صديقي ناذر .. في الموسم السابق كتبت تعقيباً على مداخلة لك فتجاهلتها او لم تنتبه لها.
يا صديق انت تنهي عن الانطباع الشخصي وها انت تأتي بانطباعك وتراكم آرائك عن طه من سنين.
نقدر لك ذوقك الخاص ولكن!! لا اعتقد بان كل من سمع الحلقة واتفق الجميع على ان طه صاحب قدرات كبيرة
اكتب هذا وانا مسؤول عن كلامي وهذا هو تخصصى الذي درسته وليس لان طه ابن خالتي.
ويا صديقي لم اسمع توزيعاً موسيقياً على أسس وانما كان اجتهاد عازفين لكي تكون اعمال نادر كما أداها في حياته رحمه الله.
اما ان تطلب من من تغنوا له بالأمس ان يكونوا مقلدين. فهذا ليس مقامهم لأنهم اصحاب بصمة في خارطة الغناء الان. وان بهتت.
ما زلنا لم نعرف عمر التقانه وما زال مبتدئ وشانه شان المبتدئين التقليد ولكن السودان لا يحتاج نادر خضر اخر لان نادر خالد بما أسس له وتركه فينا. ولكن نحتاج لصوت متفرد وصاحب اضافة لعمر التقانة.
اخي ناذر استمع لطه بتجرد ولا تصطحب معك أغانيه التي يخاطب بها فئة عمرية وثقافية تختلف عنا جيلين كاملين. ولكن استمع له من خلال اعماله الجادة والأعمال التي يقدمها عبر هذا البرنامج والتي أجاد في كل ألوانها.
حبابك يا عزيز خطاب طبعاً دا نفس كلامي الكتبتو رد لناذر و الفرق بينا بسيط في التعبير يا صاحبي و بالجد طه اعطي الأغنية طعمه هو ولونه هو و هذه هي طبيعة طه في كل الاعمل له أو للأخرين .
تحياتي يا فنان
07-23-2012, 09:35 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: الحق وليد خلى السعودية ورجع ترزى بالسوق العربى لووووووووول
وكم امثالي من هجر الحبيب جنّو الاستاذ الرائع كروعة ماء النهر الفنان ابراهيم عبد الحليم ياخي مالي لو بقيت ترزي بس اكون زي الفنان الراحل المقيم محمد حسنين واغني ليكم السايق ... البوباي السايق البوباي ... ورينا وين جاي جاي ... الاشاره جاي ولا جاي
Quote: اكتب هذا وانا مسؤول عن كلامي وهذا هو تخصصى الذي درسته وليس لان طه ابن خالتي.
بالله طه ابن خالتك ياعزيز معناها انت ذاتك فنان ياجماعه عايز اقول الفن له بيئه ممكن الانسان يتشبع بها وعندما يخرج منها لم تواجهه مشاكل لانها تصحبه اين ما ذهب هنا الفن مثله مثل التربيه طه فعلا زول فنان لم نعرفه بعد ظهروه في التلفاز او ظهوره مع فرقة ال البيت ياااااااااااسلام ياعزيز كم المتني بسيرة الفنان طه سليمان لان حينها تذكرت شقيقه صديقنا المرحوم عبد السلام الذي كان يتمتع بامكانيات صوت ماعاديه دائما كنا نطلب منه يغني لنا للفنان وردي واختصارا طه فنان فنان ومن بيئه فنيه ناس منطقة شمبات طبيعتهم بتخلق منهم فنان الخضره والماء والوجه الحسن كل مقومات الجمال والفن عندهم . حسين شندي .. في حلقة امس عملاق بلامنازع زي ماقلت ليكم فوق الفنان حسين شندي امس غنى دلوكه ودي تخصص حسب البيئه يعني ما اظن واحد من الخرطوم يقدر يجود اغاني غرب السودان ولا يستطيع ان يبرع في اغاني الشرق اها دي ناس امريكا بقولو عليها الكونتري ورغم ان حسين شندي لديه حرف ناقص ( الراء) بل لديه امكانيات عمل حليات للاغاني تجبرك الاستماع والاستمتاع بها ياسر تمتام .. بحر بحر بحر غايتو بزكرني بدايات الفان فرفور عندما كانو يسجلون اشرطه مع بعض الغريبه اخر شريط برضو كان مشترك به جمال فرفور ..( العلمك ظلمك ياقلبي تهوى الجمال واستملك ) وفعلا زي ماقال احد الاخوان فوق الناس دي بتعرف كيف تعمل دويتو مع بعض . . عاصم البنا .. الاداء كان اكثر من رائع جمال فرفور .. امس كان وسط ياربي ماله فضل .. خطييييييير جد جد جد امكانيات ماعاديه سميره دنيا وما ادراك ماسميره تعتبر من افضل الاصوات النسائه الان بس كسلانه الناس ديل لو ادوهو فرصة مع فرفور كان قلبو ليكم قناة النيل الازرق والناس طلعت مظاهرات الناس ديل سمعناهم بغنو مع بعض حتى قبل مايظهروا للناسإابداع إبداع إبداع من زمن الصوالين
تحياتي للجميع
07-22-2012, 03:58 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
السر يتحدث عن اهتمامات الإنسان و بناء الدنيا و الأخرة و يتحدث عن نشاطاته . و واضح الحلقة عن أغاني الوطن و عن اغاني الحرب العالمية و غناء قوة دفاع السودان و اول أغنية مع سميرة و يجو عائدين سميرة بتوب (الزبرا) و (الجزماية) الحمراء زي ما قال قريب محمد كبر لوووووول
يتحدث قدور عن أغنية يا أم ضفائر و ياسر تمتام الأغنية جيدة مع صوت صاحبنا ياسر و يؤديها بشكل ممتاز
07-22-2012, 06:05 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
الجنيات يا بقاره و فردتنا و طبعاً فردتنا اتجدع فيها و ما شاء الله شاله قوووق بس بالبخرة . كنت متوقع انها يغنيها عوض الكريم في حلقته لأنه اشتهر بها. فرفور قام ينقز و كلهم قاموا .
