|
Re: ياخواننا دي صلاة التراويح عند الرافضة وللا شيتا آخر؟//فيديو غريب و (Re: محمد جلال عبدالله)
|
تعرف سنة الفين واتنين كنت في الحج , في مني ايام التشريق , اها معاي واحد سوداني تاني , طبعا كنا مفترشين عادي لا معسكر ولا يحزنون , اها الحمامات بالصف الطويل لحدي ما اتوضينا فاتننا صلاة الصبح في مسجد نمرة , اها لقينا جماعة كبيرة قمنا كبرنا ودخلنا معاهم , اها الركعة الاولي تمام , والركعة التانية تمام , اها قعدنا للتشهد بعد شوية نسمع ليك " ررررططططط , رررررططططط , ررررططططط " الجماعة بي ايديهم بقوا يضربوا علي افخاذهم وبعد شوية الحكاية سخنت بقت "رط رط رط رط رط رط رط " اها زولي المعاي عاينت ليهو كدا وراسي ضارب لقيتو ليك خلا الصلا وقام علي حيلو وشابكني قوم اتخارجاكا ديل شيعة ديل شيعة وقمنا صوووف متخارجين
|
|
|
|
|
|