إحسانه...

    دي سلامة كبيرة.. إنو نهر النيل بالذات يجري من الجنوب للشمال..

    ربك لطيف بعباده...

    واحد قال إنو أولاد بمبة ديل زي (الياي) لازم تفضل دايس عليه .. لأنو أول ما ترفع رجلك (الياي) بينط ليك في وشك!!

    بس حكاية نقل الدروة.. دي مجردإجتهاد لينا أجر المحاولة
                   |Articles |News |مقالات |بيانات

11-10-2007, 10:01 AM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    Quote:
    انت يا جنى شفت لون النيل عندهم؟؟؟؟؟
    فى نهر لونه اسود

    حبر!
    طيب ما يصدروهو!
    جنى
                   |Articles |News |مقالات |بيانات

11-10-2007, 12:16 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: jini)

    كمال كرار ما تعمل طناش ورد على ..على ردى على اقتراحك

    جنى
    حبر؟؟!!!!! ياربى
    لكن الحبر ريحتو ما كده

    انت ركبت المترو الصباح؟؟؟؟؟؟؟؟؟؟؟؟؟

    حكت لى اخت اختك عزه (زوجة اخوك همام)* :
    لما كانت طالبه فى جامعة القاهره
    المسكينة بتركب المواصلات من عين شمس للجيزه
    قادر تتخيل المسافه و الزمن داك وسيلة المواصلات الاساسيه الاتوبيس المصرى الشهير
    المهم مره فى الكرسى الجنبها راجل قالت لى ريحته فاقت حدود كل ما تعودت عليه فى سنين عيشتها فى مصر
    الاتوبيس زحمه و الطريق طويل و لاحقه المحاضره يعنى مافى طريقه تنزل
    الريحة لما سخنت معاها شديد و غلبها النفس ببساطه قعدت تبكى
    الراجل شافه بتبكى قام سألها مالك فى ايه
    فتحت خشمه جاتها الريحه الاضافيه
    البكا اتحول لعويل بى نخجته

    ___________________________
    رايك شنو فى صف الخوه الفوق ده
                   |Articles |News |مقالات |بيانات

11-10-2007, 03:02 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    Quote: جنى
    حبر؟؟!!!!! ياربى
    لكن الحبر ريحتو ما كده

    انت ركبت المترو الصباح؟؟؟؟؟؟؟؟؟؟؟؟؟

    حكت لى اخت اختك عزه (زوجة اخوك همام)* :
    لما كانت طالبه فى جامعة القاهره
    المسكينة بتركب المواصلات من عين شمس للجيزه
    قادر تتخيل المسافه و الزمن داك وسيلة المواصلات الاساسيه الاتوبيس المصرى الشهير
    المهم مره فى الكرسى الجنبها راجل قالت لى ريحته فاقت حدود كل ما تعودت عليه فى سنين عيشتها فى مصر
    الاتوبيس زحمه و الطريق طويل و لاحقه المحاضره يعنى مافى طريقه تنزل
    الريحة لما سخنت معاها شديد و غلبها النفس ببساطه قعدت تبكى
    الراجل شافه بتبكى قام سألها مالك فى ايه
    فتحت خشمه جاتها الريحه الاضافيه
    البكا اتحول لعويل بى نخجته

    ___________________________
    رايك شنو فى صف الخوه الفوق ده


    طبعا المصريين مشهورين بالحاجات دى!
    ويقولوا ليك اللى بنى مصر فى الأصل كان حلوانى!
    اكيد الحلوانى زمان كان زبال!!
    الزبالة بتكون فى مصر فى حرز امين فى الوزارة او فى المطار مابتصرفوا فيها!
    اكيد قايلنها عهدة!

    الغريبة تلقى اتنين مصريين بسلموا على بعض فى خدودهم!
    واحد فيهم بكون فاطر فسيخ والتانى مش ابودود ومخلل طرشى والاتنين شاربين بيبسى والمعجون غاااااالى!
    حديد لاقى حديد!
    ويا قلبى لا تحزن!
    جنى
                   |Articles |News |مقالات |بيانات

11-10-2007, 07:27 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: jini)

    يالله تحفظ بلدنا

    كل سنه وانتو طيبين من مطربقين و مطربقات

    اها عليكم الله شفتو العيديه دى كيف؟؟؟!!!!!!!!!!!!
    الحركه تجمد الشراكه مع المؤتمر الوطنى!!!!!!!
    الله يكون فى عون البلاد من مقبلات الايام
                   |Articles |News |مقالات |بيانات

13-10-2007, 11:57 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    سهام وجني وكل المطربقاتية في بوست سهام الظريفة..

    كل سنة وأنتو وأولادكم وعوائلكم بألف خير وصحة وعافية

    --------------------
    والقابلة في بحري

    بحري طراوة
                   |Articles |News |مقالات |بيانات

13-10-2007, 12:08 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    سهام المجمر
    وانت واسرتك الصغيرة والكبيرة فى امن وامان ورخاء
    والله يحفظ ليكم الحلوين ويدمكما عليهم انت ومجتبى
    ك.ك
    وانت واحبابك والوطن بالف خير
    جنى
                   |Articles |News |مقالات |بيانات

16-10-2007, 11:02 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: jini)

    جنى و كمال كرار
    كل سنه وانتو و اسركم بالف خير و طيبين و سعيدين
    شايفاكم مرطبين تعيدو بالكيبورد
    ونحن الشمس لافحانه ندقدق فى البيبان و نفتش فى الواطه لحتة فحمه


    اكره الاحرائيه فى الزيارات و افراغ اللقاء من بهجتهو تحويله للمهم و صلنا
    لاقونى جماعه فى العيدعند ناس ابوى قالو لى نحن ماشين عليك و ح نكتب ليك بالفحمه
    عشان تعرفى اننا وصلنا!!!
    اتغظت جدا وقلت ليهم العفو و العافيه لله و الرسول اعتبرو نفسكم وصلتو و مافى داعى تتعبو و تمشو تدقو ليكم باب بيت فاضى!!!!

    شعب السودان وإجرائية العلاقات
                   |Articles |News |مقالات |بيانات

16-10-2007, 12:11 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    شعب السودان وإجرائية العلاقات

    سهام المجمر...

