|
زواج وسن بت ود الباوقة الف مبروك ام وسن (توجد صور)ود الباوقة اركز هيع
|
الصورة الاولى : طبعا انا عمر ود عمى ده عندى فاقد المصداقية لذا إتصلت بام وسن اولاً عشان ابارك بت القبائل تستاهل ان يشد لها الرحال وسوف افعل بس شدهات الدنيا ومشغولياتها الكثيرة.... جايكم بالمهلة وانا شاهد عيان لتحضيرات ما قبل الزواج من الرياض.. وذهابى لام وسن للتوثيق لزواج العصر.. عمر اركزززززززززززززززز،،،
|
|
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: صديق الموج)
|
الصورة الثانية: ذهبنا انا وعمر ود الباوقة للملحقية التجارية بالرياض قابلنا زميل المنبر محمد الحسن عبد المطلب ممثل الاسواق الحرة فى الرياض وتم الاتفاق على شراء عدد 10 مكيف اسبلت ماركة ال. جى لان ود الباوقة خلص من بناء عمارته فى مدينة الشهيد طه الماحى وهى مكونة من فيلا فخمة واربعه طوابق اخرى هذا العام ولابد من اكمالها استعداداً لزواج وسن. ربنا يزيد ويبارك .. بعدها ذهبنا فى مخرج تسعه فى حى الروضة والله يشهد جلست فى الرياض اربعه وثلاثون عاماً لم ادخل هذا المحل ولا اعرف ماذا يبيع،المهم دلفنا للمحل قابلنا سورى بابتسامة لطيفة ووقف منشده انا كغجرية فى باريس اتلفت لارى البضائع المعروضة فى ثلاجات عرض وبعضها فى رفوف انيقة، هذا المحل مختص ببيع الفواكه المجففه وماعلاقة ذلك بزواج وسن ياعمر؟ يلا نشوف محل فرك قرمصيص وخمرة سودانية او على الاقل ملايات.. اجاب ود الباوقة لا ياخى دى حاجات بسيطة طلبها الشخص المتعهد بحفل العشاء فى السودان لم ابهت ابن عمى والله على ما اقول شهيد دفع ود الباوقة مبلغ 15000 ريال قيمة الفواكه المجففه ومنها للمطار وقد تم شحنها بمبلغ 3500 ريال .. عمر اركز هيييع بالله تابعونا والله صحى،،،
ملحوظة: يجاور عمارة ود الباوقة فى مدينة الشهيد طه الماحى وزير الداخلية ابراهيم من اليمين ومدير عام الضرائب على يساره ووزير المالية السابق امامة،،،
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: البحيراوي)
|
ود الموج سلام اسى انا العفين دا بناتى فى السودان اجازة قالن عاوزات شوكولاتا ,,اشتريتها ب 1200 ريا ل ثم غلفتها داخل تلاجة تبريد لمدة36 ساعة التلاجة ب 300 ووزنتها ب 200
وارسلتها لبناتى فى اصقاع الارض منطقة ابوقوتة وصلت والبنات انبسطتن والحمد لله اولاد الحى كلهم طعمو خشمهم معاهن
تقول زول مؤيد للنظام وبصور مع الريس وعندو عمارة اربعة طوابق ,,وام وسن تسولف مع مرة الوزير بالحيطة دا مفروض يكون الزفاف بطيارة بس مش بتاعة الجماعة
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: طارق ميرغني)
|
Quote: الف مبروك شيخنا عمر
وربنا يزيدك كمان وكمان
طالما حلال بلال، شيل الحال فوق كم يا ود الموج شكلها هجمة مرتدة من الصورة ديك |
الشفيع ازيك ...سسلام
هسه ده شيل حس؟ ياخى قالو ازكروا محاسن موتاكم لووووووووووووول ميتة القلب يا شفيع!!! انا قصدى ود الباوقة داير يبور بناتنا رفع السقف فوق الزول ده.. وانت رائك شنو فى فواكه مجففه واهل العروس من الباوقة والعريس من الحقنة التقي قدام ياحبيب عليك الله تابع وانت ساكت وانا قصدت افتح البوست ده بعد وصول عمر الرياض عشان كان ورجغت يجى يتداخل ، كونو معنا،،،،
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: صديق الموج)
|
Quote: بعدها ذهبنا فى مخرج تسعه فى حى الروضة والله يشهد جلست فى الرياض اربعه وثلاثون عاماً لم ادخل هذا المحل ولا اعرف ماذا يبيع،المهم دلفنا للمحل قابلنا سورى بابتسامة لطيفة |
يا خال الموج
