أغاني الحماسة والسيرة .. محاولة للتوثيق

نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-11-2018, 05:00 PM الصفحة الرئيسية

مكتبة د.احمد القرشي عبدالرحمن مهدى(AhmedalQurashi)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-01-2009, 03:08 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    بدخل في المحاص

    كلمات زينب بت فايد قالتها في أخيها الحسن ود فايد... تغنى بها أولاد المأمون وبادي محمد الطيب

    بدخل في المحاص أب جلة بتفور قاهر
    صمد البجن طابور
    **********
    شدولو فوق تاتاى
    مطلوق الجبين اللى عرضو مو نساى
    عجل مشن اب قرون للساهله مو رعاى
    لسع صغير وقتين يسوى كيفن الرأي
    **********
    أرباب الفراسه الوسمو فوق ناظرو
    والعوقه أب صفوف انت بتجى بتناظرو
    ود فايد حسن ما بتقدرو تناظرو
    والخوف حين قسمو أخوى ما حاضرو
    **********
    يا شقاق عتامير الخلا والصو
    يا أب قلبا شجيع صوانو واقف كو
    أشعت في القتال ليهو العرض والهو
    في كباد الرجال شبع صقور الجو
    ********
    الليله العيال اتسامرو البارود
    جاك يا من كان على صف الحرابه يقود
    ود فايد حسن الفارس المأسود
    كوفيتو أم عبل وسط المحاص بتخوض
    **********
    عاجبنى العيال الكلهم نجاح
    جاك يا من كان يجيك فوق العبار مو شاح
    ود فايد حسن الفارس اللفاح
    أتبسم لقاهن بين الحجل والراح
                   |Articles |News |مقالات |بيانات

20-01-2009, 04:50 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    بدخل في المحاص - أداء أولاد المأمون مع مقدمة شرح لبعض معاني الكلمات وسرد للبعض .. مع الأستاذ / عوض بابكر في حلقة عن الأدب القتالي بُثت من الإذاعة السودانية يوم 13/01/2009م .



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

02-02-2009, 04:27 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: يا شقاق عتامير الخلا والصو
    يا أب قلبا شجيع صوانو واقف كو
    أشعت في القتال ليهو العرض والهو
    في كباد الرجال شبع صقور الجو

    ياخ دا كلام سمح بالحيل يا أحمد،
    القصيده كلها سمحه لكن الأبيات دي تخلي السامع يخش النار.
    تسلم
                   |Articles |News |مقالات |بيانات

12-01-2009, 06:24 PM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: الاخ العزيز الاستاذ/ صديق الموج

    شكرا لحضورك ومتابعتك ... ولاننا بصدد التوثيق نحاول البحث والتحرى عن كل اغنية ومؤلفها ومناسبتها وبخصوص اغنيتى الواعى ما بوصوا وبتريد اللطام تحدثت عنهما كثيرا واعدك ان رايك ورأى الاستاذ عبدالمنعم عمر عثمان اضعهما فى الاعتبار وان شاء الله نبذل الجهد حتى نصل الى الحقيقة ... ولك الودوالاحترام


    الاخ العزيز د.احمد تحياتى والمتداخلون

    بخصوص اغنيتى الواعى ما بوصو وبتريد اللطام انا اروى لك ما توصلت اليه بعد السؤال والتقصى
    انا قابلت التومة بت على وهى من اهالى سيال ام برعة نواحى العيدج (المهم ان نذكر ان ام برعة التى سمى باسمها السيال هى ام برعة بت الفحل وهى التى الفت احلى مدائح السيرة فى الخليفة حسب الرسول وهى اغنية الشيخ سيرو) وسالتها عن اغنية بتريد اللطام وهى عاصرت بابا وبت مسيمس فقالت لى ان اغنية
    بتريد اللطام من تاليف بت مسيمس والواعى ما بوصو من تاليف رقيه وافادت ان رقية لم تكن شاعرة ولكن حركها اعدام شقيقها عبد القادر فالفت تلك المناحة.
    والدليل على ذلك كما تلاحظ ان فى قصيدة بت مسيمس تردد ودحبوبه كاسم مجرد ود حبوبه قام ورتب الانصار ولو كانت شقيقته لما فعلت ذلك ونادته كما يناديه الناس ود حبوبة.
    اما رقيه فتردد فتشير فى قصيدتها الى العلاقه بتورى واخوى وهكذا وهذا دليل منطقى ان بت مسيمس هى من الفت اغنية بتريد اللطام وبعد ذلك استوثقت انا من العارف بالعلم المرحوم الطيب محمد الطيب واكد لى ذلك وبعدها ذهبت الى دار الوثائق المركزيه وتاكدت من المعلومه تماما ان بت مسيمس هى من الفت بتريد اللطام اسد الكداد الزام..
    ويبقى مزيد من الاستيثاق واجب علينا كلنا اذ نحن بصدد التوثيق ودمت.

    تخريمة:
    Quote: إن وردن بجيك في أول الواردات
    مرنا مو نشيط إن قبلن شاردات
    أسد بيشه المكرمد قمزاته متطابقات
    وبرضع في ضرايع العنز الفاردات


    البيت الثالث كما تلاحظ هنالك خطأ وقع فيه حتى استاذنا الكابلى اذ انه يردد هذا البيت كما اوردته انت هنا... اسد بيشه المكرمد.... والصحيح اسد بيشه البكر قمزاته مطابقات والكرير بالدارجى تعنى الزئير وهو الصوت الذى يطلقه الاسد ودرج الناس ان يستعملوا لفظة الكرير لكل صوت يصدر من الصدر ولذا لزم التنويه،،،


                   |Articles |News |مقالات |بيانات

17-01-2009, 07:56 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17397

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: صديق الموج)


    العزيز د/ ودالقرشى
    سلامات
    وكيف ؟
    نتابع .. لا تبعد يازول
    تحياتى
                   |Articles |News |مقالات |بيانات

18-01-2009, 12:35 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Osman Musa)

    [QUOTE]لكم أكون سعيدة إن تكرمت بإضافة تحفة :
    (الصافى دهب الخزانه)
    الملحمة ....
    والتى نظمتها السيدة الفارسة ( الحرم عبدالله أبوسن )
    فى عبداللاه ناظر عموم الشكرية .. ومن منا لا يعرف هؤلاء


الاخت العزيزة/ ناهد حسن بشير

شكرا جزيلا لحضورك الانيق الذى اسعدنى كثيرا وكلى تقدير لك ولمشاركتك الجميلة بأغنية الصافى دهب الخزانة والمعلومات القيمة التى اوردتيها عن شاعرتها والشخص الذى نظمت فيه القصيدة .. وحقيقة مداخلتك اضافة حقيقة لهذا البوست اشكرك كثيرا عليها وفى انتظار المزيد منك


لك الود والتقدير
                   |Articles |News |مقالات |بيانات

18-01-2009, 11:10 PM

NAHID HASSAN BASHIR

تاريخ التسجيل: 26-07-2008
مجموع المشاركات: 141

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: الاخت العزيزة/ ناهد حسن بشير
    شكرا جزيلا لحضورك الانيق الذى اسعدنى كثيرا وكلى تقدير لك ولمشاركتك الجميلة بأغنية الصافى دهب الخزانة والمعلومات القيمة التى اوردتيها عن شاعرتها والشخص الذى نظمت فيه القصيدة .. وحقيقة مداخلتك اضافة حقيقة لهذا البوست اشكرك كثيرا عليها وفى انتظار المزيد منك
    لك الود والتقدير

    حقيقى يا د/ احمد البوست ثر بشخصك الكريم وبشرحك السلس الجميل
    الذى ينم عن إلمام بهذا الفن وبديهه وفطنه لفهم معانيه
    وبضيوفك الاعزاء وبالزخم الكبير من تراثنا الجميل.
    هذه هى الاغنيه بصوت سيف الجامعه
    وفى إنتظار شرحك الوافى لمفرداتها
    ولى عوده لهذا الجمال




    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

    (عدل بواسطة NAHID HASSAN BASHIR on 19-01-2009, 03:26 PM)

                   |Articles |News |مقالات |بيانات

22-01-2009, 10:47 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: NAHID HASSAN BASHIR)

    الاخ العزيز / عثمان موسى

    شكرا جزيلا للمتابعة تحياتى للاسرة

    لك الود
                   |Articles |News |مقالات |بيانات

29-01-2009, 05:25 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    ذكر الأستاذ الباحث خالد الشيخ حاج محمود في جريدة السوداني الصادرة يوم الجمعة الوافق14 ديسمبر/2007 إن أغنية كاسر يا جرو الخلا أبو ساجور شاعرتها هي حوه (حواء) بت تندل ولقد قالتها في الفارس امبدة ابوكندى والذي ورث الشجاعة من جده امبده المكنى بدود أم دقينة (أم دقينة هي الناقة ) والدود هو الأسد ويواصل الأستاذ خالد الشيخ الحديث بان أم بدة اسمه أم بده تمساح أم بده ولد في قرية امشنيده بالقرب من أم سعدون في عام 1930م وشقيقه هو أمير دار حامد الشيخ سيماوى .. كان ابوكندى والد امبده فارسا من فرسان قبيلة دار حامد وعندما تزوج من قرية الشوال بالقرب من منطقة الخيران وفى طريق عودته إلى أم شدرة صادف غفير شقيقه الناظر سيماوى والذي كان يسمى دقيس وعندما سأله مستخبرا علم بأنه في طريقه لتسليم الطلبة (ضريبة القطعان) وذلك للإدارة التركية بالأبيض ويواصل الباحث خالد الشيخ بان ابوكندى غضب واخذ من الغفير الطلبة قسرا حينما رفض تسليمها له بالحسنى مما حدا بالغفير أن يبلغ الإدارة بالأبيض والتي قامت بإرسال تجريده لام شدرة للقبض على ابوكندى ...


    نواصل
                   |Articles |News |مقالات |بيانات

30-01-2009, 09:52 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    الحبيب الشفيف ودالقرشي
    التحية طيبة سلااام من ربوع شندي
    نأسف للإنقطاع من تحفك الجميلة ( للتوثيق لاغاني الحماسة والسيرة )

    العود قريب ( مانا حايقين من الشوق للأهل والأحباب )

    تحياتي ومودتي
                   |Articles |News |مقالات |بيانات

30-01-2009, 10:18 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    ياسلااااااااااام


    للبوست فائدة توثيقية مهمة جدا والفائدة التانية نفسية كده لأنها باعثة على الفرح ورقيص الـ ( رقبة) بشكل متتابع مع كل أغنية سمحة !


