(كادقلى) بين قوسين..

Quote: زمان يا امونة كان في بلد كبير حدادي مدادي اسمو جمهورية السودان...و قام انقسم لدولتين اثنين واحدة اسمها السودان و التانية اسمها جنوب السودان..و الناس ما بتقول السودان انفصل من جنوب السودان .. لكن بيقولوا الجنوب انفصل من السودان.زو دي واحدة.. و التانية.. السودان اقدم من دولة جنوب السودان عشان كده بيكون الأم.. فيها مشكلة يعني ولا انتي دايرة تختلفي ساكت مع نور تاور..صح المابيك في البحر يقول ليك بتكتح مالك.. بالنسبة للدليل.. برضك كان في حاجة اسمها الجيش الشعبي لتحرير السودان..و كان عندو فرق عسكرية كتيرة.. منها الفرقة التاسعة و العاشرة..و ديل لسع قاعدات في السودان القديم و بيستلمن التموين و التشوين و المؤن و السلاح من الجيش الأم في دولة جنوب السودان..و هو الجيش الشعبي القاعد في الجنوب..و الجنوبيين عارفين كويس انو بعد الإستقلال لسع عندهم جماعة ورا هناك..و اقرأ كلام ول ابا سليفا كير..! الجبهة الإسلامية مسكت الحكومة وغيرت اسمها.. انقاذ.. مؤتمر وطني.. مؤتمر شعبي.. و ده كلو عشان تغش الناس انها ما عندها علاقة بحركة الأخوان المسلمين الدولية..و لو الحركة الشعبية في السودان (مش جنوب السودان) كانت شاطرة شوية كان غيرت اسمها و لو بالكضب ساكت..و عملت فك ارتباط هلامي..و مشت امورها عشان ما تحرج اصحابها المعاها..!