سودانيزاونلاين تفتح باب التعليقات لغير الاعضاء فى صفحتى الاخبار و المقالات
مفهوم الزمن عند السودانيين عنوان ندوة بالبيت السودانى باريزونا
حقيقة ال400 جواز في دبي
قُنصلية دُبى والــ 400 جــواز ....
الشهيد د.علي فضل بقلم عميد معاش طبيب.سيد عبد القادر قنات
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 04-27-2015, 07:33 PM الصفحة الرئيسية

مدخل أرشيف الربع الرابع للعام 2012مضجر عام .. على غرار نص (عداوة) حاتم الياس (الصفوي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-30-2012, 11:22 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

ضجر عام .. على غرار نص (عداوة) حاتم الياس (الصفوي)


    يؤذى الصمت صنبور الجار
    حين يصب الضيق فى مجرى العادة كالعادة..
    مقتبساً من نفس خيال الأمس مشاغله , بين شؤون الماء وتصفيف الأوراق
    وبصورته الأولى و المعدة سلفاً من كيان الطمي والعشب واللزوجة
    يغرس فى مكب اليوم بذرة التكرار ..
    وينسخ الخواء من شغب الرذاذ
    صباح الخير ياجارى ..
    صباح الخير يافلاح ...نهاية الخدمة
    واللعنة عليك...
    و على كل الصنابير التي تتدفق بالأكتئاب



    الشاعر الجهبذ/ حاتم الياس
    ايلول 2012









    -------

    عندي قراءة نقدية لنصك الرائع دا .. لكن
    خليها في سرك بس!

    لو المقادير بلييد .. واليمين مطلوق، ما كان انشنق ود ابكريق في السوق!!
                   Subscribe on YouTube |Articles |News |مقالات |بيانات

10-01-2012, 00:43 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    النص موسوم بي(عداوة ...لكسر الروتين)
























    -----------

    صراحة انا واصل مرحلة ضجر من منبر العوام الانحنا فيو دا لدرجة ما داير اكتب ذاتو

    كم اكرهكم ياخي!!

    كل ما ننسى او نتناسى يجي واحد عام نابل ليو بي كبة، ويصدمك بواقع انك في ارض العوام دي!!

    سئمنا!!
                   Subscribe on YouTube |Articles |News |مقالات |بيانات

10-01-2012, 00:57 AM

سيف النصر محي الدين

تاريخ التسجيل: 04-12-2011
مجموع المشاركات: 5454
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    يا قيقا بالله عليك لم الضجر و نحن نراوح بين "صفوي" يهيج شيطان الشعر لديه صنبور الجار الصامت
    و "عوامي" تحركت موهبته الروائية بفعل قصة صديقه الذي قفل كفيله على امرأته او كما حكى.


    بين صنبور الجار و زوجة الصديق تجري مياه كثيرة يا قيقا فأنى الضجر؟
                   Subscribe on YouTube |Articles |News |مقالات |بيانات

10-01-2012, 01:36 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: سيف النصر محي الدين)

    الادب من يتصدوا ليو سباكين .. فلا ادب هناك






















    --------

    واحد ماسورة جارو فاضية
    والتاني قصتو كلها ماسورة
                   Subscribe on YouTube |Articles |News |مقالات |بيانات

10-01-2012, 04:14 AM

سيف النصر محي الدين

تاريخ التسجيل: 04-12-2011
مجموع المشاركات: 5454
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    اها يا قيقراوي ارجى حاتم الياس يجيك ينتف قرايتك النقدية الفي سرك دي.
    كان في سرك ما عارف!
    هو في اوضح من كده
                   Subscribe on YouTube |Articles |News |مقالات |بيانات

10-01-2012, 09:10 AM

د.نجاة محمود



للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: سيف النصر محي الدين)

    حاتم من افضل كتاب الاسافير لكنه خواف شديد وهنا تكمن مشكلة حاتم ككاتب
    سياسي لا يشق له غبار لكن مناضلين الكيبورد قاعدين ليه بالمرصاد
    وهو ما عايز النكد والنبيشة ويخاف ان تنسج عنه قصص واغتيال شخصية وكدا
    ولكن ا اعتقد انه كاتب ممتع وذكي ولماح لفت نظري اول دخوله
    واعجبت جدا بكتاباته بس الله يديه القلب عشان يطغى على الغثاء البكتبوا المناضلين
    ديل
                   Subscribe on YouTube |Articles |News |مقالات |بيانات

10-01-2012, 09:46 AM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: د.نجاة محمود)

    يانجاة سلامات وكيفك ياخ

    والله يانجاة الخوف ده حاجة أنسانية اصلو ماعندنا مفر منها..لكن أنا ماخواف قدر ده يعنى وصفك ده .. بذكرنى جارنا زمان مشهور بالخوف كان جراى جداً جداً يسك الحرامى ويكورك يلم الحلة كلها , ويجرى مع الحرامى كتفاً لكتف ومرات يفوتو عديل جرى ويجيهو راجع..لكنه فقط يكتفى بالكوراك (حراااامى)..يعنى كان جا شنو وشنو داك مابفكر ولايتجرأ على انو يقبضو ولايهبشو ساى..كل خططه قايمه على أنو يفترو بس...أها أنا زى الجار القديم ده خططى فى النقاش والحوار قايمه على أنى (افتر) المحاور...لكن ما (بهبشو)
                   Subscribe on YouTube |Articles |News |مقالات |بيانات

10-01-2012, 10:03 AM

tmbis

تاريخ التسجيل: 10-19-2002
مجموع المشاركات: 24833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    ليتني كنت ناقدا يا قيقا .. ليت عندي ازميل فدياس ..
    ..
    قدرنا الواحد يقرا الحاجة السمحـة .. ويقعد يفلسفه جواهـو ..

    انقد يا قيقا خلينا نعرف حاجة ..
    نحن ناس دافوري ساكت .. لكن بنحب اللعبة السمحة ..
    ..

    والله يا حاتم الياس البشوفك عصريتئذ بي جلابيتك الما خمج .. يقول الحرامي بتاع صاحبك دا تجري وارهو (وتشنكلو) شنكلة توور في سلخانة امدرمان .
    بلاي طلعته بتخاف من الحرامي ..؟
    هذا ..
    بعد التأمين على كلام دكتورة نجاة فيما يتعلق بالكتابة وشيطانها عند الاسفيري حاتم الياس .. وذلك قبل تحجيمه من منبر الصفوة .. وارهابه من بعض العوام بي هناك ..
                   Subscribe on YouTube |Articles |News |مقالات |بيانات

10-01-2012, 05:09 PM

Sidig Rahama Elnour

تاريخ التسجيل: 09-01-2004
مجموع المشاركات: 3383
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    Quote: أها أنا زى الجار القديم ده خططى فى النقاش والحوار قايمه على أنى (افتر) المحاور...لكن ما (بهبشو)


    الأستاذ حاتم الخواف
    تحية طيبة
    عليكـ الله في الأسفير دا شفت ليكـ زول بفتر ؟؟؟ كل الناس هنا مركبة مكنة وكرونا بتاعت هيفي ديوتي ....

    قيقا يا عوام ... أهو واحدة من فوائد تجلياتكـ العامة أنو الواحد يقرأ ليهو نص فيهو إجتهاد جمالي نشكركـ يا أخ ونشكر الشاعر حاتم الياس

    الدكتور نجاة سلام الله عليكـ وراجعي الخاص بالله


    ولكم تحياتي الوافرة يا أعزاء ....
                   Subscribe on YouTube |Articles |News |مقالات |بيانات

10-01-2012, 05:32 PM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: Sidig Rahama Elnour)

    الصادق الكسلاوى..وين ياخ كتر خير قيقراوى الذى جابك من اغوار بعيدة فى تاريخ الأسافير حضرت ومعك ريحة توتيل والضريح والقاش ..وبعدين يأخى أنت رفيق قديم فى هذه الأسافير تعرفنى كويس كان فارس ولا بفز كان مابى ده بس..بنتمها (سبيرتو) ساى

    سأل القادم ..الحفله بمنو
    قالوا ليه..بلهيب الشوق
    طيب كان كدى ياجنى ماتقول (سبرتنا وكفرنا عديل)

    من ناحية تانية النص الفوق الفيهو اجتهاد جمالى ده حقى يعنى أشكرك بالنيابة عن قيقراوى..

    ياعلاء..بالنسبة للجلابية والمظهر الجلابى..خلف ذلك فتى أمدرمانى رقيق الحاشية والقلب وشفاف..لكن أطمئن فى حاجات خاتنها لليوم الأسود ..ستفاجئك
                   Subscribe on YouTube |Articles |News |مقالات |بيانات

10-01-2012, 05:52 PM

rummana

تاريخ التسجيل: 02-05-2002
مجموع المشاركات: 3537
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    Quote: ايلول

    دي من عندك ولا من عنده؟

    .
    .

    طبعا واضح اني لم آتي لحوار فبلاش نقد وانتقاد
                   Subscribe on YouTube |Articles |News |مقالات |بيانات

10-02-2012, 00:41 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: rummana)

    Quote:

    دي من عندك ولا من عنده؟

    ايلول .. لوووووووووول





















    ----------

    ما دا الفرق بين تعيين الوزارة .. وابوعشرين يا رمانة
                   Subscribe on YouTube |Articles |News |مقالات |بيانات

10-01-2012, 07:28 PM

Ashraf el-Halabi

تاريخ التسجيل: 10-08-2006
مجموع المشاركات: 5506
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    سلامات قيقاناقد

    يا دكتورة حاتم من ناحية "سياسي لا شق له غبار" فيشق له ونص، ياخ دا طلع سودان قديم عديل!
    لكن من ناحية حكي وسرد فسبحان الخالق البديع!
    يا شباب: ما لا نعلمه عن حاتم إنو كاتب قصة قصيرة ممتاز لكنه يبخل بذلك إلا على خاصته
    أوعك تقول لي جبت الكلام دا من وين يا حاتم
    احنا عندنا مصادر جووة مكتبك.. هههههههه
                   Subscribe on YouTube |Articles |News |مقالات |بيانات

10-01-2012, 07:44 PM

سفيان بشير نابرى

تاريخ التسجيل: 09-01-2004
مجموع المشاركات: 7417
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: Sidig Rahama Elnour)

    الرسول فيك !!!
    اصلو ما بصدق!!!!
    والديوان يلقوا وين؟












    ـــــــــــــــــــــــــــ
    تاريهو الأيام دي ما برفع التلفون!
                   Subscribe on YouTube |Articles |News |مقالات |بيانات

10-01-2012, 10:22 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: سفيان بشير نابرى)

    يا عوام (على غرار يا صفوة)

    والله احرجتوني مع الصفوة!!

    القراية النقدية للنص ما للشاعر همسلف!!


















    --------

    تحيروا بلد انتو ..حسن موسى ما خاتي عليكم كلو كلو

    خوف حاتم خلوهو .. ورونا تجليات الخوف في النص المبذول اعلاه ..
    زول يبادر لعداوة راسا عديل كدا، لداعي الغيير (فغط) لا غير .. وتقولوا لي الطيارة فيها بوري!؟
    دا فارس ساي لي الله سيدو داك
    ولو كان شاعر .. والشعراء يقولون ما لا يفعلون.