    الفوق ده عنوان طربقة جديدة ولا شنو؟... بس يا سهام.. كلامك صحي وما صحي... يعني أنت برضو "بخربشة فحمة" أليكترونية نزعتي عفوية علاقات شعب السودان على الرغم مما أعتلاها من صدأ التصنع الدخيل..علينا.. إجرائيتهم دي.. أملتها عليهم قواعد إجتماعية معقدة... والعتب والزعل الكثير... في الفارغة والما بتسوى والتي يمكن أن تنسف العلاقة مهما كانت حميميتها نسفا.. ناس الفحمة ديل ساهلين وخطاطين... كعبين البيربطوا منديل (التشوز) في أوكرة الباب.. بعد أن يضمخ بكمية عرق اليدين ولغاويس ثانية مافي داعي لذكرها.. لوووووووووول.. ولا البيجو يقلبوا ليك مشاية باب المدخل.. ده كلو عشان يقولوا ليك جينا وما لقيناكم.. ويردفوها بسؤال زي ما لقيت منديل مربوط في الاوكرة؟؟ أو لقيت المشاية مقلوبة؟؟..أو البيضربو ويقولوا ليك .. والله جينا ولقينا العربية ما موجودة في الموقف.. قلنا أكيد الزول ده ما في.. طيب ما تضربوا قبل ما تتحركوا من الموقف.. دي بالذات حصلت لي يا سهام..وكمان في نوعية يضربوا ليك ويصحوك من النوم ويقولوا ليك أنت نائم ولا شنو؟؟.. وفي نوعية بتزعل منك وتقول ليك يا أخي أنت قافل (موبايلك).. نان أخليه يعوعي أنصاص الليالي..
    بس والله سمحين.. يا سهام.. يمكن "الهاي تيك" تقلل من استخدام الفحم شوية وتجعل إجراءات العلاقات أكثر سفسطائية.. مع المسيجات.. والمس كولات.. ودي مبحث ثاني..
    المهم.. أنت خايفة على خشم الباب.. يتشخبط بالفحم.. مش أحسن من الجماعة البيروموا السقاطة أوالترباس بتاع الحديد.. ويخشوا لأقصى مكان في البيت.. ويلقوه فاضي... ويشربوا ليهم موية من الزير (أيام الأزيار).. ويمرقوا ويخلوا الباب فاتح على مصراعيه.. ويلاقوك في حتة.. ويأكدوا ليكم زيارتم ويقولوا ليك كمان بالامارة ما لقينا الكوز جنب الزير.. وغرقنا بالكورية المختوتة في رأس النملية...
    يعني إجراءات.. يا سهام لمن تحتاري.. والله الموضوع ده فيهو جنس طربقة.. أسكتي بس خليها ساكت..
    أخليك شايف جارتك دي بتناغم ليك .. شكلها عايزة تقول ليك وين أنتو أمبارح.. كنت جايبا خالتي قالت عايزة تزورك.. وقلت بالمرة نطق الحنك.. لكن بيتكم فااااااضي.. كنتوا وين يا أختي؟؟؟ أها الشغلة جابت ليها شمار كمان!!!
                   |Articles |News |مقالات |بيانات

16-10-2007, 12:59 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    Quote: إجرائيتهم دي.. أملتها عليهم قواعد إجتماعية معقدة... والعتب والزعل الكثير... في الفارغة والما بتسوى والتي يمكن أن تنسف العلاقة مهما كانت حميميتها نسفا


    ما هى دى المشكله يا كمال
    يا ناس
    خلو عندكم ثوابت و انطلقو منها
    يعنى طالما انو مافى شوائب محدده حايمه فوق راس العلاقه
    لما زول يقصر فى مناسبه
    الناس تخت حسن النيه والا شنو؟؟؟!!!

    اها رأيك شنو فى ناس الحركه المشو للريس لما عمل نايم
    و على حسب صحيفة السودانى (و شوفى انا)انهم دقو الباب و استنو ومسااااااافه
    لمن خجلة كدى مرقلهم راجل الجيران
    قامو وصو ليهو
    اتخيل لى كما زولك ده مرق الجماعه ديل ما كان لقو ليهم فحمه فى الحته ديك

    ________________________________________
    لنا الله!!!!!!!!!
                   |Articles |News |مقالات |بيانات

16-10-2007, 01:30 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    سهام..
    حسن النية ده أنا غايتو ببصم بالعشرة ..إنو دائما غائب.. يعني الواحد اصلا ما بتخيل إنك ممكن تكون عندك أوقات كده غائص في داخلك ومنغمس في مشاكلك.. وخططك.. ويمكن ما تكون سمعت بخبر مفرح أو محزن.. وتجي متأخر..وإن كان جيتك بتكون أول ما سمعت.. وبرضو مجاملتك ما بتكون مقبولة.. بتذكر واحدة قريبتنا توفى والدها.. وواحد قريبها ظروفه لم تسمح له تعزيتها في نفس الوقت.. وشاءت الظروف أن يقابلها.. ورفع يديه للفاتحة.. فأبتدرته بمساخة الفاتحة في منو؟ ولمن جاوبها.. قالت ليهو.. أبوي مات زمان وشبع موت.. جاي هسع تقول لي الفاتحة...والراجل سمع متأخر.. وكان بعيد من البلد.. أها ده يقولوا عليه شنو!!!
    يعني بعد الحادثة دي لم تعد هناك فاتحة او قافلة بين القريبين.. ده كلو لغياب حسن النية.. وتقدير ظروف الآخرين .. اليمكن يكونوا ما سمعوا بالفعل.. وحتى لو سمعوا يعني لازم.. نخت حسن النية.. قبل ما ننسف العلائق..
    ما قلتي لي كعكم كيف؟؟؟
    ---------------
    بحري طراوة
                   |Articles |News |مقالات |بيانات

16-10-2007, 02:06 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    كل سنة وانتوا طيبين لمجتبى ولك وعيالك الحلوين ما يدومهم عين وجاهة المجمر اب حارساهم .
    والله فكرتى وحليتها جذرى انا كل واحد يجى جنبي يقول لى يا بابا وينا صورتى انت بتحبها اكتر منى ومرات انت ما بتحبنى اقوم اخافا اغير الصورة ما يقول المرة الجاية انت بتكهرنى!


    مرطب منو !
    مكره لا بطل ناس العمرة ادونى ليك انفلونزا افيال!
    الله لا يوريكم العيد بين الماوس والمخدة!
    فى ام طرقا عراض دى هو كناية للدنيا لكن انا مسميهو للسعودية الشارع اسمهو الستين والاربعين والتمانين من رخست الأ سفلت نحن الشوارع عندنا زى الجدول!
    اها فى ام طرقا عراض كان خليت نخرينك فى البيت ومشيت عمرة ولا مشوار ورجعت البيت تجى نزلة! يعنى زى الملوخية كان علقت جلابيتك فى الشماعة واكلت تجى تلقاها مجلبطة!
    اهة لسة السودانيين يجوك فى البيت بدون مواعيد ولمن يلقوك ما فى يزعلوا ويقولوا لى بعضهم دا معقول يقعد فى البيت!!
    وهم زى المداحين حايمين يا خ يمكن مشيت ليكم فى نفس الوقت الجيتو نى فيهم!
    انتوا برضو أخير
    هنا يجوك الساعة تلاتة صباحا ويقولوا ليك البلد دى فيها نوم!
    ابالله شوفى الورم دا طيب الحرامى يجى متين لمن انتوا تجوا!
    الساعة تلاتة صباحا!
    شفتوا طربقة الحمى الما خمج!!