فضل ايوب و قمر العشاء الضواي ما شاء الله علي فضل أيوب صوت رخيم و واثق من نفسه و مليان و عندو خيال جيد للحلى في صوته و حاااافظ الأغنية دي بشكل صاااح مما قال:- شدوا ليهوا الشلواح ونهموا ليو الصلاح مبروووك يا فضل .
حسين شندي و عجبوني (ياحليلك ياود الجبل) و حسين (ركبه عيري) سااااي وجري بيها جري السواااد الغريبة العازفين اخر انبساط و كلهم و قفوا فوووق .
07-22-2012, 06:34 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
غايتو حلقة الليلة دي كان ناقصة البشير بيكون نقز في القصر الجمهوري غايتو الحلقة دي لو كانت في شندي ما اظن في جعلي بيكون قاعد في الواطة كانت العجاجة قايمة
حركة ود البنا بتاعة البخرة كانت ظاااااااااااهرة ياخي الاغنية بتاعة ود البنا الكبير مفروض تحفظها ياخ احمودي اداها هزة بالكتف كدة ريحتني في حناني
البت بتاعة الكمنجة كانت مبسوطة شديد ونقرشت ليها نقرشات كدة ماخدة راحتها وكان ما الحقة متلفزة كان هي وزرياب برعي حتووووه عدييييييل
07-22-2012, 06:46 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
لكم التحية جميعا ورمضان كريم التحليل الفني لحلقتي الامس واليوم والتي خصت سيرة واغاني الصديق الفنان الراحل نادر خضر عليه رحمة الله ومغفرته وصالح الدعوات بان يتقبله الله قبولا حسنا لا استطيع معها ان استبعد كل مشاعر الحزن والاسي المصاحبة لها داخل الاستوديو وخارجه والذي يجعل كل تقييم للاداء الفني الملئ بالاشجان و الاحزان مما اثر كثيرا في اداء البعض .ونادر حبيبنا فقد كبير للبرنامج وللفن السوداني. , وقد كنت مطلعا علي بعض ما كان يعده للمستقبل الذي لم يمهله القدر في تنفيذه . ولعلمي اليقين بحالة البكاء الحارالذي ساد الاستوديو لفترات طويله مما استدعي ايقاف التسجيل مرات عديده فانني امر سريعا علي الملاحظات الاتيه : في الحلقة الاولي تناولت المرثية المؤثرة للفنان عاصم البنا بالاضافة إلي مشاركات مختارة للراحل المقيم نادر خضر و التي اكدت امكانياته الكبيره , وإستيعابه لكل التراث الفني الذي شكل وجدانه الفني اما الحلقة الثانية : فقد سكب الفنان عصام محمد نور كل مشا عره المرهفه في لحن المرثية فخرجت كما ينبغي ان تكون ولم يؤثر علي ذلك طريقة البلي باك التي ادي بها الاغنية رغم خيانة مشاعره له لتفلت منه في بعض اللحظات المتابعة المحكمة. ولكن اللحن والاداء يناسبان تماما هذه المرثية المؤثرة. ورغم تاثره العميق ودموعه الفياضة كان اداء الفنان طه سليمان هو الافضل علي الإطلاق في هذه الحلقه التي تناولت اغنيات الراحل العزيز الفنان نادر خضر عبر اغنية إشتقت ليك وهي احدي اجمل اغانيه الخاصه التي تبرز امكانياته الكبيره يستحق عليه الدرجه الكاملة بالرغم من توقفه هنيهة بسبب التأثر غير الملام عليه . اما اداء الشابان الفنانان حسين الصادق وشريف الفحيل فقد كان تقريريا شابته بعض العيوب الصوتيه عند الفنان حسين الصادق الذي ظهر فيه بعض الشروخ لعله بفعل التأثر ايضا اما شريف فقد شابت اداءه بعض العيوب بالذات في المناطق العاليه من الاداء وهو كان اكثر ما يميز الراحل العزيز نادر خضر وتمكنه من الاداء في تلك المساحه الصوتيه . بإستثناء اغنيه إشتقت ليك , صاحبت ايضا بعض الدربكه اداء الاوركسترا ولو انها غير ملحوظة كثيرا . علي العموم كانت حلقتين مؤثرتين اوفتا بعض الحق في فن الراحل المقيم الفنان نادر خضر له الرحمة والمغفرة.