    شكرا جميلاً د. أحمد القرشي .. بس عليك الله جيب لي رابط أغنية سمحة الهيبة فوق مختار ( جدي) عشان أقشر بيها سمح؟
                   |Articles |News |مقالات |بيانات

31-01-2009, 03:38 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: نادية عثمان)

    ويتحفنا الأستاذ خالد الشيخ بقصة أغنية كاسر يا جرو الخلا أبو ساجور ويقول عندما وصلت التجريدة لام شدرة للقبض على ابوكندى خرج لها ابوكندى ومعه مجموعة من الفرسان لقتالها ولكن الكترة غلبت الشجاعة إذ استطاعت التجريدة القضاء على مجموعة الفرسان وقتلت أبو كندى وحينما سمع شقيقه الناظر سيماوى بخبر التجريدة حاول معالجة الأمر بان تحرك من أم سعدون في اتجاه أم شدرة ولما سمع صوت السلاح وعلم بمقتل ابوكندى فحزن عليه وبكى بحرقة ولقد أصاب الحزن حبوبة أم بدة أبو كندى فأنشدت....

    برك تلات بركات ما فيهن هزيله
    ولد تمساح شيخ القبيلة
    وولد سيماوى فارس المغيرة
    وولد عوض السيد البيدخل على السلطان يشلع حجيله ( كانت أسرة ابوكندى تدين بالولاء للسلطان محمد الفضل احد سلاطين المسبعات )
    السيف وقع يا ناس منو البشيلا
    ولما سمع امبدة ابوكندى أنينها قال لها أنا البشيلا فقالت له انت يا وليد ؟ فقال كان رديتى ببدا بيكى فسكتت... نواصل
                   |Articles |News |مقالات |بيانات

01-02-2009, 10:59 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    ويواصل الأستاذ خالد الشيخ حاج محمود ويقول إن أم بدة اخذ يستعد لأخذ الثأر ومعه غفيره عبد الاسد وكان يركب على فرسه أم جزيمة وفى طريقه وبالقرب من كجمر اراد ان يستريح من عناء السفر فشاهد شجرة ظليلة وطلب من غفيره عبدالاسد أن ينوخ فيها ولكنه خاف حينما رأى لبوه فما كان من ابوكندى إلا أن نوخ في تلك الشدرة واتلبب سيفه وشال عفشو وانزلوا على قعر الشدرة متجاهلا اللبوة ولما شاهدت اللبوة ذلك المنظر شالت عيالها في خشمها ورحلت لمكان اخر. وعندما ذاع الأمر ولم يصبح سرا وسمعت الشاعرة حوة بت تندل بشجاعة ابوكندى كتبت أغنية كاسر ياجرو الخلا أبو ساجور .
                   |Articles |News |مقالات |بيانات

01-02-2009, 06:29 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    كاسر ياجرو الخلا أبو ساجور
    كلمات حوه بت تندل

    لساني فوقو بقول كاسر يا جرو الخلا أبو ساجور
    ********
    غنى وشكري يالصفره مستوره
    فوق تلب الخلا الغابتو محجوره
    يامرض القلب وما بتخاف روبه
    نوسار للخصيم لمن يموت طوله
    *********
    غنى وشكرنو يالتلات أخوات
    لا رجفت لحمتو ولا لسانو اللات
    السيف في يمينو بقدل على الدرقات
    الخزين أخوى ومقنع الكاشفات
    *********
    غنى وشكري يا خضرة الليمون
    من قومة الجهل عرضى واخوى مصيون
    يالقدح السبيل انت الجراب مجرور
    يا ب سيفا بسل الخوده والصنقور
    **********
    الشدرة الضليله الما نقرها السوس
    فوق رأسها النمر وفوق ضلها الجاموس
    فوق رأسها النمر وفوق ضلها الجاموس
    شن تمشى وتقول لامات قرين مرشوش
    *******
    ما دايراكم أنا تكيلو تدوني
    وما دايراكم أنا تخدمو تعشوني
    الليله القوم فى البلد قالو بيسوقونى
    ما دايراكم أنا تدوني عيش في جراب
    ما دايراكم أنا تكسوني لي قرقاب
    دايراكم أنا وقت الشوف يشوف تهزو بى أم قلاب


    ترددت القصيدة كثيرا في منطقة دار حامد إلى أن تغنى بها الفنان ودالنور في بداية القرن الماضي ثم تغنت بها فنانة الدلوكة النحل وعندها صدح بها كروان التراث بمنطقة بحري كردفان ومدينة بارا بابكر عبدالله المشهور بود نوبه ( المصدر : الأستاذ خالد الشيخ حاج محمود )

    (عدل بواسطة Ahmed al Qurashi on 10-02-2009, 05:20 PM)

                   |Articles |News |مقالات |بيانات

02-02-2009, 10:48 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    الاخ العزيز / خالد المنسى

    حقيقة افتقدناك وافتقدك البوست فى الفترة السابقة... واتمنى ان تكون قد وجدت الاهل والاصدقاء بخير وصحة جيدة .. ولا اشك فى انك قد تزودت بالكثير من اغانى الحماسة فى منطقة الجعليين ونحن فى انتظارك لتتحفننا بذلك الابداع..

    لك كل الود والتقدير والاحترام
                   |Articles |News |مقالات |بيانات

02-02-2009, 10:50 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    الماجد

    الدكتور الباهر

    الحصيف الشفيف


    شكرنا علي فذلكة الرائع خالد الشيخ...ولا شك اننا صلينا بجمر الانتظار...

    هلا دوزنت شترة زماننا هذا...بترجيع الكروان ..الحاج بابكر عليه الرحمة..

    ففي ذلك سمو بنفوسنا...وتصفية لكدرها...وهزيمة لحالة النوستالجا التي نعاني منها ...في منافينا وشتاتنا

    لك كل الود
                   |Articles |News |مقالات |بيانات

03-02-2009, 03:51 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: saif khalil)

    Quote: ياسلااااااااااام


    للبوست فائدة توثيقية مهمة جدا والفائدة التانية نفسية كده لأنها باعثة على الفرح ورقيص الـ ( رقبة) بشكل متتابع مع كل أغنية سمحة !


    شكرا جميلاً د. أحمد القرشي .. بس عليك الله جيب لي رابط أغنية سمحة الهيبة فوق مختار ( جدي) عشان أقشر بيها سمح؟



    الأخت الأستاذة / نادية عثمان


    تشرفت كثيرا بحضورك وزيارتك لهذا البوست ... وسعيد جدا بمداخلتك مشاركتك لتا ... أما بخصوص أغنية سمحه الهيبة فوق مختار أتمنى من الأخ هيثم لبيب أو الأخ ابراهيم عدلان إنزالها مرة أخرى تكريما لك ولقد سبق وان تحدثت عن الأغنية في الصفحة الثانية .. وإكراما لزيارتك سأعيد نشر ما كتبته عن الأغنية ... لك الود

    سمحة الهيبة فوق مختار

    شاعرة الأغنية مجهولة ولكن الممدوح هو مختار ود رحمة ناظر العبيدية وكان رجلا كريما وشهما وشجاعا ولقد ذكر الفنان قيقم في حلقة إذاعية في بداية التسعينات إن مختار ود رحمة قد فتح باب منزله عند قيامه لصلاة الصبح فوجد رجلا نائما أمام المنزل وعرف منه انه جاء بالقطار ولم يجد مكانا ينام فيه فقصد منزل مختار ود رحمة لشهرته في الكرم والجود ولكنه وجد الباب مغلقا فنام خارج المنزل على الأرض ومن ذلك اليوم أمر مختار ود رحمة بإزالة أبواب منزله عدا باب الحريم .
    وقصة الأغنية لها روايات عديدة ولكن أشهرها إن مختار ودرحمة كان مسافرا بالقطار وجواره امراة فاتهمته بسرقة مبلغ عشرة جنيهات منها وكان وقتها مبلغا كبيرا ، لم يناقشها مختار وإنما اخرج مبلغ عشرة جنيهات من جيبه وأعطاه لها .. وكانت هنالك امرأة أخرى شاهدت اللص الذي سرق المال فأشارت إليه وفعلا عند حضور الشرطة اعترف بذنبه وهنا اعتذرت المرأة لود رحمة وحاولت إعادة المال ولكنه رفض اخذ العشرة جنيهات منها فألفت هذه القصيدة والتي يتغنى بها الفنان محمد الحسن قيقم

                   |Articles |News |مقالات |بيانات

04-02-2009, 10:22 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    سمحه الهيبة فوق مختار

    عرش دود مراقد السار
    لي المو فشار
    خايلة الملكه فوق مختار
    ********
    سيد الأبيض النهار
    سيد المهره والقرقار
    ايدك الما بتخون الجار
    ايدك ترجم الحفار
    لي المو فشار
    *******
    عرش زى أبوك يا دود
    احسب لي تمانيه جدود
    ات فوق الرجال بالعود
    ضربك جله مو بارود
    *********
    قالت امو جيت لى
    لي ناظر العبيديه
    جدك يغفر السيئة
    وخالف للرجال كيه
    ********
    ما بيدى ويقول أديت
    ما اتفشر وقال سويت
    القنديل سراج البيت
    حمد لله سلامتك جيت
    ********
    العنتيل جاء يتقنت
    من شوفتو الرجال جنت
    عرش فوقن أتعنت
    ولا تخيب رجاء الظنت
    *******
    ميرف ود ملوك بربر
    خت الكرسي واتحكر
    قال للمستر أتذكر
    مك في دارنا ما بتظهر
    **********
    يا الماسك الدريب طلش
    ديل ناس رحمه لا تنغش
    ضربك جله مو بالرش
    شن جاب الحديد للقش
                   |Articles |News |مقالات |بيانات

05-02-2009, 05:38 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    الاخ العزيز استاذى / سيف الدولة احمد خليل

    شرفت ونورت هذا البوست وشكرا لكلماتك التشجيعية الرائعة ... بالامس ارسلت اغنية كاسر ياجرو الخلا اب ساجور بصوت بابكر ودنوبة الى الاخ هيثم لبيب لانزالها فى هذا البوست اتمنى ان يتمكن الاخ هيثم من ذلك... قبل يومين كان هنالك برنامج فى قناة هارمونى عن مدينة بارا تحدث فيه مكى الاعيسر وابنته الاستاذه وفاء والاستاذ خالد الشيح حاج محمود والرشيد عثمان السيد ولقد شارك بالغناء عبدالرحيم هاشم ولقد تغنى بعدة اغانى منها اغنية كاسر ياجرو الخلا اتمنى ان تكون قد تابعتهافلقد كانت حلقة جميلة بكل معنى الكلمة.

