|
كتب الكاتب الفاتح جبرا المتوفرة بمعرض الدوحة
|
|
 Re: زواج الخـواجـة.. قـراءة ثـانـيـة.. (Re: Abdullah Idrees)
|
سلام ل
المقارنةلمتداخلينما ممكنه في موضوع الخواجه
لانه المراة الغربية الان تقريبا هي راس الاسرة و المسير الرئيسي للاسرة و دا طبعا لسببين
الاول السبب المادي يعني الزوجة الامريكية بالذات فرص.العمل بالنسبة ليها افضل بكثير من الخواجه الاستثناء.احتمال يكون في السياسة و ال CEOs
بتاعين الشركات الكبيرة يني الغالببة الان الغربيات دخلهم اعلي من ازواجهن بل و في حالات كثيرة الازواج لا يعملون
السبب التاني التعليم تقيب الان في كل المجالات الغالبية العظمى للنساء النسبة تقريبا 60% للنساء 40% للرجال تى في بعض المنتمين للحزب الجمهوري بداوا يحذروا من اضمحلال دور الرجل في الثقافة الغربية و الواحد ممكن يشوف الدليل في اولاد السودانين المربين في امريكا البنت دايما شاطرة و اتخرجت من الجامعه و اشتغلت اما الولد فغالبا ما يكون big looser
احتمال تكون النتيجة دي ليها علاقة بالثقافة و التربية في الغرب
يلا قارنو بين حالة المجتع الغربي و المجتمع السوداني القروي مستحيل يكون الفهم واحد و المقارنة تقريبا not fair
| |
 
|
|
|
|
|
|
|
 Re: زواج الخـواجـة.. قـراءة ثـانـيـة.. (Re: Nagi Ahmed)
|
| Quote: كونو بيتو فاتح ليها دا ما معناتو قال ليها ما ترجعي بيت زوجك الدبّل فيك باعتبار إنّو شايف الوضع طبيعي وكدا ... |
والله الواحد لو ما عارف انك عريس ... يقول انك نويت تدبّل ... لأنك واضح انك شايف انو دا الوضع الطبيعي وكدا ...
أها دي مشكلة معقدة جدًا لامن تقيسها بى عدم المشاركة في خطاب الميزانية ... خصوصًا انو تبريرك انو مافي ميزانية أصلاً ... يعني لو فتشوك احتمال تطلع مدكّن "حق الدبل" من هسى ... وأثناء ما العروس في شهور الوحم الأولى ورافعة جنون انت حا تمشي "تاخد" ليك مرا تانية ... بالإضافة لى رايك فيهن انهن "حاجات" ماديات خالس ... يعني ممكن تشتري أي "حاجة" تعجبك ... عشان كدا خاتين ليكم الدهب دا شرط جزائي لأنو عينتكم دي ما مضمونة ...
فإنت قاعد تنتمي لى قيم سلفية متخلفة ما عندها علاقة بى القيم التقليدية بتاعة ابهاتنا وجدودنا ... ولا عندها علاقة بى قيم التمدن ومتغيرات العصر ... زمان الناس بيعرسوا عرس الكورة ... مافي مرا مرقت من بيتها قالت راجلها قصّر فيها ... هسى تجيبوا القناطير المقنطرة من الذهب والفضة وبرضو يرفضوكم ... ولو عرسوكم تقولوا يا ريت لو رفضونا ... مافي زول عاقل يسأل ليه؟
إنت قايل الرومانسية بهار وكماليات؟ ... ولاّ قايل آراءك وذهنيتك دي تمت بى صلة بالرومانسية من قريب أو من بعيد ... أو حتى ممكنة بالتظاهر؟
غايتو نصيحة أخوية ... العروس ما تقرا الكلام دا ... لغاية ما نخت ليك راسك ونخرّجك عريس بى شهادة ... 
(ناس زمان بمجرد ما يعرسوا بيبقوا أهل ... لو الله أداك ... تشوف ليك اتنين فوق الستين ... عرسوا وما ولدوا)
... المهم ....
| |
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: نجوان)
|
نجوان
Quote: ايوة كانوا مواطنات من الدرجة الثانية.
|
طيب انتى سالتى اى ام وقالت ليك انو هى مواطنة من درجة التانيه او كانت كذلك؟؟ او ببتكلمى عن تجارب شخصية او حالت انتى عايشتيها ؟
الحاجة الممكن اقوله بانو فى النوع التحرم من اتاخذ القرار او المشاركة فى شؤون ادارة الاسره ...الحالات دى موجوده
بس ده ما بديك حق التعميم فى انو كل الامهات مواطنات من الدرجة التانيه او اى درجة اخرى يمكن زكرها !!
اضافة لذلك والدتى ربنا امتعه بالعافيه وطولت العمر ما كانت يوم تنتمى الى اى درجه من الدرجات وانما شريكة حياة وام تنال كل الاحترام والتقدير.
وده مثال وفى كتير جدا زيو
هل والدتك مواطنة من الدرجه التانيه؟!
عشان نكون صريحين اكتر يا نجوان ونطلع البوست ده بحاجات تفيد الزوجات والازواج فى اشياء تقود الى حياة اكثر سعادة ..يجب ان النقاش يكون بعيد من التحيز للانتماء الجنسى
بمعنى اخر يجب زكر الاشياء السلبيه فى المراه نفسها بعيد من الهجوم على جانب واحد والرجل كذلك ...عشان ما نكون بنقاش فى موضع عن نتناقش بس!!
Quote: نعم، ادوا رسالتهم كاملة غير منقوصة وتفانوا في امومتهم ووضعوا بيتهم اولا واخيرا..
لكن لم يكن لديهم المقدرة على اتخاذ القرار، سخرّوا جل وقتهم لخدمة الزوج- الملك المتوج. |
بتفق معاك فى الكلام ده ..وبضيف ليهو انو فى ازواج (سودانيين) سخروا وقتهم ومالهم لخدمة زوجاتهم ..وساندوا زواجاتهم فى التربيه وتوصيل الرساله
وحبهوهم لمن قالوا بس..وده كلوا ما كان عمل خير ...ولكن لمعرفتهم لواجباتهم تجاه زوجاتهم واسرهم...وبرضو فى العكس تماما من الجانبيبن!
Quote: النساء والأطفال يا بوب كانوا بياكلوا فضلة صينية الرجال .. سواء في العاصمة او اصغر قرية.. وما زالوا في مناطق كثيرة..
وحتى الآن، في اي مناسبة عزاء ولا غيرو، بتشوف صينية الرجال طالعة في الأول |
دى مسالة حقبيحه ..طالما نحنا بنقوم فى المواصلات زمان للنساء فى المواصلات البمنعنا نتاكد انو النساء والاطفال ينالوا قسطهم اول شنو؟
ولى نحنا كرجال ونساء بنتفرج في استمراريتها؟ هل ممكن نعترف باننا شعب لا يتتطور بسهوله او شعب عنيد فى التخلى عن العادات القبيحه ؟ بس ما نجى نلوم الرجل لانو انا بأمن بانو
لو الوحده لو اختارت او رضت انو يتعامل معاها كانها درجة تانيه ..اصلوا ما مفروض تجى تشكى ..ماعجبتك المعامله كزوجه ليك احترام وتقدير ..اتكلمى معا شريك حياتك ..
رفض ...يا دار ما دخلك شر..بس ما نجى انا ضحيت وانا عملته ...ونجى نمثل دور الضحيه ...!
Quote: وفي من لم تكن سعيدة واضطرت لتحمل المغس والدغس لان هذه احدى مهارات المرأة العلمتها ليها الدنيا..
أو لأنه مافي محل تاني تقبّل عليه.. |
نجوان.. بنفس قدر التعلم من مهارات الدنيا ..متاكد بانو الدنيا علمتنى كيف ابحث عن السعاده الا انا بتمناها او استحقها ...فى السابق بتفق معاك ..لاسباب اهمها التعليم
اما فى الوقت الحالى لن اجد لهن عزر
القصة ما قصة سيطره ومنو العندو قوه اكثر من التانى..بس هىunderstanding للعلاقة الزوجيه ودور كل واحد فى العلاقه شنو؟!
فا من الافضل انو ننقاش دور الزوجه والزوج فى الحياة الزوجيه...بكلام ربنا سبحانه وتعالى والرسول الكريم او معا اديانات اخرى للغير مسلمين نشوف ربنا قال شنو؟؟
بعداك نجى نضع مقارنه معا العصر الحديث ! ومقارنة ده كلوا معنا نحنا كسودانيين كازواج وزوجات سلبيات وايجبيات والحلول الممكن نتوصل ليها!
ــــــ
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: تبارك شيخ الدين جبريل)
|
تحية وسلام للجميع ...
وتحية خاصة للاخت صفية
وأخري لـ زينب.. أنا لوني لازال ولله الحمد برتقالي.. ! :)
العزيزة داليا... حابا نواصل .. إذا نجوان ما عندها مانع...
تبارك: غلبني خالس فهم " اسم ألفليلاوي خالس!" لازمك تشرحه لي...
Quote: اجمل حاجة رمانة جات قالت انو دي مقولة روجوا ليها الرجال السودانيين شفتي الفلاحة دي :)
يعني امي الولدتني واختي وزوجتي وبتي غوريلات ..
