زواج الخواجة احلي زواج

Quote: يا استاذ يوسف سلام أنت جاد؟ اولا البوست ده ما بنفصل عن السياق الاتكتب على أساسه ..يعني استاذة حلمية وهي قادرة على الرد ما جات كتبت بوستها ساي كدة ..وهو زاتو كان في شكل مزحة لكن برضو بتخللوا انتقادات نتفق معاها او نختلف هي كانت كرد للبوستات البتشجع الزواج من غير السودانية (لو ما شفتها)..ده جانب .. الشيء التاني فيما يخصني ..أبدا لم أدعو لذلك ..ومع ذلك ليس لدي اي مانع ان يتيمم أيا كان راجل او إمراة القبلة البتريحو..وبشكل شخصي أكتر زوجي البحبو ومقتنعا بيهو وهو سوداني بالمناسبة..لو كان هو زاتو بشخصيتو دي "خواجة" فلن اتردد في الزواج منه ..لكن ما حاجي يوم وأكتب يا بنات يلا اركباكم طيارة تمشوا بيها بلد الفرنجة تنقوا زي ما عايزين .. بالنسبة لي كل الردود الاتفضلوا بيها الأخوات وهن قادرات عن الدفاع عنها ..، مابتقدر تفصلها عن سياق كونها رد على كل الاستفزاز السخيف البقلل من شان السودانية ..، وفي ذات الوقت بتحمل في طياتها نقد مباشر اذا نحن ما عاجبنكم ..فنحن برضو عندنا تحفظاتنا ..، الموضوع بسيط شديد ..

(عدل بواسطة يوسف الدفينة on 10-08-2012, 03:40 PM)