    [

    (عدل بواسطة jini on 17-10-2007, 01:36 PM)
    (عدل بواسطة jini on 17-10-2007, 01:36 PM)

                   |Articles |News |مقالات |بيانات

16-10-2007, 02:11 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    كل سنة وانتوا طيبين لمجتبى ولك وعيالك الحلوين ما يدومهم عين وجاهة المجمر اب حارساهم .
    والله فكرتى وحليتها جذرى انا كل واحد يجى جنبي يقول لى يا بابا وينا صورتى انت بتحبها اكتر منى ومرات انت ما بتحبنى اقوم اخاف اغير الصورة ما يقول المرة الجاية انت بتكرهنى!


    مرطب منو !مكره لا بطل ن العمرة ادونى ليك انفلونزا افيال!
    الله لا يوريكم العيد قضيتو بين الماوس والمخدة!
    فى ام طرقا عراض دى هو كناية للدنيا لكن انا مسميهو للسعودية الشارع اسمهو الستين والاربعين والتمانين من رخست الأ سفلت نحن الشوارع عندنا زى الجدول!
    اها فى ام طرقا عراض كان خليت نخرينك فى البيت ومشيت عمرة ولا مشوار ورجعت البيت تجيك نزلة! يعنى زى الملوخية كان علقت جلابيتك فى الشماعة واكلت تجى تلقاها مجلبطة!
    اهة لسة السودانيين يجوك فى البيت بدون مواعيد ولمن يلقوك ما فى يزعلوا ويقولوا لى بعضهم دا معقول يقعد فى البيت!!
    وهم زى المداحين حايمين! يا خ يمكن مشيت ليكم فى نفس الوقت الجيتو نى فيهو
    انتوا برضو أخير
    هنا يجوك الساعة تلاتة صباحا ويقولوا ليك البلد دى فيها نوم!
    ابالله شوفى الورم دا طيب الحرامى يجى متين لمن انتوا تجو الساعة تلاتة صباحا!
    شفتوا طربقة الحمى الما خمج!!

    [
    Quote: QUOTE]جنى و كمال كرار
    كل سنه وانتو و اسركم بالف خير و طيبين و سعيدين
    شايفاكم مرطبين تعيدو بالكيبورد
    ونحن الشمس لافحانه ندقدق فى البيبان و نفتش فى الواطه لحتة فحمه


    اكره الاحرائيه فى الزيارات و افراغ اللقاء من بهجتهو تحويله للمهم و صلنا
    لاقونى جماعه فى العيدعند ناس ابوى قالو لى نحن ماشين عليك و ح نكتب ليك بالفحمه
    عشان تعرفى اننا وصلنا!!!
    اتغظت جدا وقلت ليهم العفو و العافيه لله و الرسول اعتبرو نفسكم وصلتو و مافى داعى تتعبو و تمشو تدقو ليكم باب بيت فاضى!!!!

    شعب السودان وإجرائية العلاقات






(عدل بواسطة jini on 16-10-2007, 02:13 PM)
(عدل بواسطة jini on 16-10-2007, 02:15 PM)
(عدل بواسطة jini on 18-10-2007, 02:16 PM)

                   |Articles |News |مقالات |بيانات

16-10-2007, 02:11 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    كمال اقول ليك سر ؟؟!!
    انا ما عبرف اعمل كعك!!!!!!!!!!1
    و ما باكله و لا اى خبيز غيره..


    و بعدين العيد ده انا اكتفيت بخبيزالشريكين!!!!!
    امانه ما ما طاعممممممممم


    ________________________________________
    لنا الله يا الله...
    ياربى صينيه الماعونه بتتملى بشر يسدو عين الشمس متين؟؟؟!!!
                   |Articles |News |مقالات |بيانات

16-10-2007, 02:28 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    يا جني.. سهام.. شابكانا مرطبين.. يا ربي تقصد ترطيبة.. المصطلح السوداني بتاع الراحات.. ولا عندنا رطوبة من رطوبة الدمام وجدة.. والمكيفات؟؟؟ الأخيرة دي صحيحة.. تعرف يا جني انا في العشرة الأواخر كنت في العمرة.. وطبعا غشيت أخوي ود عمي في بلدكم أم طرقا عراض.. أها وأنا في الحرم.. في واحد عطس في وشي عديييل كده.. غايتو أستغفرت..وطوالي ضمنت دعائي "دعوة تحصين ضد أنف العنزة" ..وربك رب الخير لطف.. ما بنقدر نوفيه إحسانه..
    عليك الله يا جني...سهام دي قايلة هنا في عيد؟؟؟.. العيد هنا "نصو" نوم..والنص الثاني مسجات وكي بورد..وطبعا مع نقة العيال.. تطلع.. عشان تمشي البحر.. ولا الكورنيش.. ما تصل لغاية بكرة.. وترجع البيت والكل مطرم.. وما تنفع كل عشواتك العشيتا ليهم..في أن ترفع الزعل...
    يا أخي شخبيت الفحم على الأبواب والله أحسن من زوار الساعة 3 بتاعين البلد دي ما فيها نوم!!!
                   |Articles |News |مقالات |بيانات

16-10-2007, 03:02 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    Quote: أها وأنا في الحرم.. في واحد عطس في وشي عديييل كده..

    عطس فى وشك بس!
    انت محظوظ وامك داعية ليك!
    ما لموا فيكم نوع البمسك نخرتك بى يدو ويفتح ليك خشمك و يكح ليك فيهو!!
    انا لو ما خلو الناس تمشى بى لبسر رجال الفضاء الحج والعمرة من هنا مانى متعتع!
    انا مرة من ذات الممرات واحد فى الخج لابسة الشمسية حقتو طاقية قرب يقلع عينى بى سلك الشمسية كان ما خجلت من المعاى كنت رميت الخلف من الزعل!
    كل سنة وعيالك طيبين نحن ناس طواف ساكت! العمرة والحج خليناها لى بتاعين الأقاليم!
    جنى

    (عدل بواسطة jini on 16-10-2007, 07:13 PM)

                   |Articles |News |مقالات |بيانات

16-10-2007, 06:25 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    جني.. عيدك والأبناء مبارك...

    قلت لي خليتو العمرة والحج لناس الأقاليم زينا كده يعني؟؟ بالله ياجني..أسأل الله أنو يجعل عاصمتنا زي أبسط أقليم هنا.. أها المرة الجاية بنحاول نزورك رأيك شنو؟.. عندي واحد صاحبي شديد.. أجي العمرة لازم أزوره.. المرة دي لقيتو قافل تلفونو.. طبعا عذرته لأنو بيني وبينك أهلو كرهو.. وهو باقي أقليمي من الآراك.. أظن تكون بتعرفه.. ساكن في "سعودية سيتي" وعلى الرغم من أنو صديق شديد..بس ما حبيت أتطفل عليه..وأزوره فجأة.. لأنو ناس جدة ديل الله يكون في عونهم.. يا أخي لكن حسنات إنكم تستقبلوا تلك الجحافل من المعتمرين والزوار براها كفاية...العمرة خلوها لينا نحن الأقليميين والحج لناس سهام...

                   |Articles |News |مقالات |بيانات

16-10-2007, 07:21 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    Quote: جني.. عيدك والأبناء مبارك...

