|
Mohamed Suleiman It IS Realy Shame On You
|
محمد آدم سليمان من دارفور مدينة نيالا و معاهو طلحة صحبو من نفس المنطقة إتشاكلو في بت كان خاطبة محمد سليمان و سافر قعد في ليبيا كم سنة و جا لقى طلحة خطفها و عرسة ، يعني خان صحبو. المفروض يزعل منو؟ أكيد محمد سليمان لأنو شالو مرتو قام محمد سليمان في فضح جديد للأمة السودانية و يبدو إنها محاولة لتغيير الصورة الدارفورية المأساوية الكاذبة اللي إرتسمت في وجه العالم عن طريق الإعلام المغشوش ، قام صاحبنا إتصل بجورج قرداحي مقدم برنامج إفتح بطنك و أمرق الفيها "إفتح قلبك" و مشى تنقش تنقش تنقش حكا حكايتو لجورج اللي ما توانى عن إحراجو قدام اللبنانيين و قال ليهو هسي مفروض هو الليجي يصالحك ولا إنت ؟ يعني يا محمد سليمان داك الختف مرتك يعني مفروض هو اليجي يعتذر منك دة شنو دة يا راجل ؟ قال ليهو كدة بس باللبناني. صاحبنا محمد سليمان "الفضيحة" إتلعثم و قعد يقول في شعر بعربية فصحى اللبنايين بيسعموا فيها كأنما هي عبرية غير مستساغة. المهم شبكمكم ليك كم بيت شعر و فكا آخرو في كلام لاهو في الطير ولا هو في الباقير و بعد شوية جابو طلحة القيافة الطبيب البيطري اللي من شدة أعجب بلبنان قام إشترى فيها بيت في منتجع الدوحة و قامو إتحاضنو زيييييييييين و فكو ليهم كم دمعة كدة زي المسلسلات المدبلجة ديك و شتتو. الغريبة لحدي ما طلعو جورج مصر يقول لمحمد سليمان إنو ما كان في أي داعي تجينا هنا لأنو الراجل هو اللي يفترض يعتذر مش إنتة. و يبدو إنوكان عايز يقول ليهو باللبناني : إنت جيت عايز تطلع في التلفزيون بس .
قلتو لي دارفور فيها مذابح جماعية و إغتصاب جماعي؟؟؟؟؟
غايتو ناس لبنان ما بصدقو دة تاني بعد الشافوهو أمبارح.
واااااااااااااا فضيحتاااااااااااااااااااااااه
|
|
|
|
|
|
|
العنوان |
الكاتب |
Date |
Mohamed Suleiman It IS Realy Shame On You | علاء الدين يوسف علي محمد | 01-05-05, 11:51 PM |
Re: Mohamed Suleiman It IS Realy Shame On You | domdom | 01-06-05, 00:51 AM |
Re: Mohamed Suleiman It IS Realy Shame On You | lana mahdi | 01-06-05, 01:01 AM |
Re: Mohamed Suleiman It IS Realy Shame On You | شدو | 01-06-05, 01:05 AM |
Re: Mohamed Suleiman It IS Realy Shame On You | علاء الدين يوسف علي محمد | 01-06-05, 01:11 AM |
Re: Mohamed Suleiman It IS Realy Shame On You | علاء الدين يوسف علي محمد | 01-06-05, 01:06 AM |
Re: Mohamed Suleiman It IS Realy Shame On You | علاء الدين يوسف علي محمد | 01-06-05, 01:09 AM |
Re: Mohamed Suleiman It IS Realy Shame On You | lana mahdi | 01-06-05, 01:17 AM |
Re: Mohamed Suleiman It IS Realy Shame On You | علاء الدين يوسف علي محمد | 01-06-05, 01:25 AM |
Re: Mohamed Suleiman It IS Realy Shame On You | Mohamed Suleiman | 01-06-05, 02:07 AM |
Re: Mohamed Suleiman It IS Realy Shame On You | علاء الدين يوسف علي محمد | 01-06-05, 02:24 AM |
|
|
|