07-22-2012, 08:11 PM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
الشي الجميل جداً وبصراحة عجبني شددددددددددددددددددددددددديد انسحاب شباب اغاني واغاني عرفناً لزميلهم الراحل نادر خضر والله الحركة دي سمحة منهم بالجد ان احترمتهم شديد
07-22-2012, 08:20 PM
محمد الامين محمد محمد الامين محمد
تاريخ التسجيل: 03-07-2005
مجموع المشاركات: 10013
اختيار غير موفق من جيل العواجيز ياريت لو كان الاختيار من جيل الشباب خاصة نجوم الغد الفرحتهم النيل الازرق اصلاً اما ناس الكتاب ديل ماكان في داعي ليهم اصلهم معروفين لدينا مسبقاً عاصم البنا البخرة علي الشاشة افضل من الورق
فضل أيوب .... لم يُخيِّب ظني فيه أبداً.. خامة صوت نادرة هذه الأيام.. صوت ( باص ) ممتع ، مليان ، طروب .. مساحة صوتية مهولة.. أستغرب ليه ما قاعد قِدام؟؟ بطِل كسل يا فضل ، فمكانك شااااااغر ..
--------- يا ناذر،، فضل ده راس مال عروقو ( ترطيبة ) وكم كيلو زيادة كده، وبعد داك تعال شوف ..
07-22-2012, 08:59 PM
Yasier Elsayed Yasier Elsayed
تاريخ التسجيل: 02-27-2008
مجموع المشاركات: 3401
سلام على الشباب جميعا حلقة تعتبر بداية جديدة وموفقة واختيار الفناننبن والاغانى والمفاجاء الجميلة والراقية صوت ذلك الشاب .. فضل حقيقة اداء ممتاز جدا وملكة تطريب عالية نتمنى له التوفيق وجود فرفور يعطى البرنامج بعد ونكهه خاصة
ويا سلام لو ( اسرار بابكر ) كانت موجودة
07-22-2012, 09:21 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
Quote: اما اداء الشابان الفنانان حسين الصادق وشريف الفحيل فقد كان تقريريا شابته بعض العيوب الصوتيه عند الفنان حسين الصادق الذي ظهر فيه بعض الشروخ لعله بفعل التأثر ايضا اما شريف فقد شابت اداءه بعض العيوب بالذات في المناطق العاليه من الاداء
حسين الصادق فنان لديه امكانيات صوتية قوية فقط هنا هو عدم سيطرته على النص مما جعله يغنى بدون خطة واضحة.
ننتظر لنرى فعملية الاختيار للاغانى هل التى ستلعب دورا فى ان يصفق او يفلق لفنان ما اما الاصوات نفسها فكلها ممتازة
حتى الان اختيارات طه سليمان ممتازة
يعنى تخيل ان تغنى سميرة دنيا اغنية محمد الا مين زاد الشجون بل ان يغنى محمد الامين نفسه دخلوها وصقيرها حام مابتجى لوووووووول
Quote: هسي دا كلو هين.... انا البحلني من الغنية دي شنو لاني لي هسي بكون سمعتها زي كم مليار مرة كدا... تطريب عالي وصدق متناهي واكاد اجزم بان
الصدق الذي احسسته في اداء طه سليمان لهذه الاغنية لم ارى مثله لا في الاولين ولا الاخرين.... صدق صدق جد جد.
تعليق مبالغة
07-22-2012, 10:40 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
انا فقدناك حتى لا اصطبار لنا ومات قبلك اقوام فما فقدوا
لك الرحمة يانادر فقد كنت انسانا والانسانية هي اساس للفنان الحقيقي الصادق نادر خضر حفر محبته في قلوب الجميع لاول مرة ارى هذا الحزن العميق في قلوب الجميع ولكن يستحق نادر اكثر من ذكرى ارسل التعازي من هنا لرفاقه القدماء خاصة عصام وعاصم وجمال ولاسرته وجميع محبيه حبيبو كان حبيبا للجميع واخا للجميع واستحق بجدارة احترام وتقدير الكل عن نفسي احس بشرخ عميق كل ما شاهدت البرنامج لان في ذهني اربعة اساسيين افتقدنا اجملهم
الاخ الكريم سفيان و كل طاقم اغاني و اغاني السنوي الزملاء و الزميلات في البورد... رمضان كريم , تقبل الله منا و منكم صالح الاعمال ........................ رحم الله الفقيد الشاب المهذب الخلوق نادر خضر و تغمده بواسع رحمته بركة هذه الايام الطيبة المباركة
....
07-23-2012, 04:59 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: و الله شكلو عيال بانت ح يعملو علينا شللية داخل البوست
اقول ليكم حاجةارح مافي مشكلة بس الخير دا ما معانا دا بتاع مشاكل جد جد لووووول ما شايفين العراقي و الطاقية المحدرة!!!