    I'll be back
                   Subscribe on YouTube |Articles |News |مقالات |بيانات

10-02-2012, 02:24 AM

Ashraf el-Halabi

تاريخ التسجيل: 10-08-2006
مجموع المشاركات: 5506
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    Quote: القراية النقدية للنص ما للشاعر همسلف!!
    يا سعادتك إنا واحدن من الناس ما جيت لأي نقد ولا يحق لي
    أنا شفت كلام دراب دراب كدا فهمت منو إنو (الخليفة) ود الياس مزنوق قلت أمرق الذمة
    أوع أكون غرقتو زيادة!؟

    (عدل بواسطة Ashraf el-Halabi on 10-02-2012, 11:18 AM)

                   Subscribe on YouTube |Articles |News |مقالات |بيانات

10-02-2012, 05:55 AM

محمد حيدر المشرف

تاريخ التسجيل: 06-20-2007
مجموع المشاركات: 13621
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: Ashraf el-Halabi)

    أعجبنى الكلام يا قيقا وحاتم ..
    فقط ازعجتنى عبارة "تتدفق بالاكتئاب" ..
    لماذا ؟!!
    لا أعلم بالتحديد ولكن ..
    والله ما عارف لكن ..
    تعرفوا !!
    وكأن الإكتئاب كان من نصيبها -أى الماسورة-
    وبالتالى تمنع العبارة عن حاتم نصيبو من ذلك السأم الجميل..
    الأمر الذى لا نرضاه بالتأكيد !!

    فقط لو كانت "تدفق" "تكشح" الاكتئاب !!
    او أى حاجه تانيه يا حاتم!!

    (عدل بواسطة محمد حيدر المشرف on 10-02-2012, 05:56 AM)
    (عدل بواسطة محمد حيدر المشرف on 10-02-2012, 05:59 AM)

                   Subscribe on YouTube |Articles |News |مقالات |بيانات

10-02-2012, 06:47 AM

اساسي

تاريخ التسجيل: 07-20-2002
مجموع المشاركات: 16479
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: محمد حيدر المشرف)

    يا الله يا الله هذا شعر مجيد , هذا نص غاية في الامتاع والدهشة , لم استمتع بشعر يلامس وجداني ويشكله كيفما شاءت قافيته منذ هنيهات شاعرنا اسامة الخواض بل لن اجافي الذوق السليم ان قلت هذا النص البديع وصل في غاياته العليا جنبا بجنب متسقا مع سراير المشاء
    لك الشكر اخي قيقراوي علي رفدنا بهذا النص البديع , تتقاصر قامتي استاذي حاتم الياس عن شكرك علي تشكيل بقية اسبوعي بهذا الشعر المتناهي روعة وعذوبة
    بالله انظروا الي هذا النص الوريف كيف يتسق تماهيا مع نصوص شاعرنا المشاء , لا ينقص عنها قيد حرف ان لم يكن يكملها تجملا بل هو نص يتجاسر متفوقا عليها في بعض معانيه الخفية .







    لذا لم اجد صنيعا يعبر عن امتناني بهذا الشعر سوى تتويج استاذي حاتم الياس وتزين بروفايلي بأسمه وهو يتخذ مكانه الطبيعي كشاعري المفضل

                   Subscribe on YouTube |Articles |News |مقالات |بيانات

10-02-2012, 07:12 AM

محمد عبد الماجد الصايم

تاريخ التسجيل: 10-16-2005
مجموع المشاركات: 34988
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: اساسي)

    أسـاسـي رقد بيو!!
                   Subscribe on YouTube |Articles |News |مقالات |بيانات

10-02-2012, 07:28 AM

د.نجاة محمود



للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: محمد عبد الماجد الصايم)

    الكلام السمح دا هو الخلا حاتم يكون واحد من3 كتاب مفضلين في هذه الاسافير
    والكلام دا انا بقولو مركبة مكنة النقد ومالية يدي تب


    Quote:
    فى عهد ديمقراطى بعيد وآفل كنا بعد أغرار سياسة نعبئ وقتها الريئات بالمستطاع من أكسجين الحرية والتمرد ونعبث بفوضوية مبزره بما فاض منها دون حرص وأشفاق عارف بما يتربص بتلك التجربه خرجنا وقتها فى مظاهرة من تلك المظاهرات المجهولة السبب والتى ربما تصادفك مشقة كبيره لتقصى أسباب قيامها فى(الثورة) من شارع الى شارع نقود الهتاف والعصيان نهمد أحياناً وننشط فى أحيان أخرى والمظاهرة تمضى حتى فتحت تلك الجميلة باب منزلهم وأنضمت الى جموعناتتقدم الهتاف وهى ترفع عالياً يدها التى تحمل (مفتاح منزل) من ذلك النوع الكلاسيكى القديم كانت جميلة بمقدار يجعل من تلك المظاهرة تتحول من أجندتها السياسية الغامضة الى حالة هيام جماهيرى علنى,تقدمت عدة فراسخ ثم عادت من جديد ترفع (التوب) وتصلحه وبيدها المفتاح بينما الأبتسامة مازالت معلقة على وجهها مثل لوحة ثورية زاهية , كنا خمسة قوام تلك المظاهرة الجديدة التى أنسلخت من خط السير والشعار وبهتاف جديدسرنا خلفها كانت مازالت ترفع المفتاح الى أعلى..ونحن خلفها نردد(نحنا وراك يامفتاح) حتى باب منزلهم حيث عاد المفتاح الى وظيفته الأساسية فى(الأبواب والحياة).

    هنا ربما أو فى الأوف لاين طالعت ماكتب عن الأخت تراجى مصطفى وعن حق لم أهتم كثيراً بما ورد فيه أو ماقيل عن الأخت تراجى حيث تبدو الحيثيات التى طرحت ضعيفة وهشة بجانب أن تاريخ الخصومات السياسية فى السودان رتب الكثير من التجارب على هذا المنوال حتى تطورت حاسة كافية لرصد ماهو حقيقى وماهو محض (مناكفة)وكل قيادات القوى السياسية السودانية ومنسوبى أحزابها بكافة الأطياف لم يسلموا من رشاش هذه المكايدات,لكن كنوع من الفضول(البشرى) أهتممت بأن أرى صورة تراجى مصطفى والتى ظهرت خلف المنبر(منبر الحدث) وهى تشير بيدها على طريقة وينى ماندلا وحقيقة أندهشت لوجود تشابه لاتخطئه العين بينهما أى بين وينى مانديلا وتراجى زاد من ذلك الشبه الزى الأفريقى الذى كانت ترتديه تراجى,أعتقد دون تأكيد جازم بأن تراجى مصطفى معجبه بالثائره الأفريقية وينى مانديلا حقيقة وعلى نحو (أنسانى بحت وسودانى من ناحية أخرى)لم أخفى أعجابى الصريح بهذه الصورة للحد الذى تمنيت فيه الحد الأقصى للصورة الفنية المتخيلة فى ذهنى لكمالهاوهى أن (التوب) السودانى كان سوف يعطيها بعد أجمل حتى ولو كان (توب زراق) وحتماً سوف ينطبق على الصورة قول شاعر المركز الجلابى المستعلى سيد عبد العزيز وهى فى منبرها الأحتجاجى ذاك

    الجبره فيك بتخيل
    محمية الحمى الماحام
    حداهو دخيل ليوم النشور
    فقتى الكانو قبيل حايزات
    فى الجمال جائزة نوبيل

    وهى قصيدة يابت ملوك النيل ياخت البدور مين لعلاك يميل..الخ القصيدة من عيون شعر حقيبة الفن وأغنياتها قيل والعهدة على الراوى بأن سيد عبد العزيز وهو أبن خالة السيد عبد الرحمن المهدى قالها فى أبنة الأخير وكانت على قدر من الجمال قيل بأن السيد عبدالرحمن حينما وصلته أخبارها وسمعها ممن رددها له غضب غضباً شديداً وأستدعى سيد عبد العزيز وقال له(والله ياسيد مامسك غضبى منك اْلا قولك..بت عز الرجال أهل الدروع والخيل ليوم النشور)كان غضب السيد المفهوم هو من تجرؤ(صيع) الحقيبة من أن (يهابشو) بالشعر حراير القلعة الأنصارية..وهو لعمرى أمر خطر وصعب لكن روح الشعر والجمال على مر العصور ماكانت لتهاب من التبتل الخلاق والبرئ حتماً.
    بعيداً عن الحقيبة ووينى مانديلا..ومظاهرة الثورة(الهيمانة) نقول بأن الأستاذة تراجى مصطفى ولى معها بعض المداخلات فى هذا المنبر تجبرك دائماً على أختيارات فكرية رصينة وهى حينما تعترضك بفكرة لاتقفز أليها برد متعجل وأندفاع بلاطعم ولارائحة دون أياب للمكتبة والفهارس وهى مع كثير من أعضاء المنبر من منسوبى أطروحة الهامش والمركز وهى أطروحة فى تاريخيتها كانت تعبير عن أزمة غياب حمل أدوات الفكر العلمى الى رهان اليومى وتجلياته فمارست بعض الأحزاب اليسارية (الخفاء) السياسى والنظرى معاً مما فتح الباب الى تأويلات وأجتهادات أخرى تحاول أن تقرأ التاريخ السياسى والأجتماعى فى السودان وتقدم حلولاً للأزمة الوطنية من منظور للأسف لم يغادر منصة الثقافوى وكان فى أقصى حالاته ضرب من التعجل (والنفس) الثورى الحار لتنظيمات سياسية ونخبوية هى فقط صنعة الجامعات والكليات وقاعات الدرس خرجت بأحلامها من هناك ومازالت (تكوس)وكان أطروحة الهامش والمركز تجلى صريح ودائم لذات الأزمة الوطنية التى أراد لها الحل عبر أطروحاته التى حملت السلاح لاحقاً وبدا الأمر مثل بوستر جيفارى جميل يتخلل حلم تلك الفكرة..وهو موضوع طويل أتمنى أن تسهم معى الأخت تراجى فى أثارة نقاش مشترك بيننا مستقبلاً فيه ..وحتى ذلك لم أجد من أشكال التضامن المناسبة حسب حيلتى المتواضعة فى الحياة سوى هذا البوستر متمنياً أن تكون تراجى وكما شاهدناها فى الصورة أكثر قوى وتحدى مثل شبيهتا وينى مانديلا...لكن لأغراض هذه الفترة التضامنية سننتمى لى أطروحة الهامش والمركزموقتاً وبذاكرة تلك المظاهرة (الهيمانة) نقول لتراجى...نحنا وراك
                   Subscribe on YouTube |Articles |News |مقالات |بيانات

10-02-2012, 07:34 AM

محمد عبد الماجد الصايم

تاريخ التسجيل: 10-16-2005
مجموع المشاركات: 34988
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: د.نجاة محمود)

    غايتو الكلام الجبتيو دا ما بناباهو يا د. نجاة
    لكن قصيدة الضجر والاكتئاب والماسـورة .. فهي عبارة عن ماسـورة!!
                   Subscribe on YouTube |Articles |News |مقالات |بيانات

10-02-2012, 08:16 AM

tmbis

تاريخ التسجيل: 10-19-2002
مجموع المشاركات: 24833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: محمد عبد الماجد الصايم)

    اساسي ومحمد عبد الماجد الصايم ..
    عمقوا لي فكرة انو فعلا المنبر دا فوقو عوام ..
    عوام بشكل مرعب جدا ..
    ربما افكر في مقبل الايامات اني امشي الفور اووول .. لطالما انو ماسورة حاتم دي (اكلتني) ..
    ..

