نطالب بالانفصال للولاية الشمالية

Quote: يا زمراوي تحياتي الواحد بقي يقرا لأهلنا ديل والله وهو خاتي يده في قلبه..ما معقولة والله...يا جماعة الحاصل شنو؟؟ يعني شنو الشوايقة سبب أذنا...ياخي نحن ديل سبب أذانا...ثم انو رغيم بكل أريحيه بينادي بكل الممكن يجمع بين الناس..الكلام الما عنده معني لزومه شنو..صدقني انتو بتضيقوها علي روحكم لدرجة انو ما يسمع بكاكم الجار... ياخي ما تختوها هلال مريخ طوالي في كل الحاجات...السودان الكبير ده سمح بسع الجميع وبدون عنصرية الناس تخت الرحمن في قلبها ثم انو منو البدي التفويض انو دولة النوبة حدودها الغدار..ياخي كدة والله بتظلم روحك وبتظلمهم هم ذاتهم بشكل غريب..الناس دي كلها عندي نوبة والبلد كلها اسمه السودان لو في خدمات وصلت بلاد ناس غير ما معناه انو الناس دي كلها مع الحكومة..ما تظلم الناس وتقعد تصنفهم علي قبايل..الناس دي كلها منكوية بنيران المركز.. خليكم ناس عندكم استعداد للتواصل مع الرأي الآخر ...البلد مليانة ناس دواخلها نضيفة ونقية فما تبادروا وتزعلوا الناس منكم بدون داعي يا زمرواي الناس كلها بتشهد بعدالة قضيتك ..فأكسب صاحبك العاقل بدل ما تخسره بدون معني...ديل الممكن يكونوا لينا سند حقيقي عشان و لما تتزنق براك مع المركز ويجوا يوصفونا اننا بنعارض عشان المعارضة واننا ناس اجندات من برة..حيقيفوا جنبك لانهم فهموا قضيتك عادلة قدر شنو رجاء افرزوا الكيمان..وأكسبوا الآخر الأقرب منك قبل يكسبه عدوك، ويبقي ليك حار بالجد بعد فوات الآوان شكرا يا زمرواي