الحاصل شنو تشابه عليك البقر
ولّ دي كرامات ود الباوقة
مخرج 9 ده أقرب الأحياء له الازدهار/ المغرزات/ الحمراء/ وقرطبة
والمحل الذي تقصده ولا أعرف غيره في تلك الناحية هو "الصندوق الأسود"
إلا تكونوا دخلتوا من شارع مخرج 9 لخالد بن الوليد في اتجاه الجنوب.. المحلات هناك أكتر من واحد
تحياتي
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: عصام دهب)
|
Quote: ود الموج سلام اسى انا العفين دا بناتى فى السودان اجازة قالن عاوزات شوكولاتا ,,اشتريتها ب 1200 ريا ل ثم غلفتها داخل تلاجة تبريد لمدة36 ساعة التلاجة ب 300 ووزنتها ب 200
وارسلتها لبناتى فى اصقاع الارض منطقة ابوقوتة وصلت والبنات انبسطتن والحمد لله اولاد الحى كلهم طعمو خشمهم معاهن
تقول زول مؤيد للنظام وبصور مع الريس وعندو عمارة اربعة طوابق ,,وام وسن تسولف مع مرة الوزير بالحيطة دا مفروض يكون الزفاف بطيارة بس مش بتاعة الجماعة |
ابوقوته قنبلة الحب الموقوتة غايتو العظمة يضوقنها غنمنا ابوقرته والباوقة شوكلاته وفواكه مجففه مخير الله خلينى اخلص من شيل حس الوغد ده انت نيران صديقه حا تجيك رشة خفيفة،،،
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: صديق الموج)
|
Quote: الرجل القامة صديق الموج عاطر التحايا لك وللاخ عمر ياخي ربنا يذيد ويبارك لاخونا ود الباوقة ويرزقه ويبارك له والف مبروك للابنة وسن !!! بس حكاية قنطر نفسه وسط وزير الداخلية والمالية وما عارف منو كمان ما واقعه لي قول ليهو لو حصلت عكه ذي ما متوقع ما حتفرق كتير معاك من طه الماحي ولي التجاني الماحي ما أظن يلحق يمشي الباوقة |
ود الشيخ ...سلام
باقيلك بكون اشتروا ما بكون ضرعوا ساكت وبنو البسألهم منو ، لكن المشكلة كان ضربت النقارة صاحبك بمشى وين ابدرباً ماكن،،،
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: عصام دهب)
|
ألف مبروك يا ود الباوقة زواج وسن ونبارك عبرك لوسن وام وسن والعريس
لكن بلاهي عليك...تجي تورينا العمارة دي بينتا كيف؟؟ أنا في البورد دا لي كم سنة....بفتش في كسار طوب ومرقتها في عصام الخواض...ومشيت لي ناذر... الطوبة البقعدوا فيها من التعب ما لقيتا...
وطالما فواكهك مجففة...أتلقي باقي طوبك زاتو مجفف وما بتبخل علي زميلك في البورد وود ولايتك
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: وضاحة)
|
Quote: ياناس ا بوقوته البقيتو تجيبو الشكولاته بالطياره ..
|
يا محمد عبدالرحمن سلام وتحية ابوقوتة دا بتهقنب ساهي وات عارفو زول مسيع 1200 ريال تجيب ليهو نعجة شايل وعنز مري قال حلاوة شكلات قال البتشاكل في السنون يا عوذ بالله منها تكرهك العيد ذاتو . . ابوقوتة مشتاقين ياخي ما تزن تخلي اولاد البندر العولق ديل اتعولقوا فوقنا يا موج مشتاقين جدا
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: وضاحة)
|
Quote: ياحليلك موج ... كضب زاتو مابتحبكو كويس .. دا دليل على انو مدة صلاحيتك اوشكت على النفاذ :-) |
رشا طبعا ما مصدقة والمصحف لم افترى على الرجل كذب وخلينى اقطع البحر اوريك الحصل شنو بى هناك: حنة العروس : صالة الفردوس جوار عفراء مول ايجار الصالة : 8 مليون وغنت انصاف مدنى واستلمت 8 ملايين اخرى وهنا اتصلت على ام وسن من السودان على اساس ان انصاف مدنى قالت ليهم ما حا ارقص العروس بغنى من 8 لى الساعة حداشر فقط المهم اتصلنا عليها ووافقت على ان تغنى كم اغنية للعروس.. من شهود هذا الحفل زميلة المنبر منال وام محمد زوجة زميل المنبر عمران يعنى المكذبنى فى اى معلومة يسأل العنب المرمى فى بوردنا..