سفيان ..........سلام
رحم الله نادر الانسان الفنان بقدر ما قدم وبقدر بره باسرته وباهل الحى جميعاً اولاد حلتنا كلهم هنا اولاد وبنات رعاكم الله.. اداء طه فى اغنية نادر خضر كانت من اجمل ما قدم فى الحلقة التى كانت عن المرحوم، وكما كان اداء عاصم البنا معبراً فى المرثية.. طبعاً انا والمرحوم ساكنين شارع واحد ودرسنا فى مدرسة بيت الامانه الثانويه العامه حيث كنت انا بالصف الثالث وكان نادر وعبد الناصر المرضى فى الصف الاول وكنا نذهب الى المدرسة سويا ، وكان المرحوم شديد التهذيب وخلوق ومحترم، احبه اهل الحى ليس لانه فنان ،احبوه لانه انسان بكل ما تحمل الكلمه من معنى و شخص اجتماعى من الطراز الاول، يحضر كل مناسباتهم افراح واتراح ويساهمهم ماله وطعامه.. رحمة الله تتغشى نادر حتى لا تبقى من ذنوبه شئياً ،،،
07-23-2012, 06:15 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
Quote: احبه اهل الحى ليس لانه فنان ،احبوه لانه انسان بكل ما تحمل الكلمه من معنى و شخص اجتماعى من الطراز الاول، يحضر كل مناسباتهم افراح واتراح ويساهمهم ماله وطعامه.. رحمة الله تتغشى نادر حتى لا تبقى من ذنوبه شئياً ،،،
الرحمة لنادر وكل سنة وإنتو طيبين نابري وضيوفه
07-23-2012, 09:18 AM
صلاح هاشم السعيد صلاح هاشم السعيد
تاريخ التسجيل: 07-03-2008
مجموع المشاركات: 987
فراغات ما حدث .!! "حبيبو" فصاحة الموت ـ أم ركاكة الوقت كأنما يجاورنا أو يضيء على مقربة منا ـ "أبعد قليلاً من مدى الاقتدار على تجاوزنا" ـ ربما غائم قليلاً أو يجثو الغمر الأبيض بطباع الفنان ـ و"نحن" آلة الانتهاء، آلة الغياب الكسول حماقةً، نملأ "فراغات" ما حدث، بحسب المزاج.. مسوقو الجهالات والحياة مؤجلة "غد بعد غد".. ما جيء بنا سفاهةً. الآن.. أي قائمة احتمال، أو غناء أو إسفاف، أو غباء، أو حتى شقاء هارب إلى الفناء ـ لن يكون شيئاً دوننا ـ حتى نحن هذا الزحام، التائهة في مخيلتنا إلى الموت.. هذه الشوارع "لنا".! فليكن "حبيبو".. كأنما جيء به، يدفئنا في سياق يسمح بمغامرة الموت "الجديد" خارج أطواقنا ـ كأنما يفتننا "حبيبو" عمداً "حشفاً وسوء كيلة" أو يصوغنا "موتاً" أو "لحناً".. ليته أو لعله يحررنا "في ذاته" "أصلاً" ـ أوليس المزاج مزاج شرق ـ أوليس التدوين تدوين شرق.!.. فليرمموا هذا الوقت أو فليعدلوا وجهة هذا المغيب.
07-23-2012, 02:00 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
اجدع تراحيب و تحيات لست الناس و اختنا العزيزة ممكونة أول من افترعت هذا البوست و يا ممكونة و الله لسه بتذكر تعليقات و قصص عجيبة عن التياب و الحنن و الميكاب هاهاها ياخ تابعي معانا .
Quote: الاخ الكريم سفيان و كل طاقم اغاني و اغاني السنوي الزملاء و الزميلات في البورد... رمضان كريم , تقبل الله منا و منكم صالح الاعمال
و ربنا يرحم نادر خضر و يجعل الجنة مقامه .
و حباب صديق الموج و حباب الدفعة ضياء ميرغي (دفعة سكن في القاهرة) و جنو فواكه لووووول. و حباب ناذر تحياتي لصلاح هاشم (و مبسوط منك) يا صلاح عبد الله فردتنا فضل غناااائي ماشاء الله ناذر دا حاسد ساااااي هههههههههههه. شرفتنا يا اشرف يا حلبي حباب ايوب عبد الرحيم
الحلقة لعبد الوهاب الصادق و طلع ود عم قدور شعدابي و قدور وفضل أيوب (حبايبي الحلوينن) اها لبس ليك البدلة يا ناذر و فضل ممتاز كالعاده فرفور غياب أوعه تجي تقول لي الحركه الفي صوت فضل دي شنو يا ناذر سمح؟
السر يتكلم عن محمود فلاح صاحب دار فلاح هههههههه هيثم كابو مجرد مشاغبات ليّ وحكي قصة انو كتب مقال عنوانه :- محمود فلاح ينتقل للدار الاخرى اغنية ابو صلاح فريع البانة (ربنا يرحم بادي) فرفور يظهر متأخر يا (وليد عبد اللطيف) البخرة ظااااهر لفردتنا عاصم الأغنية دي كانو يخلوها لحسين شندي أو فرفور في مشكلة في آداء الأغنية دي.
07-23-2012, 06:02 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: أوعه تجي تقول لي الحركه الفي صوت فضل دي شنو يا ناذر سمح؟
للأسف ما حضرت الحلقة .. كنت فاطر عند جماعة اصحابي ولمن جات مواعيد البرنامج قلت ليهم افتحوا التلفزيون قالوا لي والله الكهرباء غلت 300% زيادة .. ما دايرين تبذير لأنو الظروف صعبة .. إختار يا التلفزيون يا المروحة ..؟!! .
أهو قدرت الظروف وأخترت المروحة وشربنا الشاي والقهوة على ضوء الشموع ..!!
كدي نشوف الإعادة أو الفيويوهات هنا ..!!
07-23-2012, 06:16 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
اغنية وليد دافور يا (دينا خالد) آدا قسمة قسمة تقعد الأغية في علبا قعيد صح (يا جماعة عبد الوهاب دا سمح عديل)
السر قدور يقبض فرفور ههههههه قال ليهو أنت و ييين ؟! فرفور و بعد دا كلو كمان بتشكي (أجمل أغاني عبد الوهاب الصادق) دي عبد الوهاب بتقطع فيها رسممممي فرفور بيجيد الأغنية كويس و حافظه و بغنيها من زماااااان بتاع البيز (محمد بشير) اخر سنكبه .