وكمان مانست تسقط الرجل السوداني للاخر باعتبارا جندرية مخلصة وتنسب ليهو شتيمتو لذاتو
ومعايرتو لنفسو بالفقر ..:) |
الأخ كمال
كلامي أن ما سميته أنت "مثل" - بالنهار كوريلا و بالليل غوريلا ..! هو صناعة سودانية ما بقدر أحلف عليه مصحف.. لكن المنطق وقرائن الاحوال تقول انه صناعة سودانية.. في مجالس السودانيين في عموم دول الخليج (ممكن تاج السر الملك ينورنا لو الكلام ده موجود برضو في اميريكا..!) يتم تداول كل أشكال الانتقاد للانسان السوداني، كسلان، وســخان، مبشتن، شين، متخلف، اتكالي، استغلالي، لايوق، ...إلخ. ده في المجالس المقفولة أما المنابر وعبر النت فحدث ولا حرج - وإذا ما مصدقني قلب في صفحات المنتدى ده وارشيفه...الكلام ده بيتسرب من السودانيين ويصل الآخرين لحد ما يصل لشخص أو أشخاص يستغلوه بصورة سيئة ويروجوا ليه. والأرجح أن -الغير- بيقروه في النت ويروجوا ليه..
بالمنطق كده أين مصلحة الخليجي، كويتي كان أو سعودي .. إلخ في الاساءة للسوداني والثابت انه السوداني يحظى بالاحترام في مجال عمله سواء كان أستاذ جامعي أو سائق ليموزين أو راعي لامانته وصدقه واخلاصه في العمل؟ والمرأة السودانية محمودة كجارة و مهنية و موظفة.. يا أخي أنا لو دخلت أي محل وكان صاحبه أو شغال فيه مواطن بيخاطبني بــ يا دكتورة ، من باب الاحترام طبعا مش لاني لابسة لي بطاقة مكتوب فيها دكتورة... البخليهم شنو بعد ده يتناولوا سيرتي بالكلام الشين في مجالسهم وفي النت؟
إنت انسان محترم لحد ما تقوم انت تقل احترام نفسك – دي القاعدة.
هل بتقدر تثبت أنه الكلام ده "تأليف" شخص من جنسية أخرى؟
وسؤال تاني منو الجاب سيرة الكورلا والغوريلا في البورد هنا...؟
طبعا انت جبتها وأنت يا رجل يا سوداني الروجت ليه، مثل كان ولا غيره، هنا..
إنت اللي قلت الام والأخت والزوجة والابنة غوريلات... (ويا عرب رغم علمنا بقبح نسائنا لكن عندهم حاجات تانية شايفينها بتعوض القبح ده... )
يا ريت يا أخ كمال توقف السيرة دي هنا لانه كلما خضت فيها كلما أصبح المنظر أقبح..
وياريت برضو لو تعيد النظر في اسلوب مخاطبتك لانه ما مريح..
شكرا ..
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: rummana)
|
سلام ناجي..
Quote: لانه المراة الغربية الان تقريبا هي راس الاسرة و المسير الرئيسي للاسرة و دا طبعا لسببين
الاول السبب المادي يعني الزوجة الامريكية بالذات فرص.العمل بالنسبة ليها افضل بكثير من الخواجه الاستثناء.احتمال يكون في السياسة و ال CEOsبتاعين الشركات الكبيرة يني الغالببة الان الغربيات دخلهم اعلي من ازواجهن بل و في حالات كثيرة الازواج لا يعملون |
لو وضحت لينا شوية الرابط بين مداخلتك وما سبقها بكون كويس عشان نتابع معاك..
لكن بداية، كلامك الفوق ده غير صحيح. احتمال اعداد النساء قريبة من اعداد الرجال في مؤسسات التعليم العالي،
الا انه النساء ما زلن اقلية في حقل العمل وذلك حسب احصائيات مكتب العمل الأمريكي (النساء يشكلن حوالي 47% في 2012)
اضافة الى ان دخل المرأة اقل من دخل الرجل بحوالي 23%.. اعتقد هذا لا يجعلها في موقع قوة اقتصادية مقارنة بالرجل..
Quote: يحذروا من اضمحلال دور الرجل في الثقافة الغربية و الواحد ممكن يشوف الدليل في اولاد السودانين المربين في امريكا البنت دايما شاطرة و اتخرجت من الجامعه و اشتغلت اما الولد فغالبا ما يكون big looser
|
ما عرفت المغزى من الجزئية دي برضو.. لكن اذا كان الرجل ما زال في موضع قوة من ناحية اقتصادية ولا يفرق كثيرا عن المرأة فيما يخص التعليم،
البمنعو شنو يكون عنده دور في ثقافة بلده؟ دي غالبا خطاريف الحزب الجمهوري..
برضو ما شفنا ااولاد المهاجرين السودانيين كمجموعة من الـ losers .. فيهم من درسوا بأعرق الجامعات الغربية وعملوا بأكبر المؤسسات..
اذا في واحد ضلّ الطريق للأسف في منعطف ما، هذا لا يعني انه مافي نماذج ناجحة جدا
وصلت بجدها واجتهادها.. وتفاني اهلهم ومجهودهم في التربية والدعم..
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: نجوان)
|
عايز اقول انه نحن بنتكلم عن مجتمعين مختلفين في الثقافة و التكوين فالمقارنه بين الخواجه و السوداني او الخواجية و السودانية حا يكون زي المقارنه بين السودان و امريكا
بالنسبة لكلامك بتاع workforce
راجعي NYT below
For the first time, women have outnumbered men on the nation’s payrolls.
The Labor Department revised on Friday its previous estimates of nonfarm payroll employees, the monthly aggregate employment series that gets the most media attention.
The most recent jobs estimates by gender are for January. Before adjusting for seasonal changes, 64.2 million payroll employees last month were women, and only 63.4 million were men.
The chart below, taking revisions reported on Friday into account, shows payroll employees by gender for each month of 2009. In four of the 12 months — February, March, November and December — there were more female payroll employees than male employees.
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: rummana)
|
يا نجوان الملاحق زاتا بعد دا عايزة ملاحق
أديتيهم فرصة تانية والحال في حالو :)
غاظني في البوست دا والقبلو حاجة واحدة غاية في السخف:
ليه الناس شخصنت الحوار المهم الداير دا وإعتبرت إنو اي واحدة قالت رايها إستناداً على تجربتها في بيت ابوها ولا بيت زوجها؟؟؟
ولا حتى كلام زينب اللي بقى بقدرة قادرة تعبير عن تجربة شخصية مرت بيها زي ما قال أحدهم !!
في أداة مهمة من أدوات البحث العلمي والإحصاء اسمها المشاهدة
يعني ما إلا الباحث أو الزول البيدلي بي رأي حول حاجة تكون حاصلة ليهو هو بشكل شخصي
لكن ممكن جداً تكون مرت عليهو وشافا متكررة عشرات المرات في ناس غيرو
وإلا ما كان حيكون في حاجة اسمها دراسات إجتماعية ..
بكل صدق
نماذج كتيرة من الذكرتها الأخوات أنا ما عايشتها في بيت الزوجية ولا في بيت أسرتي
لكن هل دا بيعني إنها ما حاصلة وقاعدة أشوفا بي عيني دي في ناس تانيين؟؟
الأخوات الجوا قالوا آراءهن هنا غير ملزمات بعرض تجاربهن الشخصية لتعضيد مواقفهن
مالم يردن هن ذلك وعن طيب خاطر ..
إبتزاز قبيح ومرفوض ..
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: تيسير عووضة)
|
سلام بوب، شكرا لعودتك لمواصلة الحوار..
| Quote: طيب انتى سالتى اى ام وقالت ليك انو هى مواطنة من درجة التانيه او كانت كذلك؟؟ او ببتكلمى عن تجارب شخصية او حالت انتى عايشتيها ؟الحاجة الممكن اقوله بانو فى النوع التحرم من اتاخذ القرار او المشاركة فى شؤون ادارة الاسره ...الحالات دى موجودهبس ده ما بديك حق التعميم فى انو كل الامهات مواطنات من الدرجة التانيه او اى درجة اخرى يمكن زكرها !! |
ده حاجات كلنا عايشناها كجزء من مجتمعاتنا..
مؤكد ان احساس الناس بيها، وحتى ملاحظة وجودها، بيختلف من شخص لآخر.. وبين الرجال والنساء..
احتمال انا وانت نكون بنختلف ايضا في تعريفنا للمواطنة من الدرجة التانية..
Quote: اضافة لذلك والدتى ربنا امتعه بالعافيه وطولت العمر ما كانت يوم تنتمى الى اى درجه من الدرجات وانما شريكة حياة وام تنال كل الاحترام والتقدير.
وده مثال وفى كتير جدا زيوهل والدتك مواطنة من الدرجه التانيه؟! |
اولا ربنا يدي والدتك الفاضلة الصحة وطولة العمر..
انا حريصة انو نطلّع امهات وآباء الناس من الحوار ونتكلّم بصورة عامة وذلك حتى لا نجرح او نسيء لأحد
وايضا حتى نتحاور بوضوح وموضوعية..لانه احنا بنناقش شؤون المجتمع السوداني ككل..
ثانيا، تجربة والدتي أو تجربة والدتك حتى وان كانتا من اجمل التجارب وانصعها،
فهي لا تنفي تجارب الغالبية العظمى من النساء.. الواحد مفروض يشوف ابعد شوية من الحيط الاربعة حقتو دي..
أنا اعطيتك امثلة محددة (وممكن اجيب ليك زيادة)،
قول لي انت لو ما موجودة او اختفت.. في اي بيت بكا ولا مناسبة؟!
ده واقعنا يا بوب .. مافي زول قاعد ينجر من راسو..
___
سلام تيسير ومرحب بالعودة..
لقيتك سبقتيني..
Quote: في أداة مهمة من أدوات البحث العلمي والإحصاء اسمها المشاهدة
يعني ما إلا الباحث أو الزول البيدلي بي رأي حول حاجة تكون حاصلة ليهو هو بشكل شخصي لكن ممكن جداً تكون مرت عليهو وشافا متكررة عشرات المرات في ناس غيرو وإلا ما كان حيكون في حاجة اسمها دراسات إجتماعية .. |
واي فكرة بحث او نظرية كانت نتيجة لملاحظة..
بس تقولي شنو مع التغابي ودفن الرؤوس في الرمال..