    قلت لي خليتو العمرة والحج لناس الأقاليم زينا كده يعني؟؟ بالله ياجني..أسأل الله أنو يجعل عاصمتنا زي أبسط أقليم هنا.. أها المرة الجاية بنحاول نزورك رأيك شنو؟.. عندي واحد صاحبي شديد.. أجي العمرة لازم أزوره.. المرة دي لقيتو قافل تلفونو.. طبعا عذرته لأنو بيني وبينك أهلو كرهو.. وهو باقي أقليمي من الآراك.. أظن تكون بتعرفه.. ساكن في "سعودية سيتي" وعلى الرغم من أنو صديق شديد..بس ما حبيت أتطفل عليه..وأزوره فجأة.. لأنو ناس جدة ديل الله يكون في عونهم.. يا أخي لكن حسنات إنكم تستقبلوا تلك الجحافل من المعتمرين والزوار براها كفاية...العمرة خلوها لينا نحن الأقليميين والحج لناس سهام...

    لازم تزورونى وتتبركوا فوقى اربعة حجات وجلجغمية عمرة!
    بلحيل
    انا حبوبتى لأبوى وجدى لأمى من الأراك يعنى اى زول فى الأراك ببقى لى وعندى خالى فى العودية سيتى!
    تبادل!
    عشان يبدلوا سيئاتك حسنات!
    خوفى تسكن فى كمباوند حق امريكان! حركات ساكت منكم!
    تعرف ناس العمرة ديل ناس نكورك ليكم ما تجونا ! نجيكم تكوركوا!
    الواحد تقول قاطعين صرتوا فى السوق!
    فى السوق يجننوا وفى ميزان العفش يحننوا!
    تععال شوف الجرس!
    هبطرش!
    جنى
                   |Articles |News |مقالات |بيانات

17-10-2007, 01:04 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: jini)

    قصه كريهه و مكرره ممجوجه و منجوجه (ذى ما بقول ود عيشه)
    و هى قصة تمشى تقضى ليك غرض فى و احده من مؤسسات الحكومه
    !!!!!!!!!!!!!!!!!!!!!!!!!!!!!!
    مــــــاااااااا ح احكى اى قصص
    فقط رخصتى ضاعت مشيت اطلع بدل فاقد
    و انتو عارفين الحصل شنو....
    ياخ اكتر حاجه هرت مصارينى و استفزتنى و طلعت اى حاجه ممكن تطلع منى
    انو طيب لو عاوز تعمل مهم يا سيادة العسكرى و تورينى انى انا مجرده حشره
    وبالتالى انت مهم اكتر و اكتر
    انا بتكلم معاك ترد على و انت عينك كا عاوز ترفعها عن الجريده
    على الاقل ياخ ما تكون جريدة الدار...................
    بس معقوله دى
    مهم و احسن زول فى الدنيا و الناس مذلوله واقفه قدامك راجياك تقضى ليها طلبها الصعب المنال
    المافى زول بقدر عليهو الا انت يا اشجع الشجعان يا محمد الشاطر
    طيب ياخ الـــــــدار !!!! ما لكن ما ما جايه

    ______________________________________
    قلت لى مية سنه ما نمشى لقدام يا همام مجمر
    ياخ ده مليون سنه ما نحبى خلى المشى
                   |Articles |News |مقالات |بيانات

17-10-2007, 08:20 PM

أشرف البنا
<aأشرف البنا
تاريخ التسجيل: 16-08-2007
مجموع المشاركات: 928

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    سهام المجمر و بقية المطربقين و المطربقات
    كل سنة و إنتو طيبين
    سأعود حينما تبتل العروق جداً جداً
    مع خالص التحايا
                   |Articles |News |مقالات |بيانات

18-10-2007, 07:07 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: أشرف البنا)

    اشرف كل سنه و نوال و الاولاد طيبين
    فى انتظار عروقك لما تتبل

    معليش يا اشرف عند مباركه كدى

    والله مبروك يا ناس الكهربا المبانى الجديده
    و الحمدلله ما نسيتو تركبو الجنريتر


    ________________________________
    عليكم الله دى بلد يرفعو ليها علم؟؟!!!!!1
                   |Articles |News |مقالات |بيانات

18-10-2007, 09:09 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    على باب استلام الرخص
    مكتوب ما معناه
    ان استعينو على الانتظار بالاستغفار
    ما عندنا مانع و يعلم الله اننا نحب الاستغفار
    و لكن ما كلنا مسلمين و ما كلنا بنقرأ عربى!!!!
                   |Articles |News |مقالات |بيانات

21-10-2007, 11:44 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    اهااا رجعت للطربقه تانى... اتعلمت لى تلوين واحد عاوزه اقشر بيهو.. فهل من مطربق؟؟؟!!
                   |Articles |News |مقالات |بيانات

21-10-2007, 12:13 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    أطربق .. أطربق.. أطربق كيف؟؟؟؟

    لالالالا ما بقدر...

    قالوا الجماعة عايزين يعملوا رحلة "إقتراح من منى خوجلي".. طيب أنت يا سهام..رأيك شنو في رحلة لبحر سماحة... أكيد ناس بحري بيعرفوا بحر سماحة.. والمُشرع (بضم الميم وتسكين الشين وفتح الراء).. بس ما تقولي لي ما حضرتي زمن المعدية.. بين مشرع شمبات وأبوروف... غايتو أكان ما حضرتيها.. تكون فاتتك أيام.... تعرفي يا سهام.. يعني أنا كنت صغير.. لكن كنا بنركب المعدية لأم درمان وكانت أشبه بسفينة نوح.. يعني تكون راكب وجنبك..ولا مؤاخذة حمار.. أو قرد.. ولا ديك.. بجانب الأوادم.. أها نصل أبوروف.. ومن هناك نركب الطرماج (الترماي أو الترام).. برضو قولي لي ما حضرت الطرماج.. لو ما حضرتيه أكيد حضرو أخونا أسامة الله يطراه بالخير... أنت يا سهام.. الأسطبل الوراء حلتكم القديمة شالوه ولا لسع..بتاع الإشلاق شنو الما اتذكرتيه .. الجنب ناس "س" على سالم.. يعني شمال ميدان الخطر.. أو ميدان المولد القبل الأخير... يعني شمال كرش الفيل..وشمال شرق "بيت حسن حسين" قائد الأنقلاب السابق....أها عرفتيهو ولا لسععععع...
                   |Articles |News |مقالات |بيانات

21-10-2007, 12:34 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    لا حوله و لاقووووه ياكمال انت من زمن الطرماج .. لكن روحك شباب ماتزعل

    بقايا الاسطبل قاعد غايتو..
    ___________________________________
    بحرى حنان و طراوه
                   |Articles |News |مقالات |بيانات

21-10-2007, 01:29 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    ما قلت ليك كنت صغير.. شنو يعني يا سهام..
                   |Articles |News |مقالات |بيانات

21-10-2007, 01:50 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    انتي في نطيط الكلام ولا في نطيط الدتور والدكتور الفي اعلان بكري ده
    في أي بوست نقوم نفتحه!
                   |Articles |News |مقالات |بيانات

21-10-2007, 03:28 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Muna Khugali)

    سهام وكمال
    ربى وكيل وضهرى سبيل
    طربقت ليكم وما اشتغلتوا بى طربقتى الشغلة!
    قلنا الطربقة بتولد الطربقة دحين ما اشتغلتوا بى طربقتى الفوق دى وانا اى زول ما بعبرنى بفوت اخليهوا واشوف لى ناس حقين خدوهات!
    تشاو
    جنى
                   |Articles |News |مقالات |بيانات

21-10-2007, 09:00 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    جني ..إت بصحاك(بصحك)!!!!!