    تعرف يا ود الصايم انا الان تأكدت تماما انو رشة علاء الدين البقفل الزرارة الأخيرة كانت في محلها ..

    فنش


    ارفعوا ايديكم عن حاتم الياس كاتبي المفضل الذي انهل دائما من نبع كلماته الصافية
                   Subscribe on YouTube |Articles |News |مقالات |بيانات

10-02-2012, 08:47 AM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: محمد عبد الماجد الصايم)

    الأخوة الكرام..لقد أخجلنى تدافعكم الجميل وأحتفائكم بما كتبت, لاأكذب عليكم اٍن قلت أننى لم أتوقع هذا التدافع والأنكباب وسريان هذه الدهشة العظيمة بل كان أمراً متوقعاً لكن المدهش أن تاتى من قراء عاديين كقيقراوى وسفيان..أشرف أتابع جهوده العظيمة منذ زمن فى الترقى والتطور النقدى والقراءة التى تحاور النص وتلامس مكامن الجمال فى الأعمال العظيمة..

    عموماً أنا شاكر جداً

    وبعدين يانجاة القصيدة دى واضح انها كارثية جداً للدرجة الخوفتك على مستقبل اخوك ككاتب ومثقف فعايز أطمئنك أنو هنا فى سودانيز أون لاين مع طبيعة هؤلاء القراء المميزين لو نزلت (اللورى حل بى ودلانى انا فى الودى) ممكن يفتكروا كاتبه أدونيس, فماتخافى

    __
    يااساسى, الأستاذ أسامة الخواض شاعر كبير وهو عندى فى مقام كبير جداً وأعماله الشعرية من أكثر الأعمال تميزاً وجراءة أبداعية وهو فى مشهد الكتابة فى السودان علامة حقيقة..لكن المهم هو أن ماقمت به هنا كيفما كانت دوافعك فى هذه المداخلة يكشف عن قدرات نقدية بالفطره.., لأنك كشفت عن تناص ما بين هذه القصيدة البديعة وكتابات أسامة الخواض بمعنى أن هذا النص هو قائم على محاولة استيعاب وهضم نصوص الخواض وأعادة أنتاجها ضمن رؤية خاصة بالشاعر (حاتم الياس) والتناص مرات بكون ناجح وبضيف رؤية جمالية جديده لأنه قائم على حوار خلاق ومبدع مع النص أى حوار بين مستويين من الشاعرية ومرات بكون تناص مكشوف وضعيف..لأنه بكون بيتغول على النص الأصلى ويفشل فى تقديم نص موازى مستقل برؤيته
    لن اعترف لك بالأخيرة ولو جبت الشيخ والدلوكة الحيران ونزلنا كلنا فى ..يالطيف...لكن أثمن جداً قراءتك وسعيد فى أن تضعنى فى المكان الطبيعى لى فى بروفايلك فى ان اكون شاعرك المفضل..استثناء بالتأكيد من أمنية أبداعية كانت ترافق كل أعمالى وتعيش وتنمو على حلم فى مناخها الجمالى..وهو أن أكون فقط شاعر (الصفوة)...ولكن!!

    ياود المشرف اشكرك على التنبيه والنقد ديوانى (ذاكرة السباكين) سيكون معكم فى الدوحة فى الأيام القادمة مع الناشر فى نسخة ليك ولجاكسون وبهاء بكرى ارجو ان تستمتعوا به وتجدوا فيه مايفيد وما...ويبلف

    ود الصايم...والله ياخ ...عموماً أنا من بفتح البورد ده بفتش ليك زى قهوة الصباح..


    --

    (عدل بواسطة حاتم الياس on 10-02-2012, 08:51 AM)

                   Subscribe on YouTube |Articles |News |مقالات |بيانات

10-02-2012, 09:01 AM

محمد عبد الماجد الصايم

تاريخ التسجيل: 10-16-2005
مجموع المشاركات: 34988
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    أيوااا .. عاوز تعمل لي محاولات تدجين!!
    يازول القصيدة دي ماسـورة والموضوع دا اتحسم!!






    ثم ..
    Quote: وبعدين يانجاة القصيدة دى واضح انها كارثية جداً للدرجة الخوفتك على مستقبل اخوك ككاتب ومثقف فعايز أطمئنك أنو هنا فى سودانيز أون لاين مع طبيعة هؤلاء القراء المميزين لو نزلت (اللورى حل بى ودلانى انا فى الودى) ممكن يفتكروا كاتبه أدونيس,


    متعتني ياخ!
    أخير من قصيدتكـ المجوبكة دي!!
                   Subscribe on YouTube |Articles |News |مقالات |بيانات

10-02-2012, 09:02 AM

tmbis

تاريخ التسجيل: 10-19-2002
مجموع المشاركات: 24833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    Quote: لأنك كشفت عن تناص
    ...
    Quote: والتناص مرات بكون ناجح وبضيف رؤية جمالية جديده لأنه قائم على حوار خلاق ومبدع مع النص أى حوار بين مستويين من الشاعرية ومرات بكون تناص مكشوف وضعيف..لأنه بكون بيتغول على النص الأصلى ويفشل فى تقديم نص موازى مستقل برؤيته

    تناص شنو يا حاتم العايز تكلم بيهو اساسي .. ؟
    اساسي دا زول بحـر ساكت زينا كدا
    زوول عووووام ساكت ..
                   Subscribe on YouTube |Articles |News |مقالات |بيانات

10-02-2012, 04:13 PM

ibrahim fadlalla

تاريخ التسجيل: 06-09-2007
مجموع المشاركات: 2563
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: tmbis)

    ممكن أشارك ؟؟؟ شكراً
    ---------------------------------------------------------------------------------------
    السكات وجع ماسورة الجيران
    لامن يكب الزهج بلاعة تكسرعلى الخيران
    يعبي جرابو مشاغل ، من وهمة البارح ، بين فكة موية وحبسة حيطان
    بي خلقتو ، سبحان الخالق ، من طين وقش بالطمي طميان
    يحفر ويتيرب في كوشة الليلة شتيلات أم التيمان
    يبخر في السهلة، ومن نقاط زيرو يعبي كيزان
    كيفن صبحت الليلة يا تربال ...خلاس غور الآن ...
    بلا يخمك ..
    ويخم كل الصنابير الكالحة ، الملت بالفقر جركانة الروح ، زي فلس سكن جزلان
    -----------------------------------------------------------------------------------------
    ينفع نسودنها كدة ، وللا يفتح الله ؟

    أما بالجد ، عكسك يا أساسي ، شايف النص فيهو شاعرية وصور مبتكرة بتأكل عيش زيو زي أدونيس ، وممكن يمشي لي قدام
    لو حاتم أخد الموضوع بي جدية أكتر يعني ...


    العجيب ، لو ما عجبكم ، القصيدة لها موضوع واحد ومتماسكة من ناحية ترقية وتدرج الإنفعال النفسي الذي تحدثه لدى القارئ ...
    هي تعبير عن حالة الضيق والملل من الرتابة التي تستنسخ الخواء وتقتل الخيال الخلاق فتصب الروح لعناتها على وجه مسببات الإكتئاب ...

    هذه هي قراءتي يا قيقا راوي ...والمافي شنو ....على قولك
                   Subscribe on YouTube |Articles |News |مقالات |بيانات

10-02-2012, 04:46 PM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: ibrahim fadlalla)

    السكات وجع ماسورة الجيران
    لامن يكب الزهج بلاعة تكسرعلى الخيران
    يعبي جرابو مشاغل ، من وهمة البارح ، بين فكة موية وحبسة حيطان
    بي خلقتو ، سبحان الخالق ، من طين وقش بالطمي طميان
    يحفر ويتيرب في كوشة الليلة شتيلات أم التيمان
    يبخر في السهلة، ومن نقاط زيرو يعبي كيزان
    كيفن صبحت الليلة يا تربال ...خلاس غور الآن ...
    بلا يخمك ..
    ويخم كل الصنابير الكالحة ، الملت بالفقر جركانة الروح ، زي فلس سكن جزلان


    لاحولا..الفاضلابى شاعرنا الذى رد للحضر قمصان بداوته الضائعة..الف مرحباً بك والله ولاتدرى عن جد سعادتى باشارتك الحسنة لما كتبت وصدقنى سأخذ هذا الأمر بجدية وقوة...


    --
    لاأظننى فى حوجة لدفاع ..تمبس

    التوقيع ..الشرا فى القندول هم سلف
                   Subscribe on YouTube |Articles |News |مقالات |بيانات

10-02-2012, 08:34 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    من طلب العلى سهر الليالي ..
    عبارة قديمة اضجرت كراسات تلاميذ الوسطى ..
    فتلقفتها قوافي السباكين في محاولتهم للهيمنة على مشهدنا (السغافي) حالة كونه اصلاً-والعهدة على الزميل بحر- يعاني حالة إلتواث.

    مقدمة لابد منها

    اما بعد


    في زيارتي الاخيرة للخرطوم (اقرأ الحلقة الاخيرة من سلسلة مساهمتي الممتدة في رفع الوعي الثقافي لحاتم ومن لف لفه) ...
    المهم لقيت الخرطوم بعد عاصمة الثقافة العربية راح ليها الدرب اظنو..واستغنت عن (الثقافة) كلو كلو ...
    بقت عاصمة عرب ساي. ..ولا ثقافة هناك ولا يحزنون ...هو موية ساي مافي .. مواسيرا تشكو خواءها بضجر مضجر جداً .. والمحيرني في نص حاتم، انو يتوسل الصوت الضجر دا، كمصل لضجرو الشخصي!
    اظنو يائس شديد










    ------

    الحالة دي كانت شاملة الخرطوم عموم تقريباً .. لم نتأكد من مصدر محايد عن الحالة في امدرمان وبحري .. لذا لزم التنويه ..برضك الاحتاط واجب

    المهم الحالة دي استمرت طول اجازتي (مهمتي الثقافية) .. لم تقاطعها الا بشائر الانتفاضة ..والاخيرة برضو ما سلمت من قدامى سباكي السياسة، الساسة السباكيين تا ترا را .. ولسة ماشين في السكة نمد ... فوئدت في مهدها (قلت لي ابو السيد بقت جبارتو بي "اهل الدروع والخيل لي يوم النشور!؟“ ... حليلو هو!!)

    نرجع لي موضوعنا، المهم المياه رجعت لي مجاريها يوم ونيف من مواعيد رجعتي..
    مرة في الكلاكلة عاوز اتوضأ، جرو لي خرطوش من بيت الجيران، فسألت باستغراب يليق: اشمعنا هم عندهم موية!؟
    قالو لي : ديل سااااااهروا !!!