Quote: عاصمة الدلاليك
هاهاهاهاها دلاليك شديده جداً و كله نقزي
تقول لي أم درمان عاصمة كل السوداااان هاهاهاهاهاهاهاي و الله صهيب حامد ما غلطان لووووووول
07-23-2012, 06:34 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
بعد مافات الأوان التجاني حاج موسي آداء صاحبنا تمتا م آداء جيد لياسر و هو بيغنيها برضو ليهو زمن (بالجد أغاني عبد الوهاب مؤهل ليها فرفور بصورة مدهشة و بتذكر بدايات فرفور كان يغنيها باستمرار) بتاع البيز شغال شغل عجيب في الأغنية . فرفور و حركة مسرحية يقبل يد عبد الوهاب الصادق .
من المحمية لشندي و حسين يغني ست الريد (اثيرة عبد الوهاب) الأغنية دي عبد الوهاب ببكي بيها خلق الله عديييل و عندو حية ليها روح رسميييييييي و بيطلع فيها و ينزل علي كيف كيفو و حسين شندي كتل كتل . رغم كدا كلهم وقفوا في الاستديو . حسين شندي عااااادي ينشز و يجلي (يا حسين ياخ ده شنو ياخ خلي الراجل في حالو هو كدا مبسوووط و ممون) تااااااني حسين يجلي في العالي و فرفور ينقذ الموقف و سميرة تلعب في الغليظ . بتاع البيز هو نجم الحلقة اليوم.
و تنتهي الحلقة وهي و سط فقط رغم أنهم قدموا اجمل الأغاني الشعبيية لكن لعبوها دون روح .
07-23-2012, 06:42 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
Quote: أهو قدرت الظروف وأخترت المروحة وشربنا الشاي والقهوة على ضوء الشموع ..!!
و الله عزاااال يا ناذر تصدق اختيارك كان صح و تصدق الحلقة تعبااانه و غناء عبد الوهاب الصادق الخفيف الظريف الراقص داك اتشولبوهو شولب لب و كتلو طلع فضل بس الأجتهد .
هسي بسمع في صاحبنا (عادل مسلم) احسن صوت في السودان المعاصر (بعد محمد البدري طبعاً) حاجة ما تخلص .
اصلو من السودانيين اختاروا المروحه و بعديها الشجرة الحراية الدخلت فيمهم ماطلعت .
07-23-2012, 07:02 PM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
Quote: بالجد نادر فقد لا يعوض على كافة الأصعدة و فعلاً اتبهته لعازف الكمان فى ذات اللحظة و ذكرتو في مداخلة بس في اللحظة ديك كان مدنقر و أنا ما انتبهته انو زرياب برعي و زرياب يا الخير موسيقي معروف لدينا
الرحمة والمغفرة لنادر نادر الشخص النادر في خُلقه إنسان بمعنى كلمة إنسان .. حقيقة يعرفها كل من جمعته ولو لحظة بنادر أللهم ارحمه وأغفر له كل زلاته وأحسن إليه انه عبدك الفقير لك وأبدله أهل خير من أهله وأسكنه فسيح جناتك مع الصديقين وحسن أولئك رفيقا
تلك الدموع التي زرفت صادقة لإنسان كان صادق في حياته مع أخوانه وأخواته كان صادق مع الكل فلك الرحمة نادر خضر ولك المغفرة من رب كريم بعباده رحيم وما أنت بعزيز على الله ولله ما اعطى ولله ما أخذ وإنا لله وإنا إليه راجعون
وأخر دعوانا أللهم صلي على المصطفى الرسول الأمين
07-23-2012, 07:52 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
كل سنة وانت طيب ياسفيان حلقة تحكي روعة الفن الصادق عن الفنان عبد الوهاب الصادق متعه الله بالصحة والعافية حبذا لو في حلقة تانية عن هذا المبدع. أحلى حاجة أمس واليوم مرتاحين من هرجلة ناس نجوم الغد (ريماز وشريف وافراح).
كل سنه و انتوا طيبين رمضان الجاي بلدنا في احسن حال شكرا سفيان علي البوست الرائع ياسر تمتام زميل البورد اضافه حقيقيه للبرنامج. عودة سميره دنيا مميزه بس تشوف ليها ليمونه لانه طوالي بطنها طامه
لي عوده
07-24-2012, 07:06 AM
khaleel khaleel
تاريخ التسجيل: 02-16-2002
مجموع المشاركات: 30134
ورحم الله نادر النادر في كل حياته ... حقا في السنين الماضيه وفي نفس البوست بتاع التحليل للبرنامج كما عهدنا بكم ..انتقد الكثيرون نادر وحتى اذكر فيما اذكر غنوة مصطفى بقيت اغني عليك دي يوم غناها نادر قامت الدنيا ولم تقعد ...انا ومجموعة دافعنا عنو لاننا كنا بنعرفو كويس من الحلة ومن الحفلات ومن فنو وحبو واجتهادو لفنو ....دافعت لحظتها بدون حسابات لاي شي وباحساس اكتر من عادي لكن صراحة لم اتوقع ان حزني على نادر كبير في نفسي لهذه الدرجة ...والله طيلة الحلقات واستعراضها دموعي لاتقف لا انا ولا زميلتي في السكن لم اعرف الكثير من جمالياته في صوته ودوزناته في اناقته وفي محياهو ...واقدر لمجموعته ما نزفوه من محبه دموع والم ويكفي حق الالفه ... ولكن الحياة تمشي في مسيرتها وتبقى الاحزان تضعف وتضعف وتبهت ... برنامج اغاني واغاني البرنامج الاول بلا منازع لناس الغربة في السودان ما عارفاهو لكن نحن بنحضرو وناخر الصلاة وتاني بنحضر الاعادة كثيرا
ونتمنى عودة الرونق الاول
يا سفيان مالها جزمة سميرة سعيد عيبها لي ؟ ونلتقي
07-24-2012, 09:11 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: صديقي ناذر .. في الموسم السابق كتبت تعقيباً على مداخلة لك فتجاهلتها او لم تنتبه لها.