    ها وين تسبينا يا زول... يا زول طربقتك مالية معانا تمام.. بس إت شوفت (شفت) ليك واحد مطربق مركز؟؟
    يا زول العفو والعافية.. بس ما تسبينا.. وإن درت نزورك في جدة وكت العمرة الثانية ما في مانع يازول.. وكت أنت عندك عقاب من الآراك أكيد بتعرف "محمد الطيب محمد عثمان" في السعودية سيتي.. وبرضو مولانا/ طه سورج.. يا زول قضينا أيام لذيدة مع الجماعة ديل.. وبرضو أخو طه سورج الكان أستاذ في كلية الإقتصاد.. هسع عايزك تقولي المسافة من الآراك حدي شيبا.. لأنو برضو عندي أصحاب في شيبا.. ومفكر أعمل لي جولة كده.. على الأقل الواحد يتعرف على بلدو.. سافرت للخارج كثير... غرب وشرق.. أصلا ما لقيت نفسي... قلنا نشوف.. سفر الداخل.. وبالذات بلاد شايق الجميلة.. وعشان ما يزعلوا الآخرين الأنت عارفهم.. برضو بنزور كل بقاع السودان.. أوعك من الطربقة المسيسة.. بتجيب هواء وأنا عندي حساسية...
    جني...يا زول سماح...
                   |Articles |News |مقالات |بيانات

21-10-2007, 11:34 PM

Eng. Mohammed al sayed

تاريخ التسجيل: 16-10-2005
مجموع المشاركات: 1181

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    هضربة:-
    سعر لحمة الخراف السودانية بالمملكة ارخص من سعرها في السودان,بقيت ماعارف انا هنا ولا هناك

    سعر كباية القهوة في السودان ضعف سعرها بالمملكة,,قلت للهندي بتاع الكافتيريا :اجيب ليك فيزا ست شاي؟
    سعر الاكسنت في المملكة اقل بكتييير من سعرها في السودان مع انو المملكة ماعندهم مصنع للاكسنت,,
    الحكمة انوا وفرت وظائف في السودان طيب مانستوردا من غير جمارك ونصرف مرتبات ساي من فرق السعر
    وتبقي عمالة مرططططبة
    سعر الملابس في البرندات بالسوق العربي نصف سعرها بالمحلات يعيش الباعة المتجولون,, ياااا يعيش.
    (من غير مفارقة) يعني منطقية وحلوة وملعوبة وعيدنا وكدا
    واحد صاحبي مرتبه الحكومى 350000 ومصروفاتو الشهرية في البيت مليون,قال لي معللا زمان كنا بنحضر الرجل الخارق هسع بقيناكلنا ذلك الرجل.
    اها ماتجو تقولو الكلام دا كان اقولو في بوست الاسعار بتاع الباشمهندس هشام(نان الهضربة دي تكون كيف..ما لازم اخلط الاوراق)

    كوووولي سنة وانتو طيبييييين يا اهل البوست.ويا الطلعتوا من الموضوع وبقي كلامكم موزون*.
    .........................................................
    موزون*وزن يزن وزنا فهو موزون وهي موزونة اسم الآلة موزنة أوميزنة والإسم الآلي ميزان وإن شاء الله يكون في ميزان حسناتكم.وهكذا دواليك*.شوفتوا كيف؟
    .......................................................
    دواليك* ماعندها دخل بي مرض الدوالي,


                   |Articles |News |مقالات |بيانات

22-10-2007, 00:41 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Eng. Mohammed al sayed)

    انتو الصباح بيجي عندكم متين؟؟؟
                   |Articles |News |مقالات |بيانات

22-10-2007, 06:50 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Muna Khugali)

    كمال طربقتك بقتك الف ... ساعينك مطربق البوست الاعظم... ذى الحبر الاعظم
    بالمناسبه يا كمال انت كلمة الحبر دى جايه من شنو؟؟
    حبر يحبر حبر فهو حبر.. والا حبر يحبر فهو حبار ... يعنى اصلها اللغوى شنو؟؟

    يا جنى هوىىى ماشى ويين والله والله البوست من غيرك خلا
    ها زول نان اما انت ده انا كنت دخلت جامعة الخرطوم؟؟؟
    هو نان فضلك داك بتنسى
    اقعد يازول ماشى خالينى وين؟؟؟
    بنبرك جرو لا قدام... ( لا دى بمعنى لى .. وليست ناهيه و لانافيه)
    الله دى شدو حيلكم بقت طربقت عربى سااااااكت
                   |Articles |News |مقالات |بيانات

22-10-2007, 06:58 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Eng. Mohammed al sayed)

    Quote: سعر كباية القهوة في السودان ضعف سعرها بالمملكة,,قلت للهندي بتاع الكافتيريا :اجيب ليك فيزا ست شاي؟


    محمد السيد
    يازول اوع تقيف طولك.. ادخل ادخل لى جوه
    ااى جر البنبر ده ..ااى ياهو ده ذاتو
    والله البنبر الواحد مكلفى 12 جنيه ونص (بالجديد)
    ما يغلا عليك اقعد... و بعدين انت بقيت كفيل و كده
    خلى زولك ده يدور القهوه خفيفه عشان راسك ما ينعدل
    وتفوق من الطربقه السمحه دى..
    غايتو ناس جنى و كمال ديل شرقرق كامل ما يفوقهم
                   |Articles |News |مقالات |بيانات

22-10-2007, 07:17 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    منى خوجلى يعنى يا دوبك جيتى ؟؟!!! الوم ما وصلك من الصفحه الاولى.. اجى يا بت امى؟؟؟
    عاد انا قلت يا بت يا سهام حقو تحردى ليها الرحله.. والله خليك من القالو ليك بغنو ليك ديلك و الله انا غنايه غنى ..
    اسألى ندى مصطفى...