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: تيسير عووضة)
|
عبد الناصر الخطيب
نهارك سعيد أنت والجميع ..
ماعارفة بمشي وبجي لكلامك..ليه رغم انو البوست مليان بالتعليقات اللافتة ..
Quote: في تغير طراء بين قناعاتي العشتها وقناعاتي المارست بيها حياتي الزوجية !!!!
ممكن ... مع أني من الناس المابدوا للمجتمع أهمية كبيرة في تحديد مساراتهم وخياراتهم
بس بعد كده بكون في اعماق الواحد أنو حاجاتو كلها لازم تكون بالصورة البتراعي معايير نفس المجتمع البرفض كتير من حاجاتوا
وممكن وممكن بس الاكيد بين قناعاتنا وممارساتنا لقناعاتنا مراة في شي بفرق
ما بتعرفوا شنو لكين بخليك وأحد تاني غير البتعرفوا وممكن الواحد ده يعجبك شديد وبمرور الوقت يبقي انته |
خليني أقول ليك اني معجبة بالنزعة الاعترافية في كلامك ـ رغم أنك ماملزم ـ لانها شيء شبه مفقود في مجتمعنا بشكل عام ، وعلى فكرة الاتكلمت عنو ده مصابين بيهو معظم من يحاولون ان يفلتوا من قبضة الاعراف السالبة، وفي كتير من الاحيان بتعبوا من المناتلة وبرخضوا للمنظومة العايشنها يشتروا دماغمهم بمعنى تاني ..لكن بظل هناك بون شاسع بين افكارهم وتطبيقاتهم العملية .."هوم وورك "صعب قادرة اتفهم ..
ــــــــ
بعيدا عن عبد الناصر
يا اخوانا انا لو كنت راجل سوداني كنت حادافع ان يظل الحال كما هو عليه وارفع شعار لا للتغيير ..لانو ببساطة التغيير ما في مصلحتي ..، وحاستخدم كل الوسائل مرة قمع، مرة هجوم، مرة دين مرة عرف، مرة تلويح ومرات تخويف ..أي شيء ، بس انا ما راجل عشان كدة حاواصل النضال
ويا نجوان على سيرة الملاحق الجابتا تايسا انا ورمانة عندنا واحد عايزين نمتحنو نسجل ولا الباب غفل ؟ محبتي ..
| |
|
|
|
|
|
|
|
|
 Re: زواج الخـواجـة.. قـراءة ثـانـيـة.. (Re: داليا حافظ)
|
.
داليا حافظ
تحية واحترام ,,,
أي إنسان مفروض يكون عارف تطوراتوا النفسية والذهنية بصورة جيدة
لانو بحكم السن أو عوامل طارئة _ الأزمات الكبيرة _ بحصل تغير ( + /-)
المهم تغير ببتدي يطبق على نمط التفكير والسلوك
مرات بتمر بيك حاجات كانت بتكون (( قناعات )) بالنسبة ليك بوقت ما
لما تقارنة بقناعاتك أو سلوكك حتلقي الحته (( فارقة )) _ ما علينا _
Quote:
يا اخوانا انا لو كنت راجل سوداني كنت حادافع ان يظل الحال كما هو عليه وارفع شعار لا للتغيير ..لانو ببساطة التغيير ما في مصلحتي ..،
وحاستخدم كل الوسائل مرة قمع، مرة هجوم، مرة دين مرة عرف، مرة تلويح ومرات تخويف ..أي شيء ، بس انا ما راجل عشان كدة حاواصل النضال
|
ما ظن مطلوب تغيير في المؤسسة الزوجية .... الفي وضعها المعتدل
حتكون مستقرة وهادئة بتلبي للطرفين حاجاتهم وفي نفس الوقت بتطبق كل المعايير الاجتماعية المطلوبة
في وضعها المخّتل يعني في نقة زائدة ومشاكل وعدم أتفاق وسقوف توقعات خيالية
لاحد الاطراف أو الطرفين معا حول مؤسستهم الزوجية بتخّيل أنو النوع ده هو المحتاج
التغير حتى لو أدي في النهاية لسقوط النظام بكامله
وبتخّيل لى الحته دي بجيبه التنظير والكلام الكتير وعدم التنظيم
ونظرية الشراكة مما يضعف دور القائد للمؤسسة ويالتالي فشله
أو أستمرارة في حالة غير مستقرة ودي اخير عدمه
وضع الناس وضغوط حياتهم بتفرض عليهم يوجهوا الدنيا بجبهه داخلية مستقرة للغاية
تحياتي
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: عبد الناصر الخطيب)
|
البوست 4 صفحات
مشاركات الأستاذ صبري 9 صفحات ونص.
ما شاء الله تبارك الله لديه القدرة على الرد قبل وبعد مشاركة أي زميل. وقبل وبعد مشاركته هو زااتو. وفي بعض المرات أثناءها
ــــ
رفقا بعزيز بشاشا القارئ, إحنا ديل خلاص أمرنا إنتهى والكان كان.
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: Raja)
|
Quote: ويا نجوان على سيرة الملاحق الجابتا تايسا
انا ورمانة عندنا واحد عايزين نمتحنو نسجل ولا الباب غفل ؟ |
يا بت سجلوا ساي.. البيت بيتكم..
______
نعمل شنو بس يا رجاء..
ده إغراق للخيط على افضل الإحتمالات..
ما عارفة بكري بيعتبره خرق للوائح ولا لأ..
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: نجوان)
|
انتو الناس دي سمها فاير مالها!؟
حسي البوستات بتاعت: زواج الفليبية/المغربية/المصرية... إلخ.. موش ممكن تكون اسمها "زواج الخواجايه"؟! يعني الاهانة دي نبلعها احنا بس...
انتو الناس دي حقارة كده مالها!؟
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: Raja)
|
يا رجوية سلام
| Quote: ما شاء الله تبارك الله لديه القدرة على الرد قبل وبعد مشاركة أي زميل. وقبل وبعد مشاركته هو زااتو. وفي بعض المرات أثناءها |
شفتي الحاصل ده ..
غايتو "نيو لوك " ميد إن لقفانستان
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: داليا حافظ)
|
سلامات صبري.. وبدون أي حساسيات وحردان واللذي منه
وجهة نظرك وصلت من المشاركة الأولى في الصفحة الأولى في بوست حليمة الوصل 13 صفحة.
وهنا ما قصًرتا. عدًتا وزدتا لما الكاس فاض.. الجديد شنو البيحتاج إنك ترد على وجهة نظر أي زول؟ ودايما الـ (ون) (تو) مناقشات بتجيب الكآبة وتقصًر العمر وإحنا لسة ما شفنا دنيا
وحكاية وجهة نظرك تمشي مع صاحب البوست وشنو كده ما عارف. ما صحيحة. وجهة نظرك زاتها أظنها ضاعت وسط المداخلات المليونية البتعمل فيها.
وعليه يمكن كتابة فقرة وااااحدة تقول فيها: الكلام البتقولو فيهو ده ما بيمشي معانا يا ناس. أنا في المجتمع العشت فيهو (وكله أولاد عرب على ما أظن) ما بيحصل فيهو البتقولو فيهو ده. لا البنات لبسن قصير ولا شافن الزوج السوداني وحش، والخواجة ده ما بيدخل في ذمتنا بنكلة. والسلااااااام (فل ستوب). وأقعد إتفرج زيك زي الأربعة ألف وسبعمية تلاتة وستين الغلابة الشاهدو البوست.
* أعتذر وبشدة لو ملاحظاتي إعتبرتها أو إعتبرها أي زول (لئيمة)
وكل عام والجميع بخير.. الدنيا قبايل عيد.
ــــ
نجوان وداليا صباحو فل
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: Raja)
|
سلامات يا صبرى,,Quote: والبعض أصبح يُفضلها عاملة .. حتى لو شاركها أعمال البيت ... فالظروف الاقتصادية غيّرت نظرة الكثيرين .. وبعضهم لا يُضيع الفُرصة لو وجدها تحمل الجواز الأمريكي/البريطاني وإيه رأيك بعضهم أصبح لا يهتم بأخلاقيات زوجته حتى وإن تزوجها على علاّتها واستمرّت معها هذه العلاّت .. ودي بتحكمها حاجتنين (إمّا لشدّة حبّه لها أو لمصلحة) وللأسف المصلحة أصبحت هي السمة الغالبة ولكن ما زال الخير في أبناء بلادي موجود وبكثرة ... ودي نتائج كلها على حسب (مُشاهدات/مُعايشات) ...
أمّا بخصوص وسائل القمع والهجوم مع ما ذكرت من مثال غالباً ما تجدين فيه الصورة مقلوبة والزوج هو من يكون مقهوراً ... |
لو واصلت فى الدرب دا إحتمال تغرز وتوحل ومرقتك بتبقى صعبة!!!!!!
قاصدأو ما قاصدأنت تؤسس لجرجرات أطول من الجرجرة الحاصلة...
تحياتى..
ياخوانا مش قالو الزواج دا قسمة ونصيب!!! ومقدر ومكتوب!! الشكل المدور دا كلو فى شنو!!!!
دا كلو من حليمة...
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: وليد محمد المبارك)
|
يا جماعة ما في واحدة مننا سالت واحد فيكم عن انه بيعامل زوجته كيف.
عارفه مصاريف البيت؟
آخر مرة حميت او غيرتا لطفل متين؟
آخر مرة ساعدتا زوجتك في المطبخ؟
كيف قاعد تاخد القرارات المصيرية في البيت. ما هو آخر قرار مصيري و كيف تم اتخاز القرار؟؟
قاعد تشاور زوجتك لو اهلك او أصحابك طلبوا من عمل حاجه؟
قاعد تقول لزوجتك انك بتحبها، كم مرة؟
أصلا زوجتك دي عرفتها و اتزوجتها كيف؟
أسئلة سخيفة لما تتوجه لزول شخصيا، صح؟
كلكم بتلفلفوا و تدورا. شفنا في الحلة و جيرانا ما بيعملوا كده.
