|
|
 حمل محمد أحمد
|
عبد العزيز وعبد السلام كانوا قاعدين يسكروا في الشارع ..
في اللحظة دي جا حمل ماشي بي جنبهم قاموا مسكوه ضبحوه صلحوا بيهو القعدة.
بعد شوية نظر عبد العزيز للجلد والراس وسأل عبد السلام.
عبد العزيز: إنت يا عبد السلام دحين دا مو حمل محمد أحمد؟
عبد السلام: أيوا ياهو داير بيهو شنو؟
عبد العزيز: لا حول ولا قوة، والله محمد أحمد دا حقو أصلو ما يخليه، غايتو مصيبة وقعت علينا.
عبد السلام: حق شنو!، إنت كان مسكت خشمك دا وأنا مسكت خشمي بيعرفنا من وين؟
عبد العزيز: أنا بقصد الحساب يوم القيامة.
عبد السلام: إنت يا عبد العزيز حساب يوم القيامة دا كيفنو؟
عبد العزيز: يوم القيامة يجيبوني ويجيبوك ويجيبو محمد أحمد ويجيبو الحمل،
عبد السلام: مقاطعاً، محمد أحمد بجيبو!
عبد العزيز: أيوا
عبد السلام: والحمل ذاتو بي يجيبوهو!
عبد العزيز: أيوا
عبد السلام: طيب الحساب في شنو، ما يسوق حملو يمشي.
( كما وردتني بالايميل ) ..
|
|
  
|
|
|
|
معتصم محمد صالح
فيس بوك
تويتر
انستقرام
يوتيوب
بنتيريست