يا صديقي اقسم لك بالله العظيم وانا صائم أنني لم أنتبه لمداخلتك هذه إلا اليوم !! انا ما عارف انتوا بتعملوها كيف ؟!! .. أنا متاكد مداخلتك دي ما كانت موجودة لمن انا كتبت تعقيبي البعديك .. أنا قبل شوية كنت براجع في مداخلات البوست دا شفت مداخلتك وتعقيب سفيان عليها رغم إنو تاريخا يوم 22 لكن والله ما شفتها وما عارفا جات فوق كيف ..!!
فيا عزيزي عزيز والله لا أتجاهلك ولن اقدر وأنت تعرف مدى أحترامي لك من قبل أن ألتقيك وبعده في معية صديقنا المرحوم خالد الحاج رحمه الله ورغم انني كتبت مداخلتين بعد مداخلتك أعلاه إلا انني أقسم بكل عزيز لدي أنني لم أرى مداخلتك إلا اليوم ..!!
ولا أذكر حتى أنني تجاهلتك العام السابق فلك العتبى حتى ترضى ..!!
أما موضوع طه سليمان .. فانا عند رأيي الذي كتبته كثيرا ورددته كثيرا .. طه سليمان لديه خامة صوتية متفردة وإداء متميز يختلف كثيرا عن ابناء جيله .. وطه يرجى منه الكثير .. والكثيرين يعيبوا على أنني احيانا أمتدحه كثيرا في مقالاتي ثم لا البث أن أنقلب عليه لأنتقده بالفاظ لاذعة وقارعة !! فعلام يدل ذلك ؟!!
كما أنني اقدر تماما دفاعك عن الأغاني التي يغنيها طه لأعمار معينة واعرف من ذلك من متطلبات المرحلة ومداخيل الإنتشار والذيوع .. لا غضاضة لدي في ذلك طالما أن طه لديه الكثير من الأعمال الجادة ليقدمها ..
وصدقني ورغم ثناء الكثيرين على الأغنية التي قدمها طه هنا (أغنية نادر خضر) فأنا عند رأيي وحكمت عليها بمنظور محايد تماما .. واعتقد أن الكثيرين حكموا عليها بمنظور الحزن الذي يعتمل بدواخلهم ودواخل طه سليمان فأثنوا عليها .. وأنت يا عزيز تقول أن العازفين أجتهدوا في أداء الأغنية وأشرت من طرف أو أخر أنهم لم يجودوها بالشكل المطلوب وهذا ما قصدته . إذا أتفقنا أن الأغنية لم تكن بالاداء المطلوب بغض النظر عن من يتحمل المسئولية ..!
اما الأستعانة بمقلدين لإداء اغنيات نادر خضر في هذا البرنامج فلا أدري لم أعترضت على ذلك !! لم ينقص أحد من مكانة طه أو شريف أو حسين ولكن مجال ومدى صوتهم لا يتفق مع نوعية وصوت نادر خضر .. وهذا قد لا يخفى عليك وهذا تخصصك وفي رايي ان سوء الاختيار هو الذي جعل الأغاني تأتي ماسخة كما المسلسلات المكسيكية أو التركية المدبلجة ..!!
نختلف او نتفق .. وقد ترى غير ذلك يا عزيزي عزيز .. لك كل الود والأحترام ..!!
07-24-2012, 05:04 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
معليش أمس غياب يا شباب من الكتابة رغم أنم حضرته الحلقة بس كانت مرض شديد و يا مرتضي و الله شريف ذبحنا ذبح الزول دا كعببببب عديييل .
الهم في رسالة طويلة جاتني علي الأيمل من صديق متابع للبرنامج :-
Quote: يلا خليني اديك رايي العادي..حلقة الليلة عادية رغم اني متأكد في ناس ح تندهش بي فهيمة الانا بشوفا كانت ما قدر اندهاش السر قدور.. الحلقة دي اثبتت حاجة مهمة جدا إنو الفنانين الشباب بيحترموا البرنامج والغنا اكتر من امثال عاصم البنا وفرفور والدليل حفظهم للاغاني بي طريقة ما فيها اخطاء بعكس عاصم وفروفر البيقرو من ورقة اثناء البنرامج وده دليل استهتار منهم وتكبر وتعالي..
الحاجة التانية الفرقة الموسيقية وطريقة الاداء بتاعا بتوحي لي اي زووول انو الفنان ابدع في اداء الاغنية والسبب واضح انو الفرقة متمكنة وتؤدي بي صورة احترافية اساسها الخبرة اكتر من انها مبرفة ..بس بعيب على الفرقة انو صوتها غالبا بيكون اعلى من صوت الفنان وده بيمووت اداء الفنان وبيخفي صوته وان كان هنا انا برضو بعيب الفنانين لي ضعف امكانياتهم ومحدودة اصواتهم وهنا بضرب مثال بي فهيمة وشموس اللي صوتهم كان رايييح ولو انهم التزمو بي الاداء.
