نــــــــــادي الطمبــــــــور

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 03:22 PM الصفحة الرئيسية

مكتبة علاء الدين يوسف علي محمد(علاء الدين يوسف علي محمد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-01-2005, 07:24 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: riad atta)

    الحبيب raid atta
    و الطنابرة معاك بغنوا:



    لا شوفةً تبل الشوق ولا رداً يطمِّن
    أريتك تبقى طيب إنت أنا البي كلو هيِّن
    قِليباً لي رِهيِّف عارفو ماب يحمل حنيِّن
    إنت ماب يغباك حالو الفيهو كل البيهو بيِّن
    بقيت مالي غير أشعاري أكتبه فيك وأدوِّن
    أقول يمكن تزيل ما بي ولاّ قليل تهوِّن
    ومالكن يا قماري بتشدن إيش لازمة تغنِّن
    نغيماتكن تهيج أشواقي للعينين يبكِّن
    بدّيكن وصية أمانة لي سيد روحي طيرن
    ترا الحال العلي شُفتنو قولن ليهو أحكِن
    قولولو السحب في روضو ما عادن يَكبَِّن
    وأضحى محل خراب ما فيهو غير زهراً مضبلن
    قولن ليهو ليلو طويل .. طويل.. طولاً يجنِّن
    لا قمراً ظهر في سماهو لا نجمات يضوِّن
    وكل ماليهو يتصبّر يقول أيام يعدِّن
    يمنّي لنفسو بي لقياك ولاّ ترُدَْلو يمكِن

                   |Articles |News |مقالات |بيانات

07-01-2005, 07:34 AM

ود الشيخ


للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)




    الشاعر البمدع محمد طه القدال


    أماتي القبيل بي حنهن لجني
    كرفة وقدلة كيف شوق اللبن رجني
    حزناً جاني في ميع الصبا يلجني
    أطلع مني يا جلدي المنمل جني
    وأطلع مني يا حزنا بقي مكجني
    خلني ابدي مسداري
    واودي قفاي لي دارا بقت مي داري
    وجيتا وجيت بينا و بين عضاي الشحمة
    الا النار بقت قدامي
    جلدي الليلة وبينو وبين عضاي المافي
    الا تراني شوال الكبس
    نفيخ جراريب الورم هدامي
    في جلدي الورم قولن لي ولا صحي الورم عضامي .؟
    سفريتك مي في النية مي ها الكانت محرية
    خابراك عريف ...
    ذم العربان ولا قيام الوردية .؟
                   |Articles |News |مقالات |بيانات

07-01-2005, 07:41 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 26637

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    من العطش النص اتوفى.. وباقي النص الفضّل جيفة

    هدية للجميع بدون فرز مع أجمل التحايا والأمنيات بزوال الكراهية والبغض من النفوس.. وإحلال المحبة والتقدير والاحترام محلها.. أزيلوا "صقر" "صدأ" الكراهية والعنصرية فيلمع معدنكم بما هو أصلكم يا أبناء مهيرة، و "هل تغرس إلا في منابتها النخل"؟
                   |Articles |News |مقالات |بيانات

07-01-2005, 11:28 AM

AL GURAIR


للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: Yasir Elsharif)


    التحية لك أخي " علاء الدين " وانت تقود هذا الركب الجميل ممتطيا صهوة جواد حلو الكلام الذي يتسرّب عبر الروح والجسد ويتشكّن " جوه جوه الجوف...التحية لكل الذين ..اتوا ..والذين هم ..في الطريق...
    وهذا ...واقع نعيشه جميعا ..وسوف يظل ..كامن في دواخلنا ..صاغه الاستاذ الشاعر السر عثمان الطيب في قصيدة لا زلنا نرددها ..ونستحضرها في كل حين ...
    بلا خبر طق... الخبر
    ..مالي البلد ..قالو ا العريس قام بالاحد
    الحلي جاطت والحريم يتهامسن ..جاي الولد...
    كوم من بنات للبير ورد..يتحدثن..جاي الولد
    يا بختها..واشوقنا نحنا..لليينا جمر الشوق وقد
    كل الحديث الليلي فوق بت البلد .......
    ***
    لامن خلاص
    الليل دخل..وآخر شعاع من الشمس روّح نزل
    ضوء القميرة جاء من بعيد... بهّر قدل
    دافر ظلام الحلي قدامو ووصل
    ناس البلد ..النام رقد ..والماسك السبحه...وعبد
    مشغول هو بي خبر العريس ..القالوا قام يوم الاحد
    ***
    هناك بعيد بي
    غادي ..في آخر الديار
    راكوبة ضلها أحر من حر النهار
    كوم من بروش... وجريد تمر.. عيدان صغار
    دلوق هدوم موروثة ..من زمن الكبار
    ثلاث عناقريبا صغار..كرّابا..متقطّع نزل
    والنوم من البفوقا روّح تب جفل
    راقد هناك كوم من ضياع..مركب مسافري...بلا شراع
    أحلام مسافري بلا وداع..ودموع ضياع تتجارى من غير انقطاع
    احرف أنين ..ما خطتن ايد بي يراع
    ليلا نجومو يودعنو مسافرات ..هن سراع
    ***
    بت البلد عبراتا سدّت ..في الحلق
    تبكي وتنوح ..تشرب دموعا وتنشرق
    لمّان حسيس نقاره ..جاها من الشرق
    قامت مع الليل صنقرت
    وبكت بكت ..شالت طريحتها
    للدميعات ..كفكفت

    فجأة السنين ..الفاتو ..جن
    أيام زمان اتلملمن.
    اتذكرت....
    كانت تقوم فجرا صباح
    لمّن يقوموا أهل الصلاح
    ابوها شايل السبحه..صاح...
    يا شافعه..سوّي الشاي سريع..شدّي ..الملاح
    شيلي المناجل ..وامشي قدامي...الجرف
    ***
    اتذكرت ..كانت تسبقو وتمشي تنزل بي تحت
    تمسك سبيطة التمرة
    بايدها ..وتحت
    تصل البحر ..والموج يداعبا فوق هدوما ..ينط يرش
    ***

    بعدين... تشيل القش تفوت ..واليوم يفوت..
    وتفوت سنين وتمر سنين
    يكبر عمير بت البلد ..
    ويكبرمعاهو كمان حنين
    ***
    في يوم صباح وصباح هناء
    واحة عبير نغمة غناء
    ريحة.. لبيني مقننه
    مر الجنا ...وسلّم علي بت البلد
    ذي عادتو سلّم... وابتعد
    تابعاهو ..عين بت البلد

    بت البلد ..سمعت ضريبات القلب

    .. يا الله ...مالو ده ها القلب
    بعد الثبات كيفن خرب
    بت البلد ..عرفت...تحب
    ***
    اليوما داك بت البلد ما جاها نوم
    ما دام خيال ود البلد يمشي...ويحوم
    بين الخيال ..شافت وجيهو الهاش وباش
    ***
    بت البلد.. تاهت مع الشوق
    اللي ما عاد يننكتم
    والصورة هادي الفي القليب بتترسم
    اسمو العلي نونات خديدها..صبح وسم
    ***
    تاهت مشت سايقاها دقات الدليب
    لدار حبيبا ..مني ..القليب
    لقعدة عصراوية ..فوق العنقريب
    للونسي والخاطر يطيب
    لمسكة في ايد..الحبيب
    الوقفة قدام الجنات
    القرمصيص ..وغنا البنات
    يا الله ..وين تلقى...الثبات
    الصفقة من تالا الولاد
    ماب تسمعها ..جاياها ..من آخر..بلاد
    ***
    بت البلد ..اتذكرت كيف حاج محمد ..والدها
    حالف يمين..ود البلد ما..يآخدا
    لو كان ركع قداما ..صلي ويعبدها
    ***
    اتذكرت كيف حاج محمد...والدها
    قال ليها ما عندك ادب
    تعبان سنين فوقك تعب
    وادّيك لزولا..كعب
    تربال ..وعيشتو عدم عدم
    لا قارئ لا ماسك قلم
    تاخديهو تندمي صح ندم
    يشقيك ..يوريك الالم
    ***
    بت البلد ..
    اتذكرت كيف حاج محمد...والدها
    وصف العريس ..الجاي بقطر الاحد
    كتّر محاسنو وعددها...
    راجل موظف عندو..مال
    يأويك في بيت الحلال
    تبقيلو كيف ام العيال
    ***
    بت البلد..اتذكرت
    لمان ابت قول حاج محمد والدها
    كيف نهّرها ..وحالف يمين ..بيودرها
    لو ما رضت
    يالجاي ..بقطر الاحد
    اتذكرت كيف الحبيب ود البلد
    في الغربة روح..وابتعد
    وبكت بكت بت البلد ..
    لما الخبر ذاع في البلد انو العريس قام يوم...الاحد
    الحلي جاطت والحريم يتهامسن جاي الولد