ابعدوا عن شخصنة الأمور ذي ما قالوا ليكم نجوان و تيسير. انا الان ندامة جداً اني جبتا سيرة والدي مع اني بكتب باسم مستعار و ما في ناس كتار عارفني.
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: smart_ana2001)
|
سلام لنجوان وضيوفها
والله البوست دا والقباله الواحد متابعهم إلى حد كبير لكن متهرب من المشاركة لأنه الموضوع شائك وما بستحمل الزول يرمي كلامه فيه وما يرجع وخايف أتداخل والظروف ما تسمح لي بالرجعة... غايته دي مساهمتي وحتكون في شكل خواطر أكتر منها كلام منظم لأنها فعلا خواطر جاتني لمن قريت كتير من المداخلات هنا.
أول حاجة حكاية إننا نقلب المشكلة لهلال مريخ ورجل سوداني ومرأة سودانية والغلطان منو والكويس منو والكعب منو دي ما صحيحة. في حاجة اسمها الإنسان السوداني سواءً كان رجل أو امرأة والإنسان السوداني دا عنده حسناته التي تبلغ عنان السماء وعنده سيئاته المحتاجة علاج. ما عندنا معاهد منفصلة تخرج الرجل السوداني عشان يجي يتجدع ويقول داير ليه زوجة مثالية خواجية ولا غيرها. ولا عندنا معاهد خاصة للمرأة السودانية عشان تجي تفتش على زوج مثالي. كلنا تخرجنا من هذه البيئة بكل عيوبها وحسناتها ولو دايرين مستقبل أفضل لأبنائنا محتاجين نقعد سوا ونعالج العيوب دي من غير مد أصابع الاتهام لطرف دون طرف.
الحاجة التانية عندي ملاحظة حول موضوع التنميط... فعلا التنميط عموما ما حاجة كويسة لكن بنفس المقدار الظروف المحيطة بالناس اجتماعية ولا بيئية ولا اقتصادية ولا ثقافية بتخلي في مشتركات عامة ممكن الناس يتكلموا عنها. لكن برضه الموضوع محتاج اعتدال لأنه بنفس القدر التعميمات قد تكون ما عادلة وأسئلة زي ليه الرجل السوداني ما بعمل كذا وكذا بكون فيها ظلم وتقريرات مثل الخواجة بعمل كذا وكذا بكون فيها رسم لصورة وردية أكتر من اللازم.
برضه المفروض نتذكر إنه ما يعجبنا عند غيرنا ما جا بين يوم ليلة وإنه نتيجة لتطور شامل في جميع مناحي حياتهم وإنه ما كل ما يناسبهم بالضرورة يناسبنا. ونحن محتاجين نتطور تطور يراعي ظروفنا وقيمنا.
في تقديري كذلك إنه الحقول على الجانب الآخر ليست بهذه الخضرة البديعة التي يتم تصورها. قد تكون خضراء نعم لكن نظرة من قريب حتورينا إنه فيها الأصفر والقاحل والقبيح حتى.
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: Elawad)
|
مافي اي شخصنة
في كلام اتقال بصورة تعميمية في حق الراجل السوداني هو غير صحيح
تأكيدنا على عدم صحته في ان الزميلات هنا بتكلمن بلسانين .. لسان بتحدث عن اهلهم ..
ولسان بتحدث عن الغرباء عنهم
اذا كان والد كل زميله هنا زول اخلاقو اخلاق (خواجه) ... طيب الراجل الكعب ينو ؟؟؟!
يعني ما ممكن الزولة تحكي لينا قصة ( وكلكن حا تحكوا نفس القصة ) وردية حالمة والدموع تفر من عينها عن والدها وعن تعامله الراقي .. ثم تجي تقل ليك الراجل السودان ما ادراكما وا فعلتما
؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!
ياتو راجل سوداني ؟
كل الرجال السودانيين .. ومستثنى منهم والديكم ؟!
ده كلام ساااااااااااااااااااااي
طيب الناس وكت حكت قصصها
نحكي نحن كمان
قصت زواجنا الشخصية اتكتبت في المنبر ده قبل 7 سنوات
بصورة شخصية عشان نشجع الناس .. انا بفتح سنويا في عيد زواجنا في المنبر ده بوست للملازمة حياتي .. منو فيكن فتحت هنا بوست في عيد زواجها تهديه زوجها بصورة راتبه .. البتسوه بالدرب ما خصانا .. فكلنا بنعمل بالدرب
انا بعمل كل سنة تقريبا بوست هنا في هذا المنبر
من فيكم الخاتا صرت عائلتها كترويسة لصفتحتها في الفيس بوك
منو فيكم البسوق اسرتو كل راس سنة ياخدو صورة جماعية ويجي يعرضها فرحان بيها في كل مكان
ودي اول مدخلة في اخر بوست http://webcache.googleusercontent.com/search?...+&cd=1&hl=ar&ct=clnk
(الكلمات لعتيق بمشاركة محمود فلاح
الحان واداء محمود فلاح
كل ثانية وهي بالف خير ..
وعيد سعيد
الملازمة حياتي والمشاركة لروحي
منذ يافعة صغيرة ما سكنت لغيرها
يا صديق بامانة
ياخي اول بادي
هي مالكة قيادي
وهي ساكنة فوادي
وبيها صار اسعادي
لو مشت بيغادي
او بقت بقصادي
بتشفي علة روحي
وتروي قلبي الصادي
لي ضم جنانا
اكتفيت بحنانا
يا صديق بامانة
هي زهرة مصانة
في جمالها حصانا
هي معدن طاهر
هي بل انسانة
في حايتها وديعة
ولي حليلها مطيعة
حكمة فيها طبيعة
لا سعت بوشاية
ما مشت بقطيعا
تحترم اقرانا
وترعي لي جيرانا
يا صديق بامانة
هي دوحة وريفة
في ربيع وخريفا
لاقارب زوجها
وللعشيرة وليفة
هي اجمل حلمة
هي اصدق معنى
هي ابلغ كلمة
غنى بيها الشادي
في حياتنا ينادي
الآله يرعانا
ويستجيب لدعانا
يا صديق بامانة )
وبالمناسبة خلونا من الشير والحساب المشترك .. بدون مؤاخزة حتى ملابسي الشخصية تشتريها ( حبو ) ما فوقها شي وعادي جدا
رائيها في كل امر بخص الاسرة موجود لو ما كان اساسي
المتفقين عليه انه يتوفر للاسرة شهريا بجيها هي وهي بتتصرف فيه او توجهني بكيفية التصرف فيه
باقي القروش لا تخصها لا تخص الاسرة تصرف في مصارف اخرى
في حاجات تانية وعلاقات اجتماعية خارج نطاق الاسرة .. بعد تغطية المتفق عليه للاسرة اولا
اتصرف في الباقي حسب جهة نظري
احيانا اشاركها واحيانا لا
هي نفسها تعمل .. ومالها تتصرف فيه حسب هواها .. لم اسالها يوما فيما صرفته كيف صرفته .. وان اخبرتني او شاركني ابدالها النقاش وابزلها النصيحة
وبالنسبة لعملها طيلة الـ 10 سنوات تعمل حينا تترك العمل حينا
حسب مزاجها
هي درست جامعتين انا الان لي فترة بحنس فيها تحنيس عشان تواصل دراستها العليا هي كسلانه .. طبعا ده شي بخصها .. وحا اظل اشجعها مرة مرة في امر الدراسات العليا
بالنسبة لزواجنا نحن عشنا قصة حب 12 سنة قبل الزواج يعني من انا في المتوسط بالردا خلطها
دخلنا الجامعة جكس
واستمرينا فيها جكس
وطلعنا منها برضو جكس
نحن زملان جامعة واولاد دفعة واحدة كنبة احدة
بالنسبة لكلمة بريدك
عيييييييييييييييييييييييييييييك .. ا
اخواتها الكبار وبنات خالاتها الكبار .. اعمار بداية الخمسينات
مسميننا مهند ونور :-)
في الجامعة كانو مسمننا الخبراء :-)
اشتغلت انا في سنة اولى جامعة عشان وكت اتخرج ما اتاخر في العرس
وقد كان
الان 10 سنوات زواج + 12 سنة ريده + اربعة اطفال حلوين ومنفتحين بتعبر عنهم رسوماتهم البتترفع هنا بصرة راتبه
http://webcache.googleusercontent.com/search?...+&cd=2&hl=ar&ct=clnk
http://webcache.googleusercontent.com/search?...+&cd=3&hl=ar&ct=clnk
فما تملونا فقر بالخواجات ... نحن احسن منهم مليون مرة
بالنسبة لموضوع البيت
اساسا البيت الخطة السكنية بمرق بي درجات معينة .. صعب تحقيق الدرجات دي الا نكون عندك اسرة حتى تحقق الحد الادني للاستحقاق
البيت بالقانون بتسجل باسم الزوج والزوجة
والزي كتاااااااااااااااااااااااااااااااااار
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: وليد محمد المبارك)
|
Quote: مافي اي شخصنة
في كلام اتقال بصورة تعميمية في حق الراجل السوداني هو غير صحيح
تأكيدنا على عدم صحته في ان الزميلات هنا بتكلمن بلسانين .. لسان بتحدث عن اهلهم ..
ولسان بتحدث عن الغرباء عنهم
اذا كان والد كل زميله هنا زول اخلاقو اخلاق (خواجه) ... طيب الراجل الكعب ينو ؟؟؟!