    لك الود والاحترام
                   |Articles |News |مقالات |بيانات

07-02-2009, 04:01 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    العزيز / محمد المرتضى


    شكرا لحضورك البهى ومتابعتك..

    لك مودتى
                   |Articles |News |مقالات |بيانات

07-02-2009, 05:55 PM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    فى حضرة هذا الجمال يطيب الجلوس.............................شكرآ لكل من ساهم..فى هذا الأبداع...شكرآ دكتورنا احمد القرش..تسلم

    إسماعيل محمد احمد عباس....
                   |Articles |News |مقالات |بيانات

08-02-2009, 02:42 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: ismeil abbas)

    Quote:
    فى حضرة هذا الجمال يطيب الجلوس.............................شكرآ لكل من ساهم..فى هذا الأبداع...شكرآ دكتورنا احمد القرش..تسلم



    الاخ العزيز الاستاذ / اسماعيل محمد احمد عباس

    شكرا جزيلا لكلماتك الطيبة والتى تعطينا الطاقة للمواصلة والدافع للاستمرار


    لك محبتى
                   |Articles |News |مقالات |بيانات

09-02-2009, 07:26 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    كاسر ياجرو الخلا أبو ساجور .. غناء بابكر ودنوبة من مكتبة الدكتور / أحمد القرشي ومهدآة للأستاذ / سيف الدولة أحمد خليل ... والله يادكتور حيرتنا عدييييل كدي مكتبتك دي ربنا يرزقنا منها شوية .. آسف جداً على التأخير



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

09-02-2009, 08:13 PM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)

    الاخوة الدكتور قرشي
    والعزيز هيثم لبيب


    لكما جزيل شكري علي ما اهديتموني...رغم ان الهدية لم تصل كما ينبغي ..قد فشلت تماما في الاستماع الي الاغنية..فاذا كانت هنالك اية معالجات فنية فاعينوني اعانكم الله

    لكما ودي
                   |Articles |News |مقالات |بيانات

10-02-2009, 07:28 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: saif khalil)
                   |Articles |News |مقالات |بيانات

10-02-2009, 07:55 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: saif khalil)

    الدكتور الباهر

    تحياتي

    هنالك تصحيح لا بد من ايراده متعلق بالبيت...الذي كتبته

    يا مرض القلب وما بتخاف روبه
    لو سار للخصيم لمن يموت طوله


    والصحيح هو
    يا مرض الفلب المابتخاف روبه
    نوسار للخصيم لمن يموت طوله


    (نوسار)...كما في(الجرحو نوسر بي)...والمرض (بنوسر)..بالمريض اي يضعفه ويجعله متآكلا...وقد ارتبط هذا النوسار..بالامراض التي كان الناس يجهلونها...كالسل ...وغيره من امراض الباطن

    ولعل الشاعرة قصدت ان كاسر هذا...كمرض القلب شديد الوقع علي عدوه(الخصيم)...ينهش في دواخله الي ان يخر واقعا(وهو الواقف علي طوله)...وحتي هذه...المفردة ...اشارة الي قوة ومهابة العدو(الخصيم)...مما يزيد في توكيد منعة،شجاعة وقوة الممدوح الذي ينتصر علي الاقوياء (فقط)...نبراس الفروسية في ذاك الزمان...وقوة الخصم اشارت اليه المفردة(لامن يموت طولا)...اي واقفا...فالاقوياء كما الاشجار يموتون وقوفا...والله اعلم

    لك ولقرائك المودة
                   |Articles |News |مقالات |بيانات

10-02-2009, 01:50 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: saif khalil)

    الأخ العزيز الأستاذ / سيف الدولة احمد خليل

    أشكرك كثيرا على تصحيح بعض كلمات أغنية كاسر يا جرو الخلا لاننى اكتب كلماتها من غناء ود نوبة مباشرة واجد صعوبة في تمييز بعض الكلمات لان بابكر ودنوبه يركز على التطريب كثيرا ... ودائما التطريب والتنغيم يؤثران على وضوح الكلمات ، وسأتحدث في المداخلات القادمة عن أغنية عامر يا جبل الحديد إن شاء الله.

    لك حبي ومودتي وتحياتي للأسرة
                   |Articles |News |مقالات |بيانات

10-02-2009, 05:13 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    عامر يا جبل الحديد

    كتب الأستاذ خالد الشيخ حاج محمود في جريدة السوداني بتاريخ الجمعه 14 مارس 2007 عن قصة أغنية عامر يا جبل الحديد ذاكرا انه في منطقة ايد الناقة التي تقع بالقرب من خور أب تبر بشمال كردفان ظهرت مجموعة من الهمباتة في العشرينات من القرن الماضي سُموا بأولاد حمار وحينما هددوا سكان المنطقة وزرعوا الفوضى واستفحل أمرهم فكر مدير مديرية كردفان آنذاك (مستر جيلان) في كيفية درء خطرهم عن المنطقة فاتصل بمفتش مركز بحري كردفان مستر كندى كوك والذي تتبع له منطقة أب تبر لان مركز بحري كردفان كان فيه مفتشان احدهما مفتش بارا والأخر مفتش دار الكبابيش كما كان هنالك مأموران احدهما ببارا والأخر بمنطقة الصافية وكان مأمور الصافية آنذاك البكباشا خلف الله حاج خالد والذي كان ضابطا في قوة دفاع السودان فيما كان مأمور بارا هو محمد احمد أبو الدهب ، اتفق مستر جيلان مع كندى كوك على نقل الضابط بقوة دفاع السودان ونائب مأمور الصافية عامر بشير فوراوى لمركز بارا وذلك لأنه عرف بشدة البأس والشجاعة والقوة وكان ذلك في عام 1928 ...... نواصل
                   |Articles |News |مقالات |بيانات

10-02-2009, 07:11 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    وفى مطلع عام 1929 قاد الادارى عامر بشير قوة عسكرية كان معه فيها الشاويش المتمرس ازرق زايد من جبال النوبة وذلك للقبض على الهمباتة وعندما وصل قرية جريجخ والتي تقع شمال بارا والتي جاء اسمها من جريج أغا باشا احد قواد حامية هكس باشا في عام 1883 وهو تركي هرب من حامية هكس باشا بالقرب من الرهد حين دب الفزع والخوف في نفوس الحامية فاتجه صوب الشمال حتى وصل لمكان وجد فيه مجموعة من الرعاة يقيمون في بيوت من الشقاق والقش أعطوه الأمان فأقام معهم وظل الناس يقولون ماشين محل جريج أغا فأصبحت جريجخ ، وفى عام 1924 حضر لمدينة بارا ابنه الدكتور جورج جريج أغا والذي عندما علم أن والده لم يقتل ضمن الحامية سعد بذلك وجاء متطوعا للعمل بمستشفى بارا لعام كامل وزار مدينة جريجخ وقبر والده .... نواصل
                   |Articles |News |مقالات |بيانات

11-02-2009, 02:32 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    لما وصل عامر بشير لجريجخ علم بوجود الهمباتة بمنطقة ايد الناقه كما علم بان من يقودهم عتاة الهمبتة كرة وقنفود ، فتحرك عامر صوب المنطقة واستطاع أن يخوض في مواجهتهم معركة شديدة ولطام حقيقي وان يعود بكرة وقنفود مكلبشين لمركز بارا فانطلقت زغاريد النصر بالمدينة وهلل أهل المركز للادارى الفذ عامر وأصبحت حكايته حديث أهل المركز والمديرية ونتيجة لذلك الانتصار رقى عامر لوظيفة مأمور ونقل لمركز فوجا ... نواصل
                   |Articles |News |مقالات |بيانات

11-02-2009, 08:09 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    ششششششششششششششششششششششششششششششششششششكرا كثير كثير...هيثم لبيب

    ليتكم تزودونا في جميع الاغنيات بلينك الحفظ...فهذا البوست كنز لا يجب التأخر في اغتناء مغتنياته ..ان لم تكن كلها فبعضها...


    لك كل ودي
                   |Articles |News |مقالات |بيانات

11-02-2009, 09:07 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: saif khalil)

    حباب ود القرشي عز الرجال



    الزول البدور من البوادى ضريبة
    يبقي موارك الغربة ويبعد الريبة
    ما بتدني للهامله البشوفها غريبة
    الا السيدا في الدندر مسوي زريبة



    هييييييييييع


    لقيت ناس الدندر كيف ؟
                   |Articles |News |مقالات |بيانات

11-02-2009, 12:03 PM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    ودي أغنية سمحة الهيبة فوق مختار ... للأخت الأستاذة / نادية عثمان ... بصوت محمد الحسن قيقم



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

11-02-2009, 04:15 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)



    وفى عام 1932م حضرت إلى مدينة بارا الحكامه والفنانة الرحمة مكي والتي كانت تقطن حي مكي ود عروسه ولما سمعت بحكاية عامر ود بشير والذي ولد وترعرع معها في حي مكي ود عروسه وكانت تعلم عنه الكثير كتبت قصيدة معبرة في حقه وغنتها بحي البكراويه ببارا قائلة ....

    بشكر تلبا قديم هو يا ليله
    حكاية عامر ود بشير
    عامر يا جبل الحديد
    عامر يا حنك البليد
    عامر انا جيت لى
    حس السوط يسوى عى
    البغدى الطير والحدى
    عامر يا جبل الضرى
    امرقوا يا الجارين وراه
    وزحوا يا الجنيات وراه
    دا السيفو الماكل السرى
    عامر بين ما خفى
    دا اللطمو بيدلى بيه

    إلى أخر القصيدة

    ثم ما لبث أن تغنت بالأغنية الفنانة مهله العبادية وعائشه كرن وبت المدير بالبشيرى وتغنى بها أيضا الفنان ود النور ولكنها اشتهرت حينما تغنى بها كروان التراث بابكر عبدالله محمد الشهير بود نوبه وكان معه في الكورس الطباخ الماهر بالمنطقة محمد مبروك كنين .
                   |Articles |News |مقالات |بيانات

12-02-2009, 06:01 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    الاخ العزيز / هيثم لبيب

    شكرا للاغانى التى زينت لنا بها هذا البوست وما زلنا فى انتظار اغنية عامر ود بشير والتى تحدثت عنها فى المداخلات السابقة .


    لك تقديرى
                   |Articles |News |مقالات |بيانات

12-02-2009, 09:16 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    حكاية عامر ودبشير ... غناء بابكر ودنوبة من مكتبة الدكتور العامرة ..