    التحية للأستاذ الشاعرالسر عثمان الطيب ..
    ومعذرة ان كانت هنالك اخطاء املائية او لغوية ..لأننى كتبتها بعد سماعها من شريط كاسيت

    الفاتح عبد الله طه / القرير
                   |Articles |News |مقالات |بيانات

07-01-2005, 11:43 AM

خضر عطا المنان
<aخضر عطا المنان
تاريخ التسجيل: 14-06-2004
مجموع المشاركات: 5191

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: AL GURAIR)

    Quote: أخونا خضر عطا المنان :
    كان معي محمد سعيد دفع الله ويسلم عليك وقال لك نحن خلاص بنستعد للرجوع
    بس إنت متين؟؟ بعدين ياخي محمد سعيد أداني سر خطير.. وهو إنك بحساب
    الزمن فإنت عمي وليس العكس.. من الآن فصاعدا عليك أن تخاطبني بي ( ود أخوي)


    والله آ..عمنا مامان :

    أنتو دايرين تلحقوني النعام آدم واللا شنو ؟؟؟.

    ان صح حمدسعيد قال الكلام دا .. بس يبقى طلق عديل !!!!

    قولو عجل بالرجوع .. قبال يقوم يجدع الحجار في شوارع الرياض !!!!.

    وجاييكن راجع تاني .

    بس أدوني اللذن خلوني اللشوف بى هناك حاصل شنو مع قصيدتي البى غادي

    ديك : ( دمعة أم ثكلى ) اللت الأم المسيكيني دي الفقدت وليداتا اللتنين

    رضيع وشافع صغيرون اسمو ( راما) ,,

    في أمان الله .

    خضرعطا المنان
                   |Articles |News |مقالات |بيانات

08-01-2005, 01:53 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: AL GURAIR)

    الفاتح ود القرير
    يا كريم الأصل و النبتة
    حباب أهل القرير قوز قوز و ساقي ساقي
    ما أجمل الكلمات التي أهديتها لنا و فعلاً زي ما قالوا الشباب البوست دة بقى شحمااااااااان الله يستر عليه من العين.
    لا زلت أذكر يوم ذهبنا أنا و الأخ أبو القاسم سيد أحمد خالد صاحب شريط "ناعسة العينين" وهو من قوز قرافي إلي موقف باصات الشمال و معنا أحد حناكيش العاصمة و بيد أبو القاسم خطاب مرسِّلو لوالدو في القوز و لا زلت أذكر الدهشة التي إرتسمت على وجه حنكوشنا حينما سلّم المظروف الذي يحتوي على قريشات البندر لأحد الراكبين "من طرف" دون حتى تدقيق في هويته و قال له "لمّا تصل قوز قرافي قبالة دكان أبوي سيد أحمد إن البص وقف أنزل وسلمو ليهو في يدو و إن ما وقف لامن تصل قصادو أسكت أرمو و بيصل"
    ما أنقاكم يا أهلي الحنان و ما أروع جمال القرير و الفي قفاهن ديسن شرّ
    و بالله ألحقنا بكل ما عند سيد أحمد عبد الحميد خاصة قصيدة الجن.
    مع ودي
                   |Articles |News |مقالات |بيانات

08-01-2005, 01:39 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: Yasir Elsharif)

    الحبيب ياسر الشريف
    شكراً على الطلة و اتعليق الجميل عن أهلي الحنان "وهل تغرس إلافي مابتها النخلُ؟"
    و أزيدك كمان
    أهلي الحنان زي النحل من يتلطف به يجد منه العسل و من يتطفل عليه يجد منه اللسع" و إنشاء الله عسلنا تشرب منو لامن تنشرق قول آمين
    و الهدية مقبولة و بعد إذنك سنقوم بنسخها و إنزالها لعشاق النادي
                   |Articles |News |مقالات |بيانات

08-01-2005, 00:50 AM

ود الشيخ


للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)



    شخل ده لقيتو في السفحة التانية
                   |Articles |News |مقالات |بيانات

08-01-2005, 02:12 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ود الشيخ)

    ود الشيخ الرايع
    تسلم كتير على مجهوداتك الحلوة معانا و مشاركاتك الجميلة و بالله واصل ما أجمل حضورك
                   |Articles |News |مقالات |بيانات

08-01-2005, 02:23 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    الحبيب منصوري

    من أعزّ ديار انا
    منصوري موقد نار أنا
    إن وقف في الباب أنا
    لاقوني بالترحاب أنا

    حبابك و بك يطيب المقام
                   |Articles |News |مقالات |بيانات

08-01-2005, 02:25 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    زول بن زول
    يا ودجعل
    سيد الأصل الماك فسل
    إنتساب شنو يا ود العم
    إنتة عضويتك قبال عضويتي في النادي
                   |Articles |News |مقالات |بيانات

08-01-2005, 07:05 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    و من صديق أحمد صاحب الصوت الماسي :


    بلالي متين يجي آيمة بلالي متين يجي
    نركب البيسابق الريح
    نمشي في الخرتوم نستريح
    الخدامة تسوي التبيخ
    وكل جمعة نزور الضريح
    يمة بلالي متين يجي

    الرسول يام الهدايِّي
    قولي لامي انا ماني جايّي
    كنا نشرب لبن السعايِّي
    بقينا نشرب لبن الشرايِّي
    المي من الماسوري جايِّي
    تبخينا في الحلة أم غتايِّي
    آيمة بلالي متين يجي

    الرسول يا ود عمتي
    إن دُرتة راحتي ودُر جمتي
    رسل التسريح اللسافر
    بلالي متين يجي
                   |Articles |News |مقالات |بيانات

08-01-2005, 08:46 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    و كلمتين حنان تاني من صديق:


    أجيكم و الحنين كاسحني سيلو
    ألاقيكم قليبي يفش غليلو
    يهد حزن السنين الهدّ حيلو
    سنين محسوبة من غيركم خساير

    أضوق طعم الحياة الطولتو فاقدو
    أحس فرح الصغير الضمّة والدو
    صغيرنا على كبيرنا ألاقي اقالدو
    و أجي البيت زي عريس زافنو ساير

    سنين ريدتنا فوق القيف نعيدة
    وكت كان العمير أفراح وريدة
    يرن طنمبوري للأفراح يعيدة
    يبوح بأشواقي لي ست الضفاير
    يسوقني الشوق
                   |Articles |News |مقالات |بيانات

09-01-2005, 00:09 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)



    لا بتالفو ولا بتوالفو لا قادر منّو تقنع
    قريني مصاقر قرينك شقي الحال ما بيقنع
    و قالو لي بترجى شافعة قت ليهم لو بترضع
    قالو لي صباك ضايع قت ليهم بيها برجع
    وصوا ساكت توصوا وصيتكم ما بتنفع
    شوف العين شن بسوي لجايعن بدو يشبع
                   |Articles |News |مقالات |بيانات

09-01-2005, 03:28 AM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    ظهر امس كنت مع الفنان محمد جبارة وحدثته عن هذا البوست وتكلمنا طويلاً عن نادي الطنبور والدور الذى يفترض ان يقوم به وكان الحديث ثر وشيق اتمني ان انقله لكم فى مداخلات لاحقة لانه يستحق النشر
    ود جبارة يرحب ان يكون ضيف على منتدانا وقى الثريب سافتح بوست جديد لتلقى اسئلتكم لاستاذنا ود جبارة ليقول الكثير

    (عدل بواسطة ابو يسرا on 09-01-2005, 03:34 AM)

                   |Articles |News |مقالات |بيانات

09-01-2005, 03:48 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ابو يسرا)

