|
|
|
 Re: بأمر نجوم المريخ........كاس الممتاز مسيييييييييييييييخ (Re: haroon diyab)
|
غدا الجمعة 4/12/2009م
الثامنة مساء
وباستاد الخرطوم
سيعيد نجوم المريخ سيرة مازيمبي
الخماسية التاريخية سيرتها الاولي .
وسيوكد السهم النيجيري وارغو بانه لم
يكن مثل ( سادومبا ) ماسورة .....
وسيبرهن الدافي الخراف يلاعلاء الدين بان
اللعب في الوسط فن وليس ( شلابييييييييييت ).
وسيتكرم ايداهور بتأكيد انه هداف افريقيا .
بينما يوكد الساحر كلاتشي بانه كان خبطة الموسم
للوالي وصفعة العمر للارباب وان ولاراته حلااااااال
وسيضع كاريكا في حجمه الطبيعي .
| |
 
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: الفاضل يسن عثمان)
|
والله يا هارون يا اخوي ، وماطالبني حليفة
لمن نغلبكم اول واحد بجي في بالي " هارون دياب"
عشان كدة هون شوية ، وللأسف كلوا بقى لاحق بعضوا
لكن من المتوقع أن يضر الشد الزائد لاعبي المريخ،
لحرصهم كسب النتيجة لتضميد جراح الموسم وعلى الأقل فقدان
الممتاز بعد كل الزخم الكبير الذي صاحب الموسم السابق
منتظرين أخبارك عند كيكي
سلامي وودي لك والجميع
------------------------------------------
بس النجيضة سنة : وارغوا دي يكفيكم شرها الله
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: moaz elsir)
|
وبالجد حا يكون مسيخ لو الهلال غلب المريخ...
حا يكون الهلال شايل الكأس من فرق حمام ميت..
كفاية قون عمر بخيت في الدورة الاولي...
فباقي ليكم تجيبو خمسة اقوان لوارغو - قصاد كل مليون قون
وقونين لمنو داك ما عارفو ...حتين تفشوا غبينة قون
عمر بخيت...
اما الكأس فلو جبتو في كل دقيقة هدف فسيكون مكانه نادي الهلال
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: Faris Mohamed)
|
عزيزي
هارون
تحية مريخية
صدقني اذا هزم الزعيم الهلال المتواضع في هذه المباراة
ونتمنى ان يحدث ذلك .. سيعيد للأذهان جرح مازيمبي الغائر
والمر .. أهمية اجتياز المريخ والتغلب عليه تفوق بكثير جدا
الحصول على الكاس المسيخ مقدما .. فالذي يصرع الآخر في معركة الجمعة
هو الفائز وهو المستحق للكأس بغض النظر عن الترتيب والنقاط .. فمباراة
مريخ هلال لها كأس خاص أهم من كأس الممتاز .. يمنحه الجمهور الرياضي الكبير
لمن يستحقه .. ومبروك للفائز مقدما .......... صادق الود
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: عبود عبد الرحيم)
|
Quote: بينما يوكد الساحر كلاتشي بانه كان خبطة الموسم
للوالي وصفعة العمر للارباب وان ولاراته حلااااااال |
هارون دياب يا عمكـ
زول الموسم كلو ما أثبت إنو خبطة التسجيلات جاي يثبتها في المباراة الأخيرة؟؟؟
يعني أسه نفهم إنو إذا كلتشي طلع صفر اليدين بكرة إنو دولارات الوالي ما حلال .. مش؟؟
بعدين مسؤل من الخير .. وراغو قنعتو من خيراً فيهو و لا شنو ؟؟
الحمد لله الهلال إجتاز المباريات الصعبة حي العرب و الموردة و الأمل و المباراة الباقية لا تختلف عن مباراة هلال كادقلي المطلوب فيها تحيقيق الفوز بأقل مجهود لذلكـ لم يهتم هلالابي واحد بهذه المباراة
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: خالد عبد الله محمود)
|
الحبيب تسبيع هارون
لك التحايا
و الله حالتكم تحنن
طيب اذا كان فوز الوصيف سيجعل الكاس مسيخ فوق كم متعبين نفسكم و جارين موسم كامل من بلد لى بلد
يجلدوكم فى عطبرة تجوا شاردين تمشوا بورتسودان يدوكم فوق راسكم تقولوا التحكيم تزوروا مدنى يدوكم المعلوم تقولوا المطر ترجعوا لى العرضة تاخدوا التلاتة جمهوركم يهاجم اللاعبين باسلحتهم الطوبية و يمنعهم حتى من التدريب الا بعد طرد الجمهور
و بعد دا جاى تقول انه الكاس مسيخ بامر الوصيف
لا يا خوى الكاس دا اصلآ مسجل باسم الزعيم و لم يخرج الا فى العام الماضى بأمر الاتحاد ولجنة سيحه الوصيفابى و قد شوهد يتململ و يحسب الايام و الشهور لنهاية الموسم و الذى عاد بعده طائعآ مختارآ الى مكانه الطبيعى حيث يجد الراحة و الإطمئنان
نتمنى ان تستمتع انت و من معك بفن البرنس و صحبه فى يوم الجمعة
و تسلم
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: عمران حسن صالح)
|
عمران ياعمك
كل عام وانت والاسرة الكريمة بالف خير
| Quote: انا خايفكـ بكره تجي تقول الرووووووووب ..والله تاني ما أجي أقول كده .. |
ياخي الروووووب دي ...مش قريبة من الارباااااااااااب.....؟
بعدين.....