يعني ما ممكن الزولة تحكي لينا قصة ( وكلكن حا تحكوا نفس القصة ) وردية حالمة والدموع تفر من عينها عن والدها وعن تعامله الراقي .. ثم تجي تقل ليك الراجل السودان ما ادراكما وا فعلتما
|
لخصته بالظبط العايز اقولوا...عفيتنى من الرد ياوليد
ـــــــــــــ
الباقى
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: bob)
|
Quote: مافي اي شخصنة
في كلام اتقال بصورة تعميمية في حق الراجل السوداني هو غير صحيح
تأكيدنا على عدم صحته في ان الزميلات هنا بتكلمن بلسانين .. لسان بتحدث عن اهلهم ..
ولسان بتحدث عن الغرباء عنهم
اذا كان والد كل زميله هنا زول اخلاقو اخلاق (خواجه) ... طيب الراجل الكعب ينو ؟؟؟!
|
>>>>>>>>>>>>>>
استاذ وليد المبارك
ما تاكلنا حنك ساكت
طبعا اي واحدة ما ممكن تقول حاجة بطالة عن ابوها حتى ولو كان بيضرب امها يوميا بالجزمة ويبهدلها بهدلة السواد ويكرهها عيشتها.. وانا عاوزة اوسع دائرة الاتهامات وما تكون محصورة في السوداني بس.. لكن كل الدول العربية عندها نفس التقاليد في اهانة المرأة وذلها على اساس انها لا تستحق الحياة,, وما قصة الزوج السعودي الذي كان يضرب زوجته المذيعة السعودية المشهورة ببعيد..والصحف السعودية نشرت قصتها العام الماضي..
لا شك ان الزوج السوداني عنده ايجابيات كثيرة وضحها بعض الزملاء هنا.. والسؤال هو هل الذين عندهم هذه الايجابيات قلة ام أغلبية.. فإذا كانت الاحصائيات تقول قلة.. فهذا شئ طبيعي لأن هذا يحدث في ارقى المجتمعات في العالم .. ولكن المصيبة ان يكون الأغلبية هم الذين يتصفون بالسلبيات التي تتحدث بهاى الزميلات والأخوات هنا..
وما عليكم إلا الاتيان بدفوعات منطقية وببراهين ملموسة وواضحة لتأييد وجهة نظركم عشان الواحدة فينا تقتنع..
بس اسرعوا شوية عشان الخواجات بدأو يدقوا الباب واحتمال هم بيقروا البوست ده( وجه ضاحك)
والله يديك العافية
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: اميرة السيد)
|
مرحب استاذة اميره
(طبعا اي واحدة ما ممكن تقول حاجة بطالة عن ابوها حتى ولو كان بيضرب امها يوميا بالجزمة ويبهدلها بهدلة السواد ويكرهها عيشتها..)
ما مقتنع .. كثير من الاخوات هنا فتحن مواضيع مسكوت عنها غاية في الخطورة .. وكثيرات مقدمات انفسهن كرائدات للتغير ونموذج للشكل الجديد للمرأة السودانية
لو فعلا بغلبن يواجهن مشكلة حاصلة زي مشكلة انو ابوها بيضرب امها يوميا بالجزمة ويبهدلها بهدلة السواد يكرها عيشتها يفتحنها بصرة مباشرة
اذن قوموا الى صلاتكم يرحمكم الله
ببقى ده مضع مستحمي
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: وليد محمد المبارك)
|
الاخت نجوان وجميع المشاركين فى البوست
تحايا نواضر وجمعة مباركة على الجميع
السودانى لا ينفصل عن السودانية
وكذلك عيوب هذا من عيوب تلك
ايا كانو اخ واخت , جار وجارة , زميل وزميلة او زوج وزوجة
ياهن اتنيناتم من مكونات مجتمعنا النحن عايشين فيهو
عشان كدا يا اخوانا انتقاد اى طرف للاخر هو انتقاد للمجتمع بمكوناته وليس للرجل ولا للمرأة فقط
عشان كدا اقترح النقاش فى الملحق التالى يكون عن كيفية اصلاح شأن مجتمعنا ليتعافى من العلل والعادات الماسمحة عند الرجال والنساء ..
ليفضى الاصلاح هذا لمؤسسات زواج تنعم بالاستقرار والرضا للرجل والمرأة ولاحقا الابناء
تعالوا نشوف المفقود هنا وهناك ونوجده وكمان نشوف السمح وزين هنا وهناك ونتمسك بيهو ونزيدوا كمان
وليد الشفت انا متعود اشوفك هنا دايما تتنتصر لقيم الحق والخير والجمال بوضوح ودغرية شديدة
وكذلك تفعل فى مداخلتك السابقة... بس فيها لم تنتصر للرجل السودانى على حساب الخواجة زى ما اشرت انت فى نهايتا او زى ماقد يفهم منها
بالعكس انت هنا تنتصر لنا ولهن على حساب من يشكك فى امكانية خلق الاراضى المشتركة واعداد منصات وقواعد النجاح الاسرى للزوجين السودانى والسودانية
تجربتك الشخصية مفرحة وتستحق الاحتفاء بها
اما عن الخواجة فأحيلكم لاخونا صبرى فى مداخلة لاحقة
صبرى والله بسلم عليك ساى عليك الله ماتقتبس من كلامى دا ولا حتة :)
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: وليد محمد المبارك)
|
وليد ازيك... واهنيك في البداية على الكلام الجميل الكتبته عن قصة زواجك العايشها... لكن اعذرني، الزيك ما كتار!
الرومانس الانت كاتبه ده في كتير من الزيجات بنتهي بانتهاء المراسيم... وسريع جداً بتبقى المرأة زيها وزي اي كرسي في البيت... وشويه شويه ببقى الموضوع العيال! النماذج البتكلموا عنها الاخوات موجوده، ووجودها ممكن ارجّعه للنقطة بتاعت سوء الاختيار ومعاييرها.. الناس عندها طرق غريبه كده في اختيار الزوج/الزوجة، وده في الاخر بوصّل للشكل الغريب للعائلة البنتكلم عنّه... كتير جداً بسمع في السعودية بقصة انه الراجل بمرق الصباح، بجي بالليل عايز ياكل ويرقد ينوم.. وما عايز تفاهم مع زول.. يجيهم من برّه شايل معاه خذلان الكفيل وزهج الشغل وضغوطه، وهم اليومهم كله منتظرينه يرجع... الخميس في الغالب الاعم بمشي يلعب كوشتينه... الريق الحلو وسلام الله اكبر ده في تلتله... الوضع في السودان بختلف كتير، لانه السودانية عندها حاجات كتيرة غير البيت ممكن تعملها... لكن في مستوى من الرومانس مفقود..
بعدين انت ما تجي تقول لينا نبّذوا آباءكم.. المنبر ده مقرؤ، ما دفتر بتاع طبيب نفسي! انا ما عارفه الانت قاصدهم منو بي "الاتكلموا في المحظور"، لكن المشاهدات البتتكلم عنها الاخوات هنا كلها حاجات شافوها وسمعوا بيها.. انا شخصياً سمعتها كتير من صاحباتي، ومن شكاويهم... بعدين طبيعي علاقة الاب بي بنته تختلف عن علاقته بي أمّها...
اعتقد انكم محتاجين تركزوا في انه موجة زواج الخواجه دي هي رد فعل على البوستات الكتيرة، والشاركته فيها انت ذاااااااتك بتاع الرومانسية ده، والمسألة كلها عبارة عن مكاواة للجانبين.. لكن ما دامت فتحت طاقة للحوار البنّاء الممكن نصل من خلاله لحلول لمشاكلنا، وين المشكلة!
برجع، البطارية فضت!
بالمناسبة، سمعته بي موجة الطلاقات الحصلت بعد مسلسل مهند ونور؟!
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: مريم بنت الحسين)
|
مرحب مريم .. ابدا يا مريم مختلف معاك
والزي كتار
اما انتهاء الرومانسية بانتهاء الزواج دي مشكلة من الطرفين لا يمكن تحميلها لطرف واحد
انا ما قلت النماذج غير موجوده .. ما قلته انها ليست هي الغالب الاعم
حتت سوء الاختيار دي معاك فيها ..
تجربة زواج المغتربين فعلا فيها خلل كبير ( طبعا ما كل التجارب ) لكن زواج شريط الفديو واختيار الاخوات والمعارف ببقى موضع ضربة حظ يمكن يلفق يمكن لا
برضو ما قلت نبذو ابائكم .. انا قلت احكوا لينا عنهم .. ويقيني ان الحكاوي حا تجي خلاف المكتوب في البورد
حكاية طبيعي انو علاقة الاب ببنته ما فهمتها فانا لم اطلب ان يحكى لنا عن علاقة الاب بابنته .. انا طلب يحكي عن طبيعة علاقة الوالد بالوالده من واقع مشاهدات .. وبرض متاكد حا تجي الصورة خلافة الصورة في البوست
موضع طلاقات مهند ونور ما سمعته اساسا المسلسل ما تابعتها كلها
مازلت مصر على ان الاخوات يجن يحكن عن تجربة والديهم .. يحكن ما ينبزن يا مريم
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: وليد محمد المبارك)
|
| Quote: بالمناسبة، سمعته بي موجة الطلاقات الحصلت بعد مسلسل مهند ونور؟! |
>>>>>>>>>>>>>>>
العزيزة مريم
انا سمعت وقريت في الجرائد السودانية موجة الطلاقات دي.. وافتح اية جريدة سودانية في صفحةاعلانات المحاكم , وخاصة المحاكمات الغيابية، تشوفي العجب وكمية الطلاقات البتنظر فيها المحاكم السودانية وكأنه ما في جرائم في السودان غير جرائم الطلاق.. وطبعا انا بسمي قضايا الطلاق بالجرائم لأنه فعلا جريمة في حق المرأة السودانية ان يتزوجها رجل بمحض ارادته ورغبته ويختارها من بين خلق الله وبعد ذلك يعيش معها على جمر ويطلقها في اول ملف وبدون سبب معقول وبدون حقوق .. والقصص الفي الجرائد براها تكفي أما المسكوت عنه فحدث ولا حرج..