    أبو يسرا
    أولاً نتمنى أن تنقل له تحياتنا و قد جمعتني به من قبل جلسة خاصة في الخرطوم و الرجل معطاء بمعنى الكلمة.
    أنا على أتم الإستعداد لإنشاء موقع إلكتروني خاص بالنادي و إن كنت أفضل أن يكون بإسم مروي ليشمل نشاط رابطتنا الطلابية الضخمة في شتى أنحاء العالم و رابطة أبناء مروي لغير الطلاب في الداخل و الخارج.
    تحياتنا مرة أخرى لود جبارة
                   |Articles |News |مقالات |بيانات

09-01-2005, 03:59 AM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    الاخ علاء الف شكر
    انشاء موقع شي جميل واتمني فى الوقت الراهن ان يكون اهتمامنا بموقع للطنبور لانه يمر بمفترق طرق وربما تضيع هويته اذا بعدنا عن الاهتمام بامرة خاصة بعد رواج تجارة الكاست التى لاهم لها الربح المادي لذلك ابتعدت الشركات عن نشر ابداع اهل الطنبور واتجهت ال انصاف المواهب من الشعراء والملحنين والمودين
    نحن الىن فى امس الحاجة لارجاع الامور الى نصابها ولجنة نادي الطنبور تدرك الخطر القادم لذلك هى تعمل مافي وسعها للنهوض بفننا الجميل
    يمكن تاجيل امر انئاء موقع رابطة مروي حالياً والاهتمام بانشاء موقع الطنبور وان هنا على استعداد للتنسيق مع الاخوة فى لجنة نادى الطنبور لتقدبم كل الدعم اللازم من اجل انشاء الموقع
    وياريت تصلنى موافقتك لانشاء الموقع حتى نتجاور جميعاً ونصل الى خريطة للموقع تلبي طموحات كل اهل الشمال
    تحياتك لمحمد جبارة ستصله اليوم باذن الله
                   |Articles |News |مقالات |بيانات

09-01-2005, 04:09 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ابو يسرا)

    الحبيب أبو يسرا
    أجمل ما في الوجود أن تسخر علمك لما تحب و يفيد
    أنا على أتم الإستعداد لتقديم كل الدعم التقني و المادي اللازم لهذا المشروع العظيم.
    سأرسل لك في الخاص معلومات الإتصال
                   |Articles |News |مقالات |بيانات

09-01-2005, 04:14 AM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    انا فى انتظارك اخي علاء
    ساتصل الىن باهل نادى الطنبور لابلاغهم برسالتك
    الف شكر وماعدمناك
                   |Articles |News |مقالات |بيانات

09-01-2005, 05:00 AM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ابو يسرا)

    تعرف يا علاء .. هذا الصديق أحمد قد أدمنته في مرحلة من المراحل في أواخر الثمانيات. بعد حصولي على العضوية الكاملة بنادي الشوايقة (العضوية ما صعبة يا زول بن زول) .. بفضل صديقي (ود دفعتي) ابن منصوركتي البار (مع إنهم بديرية دهمشية، وصديق أحمد نفسه بديري دهمشي ). وشددت الرحال إلى ديار الشايقية في رحلة لم استمتع بمثلها بعد. وقد زرت أسرة النعام آدم في بيتهم مع صديقي ذاك .. وقبل توجهنا إلى ديار أسرة النعام آدم سمعت بعض الأخوة في منصوركتي يقولون: الزول ده قال داير يزور حلة العرب!!! .. فاكتشفت أن النعام آدم وجماعته ينتمون إلى قبيلة الهواوير لكنهم استوطنوا تلك المنطقة و"تشـيّـقوا"؛ أصبحوا شوايقة. كما اكتشفت الكثير المثير عن الشوايقة ومن تشيّق من جيرانهم البديرية وبعض أبناء شمال كردفان من الهواوير الذين هبطوا من صحاريهم إلى البحر ابتغاء العيش بعد أن فقدوا أنعامهم بفعل "المـحـل" .. فتشيّقوا كلهم بلا قهر ولا سلطان. شخصياً لو مكثت في ديار الشايقية لعامٍ أو بضع عام لتشيّقت. إيه الحنية دي؟. فعلاً الشايقية شعب راقي .. رقيق العبارة .. حنين .. وجريء على التعبير عن حنيته شعراً ونغماً ولحناً. نحن فينا خشونة شوية بتخلينا نكتل الحسرات في حشانا دون التعبير عنها .. وحتى جدنا عبد الله ود بخيت عندما سمع أغنية شايقية يذكر المغني فيها كلمة "يا يـمّة" (هذه أغنية إدريس إبراهيم على ما أظن) .. قال: راجل يقول يا يـمـة؟. هذه من المحرمات .. ويزداد التحريم حرمةً عندما تتعمق شرقاً وتصل إلى الهدندوة .. عيييييييك .. موت أحمر تجيب كلمة أم دي.
    الشايقية شعب راقي بالفعل. وصديق أحمد (قيل لي أنهم يلقبونه بـ حلاّل العقد أو حلاّل شنو كدي ما بتذكر، لأنه يغني في أي حفلة متى ما استدعوه .. وبدون قروش). صديق أحمد من أبدع الحناجر التي أسرتني وما زالت .. صوت طروب مطرب لأبعد الحدود .. صوت غريب لا أمـلّ سماعه ولا أمل التعجب فيه. سبحان الله الذي أودع سر الإبداع في حناجر عيال شايق، حتى لو كانوا بديرية دهمشية.
    أدمنته في فترةٍ ما وكنت "أكتل" أي حفلة في الخرطوم يغني فيها صديق أحمد. والآن لدي شريطين أتسلّى بهما لزوم الاجترار لتلك الذكريات.

    حيّا الله دار شايق .. وكل الشايقية الراقيين.

    أخوكم في الله
    جعلي خلاء
                   |Articles |News |مقالات |بيانات

09-01-2005, 06:55 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: Shinteer)

    Shinteer
    الحبيب
    يا سلام عليك لقد أنصفت صديق أحمد و إن كانت جميع كلمات الأرض تعجز عن وصف الرجل ، و النعام الغنّا :
    فاوضني بلا زعل
    ياخي طمني أنا عندي ظن
    ديل شيوخ الطمبور
    و طمبورنا حنيين حتى دينق غنّا بيهو و أروك طون أروك الله يرحمو قال قبل كدة فنانو المفضل صديق أحمد و سلكنا دة فيهو سحر و غنانا مافي متلو و حبابك وسط ولاد شايق.
                   |Articles |News |مقالات |بيانات

09-01-2005, 06:11 AM

waleedi399
<awaleedi399
تاريخ التسجيل: 20-08-2003
مجموع المشاركات: 2766

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    الاخ علاء الدين يوسف ..

    عــــوافــــــــي ..

    بعد اذنك والله عجبني صوت الطمــبور دا تــــب..

    قلت اخد لي تكيه تحت الشجيرة دي في ضل المقيل مع الهمبريب دا ..

    مـــع انــو الدنيا شـــــــــتاء ..

    أها بس قلت استئذنك شايف معاك ضيفان في الديوان من البلد..

    اظن جابهم صوت الطمبور الحنين دا زي .

    أديــك الــــف عافــــية .. أها بمشي انا اخليكم بعافيك .. لكن بجيكم تااااااااااانـــي ..