    (عدل بواسطة قيقراوي on 10-02-2012, 08:43 PM)
    (عدل بواسطة قيقراوي on 10-02-2012, 11:13 PM)

                   Subscribe on YouTube |Articles |News |مقالات |بيانات

10-02-2012, 10:22 PM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    بالله ياقيقا نقد مكرب زى نقدك ( لأعما ل صيانة الشبكة العامة) وماتنسى نقد تحليل نفسى..عشان نسميك (ناقد الوجدانيات) الذكى....تلف وتلف وتلف بنيوياً ونقدياً وتاخ تقول ليهم الشاعر يابحب ياعندو شاكوش....

    وتحلف تقول مرجعك ...زهرة الأغانى




    --

    (عدل بواسطة حاتم الياس on 10-02-2012, 10:28 PM)

                   Subscribe on YouTube |Articles |News |مقالات |بيانات

10-02-2012, 11:38 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    Quote:

    تلف وتلف وتلف بنيوياً ونقدياً وتاخ تقول ليهم الشاعر يابحب ياعندو شاكوش....

    بنيوية بتاع فنيلتك!؟
    في مدرستنا النقدية ما بنستلف ادوات السباكة انحنا .. نحنا مدرسة تجريدية جديدة
    عدتا ذاااتو جديدة لنج

    اول هام، لا نؤمن بوجود حاجة اسمها (حب) ... ملحدين عديييل كدا في الحتة دي

    الم تسمع قول قباني:

    الحبُ بعضاً من تصورنا .. إن لم نجده لأخترعناه

    دي اشاعات كرسوا ليها اللنقليز والقوى الاستعمارية (من ضمنها النسوان طبعاً)












    -------

    ناوي اقارب لحظتك الشعورية وحالة اليأس المكثف في النص بمدخل محي الدين فارس في نصو المدرسي داك (متذكرو؟)
    مدرسي هنا من (المدرسة) الواااااحدة ديك. ... تحديداً الثانوي العالي (بالقديم)

    حسب ما اتذكر، انو لسو عدة روايات كمان، شخصياً تعجبني جداً الرواية دي:

    كزفرة مومسٍ ضاقت بإطواء الظلامُ! (1)

    ام هو زي ما كان مطبوع:

    كزفرة مومسٍ ضاعت باطواء الظلامِ! (2)


    صراحة ما متذكر كويس ... وصراحة شدييييد ما عارف ياتا فيهن الظابطة مع الوزن ولاوزم العروض .. واللزي منو

    لكن في الصورة التانية عادية تماماً .. كلام ساكت (لا يقول شيئاً!)
    والاولى محتشدة، ومكثفة جداً

    ول رايكم شنو يا الركاب؟
                   Subscribe on YouTube |Articles |News |مقالات |بيانات

10-03-2012, 01:51 AM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    سلام ياقيقراوى..
    ثمة اتجاه فى الخيط بدا يخيفني حقاً من أن أكون قد انحرفت به لأغراض التحلل من تبعات تقييم هذه القصيدة على نحوجاد ومتخصص يقيس بمسئولية صلتها بالشعر كإبداع له قوانينه وله تبعاته وله أيضا جهده النفسي والوجودي المرير الى نوع من السخرية التى لاتليق والفكاهة المجانية, فمن لدن التجانى يوسف بشير وأدريس جماع ومحمد عبدا لحى ومحمد المكي إبراهيم حتى عاطف خيري والصادق الرضي وعثمان البشرىواسامة الخواض ومأمون التلب ومحمد الصادق الحاج , أقدم كل مالدى من اعتذارات وأرجو منهم مسامحتي على هذا الشطط وسؤ التقديروالخفة فى مقام الشعر والشعراء..فهذا أمر ربكني جداً وأزعجني فأن كنت لأجيد كتابة الشعر كان على أن انصرف بسكات أو أتعامل مع الأمر بالجدية المناسبة حتى أقوم بترميم هذه المحاولات ورفع قيمتها لمستوى يجعلها في حيز التناول والنقد الجاد لابالفكاهة والسخرية..لأن هذا قد يفتح الباب واسعاً للصور النمطية السائدة عن قيمة الشعر وعن الماضين في دربه ..وهو لعمري مقام قديم كان فيه دائماً الشعراء ضحايا وأبطال لعنة الخلق والاختلاف..

    (عدل بواسطة حاتم الياس on 10-03-2012, 01:59 AM)

                   Subscribe on YouTube |Articles |News |مقالات |بيانات

10-03-2012, 02:19 AM

mustafa mudathir

تاريخ التسجيل: 10-11-2002
مجموع المشاركات: 3062
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)


    يعني أنت سويت الحاجة دي هنا برضو؟
    ما اكتفيت بالتبكيت العملتو في سودان فور أول؟
    يعني مع الصفوة تسويهو ومع العوام تسويهو؟
    أنا ما كلمتك باستراتيجية التعفين بتاعت السادة المثقفين؟
    أنقر هنا
    يا حاتم ياخ لقب أو وصف شاعر دا بيقلعوه قلع!
    على كدا إنت عمرك ما ح تبقى شاعر سوداني!

                   Subscribe on YouTube |Articles |News |مقالات |بيانات

10-03-2012, 03:09 AM

Rawia

تاريخ التسجيل: 11-23-2002
مجموع المشاركات: 8396
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: mustafa mudathir)

    بوست حلو فعلن





    _____
    تخلوا الزول يهضم فكرة انو من العوام


    ويتصالح معاها
                   Subscribe on YouTube |Articles |News |مقالات |بيانات

10-03-2012, 05:26 AM

MOHAMMED ELSHEIKH

تاريخ التسجيل: 03-21-2008
مجموع المشاركات: 6440
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: Rawia)

    Quote: فسألت باستغراب يليق: اشمعنا هم عندهم موية!؟
    قالو لي : ديل سااااااهروا !!!


    بصفتي من عامة العوام لم يلفت نظري كثيرا هنا الا النص أعلاه!
    حيث أنه لم يدخل في عبقريتي
    لم اعرف العلاقة بين السهر والخرطوش؟؟؟!!!!
    ممكن أفهم علاقة بين السهر والأبريق!
                   Subscribe on YouTube |Articles |News |مقالات |بيانات

10-03-2012, 07:33 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: MOHAMMED ELSHEIKH)

    يا عوام
    انتو حاتم دا اضايق ولا انا بقيت حساس ساي؟

    مالك يا حاتم يئست سريع كدا المرة دي
    قول بسم الله .. واركز لا تجيبلك جفلة
    اما صحيح خواف!!
























    -----------

    يا ود الشيخ انا ذاتي لمن جاني ردهم دا في اللول كنت قايلم مع زول تاني ..
    خيالي النقدي تقاصر عن رؤية العلاقة الجدلية ..
    طوال الزمن - وبسببٍ من التعليم التلقيني للادب كمحفوظات- كنت رابط السهر بالمذاكرة وناتجه النهائي (النجاح)
    لكن من فضل الانقاذ على. اهل السودان .. الفضل، انها ورتنا فوائد تانية للسهر ..
    لو داير موية تقيم اودك، لازمن وحتمن ولا بد من اقامة الليل وحلب المواسير
    ودي اسهل منها حلب التور

    حليل شيخي عبدالمحود الحفيان ..راجل طابت

    سمانية الدهر دهرنا ..نقيم الليل .. نشرب في نهرنا

    وهكذا
                   Subscribe on YouTube |Articles |News |مقالات |بيانات

10-03-2012, 03:17 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: MOHAMMED ELSHEIKH)

    يا عوام
    انتو حاتم دا اضايق ولا انا بقيت حساس ساي؟

    مالك يا حاتم يئست سريع كدا المرة دي
    قول بسم الله .. واركز لا تجيبلك جفلة
    اما صحيح خواف!!
























    -----------

    يا ود الشيخ انا ذاتي لمن جاني ردهم دا في اللول كنت قايلم مع زول تاني ..
    خيالي النقدي تقاصر عن رؤية العلاقة الجدلية ..
    طوال الزمن - وبسببٍ من التعليم التلقيني للادب كمحفوظات- كنت رابط السهر بالمذاكرة وناتجه النهائي (النجاح)
    لكن من فضل الانقاذ على. اهل السودان .. الفضل، انها ورتنا فوائد تانية للسهر ..
    لو داير موية تقيم اودك، لازمن وحتمن ولا بد من اقامة الليل وحلب المواسير
    ودي اسهل منها حلب التور

    حليل شيخي عبدالمحود الحفيان ..راجل طابت

    سمانية الدهر دهرنا ..نقيم الليل .. نشرب في نهرنا

    وهكذا
                   Subscribe on YouTube |Articles |News |مقالات |بيانات

10-03-2012, 07:52 PM

سارة عيسى أحمد

تاريخ التسجيل: 10-26-2011
مجموع المشاركات: 267
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    Quote: لم اعرف العلاقة بين السهر والخرطوش؟؟؟!!!!


    انا زاتي الموضوع ده (استغلق) علىّ شديد ..السهر يعنى ملى البراميل و باقات التلاجه الخرطوش الدخلو شنو هنا ؟
                   Subscribe on YouTube |Articles |News |مقالات |بيانات

10-03-2012, 10:26 PM

محمد حيدر المشرف

تاريخ التسجيل: 06-20-2007
مجموع المشاركات: 13621
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: سارة عيسى أحمد)

    بوست غريب جدا ..
    حتى اغرب من بعض البوستات الغريبة التى قد يكتبها قيقراوى !!!



    ..
    سامحكم الله يا آل عوام ..
                   Subscribe on YouTube |Articles |News |مقالات |بيانات

10-03-2012, 10:29 PM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: سارة عيسى أحمد)

    يادرش..ياخ ألحق باص القماير البهناك ده ..كتابة الشعر على نحو مقرؤ ومساهم فى اثراء الرؤية الجمالية والأبداعية مسؤولية جد كبيرة وانا لست من أولئك الذين يتصدون لها ..كمان ماكل زول عارف قدراته لكننى حاولت والله أن اقول مالدى..باص القماير دايما بكونوا فيهوا ناس مدورين شمطه مع السواق بسؤ فهم انو فوتم المحطة..وهو اصلاً مااتحرك من الموقف

    راوية شكرا على المؤازرة الدائمة..افكر حقاً فى أن اخصص لاجلك وحدك دوبيت من عيون اشعارى أمتناناً منى وتقديرا

    الأخت ساره اسأل الله أن لا(يستغلق) فى عزيزاً لديك..عموماً من الجيد بأنك صنفتى هذه القصيدة من (شعر الحيشان)...أشكرك
                   Subscribe on YouTube |Articles |News |مقالات |بيانات

10-04-2012, 00:15 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: سارة عيسى أحمد)

    Quote:

    انا زاتي الموضوع ده (استغلق) علىّ شديد ..السهر يعنى ملى البراميل و باقات التلاجه الخرطوش الدخلو شنو هنا ؟

    اللخت من وين في الاهل!؟
    ياخوانا ساعدونا بالخيال في الساحة الشعيرية،دي ..
    شكلي ح اشتغل بالسباكة جدجد ..وانسى الشعر شوية ..
    السودان الشقيق -خصوصا في البندر- كل زول ساعي ليو موتور .. وصهريج
    اها من طلب الماء، سهر الليالي
    من كدوجد، ومن استراح راح
    كدا اتلاقن الخرطوش والسهر ول لسة؟


















    ------

    حاتم مداخلتك القبل دي تشي -اعترف انها عجبتك- اقول انو مداخلتك تشي انك ما وقع ليك كللم حسن موسى

    يا مشرف وراوية وتمبس وحمودي واساسي وحلبلب و الشاعر الجدجد مصطفى مدثر ياخي سعيدين -انا وحاتم- بحضوركم البهي دا

    ويا مشرف المافي شنو؟
    طوبى للغرياء
    افتل من حيث شئت .. ولا تثريب عليك اليوم
    قرّبت اكتب الاخيرة دي (تسريب)
    لوثة السبكة ابت تفارق الكتابة هنا كلو كلو
                   Subscribe on YouTube |Articles |News |مقالات |بيانات

10-04-2012, 04:26 AM

سارة عيسى أحمد

تاريخ التسجيل: 10-26-2011
مجموع المشاركات: 267
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    Quote: الأخت ساره اسأل الله أن لا(يستغلق) فى عزيزاً لديك..عموماً من الجيد بأنك صنفتى هذه القصيدة من (شعر الحيشان)...أشكرك


    الله يسلمك الله يبارك فيك الله يسلمك..