والله يديك العافية
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: rummana)
|
| Quote: وليد ازيك... واهنيك في البداية على الكلام الجميل الكتبته عن قصة زواجك العايشها... لكن اعذرني، الزيك ما كتار! |
يا وليد أولاً انا اتفق مع مريم بت الحسين ... الزيّك ما كتار (هم في تزايد لاكين في المقابل قانون النظام العام بينقص من معينهم الإنساني يوميًا ... يعني المعركة ما معركة جندر!) ... في المقابل يجب أن تفهم انو دي هجمة على مفاهيم ثقافية (مفهوم الزوج؛ مفهوم الزوجة؛ مفهوم الزواج) وهذه المفاهيم في أذهان السودانيين في الغالب مشوهة أو مغلوطة أو في اسوأ الفروض لا تتجاوز المفاهيم الشرعية الخالية من أي عمق وجداني ... منها طلعت ألفاظ ودلالات زي "العانس" و "المرا كان بقت فاس" وحاجات لايليق حتى ذكرها هنا ... القصة يطول شرحها ... لاكين بناءًا على فرضية اننا قاعدين نختبر مفاهيم اجتماعية وثقافية ما قاعدين نختبر "عينات" من المجتمع ... يعني مطالبتك بى انو واحدة تجي تحكي عن ابوها دي مطالبة ما منطقية ... والسكوت عن ذكر الأب بالسوء برضو جزء من السلطة الأبوية الفي منظومة المفاهيم الإجتماعية السودانية ... يعني أي زول بينو وبين نفسو بيكون عند صورة من صور النقد لى شخصية أبوهو يا إما بيتعامل معاها كصورة نقدية واعية يا إما بيستبطنها في اللاوعي وبتطلع في شكل انحرافات نفسية ... لاكين ما بيكون عندو استعداد يناقشها كنموذج للرجل السوداني في منبر عام ... فأرخي يا عاصي ...
... المهم .....
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: تبارك شيخ الدين جبريل)
|
Quote: مرحب مريم .. ابدا يا مريم مختلف معاك
والزي كتار
|
اعتقد اننا متفقين انكم اقلية... عملة نادره... نوع الواحده لما يكون عندها زوج من النوع ده بتتفشخر بيه وبتتحسد عليه!
في زوله منطقها سليم قالت لي، طيب لما انتو اتكلمتوا عن الموريتانية وعن المغربية، في زول جا قال ليكم احكوا لينا عن امهاتكم؟ اعتقد الكلام ده فيه شبهة إساءة كمان، ولا رأيك شنو؟
Quote:
موضع طلاقات مهند ونور ما سمعته اساسا المسلسل ما تابعتها كلها
|
انا برضه ما حضرته المسلسل... بس سمعته بي موضوع الطلاقات دي، المسلسل زي روايات المراهقات.. وقصص حب كده من النوع الخيالي شويه ومتقّل العيار (حسب ما سمعته بعد داك)، بس ايقظ في كثيرات شعور بي إنهم في علاقة غير العايزنها.. في منهم حاولوا يصلحوا.. وسمعته بي قصة المرا القالت لي راجلها انت ما بتعاملني زي نور... اي اعتراض او مقارنة من النوع ده قوبلت بي رد عنيف ... الرجال نهائي ما استحملوا المقارنة.. كان في موجة افتتان بي الشاب الاسمه مهند ده رغم انه في شكله ما من النوع البجذب البت السودانية.. لكن جذبهم النموذج البمثلوا..
انا لسه معترضه على اعتراضكم على بوست الخواجه واحد واتنين ... في حين انه الموضوع ده كان ردت فعل لشي انتو بديتو بيهو! بغض النظر عن الحيثيات الطرحوها الناس واسبابهم للزواج من الخواجه او غيره، ليه ما فكرتو انهم لسه عشمانين في خيراً من الرجل السوداني.. وإلا ليه شعرنا بالاهانة لما فضلتو علينا بنات برّه! برضه انت في ظل وجودك كنموذج، ليه بتشجع الثورة المضادة دي وطارح نفسك كزول خارج نطاق التنميط الاحنا بننكلم عنّه! هل ما مفروض يكون في مقارنة بين السوداني وآخر! يعني الحل البتطرحوه شنو عشان احنا نصل لي إنه الرجل السوداني يكون واصل لنفس المستوى الانت فخور بيه! ليه واقف في طريق التغيير، وكتار زيّك .. لمجرد انها بقت هلال مريخ... ! المقارنة في حد ذاتها فعل صحّي بدل على انه بناتكم لسه عشمانين ... لكن في البوست ده وغيره كتار اثبتو ليهم بما لا يدع مجالا للشك، انهم حقوا يقطعوا منكم العشم!
السودانية بقى زواجها مكلف عشان عندها منطق .. عارفو شنو؟ يا بت اخدي حقك تالت ومتلت، بعدين مافي ليك... النسوان بحرشوا العروس انها تمسك قوي، لانها تاني ما حتلقى دلع.. والدهب والهدوم في تلتله! واحسن من حسي بتقدر عليه، بعدين ما بتقدر! الشي ده ما جايي من فراغ، ده شعور بيتم تمريره لكل واحده حتتزوج... الحاجات دي (الدهب والشيله...) بتعتبر بالنسبة للمره دليل مشاعر ممكن ما تلقاه بأي شكل لا في شكل كلام لا في شكل قروش ولا غيره... وزي ما قريت لسمارت قبل كده، مافي سوداني بشتري الدهب لمرته عشانها... وهي زاتها بقت دهبها ده دليل على محبة راجلها ليها تتفشخر بيه قدام النسوان.. زيّه وزي الحنة والدخان... اتخيل انه الحنه والدخان ديل للنسوان التانيات! عشان ما يقولوا متشاكله مع راجلها! شكل الزواج بقى show للناس التانيين... حاجات تستهلك وقت الواحدة وفي النهاية المعني بيها المجتمع عشان يقيّم علاقتها براجلها... موش عشان هي تبني علاقة صحية وسليمة ... طبعا مع وجود استثناءات...
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: مريم بنت الحسين)
|
سلام ومرحب بالاخوة والاخوات الانضموا للحوار..
وشكرا يا وليد انك اشركتنا في زاوية خاصة من حياتك.. وانشالله ربنا يديم عليكم المحبة والود...
انا قريت بوستك ده الصباح وكانت افتتاحية جميلة.. مافي شي زي البيت المتفاهم وسعيد..
لكن بقول ليك كما ورد أعلاه انه الزيك، ربما في تزايد، لكنهم ما كتار..اقلية على احسن الفروض..
كمان مطالبتك للناس بانها تحكي عن حياة والديها بتنقل النقاش من المفاهيم والموروثات -كما تفضّل تبارك- وتنزل بيه لمقارنات سطحية
لا تتعدى تجارب المشاركين في هذا النقاش.. ايا كانت..
يعني بناءا على قصتك -رغم انها رائعة وجميلة- احنا مفروض نستنتج انه الرجل السوداني والزواج السوداني بخير وعليه نقوم نقفل البوست ده وكل زول يمشي اهلو؟
معليش يا وليد، بس ده تناول ساذج جدا. مش قصة، لو كتبتها لينا هنا قصيدة او كتاب ما حتقدر تخلينا نكذّب العايشاه المرأة السودانية الزوجة جيل وراء جيل..
بالعكس، بتخليني اشوفك بعيد كل البعد وما عندك دراية بالمشاكل اللي بتواجه مجتمعنا السوداني وخصوصا فيما يختص بمؤسسة الزواج ووضع المرأة فيهو..
يعني اذا الواحد سعيد ومبسوط في الفقاعة الوردية بتاعته، يبقى باقي الدنيا ما عندها عوجة؟..
يا ريت ياخ!
احنا ما ح نقدر نناقش قضايانا العامة الا اذا قدرنا نتحرر من اطار تجاربنا الفردية وننظر ابعد شوية..
تجربتك يا وليد جميلة وممكن ناس تستلهم منها.. لكنها -بكل اسف- لا تغير الواقع كثيرا ولا تنفي اننا محتاجين لكثير من مراجعة النفس والإصلاح..
____
| Quote: فما تملونا فقر بالخواجات ... نحن احسن منهم مليون مرة |
ما اسهل الكلام..
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: مريم بنت الحسين)
|
مرحب مريم
قلت : في زوله منطقها سليم قالت لي، طيب لما انتو اتكلمتوا عن الموريتانية وعن المغربية، في زول جا قال ليكم احكوا لينا عن امهاتكم؟ اعتقد الكلام ده فيه شبهة إساءة كمان، ولا رأيك شنو؟
رائي يهندا كتبته سنة 2005 في المنبر ده ومنابر اخرى
(القصاصة الأولى ( أمي ):
مربوعة القوام ، سودانية السحنة ، واسعة العيون ، وذات جمال ظاهر للعيان ، يجزم من يراها بأنها كانت من الجميلات في الصبا والشباب ، ذات شخصية قوية ، وكانت تلقب بالمراة الحديدة ، تمشي وهي تنظر إلى السماء ، كأنها تبحث عن نجم ضائع أو طائر مرتقب ، ويتعجب من يراها تسير كيف أنها لا تتعثر وهي لا تكاد ان ترى أسفل قدمها ، بها أنفة وعزة نفس واضحة .
امرأة عاملة من الدرجة الأولى ، موظفة لمدة تزيد عن الثلاثين عام ، واختارت المعاش بإرادتها وهي في قمة العطاء من اجل التفرغ لأشياء أخرى .
ربت خمسة أبناء ، ثلاثة صبية وفتاتان ، أدخلتهم جميعهم الجامعات وخرجت اغلبهم والباقي في الطريق .