    ســـلم لي على الناس الجوه ديك .. لحدي ما نصلـــــــهم..
                   |Articles |News |مقالات |بيانات

09-01-2005, 06:58 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: waleedi399)

    waleedi399
    حبابك يا راقي و رايق
    و مرحب بيك في نادينا الواحة المخضرة و الضل الوريف و الخريفالماطر
    و بشيشي بشيشي أمرق بس تعال صاد.
                   |Articles |News |مقالات |بيانات

09-01-2005, 08:14 AM

ابو عثمان
<aابو عثمان
تاريخ التسجيل: 15-12-2002
مجموع المشاركات: 1332

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    علاء الدين
    ربنا يديك العافيه ويطول في عمرك علي اهداءانا هذا البوست الرائع والمدهش
                   |Articles |News |مقالات |بيانات

09-01-2005, 09:20 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ابو عثمان)

    تسلم أبو عثمان
    و بمناسبة السلام السوداني التأريخي أهديكم القصيدة ، النشيد الوطني - ديل أهلي- لإسماعيل حسن





    بلادي أنا
    بلاد ناسا مواريثهم في أول شي
    كتاب الله و خيل مشدود
    و سيف مسنون حداه درع
    و تقاقيبهم تسرج الليل مع الحيران
    و شيخًا في الخلاوي ورع
    وكم نخلات تهبهب فوق جروف الساب
    و بقرة حلوبة تتضرع وليها ضرع
    بلادي أنا
    تشيل الناس و كل الناس
    وساع بي خيرها لينا يسع
    و تدفق مياه النيل على الوديان
    بياض الفضة في وهج الهجير يشع
    بلادي سهول بلادي حقول
    بلادي الجنة للشافوها أو للبرة بيها سمع
    بلادي أنا ... تكرم الضيف
    و حتى الطير يجيها جيعان ومن أطراف تقيها شبع
    بلادي الصفقة و الطنبور و داراتا تنح في الليل
    و بنوتا تحاكي الخيل ...يشابن زي جدي الريل
    و شبالن مكنكن...في طريفو ودع
    بلادي بلاد من التاريخ
    من ترهاقا .. لي عن ميسنا ...حتى الجاي خيل و دروع
    بلادي أمان .. بلادي حنان .و ناسها حنان
    يكفكفوا دمعة المفجوع ...يبدُّوا الغير على ذاتهم
    يقسموا اللقمة بيناتهم ..و يدوا الزاد
    حتى ان كان ...مصيرهم جوع
    يحبوا الدار .. يموتو عشان حقوق الجار
    و يخوضوا النار .. عشان فد دمعة
    و كيف الحال .. اكان شافوها سايلة دموع
    ديل أهلي البقيف في الدارة و سط الدارة و إتنبّر
    و أقول للدنيا .. كل الدنيا ...ديل أهلي
    عرب ممزوجة بي دم الزنوج الحارة .. ديل أهلي
    و ديلة قبيلتي لما أدور أفصل .. ..للبدور فصلي
    أقول بعضي ألاقيهم تسربوا ..في مسارب الروح .. بقو كلي
    أصحاب روحي و الإحساس ...و سافر في بحار شوقهم كمان عقلي
    محل قبلت ألقاهم معاي...معاي .. زي ضلي
    لو ما جيت من زي ديل ...كان أسفاي .. وا مأساتي .. وا ذلي
    تصور كيف يكون الحال .. لو ما كنت سوداني ...و أهل الحارة ما أهلي

    (عدل بواسطة علاء الدين يوسف علي محمد on 09-01-2005, 11:13 PM)

                   |Articles |News |مقالات |بيانات

09-01-2005, 10:09 AM

waleedi399
<awaleedi399
تاريخ التسجيل: 20-08-2003
مجموع المشاركات: 2766

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ابو عثمان)


    علاء الدين يوســـف..

    جيتك صاد تاني .. بدون أي نقطة
    لانو دايرنها الليلة في عرضة الطمبور دي
    وبرجو بجيك تاني

    ويااااااااا ابو عثمان يا أخوي سلام ...

    ما تقعد شويه من وقفتك المتعبة دي ..
    رجلينك دي ما وجعتك من الوقفه الصعبة دي
    عشان نشوف معاك الطمبور والاغاني الحلوة يا أخوي ..

    وبعدين ابجورتك دي بريتها بري .. خلاص ارحمها شويه

    لك التحية .. واديك الف عافية

    (عدل بواسطة waleedi399 on 09-01-2005, 10:14 AM)

                   |Articles |News |مقالات |بيانات

09-01-2005, 10:13 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: waleedi399)

    حباب وليد
    أجمل الحلوين
                   |Articles |News |مقالات |بيانات

11-01-2005, 04:36 AM

ابو عثمان
<aابو عثمان
تاريخ التسجيل: 15-12-2002
مجموع المشاركات: 1332

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: waleedi399)

    Quote: ويااااااااا ابو عثمان يا أخوي سلام ...

    ما تقعد شويه من وقفتك المتعبة دي ..
    رجلينك دي ما وجعتك من الوقفه الصعبة دي
    عشان نشوف معاك الطمبور والاغاني الحلوة يا أخوي ..

    وبعدين ابجورتك دي بريتها بري .. خلاص ارحمها شويه

    لك التحية .. واديك الف عافية)

    ألأخ/ وليد
    شكرا يا حبيب وعارف ابجورتي زي السودان الحبيب وقربت تنظف من المشاكل والفتن وتبقت لنا مشكلة دارفور وبعد ان تجد طريقها للحل العادل باذن الله-اعاهدك باني سوف اقعد في الواطه واشيل طورتي واهجر الغربه وابقي زول بلد تب
    يا رب
                   |Articles |News |مقالات |بيانات

09-01-2005, 10:12 AM

waleedi399
<awaleedi399
تاريخ التسجيل: 20-08-2003
مجموع المشاركات: 2766

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ابو عثمان)


    علاء الدين يوســـف..

    جيتك صاد تاني .. بدون أي نقطة
    لانو دايرنها الليلة في عرضة الطمبور دي
    وبرجو بجيك تاني

    ويااااااااا ابو عثمان يا أخوي سلام ...

    ما تقعد شويه من وقفتك المتعبة دي ..
    رجلينك دي ما وجعتك من الوقفه الصعبة دي
    عشان نشوف معاك الطمبور والاغاني الحلوة يا أخوي ..

    وبعدين ابجورتك دي بريتها بري .. خلاص ارحمها شويه

    لك التحية .. واديك الف عافية
                   |Articles |News |مقالات |بيانات

09-01-2005, 10:47 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: waleedi399)


    مبروك للسودان إنتهاء ظلمات الحرب و إنبثاق فجر السلام و المحبة
                   |Articles |News |مقالات |بيانات

09-01-2005, 01:29 PM

إيمان أحمد
<aإيمان أحمد
تاريخ التسجيل: 08-10-2003
مجموع المشاركات: 3468

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    .
    شكراً
                   |Articles |News |مقالات |بيانات

09-01-2005, 11:12 PM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: إيمان أحمد)

    شكراً على مرورك يا إيمان
                   |Articles |News |مقالات |بيانات

10-01-2005, 00:19 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)


    البنات الإتنين ماشات سوا
    واحدي للمرضانين دوا و التاني عجوة بلا نوا

    و نسوح شوية مع ود البركل
    عبد الرحيم
    الفنان الوسيم ذو الصوت الرخيم
    قالوا عوض الجرف في طرفة من طرف فنانين الطمبور قالّو:
    غايتو يا ود البركل كان على الوجاهة فايتنا لكن سلك ما بتفوتنا

    (عدل بواسطة علاء الدين يوسف علي محمد on 10-01-2005, 01:44 AM)

                   |Articles |News |مقالات |بيانات

10-01-2005, 00:29 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    كتب كمال عباس
    Quote: وأشوف فيك صورة مابتنشاف أشم رحيت الكليت والشاف
    ...
    سماح ناسن حلات ناسن بلا السكر ,.طعم قراصة في قدحا من الدبكر
    كوارك شفع المغرب ينجضوا في الجمر قنقر
    هل نطمع في أن يمدنا أحد الأخوة بنص هذه القصيدة ( رحل تلوت الليل )
    أو يسمعنا لها بصوت محمد جبارة
    هذه القصيدة اللوحة المكثفة التي تقول كل شئ وتحشد كل التفاصيل الصغيرة
    الرائعة الملئة بالشجن الاليم والألفة والشوق الدافئ


    الحبيب كمال
    أولاً لك العتبى حتى ترضى لعدم إنتباهنا في النادي لهذه المداخلة الحلوة و الطلب اللذيذ .
    و أرجو من الأخ أبو يسرا أن يتكرم بنقل القصيدة من الأستاذ ود جبارة مباشرة و يبقى سمح القول من خشم سيدو.
    عشان كلنا نستفيد.

    و حنرجع نكمل سياحة مع ود البركل
                   |Articles |News |مقالات |بيانات

10-01-2005, 00:53 AM

عمر الفاروق شيخ الدين

تاريخ التسجيل: 01-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    اهلي الحناااااااااااااااان ناس الطمبور (بالتبني )..
    الرائع علاء الدين ..

    اجيكم ماني (زااااااااااااير)
    اريت رزقاً يغرب سيدو طااااااااير ..يسوقني الشوق ..