    حكاية عامر ود بشير

    لنك للتحميل المباشر .. لأنو الريل بلاير ماأشتغل معاي شكلو في مشكلة في الداتا حقتو وله حاجة .. بحاول فيهو تاني أنشاء الله والأغنية على أي حال مرفوعة على سيرفر الموقع ...
                   |Articles |News |مقالات |بيانات

12-02-2009, 01:29 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)

    Quote: لقيت ناس الدندر كيف ؟


    خترين يا ود شيقوق

    كيف حالك ... لك كل الود
                   |Articles |News |مقالات |بيانات

12-02-2009, 05:41 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    أغنية احمر عين هوشوه

    ذكر الأستاذ خالد الشيخ حاج محمود في مقال منشور بصحيفة السوداني إن أغنية احمر عين هوشوه قيلت في النور عنقره ولقد كتبتها حكامته بحر النيل بعد أن شاهدت شجاعته وبسالته في معركة خندق القيقر ببارا حيث استطاع أن يصد المعتدين ويهزمهم ويجعلهم يفرون تجاه القيزان المحيطة بالمدينة لعلها تحميهم من بطش الفرسان ولكن النور عنقره طاردهم مع مجموعة الفرسان حتى قضى عليهم في معركة استغرقت يوما كاملا فكتبت حكامته بحر النيل هذه القصيدة معبرة عن إعجابها بالنور ورفاقه ومعييره للغزاة خاصة بعد هروبهم ...

    يا ناري الما بقدوره .... احمر عين هوشوه
    احمر عين ما بنلام ..... الأسد الجاى من قدام
    هز فيكم جرح الظلام ... السوالكم ميس العظام
    السبقتو الخيل باللجام
    احمر عين يا بليه ...... سايق الديش تلتميه
    يوم جاكم بالبندقيه ..... وفناكم بيها فنيه
    احمر عين هزّ فيكم .... عزّ الضحى وشاف جريكم
    من شايبكم لصبيكم ...... كان جريتو الموت راجيكم
    اتلومت يا ابو ضهير .... وشرطت التوب الكبير
    وكسرت الشدر بالطفير
    المات منستر ..... احمر عين بقالكم نكير

    هذه الأبيات الحماسية تغنى بها الفنان ودالنور بمنطقة الخيران والطويل وبارا ثم تغنت بها الفنانه النحل وبت المدير بالبشيرى وأصبحت من اغانى التراث الرائجة بالمنطقة والتي وثقت لمعركة القيقر ببارا ولشجاعة النور عنقره ومجموعة الفرسان بتلك المعركة المشهورة بالمنطقة .
                   |Articles |News |مقالات |بيانات

13-02-2009, 06:02 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    كان النور عنقره شجاعا وقويا ولا يخاف اى شئ حتى الخليفة عبدالله التعايشى كان يهابه ، ومن القصص التي تحكى أن هنالك وشاية وصلت للخليفة إن النور عنقرة لا يصلى الجمعة ويشرب الخمر ويلهو مع النساء فأرسل له الخليفة ليحاسبه على ذلك ، فلبس النور درعه وتمنطق سيفه واخذ كل عدة الحرب وركب فرسه وذهب إلى خليفة المهدي وعند وصوله قال للخليفة ( الكتله وين يا خليفة المهدي ) فقال له الخليفة ( يالنور انت ما بتجئ صلاة الجمعه وبتشرب الخمر ويدلكن فيك النسوان) فرد عليه النور ( يا خليفة المهدي ما قلت ليك ما تناديني لفارغة ) ورجع من مكانه إلى بيته تاركا الخليفة مشدوها من رده.
                   |Articles |News |مقالات |بيانات

13-02-2009, 02:31 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    الاخ العزيز / على الكرار هاشم

    اشكرك على حضورك ومشاركتك ونسبة لان مداخلاتك تم تنزيلها فى الصفحة الثانية بدلا من الرابعة ساعيد نشرها مرة اخرى حتى تعم الفائدة الجميع


    Quote: الأخ القرشي
    تحية طيبة
    وشكرا علي الموضوع التوثيقى التثقيفي الرائع
    أغاني الحماسة رغم أن معظمها مرت عليه فترة طويلة وأصبح من الماضي لكنه ظل حيا في الوجدان بل ظل مرغوبا في السماع وبدونه يصبح الغناء ناقصا
    ودونك حفلاتنا التي لا يخلو فاصل غنائي دون أغنيات الحماسة
    هذه الأغنيات تحمل تاريخ مجموعة طيبة من الآباء
    وتمجد لخصال كثيرة ظلت من خصال الرجال والصفات التي يحبها الناس
    قصيدة الزايط وهي من اشعار الجاغريو الحماسيه وتغني بها
    العملاقيين خلف الله حمد ومبارك حسن بركات وبالمناسبه
    الفنانيين الكبيريين تغنيا ككورس في فرقة الشاعر الجاغريو
    الذي كان يجيد الغناء ايضا والتطريب العالي
    وتقول كلمات الاغنيه
    الزايط مابنقدر سيل الوادي المنحدر
    الليله الزايط جاكم حايم
    صاحي مابتلقوهوا ---نايم
    ساكي الخيل امات----لجايم
    اسد الخشش اب-----قوايم
    هاشك فوق ----ام تمايم
    صد ياعازل وانقرع
    سيد الاصل والناس فرع
    سيفوا وكتين ----انشرع
    بياخد الزول ---والدرع
    ماحسبوك في------نميمه
    بكفي ضيفان----الهجيمه
    ست بت فرج----ودحليمه
    القصد التار رضوا بالهزيمه
    ماشفتي اخوك ياام سماحه
    العاصيات كسر رماحه
    الخيل الشبكت رماحه
    شافنوا صدن قماحه
                   |Articles |News |مقالات |بيانات

13-02-2009, 07:20 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    العوبه

    أغنية العوبه من اغانى الحماسة الجميلة والرائعة لم أجد لها مؤلفا ولكنها من اغانى منطقة الجعليين كما ذكر الأستاذ الطيب محمد الطيب في كتابه دوباى وهى من اغانى الحروب التي تبث الحماسة والقوة في قلوب الرجال ... هذه الأغنية استمعت إليها من الفنان بادي محمد الطيب وكتبت نصها منه ولقد أبدع واطرب فيها كثيرا .

    العوبه

    غناء / بادي محمد الطيب

    العوبه يا ليل بابلي يا نديم يا ليل بابلي
    ********
    الكوراك في الضهارى
    مرقو أولاد السرارى
    كان تجرى تجينى جارى
    بحت قرني الخمرو جارى
    *******
    الكوراك في الكتر
    مرقو أولاد ود فتر
    عود القنا وقت يصر
    يخلى الراجل نص فتر
    ********
    شتمي بوسرو
    ولى اخوانى برسلو
    كان تجرو بكسرو
    بحت قرني بخسرو
    *******
    شتمي مرقتو بره
    لاخوانى أولاد مسره
    كان تجرو علّى مضره
    والليل ووب مافى فره
    *******
    الكوراك في العداره
    مرقوا اخوانى البطاره
    ما هسكى وكلام سكارى
    بالكرباج عملو ماره
                   |Articles |News |مقالات |بيانات

14-02-2009, 02:18 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    ما زلنا فى انتظار استاذنا خالد المنسى ليواصل معنا هذا التوثيق... الجدير بالذكر ان الاستاذ خالد المنسى هذه الايام فى اجازة بالسودان مع الاهل والاحباء .... اتمنى ان يعود لنا بخير وصحة بعد ان يكون قد جمع الكثير من اغانى الحماسة من منطقة اهله الجعليين والتى تذخر بهذا الفن..

    له ولاسرته التحية والتجلة
                   |Articles |News |مقالات |بيانات

14-02-2009, 07:44 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: ما زلنا فى انتظار استاذنا خالد المنسى ليواصل معنا هذا التوثيق



    ود القرشي حبابك يا الأصم

    احمــــــــر عين

    حسب روايتها في مناطق الجعليـــــــن


    أحمر عين حمسّو
    وا لومي مابتقدرّو

    أحمر عين شالا فيكم
    شبّا الضحى وشاف جريكم
    من شايبكم لي صبيكم
    وين بتفزّو الموت راجيكم

    أحمر عين يا جنا
    دخل الغابة أم قنا
    العيال ..... بشتنا
    فراقّا يادار الفنا

    أحمر عين يا السِرير
    كسرو الشدر بي الطفّير
    كان ماجاكم المدير
    أحمر عين ببقالّكم نكير

    أحمر عين يا السمتاني
    ياالمتوكل بي الوحداني
    ماكا القرش البراني
    إنتا الضرس الوراني

    أحمر عين يا بليّا
    كان جلبو البندقية
    كان بطلاكم طليّة
    هو الضيب إنتو السعية


    تحياتي ودالقرشي وبرجع ليك

    (عدل بواسطة خالد علي محجوب المنسي on 14-02-2009, 07:48 PM)
    (عدل بواسطة خالد علي محجوب المنسي on 14-02-2009, 09:04 PM)

                   |Articles |News |مقالات |بيانات

15-02-2009, 06:47 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)

    هذه الأبيات أعلاها نظمها الشاعر ( ود كروّي ) وهو من قرية مويس
    جنوب شندي وهي القرية التي عاش فيها الفنان الرائع علي إبراهيم
    اللحو ....
    والواضح انه جارى فيها بت بحر النيل ومع أختلاف ( الشخص الذي نظمت فيه )
    فقد نظمتها بحر النيل كما ذكر في النور عنقرة
    وقد ذكرت لي الوالدة العزيزة ( أم الحسن بت بادي الحسن وهي زخيرة لأشعار المنطقة
    ( حفظها الله ومتعها بالصحة )
    أن هذه القصيدة......
    نظمها ود كروّي ( في فلاتي ) قدم لمنطقة شندي ونزل في قرية جنوب شندي اسمها ( حلّة قريش )
    وقع في غرام فتاة من القرية وعندما أراد الزواج بها رفض أهلها...............
    فأستخدم سحره .............
    بعدها ذهب الفلاتي ( أحمر عين ) لبيت الفتاة وسلم عليها وبدأ يسحرها
    ذكرت لي الوالدة أنه كان يحمل كوريا وبها حصى يهزه والبنت تبعته وبدأ يسير خارج القرية
    والبنت تتبعه وهنا هب رجال القرية وكل واحد لفح سكين أو سيف أو عصا وتوجهوا للفلاتي يلحقوه
    وهو قد أقتاد الفتاة بسحره .....
    كان الفلاتي عيونه حمر ويحمل جراب به أسهم ونشاب وبدأ يتصدى لأهل القرية وهزمهم وقتل منهم البعض
    إستنجد أهل القرية بالشرطة من مركز شندي ...
    جاءت الشرطة وتصدى لها أحمر عين وقتل منهم الكثير .. لكن في نهاية الأمر صوب شرطي وأصاب
    أحمر عين في رجله فسقط وبعدها تم اسره
    وبعدها نظم ود كروي هذه القصيدة مجاري فيها بحر النيل ومع فارق الزمن بينهما

    والله أعلم
                   |Articles |News |مقالات |بيانات

15-02-2009, 06:52 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: خالد علي محجوب المنسي)
                   |Articles |News |مقالات |بيانات

15-02-2009, 02:17 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)


    الاخ العزيز الاستاذ / خالد المنسى

    اهلا بعودتك وسعيد جدا بحضورك حتى نواصل معا التوثيق لهذا الفن السودانى الاصيل ....