| Quote: خاصةً كان طلعوا ليكـ الولد المعجزة ودعادل .. وأب صلعة ود الفاروق .. |
الفاروق مقدور عليهو وابو صلعة بيمشي الحال
لكن.....
المعجزة دي ياهو سبب سعادتنا زاااااااااااااتو....!!!!
ياخي ده يكجكم جنس كج واصلو انتو ماناقصين
نشوفك بكره
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: حيدر بشير)
|
حيدرنا يارشاشة
كيفنك...؟
Quote: لا يا خوى الكاس دا اصلآ مسجل باسم الزعيم
و لم يخرج الا فى العام الماضى بأمر الاتحاد
ولجنة سيحه الوصيفابى و قد شوهد يتململ
و يحسب الايام و الشهور لنهاية الموسم
و الذى عاد بعده طائعآ مختارآ الى مكانه
الطبيعى حيث يجد الراحة و الإطمئنان |
اقول ليك حاجة....؟
كلامك ده بكره بتاباهو....!!!!
واراهنك من حسع انو بكرة ما احشوفك بي جاي
تراهن....؟
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: خالد عبد الله محمود)
|
خالد ياابو الوليد
وين الحي بيك ياصاحب
Quote: زول الموسم كلو ما أثبت إنو خبطة التسجيلات جاي يثبتها في المباراة الأخيرة؟؟؟
يعني أسه نفهم إنو إذا كلتشي طلع صفر اليدين بكرة إنو دولارات الوالي ما حلال .. مش؟؟ |
لا....لا ياعمكـ
الظلم حرااااااااااااااااااام
الراجل حلل قروشو زمااااااااااااان
ولو انت نسيت انا مانسيت
بمناسبة الضحية....
نحنا ضابحين بكرة وانت معزووووووووم
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: ناصر جبريل)
|
ناصر جبريل ياصفوة الصفوة
التحايا
ويمين دائما في البال والخاطر
وكلما تحين لحظات الفرح المريخي
تأتي صورتك في الخاطر
افرح الله ايامك ويابخت المريخ بيك .
| Quote: بس وحاتك قول لينا منقولة وين |
بخصوص النقل باذن الله القي الرابط
وانزله هنا قبل المباراة .
ياخي ماتقطع كده...اتدينا طله...مرة ....مرة
سلام ياجميل
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: moaz elsir)
|
معاز السر
سلامات ياجاري
والعيد الجاب الناس لينا ماجابك
Quote: o يا هـارون ديـاب علـيك الله قـوم لـف!
o هـى وينـا الكــورة البشجعـوها؟ |
اللفه عرفناها وبنلفها ( بي كرتين...ههههه)
لكن الكورة المافي دي
ماياها كورة الهلال ظااااااااااااااتو
عدين ياجميل...نحنا نجمتنا دي
والله في كل الاحوال بنشوفة اجمل حاجة .
كدي تابعنا بكرة وفالك طيب
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: haroon diyab)
|
والله يا هارون بشوف في مباراة حسي بين الشباب والهلال السعوديين ..
ما تتخيل كم الكراهية البنحسها تجاه الهلال هنا ..؟؟ ( معظم السودانيين ) رغم هلاليتهم هناكـ
طبعاً مستوى المباراة ما ليهو علاقة بالعكـ الحيكون عندنا يوم الجمعة ..
سبحان الله مستوى ما عادي من الفريقين ومتعة عالية الجودة ..
الشوط الأول انتهى الآن بفوز الهلال على الشباب بهدفين لهدف ( عادل الشباب في آخر ثانية في الشوط) ..