    بهذه الكلمات اجدني مجبرا علي الدخول في كل يوم هذا البوست والاستمتاع بحنين الطمبور وراجي سماع دوران الساقيي وبابور سيد الحمد وحوض البرسيم والأناقي وتمر قنديل ..

    وامسك حبل الصبر لا تخلي قلبك يبقا ني ..
    اصلو ود ابزيد كل يوم من بلدنا يرحل جدي ..

    واصلوا وما تقيفوا وما تحرمونا من حلو الكلام

    نور الشرق بان بان فجر الغرام بدا في الطلوع ..
    خليني وحدي براي بسير كان انت قررت الرجوع ...

    معليش كان في اخطأ في بعض كلمات القصائد فانا حلاوي مركب مكنة شايقي
                   |Articles |News |مقالات |بيانات

10-01-2005, 01:49 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: عمر الفاروق شيخ الدين)

    عمر الفاروق
    تستاهل الجواز الأحمر
    خلاص يا زول بقيت هيئة
                   |Articles |News |مقالات |بيانات

10-01-2005, 03:06 AM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    الاخ علاء
    اتصلت بالامس على اسرة نادي الطنبور وقابلت سكرتير النادي الفنان السر محمد طة(تماسيح الحامداب) ووعدني انه سيكون هناك اجتماع اليوم لمناقشة امر الموقع وطلب منى ان اتقدم بالشكر لك نيابة عن كل اهل الطنبور
    اتمني ان اترسل لى هاتفك ونتراسل على الايميل
    [email protected]
                   |Articles |News |مقالات |بيانات

10-01-2005, 03:43 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ابو يسرا)

    الحبيب أبو يسرا
    تحياتي لأهل النادي دون فرز
    و معلوماتي وصلتك
    و في إنتظاركم
                   |Articles |News |مقالات |بيانات

10-01-2005, 07:18 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)



    طال بي العذاب
    ليه سقوني الآلام شراب
    يا خلوق
    أنا من صغيرة و لسة ياداب
    قام أبوي سداني بي باب
    قالِّي أصلو البت للحجاب
    لا صديقة تزورة لا أصحاب
    يا التقاليد حكمك إرهاب
    و إنتي ياكي مصيبة الشباب
    يا خِلوق
    وين أشوف أنا راحة ضمير
    سوُّلي سور برلين الشهير
    حرموني مريقة العصير
    و أمي حارساني بقت غفير
    من عذابي انا في هم مجير
    لا سعادة أشوفة ولا خير
    يا خِلوق
    بسقي ستي القاعدة في الدار
    في فرح ما شاركت جار
    المروق ممنوع قالوا عار
    جابو عادات ناسنا الكبار
    في العذاب ماشيالي مشوار
    و راح عميري الدابو نوّار
    يا خِلوق
    أمي تنهر حلفت يمين
    و إلا مهري انا بالملايين
    و الهدوم كمين و كمين
    و الشباب من بيتنا خايفين
    بالتقاليد نمشي راجعين
    أرحموا العرسان ديل مساكين
    يا خِلوق
    أنا أبكي دايماً حظي انا المات
    من بلد حاكماها عادات
    شوفوا ناس آسيا مدرسات
    و ناس سهير في الشركة عاملات
    إلا انا الودّع ودوري مات
    ديمة باكية دموعي نازلات
    يا خِلوق


                   |Articles |News |مقالات |بيانات

10-01-2005, 07:20 AM

osly2
<aosly2
تاريخ التسجيل: 17-10-2002
مجموع المشاركات: 3540

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    اهلى الطنابره
    جاييكم صاد
                   |Articles |News |مقالات |بيانات

10-01-2005, 10:48 AM

عمر الفاروق شيخ الدين

تاريخ التسجيل: 01-12-2004
مجموع المشاركات: 0

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    طنابرة يا رسول الله
                   |Articles |News |مقالات |بيانات

10-01-2005, 10:27 PM

maman
<amaman
تاريخ التسجيل: 21-11-2002
مجموع المشاركات: 1041

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    Quote: سوقني محل ما المحنة
    وأيادي تقطّر سلام
    سماحة الحياة فوق أهلنا
    وبلادي تقرقر وئام
    ... ...
    غلابه وأمان مو الطيابة
    ضكارى بصارى وكرام
    حباب الحبان في بابه
    وتدخلوا عليّ الحرام



    سوقني معاك يالحمام/أوبريت للسلام)
     محمد الحسن حسن سالم 
    سوقني    معاك   iiيالحمام
    ...                  ii...
    سوقني  محل  ما  iiالحبيبة
    قريبة    تراعي    iiالغرام
    غريبة   الأشواق   iiحبيبة
    يجيبا    منام   في   iiمنام
    ...                  ii...
    سوقني  محل  ما  iiالمحنة
    وأيادي     تقطّر    iiسلام
    سماحة  الحياة  فوق iiأهلنا
    وبلادي     تقرقر    iiوئام
    ...                  ii...
    غلابه  وأمان  مو iiالطيابة
    ضكارى  بصارى  iiوكرام
    حباب   الحبان  في  iiبابه
    وتدخلوا    عليّ   iiالحرام

    فقارى     ولكن    iiغنايا
    غنايا      بهذا     iiالغمام
    بهذا    النيل   كم   iiتغايا
    وتيرابا     نرميهو    iiقام
    ...                  ii...
    إرادة    القمره    iiالبتقدر
    براها   تضوي   iiالضلام
    شعاع   شمشاً  ياما  خدّر
    وإذا    يبَّس    لا    iiيُلام
    ...                  ii...
    فيابا    خرابا    iiالحرابة
    وخرابة  فكر سوسي iiسام
    خرابة  الكل  نفسو  iiتأبى
    عقابه   ..  تلِم  عم  iiسام
    ...                  ii...
    ولِيد    مخلوق    iiللقرايي
    خزين   مدخور   iiللجِسام
    تتمر     نيتو     iiالتخايي
    إلاما      مذهلل     iiإلام

    درب  من  دم ماب iiيودي
    حرِب سُبّه .. حرب حرام
    تشيل  وتشيل  مابيِ  iiتدِّي
    عُقب     آخرتا    iiإنهزام
    ...                  ii...
    بطانة    الشيطان   iiقديمِة
    وبعد  دا  منو العرشو iiدام
    إذا  الإنسان  ما  ليهُ iiقيمِة
    علي إيش خلَّفُو سام iiوحام
    ...                  ii...
    تعالوا  الدم  ما  هو iiمويةِ
    ولا   ها   ترايي  iiالمسام
    خباري  بحمر  في iiاخويا
    وطراوة    الخوة   إبتسام
    ...                  ii...
    تعالوا    نحانن    iiبعضنا
    نخل   قلبو   على  iiالتُمام
    نبضنا    يشهل    iiأرضنا
    وأرضنا    تجِم   iiالعضام
    ...                  ii...
    تعالوا   بدل  نبني  iiساتر
    نخيب     ظن    iiالصدام
    نطَّيب    للعازه    iiخاطر
    نقوم      لأطفاله     سام
    ...                  ii...
    أخير     كرّاكةً     iiبتفتح
    حفير    وتراقد    iiالركام
    أم     الدبابة     iiالبتكشح
    شخير    الموت   iiالزؤام
    ...                  ii...
    تعال  لي  غابتك يا iiخيرا
    تعال  لها  يا  أسده iiالهمام
    بدل  دوشكة  يغني  iiطيره
    محل   قنبلة   عش  iiنعام
    ...                  ii...
    بلد  صمَّي  وشعب  iiواحد
    عصية    على   iiالإنقسام
    أبيه     وبكراها    iiواعد
    صبية     ومشهاده    iiتام
    ...                  ii...
    بساطا  أحمدي  كم iiيشيلنا
    وتشهِّلنا    على    iiالدوام
    نَقِل   لينا   تقوِّي   iiحيلنا
    ودليلنا     تمام     iiالتمام
    ...                  ii...
    نلقّم     سقف     iiالمتاهة
    نجم   هدّاي  في  iiالضلام
    ونطعِّم   حرف   iiالنزاهة
    لإيئلافك      يا     iiحمام
    ديموقراطية        iiوأمان
    سوا  ..  سوا عالين iiمقام
    مواريثنا    المن    iiزمان
    محصَّنة  في  أروع iiنظام
    ...                  ii...
    بريدك   يا  زول  iiبريدك
    بعشقك     حتّى    iiالهيام
    أريحيتك    عد    iiتزيدك
    مهابة      وليك     القيام
    ...                  ii...
    عهدي   معاك   يا  iiحمام
    حبِيْب    الرُسل    iiالكرام
    رسول   الأمراء   iiالعظام
    عصامي   على  ما  iiيرام
    ...                  ii...
    ماب   تهدِل   في  خنادق
    ولا  ب  تقدِل فوق iiحطام
    ولا  ب  تنزل  في iiفنادق
    وسطنا    مراعيك   iiقُدام
    ...                  ii...
    فيا   ملدوغ   من   iiأديس
    معوَّق     في     iiكوكدام
    تعال   عمِّر   فينا   ميس
    كفانا    طشيش    iiالكلام
    جناحيك   جنوب   iiشمال
    وأمش   طوِّف  يا  iiحمام
    محِل  غصن  العزّة  iiمال
    عليك    وعليهُو   iiالسلام
    حكيم   الطير   يا   مهبِّر
    شُراكة     القَتَلة    iiاللئام
    متين   بإسم  الحق  iiتكبِّر
    وبالرحمة   تصلِّي   iiإمام
    ...                  ii...
    فلاحة     العالم     iiتعمر
    محبّة     مودة     iiووئام
    تشمِّر     ساعد    iiالسلام
    ...                  ii...
    سوقني  زمن  كُلُّو  iiعافي
    نتاجو   عِلم  خيرو  iiعام
    بري   آيمة  من  iiالمنافي
    وطن  وافي  على  iiالدوام