    اها قلت لى الصباح بجى عندى متين..
    ما بجى لما الدنيا تصبح!!!
    دحين دى سلامى؟؟؟

    والله يا منى طربقت بوست الدكتور دى ما وقعت لى
    اها ابقى لى بتاع اللورى .. ما تقولى لى بتاع اللورى ده منو؟؟
    مافى الصفحه الفوق الانتى دخلتيها فرد مره؟؟!!!!

    صدقى ذكرتينى قصه
    اهن النحكيها ليك
    طبعا اللوم ده كريه و فظيع و ما بندار الا من باب الهزار الزى ده
    المهم عندنا واحد من اعمامنا لوام لوم ما عادى
    المهم جا عرس ولده ..اهلنا ناس مدنى كلهم كا العاده و انشألله ما نعدمها
    نزلو فى البيت الكبير..يعنى عند ناس ابوى
    اها انا كنت حامل و اخلاقى اخلاق حامل
    قلت ما ماشه العقد و الا بطاريه
    المهم جانى ود عمى محمد قعد جنبى قال لى تعرفى يا سهام ياختى
    انا كانت ضاربانى ملارية مدنى الما خمج فوقى حمى بس التقول صاج السمك
    و عمى ده جا عرس بنته ماقدرت اجى.. اها بقى كل ما نتلاقى فى لمه
    لازم يحكى قصه ويقول ياربى ده حصل متين.. متين؟؟؟؟
    ويرد على نفسه: ايواااااااااااااا دى ما يوم عقد بنتى
    ويضربنى فى رجلى .. و يقول لى لما انت ما جيت يا محمد
    المهم محمد حلف قال القصه دى بتحصل كل ما يجى الخرطوم على مدار 3 سنين
    اها لما عمى يقيف من محمد انا بقيف منك يا منى !!!



                   |Articles |News |مقالات |بيانات

22-10-2007, 01:37 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    آآآي والله اللوم ده حاجه صعبه خلاص..

    أول مره أمشي بلدنا الزومه في 2004 وكنت فرحانه جدا علشان هاشوف اهلي الماشفتهم ..
    قاموا قالوا لي في حبوبتك خالة أبوك موجوده..
    طبعا ما قدرت افهم خالة أبوي كيف تكون عايشه وابوي فات السبعين زمان؟
    المهم أنا وصلتها في بيتها بكل الشوق والحب ومعاهم فضول..سلمت عليها بحنيه شديده وبدموع كمان..
    كانت اصغر من الخليفه..عرفت بعد كده انها ماكانت شقيقة أمه..
    المهم بتها جات سألتها بطريقة ظريفه..

    يمه..بنيت عوض خوجلي مني دي عرفتيها؟

    حبوبه عاينت لي كده عين غريبه بعيونها العسليه الواسعه..عين لا فيها شوق ولا أي حاجه..
    وصوتها كان تخين شويه..قبلت لبتها وقالت ليها..

    نان دحين هي جاتني قوبال ده في شان أعرفا؟؟

    بس أنا طوالي نزل فوق قلبي حجر..وما بقيت احبها تاني!
    يعني شوفتي اللوم الماعنده سبب ده بيزهج..موش؟؟

    قولتي النهار بيجي وقت ما يجي؟؟
    بري نحنا عندنا بيجي بعد الشمس تطلع!!
                   |Articles |News |مقالات |بيانات

22-10-2007, 12:05 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    سهام أختي (كبير المطربقاقتية...

    الشيء جابتلها إمتحان عربي ونصوص والكلمة ومعناها...سمح أولا بالتبادي.. أنقيف في نطق الكلمة.. باقي (البروناونسييشن) في الحاجات دي مهم.. مش زمان كدي في درس في الإنجليزي اسمو HOMOPHONES ومقصود بيهو .. الكلمات المتشابهة في النطق ومختلفة في الرسم والمعني.. أها نرجع لموضوع (الحبر).. واحدين واحدين يقولوا (الحَبْر) بفتح الحاء وتسكين الباء.. وواحدين واحدين يقولوا..(الحِبرْ).. بكسر الحاء وتسكين الباء.. أها هسع ياتم الصاح..وبعدين نشوف جاية من وين وROOT بتاعها شنو.. ولا مو كدي..
    قصة عمك وود عمك محمد... موجودة في كل اسرة.. يعني عمك الله يديهو العافية (تيبكال سودانيز أنكل)..
    الله يجيب جني طيب..ما يقوم يعملها ويفك البيرك..لكن بعد كلامك ده أكان ما رجع يكون عدييييييييييل بالغ.. أو يمكن يكون غاطس في البطاطس.. أو في بوستاته الكلها شكل!!! طبعا معروف ما هو ال بيبدأ بالشكل لكن في النهاية يكون مضطر.. يتكلم مع البسوى والمابيسوى.. ويحرق بنزينو ساكت.. عليك الله مش الطربقة دي أحسن ليهو....والله الهم العام.. كلنا بنحبو.. لكن الواحد ما ناقص ألقاب تخلع علينا من كل حدب وصوب.. عشان كده أخير بيجاي .. اطربق مع سهام أختي وكل من أراد أن يطربق.. ولا نجرح حد ولا يجرحنا حد.. خواف؟ آي خواف.. بس أحسن من أكون سباب ولعان.. ومستنين فورمان الترقية..
                   |Articles |News |مقالات |بيانات

22-10-2007, 12:36 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)


    كدى يا كمال النكلمك موضوع جنى ده امانه ما حارقنى
    ياخ الشكل ده لا حقو لا بشبهو
    جنى ظريف و بتاع نكته
    و الشكل ده كلو الجايبو شنو.. الناش دى ما تتناقش و تحافظ على احترام بعضها..
    يعنى الخوف من النبذ ال لحد ما حرمك حرمنى من النقاش فى السياسه ده بصح؟؟؟
    يعنى الواحد رأيه ده يحتفظ بيهو لنفسه بس و الا شنو؟؟؟
    ياخ الكلمه الشينه لزومها شنو؟؟؟؟
    يعنى الناس البتنابذو ديل ما يعاينو لاطفالهم... يعنى انا مثلا بتى كتير بتكون بتاوق لى انا بكتب فى شنو
    وبر على منو.. ولازم كتير كتير كتير تقول رايها حتى لو ماسألتها
    اها معقوله دى... قول فتحت المنبر ده و لقت خلق الله بينبذو فى امها..
    نان انا بندس وين
    والشى نبذ لخلاف فى الراى..
    يبقى عليها اتنين وجع نبذ الام
    و الخوف من التعبير عن رأيها

    هسى يا كمال يا اخوى
    قول قووول لو انت عاوز تنبذ ليك زول مش عشان قال رايه..خليهو كلام الراى ده
    اها عشان عفصك عديييييييييل كدى فى كراعك دى و قاصد كدى
    اها النبذه فى طرف خشمك لقيت ولدو واقف جنبه
    ح تعمل شنو؟؟
    مش ح تقول احى احى يا كراعى و تسكت؟؟؟!!!!!
    خلى النبذ البكون قاعد فى الانترنت ده مخزن
    للاولادنا و ما بعيد لاولاد اولادنا!!!!!!
    لكن الله فى...



