|
Re: يوميات سيد جرسه (Re: بلدى يا حبوب)
|
سيد جرسة بعد محاولات عديدة لاقتناء عدة رمضانية حديدية بات بالفشل وعليه التوجه الى البلاستيك السودانى المحشو بالشوائب ويا حليل ايام زمان كله مستورد بس نعمل شنو ناس ولاية الخرطوم زهجوا من مخلفات البلاستيك المجدعة فى الشوارع وامام الوزارات وفى الحدائق المدفعوة الاجر ولا ننسى حدائق حبيبى مفلس فهى خارج الشبكة نسبة لاكتفاء الحبيبان بكيس فول فلاته وتسالى وفى حالات خاصة تقديم موية معدنية تؤكد الحب العميق للمحبوبة وعلى المحبوبة الاحتفاظ بالباقة على وزن (باقة حبنا). غرب امدرمان افران البلاستيك تبلع كل الاشياء فلل المياه الغازية وعلب صابون بشرى وصناديق البارد المدششة والباقات وحتى اباريق الحمامات وفى جريمة اخرى قصارى واحواض نظافة الاطفال ويكون المنتج جردل مشبع بثانى اوكسيد الكربون وجك يعانى من رطوبة الحمامات وصحن مثقل بانفاس علب معالجة الازمة البلاستيكية ووووو فى نهاية الامر متى اشتريت بلاستيك سودانى ان كان جردل فأصله برميل بلاستيكى والصحن فى الاصل قصرية والجك مصدره ابريق والكباية لها مرجيعات عديدة تبدأ من باقايا خرطايش واحواض الاطفال . سيد جرسة تمكن من شحولت الدرداقة الى دولاب ملابس متحرك وبترينة عرض للعطور وادوات التجميل والى رفوف لعرض الخضار والفواكه والمورنقا كمان وقف سيد جرسة امام المورنقا واستنكر سعرها وازبد (انت قايل نفسك بتبيع المورنقا فى قناة دريم المصرية والله شنو يا زول ديك امريكية قبال ما تفتحتها تشيل المرض مش زى بتاعتك ده جايب ليك علب وفتايل فحوصات حرم لو ما سمعته صوت مكرفونك كنته جاى افحص عدييل برضو تقول ب؟؟؟؟ وامكن تكون خضرة او برسيم مدقوق عالم تجيب الضغط . نواصل
|
|
|
|
|
|