    لكن يا استاذ حاتم انا لم اصنف النص ..و لا اتجرأ !!

    انا يا زول عوام سااااى ..و افتخر

    وما فهمتو زاتو ..غايتو .. زي مويتكم قاطعة و شكلهم جيرانكم ما سااااهرو !

    حاجة بالشكل دا
                   Subscribe on YouTube |Articles |News |مقالات |بيانات

10-04-2012, 02:45 PM

ibrahim fadlalla

تاريخ التسجيل: 06-09-2007
مجموع المشاركات: 2563
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: سارة عيسى أحمد)

    شكرا ليك يا حاتم سعة صدرك ..
    وشكرا اللقب الدبجتو ، وليتني كنته ...

    قرأت محاولتك التانية بتاعة الشاب الظريف ...والغبار ...
    منتهى الروعة يا خي ...
    فشنو ..الضحك ضحك ...والجد ..جد ...شاعريتك باينة
    وماني بمقام تقييم ولاني قدرو.. بس راي وقلتو..

    والشكر لسيد الخيط ، موصول ...
                   Subscribe on YouTube |Articles |News |مقالات |بيانات

10-04-2012, 09:12 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: ibrahim fadlalla)

    Quote:

    وما فهمتو زاتو ..غايتو .. زي مويتكم قاطعة و شكلهم جيرانكم ما سااااهرو !

    بالعكس شكلهم الجيران ساهروا ..كالعادة
    وهو ما لم يعجب شاعرنا الجهبذ ... وهنا تتبدي غتاتة اثيرة!!

    اقري مطلع النص:

    "يؤذي الصمت صنبور الجار“

    حاجتين ما بصمتن ابداً مع الخواء .. الماسورة .. والبطن
    والاخيرة دي طوالي بتفوفي .

















    -------

    ابراهيم فضل الله .. انت فاضلابي ول حاتم رجع تاني للختفي ولفح المحافض؟

    مرحب بالجميع والله في سوق عكاظ المواسير دا (محاولة لجمع الشعر والسباكة في نفس القفة .. ويا بخت من وفق راسين بالحلال)
    الشوربة للجميع
    المافي شنو!؟
                   Subscribe on YouTube |Articles |News |مقالات |بيانات

10-05-2012, 00:46 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    Quote:
    ممكن أفهم علاقة بين السهر والأبريق!

    في اللول انا قريتا علاقة بين الشِعر والابريق

    اهو كلو بسلك وبشتغل في الآداب .. المافي شنو!؟






















    ---------

    منو القال دخول الحمام (اقرأ بيت الادب) ما زي خروجو!؟

    كان زمان دا!

    علي بالحلال واااااحد في (الفاو) ..
    وهي محطة بين مدني والقضارف لغير الناطقين بها

    دخول الحمام بلاش. .. والخروج ذاتو مجاناً
    الا الابريق بي ألف
    والله صحي!!


                   Subscribe on YouTube |Articles |News |مقالات |بيانات

10-05-2012, 03:18 AM

طه جعفر

تاريخ التسجيل: 09-14-2009
مجموع المشاركات: 5603
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    الشتارة من صفات عوام العامة و انا منهم
    و الاستئداب
    هو الذهاب الي بيت الأدب او الأدبخانة
    كخبير في هذه الدروب
    لن يعجبني هذا البوست الا في حدود
    و الحدود في الاسافير معروفة

    و اليكم اهداء من شاعر المساكين عليه رحمة الله
    السيد محمد المهدي المجذوب

    لقد تواري الهلال
    و البرق في الجو صال
    صار السحاب ركاما
    او مثل ما قيل شال

    و قال الشيخ بابكر بدري

    جاء الخريف و صبت الامطار
    و الناس جمعا للزراعة ساروا

    و قال الشاعر الراحل
    حمزة الملك طمبل
    لا خير فيمن تفرنج فينا
    و لا خير في القديم المعمم

    و قال صلاح احمد ابراهيم

    أعرفهم الضامرين كالسياط
    الناشفين من الشقاء

    هذه المختارات تعكس فكرة واحدة و هي استخدام اللفظ العامي (يا عوام)
    في الشعر و هذه الممارسة البسيطة جدا
    عند من يعرفون النقد في الغرب اسمها عملية تجسير الهوة بين الثقافات و احيان اختصار المسافات بين المراحل
    cultural bridging
    نحن غارقون في بحار من ضياع ، مسافرون في عدم مفتوح الافاق كل يوم نغادر آفاقا كان الأجد ر بها ان تحتوينا
    آفاق في ذاكرتنا
    لكنن اتسآل اذا جاز الامر يا احباب
    الي متي سنبحث عن دمنا
    من نحن؟
    اكره الكتابة المغتربة و التعابير المسافرة
    اكره الكتابة لقاريء آخر غير هذا القاريء
    الذي يخاطبه الكلام أدناه من اشعار حميد

    أغني لشعبي
    و مين يمنعني
    اغني لقلبي
    اذا لوعني
    اغني الناس المابتسمعني
    المني بعيدة
    المبعدة عني

    و اليكم سلام كثير من الراحل المقيم النعام آدم

    قليبا لي رهيف ما هو بتحمل حنين
    اريتك تبقي طيب انت
    انا البي كلو هين
    سلام يا قيقراوي
    و تحية للكرام الكاتبين

    و يا حاتم الياس
    كل ما تكتبه و انت تسجل من خلاله تجربة او تعيد انتجاها
    سنراه جميلا
    ليس لاتفاقه مع المعايير فالمعايير وهم !!!!!!!!!!!!!!!!!!!!!!!!!!!!!!!!!!!!!
    سنراه جميلا لانك عندما كتبته
    كنت تستهدف الخير و الجمال
    و جميعنا يعرف كيف يجد الجمال و يعانقه
    فاكتب
    و اكتب
    بالمناسبة اشتغل هذه الايام علي اعمال ايميلي كار الكندية و ماكسين كنجستون الامريكية ضمن برنامج دراستي
    و الكتابة التي اشتغل عليها ،كتبتها الكاتبتان كاجزاء من روايات ناجحة جدا لدرجة انها تدرس في الجامعات الامريكية الروايات اجمالا في مجال ال fiction
    لكن ما ادرسه منها صنفه النقاد و الاكاديميون كاعمال كتابة من جنس nonfiction
    و هي اجزاء مركزية جدا في هذه الاعمال منهم من اعتبرها اتوبايوغرافي و منهم من اعتبرها سرديات قصصية و منهم من اعتبرها تهيؤآت
    كل هذه الاراء لم تنتقص من جمال الاعمال شيئا


    طه جعفر
                   Subscribe on YouTube |Articles |News |مقالات |بيانات

10-05-2012, 06:25 AM

Deng

تاريخ التسجيل: 11-28-2002
مجموع المشاركات: 37579
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: طه جعفر)

    يا قيقا.

    ياخي صاحبنا ود الياس ده قبل كده فتح ليهو بوست وسماهو على ما أزكر"لكم إسرائيلكم ولنا ربيعنا العربي" وكان يقصد به جماعة الهامش بالبورد. ولكن أخونا حاتم الياس صاحب الفكر والتوجه العروبوي لم يكن يدري أن ما يسمى بثورة الربيع العربي، قضى على الأنظمة ذات التوجه القومي العربي الشبه علماني وقام بتنصيب أنظمة رجعية تابعة لحركات الأخوان المسلمين في تلك الدول.

    يا ود الياس.


    أنت لسه فارش وعامل بيت بكا ولا بقيت "إسلامي"؟
                   Subscribe on YouTube |Articles |News |مقالات |بيانات

10-05-2012, 11:37 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: Deng)

    ترحيب حار جداً بطه جعفر ودينق لانضمامهم لساحة سوق المواسير

    لكن انتو الجوز بًتعقدوا حاتم دا وتزيدوه يأس على يأسه الاثير ..
    كلٌ من جهة ..

    يا طه ما شفت اعتذارو لمن يظنهم الشعراء حقاً!؟
    مع انو هناك قيل له -بحق- انتم الشعراء
    العوام هم الشعراء
    وبساطتهم موسيقى
    زيارة بسيطة لأي ريف سوداني بتتاكدوا
    المشتغلين بالعروض والوزن والقافية ما اكتر من صنايعية
    دا موضوع طويل


    يا دينق ياها صفات البرجوازية المهزوزة ..
    حاتم وامثاله لن ينجزوا اي ثورة
    غير تقاصر الرؤية القوميانية .. وقصر النظر السياسي
    كمان معاها قصر نفس ثوري .. ويأس!
    مبروك عليو حصاد الربيع (العربي)
    مافي زول اخر الثورة في السودان الشقيق غير حاتم اليائس دا















    ---------

    نطلع من ساحة الادب خانة الى خانة جديدة في ساحة ارحب، مع شرح الابريق عند غلاة اولاد قلبا ..

    قيل في شرح الابريق: انو هو الضيف ذو الاقامة الدائمة، او ممكن تقول اهل العوض البيجوا مأترين جركانة السمن، وما برجعوا البلد تاني!