    (عدل بواسطة maman on 10-01-2005, 11:07 PM)

                   |Articles |News |مقالات |بيانات

11-01-2005, 00:29 AM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: maman)

    رائعة حميد(انشودة السلام) غناها الفنان عثمان عبد العظيم لتجمع بورداب الخرطوم فى حفل استقبال الاخ بكري ابو بكر حين عودته للخرطوم وهى عمل رائع وبعد ان انتهي الفنان عثمان من تقديم الانشودة جاء الى مكانة بجواري وعندها تحرك استاذنا الكبير فضيلي جماع وجاء مهنئاً الفنان عثمان على روعة الاداء وطلب منا هاتف الاستاذ حميد وابدي اعجابة الشديد بالانشودة كلمات ولحن واداء
    التحية لحميد وللفنان عثمان عبد العظيم وللاستاذ فضيلي واليك انت مامان
                   |Articles |News |مقالات |بيانات

11-01-2005, 00:30 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: maman)

    محمد كرم الله
    بلبل السودان الأول ، الذي لا و لم و لن يأتي من يحاكيه صوتاً ورقةً و بيان ، كلّما سمعته رغم قدم تسجيلاته و قلتها أغيب عن الزمكان مع الرنة الأولى لطنبوره الحنيين و حتى خاتمة الكاسيت ، و من روضته الغناء أهديكم أحبةالطمبور "سر غرامك"
    :


    يا الغرامك فينا كامن شوَّق العين شال منامه
    ثغرك الدُر المُنظم مِنُّو حيَّتنا ابتســــــــــــامة

    النســـــيم غازل ضفايرك بعثرة و غيّر نظامة
    و الخدود أداها طلّة و رشــــــّت النّبك الغمامة

    القــــوام فاتن مكـــــــــمّل مافي أمثـــــالو قامة
    و النـــــغيم لادنمعطّر خمرة الحـــــــب للندامى

    الصدير هودج و راحل و مابي للعشاق ســلامة
    الضمير الواهي فتّر لي قلوبنا و زاد هيــــــــامه

    في خطاك لحن المشاعر وبهجة الروح يا مدامة
    حكمة الريم طبعو نافر ما عليك في الصد ملامة

    في الجمـــــــال أول و آخر النفوس هيج غرامه
    للوداع أنا ماني قادر إلا برضو مع الســـــــلامة
                   |Articles |News |مقالات |بيانات

11-01-2005, 00:34 AM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    الاسبوع الماض تم تكريم الفنان محمد كرم الله وكان حفل رائع زبعد طول غياب قدم بعض من اغانيه
    لم احضر حفل التكريم ولقد نقل لى الفنان محمد جبارة صورة عن روعة المشهد
                   |Articles |News |مقالات |بيانات

11-01-2005, 02:40 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: maman)

    تسلم إيدكيا مامان
    والله دي أروع هديةلي ولعشاق النادي بمناسبة الأحداث الجارية و هي تلائم ذلك جملة و تفصيلا و نتمنى أن يدوم السلام والحب
                   |Articles |News |مقالات |بيانات

11-01-2005, 03:14 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    أبو يسرا الحبيب
    والله هو تكريم جاء لأهله دون شك فالرجل لا مناص من تكريمه لما قدّم و ترك من إرث كبير جعله رقماً ضخماً في الخارطة لن يزول.
    كم أحبه هذا الرجل و بالله عليك يا أبو يسرا شوف لينا التسجيل حق التكريم دة باقي أنا في إجازتي الجاية من رقبتك ماني نازل.
    تسلم كتير و تحياتي لأهل النادي كلهم وبالله أسأل لينا عن أخبار نفيسة أحمد علي مزيّر
                   |Articles |News |مقالات |بيانات

11-01-2005, 05:39 AM

riad atta

تاريخ التسجيل: 28-08-2004
مجموع المشاركات: 43

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    الطمبور هذا الكائن العجيب الذي يحتوى على معاني كثيرة تجتمع كلها بداخل قدح الدبكر ويحصنها ذلك الجدار المصنوع من جلد البقر ويحرسها الديو ممسكا بعصاتيه ومدعما بأسلاك المعدن التى تتولي أخراج النقمات الواحدة تلو الأخرى عندما يتقدم أحد ملوك الطمبور أمثال مامان والنعام آدم ومحمد جبارة والمرحوم سيف الأراك ممسكا به ، ساعتها ليس أمام الجميع سوى الطاعة والتطوع بين أيادي هؤلاء الحجافلة لترسل نقما يجعل الكثيريين ينحنون إليه سمعا وطاعة .

    أفلا يستحق الطمبور أن يكون له ناد وأن يوثق لهذا النادي عبر موقع يخصص له ؟

    فالدعوة لهذا الموقع جاءت ملائمة ومناسبة وتستحق الدعم والاجتهاد حتى تبقي هذه الراية مرفوعة نتبادلها جيل بعد جــيل .
    ونحن إذ نشد من أزركم نعدكم بأن نقدم لكم كل الدعم ماديا كان أم معنويا

    فالتحية والتجلة للأخ علاء الذي بادر (بكسر الميرتق) ليتدفق هذا الكم الهائل من الكلمات الجميلة والشكر موصول للأخ أبو يسرا الذي تطوع بأن يكون حلقة وصل بين الأخوة في نادي الطمبور وطنابرة المنبر الاوفياء وعلى رأسهم العم مامان وكل الإخوة الذين شاركوا بالقصائد أو المداخلات فصدقوني إخوتي أنه عرس عبر شبكات الانترنت فاليتواصل العطاء .

    وانشــــاء الله ما تعترلكم شـــوكي آ الوليدات قولو آمــــين أيي
    آه ودعاتكم الله لامن نجيكم المرة الجاي

    والله كدي قبل منا نمشي أن نقولكم :

    الرسول يا ود عمتي إن درت راحتي ودر جمتي
    رسل التسريح اللجي
    نركب البيصابق الريح ونمشي في الخرتوم نستريح
    الخدامي تسوي التبيخ وكل جمعة نزور الضريح
    الرسول يا أم الهداي قولي لي أمي أنا ماني جاي
    كنا نشرب لبن السعي بقينا نشرب لبن الشـراي
    ألمي بالماسورة جــاي تبيخنا في الحلي أم غتاي
    أبو منى
                   |Articles |News |مقالات |بيانات

11-01-2005, 07:30 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: riad atta)

    الحبيب أبو منى
    والله بعد كلامك دة مافي كلام ينقال.
    و إنشاء الله الراية دايماً فوق
                   |Articles |News |مقالات |بيانات

11-01-2005, 11:12 PM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    نادينا محلو في الأولى دايما
                   |Articles |News |مقالات |بيانات