    لك ودى ومحبتى
                   |Articles |News |مقالات |بيانات

15-02-2009, 05:05 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    اليوم 15/2 تمر الذكرى الثانية لوفاة كروان الحقيبة وحامل لواءها بادي محمد الطيب الذي توفى يوم 15/2/2007، حيث أثرى مكتبة الغناء السوداني بروائعه وإبداعه وفنه ... إنسان وهب حياته للفن والغناء .... الغناء عند بادي مسئولية وقضية ورسالة ، كرس وقته وزمنه وحياته في سبيل الحفاظ على اغانى الحقيبة وتوصليها إلى الجيل الجديد.. كان فنانا مبدعا له المقدرة على التطريب وتحريك المشاعر ، كان يطرب نفسه قبل المستمعين لذلك استطاع أن ينقل أحاسيسه ومشاعره وحبه لغنائه للآخرين ، كان فنانا يحترم رسالته وفنه ، لم يستغل الفن للكسب المادي حيث كان بإمكانه أن يعيش حياة رغدة ومريحة لو استغل إمكانياته الفنية الكبيرة لجمع المال ، بل كان يغنى ليطرب ويمتع ويشجى، آلا رحم الله بادي محمد الطيب بقدر ما أعطى لهذا الشعب الكريم .

    (عدل بواسطة Ahmed al Qurashi on 16-02-2009, 08:56 AM)

                   |Articles |News |مقالات |بيانات

16-02-2009, 03:33 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    شكراً لكم أخي الدكتور أحمد القرشي ، فها هي الذكرى الثانية لرحيل الكروان قد مرت في عجل وقلوبنا في وجل ، نشكر لكم هذا الجهد العظيم في التوثيق والمواكبة للحدث .
                   |Articles |News |مقالات |بيانات

16-02-2009, 02:00 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: عبدالرحمن الحلاوي)



    الاخ العزيز / عبدالرحمن الحلاوى

    شكرا على الحضور والمتابعة ورحم الله الفنان بادى محمد الطيب فلقد نقش اسمه باحرف من نور فى وجداننا ... له الرحمة والمغفرة
                   |Articles |News |مقالات |بيانات

16-02-2009, 06:25 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    العُوبه (اللي بابي لي )

    هذه الأغنية من الاغانى القديمة تاريخها يعود إلى زمن الحروب بين العبدلاب والفونج ، ولقد قيلت في الشيخ الأمين ود مسمار وهو احد شيوخ العبدلاب والذي مدحته أخته رقية بأغنيتها المشهورة الآلاف درجن والتي تحدثنا عنها سابقا في بدايات هذا البوست , وشاعرة أغنية اللي باب لي مجهولة .... ولقد تغنى بهذه الأغنية أولاد المأمون والفنان مبارك حسن بركات

    اللي بابي لي

    اللّى بابي لي العُوبه
    يا نديمه
    اللّى بابى لي العوبه
    هيا ديبا
    ******
    الليلة الأسد جايّي من جبال الكر
    بشمشم بكوس بيسأل من العنتر
    وكت الشوف يشوف
    حاجبو اليمين ينصر
    سموك ميتة الفجعه ونهار الحر
    **********
    الليلة الأسد جايي من جبال الفيل
    بتشمشم بيكوس بيسأل من العنتيل
    يا رحل الكحل
    الديمه وزنو تقيل
    يا جدري الشموم الزول تشقو عديل
    **********
    الليله النجم طرف السما هدموا
    البجرى نسيبتو والبقيف سجموا
    الصف التقيل
    الشيخ الأمين رجموا
    عزرائيل سلام الله وغشى غنمو





                   |Articles |News |مقالات |بيانات

17-02-2009, 08:17 AM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5663

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    سمح لي بنقلها لبوست الرفاعيين ركيزة أساس في بناء السودان الجديد ولكم الشكر
                   |Articles |News |مقالات |بيانات

17-02-2009, 02:43 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: عبدالرحمن الحلاوي)

    Quote: سمح لي بنقلها لبوست الرفاعيين ركيزة أساس في بناء السودان الجديد ولكم الشكر



    الاخ العزيز / عبدالرحمن الحلاوى

    انت لا تحتاج للاستئذان .... هذا البوست ملكك خذ ما تراه مناسبا وصالحا للنشر فى اى مكان ... واخى وصديقى خالد المنسى كريم جواد لا يمانع بنشر ما كتبه ..


    لك كل الود والاحترام والتقدير
                   |Articles |News |مقالات |بيانات

18-02-2009, 10:11 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    اللي بابلي العوبه يا نديمه

    رواية الفنان مبارك حسن بركات



    اللي بابلي العوبه يا نديمه
    اللي بابلي العوبه وحى ديبا
    ********
    بتكلم عليك يا ولدة الرحمن
    ما كبر السنط وما أدق بمحجان
    ما أدلى الجروف ما لقط الاقطان
    حقبولى ابجفير فى الجفير قرمان
    شدولوا البلاوى في اللجام هويان
    ********
    بتكلم عليك يا خضرة الكوسى
    جيبى القول عليهو الحاشامو كشيب
    خيولو معبدات للكسب والجيب
    القدر ان وقع ما بنفع الجقليب
    ********
    غنى وشكرى الليله يا أمونه
    عجل الهوسكى الساعتو مامونه
    المحرات تكسرو التانيه مدكونه
    قول للمرعفيب سولك اللحم شونه
    ********
    غنى وشكري الليله يا عشه
    ما أتفخر على توب اللباس فشا
    ما أتقنع على الجار القريب خشا
    وقت الشوف يشوف جواده جات خاشه
    دفاع للطرز سيدى برتع الطاشه
    *********
    الليله الأسد جاى من جبال الكر
    اشمشم يكوس بيسأل من العنتر
    وقت الشوف اشوف حاجبه اليمين انصر
    سموك ميتة الفجأة ونهار الحر
    *********
    الليله الأسد جاى من جبال الفيل
    اشمشم يكوس يسأل عن العنتيل
    يا رحل الكحل الديمه وزنو تقيل
    يا جدري الشموم الزول تشقو عديل
                   |Articles |News |مقالات |بيانات

20-02-2009, 05:34 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    ذكر لى الاستاذ الباحث على مصطفى ان اغنية العوبه يا نديمه والتى قيلت فى الامين ود مسمار احد شيوخ العبدلاب شاعرتها هى رابحه بت ناصر وهى تمت بصلة قرابة للامين ود مسمار
                   |Articles |News |مقالات |بيانات

21-02-2009, 03:52 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    حقيقة يا أحمد، أغنيات الحماسة ما زالت تتوهط في القلب،
    أنصع دليل على ذلك الإنقلاب الذي صاحب حفل الفنان صديق سرحان
    ليلة الخميس المنصرم ومستوى التجاوب الذي لقيته أغنية اللطام
    على الرغم من أن الكروز توماهوك وفصيلته لن يتركوا فرصة للسيوف
    أن تخطب على منابر الرقاب مستقبلا،
    يعني تاني نشوف لينا حماسه إلكترونية.
                   |Articles |News |مقالات |بيانات

22-02-2009, 07:34 AM

saif khalil
<asaif khalil
تاريخ التسجيل: 30-01-2005
مجموع المشاركات: 1479

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: محمد المرتضى حامد)

    الدكتور الباهر قرشي

    والعزيز جدا هيثم لبيب

    تحياتي ومودتي

    ارجو مخلصا لو سعيتم الي اعادة تقديم الاغنيات التي جاءت في هذا البوست مشفوعة بلنك الحفظ...اذ ان بعضها او معظمها لا يمكن تشغيلها والاستماع اليها..

    وطلب خاص...ارجو الاتيان بكل ما تملك من اغان لبابكر ود نوبة بلنك الحفظ خاصة

    1- الواعي ما بوصو
    2- خال فاطمة
    3- الاكسير جبل بيلا

    ولكما ودي
                   |Articles |News |مقالات |بيانات

22-02-2009, 12:48 PM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)
                   |Articles |News |مقالات |بيانات

24-02-2009, 05:39 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)
                   |Articles |News |مقالات |بيانات

24-02-2009, 10:47 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)


    الاخ العزيز / محمد المرتضى


    قديما كان لاغانى الحماسه رسالة ووظيفة .. ولكن اظن ان هذه الوظيفة بدات فى التقلص والانحسار نسبة للتطور وقيام الدولة الحديثة التى يحكمها القانون بالاضافة لانتهاء فترة الحروب القبلية .... بل تغيرت المفاهيم نتيجة للوعى والتعليم ....وفتيات هذا الزمن لا يعجبهن الرجل المفتول العضلات الذى يقتل العشرات كما كان سابقا ...بل مقاييس الرجولة قد تغيرت وكذلك مفهوم الشجاعة والشهامة والكرم ... لذلك نحن لا نفصل اغانى الحماسة من المجتمع الذى نشأت فيه بل نحكم عليها فى ذلك الاطار ....

    اغنية بتريد اللطام ارتبطت ايضا بالراحل بادى محمد الطيب والذى اعطاها هذا اللحن الجميل له الرحمة والمغفرة والتحية للاستاذ صديق سرحان ...

    ولك الشكر لحضورك ومشاركتك

    (عدل بواسطة Ahmed al Qurashi on 24-02-2009, 10:57 AM)

                   |Articles |News |مقالات |بيانات

27-02-2009, 09:08 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    أغنية الشيخ سيرو شاعرتها هي أم برعه والدة الشاعر عباس عبدالملك شاعر غنيت للستات ولقد قالت الأغنية في زواج الشيخ بن الخليفة احمد بن الشيخ ود بدر.. ولقد تغنى بالأغنية خلف الله حمد ومبارك حسن بركات وعبدالكريم الكابلى ورمضان زايد .

