اخونا المناضل كمال بشاشا....اهلا بك في الجبهة الثورية!

Quote: عجبا ياهباني! من دون خلق الله ده انتا البتكلم كده؟ طيب لو كده، حايم بي صور او فيدوهات وداد زوجة البشير مالك؟ اليست هذه الوداد امراة مسؤولية بذات القدر من مواقفا؟ لاحظ وداد هذه، ليست من اختارها عرمان كمتحدثة باسم المعسكر الاخر الشايل السلاح، ضد دويلة زوجها البشير، او بعد ده، انتا اطلاقا ده ما كان موقفك منها يا هباني، فما معني ازدواج المعايير هنا؟ عشان ترضي انور؟ علي حساب مبادءك يا هباني؟ قالو يجوع المناضل يا هباني ولا ياكل بمبضيه، واذا بك للاسف في اول اختبار، دلقتا كل البتقول فيهو عشان خاطر فد نفر، زي انور، اتي لي موقعو، محمولا علي كتف واسطة او محسوبية عرمان، ولا لاي مؤهل اخر، لهذا المسكين الذي اعرف امكاناتو، معرفة شخصية! والانكا الان بتبرر كمان للوضع الشائه ده، الفيهو الزوج ممثل لي حملة السلاح، والزوجة، ممثلة للطرف المحمول ضد و السلاح! والله نفسي اعرف، بكرة دي لما ترجع او ترفع فيدهات وداد او هي ترقص مع زوجها الامام، يا ربي مبررك حيكون شنو، تجاه موقف سفيرة نظام القتلة؟ انها حرة او بي طريقتا، لانها مستقلة بي شخصيتا؟ طيب ما اي انقاذي او انقاذية، حرة، او مستقلة بي شخصيتا او كده؟ يا حليلك يا هباني، بالبساطة دي، رحت ممرق مصداقيتك في وحل فساد زمة امثال انور، من المتسلقة والارزقية، شغل مجاملة يا هباني؟ بالبساطة دي، او عشان خاطر فد عين، رحتا باصق في وجه تاريخك كلو؟ ولا قوة!