|
|
 محمد السني دفع الله: الا ليت الشباب ...... صورة نادرة
|
ملفوحة من جريدة الخرطوم
الرحمة للفنان النادر عبدالعزيز العميري ويحتفل بعض الجمهوريين بإنشاد رائعته (داير أكون زول ليهو قيمة أسعد الناس بوجودي) ويعطرون بها لياليهم ... يا ريت لو د. ياسر أو خالد المهدي ينزلها لنا هنا بصوت الجمهوريات
كذلك التحايا للعزيز خطاب حسن أحمد شقليني والعزاء موصول في فقدهم لشقيقهم الفنان شداد حسن أحمد، عليه الرحمة والرضوان
العزاء موصول للعزيز عبدالله الشقليني والأسرة
|
|
 
|
|
|
|
|
|
|
|
Re: محمد السني دفع الله: الا ليت الشباب ...... صورة نادرة (Re: عبدالله عثمان)
|
منتظرين القصيدة ونهديها لروح العميري، برضو يا ريت لو السني أو من يعرف يقول لنا لمن هذه القصيدة الرائعة اذ يقول البعض أنها لقاسم الحاج بينما يقول آخرون انها لسعد الدين ابراهيم
Quote:
لو أعيش زول ليهو قيمة
أسعد الناس بوجودي
زي نضارة غصن طيب
كل يوم يخضر عودي
وابقى زولاً ليهو قيمة
ابقى دار لكل لاجيء
او حنان جوا الملاجيء
ابقى للأطفال حكاية
حلوة من ضمن الاحاجي
بيها يتهنوا وينوموا
وأحرسهم طول ليلي داجي
والقى في راحة نفوسهم
بسمتي وطول ابتهاجي
أشقى والقى وأبقى بهجة
في النفوس لكل مناضل
ابقى للمعتل علاجو
وابقى للفلاح سنابل
وابقى للثوار سلاحهم
أعتى من قصف القنابل
لو اعيش من عمري بسمة
او مع الايام سحابة
اهطل ادي الدنيا بسمة
واروي وادي واسقي غابة
او اعلم طفل واعد
لسه ماعرف الكتابة
ابقى شجرة ظلالها وارفة
تحتى ناس نايمين تعابة |
| |
|
|
|
|
|
|
|
|
|
Re: محمد السني دفع الله: الا ليت الشباب ...... صورة نادرة (Re: عبدالله عثمان)
|
عبدالله عثمان يا اخوي لقيتك حاقد وحاسد
لانو لسه شباب
قال الا ليت الاليت ليك انت
الصورة دي في مدني وكانوا الجماعة ديل نازلين معاي في بيتنا ومعاهم استاذ الدراما استيفن وانور محمد عثمان وقدما عرض في ساحة مرنجان للأطفال تجربة اسمها قمر 14
نلعب العاب شعبية وحكايات مع ظهورالقمر نمثل ونغني
لك محبتي
| |
|
|
|
|
|
|
|
|
|
Re: محمد السني دفع الله: الا ليت الشباب ...... صورة نادرة (Re: أمير محمد ادريس)
|
غايتو يا السني ياخوي اسأل مني اولاد خالتك ناس فيصل أمين صديق ومحمود أمين .. أنا سغيروووووووني وزمن انتو اخدتو الصورة دة نحنا بناكل الداردمة
بمناسبة سيرة انور محمد عثمان خل لا يزال (الكون ذلك المجهول) في الدوحة ولا رجع
سلامي له ولكم وما قلت لينا القصيدة لي منو؟
سلام يا أمير وواضح انو موضوع "الشباب" دة هبش العم في حتة صعبة شوية
| |
|
|
|
|
|
|
| |
عبدالله عثمان
محمد سنى دفع الله
أمير محمد ادريس
فتح العليم محمد أبوالقاسم
Sharif Nasirladeen
امير طمبل
Yasir Elsharif
محمد فضل الله المكى
محمد البحر
فيس بوك
تويتر
انستقرام
يوتيوب
بنتيريست