الحفلة الرئسية : الصالة الذهبية الخرطوم بحرى تكلفة الصالة مع العشاء 53 مليون فقط والله على ما اقول شهيد حسين شندى : متبرع غير ان حق العازفين والحافله والساوند خمسة مليون فقط غداء لاهل الباوقة فى اليوم الاول خمسه خرفان قيمة الخروف 1.300.000 فطور العريس وغداء الضيوف 5 خرفان ايضاً قيمة الخروف 1.300.000 ريال يعنى خرفان 13 مليون.. خلونى اخد نفسى وراجع ليكم شهودى على ذلك زميل المنبر الاخ عوض المسلمى وود الصايم وابوحسين،،،
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: صديق الموج)
|
Quote: حنة العروس : صالة الفردوس جوار عفراء مول ايجار الصالة : 8 مليون وغنت انصاف مدنى واستلمت 8 ملايين اخرى وهنا اتصلت على ام وسن من السودان على اساس ان انصاف مدنى قالت ليهم ما حا ارقص العروس بغنى من 8 لى الساعة حداشر فقط المهم اتصلنا عليها ووافقت على ان تغنى كم اغنية للعروس.. من شهود هذا الحفل زميلة المنبر منال وام محمد زوجة زميل المنبر عمران يعنى المكذبنى فى اى معلومة يسأل العنب المرمى فى بوردنا..
الحفلة الرئسية : الصالة الذهبية الخرطوم بحرى تكلفة الصالة مع العشاء 53 مليون فقط والله على ما اقول شهيد حسين شندى : متبرع غير ان حق العازفين والحافله والساوند خمسة مليون فقط غداء لاهل الباوقة فى اليوم الاول خمسه خرفان قيمة الخروف 1.300.000 فطور العريس وغداء الضيوف 5 خرفان ايضاً قيمة الخروف 1.300.000 ريال يعنى خرفان 13 مليون.. خلونى اخد نفسى وراجع ليكم شهودى على ذلك زميل المنبر الاخ عوض المسلمى وود الصايم وابوحسين،،، |
ود الموج
المشكلة شنو لو عمر صرف اكتر من كده لى بنتوا ؟؟
لو عندوا ليه ما يفرح بي بتوا ويكرم ضيوفوا ؟؟
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: وليد عبد اللطيف)
|
تحية صديق الموج 00 اعجبتني عبارة الأخت { البتقول فيها إنو صديق الموج مدته انتهت !!! تقابلني يومياً هذه العبارة في التقارير التي يرفعها لمكتبنا المراقبين الصحيين وتاتينا اغذية فاسدة وأخرى منتهية الصلاحية اها انت من الأخيرة الله يكون في عونك لدينا تقرير نرفعه كل ثلاثة اشهر عن اعداد المتوفيين وجنسياتهم والمراقب الذي يرفع التقرير يبدو لي ان لديه مشكلة مع المرأة فتقرير هذا الربع كل المتوفين فيه { نساء } والمشكلة ان اعمارهن ما بين 22 الى 32 لدرجة انني سالته ياراجل اليس هناك رجل واحد مات خلال الثلاثة اشهر الماضية فرد بكل بروووود ماغير نسوان !!!!