    و وجه الشبه بين الابريق، والابريق الموصوف اعلاه، انو ما بطلع من البيت الا لماماً .. وسرعان ما يرجع بيت الادب!
    والابريق المذكور برجع البيت ... بدون ادب

    ساعود لساحة ميدان الكورة المرة ...برضو مع اولاد قلبا
                   Subscribe on YouTube |Articles |News |مقالات |بيانات

10-05-2012, 12:59 PM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    أمس القريبة دى أوقفت عثمان بشرى أمام السلطان الشامى وهو ايقاف يحمل صفى (الأحتجاز الأدبى), لم يخفى على ضيق عثمان بشرى وتوسله الصامت بان اخلى سبيله لكن لابد له من أن يقرا نصى الذى تكالب عليه اهل الكيد من حدب وصوب استمع عثمان بصبر..ثم قال (كويس) كويس عثمان بشر دى كفاية جدا

    ياقيقا ياخ قلدت دينق منصب سارتانا المرعب ساى ويبدو انو حكاية الأخت نجاة عن خوفى الاسافيرى دى قعدت ليك فى راى, بالنسبة لى يادينق كناصرى الهوى والوجدان وقومى عربى بالدرب العديل بقول ليك انو الثورة صيرورة مستمره وهى الأن تمضى بثبات أكثر من الأول ولايعنى بالمناسبة وقوفها الأن فى محطة الأسلاميين أنو مشروعها توقف,لأنها هنا الثورة تحاول ان تجرب مخرجاً لمشروع التغيير فى خطابهم اليوتوبيى, ده المشروع والخطاب الذى وجده الناس فى تونس ومصر وغيرها من الدول معهم فى خط المقاومة ’ ولم يكن الأسلاميين فى تلك الدول (غرباء) عن شعوبهم عندنا مشكلة انو نحن بنقيس تجربة لأسلاميين فى تلك البلدان بتجربتنا هنا قد يكون ذلك صحيحاً فى منطلقات الخطاب ..لكن حتماً هنالك اختلاف فى البيئة السياسية التى شكلت كل منهما والمنطلقات السياسية والظروف الأجتماعية والسياسية يعنى . بالمناسبة حاول راجع قصة العلمانية المنقلب عليها دى علمانية الأنظمة القومية..تونس مثلا لم تكن قومية فى طرح النظام ...وعلمانية تكرس للأستبداد لافرق بينها وبين ثيوقراطية تكرس لذلك وااااحد..
    الثورة كما قلت لك صيرورة مستمره وسيقدم العالم العربى بشعوبه خدمة عظيمة للعالم وأفريقيا وشعب دولة جنوب السودان..موش هم منتظرين العالم العربى عشان يسوقهم لفضاء ارادة الشعوب والتغيير ولكن السبق الثورى والربيع العربى الذى فرض ارادة الشعوب على العالم لن يكون بعيداً عن الرجل (ابوبرنيطه فى جوبا) لسبب واقعى وهو أننا جميعا فى العالم سعينا للتحرر من الدكتاتوريات سوى كانت باسم القومية او العلمانية او الأسلاموية واحد ولو جانا دكتاتور بشرعية نضال الغابة (واخد بالك) ..وحاول...اقول ليك حاول...امرق من زمن الحركة الشعبية فى زمن الغابة والكفاح المسلح وانتبه الان للحركة الشعبية الموجوده كنظام حاكم...لأننى ارى فيك مشروع أسحق احمد فضل الله فى نسخته الجنوبية..تدافع ساااااى

    ---
    قيقراوى ماهو ياقصيدتى دى سمحة..ياانت فنان البورد
                   Subscribe on YouTube |Articles |News |مقالات |بيانات

10-05-2012, 03:09 PM

Ash

تاريخ التسجيل: 04-22-2002
مجموع المشاركات: 745
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    سلام ...

    ""الكتابة ليست شيئا سوى بقايا الأشياء الفقيرة والهزيلة للأشياء الرائعة والجميلة في دواخلنا""
    بارت.

    يا حاتم فترنا من ايجاد المخارج ليك. كده طالبك اتنين صفر.
    حسه في داعي د. نجاة تقعد " تنبش" في ماضي كتاباتك عشان تلقي ليها مخارجة.
    غايتو اخر طلقة حافظنها ليك و لليوم الأسود:
    موت المؤلف!!!

    اضافة:
    طيب ما ياهو ده " العوام" طلعو زي " الخواص" بيعملوا " زي الناس" برضو!
                   Subscribe on YouTube |Articles |News |مقالات |بيانات

10-05-2012, 04:31 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: Ash)

    Quote:

    طيب ما ياهو ده " العوام" طلعو زي " الخواص" بيعملوا " زي الناس" برضو

    اجي!
    دا جنس الادب الوحيد البستوي فيه الذين يعلمون والذين لا يعلمون ..كلهم يعملون

    زمااان - زمنا الكايسين العرس- في بدايات تسعينات القرن المنصرف ونيف، مشينا حديقة ستة ابريل نتلصص الجكس
    المهم لقينا لينا مزز قاورمة كدا، قرمبوزات سغااار .. الوكت اتخر، فاستاذنن في انهن يطمنن اهلن ويرجعن ..
    في هذه السانحةوياريتا ما سنحت ذاتو، انحنا قمنا تمشينا شوية لسوء حظي نزهتنا دي مرت ببيوت الادب العامة، في الحديقة العامة المذكورة ..

    انقر صاحبي اتعقد وعقدني معاو .. حلف ستين يمين ما يقعد معاهن تاني ..اظنو كان حاسبن ممن لا يعملون!!


    بطاري الجكس ..

    ود قلبا كان مجكس بت الجيران .. وكانوا مشفرين الموعد ب(حامد بريمة) ... مع انو رشاشة!!
    لكن الجكس بفك الشفرة بانو ح يتلاقوا في ميدان الكورة ...لمن تغافل الرقيب (صاحبو/اخوها) تلقى صاحبنا منتظرا جوة العراضة متكل في القائم

    في قفلة حبيبي قلت اروغ رقيبي لقيتو شوية صاااااحي!!

    وهكذا ... في معكوس تحذير الالتماس










    ----------

    يا حاتم بالمناسبة اسلوبك الكتبت بيو الادلة الجابتا د. بيان في معرض الدفاع عن خطك الكتابي، اسلوب انشاء بتاع ثانوي عام ساي

    مما يطمني انو انا الفنان .. فيالاجابة على سؤالك التعسفي اعلاه
    المافي شنو!؟
                   Subscribe on YouTube |Articles |News |مقالات |بيانات

10-05-2012, 05:18 PM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    قيقراوى..أش ده هنا زى النفرى فى المواقف

    أوقفنى وقال لى كذا وكذا وكذا,,
    هسع موقفه ده لاموقف (بارت)..ولاحاجة
    ممكن يكون موقف (جاكسون) ولاموقف (برى) والله أعلم

    نطمئنك ياصاحب القوس القلق...والخيال فى النص على مسؤولية القارئ..



    --
                   Subscribe on YouTube |Articles |News |مقالات |بيانات

10-06-2012, 01:25 PM

tmbis

تاريخ التسجيل: 10-19-2002
مجموع المشاركات: 24833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    والله يا حاتم الكلام الاداك ليهو درش .. ككبسولة .. كان متة هنـا دا تاني ما تلقاهـو ..
    ياخ انا القدامك دا لو قدرته اكتب لي ضلفتين بس من ماسورتك دي .. والله كان حسع دي تلقاني رافع ليك القزاز دا جنس رفعان
    اساسي شنو البرد ليهو ومحمد صايم ود ناس منو البودر معاهو زمني ..
    اقوليك حاجة ..؟
    والله قيقراوي السباك دا زاتو ما بشتغل بيهو الشغلة ..
    ..

    وشابكننا السودانيين ما بيعرفو يسوقو لي نفسم .. وشنو وشنو ما عارف ..
    الله يرضى عليك يا حاتم خت الرحمن في قلبك ..
    وانا كضارب العصافير من غير ولا حجر .. احب ان اشير إلى اني بقيت نادر جدا ما تجازفني قصة قصيرة او قصيدة ما .. لكن حال ان تتملكني احداهم .. فتراني كما تشاء ان تراني ..


    الغريبة يادرش .. قصيدة حاتم بتاعت (الماسورة) دي بتذكرني ليك ( الحيطـة) .. التي تمكنت منها يوما مـا .. وقلتها بي عضمة لسانك ..
    فعليك الله ما شايف وما حاسي بي العلاقة بين ماسورة حاتم .. وبين حيطتك ..؟
    ويجي حاتم يقوليك والله انا ما شـــاعر بي اي حاجـة..
    صحيح يدي الشعــر لي الما عندو ودان ..
                   Subscribe on YouTube |Articles |News |مقالات |بيانات

10-06-2012, 07:47 PM

طه جعفر

تاريخ التسجيل: 09-14-2009
مجموع المشاركات: 5603
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: tmbis)

    اليكم حبي
    يا قيقراوي
    انا شايف

    عندما كتبت اليكم كنت استمع الي هذا النص المدهش
    النص الذي يشتمل علي جزء من دمنا

    Tinariwen - Lulla

    من اليوتيوب
    لا اعرف كيف استجلب الفيديوهات الي هنا
    لكنني اهديها اليكم
    و معها جزء من دمي

    جزء غير يسير
    فانت تسقحون
    رعاة
    كنتم
    زراع
    عاملين
    اهل ياقات بيضاء
    راسماليين
    كلكم
    او حتي عوام
    شكرا قيقرواي

    طه جعفر
                   Subscribe on YouTube |Articles |News |مقالات |بيانات

10-06-2012, 07:59 PM

طه جعفر

تاريخ التسجيل: 09-14-2009
مجموع المشاركات: 5603
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: طه جعفر)

    موسيقى من مالي (طوارق)

    و واحدة اخري

    عازة في هواك - فرقة إثيوبية

    طه جعفر

    (عدل بواسطة طه جعفر on 10-06-2012, 08:05 PM)

                   Subscribe on YouTube |Articles |News |مقالات |بيانات

10-06-2012, 09:45 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: طه جعفر)

    Quote:
    Tinariwen - Lulla




    يوماً ما سيغني اطفال العالم لحناً وااااحد..



    "الابداع لا يموت .. والعطاء خلود“









    ---------

    شكراً يا طه ياخي ..
    شكراً شديد

    (عدل بواسطة قيقراوي on 10-06-2012, 09:49 PM)

                   Subscribe on YouTube |Articles |News |مقالات |بيانات

10-07-2012, 00:26 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: tmbis)

    Quote:

    احب ان اشير إلى اني بقيت نادر جدا ما تجازفني قصة قصيرة او قصيدة ما .. لكن حال ان تتملكني احداهم .. فتراني كما تشاء ان تراني

    انا غايتو يا تامبا بتاخذني قصص الناس العاديين .. وشعر المواسير والمجاسفات دا

















    ----------

    سئمنا الابطال الاشكاليين .. والملاحم المزيفة ..
    عيبوا لي الناس الساي ديل .. هم البعيشوا الحياة دي .. وقد لا يكتبوا او يقروا ذاتو
    لكنهم بعيشوا .. ودا المهم

    اسي من كوستي بس .. ومن طرف ممكن اعملي سفر كامل بسيرة (حسوبة) و (كشيب) و عمك (علي بابكر) .. صاحب ومدير ومدرب فريق الاتحاد .. درجة تالتة من ما الله خلقو
    ول عمك علي بابكر لملم لعيبتو هو، من الزباين
    عمك كان مساعد طبي مركز صحي ترب النصارى
    تجي معوق .. طوالي براودك عن كورتك (ما تجي تتمرن معانا الليلة؟) وهكذا!
                   Subscribe on YouTube |Articles |News |مقالات |بيانات

10-07-2012, 00:50 AM

طه جعفر

تاريخ التسجيل: 09-14-2009
مجموع المشاركات: 5603
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    قيقرواي
    مثقف العامة
    يزحم مساء البوست بالغناء
    انا لك من الشاكرين

    طه جعفر
                   Subscribe on YouTube |Articles |News |مقالات |بيانات

10-07-2012, 02:08 AM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: طه جعفر)

    مقهى وأنت مع الجريدة

    محمود درويش -



    مقهى، وأنت مع الجريدة جالس
    لا، لست وحدك. نصف كأسك فارغ
    والشمس تملأ نصفها الثاني ...