أهداف رائعة وجمهور مبالغة ونقل جميل وكل ما تتمناه للمتعة الكروية ..
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: حبيب نورة)
|
ود دياب
سلامات
كنت بفتش لي في حجة قوية أرجع بيها المنبر زي حجة الخمسة ديك!!
ليلة الخمسة رجعتني للمنبر رغم أني ما متذكر الفريق الإتغلب بالخمسة..
سمه شنو؟
اولاد الزريبة؟
العرضة ش5؟
الهليل؟
ابو الصفر؟
الرشاشة؟
خمسة أسماء حلوة زي: في الليلة ديك!!
يكفي توقيع كلتشي على الكاس المسيخ بتاع البلنتات
تحياتي
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: Abdlaziz Eisa)
|
عبد العزيز ياابو عيسي
عيدك سعيد وجعتك مباركة
واليوم السعيد الليلة جابك
Quote: كنت بفتش لي في حجة قوية أرجع بيها المنبر زي حجة الخمسة ديك!!
ليلة الخمسة رجعتني للمنبر رغم أني ما متذكر الفريق الإتغلب بالخمسة.. |
ياخي انا قلته الزول ده مشي وين....؟
اتاريك من يوم الخمسة ديييييييييييييك
عال حميل.....
نظام...ارحمو عزيز قوم ذل .
الليلة جنس خماسيات
عينك ماتشوف الا النور
خليك قريب فالعزاء ينتهي بانتهاء مراسم الدفن
كل الود
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: عبدالعزيز الفاضلابى)
|
وش السعد والاخبار الحلوة/ الفاضلابي
جمعة مباركة
Quote: وجه السعد هارون وكل الصفوة
كل عام وانتم بخير ومن نصر الى نصر بإذن الله.
آه ياهارون ,, انا بكرة ماخد اجازة عديل.
وامنياتى :
كلتشى يجيب قون
ايداهو قون
الدافى قون
يبدع وارغو ومابالضرورة يجيب قون.
بس خايف من أكرم.
وخايف من بطء دفاع المريخ.
بكرة احلى. |
وبكره احلي في وجودك
ودائما فوووووووووووووق
النجمة فووووووووووووووق
ولا عزاء لاي رشاشة
مودتي
| |
|
|
|
|
|
|
|
|
|
Re: بأمر نجوم المريخ........كاس الممتاز مسيييييييييييييييخ (Re: haroon diyab)
|
ديربي تقليدي ... الهلال يريد التتويج بدون هزيمة والمريخ يسعى لحفظ ماء الوجه
يشهد استاد الخرطوم عند الساعة الثامنة من مساء اليوم لقاء القمة بين الهلال والمريخ في ختام مباريات بطولة سوداني للدوري الممتاز وقد اكتملت استعدادات الفريقين للقاء الكبير بسلسلة من التدريبات خلال الايام الماضية ووضع الجهازان الفنيان لمساتهما الاخيرة للمواجهة المرتقبة .وسيسبق اللقاء كرنفال رياضي كبير تنظمه شركة سوداني لخدمات الاتصالات بمناسبة ختام البطولة تتخلله العديد من الفقرات الشيقة ويبدا عند الساعة الرابعة عصرا.
من ناحية اخرى اختتم فريقا المريخ والهلال عصر ومساء أمس تحضيراتهما للديربي السوداني في نهائي بطولة الدوري الممتاز المريخ نهاراً باستاد الخرطوم بتدريب مغلق أسدل من خلاله المدير الفني البرازيلي خوزيه كاربوني الستار على تشكيلته المرشحة لخوض اللقاء في سرية بالغة منع فيها حتى الاعلاميين من متابعة البروفة الاخيرة التي إستمرت لمدة ساعة كاملة عاد بعدها اللاعبون لمعسكرهم بفندق التاكا ليخلدوا للراحة حتى مساء اليوم موعد مواجهتهم لندهم التقليدي الهلال ويتوقع ان يدفع المدرب كاربوني بتشكيلة تضم اكرم الهادي سليم لحراسة المرمى وثلاثي دفاع الباشا، سفاري والزومة وفي الاطراف مصعب وبلة جابر وفي وظيفة المحور يلعب الثنائي مجاهد أحمد محمد وريتشارد جاستن وقلق كصانع ألعاب وفي المقدمة الهجومية الثنائي النيجيري كلتشي وايداهور بينما يجلس بدكة البدلاء محمد كمال- سعيد مصطفى- راجي عبد العاطي- عنتر- استيفن وارغو.