    ____________________________________________
    بالله رايك شنو فى خطى و كدى يعنى؟؟؟
                   |Articles |News |مقالات |بيانات

22-10-2007, 12:56 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    والله يا سهام يا أختي.. صدقتي في كل ما قلتي..

    تعرفي يا سهام أنا عندي البونية والدق عدييييل أحسن من النبذ.. لأنو النبذ ما بيقيف عندك.. بتعداك للقدامك والوراك.. في حين إنو البونية والشلوت معني بيهم المتلقي فقط.. ولا تخرجان عن دائرة جسده.. يعني لو واحد أداك بونية بتقع في رأسك أنت ما في راس أبوك ولا أولادك.. وده مش معناه أنا بنادي للعنف بس عاوز أعمل مقاربة كاريكاتورية توضح مساوي الشتيمة.. يعني أول مرة أعرف أن إختلاف وجهات النظر هو مرادف للشتيمة.. عشان كده في السياسة أنا ماشي بسياسة "حمدو في بطنو"...

    --------------
    يا سهام خطك.. رهيب...
    أنا حاسميه "خط بحري"

    لكن ما بحري طراوة
                   |Articles |News |مقالات |بيانات

23-10-2007, 07:42 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)


    والله ذى ما قلتى يا منى اللوم بطير الشوق من الروح
    نحن طبعا لما نلاقى ناس البلد
    بيكون اللوم كده:
    منو بنية طه.. امانه ابوكم مى كان حنين (بكسر الحاء و تشديد الياء)
    منى باقى لى بى شكلتك المدوره بهناك دى ما اظنك تجى تطربقى كان الله فى عونك؟؟!!!


    كمال يا كبير المطربقاتيه
    اعمل حسابك هسه يجيك و احد يعمل فيها" المسكوت عنه فى النص"
    و يقول كمال كرار و المدفون من العنف

    والله فى السياسه المشى بى حمدو فى بطنو صعب
    مرات بقول رأيى و اول ما احس انو فى ارهاصات بتاعت شكله
    بفك البيرق.. لكن لمتين ده يستمر ما معروف
    المشكله اننا سودانيين جد..
    شكلتنا عكاز و بنيه..
    انا ماعارفه الجماعه ديل جابو النبذ ده وين؟؟؟

    _______________________________________
    لكن يا كمال انا بركب خط المزاد
    لانو خط بحرى ده بنزلنى فى المحطه الوسطى بحرى
    وتانى اكون عاوزه اركب خط الشعبيه والا اى خط ماشى شمال و انزل فى الماعونه
    و طبعا ما بقدر امشى بشارع ناس الشنقيطى عشان كلابهم متوحشه اها اقوم امشى بشارع ناس منال جبريل يلا اقول اغشاهم
    واركلس يعنى لى بكره ما اصل البيت... دحين دى سلامى
                   |Articles |News |مقالات |بيانات

23-10-2007, 09:39 AM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    Quote: يا جنى هوى ماشى ويين والله والله البوست من غيرك خلا

    اختنا الصغيرة بت عمى طه انتو الشطارة براها كاتلاكم ما يدوكم عين!كمبردج الله فكاها منكم بقت بعيدة!
    كان عذبتوها عذاب زى حسب تعابير اخونا الصغير محمد المجمر!!
    افوتكم امشى وين انا داير لى سبب اتفرغ للشكل الاتعلمناهو فى كبرنا يا كمال!


    انا داير اتصل بالسودان كمان يرسلو لى عكاز حق جلد مضبب وفى نهايتو صامولة والصامولة فيها جلة عشان الايام دى عندى ظهر ودستور حق جلابة!
    السياسة دى فى البورد دا حقت الناس المارقة للربا والتلاف!
    نا س سودان ناو وسودان نيو وسودان نيييو!
    نحن جيل اخنق فطس ناس من نسى قديمو تاه!
    عشان كده انتو ترو لى وراء!
    فى ناس هنا كلامهم انجيل وما دايرين زول يناقشهم!
    ونحن السودان الدايرين يولعوا نارو دا ما حقهم براهم عشان كدى انا بمشى وبجيكم كان الله هون القواسى!
    جنى

    (عدل بواسطة jini on 23-10-2007, 10:38 AM)

                   |Articles |News |مقالات |بيانات

23-10-2007, 10:12 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    سهام.. لكن ما بالغيتي ..منال جبريل دي ظنيتها ..أخت د.صلاح جبريل.. ود.معتصم جبريل.. غايتو أكان ياها تكوني بالغتي.. بس سلمي لي على الدكتورين ديل.. ناس معرفة قديمةخلاس..لكن أنتي لمن بتجي بهناك أكيد أكان ياها المحلة القاصدها أنا..بتغشي طيبات.. وبتكاوشي على العجور والطماطم كلو.. وده كلو لأنك كابة الزوغة من صينية الماعونة... مو كدى؟؟؟
                   |Articles |News |مقالات |بيانات

23-10-2007, 10:26 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    جني سلامة العودة..

    تعرف يا جني زمان أنا كنت شكال خلاس..لكن ماني حريف في العكاكيز... بس حريف في الزوغة من العكاز.. وتسديد اللكمات وأم دلدوم.. بس النبذ تب ما بعرفو.. ولو واحد بنبذني... بفقد المنطق..في الرد عليه بالكلام.. وبفك الجبارة بضربة لم يتحسبها الخصم.. وكانت دي مشكلة..لأنو كل الأجاويد بيغلطوني ويقولوا لي كان تنبذو زي ما نبذك.. أنت غلطان تمد يدك.. أها غايتو برحمة من الله وبجاي وجاي ربنا خلصنا من الآفة بتاعة مددان اليد.. دي.. وبقيت أتفادي الشتيمة والنبذ..لأنو خايف أعود القهقري.. أيام..كانت بنيتنا تدوش.. أو هكذا أعتقدنا.. وفي العمر ده الواحد ما عايز يتلتل في الأقسام..والمحاكم.. بعدين .. يا جني لو واحد بنذني.. سايبريا..بموت بالمغصة ساكت.. نان ألقاه وين.. ديل أشباح أليكترونية...ظاهر إنها مريضة..وأكيد لو لقيتهم عيانا بيانا.. يخلوا ليك الدرب.. فوق أمات كم؟؟؟ سيبك يا عمي.. إذا في واحد فاكر إنو حال البلد بتعدل بالشتائم والنبذ..يبقى حنظل محلك سر.. والله كريم علينا..
    يا زول مالنا ومال الخوتة.. والجوطة..وأنت ربنا يكون معاك.. وعكازك أبوصامولة ده..عليك الله ما تشيلهو إلا لمن تحضر "عقد" أو حفلة عشان العرضة.. والصامولة دي فكها وأديها لزول صامولتو محلوجة.. أها ما تطول!!
                   |Articles |News |مقالات |بيانات

23-10-2007, 10:56 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Kamal Karrar)

