هاردلك السودان ... مبروك إثيوبيا

Quote: في تصوري كانت النتيجة واضحه من الخرطوم بان فريق اثيوبيا منظم وقصة ان نهزمة في ارضة كان امر صعب بالنسلة للمتخب السوداني حسب معطيات وطريقة لعب الفريقين في المباراع الاولى ولكن ابد ما كنا نتوقع هذه المهزله والازلال والروح الانهزمية من لاعبيننا

القصد هنا بوست هادي مدعوم بالإحصائيات لجيران كانوا يوم من الأيام الضلع التالت
الأسس مع السودان ومصر الاتحاد الإفريقي لكرة القدم , شاءت الاقدار أن يقصونا من
الوصول للنهائيات في 2013 م , مع العلم انهم غياب عن النهائيات منذ عام 1982م

كورتهم لا تختلف عن الكرة السودانية والتي كانت أفضل منها على مستوي الأندية مع تطابق
كبير في المسيرة على صعيد المنتخبات الوطنية وعلى صعيد الممارسة والاهتمام نفس الملامح
والشبه كرة الشراب للشفع والروابط ولعب الصبية في الميادين لحدي الدنيا تمغرب .
يمكن هم محظوظين أكتر لانوا عندنا الميادين والفسحات دي معظمه أختفي وحكومتنا
باعته لاهل الحظوه , هم الموضوع مختلف ومافي واحد بقدر يتعدي على ساحات بتعتبر
ساحات عامه لمنفعة الجميع وما كورة وبس بتلقي كتار بتمرنوا جرى حولها .
نفس الداء الاصاب كورتنا أصاب كورتهم لظروف سياسية واقتصادية

عندهم اهتمام بالكورة وفرقهم البتابعوها طبعا ما بالصورة العندنا لانوا اهتمامهم كبير
برياضات تانية خصوصا العاب القوي وأظن بنعرف شي عن أبطلهم وسجلهم الحافل
لدينا أنحصر الاهتمام بكرة القدم ومع ذلك لاتوجد نتيجة تحمس الناس لمتابعتها في الاندية او المنتخب



يمكن بعض البوستات هنا أهمل أصحابه سجل الجيران
والبشوف شكل الكلام كأنو كان سجلنا ذهب وسجلهم صفيح
بينما الحقيقة سجلاتنا على مستوي المنتخبات الوطنية متقاربة للغاية
-------------
هاردلك السودان
مبروك إثيوبيا