عطوفة حنونة ، حازمة وقوية ، واضحة جريئة ، لينة العريكة وودود ، تحمل كل المتناقضات في شخصيتها ، وتستطيع التنسيق فيما بينها بكفاءة منقطعة النظر ، وتستخدم كل منها في موضعها تماما .
لا أستطيع أن اجزيها وان ملأت الفضاء الاسفيري حديث عنها .
فقط أقول
إنني ألان بشكلي هذا وعقلي هذا ومواقفي هذه ، صنعتها ولا شي افعل أو أقوله أو حتى أفكر فيه إلا وقد وضعت هي أساسه ولبنته الأولى .
ربنا يديها العافية
ويقدرني علي جزائها)
ده كلام كتبته عن الوالده في المنبر ده جا لفحو الهكر بوست اسمو القصاصات هي كانت فيه القصاصة نمرة 1
يا مريم انا لا اخجل من امي عشان استنى زول يحركني للكتاية عنها كما لا اخجل من زوجتي ايضا لاتحدث عنها ولا اخجل عن الحديث عن النساء عموما
ولا بنستنى زول يقول لينا ما سالناكم
بدون ما تسالونا بنكتب عن امهاتنا بفخر واعزاز
المهم البوست شكلو لفحو الهكر لكن لقيتو في منتديات عكس الريح كنت كتبته هناك برضو
http://www.drmoiz.com/phpBB2/viewtopic.php?p=...3b3e927df3f86a32c47d
يا تبارك يا حبه
جدا
ده طرفي من البوست فقد قلت فيه كل ما عندي
دعتكم الله
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: وليد محمد المبارك)
|
Quote: ده كلام كتبته عن الوالده في المنبر ده جا لفحو الهكر بوست اسمو القصاصات هي كانت فيه القصاصة نمرة 1
يا مريم انا لا اخجل من امي عشان استنى زول يحركني للكتاية عنها كما لا اخجل من زوجتي ايضا لاتحدث عنها ولا اخجل عن الحديث عن النساء عموما |
انا بعتبر ردّك ده مخرج من البوست.. لكن حأخلي لفطنة القاريء انه يفهم هدف تعليقي فيما يخص الحديث عن والدتك، الله يخليها...
نحترم قرارك.. وشخصياً سعدته بالنقاط الاتمكنت اثيرها بسبب تعليقاتك.. وشكرا ليك على الرد...
| |
|
|
|
|
|
|
|
|
 Re: زواج الخـواجـة.. قـراءة ثـانـيـة.. (Re: وليد محمد المبارك)
|
عشان ما تبقى اشتر عن مجتمعك وتتساءل:
أحرام أن سعدنا؟ أم خبال ما زعمته؟
مفروض ما تمشي من البوست دا ... الناس بتجي المنبر دا عشان تقرا وتتثقف وتتعلم حاجة تفيدها في حياتنا ... وانت نموذج للنجاح في صيد العصافير وزراعة الورد وحصاد الشهد (والشدن الهالكني ريدو والمحمد بى الله والبلية الما داير تبوح بسر أسمها الأعظم!) فنحن محتاجين لى "مفاهيمك" اكتر من احتياجنا لى تفاصيلك الجميلة ...
ليه كل سمات المجتمع الأبوي الإقطاعي بقت هي المسيطرة على العلاقات الإجتماعية كلها (الأبوة، الأمومة، الجيرة، القرابة، الإنتماء القبلي، الإنتماء القومي، التجمع السياسي والديني، وأهمها الرابطة الزوجية)؟
متين وكيف اتحولنا لى مجتمع اقطاعي أبوي والمخارجة بى وين عشان تكون عندنا هوية ثقافية محلية بتدعم العدالة الإجتماعية في البيت وفي الحي وفي تكتلات القرية والمدينة ومضارب البدو والرحل ومؤسسات الدولة والدين والفنون والتجارة والصناعة والإعلام؟
يعني على الأقل في موضوع الزواج دا نبدا بى الإعتراف بى انو البغلة في الابريق (كما تقول الحكمة الموروثة!) ... وحتى لو ما كنّا بنعاني من تشوهات في علاقاتنا الخاصة ... المفروض يكون عندنا وعي بى مجتمعنا ... لامن نسمع "آآآخ" نكون عارفين مكمن الجرح وين والدوا شنو ...
... المهم .....
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: نجوان)
|
كتبت نجوان : ناسنا ديل اظنهم ما متعودين على الـ controversies بتاعة المشاهير..
الناس برة بيفبركوها عشان يحرّروا سوقهم.. زي جرس الدلالة..
طبعا يا نجوان انا بحب المواضيع الكنترفيرشيال شديد وصدقينى كنت مستمتعه بى بوست الخواجه جدا
حتى الناس الهاجمتنى بضحك فى سرى بقول ...المعارف يقول عدس ....
عشان كده خلينا نتكلم عن الخواجه صاحبنا الوسيم
ملاحظه .... طبعا الخواجات عشان ناس راقيين دائما بحلقو الشنب ما عدا القله القليله
ودا دليل تهذيب وتطور لانو الشنب والدقن رمز التخلف والبربريه والوحشيه
طبعا ناسنا بفتكرو الشنب دا جزء من الرجوله يعنى !!!!!
دا شنو التخلف دا... بالله بس اجدادنا القدماء..... اما الدقن بس اصحاب الكهوف
كدى بس اتخيلو ديفد كامرون ولا بوش ولا ساركوزى ولا بل قيت ولا كلنتون
حتى الافريكان امريكان اوباما او المدعى العام اريك هولدر عندهم شنب...حاجه شتراء خالص
الشنب من مخلفات الجاهليه لو يعلمون
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: زينب محمد عبدالله)
|
Quote: ملاحظه .... طبعا الخواجات عشان ناس راقيين دائما بحلقو الشنب ما عدا القله القليله
ودا دليل تهذيب وتطور لانو الشنب والدقن رمز التخلف والبربريه والوحشيه |
ههههههههههه
فعلا ما لي حق, اتحسست ساي انا من قصة طولة البال و المحفزات
الحكاية سلطة ع الآخر
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: زينب محمد عبدالله)
|
Quote: ناسنا ديل اظنهم ما متعودين على الـ controversies بتاعة المشاهير..
الناس برة بيفبركوها عشان يحرّروا سوقهم.. زي جرس الدلالة.. |
والله جبتي المفيد ...
الراجل بيعمل شوية ماركتنج لي رقبته ...
ما لقي موضوع احر من ده ... زولي وانا بعرفه ...
ويجوك ناس قريعتي راحت .. ده صح و داك غلط
ومفرض داك يعتذر و مفروض ده يرفعها كورنر ...
وغايتو ....
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: يحي قباني)
|
.
.
Quote: ملاحظه .... طبعا الخواجات عشان ناس راقيين دائما بحلقو الشنب ما عدا القله القليله
ودا دليل تهذيب وتطور لانو الشنب والدقن رمز التخلف والبربريه والوحشيه
طبعا ناسنا بفتكرو الشنب دا جزء من الرجوله يعنى !!!!!
دا شنو التخلف دا... بالله بس اجدادنا القدماء..... اما الدقن بس اصحاب الكهوف |
كيف الكلام ده ..................إلا ..................الشنب
مره بواسي في شنبي العزيز طار منو جزء بواسي في الجنب التاني طلع فارق
المهم من هنا حته ومن هنا حته بقي زي شنب هتلر .................................
أضطريت لاول مره في حياتي _ وأخر مرة بإذن الله _ أحلقوا كامل
عينته في المراية ما عرفته نفسي ..............................
ومره على أطول أسبوع في حياتي لحدي ما الشنب قام تاني
***
في ثقافة الافندية السودانيين ما قبل السبعينات كانو بحلقوا الشنب
ما عن رقي بس ثقافتهم كانت مصرية شوية ......................
اجيالنا الحالية ما ظن عندهم ثقافة زي دي
ولم يبلغنا أنو وأحد انعم عليهوا الله بشنب قام حلقوا بكامل رغبتو وإرادتو الحرة
الدقن عدم حلاقتوا كسل وبعضهم تدين ......... لكين إلا....................الشنب
نبقي خواجات في أى حاجة بس
بعيد عن أشنابنا .................. *( نا ) دي راجعة لاغلبية مقدرة من الرجال السودانيين ذو الاشناب غير الحليقه
لهم ولاشنابهم التحية
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: عبد الناصر الخطيب)
|
سلامات ومحبات للكل..
معليش زينب.. هنا بقى لازمن أختلف معاك (لو ما زعمتا إننا كلنا حنختلف معاك).
المسألة ما شكل ولا قشرة. يعني من 3 أسابيع حليمة ونجوان وكل الناس الهنا وهناك بيتكلمو على سلوكيات جوهرية عايزين نغيرها عشان نعيش سعداء. تجي تقولي شنب وشنو ما عارف..
حرااام عليك
ـــــ
علاقتي مع الآخر لا يحكمها هل هو جميل أم لا. هل هو طويل أم قصير، هل هو أسود أم أبيض، هل هو مسلم أم مسيحي.
علاقتي مع الآخر تحكمها الإنسانية أولا والإحترام ثانيا وثالثا ورابعا...........
So, let us think DEEP
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: Raja)
|
يعني يا زينب، نزرز عمّك قباني ده في موضوع السمنة والحرية الشخصية وتقبّل الاخر .. وبعداك نقول ليهم احلقواالشنب!
ساعدينا عليك الله.. احنا ما صدّقنا نأسس لأجندة نتناقش على اساسها!
حسي عايني ود البشري ده كان بجي يقرا ويفوت، مما جيبتي سيرة الشنب، اعترض.. !