11-01-2005, 11:51 PM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)


                   |Articles |News |مقالات |بيانات

12-01-2005, 00:01 AM

محمد حامد جمعه
<aمحمد حامد جمعه
تاريخ التسجيل: 26-11-2004
مجموع المشاركات: 6807

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    علاء الدين .........الله يجازيك ..
    ياخ البوست دا ما خطيييييييييييير ياخ قريتو بس بقيت اقول لنفسى (بشييكن يا عيونى يا دموع لا تفضحنى ) ........... بوست حلو ومؤثر وانا لمن شفت المسالة مشت لصفحتين قلت (الزومة ضايقى ) وكدى النشوف الحاصل شنو ... وجينا والله يستر ما اطلع مشلخ
                   |Articles |News |مقالات |بيانات

12-01-2005, 00:10 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: محمد حامد جمعه)

    أستاذ محمد حامد
    والله من قلبي دخلتك علينا بالدنيا كلها و نوّرت النادي و ماك طالع إلا و إنت هيئة
                   |Articles |News |مقالات |بيانات

12-01-2005, 02:42 AM

ABU QUSAI
<aABU QUSAI
تاريخ التسجيل: 31-08-2003
مجموع المشاركات: 1863

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    لا حولااااااااااااا بالله دا كله فاتني ، أشيل وأمطق ما عرفت اكتبها كيفن دي .
    سلااااااااااااااااااااام تعظيم يا شباب وتسلم يا علاء الدين ، والله شغلني عنكم شغل الحج لكن برجع ليك ومعاي تلبية طبلك كان عمك مامان ما لباه ليك . بس حيكون من الذاكرة التي شاخت وتاني سلام وليكم راجع فسرااااااااااااع .
                   |Articles |News |مقالات |بيانات

12-01-2005, 03:29 AM

ابو يسرا
<aابو يسرا
تاريخ التسجيل: 21-02-2002
مجموع المشاركات: 1855

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ABU QUSAI)

    اخي علاء قبل وصولك للسودان اديني خبر لاجهز لك برنامج طنابير
    الف مرحب بيك مقدماً وكل اهل الطنبور فى انتظارك
    واليك وعد من ابي يسرا وهو الاحتفاء بك بمنزل استاذنا ود جبارة فى ليلة من الزمن الجميل
    والآن معي الاستاذ عثمان عبد العظيم وهو يرحب بمقدمك وسيسمعك انشودة السلام
    الف مرحب بيك
                   |Articles |News |مقالات |بيانات

12-01-2005, 03:45 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: ABU QUSAI)

    مرحب بيك يا أبوقصي
    وبالله عليك طلبي دة محتاجينلو شديد حتى انكان من الذاكرة
                   |Articles |News |مقالات |بيانات

12-01-2005, 11:19 PM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    والله يا أبو يسرا شهيتني الجية و ذكرتني أعمل الحجز من هسي مع إنو لسة باقي شوية
    و تحياتي لود جبارة و فنان أنشودة السلام الحبيب
                   |Articles |News |مقالات |بيانات

13-01-2005, 04:31 AM

الزوول
<aالزوول
تاريخ التسجيل: 14-05-2003
مجموع المشاركات: 2463

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    السلام عليكم
    والله يا جماعة نضمكم سمح بالحيل
    بجيكم راجع بس قت اطنكح البوست قبال ما يروح مع بوستات السياسة الكتيري و مسيخي دى
                   |Articles |News |مقالات |بيانات

13-01-2005, 04:47 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: الزوول)

    زوول سمح القول
    حبابك وسط أهلك الحنان
    و راجينك
                   |Articles |News |مقالات |بيانات

13-01-2005, 10:09 AM

الزوول
<aالزوول
تاريخ التسجيل: 14-05-2003
مجموع المشاركات: 2463

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    السلام تاني
    أخونا علاء الدين
    كلامي المرة دي بخصوص طلبك ( غنية سلم عليهم أهلي الحبايب )..وفي الحقيقة هي عندي بس لما شفت الناس الكبار زي مامان وأبو قصي اتكلموا الصغار لزم يسكتوا، فسكت تأدبا وانتظارا لعل وقتهم يسمح ولكني أظنهم مشغولين فليسمحوا لي بأنزالها نيابة عنهم و الرجاء ان يصححوا ما بها من هنات وهفوات


    سلّم عليهم ... اهلي الأفاضل
    ذاد شوقي ليهم ... يا ماشي سافل
    * *
    كل التلاقي . . . قول اشتياقي
    خُدرة جروفنا . . . صوت السواقي
    حسين نارتي طوفها . . . وأنزل جروفها
    عاين الجناين . . . دانيات قطوفها
    * *
    كَرَبة النضيرة . . . وكل العشيرة
    كروان طبيعي . . . خيرات وفيرة
    أصّل المنصورة . . . وباليابها زورها
    بلغ سلامي . . . لأغلى حورة
    * *
    زور ارتيموقا . . . الكتلت عشوقها
    بي طيبها ساجع . . . قمريها قوقا
    سيّال قنتي . . . والبى جوارها
    بى حِتي حِتي . . . وبى حارة حارة
    * *
    لأبدوم قوشابي . . . كاتب جوابي
    للرأسو شايب . . . والدابو حابي
    عَبَسا وشبابا . . . و جِرا اقيف قبالا
    عاين الطبيعة . . . وسبّح جمالا
    * *
    للدبة اطلع . . . للثانوية
    وللطلبة أجدع . . . مليون تحية
    الكَرَد البريدو . . . غنالو كُنة
    مولاي زيدو . . . كَرَدنا جنة
    * *
    الجابرية واحة . . . عوض الله فيها
    خُد عندو راحة . . . سلم عليها
    وبالغابة أقطع . . . حمّور جميلة
    للطيبة منبع . . . آه يا حليله
    * *
    زور تنقسينا . . . تَلِب الحنينة
    استاذنا نورنا . . . ليك
                   |Articles |News |مقالات |بيانات

14-01-2005, 11:05 PM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: الزوول)

    زوول حبيبي
    بديت أرد قبل أقرأ القصيدة
    أول عبارة قلتها بعد قريت الكوبلي الأوي هي
    الله
    الله عليك و ألف شكر و ربنا ما يحرمنا منك يا رب و لا تدري كم هي غالية على نفسي هذه القصيدة الأعجوبة أول حاجة قدامي الليلة إنو أحفظه لأني أحب ترديدها.
    لك الشكر ما بقيت محبتنا للنادي
                   |Articles |News |مقالات |بيانات

13-01-2005, 10:09 AM

الزوول
<aالزوول
تاريخ التسجيل: 14-05-2003
مجموع المشاركات: 2463

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    السلام تاني
    أخونا علاء الدين
    كلامي المرة دي بخصوص طلبك ( غنية سلم عليهم أهلي الحبايب )..وفي الحقيقة هي عندي بس لما شفت الناس الكبار زي مامان وأبو قصي اتكلموا الصغار لزم يسكتوا، فسكت تأدبا وانتظارا لعل وقتهم يسمح ولكني أظنهم مشغولين فليسمحوا لي بأنزالها نيابة عنهم و الرجاء ان يصححوا ما بها من هنات وهفوات


    سلّم عليهم ... اهلي الأفاضل
    ذاد شوقي ليهم ... يا ماشي سافل
    * *
    كل التلاقي . . . قول اشتياقي
    خُدرة جروفنا . . . صوت السواقي
    حسين نارتي طوفها . . . وأنزل جروفها
    عاين الجناين . . . دانيات قطوفها
    * *
    كَرَبة النضيرة . . . وكل العشيرة
    كروان طبيعي . . . خيرات وفيرة
    أصّل المنصورة . . . وباليابها زورها
    بلغ سلامي . . . لأغلى حورة
    * *
    زور ارتيموقا . . . الكتلت عشوقها
    بي طيبها ساجع . . . قمريها قوقا
    سيّال قنتي . . . والبى جوارها
    بى حِتي حِتي . . . وبى حارة حارة
    * *
    لأبدوم قوشابي . . . كاتب جوابي
    للرأسو شايب . . . والدابو حابي
    عَبَسا وشبابا . . . و جِرا اقيف قبالا
    عاين الطبيعة . . . وسبّح جمالا
    * *
    للدبة اطلع . . . للثانوية
    وللطلبة أجدع . . . مليون تحية
    الكَرَد البريدو . . . غنالو كُنة
    مولاي زيدو . . . كَرَدنا جنة
    * *
    الجابرية واحة . . . عوض الله فيها
    خُد عندو راحة . . . سلم عليها
    وبالغابة أقطع . . . حمّور جميلة
    للطيبة منبع . . . آه يا حليله
    * *
    زور تنقسينا . . . تَلِب الحنينة
    استاذنا نورنا . . . ليك ما نسينا
    أرقي وشعابها . . . قبّل ترابها
    بلّغ سلامي . . . لشيبها و شبابها
    * *
    عفاض نزورها . . . غاية منايا
    شيل التحايا . . . أصّل الحصايا
    و طل البشاري . . . ود حُمد طه
    أجواد و طيّب . . . للطائي باها
    * *
    شتت سلامي . . . وكل احترامي
    ب شوق شمالي . . . قليبي دامي
    برسل ودادي . . . و كل احترامي
    لى كل ذرة . . . من طين بلادي
    * *
    اشواقي توصل . . . للدابو يرضع
    وللباقي مقنع . . . وللماشي يزرع
    جادو المعذب . . . كره البنادر
    وقولي لي مرحب . . . أنا جاي
    باكر
                   |Articles |News |مقالات |بيانات