حاجة برضو اثبتت فشل السر قدور في تقديراته في توزيع الفرص على الفنانين واختيارهم لي اداء الاغاني ..كنت بفتكر انو الليلة تحديييدا ده يوم سميرة الدنيا خصووصا واغنيات الراحل عثمان الشفيع البان جديد..الايام الفاتت كلها اوكلت لي سميرة دنيا اغاني باهتة حرمتها من نثر ابداعها الصوتي..
أهو زي ماجاني و صلتو بس رصيتو كويس .
07-25-2012, 04:49 PM
Yasier Elsayed Yasier Elsayed
تاريخ التسجيل: 02-27-2008
مجموع المشاركات: 3401
افضل فنان حتى الان طه سليمان و البرنامج اثبت ان لديه إمكانيات كبيره و مشاركته كانت فى صالح مشواره الفنى و اعتقد انه اكبر المستفيدين شريف الموسم الحالى ليس كما عهدناه سميره دنيا هى سميره دنيا ابداع لا متناهي استضافة ود الأمين و حمد الريح محمد ميرغنى وا وا وا الموسم الماضي رفعت سقف التحدى و التوقعات و هذا ما لم يستطيع السر قدور الاقتراب منه او تجاوزه فى هذا الموسم ان سار الموسم بهذا النمط يعنى ان برنامج ريحة البن و مشوار قصيدة لنضال الحاج هم افضل البرنامج لهذا الموسم
سلام سفيان و البقية
07-25-2012, 09:08 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
حبابك يا أحمد خليل و الله حسين الصادق دا بكتل عديييل
ياسر السيد كيفك ؟ صاحبي سماااع و اضانو نجييضه و بختها تااااح
أحمد يا قرشي يا فنان البرامج دا بقي تعويده ساااي مننا و أخوك نائم على كنز رق عجييب الكحلاوي كلو و بادي بالرق الجد هسي الصبى النجدي عند الكحلاوي كيف معاك!؟ و بعديها بادي رق عجيب مابخاف من شئ برضو خابر !؟
يا ناصر يابطل لو عايزني اختلف معاك تاني جيب سيرة الاسمه نضال دي أو التانية العاملة فيها مذيعة دي!!
يا ناذر لما عمك دا قال حميرا زي أم كلثوم قلته :- و الله عمك دا بقنبله قنبيل
07-26-2012, 00:14 AM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
Quote: و أخوك نائم على كنز رق عجييب الكحلاوي كلو و بادي بالرق الجد هسي الصبى النجدي عند الكحلاوي كيف معاك!؟
ات يازول مالك مذكرني بمرض غنانا في مره سمعت فرفور صديقي بغني اغنيى الكحلاوي الصبا النجدي اندهشت واستغربت عديييييل كان بغنيها بنفس طريقة الكحلاوي زمان و سجلها بطريقة تانيه زي ما شايفين تحت هسه نقلتها ليكم كمان
Quote: يا نسايم هزي احزر سيف لحظو وقنابل الهندي متي يا عين بتهجدي بلغيهي اشواقي بكايا وسهدي قولي ليهو عاشقك لم يزل علي عهدي متي يا عين بتهجدي كان سيوف الحاظك يا ناعم الجسدي ما شفنا الغزال بعيونو بجرح الاسدي
اها قلت ليهو ياجمال يا تغني الغناء زي ماغنوهو اصحابه او تخليهو قال انا اعمل شنو مع ناس لجنة النصوص قالو لي غنيها بالطريقه دي الكحلاوي بقول( يانسايم ردي احذر سيف لحظو وقنابل النهدي ) بالله كيف قنابل النهدي مع سياف الالحاظ تبقى قنابل الهندي افتونا بس امكن انا ماعارفه حاجه هم ناس لجنة النصوص من حقهم يشقلبو الغناء ولا شنو ولا يكون فرفور دا مشاني بس بكلام لجنة النصوص
. . حلقة يوم امس انصاف مدني تجلت ودسترت عديل اهو دا الغناء ولا بلاش غايتو بتذكرني ليكم الفنان خضر بشير عندما يتجلى
07-26-2012, 03:26 PM
ناصر البطل ناصر البطل
تاريخ التسجيل: 10-14-2005
مجموع المشاركات: 2806
الشاعر تاج السر عباس قال في لحظة حماس أن عاصم البنا هو ( أحسن ) من يؤدي أغاني الفنان المرحوم خوجلي عثمان أظن أن قالته هذه قد فارقت اللباقة لا خلاف على إمكانيات عاصم البنا الفنية الهائلة ولا خلاف أيضاً على إمكانية أن يكون عاصم البنا هو ( فعلاً ) أحسن من يؤدي أغاني المرحوم خوجلي عثمان لكن أن تقال الجملة هكذا... وفي بداية الحلقة... وفي حضور ( فنانين ) تم إحضارهم ( هم كذلك ) ليؤدوا أغاني الفنان المرحوم خوجلي عثمان .... أظن أن تاج السر قد فارق اللباقة والحصافة بمراحل لو كنت في مكان أى من الفنانين الموجودين في الحلقة والله لم أكن لأتردد في مغادرة الحلقة فوراً ... فمهما كان الأداء فقد حسمت النتيجة قبل البدء
___________________
كان من الممكن - وإن كان لابد من ذكر تاج السر لجملته هذه - كان من الممكن أن يقول " عاصم البنا من الذين يجيدون وبجدارة أداء أغاني خوجلي عثمان " أو أى شئ من هذا القبيل فيفتح بذلك الباب للآخرين - على الأقل الموجودين معه في الحلقة - بدلاً عن إغلاق الباب
و حلقة جديدة مع الفنان الشعبي عبد الله محمد صاحب الصوت الجميل و الأغنيات الجميلة في طفلة صغيرة في الاستديو قاعدة بالقرب من فردتنا عاصم و التيم في الحلقة تيم الكبار (زي مابظن البعض) بدات الحلقة باغنة غدر الزمن مع فرفور و المجموعة آداء تعباااان.