    الشيخ سيرو

    النصيح جديدو
    البريد الشيخ
    أنا يا ناس بريدو
    *****
    غنت ليك السرارا
    ود العز والقهارا
    ود البدقو النقارا
    عينك حمرا وشرارا
    حاجبك فيه انصرارا
    قلبك فيهو المرارا
    صدرك فيه انكرارا
    دخل البقعه جالا
    وكمل قماش النصارا
    *******
    غنت ليك أم ضمير
    قالت الشيخ وارث كثير
    تلات ألاف صنف البقير
    تلات ألاف صنف البعير
    تلات ألاف درجن صغير
    تلات ألاف وردن حفير
    تلات ألاف فوق في المقيل
    تلات ألاف شايلات حرير
    لاك عمدة ولاك مدير
    دا الفتح المن الكبير
    ******
    غنت ليك أم رسا
    للعريان طبق الكسا
    تلا أرادب عشا
    تلا أرادب عشا
    متحكر لعبادة العشا
    عبدالكريم ترك النسا
    يا ولادة الصفا
    العتق الدم بالعصا
                   |Articles |News |مقالات |بيانات

01-03-2009, 07:08 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)
                   |Articles |News |مقالات |بيانات

02-03-2009, 09:09 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)


    العزيز / سيف الدولة احمد خليل

    شكرا للحضور والمتابعة واغنية الاكسير جبل بيلا لا يوجد لدى تسجيل لها ولكن وعدنى الاخ خالد الشيخ حاج محمود بمجموعة اغانى للفنان بابكر ودنوبه اتمنى ان تصلنى قريبا ... لك وللاسرة التحية والتجلة .
                   |Articles |News |مقالات |بيانات

05-03-2009, 03:20 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    يا أحمد ياخ عملت مداخله طويله عن كلامك في أغنية غنيتا للستات ،
    وانا قصدي الإنبساط ..
    أها هسه صاحبك بكري جا مسح كل المداخلات اللي تمت في يوم 3 مارس.
    ده كلو من أوكامبوالهكر .
                   |Articles |News |مقالات |بيانات

07-03-2009, 04:31 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: محمد المرتضى حامد)



    غنيت للستات
    كلمات / عباس عبد الملك
    والشاعر ابن الشاعرة أم برعه ولقد تغنى بالأغنية الفنان عبدالله الماحي وبادي محمد الطيب وصلاح بن البادية

    غنيت للستات ... انا قصدي الانبساط
    دائما
    يا خلى مع البنات
    ********
    حلمت حلم الخير .....في الجمعه آخر الليل غافيا
    شفت الجيل وشكلو خير .. زى الجوهر وخير
    قولي إن شاء الله خير في خير دائما
    *********
    لابسات تياب القيد.... والصيغة دقه اب زيد
    والعقيد فصل النهيد...ما شفنا مثل اب خديد
    لا فى الصافنات ولا فى الصيد
    *******
    غنائهن ما أتكبر ... طمبارن زام وكر
    طربانن ما فتر ...... يكر زى رعد المطر
    زغريدن حس قطر
    **********

    رقصن تقيل وخفيف .... قلبن ليهم التصنيف
    اعضائى غلبنى اقيف ....... قالن لي يا اخوي كيف
    اصبر وكون عفيف
    ********
    قلت ليهن صبري قل ... وغرامكن بالمقل
    باكيا
    حاش قلبي بمنجل .... لو كان حصل الأجل
    سببي الجفل ووقل
    ******
    امرنى ادخل أهز ... شايل السقايتو تجز
    راكزا
    والأرض تحتي ترز .... جات بت ملوك العز
    شبالها عطرو ينز فائحا
    *********
    قلت ليهن ما بى شئ .. شاويانى ناركن شئ
    من فضلكن لي شئ .... جلسه بعد العشى
    بسنة ابن قصي دائما
    ******
    قالن لي كان داير الجلوس .... اخد ليك منا عروس
    عاجلا
    أسرع جيب الفلوس .... ماالعملة دى البتكوس
    تبرى خروز في خروز
    *******
    سافرت أجيب المال .... من دار برتا القصار
    طافشا
    ما لم يجينى خبر .... سبب البنات ياخال
    سبب لي عقلي ضرر خلل دائما
    *******

    (عدل بواسطة Ahmed al Qurashi on 11-03-2009, 08:24 AM)

                   |Articles |News |مقالات |بيانات

07-03-2009, 06:39 PM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: قلت ليهن ما بى شئ .. شاويانى ناركن شئ
    من فضلكن لي شئ .... جلسه بعد العشى
    بسنة ابن قصي دائما

    مش مبالغه؟
    بس (ديار برتا القصار) دي وين يا أحمد؟
    مؤقتا نقول البرتا في كندا.
                   |Articles |News |مقالات |بيانات

08-03-2009, 04:20 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: محمد المرتضى حامد)

    Quote: ده كلو من أوكامبوالهكر
    .


    الهكر عذبنا يا مرتضى عامل زى المنشار بشيل من المداخلات وعدد القراء


    لك الود
                   |Articles |News |مقالات |بيانات

09-03-2009, 04:22 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    الاخ العزيز / هيثم لبيب


    شكرا جزيلا للاغانى التى تزين بها البوست ... حاولت ان ارسل لك اغنية غنيت للستات بصوت الفنان عبدالله الماحى لكن الشبكة لم تسعفنى اتمنى ان نسمعها بصوت بادى محمد الطيب وصلاح بن البادية .


    لك الود
                   |Articles |News |مقالات |بيانات

10-03-2009, 01:32 PM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)
                   |Articles |News |مقالات |بيانات

11-03-2009, 06:45 AM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)
                   |Articles |News |مقالات |بيانات

12-03-2009, 11:57 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)


    الاخ العزيز/ هيثم لبيب


    اشكرك على اغنية غنيت للستات بصوت الراحل بادى محمد الطيب
    وصلاح بن البادية وما زالت محاولاتى جارية لارسالها لك بصوت عبدالله الماحى

    لك الود والاحترام
                   |Articles |News |مقالات |بيانات

14-03-2009, 06:20 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    ذكر لي الأستاذ خالد الشيخ حاج محمود إن شاعر أغنية البشيل فوق الدبر هو بابا ( شاعراغنية النعيم ود حمد )
    ويقال انه بعد مدح بابا للنعيم ود حمد غضب أهل بابا نسبة لبعض الخلافات بينهم والنعيم ود حمد فاشتكى أهله للشيخ الجيلى ود العباس ود بدر ناظر الخط الخامس جهة الكاملين فقال الشيخ الجيلى لأهله ( انا بابا دا وسمتو وطلعتو) فمدح بابا الشيخ الجيلى ود الشيخ العباس ود بدر بأغنية ( البشيل فوق الدبر ما بكل )... وذكر لي بعض المهتمين إن شاعرة الأغنية امرأة من شرق النيل مدحت بها الطيب ود العبيد ود بدر... ولقد ذُكر اسم الطيب في الأغنية وما زلنا في إطار البحث عن الحقيقة.. نواصل
                   |Articles |News |مقالات |بيانات

14-03-2009, 06:59 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: ( البشيل فوق الدبر ما بكل )...


    انت عارف يا احمد اخوى مافي اعظم تمثبل للشهامة والمروءة اكتر من شيال الدبر .

    الدبر كما يعلم الكل هو الجرح اوالعوارة ( عند العمانيين) والدبر المقصود هنا هي العوارة على ظهر الحمار حيث لا يستطيع الحمار ان يحمل شيئا وهو معور في ظهره . ولعل تشبيه الرجل بالشيال في الدبر مبالغة في سعة تحمله للاحن والمحن رغم ما عليه من التزامات .

    وفي القرآن الكريم جاءت ( ويؤثرون على انفسهم ولو كانت بهم خصاصة)
    انت عارف يا احمد اخوى عندنا مثل بيقول (الاسم مرفعين سيدو) مثلا فلان او علان صاحب الصيت والسمعة المهنية لو في اى كشف لمريض او لمحتاج الناس بيكون عشمهم فيهو اكبر من غيره . ولو المت بصاحب الاسم اى نائبة اقلت من دخله الناس ما بتعذرو بتتعامل معاهو حسب اسمو القبيل والمسكين ما عليه الا ان يلبي طلبات الناس رغم التحول الذي حدث في اوضاعه .

    معزتي

    (عدل بواسطة الطيب شيقوق on 14-03-2009, 07:03 PM)

                   |Articles |News |مقالات |بيانات

15-03-2009, 10:44 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)

    البشيل فوق الدبر

    حسب رواية وغناء الفنان مبارك حسن بركات

    البشيل فوق الدبر
    البشيل فوق الدبر ما بكل
    قدل شيخى للرباع مهيل
    ********
    يا ناير الخوده
    يا سرالرمى يا مكمل الجوده
    الحاره أم دمى أنا شيخي دا بخوده
    الجبل المغور حكار للدوده
    ******
    ساقية ابوى طنت
    تيرانك طرابه وقيره بتقنت
    غنيلك ضحى والبشاقره تتصنت
    ********
    سيدي وسيد السارحه بقيده
    سيدي وسيد الساويه بوليده
    سيدي وسيد الجديه بورهيده
    كم جلسن دقون الطيب بفيده
    ********
    غنى وشكريه الليله يا بنيه
    ترمبيلو الملك بيتو الماهو عاريه
    طاحونتو البتدور الماه مكريه
    ايدك المطره الرعدت ودودت وصبت نهاريه
                   |Articles |News |مقالات |بيانات

15-03-2009, 06:09 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    الاخ العزيز الاستاذ / الطيب شيقوق

    حقيقة هذا البوست يحتاجك كثيرا لشرح معانى بعض مفردات الاغانى الصعبة والغير متداولة

    فنرجو منك ان تسعدنا بحضورك المتميز دائما

    لك ودى واحترامى
                   |Articles |News |مقالات |بيانات

15-03-2009, 07:44 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    احمد اخوي - كيفك

    نعيما والله سماحة حلقة تستحق يحجبوك من العين
                   |Articles |News |مقالات |بيانات

18-03-2009, 01:55 PM

Haitham Labib

تاريخ التسجيل: 27-12-2007
مجموع المشاركات: 386

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)
                   |Articles |News |مقالات |بيانات

22-03-2009, 02:38 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Haitham Labib)

    Quote: نعيما والله سماحة حلقة تستحق يحجبوك من العين


    الطيب اخوى ما عجبك فى البوست دا الا الحلاقه...