14-01-2005, 02:20 PM

maman
<amaman
تاريخ التسجيل: 21-11-2002
مجموع المشاركات: 1041

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)

    يا ما بريدك ريد
     محمد المهدي حامد نور الدين 
    ياما    بريدك    ريد وأنا   كم   بعزك   عز
    وياما    كتبت   حروف لكن   بياني   iiعجز
    أنا   جابني   ليك   شوقاً جوّا   الكيان  iiبيهز
    خلاني     زى    عصفور للهجرة    iiمتجّهز

    *         *         *         *         ii*
    آه   يا   شتيلة  النيل أنا  في  هواك  iiمكتول
    ريدك    كبر   جُواى فيهو   الأمل   iiمشتول
    فيض   الهوى   الدفاق زى   المطر  iiمبهول
    وأنا فيك لقيت ذاتى وصرتِ العرض والطول

    *         *         *         *         ii*
    راجيك   سنين  وسنين حبل  الصبر  iiممدود
    حاضن  العذاب  يا ناس راجى الغمامة iiتجود
    ومحلنا   يروى  شديد والخضرة  ليهو  iiتعود
    وانا  ليك  بدوب  إخلاص وتفانى  ما iiمحدود

    *         *         *         *         ii*
    نتلاقى    بعد    البين في    واحة   iiالتحنان
    يوم   العديل   والزين يبقى   الوجود   iiريان
    وأنسى    الضياع   الفات ومرارة   iiالحرمان
    وأنا  وانت  نحيا  عشان نسعد  بنى  iiالانسان
                   |Articles |News |مقالات |بيانات

14-01-2005, 11:11 PM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: maman)

    الحبيب الغالي مامان
    الله يديك العافية و طولة العمر عشان تجود لينا بالكلام السمح البنسي المآسي و الأحزان يخليك لينا ربنا و يحفظك للنادي و الطمبور.
    شفتة الزوول اللذيذ ما قصر معانا وجاب لينا النشيد الوطني للشمال بعد أحرجتني و خليتني أساسق وراك محل محل و أدق عليك في جوالك من الثابت و ما ترد.
    تسلم كتير و كنت متأكد إنكم أحرص مني على النادي و من أن ينغمس وسط دهاليز صفحات البورد.
    و دايماً فوق يا رب
                   |Articles |News |مقالات |بيانات

22-01-2005, 10:23 PM

الزوول
<aالزوول
تاريخ التسجيل: 14-05-2003
مجموع المشاركات: 2463

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: علاء الدين يوسف علي محمد)
                   |Articles |News |مقالات |بيانات

31-03-2005, 03:08 AM

علاء الدين يوسف علي محمد
<aعلاء الدين يوسف علي محمد
تاريخ التسجيل: 28-06-2007
مجموع المشاركات: 19575

للتواصل معنا

FaceBook
تويتر Twitter
YouTube


Re: نــــــــــادي الطمبــــــــور (Re: الزوول)

    ما أجمل أن يتكون في دواخلك حب إنتماء لمكان و زمان و عشيرة ، دون تجني على الوطن الكبير ووحدته ، فخر الإنتماء أعظم هبة.

    شوفوا بالله الرد البليغ دة لسؤال:




    بالله إنت شايقي!!؟
    سؤال يا بت غريبب
    أنا أيِّ شايقي
    و بالتحديد بقولك بلدي أرقي
    و كان دار تعرفي اصلي
    في النيل و الجروف الخدرا في نوح السواقي
    في نِغيم طمبور يبكي الليل و في لبس العراريق و الطواقي
    و كان فتشتي في قلب الحسان من جُوة تلقي
    أنا أيِّ شايقي
    و جنسي شايقي و دمي شايقي
    و جدي شايق
    و كان دار تعرف اصلي أصبري لي دقايق
    و خليني اللّدوِّر عجلة التاريخ و أسرد للحقايق
    دنقل عيال منصور جعل و رباط و شايق
    لا نهاية الدنيا أولاد عم شقايق
    أنا أيِّ شايقي و كمان قاري العلم و عارف الكتابة
    كلامي سمح و أكلي قمح و من النيل شرابي
    و بملا العين و أزيد شبرين و أهز عضلات شبابي
    و أشق أعداي عديل و كتين أشم ريحة ترابي
    أنا أي شايقي و الشايقية مازجي دماي في ذاتي و عروقي
    كان مكضبة أقيفي أفصد ليكي إيدي و هاكي ضوقي
    أنا أمي مهيرة بت عبود و شيخي الميرغني الختمي الطريقة
    و جدي شايق شيّد الشايقية جدد ليها شوقي
    أنا أيِّ شايقي و شايقي أيِّ
    بسوم الروح و أقدِّمة لي حياة العز ضحية
    و ما بهاب الموت مادام عيني حية
    في وقت السِلِم بدرع و ألِم فوق كتفي طورية
    و ساعة الحارة في وسط الصفوف تلقيني شايل البندقية
    أنا أيِّ شايقي و شايقي أيِّ
    و دة ياهو كلامي مهما قريت و اتعلمت و أصبح شاني سامي
    و دة ياهو كلامي حتى ان كان بقيت سفير
    و لّا كمان بقيت لجلاج أناطق الطير محامي
    دة ياهو كلامي حتى ان كان بقيت عميد و قايد جيش نظامي
    و دة ياهو كلامي حتى ان كان بقيت ريِّس و أصارع الموج ورا مِي
    و دة ياهو كلامي حتى ان كان بقيت غوّاي و زي قيس في غرامي
    دة ياهو كلامي أنا اصلي شايقي و ما بغير من كلامي
    لما أقول أنا شايقي ما بقصد تِكِبِّر و إني أعلى من الثُريّا
    لما أقول أنا شايقي ما بقصد أقسِّم و طني و أدعو العنصرية
    لما أقول أنا شايقي بقصد إني سوداني و بسوق ستين سرية
    و لما أقول إني شايقي بقصد إني بحمي حماي و احتضن الحرية
    أنا أيِّ شايقي و شايقي أيِّ
    و السودان عموم يا بت وطنّا ان كان نضمنا عديل
    ولّا ان كان كسرنا الكِلمة حتى ان كان رطنّا
    جُوارنا أمان و قلوبنا حُنان و أبيض من قطنا
    و نحن المن زمان معروف نكِرم الضيف ولو نربط بطُنّا
    أنا أيِّ شايقي و شققت العُقاب جيت من كريمة
    زادي كسرة متمرة و حبّات جِريمة
    لبسي جبة مبرقعة و غبشة و قديمة
    و للبنادر جيت و كان أكبر جريمة أنا قلبي ما بدلتو بس بدّل هدومي
    و ماني صايع ساكت آبت لا تلومي أنا أصلي أفندي في طرف الحكومة
    عاد وحات اسم الله في شايقيتي فد يوم ما بزيِّف
    و حبي للشايقية من ما قُمتة درفوناً خِفيِّف
    و لما أبقى شايقي و بين ضلوعي دوام يفر قلبي الرِهِّيف
    و لهجة الشايقية حلوة و في لساني يمين تكيِّف


    شوايقة يا رسول الله

                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de