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: مريم بنت الحسين)
|
يا مريم كيفك
ملاحظتك سليمة بس ما جيت عشان اعترض على مسألة حلاقة الشنب
حقيقة جيت اعلن تراجعي على حكاية تحسسي من تعليق زينب الأول عن المحفزات و طولة البال إذ اتضح انو ما كان فيه ليه داعي - اعني التحسس
آخر مدا خلاتي في البوست دا كتبت فيها Quote: البوست دا ح يكون مفيد جدا لو زي ما ذكرن الأخوات فوق طلعنا بيه من حتة المقارنة و القتال لإثبات وجهات النظر و الأحكام المسبقة و اتعاملنا معاه كمرآة نشوف بيها عيوبنا في عيون الآخر
و نافذة نعرف بيها رايو فينا ونناقشو فيها إما اقنعناه بخطأها أو هو اقنعك و اهدى ليك عيوبك الما شفتها
وفي الحالتين مكسب |
لكن للأسف لازال الطرح مسجون في اطار المقارنة و المكاجرة وان كنت لا انكر استفادتي من كل المداخلات هنا
حاجة تانية خلتني احجم عن المشاركة واكتفي بالقراية هي عندما ذكرت رايي في مسألة ضرب الزوجات
بعد اعادة القراءة حسيت اني وقعت في نفس فخ التعميم - القديتكم بيه قد :) - واكتر من رد بكتبو و بمسحو بلقاني بتكلم عن تجربتي الشخصية و التي لا يصح اعتبارها مقياس بالطبع
ففضلت الإنتظار حتى يتكرم احدهم/ن بايراد نتائج دراسات و احصاءات حتى الواحد يقدر يتحجج بيها على بينة
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: مريم بنت الحسين)
|
اتفق مع رجاء.. زينب، كده بتشتتي اللعب والله..
الامور الكوزماتيك دي ما اظنها اولوية الناس في المرحلة دي..
يا ريت لو مشاكلنا ممكن اختصارها في شنب وما ادراك ما شنب..
_____
| Quote: كن للأسف لازال الطرح مسجون في اطار المقارنة و المكاجرة وان كنت لا انكر استفادتي من كل المداخلات هنا |
سلام يا ود البشرى،
بختلف معاك في دي. في نقاط موضوعية محددة طرحت في الخيط ده والخيط الأول لنفس الموضوع..
لم نسمع تفنيد ليهم او كتير من النقاش الموضوعي.. كان في ردود انفعالية كتيرة او اختزال الموضوع في نقطة واحدة ..
اتوقع مداخلة زينب الجديدة دي تجيب الأعمى شايل المكسح لانه سهل الرد عليها (المداخلة) وقلبها لهظار وتندّر،
بينما اعرض ناس كتار وعملوا رايحين من الأساسي وجوهري..
شيء مدهش انه مفهوم الزوجة السودانية معظم الرجال الشاركوا هنا شايفينو مية مية ولا غبار عليه..
بإستثناء تبارك وربما بعض المشاركات البين بين.. في انكار على مستوى واسع جدا.. فاق التوقعات اللي اصلا كانت متدنية..
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: مريم بنت الحسين)
|
بالغتو يا رجاء ومريم
يا اخى السبب الطلعنا بيه من السودان يا هو موضوع السلوكيات دا
وظلم المرأة وحقوق الانسان ...... انا كنت شغاله وبالتحديد فى مجال تنميه المرأة
وكانت ظروفى الاقتصاديه ممتازه والحمدلله ...لكن قدمته استغالتى
لى اسباب كتيره ما ممكن اذكرها هنا لفيت السودان دا قريه قريه
يا ما شفت العجائب من الظلم والقهر وتسلط الرجل
مره من المرات كانت عندى مهمه تفريق شاحنات جايه من بورسودان فيها سكر زيت ودقيق
والكلام دا كان فى مخازن بحرى اها قبل ما ابدا لمينا العتاله وبنتناقش فى سعر الشوال بنزلوه من الشاحنه
لى المخزن بى كم فى الحقيقه انا طلبت من السواق انو يمشى يتفق معاهم على السعر.... جاء قال لى
قالو عايزين كدا على الشوال الواحد...انا طبعا عندى ميزانيه محدد ما بقدر اوافق علي السعر القالوه
قلت امشى اتكلم معاهم عشان ينزلو السعر دا شويه ...قام واحد من العتاله قال لى
لا انتى مره ...!!!! زحى بعييد ما تتكلمى معنا فى الموضوع دا !!!!!!!!
طبعا ما عرفت ارد اقول ليه شنو ...قلت فى نفسى يا ربى اقول ليه انا الفى نظرك مره و ما بسوى شىء ..انا المسؤله هنا
وانا البقرر اذا كان السعر دا معقول ولا غيرو عايز تشتغل اهلا وسهلا ما عايز فى غيرك ....تانى قلت يا زينب pass
وخليت السواق يتناقش معاهم لغايه ما وصلو لى سعر مناسب
ويا ما عملنا ندوات وسنمارات فى مواضيع تهم المرأة
فى مره من المرات كنا بنعمل فى ندوة عن الخفاض وفى اثناء ما بتكلم
جاء واحد من انصاف المتعلميين ووقف الندوة وطردنا قال لى النسوان
ديل بنات قليلات ادب ما تسمعو كلامهم ......المهم
لمينا حاجتنا براحه ومشينا وكتبنا تقرير عن الحصل دا وكيفيه معالجته فى المستقبل
يا رجاء انا من اتولدت وعينى فتحت على الحياة ارفض الظلم لى نفسى وللآخر
سواء كان رجل مرأة اسود ابيض مسيحى مسلم مختل العقل كامل الاهليه فى السودان ولا فى دول العالم الاخرى
انا انسانه متمرده جدا ....ما بقبل بى رأى انا ما مقتنعه بيه عايشه حياتى بالطريقه البتريحنى انا وليس زيد ولا عبيد
اعمل ما اراه صحيحا الا ان يثبت العكس استمع واقيم نصائح الآخرين اذا كان فيها الاحترام والمحبه والنفس الهادىء
يا رجاء فى بوستات كتيره اتفتحت عن المرأة وبتقلل من قيمه المرأة الانسانه وبتكرس لى مفهوم المرأة كاشىء مادى
انا هنا وفى بوست الخواجه بتاع حليمه برضو دخلتا بنفس طريقتهم ..وداوينى بما كانت هى الداء المافى شنو على قول قيقراوى
دا ما بيعنى انو انا ما اتكلمتا عن الجوانب الانسانيه البتفتقدا المراة راجعى مداخلاتى كلها و ما تشوش عليكم مداخلتى عن المحفزات
والحنه والدخان اللهى انا قاصد اى كلمه قلتها وما اتراجعت منها وما حتراجع من حاجه انا قلتها او كتبتها ولو نصبو المشانق
عاد يا بنات امى الرجال اخدوا الموضوع بروح رياضيه تجو انتو تفتحو فينا نيران صديقه
اضحك تضحك لك الدنيا
| |
|
|
|
|
|
|
|
|
|
Re: زواج الخـواجـة.. قـراءة ثـانـيـة.. (Re: زينب محمد عبدالله)
|
.
| Quote: شيء مدهش انه مفهوم الزوجة السودانية معظم الرجال الشاركوا هنا شايفينو مية مية ولا غبار عليه.. |
باستبعاد بوستات المكاواه الكانت لافة هنا المغربية والموريتانية والفلبينية _ ده بوستي الكاتبو مساهمه في الموجة دي _
بس متاكد حتى الناس الرفعت البوستات دي ماظن عندهم مفهوم ضد الزواج من السودانيات
وحتى الناس المقاديرهم كانت أنو زوجاتهم ما سودانيات
في الأخر أمهاتهم وأخواتهم وخلاتهم وعماتهم وقريباتهم وزميلاتهم زمان
وحبيباتهم الحرمتهم منهم المقادير
وممكن زوجاتهم في الماضي الربنا أراد ما يكملوا مع بعض كل ديل (( سودانيات ))
يبقي المفهوم في حد ذاته مفهوم مدهش ومتطرف لو كان فعلا لدي البعض
**
وفي الأخر النصيب هو البحدد ( نصيبك بصيبك )
بس ما بكون لسبب أو موقف انو ما يتزوج سودانية مافي زول أساسا بحدد هو حيتزوج من وين
لكين بصادف الشخصية الببقي تفكيروا في جنسيته حتى لو أختلفت مع جنسيتوا هو اخر شي يفكر فيهوا
بمرور الوقت فعلا بكونوا السودانيات كدم وقربة وعلاقات إنسانية تانية موجودين في حياتهم
عدا فكرة أنو تكون للواحد زوجه منهم ...............
لانو الحته دي بتكون خلاص فات وقته وأتسمت حتت منو
وما يتذكره إلا كنوع من المناكفة وهو قاعد قدام التلفزيون بشوف في النيل الازرق
يلقي نفسوا بقول لزوجتوا ( وّلي ..............على حظي )
كنوع من الهزار ...............ورفع الجاز ليس إلا ...............
أي سوداني في خاطروا ومناهوا... (( سودانية ما ))
ده شي مفروغ منوا ........... اللهم قسمتوا ما تديهوا ............والرضا بالمقسوم عبادة
وبتأكيد مدام الواحد بكون مع نصيبوا ...................سعيد وموفق ( بقرط على كده )
على الأقل يحافظ على (( شنبو))
----------
تحياتي
| |
|
|
|
|
|
|
| |
Rawia
تبارك شيخ الدين جبريل
bob
rummana
نجوان
تيسير عووضة
داليا حافظ
Raja
مريم بنت الحسين
أيمن الطيب
smart_ana2001
Elawad
احمد الأمين على إدريس
حبيب نورة
يحي قباني
زينب محمد عبدالله
محمد على طه الملك
محمد البشرى الخضر
فيس بوك
تويتر
انستقرام
يوتيوب
بنتيريست