    ومن خلف الزجاج تري المشاة المسرعين
    ولا تُرى [إحدي صفات الغيب تلك:
    ترى ولكن لا تُرى]
    كم أنت حر أيها المنسي في المقهى!
    فلا أحدٌ يرى أثر الكمنجة فيك،
    لا أحدٌ يحملقُ في حضورك أو غيابك،
    أو يدقق في ضبابك إن نظرت
    إلى فتاة وانكسرت أمامها..
    كم أنت حر في إدارة شأنك الشخصي
    في هذا الزحام بلا رقيب منك أو
    من قارئ!
    فاصنع بنفسك ما تشاء، إخلع
    قميصك أو حذاءك إن أردت، فأنت
    منسي وحر في خيالك، ليس لاسمك
    أو لوجهك ههنا عمل ضروريٌ. تكون
    كما تكون ... فلا صديق ولا عدو
    يراقب هنا ذكرياتك /
    فالتمس عذرا لمن تركتك في المقهى
    لأنك لم تلاحظ قَصَّة الشَّعر الجديدة
    والفراشات التي رقصت علي غمازتيها /
    والتمس عذراً لمن طلب اغتيالك،
    ذات يوم، لا لشيء... بل لأنك لم
    تمت يوم ارتطمت بنجمة.. وكتبت
    أولى الأغنيات بحبرها...
    مقهى، وأنت مع الجريدة جالسٌ
    في الركن منسيّا، فلا أحد يهين
    مزاجك الصافي،
    ولا أحدٌ يفكر باغتيالك
    كم انت منسيٌّ وحُرٌّ في خيالك!


    --
    اظنك اردت ان تقول هذى ياتمبس....(كم انت منسيٌّ وحُرٌّ في خيالك!)...المهم فى الأمر هو محمود درويش الذى اصبح يهتم بالحياة العادية اليومية وتفاصيلها البسيطة بشكل فلسفى جميل
                   Subscribe on YouTube |Articles |News |مقالات |بيانات

10-07-2012, 03:40 AM

mustafa mudathir

تاريخ التسجيل: 10-11-2002
مجموع المشاركات: 3062
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)


    سلام يا قيقراوي
    والله البوست عندك!
    أنا دخلت عمنول ونسيت أحييك!
    فهاك تحيتي!
    وتانياً الجابني تاني هو إنو البوست
    إتسلطن فيهو تسامح كدا غريب( ان شاء
    الله يدوم)
    تمبس: في حالة رضية
    طه جعفر: مازعلان شديد
    وخشا آش.
    آش دا زي تمبس واحتمال أقدم.
    من قدامى السودانيزأونلاينين!
    لكن الجديد حقاً هو وجود جورج في بوست أدبي
    حاجة كدا أندر من وجود أديب جنوب- سوداني
    في مولدافيا العليا!
    أما سبب العلة و موطن الداء فهو حاتم اليأس
    أو هو هذا المحامي الذي يصيبك باليأس حتماً
    فنحن له كم نصحنا أن لا يتواضع وأن يدق صدره
    قبل طبوله ويصيح في الملأ: أنا شاعر ومَن أراد
    قصيدتي فليطلبها!
    لكنه آثر التماس العذر المسبق فأسقط عن نفسه
    شاعرية مرجوة. لكنه لو تصدقون، شاعر والله!
    المهم يا قيقراوي لو استمر بوستك هكذا مهذاراً
    غير ذي نكد، سآتيكم بقصيدة للشاعرة الكندية
    مارجريت آتوود رهيبة بحق!
    أما لو أشتجرتم فإني محتصنٌ بالريح!

    (عدل بواسطة mustafa mudathir on 10-07-2012, 03:44 AM)
    (عدل بواسطة mustafa mudathir on 10-07-2012, 03:49 AM)

                   Subscribe on YouTube |Articles |News |مقالات |بيانات

10-07-2012, 06:24 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: mustafa mudathir)

    اديبنا وحبيبنا مصفى مدثر ياخي ما تساعد اخوك في كسر رقبة اللغة الحاولتها وغلبتني فوق في نص محي الدين فارس ديك

    هل يجوز نحواً وصرفاً ان اقول:

    كزفرةَ مومسٍ ضاقت بإطواءِ الظلام؟
















    -----

    حبابكم الف ... وحباب مارغريت
    تعال طوالي ياخي .... المافي شنو!؟
                   Subscribe on YouTube |Articles |News |مقالات |بيانات

10-07-2012, 09:56 PM

احمد الأمين على إدريس

تاريخ التسجيل: 04-25-2010
مجموع المشاركات: 665
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    يا قيقرواى
    تحايا نواضر وطوال طول مداخلاتك الدسمة ليك ولحاتم الماطائى ولجميع العوام هاهنا
    بصراحة حاتمنا هذا فنان وكتاب كيفما كتب شعر - نثر - ونسة كتابة ساى -واينما كتب فى فوراوول ولا البحر الهنا الدا
    بس مشكلتو ماطائىي خالص لان مقل شديد ..وربما التمسنا له العذر كونو بساهر راجى الماسورة
    ثم يبكر فى الحقل والاندراشة حالو حال اهل البلد الانقسم دا
    ياخ حتى صورتو مع ملاسى كانت رهيبة
    وبيها وبدونا يظل رقم لا يمكن تجاوزه

    القصيدة الماسورتا قاطعة دى ابداعا كابى شوووو
    ومما يصيب بالضجر الصحى صحى المقارنة بينها والهنيهات لانها معدومة :)
    كونها تلامس واقع اولئك المساهرين فى انتظار ان ينقطع شخيرها...بينما استغلقت تلك على غلاة مفتحى البحر الهادر موجه هذا

    غايتو تبقى قصيدة - نثر - قصة ايو شى,, المهم فيها فكرة وقضية وشعرية
    وان بدت هلامية :)

    هذا مع تحيات اخوكم احمد اللمين مين مين حتى ادريس همسلف عشان ما اتور نفسك ساى
                   Subscribe on YouTube |Articles |News |مقالات |بيانات

10-08-2012, 00:12 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: احمد الأمين على إدريس)

    Quote:

    هذا مع تحيات اخوكم احمد اللمين مين مين حتى ادريس همسلف عشان ما اتور نفسك ساى

    حليلو قبلو!!
    كدا قومت علي الازمة عديل كدا لمن قريتني احمد اللمين مين مين ... اللخ اللخ
    مرتيييييين
















    -------

    حبابك الف والله في سوق المواسير دا ..
    وما تكتر المحلبية على حاتم .. يقوم يصدق ويبطل يأس ..
    اها تاني انحنا الا نرحل من البلد دي
    وبراك عارف ما بنقدر .. اهو مكتبة بكري الحارنها وما دارنها دي، آخر فرصة ثقافية لي اخوك ..
    عضوية الفور اوول ابوا لينا بيها .. واللبن ابو لي بيو
                   Subscribe on YouTube |Articles |News |مقالات |بيانات

10-08-2012, 11:02 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    يا حاتم وتمبس -كأولاد قلبا ؤ كدا- انتو (المغرزة) دي مش ياها الموسرة ذاتا
    نظام انو (تمسك/تركب الزول ماسورة) .. او توديهو الماسورة في رواية راندوقية مجيدة؟
    ول وش البامية مي ياها؟


















    ----------

    من ناحيتن اخرى .. هل (الاستاذة) ندى القلعة غنت (راجل المرا)؟
    آي دونط ثينك سوو!!

    ندى القلعة ما ثورية للدرجة دي ... وفتشت الييوتيوب عموم لم اجد اثر
    الا (راجل السترة) غنتا تااااب .. (مستغرب في د. حيدر ابراهيم علي غايتو في اللحظة دي!!)

                   Subscribe on YouTube |Articles |News |مقالات |بيانات

10-09-2012, 08:23 AM

tmbis

تاريخ التسجيل: 10-19-2002
مجموع المشاركات: 24833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    Quote: اظنك اردت ان تقول هذى ياتمبس....(كم انت منسيٌّ وحُرٌّ في خيالك!)

    Quote: فلا أحدٌ يرى أثر الكمنجة فيك،

    لوم لي دي كمان يا حاتم .. ما عجبتك واللا شنـو ..؟
    خليك من الكمنجـة .. والله مرات مرات كدا .. صوت (الشتم) الصغير داك البعملو فيك .. الله وخلقو يتفرجو فيك ..
    ..
    Quote: انا غايتو يا تامبا بتاخذني قصص الناس العاديين .. وشعر المواسير والمجاسفات دا
    .. وانت قايل المقعدنا هنا دا شنو غير المجزفات القاعدين نجاسفـة بين فينه وأخرى .. لو لا تفتيشنا في غياهب العامة .. ومجاسفاتنا دي .. زمانك كنا ركبنا شوارع الظلوطات البلد الما بتنتهي دي .
    ..
    Quote: تمبس: في حالة رضية

    والله يا درش الأخوان الكويسين ما قاعدين نعفص خدارم زي ما قال دكيـن ون داي ..
    والحتة الفيها الناس البتطعمك الكلمة السمحـة اللما تقراها بتشبعك .. والله زي ما شايف .. بنمشي نحرس ماسورتم لي الصباح شخرت واللا ما شخرت بي طريقته .
    جيب لينا مارجريت دي قالت شنو اوعه تكون عوامـه زينا كدا برضو ..؟

    Quote: يا حاتم وتمبس -كأولاد قلبا ؤ كدا- انتو (المغرزة) دي مش ياها الموسرة ذاتا
    هههههههه
    هي نفس الماسورة يا قيقـا .. بس المغرزة ماسورته بتكون (أكبر) وفتحته (ادور) كم بوصة مربعـة كدا وحسب السباك الممغرز او السباكة الممغرزة ..
                   Subscribe on YouTube |Articles |News |مقالات |بيانات

10-09-2012, 06:55 PM

محمد حيدر المشرف

تاريخ التسجيل: 06-20-2007
مجموع المشاركات: 13621
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: tmbis)

    Quote: كأولاد قلبا ؤ كدا


    اعتقد انو حاتم من أهلنا فى الباوقه !!!!
                   Subscribe on YouTube |Articles |News |مقالات |بيانات

10-09-2012, 08:20 PM

معاوية الزبير

تاريخ التسجيل: 02-07-2003
مجموع المشاركات: 3604
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: محمد حيدر المشرف)

    Quote: اسي من كوستي بس .. ومن طرف ممكن اعملي سفر كامل بسيرة (حسوبة) و (كشيب) و عمك (علي بابكر)
    وكابتن كير
    اكتب ياخ، والله الواحد مشتهيلو قدلة من الكوبري لغاية قوز أبو شريف، وليكن ما يكون
    مع تحياتي لي ناس البوست الرايق دا، على رأي مصطفى مدثر
                   Subscribe on YouTube |Articles |News |مقالات |بيانات

10-09-2012, 08:41 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: محمد حيدر المشرف)

    Quote:
    اعتقد انو حاتم من أهلنا فى الباوقه !!!!