عبد الله محمد يغني الحنين البيّ معه صاحبنا تمتام .
07-27-2012, 06:31 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
ما بنقدر نغير في الأيام سجية و سميرة دنيا (يا جماعة سميرة دي بتغنى بدون نفس كدا ليه!!! رغم كدا الاستديو يتفاعل ودا لطبيعة الأغية فسها و لطبيعة اشعار عوض جبير الاشعار الحية التفاعلية و النشطة انساياً ياخ عوض جبريل دا شاعر مستقبل و امل و تفاؤول.
أووووو أجمل اغاني الحقيبة يام فاح طيب رياهُ مزيكا و شعر و توزيع صوتي حاجة ما تخلص بتاع البيز دا عجيييب شديد فردتناواااضح استلامه للأغنية و فرفور يضرب خطوط عجيبة بحرفنة شديده . حسين شندي دا عندو اللوان بدل و كرفتات بعرفه براهوووو . و الله ما شاء الله عبد الله محمد محافظ على لياقة صوته شديد .
أنتهت الحلقة و ما عرفنا قصة الشافعه الصغيرة !!؟
07-27-2012, 06:40 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
سفيان على مااعتقد هذة الصغيرة الحلوة ابنة الموسيقى سعدالدين الطيب أسمها إسراء
بعدين شنو الشكلة الحصلت فى الاغنية الاخيرة يا من فاح بين الفنان عبدالله محمد من ناحية و حسين شندى وعاصم البنا فى كلمات الاغنية حتى ان عاصم احتج بشدة و حسين شندى انسحب مبتسما
07-27-2012, 09:36 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2440
Quote: بعدين شنو الشكلة الحصلت فى الاغنية الاخيرة يا من فاح بين الفنان عبدالله محمد من ناحية و حسين شندى وعاصم البنا فى كلمات الاغنية حتى ان عاصم احتج بشدة و حسين شندى انسحب مبتسما
ابراهيم عبد الحليم كل سنة وانت طيب
حصلت لخبطة كالعادة زي ما بتحصل في اغنيات الحقيبة ونسو كوبليه كامل بداهو حسين شندي
لكن لما دخل عبد الله محمد ، حسين شندي اتراجع والكوبليه قبل الأخير هو :
ملاك سبحان من سواه .. ورفع في الفرقد مأواه صعيب قلبه ما اقواه .. عشوقه المرضان يهواه يقتله وشوفته دواه
07-27-2012, 09:19 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
ما ننسى للفنان محمود عبد العزيز إنو ليهو الفضل في بعث اغاني الفنان عبد الله محمد وتسويقها من جديد وسط الشباب والكلام دا في أوائل التسعينات تقريبا ..!!
وبرضو لي محمود الفضل في إعادة تقديم وتسويق اكتر من 60 في المية من اغاني المرحوم محمد احمد عوض وسط الشباب وتقديمها في قالب لحني مواكب وتوزيع موسيقي جاذب للجيل الجديد ...!
عن تقييمي للحلقة عموما فهي دون المستوى كثيرا ودا رأي خاص جدا ..!!
وأنا بالجد متشائم حيال باقي الحلقات وأشك ان تاتي بالجديد المشوق ...!!
07-27-2012, 10:16 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
ود نابري كل سنة و إنت طيب وين الحي بيك من يوم طردك الاستاذ من الفصل و عييييك و الله ليك وحشة و الاستاذ كمان عرس فتح لينا يا سيف ده كلو غناء الزمن الحلو وين حق اليوم ما تقولي قنبلة مليون سلام يا حبيب
07-28-2012, 07:42 AM
ودالعباسية ودالعباسية
تاريخ التسجيل: 10-28-2002
مجموع المشاركات: 2442
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سفيان بشير نابرى
وليد عبد اللطيف
عبير خيرى
طارق جبريل
ودالعباسية
ناذر محمد الخليفة
ضياء الدين ميرغني
محمد الامين محمد
Yasier Elsayed
إبراهيم عبد الحليم
ايوب عبدالرحيم
mamkouna
صديق الموج
Ashraf el-Halabi
صلاح هاشم السعيد
محمد المرتضى حامد
خالد علي محجوب المنسي
عاطف عمر
Emad Ahmed
الخير محمد عوض
Dania Elmaki
khaleel
نعمات حمود
Mohamed Foto7li
mohmed khalail
Ahmed al Qurashi
ناصر البطل
عزالدين عباس الفحل
علي مزمل
بكري عباس علي
دينا خالد
فيس بوك
تويتر
انستقرام
يوتيوب
بنتيريست