دة مِنو يا هِشام عبّاس

Quote: التيس علاء ما دام اتزوج مصرية اقدر اقول ليك فعلا كلامك صحيح دة طلع نسيبى جد بما انى سودانى محسى وبشرب من موية النيل وبما ان هذه الزوجة مصرية وشاربة موية النيل يبقى كدة انا والمصرية اخوان بالرضاعة دى فعلا طلعت اختى .. من زمان بنسمع شعراءنا بيقولوا (مصر يا اخت بلادى يا شقيقة ) يعنى اخوات واشقاء كمان بس المحيرنى فى الموضوع اشمعنا صاحبك دة وقف على 15 يوم ؟؟ يا اخى كان يخليها شهر شهرين او تلاتة وبعدين هو تعبان متزوج 15 يوم ليه ؟؟ ال15 يوم دى كان ممكن يقضيها ساكت هبتلى كدة ما دام معاه فلوس زول ماشاء الله سارق مليارات اتحاد المزارعين غالبو ياخد مصرية 15 يوم من غير زواج ؟؟ يا اخى قصة الاشلاق دى قالوا كانت من غير زواج سيبك من المصرية

يا أبو الشُّوش
خلاص خوّفتني و حتسكِّتني
تصدِّق



لو داير تريِّحني في حناني عليك الله أحكي لي قِصّة الإشلاق دي على الملأ و عافي ليك
بالمُناسبة أنا بحِب القِصص جِدّاً جِدّاً جِدّاً



لكن بس عليك الله ما شينة مِنّك تنكُر نسيبك؟

بعدين إنت زعلان مالك و شابكني أنا ممن أصل بيتك و أُسرتك و بِتاع
ياخي شوف أنا عافي ليك
لو لقيت ليك زول حرامي و نصّاب و ناهب البلد
و جيت أنا أشتم فيهو و كان مناسبني في بيتي
تعال رُشّني رش جد
أها قولك شِو؟



بعدين و إنت عايز تنكُر نُصّك المصري و دة عيب عليك
شوف و أسمع كويِّس
أنا لا يهُمّني يناسبك في أُمّك أو أُختك أو غيرهن من نساءك
ما يُهُمّني إنّك تجي تشتمو و تشهِّر بيهو و تعمل فيها رايح مِنُّو و ما بتعرفو
في الوقت اللي كان خادعك إنت ذاتك و داخل جُوّة بيتك و مناسبك

يبقى هِنا موضوعك شخصي أكتر من عام
و دة محلو محكمة الأحوال الشخصية
تمشي تشتيكهو و تطالبو بي نفقة أو غيرو
لكن ما تجي تقشر لينا هِنا و تعمل فيها مُناضِل
عايز تناضِل في زول كان نسيبك و عايش مع أقرب النّاس ليك برباط شرعي
فسيب اللولوة و الولولة يا ود بُمبة