|
السكر و النمل: حكاية
|
السكر و النمل
كانت فرحة لا تعادلها فرحة عندما تم انتخابي عضوا في لجنة الوابور و خاصة ان اللجنة برئاسة والدي - زيتنا في بيتنا – فزنا بالتزكية تقريبا فلقد اعددنا لهذه الانتخابات جيدا احضرنا البصات و ارسلنا السيارات للموالين واعددنا العشاء لهم في مكان قريب لمقر الاجتماع و كان لخبرة الوالد في مثل هذه الامور معينا لنا في العمل الذي استغرق منا وقتا طويلا . المهم انتهت المهمة وتم انتخاب لجنة الوابور بالكيفية و الشكل المطلوب لنا . عدت الي المنزل ليلة الانتخابات مصطحبا معي عشاءا فاخرا و قليل من المشروبات و في اللحظة التي دلفت الي المنزل رن الهاتف - الو مرحبا - طبعا الليلة ماب تنوم - ايا ابو الشباب .... مرقت بدري شايفك - ياخي حكايتكم جاهزه ساهرتو بينا ساكت .. و بعدين يا خي بس عندي ملاحظه يا خي البطيخ الاحمر ده شنو المدخلنو معاكم والله اسمع كلامي ده و قول فضل قال لي الا يجيب ليكم الهواء - من ناحية شنو يعني - يا خي انت عارف طريقة ابوك في الشغل ده و البطيخ ده حيقد كل يوم يقول ليكم القانون حق الاعضاء و الكلام الذي ده - الراجل ده انت ما عارفو ما كان شغال معاي في لجنة صيانة المدراس و انا عاجنو وخابزو كويس يعني ما تصدق صرة الوشي دي والله ده يأكل مال النبي - اصلوا مال النبي ماشاء الله عليكم زول رافع منو ما في ... كدي خلينا في الموضوع الانا عايزك ليهو - يا خي اصبر شوية خلينا نتوهط - ما هو ده الوقت المناسب انا عايزك تقنع الوالد يدوك مسئولية شباب الوابور - و دي فايدتا شنو كمان - خلي اللعب علي ... والله ناس الحكومة عندهم ميزانية تنور الابيض راصدنها لدعم الشباب و الموضوع ده خليهو بيني و بينك و الراجل الفي مكتب الحكومة هو الخبرني ... وهسع لو انت طلبت يدوك مسئولية الشباب ما في زول حياخد فيها حاجة - كدي الموضوع ده عايز ليهو قعدة ولو قدرت لميتني في زولك الفي مكتب الحكومة بتكون الحكاية منجضه تب - عشان بلمك فيهو اسع .......... تعالي اول شئ النتفق و بعدين والله شهرين الي اخليك تشتري الكورلا يا لا مع السلامة وبكره تعالي بغديك
نواصل
|
|
|
|
|
|
|
العنوان |
الكاتب |
Date |
السكر و النمل: حكاية | osman righeem | 06-09-08, 12:08 PM |
Re: السكر و النمل: حكاية | osman righeem | 06-10-08, 06:35 AM |
Re: السكر و النمل: حكاية | osman righeem | 06-10-08, 05:01 PM |
Re: السكر و النمل: حكاية | osman righeem | 06-18-08, 12:21 PM |
Re: السكر و النمل: حكاية | osman righeem | 06-11-08, 09:44 AM |
Re: السكر و النمل: حكاية | osman righeem | 06-14-08, 08:12 PM |
Re: السكر و النمل: حكاية | osman righeem | 06-20-08, 08:46 AM |
Re: السكر و النمل: حكاية | abas | 06-14-08, 09:40 PM |
Re: السكر و النمل: حكاية | osman righeem | 06-15-08, 09:41 AM |
Re: السكر و النمل: حكاية | osman righeem | 06-16-08, 10:23 AM |
Re: السكر و النمل: حكاية | حسين محي الدين | 06-18-08, 01:02 PM |
Re: السكر و النمل: حكاية | osman righeem | 06-18-08, 05:52 PM |
Re: السكر و النمل: حكاية | hani babiker | 06-18-08, 02:05 PM |
Re: السكر و النمل: حكاية | osman righeem | 06-18-08, 10:34 PM |
Re: السكر و النمل: حكاية | osman righeem | 06-19-08, 05:14 PM |
Re: السكر و النمل: حكاية | osman righeem | 06-22-08, 04:19 PM |
Re: السكر و النمل: حكاية | osman righeem | 06-25-08, 04:03 AM |
|
|
|