    دوما فى انتظارك
                   |Articles |News |مقالات |بيانات

12-04-2009, 03:29 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    العزيز / هيثم لبيب

    شكرا للاغانى التى اتحفتنا بها وخاصة اغنية امانى مراد والتى كنت ابحث عنها منذ فترة


    لك الود والتقدير
                   |Articles |News |مقالات |بيانات

23-04-2009, 08:57 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote:
    هذه الأبيات أعلاها نظمها الشاعر ( ود كروّي ) وهو من قرية مويس
    جنوب شندي وهي القرية التي عاش فيها الفنان الرائع علي إبراهيم
    اللحو ....
    والواضح انه جارى فيها بت بحر النيل ومع أختلاف ( الشخص الذي نظمت فيه )
    فقد نظمتها بحر النيل كما ذكر في النور عنقرة
    وقد ذكرت لي الوالدة العزيزة ( أم الحسن بت بادي الحسن وهي زخيرة لأشعار المنطقة
    ( حفظها الله ومتعها بالصحة )
    أن هذه القصيدة......
    نظمها ود كروّي ( في فلاتي ) قدم لمنطقة شندي ونزل في قرية جنوب شندي اسمها ( حلّة قريش )
    وقع في غرام فتاة من القرية وعندما أراد الزواج بها رفض أهلها...............
    فأستخدم سحره .............
    بعدها ذهب الفلاتي ( أحمر عين ) لبيت الفتاة وسلم عليها وبدأ يسحرها
    ذكرت لي الوالدة أنه كان يحمل كوريا وبها حصى يهزه والبنت تبعته وبدأ يسير خارج القرية
    والبنت تتبعه وهنا هب رجال القرية وكل واحد لفح سكين أو سيف أو عصا وتوجهوا للفلاتي يلحقوه
    وهو قد أقتاد الفتاة بسحره .....
    كان الفلاتي عيونه حمر ويحمل جراب به أسهم ونشاب وبدأ يتصدى لأهل القرية وهزمهم وقتل منهم البعض
    إستنجد أهل القرية بالشرطة من مركز شندي ...
    جاءت الشرطة وتصدى لها أحمر عين وقتل منهم الكثير .. لكن في نهاية الأمر صوب شرطي وأصاب
    أحمر عين في رجله فسقط وبعدها تم اسره
    وبعدها نظم ود كروي هذه القصيدة مجاري فيها بحر النيل ومع فارق الزمن بينهما

    والله أعلم




    العزيز / خالد المنسى

    اعتذر عن التأخير فى الرد ... بالفعل استعمت لهذه الاغنية بروايتك من الفنان محجوب كبوشية ولكن كما قلت سابقا ان اغانى الحماسة تنتقل من منطقة الى اخرى .. ويضاف او يحذف منها بعض الابيات حسب المنطقة اوالمناسبة وتغنى بنفس اللحن مع الاحتفاظ بهيكل الاغنية ... كثيرا ما تقال ابيات فى اشخاص على وزن اغانى مشهورة وتنسب اليهم هذه الاغانى ... لذلك نجد بعض اغانى الحماسه تختلف كلماتها من مغن لاخر.

    لك كل الاحترام والتقدير
                   |Articles |News |مقالات |بيانات

12-05-2009, 04:23 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    كان الشاعر الكبير إبراهيم الفراش في زيارة لصديقه الحاردلو برفاعه سأله الشيخ محمود احد شيوخ قبيلة الضباينه إن كان قد قال فيه شعرا ، فارتجل الشاعر هذه الأبيات ...

    ما بسموك التمساح من الحجر برّاى
    ما بسموك الجاموس من السلاح رغّاى
    ما بسموك الأسد بيكتله الرعّاى
    محمود صاقعة التلوى ال مع الضوّاى

    وسر الشيخ محمود من هذا المدح وأهدى له جملا كريما اسمه الغول .


    التلوى : المطر الذي يأتي في أخر الخريف
    الضوّاى : البرق
                   |Articles |News |مقالات |بيانات

12-05-2009, 09:02 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    دخان ام رشيم عاقباهو خُمرة ضُفرة
    زي كلب القنيص راجيها جنب الحفرة
    السبب البخلي الزول ينوم في الضَّفرة
    توب القرمصيص ياهو البفك الشفرة


    هييييييييييييع كع
                   |Articles |News |مقالات |بيانات

12-05-2009, 09:47 PM

حمزه بابكر الكوبي
<aحمزه بابكر الكوبي
تاريخ التسجيل: 13-04-2009
مجموع المشاركات: 2121

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)

    Quote: انت عارف يا احمد اخوى مافي اعظم تمثبل للشهامة والمروءة اكتر من شيال الدبر .

    الدبر كما يعلم الكل هو الجرح اوالعوارة ( عند العمانيين) والدبر المقصود هنا هي العوارة على ظهر الحمار حيث لا يستطيع الحمار ان يحمل شيئا وهو معور في ظهره . ولعل تشبيه الرجل بالشيال في الدبر مبالغة في سعة تحمله للاحن والمحن رغم ما عليه من التزامات .

    وفي القرآن الكريم جاءت ( ويؤثرون على انفسهم ولو كانت بهم خصاصة)
    انت عارف يا احمد اخوى عندنا مثل بيقول (الاسم مرفعين سيدو) مثلا فلان او علان صاحب الصيت والسمعة المهنية لو في اى كشف لمريض او لمحتاج الناس بيكون عشمهم فيهو اكبر من غيره . ولو المت بصاحب الاسم اى نائبة اقلت من دخله الناس ما بتعذرو بتتعامل معاهو حسب اسمو القبيل والمسكين ما عليه الا ان يلبي طلبات الناس رغم التحول الذي حدث في اوضاعه .


    تسجيل حضور في هذا البوست الرائع مثل صاحبه واول دخول لي بعد مشكله فنيه عطلت دخولي للمنبر فتره

    الاخ الطيب شيقوق مشكور جدا لشرح معاني اغنية البشيل فوق الدبر وتعرف لفتره قريبه جدا كنت اعتقد ان الدبر المقصود
    هنا هو الدبار ( احد انوع الذره ) ولم اكن اعرف ان كلمة الدبر هي مقصود منها دبرة الحمار .
    لك ودي ومحبتي
                   |Articles |News |مقالات |بيانات

13-05-2009, 08:22 AM

محمد المرتضى حامد
<aمحمد المرتضى حامد
تاريخ التسجيل: 14-08-2006
مجموع المشاركات: 10372

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: حمزه بابكر الكوبي)

    والله يا عادل الرباطابي الله يطراك بالخير،
    كان يقفز عاليا من الحماس ويعود للأرض في
    رقصة الصقرية وتعود بن بعده - بمدة - طاقيته الشهيرة.

    (عدل بواسطة محمد المرتضى حامد on 13-05-2009, 08:26 AM)

                   |Articles |News |مقالات |بيانات

13-05-2009, 11:09 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: محمد المرتضى حامد)


    قابل بعض الشبان إبراهيم الفراش وهو في طريقه من رفاعة لبربر ، ولقد غاظهم إهداء الشيخ محمود جملا له فقالوا له ( الزول منو ) ؟ والحرب بدايتها الكلام، فارتجل الفراش هذه الأبيات التالية ردا عليهم ....

    لا بسرق ولا سرّاق بصلنى
    ولا برجف ولا خوف زول دخلنى
    مجــــالس خنتليســـا شلخه بنّى
    ألاقى الموت أخاف لا يصيّبنى

    ثم أطلق عليهم عيارا ناريا فولوا هاربين
                   |Articles |News |مقالات |بيانات

13-05-2009, 02:01 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: دخان ام رشيم عاقباهو خُمرة ضُفرة
    زي كلب القنيص راجيها جنب الحفرة
    السبب البخلي الزول ينوم في الضَّفرة
    توب القرمصيص ياهو البفك الشفرة


    مبالغة يا و شيقوق

    نسلم
                   |Articles |News |مقالات |بيانات

13-05-2009, 11:54 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)


    ويفتخر إبراهيم الفراش بملهمته ذات الخد الموسم في هذه الأبيات ...

    قصيبة في أب عدار واديها نسّم
    طويل الليل علي والنوم مقسّم
    طريت الفي البنات لابسه المرشّم
    مسيخ الجيل بلا أم خدا موسّم

    أب عدار : اسم موضع
    المرشم : الزمام
                   |Articles |News |مقالات |بيانات

15-05-2009, 08:26 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: تسجيل حضور في هذا البوست الرائع مثل صاحبه واول دخول لي بعد مشكله فنيه عطلت دخولي للمنبر فتره



    الاخ العزيز / حمزه الكوبى


    شكرا لحضورك الانيق وسعيد جدا بوجودك وزيارتك

    لك محبتى
                   |Articles |News |مقالات |بيانات

15-05-2009, 05:56 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    كان الشاعر ابراهيم الفراش يسير يوما مع زميله الشاعر إبراهيم الرتيس ، ومدح نفسه بالأبيات الأربعة الأولى ، وطلب منه إسماعيل أن يقول في نفس المعنى مع اختلاف القافية ، فلبى الشاعر رغبته ومازال إسماعيل يطلب والشاعر يجيب ( ديوان الفراش صفحة 100) ..


    أنا البحر الكبير حاوي التُراسه
    وأنا الجدري الوقع في الحله داسه
    بشد البانقيرسمح السياسه
    وأنا إبراهيم أخو شلخا مواسى
    **********
    أنا البحر الكبير حاوي الجزاير
    وأنا الجدري الوقع في الحلّه داير
    بشد البانقير سمح النفايل
    وأنا إبراهيم اخو اللابسه الجباير
    ************
    أنا البحر الكبير الدابو حمّر
    أنا قدحة زناد مُدفع معمّر
    بشد البانقير جملي المضمّر
    وأنا إبراهيم اخو أم عفشا مجمّر
    *******
    أنا البحر الكبير إن عبر ونى
    وأنا رحل الكحل إن ميلونى
    أنا شوك الكتر إن جرجرونى
    وأنا الجن البخلى الزول ينونى
    ********
    أنا البحر الكبير جاب الكُليته
    وأنا رحل الكحل متموم شطيطه
    أنا الجن الوقع في زولُه عيطه
    وأنا إبراهيم اخو المحزوم رحيطه



    البانقير : اسم جمل الشاعر
    ينونى : يتكلم مع نفسه دون وعى

    نواصل ....

    (عدل بواسطة Ahmed al Qurashi on 16-05-2009, 11:23 AM)

                   |Articles |News |مقالات |بيانات

16-05-2009, 11:17 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    نواصل مع إبراهيم الفراش وأشعاره في الشجاعة والكرم والشهامة والتي يتغنى بها خلف الله حمد....