    يعني فاكيها فينا ساي!؟
                   Subscribe on YouTube |Articles |News |مقالات |بيانات

10-09-2012, 11:22 PM

حاتم الياس

تاريخ التسجيل: 08-25-2004
مجموع المشاركات: 1833
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    ود المشرف يادكتور..الباوقة دى بلد الوالد والوالده لكن انا ماعندى بيها علاقة والله شديده سمعت انهم قالوا انها بالقرب من بربر وانا صراحة امدرمانى حتى النخاع اى نعم أمدرمانية الثورات دى ناس امدرمان زاتهم عندهم فيها راى وناس امرمان بفلهمتهم دى ضيعوا الثورات ونحن نمشى ورا المقابر وليه يعنى مالموا فيها بعد داك الكم واربعين بقت ليهم صعب انو يلموا فيها..أستقرت اسرتى فى امدرمان فى العام 65 وأنا ولدت بعدها بكثييير فى مستشفى الدايات بامدرمان (ختم امدرمانى اصلى) ...لم يكن هنالك الكثيرون من منطقتنا بامدرمان حسب على عدا اهل لنا يقطنون فى حى البوسته أمدرمان وحاجة شامة رحمها الله فى الحاره الثامنة, كبرنا مع الثورة منذ كان مشهد جبال كررى والمرخيات مرئياً وواضحاً الا أن انطمر بفعل الأمتداد العمرانى ومؤخراً الجبال زاتها شالوها..شقلبان وماسورة على المرحوم عباس سرور وشارع المدارس بلونه الأخضر الزاهي وبنات مدرسة البلك السمحات وقهوة الجعلى والدور الثانى فى سينما الثوره.محمود محمد طه ومحجوب شريف واباللمين ....بكار والأهلية والتقدم ورابطة المك و(منقزا)..ألخ

    بعد داك عايز تجيبنى (ترانزيت)!!..الباوقة ياتا يامان...


    عمرى اطناشر سنه كده حينما كنت على الشاطئ القريب من منزلنا فى الباوقة جالس حين حضر ثلاثة شباب يبدو أنهم كانو فى رحلة سياحية نزلوا للشاطئ للسباحة وهم يتضاحكون بفرح..لاحظت ان صلتهم بالسباحة تحتاج الى سنوات ضوئية عديده حتى (يطلقوا الطين) وطلق الطين يعنى تعلم السباحة ومفارقة طين الشاطئ...ولما كنت الشخص الوحيد بالشاطئ بادرنى أحدهم بالسؤال هل سمعت بكيجاب قلت بطيبة صبى ريفى نعم سمعت به..فاشار للذى (يجلبغ) فى الشاطئ زى اُم دريقة*..تانى سالنى هل سمعت ببمدوح..قلت ليهو بالحيل ضحك وقال لى , التانى داااك ممدوح..ثم أنصرفوا بمعنويات رحلتهم الشاطئية ..القصة حرقتنى انو الزول ده جاى بفلهمة عاصمية يعتقد فيها بوجودنا خارج التغطية الثقافية والحضارية بجانب انو انا ود قلبه يعنى بس عشان شافنى بعراقينى المترب ده, .وقبل ان يصعد (للقيف) ويختفى خلف الشثدر..صحت فيه منادياً أنا بالمناسبة عرفت انو صاحبك ده ممدوح والتانى كيجاب..اها انت موش ساره جادالله...

    *سلحفاة بحرية


    --
    ياتمبس..ناس ياربى متين نشوف الخرطوم ديل ناس معقدين اعمل حسابك, وحكاية انهم جايين من مدن ملحقة بالمركز شافوا فيها المدنية بالابيض والسود..مازينا بالملون دى احسبها كويس, باسطة من (شوشة) ولاسمك كوستى ببحرو

    احمد ادريس اللمين..ياخ مشكور جداً, ويسعدنى ان يقيم مااكتب كاتب مثلك فهذا والله عين الرضا

    (عدل بواسطة حاتم الياس on 10-09-2012, 11:27 PM)

                   Subscribe on YouTube |Articles |News |مقالات |بيانات

10-11-2012, 06:01 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: حاتم الياس)

    نرجع لموضوع الشعر ..

    ايهما اشعر الكلام المعسم بكلمات كبار كبار من جنس النوارس والرمان والحاجات الما شفنها دي .. ول الكلام البسيط البحسوهو الناس العاديين .. وبحس نبضهم


    لا فتات الايدز زاهية الالوان التي تبشر بالاسرة السعيدة..
    تظل عاهرات الظهيرة
    في انتظار من يبحث عن قيلولة حاااااااامية


    هذا لا يحدث الا في السودان ... بلد المتناقضات العجيبة!!

    خالد مونيكا

    وايضاً قال:

    القدال ما لبس كلماتو الكرفتة .. لكن أنّق فيها (الفعل)*

    او نحو ذلك

    * ول اقوليكم قال (الحرف) ما عارف (يا ربي!؟)













    ----------

    حاتم ما تجيب للناس دي صورتك التربالي الغزيتا في الفيس يومداك!؟
                   Subscribe on YouTube |Articles |News |مقالات |بيانات

10-12-2012, 02:13 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    انا لله وانا اليه راجعون
    فلنترحم على روح الشاعر صديق مدثر هنا
    حار العزاء لاستاذنا مصطفى والاسرة الكريمة في فقدهم وفقدنا الجلل
    ربنا يتولاه برحمته ويجعل مثواه عالي الجنان
    ويجملكم بالصبر وحسن العزاء

















    --------

    ما انتبهت للفاجعة دي الا من نعي الاستاذ ابوعركي في حفلة جدة

    فتقبل عزاءنا الحار يا مصطفى
    وربنا يقويكم
                   Subscribe on YouTube |Articles |News |مقالات |بيانات

10-19-2012, 11:53 AM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    نعود ...
    وقديمن قيل : العودو احمدو

    اما قبل ....
    وقال زميل لينيني مجاور: خدمة الحجاج تهمة لا ننكرها .. وشرف لا ندعيه
    اما عن فتح الرحمن -الراوي- فهو يعتبر ضيوف الرحمن ضيوف شخصيين لديه
    لذا لزم التنويه

    اما بعد ...
    ناوي اوغل في ادب المشافهة في زمن الانترنت وعصر ثورة المعلومات ..
    بالتركيز على حالة خالد عباس الطاهر* نموذجاً















    -------

    حالة ملتوثة جداً .. تزيد التواث المشهد الثقافي ضغثاً على إبالة .. حالة كونو الاخير اصلاً ملتوث!

    * وخالد عباس الطاهر (خالد مونيكا) لمن لا يعلمون، فهو تشكيلي، وقاص، وشاعر ..
    سبعة صنايع والبخت الاسفيري ضايع .. في زمن طفح السباكين العلينا دا!!!!

    حاتم يا سباك ما تبطل يأس وتعال نبقى تشكيلين .. (ايضاً)
    المافي شنو!؟
    انت تشكيلي ... وانا اشكيلك ... الحاصل بي
                   Subscribe on YouTube |Articles |News |مقالات |بيانات

10-19-2012, 02:49 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    مش برضو تسجيل الكاسيت -رغم بداوته بمقاييس عصر الانترنت- يعتبر تدوين لحدٍ ما؟
    ول مشافهة زيها زي المشافهة التقليدية؟
    عموماً تظل هناك مجازفة وخطورة النقل من السمع والاسماع، للتدوين الورقي او الاسفيري .. الرسك قائم برضك

    المهم ح اتجاسر على ما انا مقدم عليه .. والحي الله والكاتل الله

    (المك منقول من ساحة القول لساحة الفعل السيد ..
    يحرق طلح التاريخ .. ويودي المحلب كم م م م م مشوار!)

    من (الدلكة دميرة هذا العام)
    "قراءة جديدة للدم السائل من قدح الدفتردار ..
    من تحت خيول الترك ..
    من فوق خيول المك!!"

    قلتن لي زواج الخواجة يا شابات!؟
    هاكن جيبولتيك الجسد دا طيب:

    الجعليات .. امات السود .. عافن جلد الباشا .. وقلدن جلد الدود!







    -----------

    صدّر خالد مونيكا شريطه بـ:

    " من خالد عباس الطاهر، في بلد تطرد انبياءها في القرن الحادي والعشرين ..
    الى صديقيّ، ناصر عز الدين، واباذر النضيف، في بلد ابتكرت نبيها في القرن السابع"

    (عدل بواسطة قيقراوي on 10-19-2012, 02:55 PM)

                   Subscribe on YouTube |Articles |News |مقالات |بيانات

10-19-2012, 04:14 PM

احمد الأمين على إدريس

تاريخ التسجيل: 04-25-2010
مجموع المشاركات: 665
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: قيقراوي)

    الرحمة والمغفرة للفقيد الشاعر صديق مدثر
    غايتو يا قيقا تلصقاً كدا فى حاتم دا حتى وان فكاها فيكم بانو ود قلبا
    انا من الباوقة والله وفى الباوقة من الدوم وفى الدوم من الدوم القدامى

    أسدر ياقيقا فى رشدك هذا,, ومشاركات حاتم وصحبه سترعانا

    مجدداً التحية لقيقا وحاتم والجميع
    والرحمة والمغفرة للفقيد صديق مدثر

    جرى التعديل للهفوة المطبعية المكررة ياقيقا
    والله يخليك ويبقيك مصحح ومصحصح

    اعتذر والله عن الجلطة وليس الهفوة يا قيقا
    وان شاءالله اكون لحقت قبل ما يتاذى حد

    (عدل بواسطة احمد الأمين على إدريس on 10-19-2012, 07:07 PM)
    (عدل بواسطة احمد الأمين على إدريس on 10-19-2012, 08:17 PM)

                   Subscribe on YouTube |Articles |News |مقالات |بيانات

10-19-2012, 05:09 PM

قيقراوي

تاريخ التسجيل: 02-22-2008
مجموع المشاركات: 10279
للتواصل معنا
FaceBook
تويتر Twitter
YouTube
Google+
SudaneseOnline at Google+

Re: ضجر عام .. على غرار نص (عداوة) حاتم الياس (الصفوي) (Re: احمد الأمين على إدريس)

    الرحمة وواسع الجنان للفقد صديق مدثر يا حمد اللمين مين مين!!















    ---------
    ألحق يا عمك ..

    او كما قال د. بشرى الفاضل:

    مافي غير تلكع تسافر!
                   Subscribe on YouTube |Articles |News |مقالات |بيانات

SudaneseOnline at YouTube

Latest Posts in English Forum

Articles and Views

اراء حرة و مقالات

News and Press Releases

اخبار و بيانات

اخر المواضيع فى المنبر العام

SudaneseOnline at Pinterest

[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:

ضجر عام .. على غرار نص (عداوة) حاتم الياس (الصفوي) فى FaceBook

· دخول · ابحث · ملفك ·

توثيق المعلومة ونسبتها إلى مصدرها أمر ضروري لحفظ حقوق الآخرين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
News and Press Releases
Articles and Views
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de