تهانينا لود الباوقة وعرس مبارك واسم { وسن } جميل جدا وهو اسم مائي نتمنى لهما التوفيق
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: طارق ميرغني)
|
Quote: يا عمو يا كبير اركز افو يا ود الفكي |
عمو دي ما ليك دي لجدو صديق الموج اما انت ايها العمران فقد كنت متاكداً انك حتكون لابد وراء حيطة قسم بالله اكان داير اعرف انت بتعرف انا جبت سيرتك كيف؟ مرابط انت؟ وبعدين انا لو بدوني بالدولار بتلاقني حائم بهنا ولا بهببك ، في تلك الحالة صحباني بيكونو من ود الباوقة والخواض وود الامير وانت طالع وما عدا ذلك سلام الله دا ما بديهو ليهو
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: صديق الموج)
|
Quote: لكن ياودالموج( توجد صور ) دي في الصفحة الكم !! |
يا جماعه معليش ممكن ارد على السغيل ده ؟ لكن جاييكم بالمهلة .. اول شى البوست ده شأن سودانى بحت لو سمحت ماتداخل تانى.. انت قايل البصوقر مع ود الباوقة منو ؟ لما ننزل ليك الصور بالسرعة دى،،، الصورة الرابعه حفلة الصبحية: المكان قاعة الفردوس : ايجار الصالة 8 مليون الفنان سامى المغرب 10 مليون والله على ما اقول شهيد شهود الحفلة زملاء المنبر احمد حنين و وليد شريف،،، وانتظرونا،،،،
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: عمران حسن صالح)
|
وضاحه يا شقية والعوض سلام يغشاكم يا اخوان ( اما بنعمة ربك فحدث ) صدق الله العظيم ثم ثانياً ام برعة بت ود الفحل قبل قرن من الزمان فى زواج الخليفة حسب الرسول قالت : تلاته قددور صندليه وتلاته قدور سرتيه وتلاته ارطال ريحه نيه وعشرة ابكار للضحية والشيخ سيرو وسار بقولها الركبان و نصف شعب السودان اشمعنا ما قلتو شيل حس ؟ ماتراكم كل زول فى الحمام بدندن بيها!! ما تتحسسو يا شباب انا بحتفل بى بتى وسن على طريقتى الخاصة اقول ليكم العاجبه عاجبه والما عاجبة اقرب بحر ويجغم بما فيكم ود الباوقة زاتو انا البوست ده عامله لوسن و ،لبنت عمى ام وسن، عمر زاتو ما شغال بيه الصور الاجمل حا تنزل بعد شوية ، ود القاضى الكلام ده لا يخصك،،،
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: محمد هاشم ابوزيد)
|
Quote:
تلاته قددور صندليه وتلاته قدور سرتيه وتلاته ارطال ريحه نيه
|
ود الموج في دي معاك حق هي سيرة سارت بها الركبان وغنو بيها الحبان
أول مرة ألاحظ كلمة ثلاثة أرطال ريحة نية
وطالما الوصف عندك ما عرفنا الريحة نية دي شنو ( باقي ليك ضفر ؟) كدي سيبك من الفواكه الجافة عرج بينا على الريحة النية دي
وبيني بينك يا موج ملكة الوصف عندك وهي جاتك الفرصة زيد في وصفك وعبر عن شعورك وترانا راجينك تزيل عنا حزنا عركته أيام الجفاف .. افصح ولا تفتر ... أكتب ولا تحجب ... وشيخك عمر في فرحو عريس ... مابزعل ولا بزعل هه
| |
|
|
|
|
|
|
Re: زواج وسن بت ود الباوقة الف مبروك ام وسن (توجد صور)ود الباوقة اركز (Re: Amani Al Ajab)
|
Quote: يا خال الموج
الحاصل شنو تشابه عليك البقر
ولّ دي كرامات ود الباوقة
مخرج 9 ده أقرب الأحياء له الازدهار/ المغرزات/ الحمراء/ وقرطبة
والمحل الذي تقصده ولا أعرف غيره في تلك الناحية هو "الصندوق الأسود"
إلا تكونوا دخلتوا من شارع مخرج 9 لخالد بن الوليد في اتجاه الجنوب.. المحلات هناك أكتر من واحد
تحياتي |
عماد حسين.......سلام
الما بشابه على البقر شنو؟ مادام مارى انطوانيت الكوز المطفق ده مشترى فواكه مجففه بى 15000 ريال والناس هناك ما لاقين سخينة ،تانى انا بشوف،،،
| |
|
|
|
|
|
|
| |