    أنا قلاّل رفيقه
    وأنا فرج العيال ساعة يضيقوا
    أنا الدابى الرصد للزول يعيقه
    وأنا المأمون على بنات فريقه
    ********
    أنا النصيبه
    وأنا الأسد العرز جُوّ الزريبه
    أنا الكوّر رصد شايف ضريبه
    وأنا المأمون على الجاهله وغريبه

    النصيبه : المصيبة
    عرز : قعد
                   |Articles |News |مقالات |بيانات

16-05-2009, 11:35 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    الاخ حمزة بابكر الكوبي

    الاخ الطيب شيقوق مشكور جدا لشرح معاني اغنية البشيل فوق الدبر وتعرف لفتره قريبه جدا كنت اعتقد ان الدبر المقصود
    هنا هو الدبار ( احد انوع الذره ) ولم اكن اعرف ان كلمة الدبر هي مقصود منها دبرة الحمار .
    لك ودي ومحبتي



    الله يخليك وربنا يجعلك شيال في الدبر زى جمل شاعرنا الدوبوا فيهو وقالوا :-

    Quote: تيسو أصيل بشارى وناقتو أم حيران
    وشقاق للدروب ماهو البتوه حيران
    جرارق السواقى الأمو بت تيران
    وشيال فوق دبر ماهو البقول فتران


    خالص ودى
                   |Articles |News |مقالات |بيانات

16-05-2009, 03:32 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)


    كان الشاعر إبراهيم الفراش يجالس يوما فتاة جميلة يجاذبها أطراف الحديث ، ودخل عليهما فجأة ابن عمها وأطلق على الشاعر عيارا ناريا ولم يصبه لحسن الحظ ، ودارت معركة بالايدى بينهما كانت الدائرة فيها لابن العم ،فارتجل إبراهيم الفراش هذه الأبيات ....

    فرُوجة الجداد الدندريّه
    لا كاكت ولا لي ديك دنيه
    تعيّبنى إن جفل من مطر حيي
    كم لاقيت جُلل مُو بندقية
                   |Articles |News |مقالات |بيانات

16-05-2009, 04:04 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    من الطرائف في الدخان ، قالوا واحد جاء داخل الحلة المغرب والدخاخين عاكلة في كل الإتجاهات ، وأخونا جاي زعلان من المباراة التي إنهزم فيها فريق قريتهم والسبب كان الباك الشمالي وهو دائما مشكلة الفريق . فأصبح يفرك في راحة يديه وصاك أسنانه ويتأفف: قال ليهن ( كل يوم تتدخنن قالبكن تجيبن ليكن باك شمال )
                   |Articles |News |مقالات |بيانات

16-05-2009, 09:04 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: الطيب شيقوق)


    قال إبراهيم الفراش ....

    لا بخشى بلك لا بخشى كاتب
    ولا الناس الكبار أهل المراتب
    عن رد الجواب بعرف أخاطب
    حديث في فنقه ما جخة مصاطب

    البلك : رتبة بالجيش
    أهل المراتب أصحاب الوظائف الكبيرة والنفوذ
    الفنقه : العراء
    الجخه : ادعاء المرء بما ليس فيه
    المصاطب : جمع مصطبة وهى الدكة تبنى في غرف الجلوس أو غيرها توضع عليها حشايا القطن أو الصوف، ومن فوقها السجاد وكانت في ذلك الزمان بمثابة كراسي الجلوس في زمننا هذه ( ديوان الفراش)
                   |Articles |News |مقالات |بيانات

17-05-2009, 10:59 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    عتباي درك

    كان الشاعر الفراش مرة بعتباي فطمع فيما عنده احد رجالها ، قال الرجال ..

    عتباي درك
    فراش ورط فيها اندرك
    أتحزم امسك خنجرك
    خلّيها قدلة بندرك

    فأجابه الشاعر....

    ايّانى ماسك خنجري
    وسيفي السنين الدُكرى
    ما بخلّى قولة بندري
    عند الكتال أنا عسكري
    من قمت ما بعرف الجري
    وأنا اخو أم لهيجا سُكرى

    وهجم كل منهما على الآخر فحال بينهما الحاضرون
                   |Articles |News |مقالات |بيانات

17-05-2009, 03:38 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    Quote: من الطرائف في الدخان ، قالوا واحد جاء داخل الحلة المغرب والدخاخين عاكلة في كل الإتجاهات ، وأخونا جاي زعلان من المباراة التي إنهزم فيها فريق قريتهم والسبب كان الباك الشمالي وهو دائما مشكلة الفريق . فأصبح يفرك في راحة يديه وصاك أسنانه ويتأفف: قال ليهن ( كل يوم تتدخنن قالبكن تجيبن ليكن باك شمال
    )

    العزيز / الطيب شيقوق

    بالغت فى دى ... لقد اضحكتنى كثيرا


    لك الود
                   |Articles |News |مقالات |بيانات

18-05-2009, 11:26 AM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    أب نفلين

    أغنية أب نفلين هي كلمات الشاعر احمد محمد الشيخ الجاغريو وهى من اغانى الحماسة الجميلة ولقد تغنى بها الفنان خلف الله حمد نتمنى أن يسمعها لنا العزيز هيثم لبيب ...

    أنا غنيت على أب نفلين
    يا سيدي الرسول تنجوه من العين
    ********
    الليله اللدر* بتمشى في الوديان
    طالع من القيف ومن الغضب مليان
    بعزل في الجواميس ما بكشكش الغزلان
    بتذكر حديثها وخدها النديان
    *******
    برز في الميدان بتطلع المجهول
    وبطرنه البنات ساعة الضجيج والهول
    ده أب نفسا رضيه الحقه فيها القول
    ده أب سيفا بشلع الخوده وبقسم الزول
    *********
    الليله الجنيات في الوادي ليهم صوت
    يضحك مانجلن*ساعة الكتال مبسوط
    يتبسم يجيك من تبّ هيله الفوت
    وما بيأسف على الروح الوراها الموت


    *اللدر : التمساح
    *مانجلن : رئيسهم
                   |Articles |News |مقالات |بيانات

18-05-2009, 04:52 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    الظايط

    أغنية الظايط شاعرها هو احمد محمد الشيخ الجاغريو ولقد قالها في العمدة بركات عبالقادر عمه وعمدة العيلفون في إحدى المواقف الشجاعة له ....
    ولقد تغنى بها الفنان الكبير مبارك حسن بركات ....

    الظايط ما بنقدر .... سيل الوادي المنحدر
    ***********
    الليله الظايط جاكُم حايم
    صاحي ما بتلقوه نايم
    شادى الخيل أمات لجايم
    أسد الخشش أب قوايم
    هاشك فوق أم تمايم
    ********
    النيل العم التراسه
    البليغ من غير دراسه
    خاتنلنوا النظاره وراسه
    شدوا ليه على أب جراسه*
    وقفل أبواب الفراسه
    ******
    صُد يا عازل وإنقرع
    ده الأصل والناس فرع
    الوافر ما بنضرع
    سيفه وكتين ينشرع
    بياخد الزول والدرع
    ******
    ما شفت أخوك يا أم سماحه
    العاصيات كسر جماحه
    عينه للبعيد لماحه
    الخيل الشبكن رماحه
    شافنه وصدن قماحه
    ******
    مـــــا تهـــــمــــوك بنمــــــيمــــه
    بتكفى ضيفـــــان الهـــــجـــيمه*
    سيد بت فرج وسيد حليمه
    القصدوا التار رضوا بالهزيمة


    *أب جراسه : الخيل عندما تزحف بالأجراس
    *ضيفان الهجيمه : ضيوف منتصف الليل
                   |Articles |News |مقالات |بيانات

18-05-2009, 08:20 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)



    للميدان مارقين سوا

    كلمات الشاعر احمد محمد الشيخ الجاغريو وتغنى بها ثنائي الدبيبه ...

    للميدان* مارقين سوا .... هوى الليله
    شافن العدو انكوى
    *******
    يوم الدفاس والدودوا ........ المسقى* في الهامات عوى
    ما ضلوا ما بعرفو الحوى .... وعدوهم يشرب ما روى
    **********
    سيوفُن للطغيان دوا ...... وخصيمن ما بشم الهوا
    يوم الجبان خاف وانطوى .... أخوى زى صقر الجو خوا
    ********
    يوم الخيول العركلن ..... فوق الجثث اتكلن
    ديل زغرتن ديل ثكلن .... وصقور الجو جن ياكلن
    ***********
    أماتو قالن لو اللدر .... مالنا بنشوف جسمك خدر*
    قال ليهن الدم بنحدر .... وان مت ما تقولن ودر
    *******
    قالن له اصبر يا المهل ..... حارس البيوت حارس الأهل
    قال ليهن المكلوف* صهل ..... داير الدفاس وسط السهل

    * الميدان : ساحة الحرب
    *المسقى : السيف
    *جسمك خدر : من كثرة ضرب السيف
    *ودر : مات
    * المكلوف : الفرس
                   |Articles |News |مقالات |بيانات

18-05-2009, 08:45 PM

إبراهيم عبد الحليم
<aإبراهيم عبد الحليم
تاريخ التسجيل: 31-10-2008
مجموع المشاركات: 3543

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: Ahmed al Qurashi)

    أخى د. أحمد
    تحية حارة
    عندى أغنية جديدة لحنتها على إيقاع السيرة هذه كلماتها:


    ضرغـــــام الاســود

    شعر : يوسف حمد أبوزيد

    الفى الاسود ضرغام عاجبنى النتر
    الفارس الشجاع حاشاهو ما بنضام

    ***
    ياحر الهجير اللى الخصيم كواى
    ياراجح العقل معروف سليم الرأى
    سناد للضعيف ... ولليتيم رباى
    ولضيف الهجيع وكتين يجيك عشاى
    بتخلى الرعاع .. يتضارو منك جاى

    ***

    ود عز الرجال فخر الفريق من جم
    ضرغام الاسود ... ما بذكروك بنم
    معروف ود رجال أصيل وكامل تم
    براد للحشا .... شوفتك تزيل الهم
    حراس القبيلة ... وستار بنات العم

    ***

    ود عز الرجال فخر الفريق من جم
    ضرغام الاسود ... ما بشكروك بكم
    معروف ود رجال تمسح حمار الدم
    براد للحشا .... شوفتك تزيل الهم
    حراس القبيلة ... وستار بنات العم

    ***

    إبراهيم عبد الحليم
                   |Articles |News |مقالات |بيانات

18-05-2009, 08:56 PM

إبراهيم عبد الحليم
<aإبراهيم عبد الحليم
تاريخ التسجيل: 31-10-2008
مجموع المشاركات: 3543

للتواصل معنا

FaceBook
تويتر Twitter
YouTube


Re: أغاني الحماسة والسيرة .. محاولة للتوثيق (Re: إبراهيم عبد الحليم)
                   |Articles |News |مقالات |بيانات


[رد على الموضوع] صفحة 4 „‰ 5:   <<  1 2 3 4 5  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de