    جنى

    مرحب بعودتك

    جنى انت السودان القديم ده قاصد بيهو شنو؟؟

    كمال اقيف قدامى الزول ده ما يلبعنى بصاملتو



    ______________________________________
    ديل ناس جبريل تانين و حكمة الله نهى و منال
    دكـــتورات
                   |Articles |News |مقالات |بيانات

23-10-2007, 11:26 AM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    Quote: جنى انت السودان القديم ده قاصد بيهو شنو؟؟

    السودان الفيهو قيم واخلاق وسودان الديمقراطية والتداول السلمى السودان الخلا الدنيا كلها تحترم اهله !
    عشان تعمل سودان جديد حلم لازم يكون الشغل فى اتجاهين متوزيين! يعنى ما ينفع تكسر سودان عشان تبنى سودان تانى! ببساطة لانك لمن تكسروا ما حتلقا سودان تانى!
    الداير السودان الجديد ينشر الوعى بى اليات الديمقراطية!
    الناس البرة البجعحعو ديل عندهم هويات اوروبية وامريكية بياكلوا عيش من وراء الاوضاع السيئة فى السودان ولو السودان بقى كويس حتنتفى الاسباب حقت الامتيازات الموؤقتة عشان كدة دايرنو اكتر سوءا!
    انا محيرنى الجوة البجعجعوا زى ديك ام الحسن يكشنوا فى بصلتوا وهو يعوعى!

    هسة تكونى كدا عرفتى السودان الجديد الدايرن يبنوهوا محل القديم ومقاولين الهدد مشمرين سواعدهم وبعد يكسروهو يقولو ليكم العبوا صالح ورقكم ويكبوا الزوغة!
    جنى
                   |Articles |News |مقالات |بيانات

24-10-2007, 08:33 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: jini)

    العزيز جنى
    سلام
    اسمع يااخوى عندى كتير اقولو... لكن ما دايرين ناس شكلتك و احترامنا لك و لهم ...يجو يقومو العجاج هنا
    قد نلتقى فى الماسنجر... وذى ما عارف انا بخاف من النبذ شديد ..عشان كده مابتداخل مرات فى بوستاتك البلقى عجاجها قايم
    اقوم اختلف و اتفق ..القى ليك كلمه جاتنى من حيث لا احتسب

    تعال ياخوى هنا نرجع لطربقتنا ... باالمناسبه عصايتك الشايله دى دليها عشان اختنا نجلاء دى تقدر تقول ليك حاجه.. اصلها جاتنى فى حوش شكلتى مع بكرى الاتقلب درس عصر فاهم من تمبس و قالت لى خافت من عصايتك.. وانا دحين اديتها الامان..اها اوع عاد تحرجنى

    جنى دى طربقه ساااكت منى و انت عاد ما البوصوك .. ورغم اختلافى معاك حول العصايه ..لكنى كل ثقه فى انك عارف محل بترفعها.. ولازلت اعترض على رفعها بكل الاحوال... الديمقراطيه تجى وييين فى ظل العنف السياسى والفكرى ده (هوى الجمله الاخيره دى ما تعلق عليهاعديييييل كده)

    اها شايفاك كمان بقيت تعمل معادلات حسابيه لتوضيح وجهات نظرك و كده
    هلا هلا ملك الرياضيات ..ما عااااارف روحك مقطعه و مقدده
                   |Articles |News |مقالات |بيانات

27-10-2007, 10:29 AM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)


    مشهد اخر شهرى


    حافله مئزومه بالركاب تأن مع انين حمولتها مدردقه نحو الموقف الجديد الماعندنا فوقه كلام الا قولة اللهم انهم اجادو فى ظلمنا فاجد يااللهى فى قلعهم من الدنيا..الشارع مليان حافلات وامجادات اشكال و الوان و بما اننى كنت موازيه فى السير مع الحافله لم الحظ اى خطأ مرورى من السايق ..لكن حكمة الله و اخر الشهر ..جا بتاع حركه قالع من وين ما بعرفو ..عديل على بتاع الحافله ... خشوم اتناضمت.. بحث فى الادراج.. وش بيقول اصبحنا بالله.. ده حظ شنو ده.. يد بتناول ورق للعسكرى.. عسكرى اخر الشهر يعاين فى نظره خاتفة فرصه للورق وتتبعها اشاره امره للسواق ان اركن يمين....

    راسى اتهز يمين و شمال اللهم غتينا من اخر الشهر...ياربى الناس الجوه الحافله ديل منو البتحمل مسئوليه تاخيرهم عن عملهم

    تانى اتهز مع رفعة كتف

    هو اصلو لاحقين شنو؟؟؟ سودانين و كده يعنى
                   |Articles |News |مقالات |بيانات

30-10-2007, 05:20 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)



    ابدأ و اقول اااااااااااااخ يا بلد

    جامعة امدرمان الاسلاميه تعين مصريين فى بعض كلياتها..
    الفكره شنو؟؟؟

    كنت اتابع مع احد المحاضرات بالجامعه امله ان يعين فى احدى الوظائف الشاغره بالجامعه.. و لكنه فوجىء بتعيين مصريين وكان المبرر ان لايوجد سودانيين مؤهلين !!!!
    علم الله و هم يعلمون ان المؤهلين شايلين شهاداتهم يطرقون ابواب الوظائف و لا مجيب
    وفيهم من قدم !!!!!

    لكننا كما يقول مثل من جلبو "ذى القرع نمد ل بره"
    العماله الاجنبيه تتمدد فى السودان و ابنائنا و بناتنا الخريجين/ات يبحثون حافيين لسد الرمق

    و نانى اقول ااااااااااااااااااااخ يا بلد

    لا يوجد كادر مؤهل؟؟؟!! اليس هذا نتيجة ما اغترفت سياستهم فى التعليم العالى؟؟؟
                   |Articles |News |مقالات |بيانات

30-10-2007, 06:29 PM

jini
<ajini
تاريخ التسجيل: 05-02-2002
مجموع المشاركات: 30442

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: Siham Elmugammar)

    Quote:
    جنى دى طربقه ساااكت منى و انت عاد ما البوصوك .. ورغم اختلافى معاك حول العصايه ..لكنى كل ثقه فى انك عارف محل بترفعها.. ولازلت اعترض على رفعها بكل الاحوال... الديمقراطيه تجى وييين فى ظل العنف السياسى والفكرى ده (هوى الجمله الاخيره دى ما تعلق عليهاعديييييل كده)

    سهام بت عمى طه!
    دة انا غلباااان!
    انا عصايتى لسانى والزول الخواف ما عندو غير لسانو!
    قال عصاية قال!
    والله يقلعوها ويدقونى بيها فى سوق الله اكبر!
    جنى
                   |Articles |News |مقالات |بيانات

30-10-2007, 06:38 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: طربقه!!!...نطيط كلام (Re: jini)



    جنى

    كان ده خوفك اريتنا بالنبقى خوافين ذيك كده!!!!
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de