بروفة ساخنة للهلال
فريق الهلال بملعبه ووسط جماهيره اجرى بروفته الرئيسية لمدة ساعتين اطمأن خلالها المدير الفني البرازيلي كامبوس على جاهزية فريقه وسط اجواء صاخبة من انصار الفريق الذين هتفوا بحياة اللاعبين وطالبوهم بالمحافظة على سجلهم نظيفاً من الهزائم في بطولة هذا العام والتي حسمها الهلال قبل ثلاثة اسابيع من نهاية الدوري الممتاز.
كامبوس يتوقع أن يدفع في لقاء اليوم بتشكيلة تضم المعز محجوب للمرمى باري ديمبا- منير امبدة لخط الظهر حمودة بشير واحمد الفاضل في الاطراف.. عمر بخيت، سيف مساوي، هيثم مصطفى، ومهند الطاهر للوسط مدثر كاريكا وامبيلي واشراك علاء الدين يوسف كمحور ثاني مع عمر بخيت ويلعب كاريكا وحيداً في المقدمة الهجومية وهو نفس التكتيك الذي لعب به كامبوس في لقاء القمة الاخير في دوري ابطال افريقيا وفي دكة البدلاء يجلس الدعيع - أسامة التعاون - سادومبا - زرياب وكابوندي.
الفريقان يسعيان لتقديم لقاء يرضي تطلعات قاعدتهما خاصة وان لقب البطولة اصبح في جيب الهلال الذي انتزعه من نده المريخ الذي فاز به في الموسم الماضي بعد سيطرة زرقاء على الممتاز دامت لخمسة أعوام.
مباراة خاصة بين كاريكا وكلتشي
على هامش المباراة يدور صراع الهدافين بين مدثر الطيب «كاريكا» وكلتشي او سونو لانتزاع اللقب بعد تساوي اللاعبين في عدد مرات الوصول للشباك «20» هدف لكل سبق لكلتشي الوصول لشباك الهلال ناديه السابق وايضاً في شباك المريخ وهو بالقميص الازرق ولم يتمكن كاريكا من الوصول للشباك الحمراء لذلك ستكون جماهير اللقاء على موعد مع مناقشة من نوع خاص بين اللاعبين للوصول للرقم واحد وعشرين لتحقيق رقم جديد لكليهما في دوري سوداني الممتاز.
مفاجآت للشركة الراعية
شركة سوداني راعي البطولة كشفت ملامح حفل الختام الذي سيبدأ في الخامسة عصراً ويستمر حتى العاشرة ليلاً وهناك فقرات مشوقة تتخلل البرنامج ومفاجآت ضخمة للجماهير وسيجئ حفل التتويج بشكل جديد وهنالك فقرة للناشئين وفقرات استعراضية والجزئية الاولى للاحتفالية بين الشركة والجمهور وسيتم اطلاق خدمة سوداني ون من خلال الاحتفال والجوائز على النحو التالي كأس البطولة للهلال وسيملك الكأس الفاخرة التي تم تصنيعها خصيصاً للنسخة الحالية بواسطة شركة عالمية وفي الموسم السابق ملكنا المريخ الكأس.
والميداليات الذهبية للاعبي الهلال والفضية للاعبي المريخ والبرونزية للخرطوم وكأس اللعب النظيف وسيعلن الحاصل عليه خلال الحفل وجائزة الحذاء الذهبي لهداف البطولة وجائزة لنجم اللقاء وقضاة الملعب. وهناك جوائز للصحافيين والمصورين ولأفضل تغطية سيتم توزيعها لاحقاً.
المصدر: صحيفتي قوون + الراي العام
| |
|
|
|
|
|
|
| |
haroon diyab
ذواليد سليمان مصطفى
عبدالكريم الامين احمد
omer osman
مجدي عبدالرحيم فضل
khaleel
الفاضل يسن عثمان
Emad Ahmed
سيف بخيت موسي
nazar hussien
moaz elsir
Faris Mohamed
منتصرمحمد زكى
ناصر جبريل
Dr.Elsadig Abdalla
عبود عبد الرحيم
خالد عبد الله محمود
عماد الشبلي
نصر الدين محمد شريف
Mohamed Foto7li
الخير محمد عوض
عمران حسن صالح
Abd Alla Elhabib
د.يوسف محمد طاهر
nadus2000
7abib_alkul
سيف الدولة كامل
عبدالعزيز الفاضلابى
حبيب نورة
Abdlaziz Eisa
omar arbab
احمد محمد بشير
بكري عباس علي
فيس بوك
تويتر
انستقرام
يوتيوب
بنتيريست