|
|
 Re: محمد خليل ساني ...نورت المنبر ....شكرا بكري (Re: محمد خليل ساني)
|
الأستاذ بشير محمد على(بشير فنون)
أستاذ الفنون من الأخوان الجمهوريين وعازف (ماهر) على العود.اصطحبنا في رحلة لجمعية الفنون للخرطوم عام 1976م في الأجازة و كانت رحلة فنية ثقافية عالية المستوى ,زرنا فيها كل معاهد(INSTITUTES) الفن و العلم و الثقافة في الخرطوم من كلية الفنون مرورا بجنينه الحيوانات وحتى الإذاعة و التلفزيون و كل صحف الخرطوم و الجامعات و المعاهد عندما كانت الخرطوم مبهرة لنا نحن أبناء الأقاليم و في تلك الرحلة علمنا الأستاذ بشير إلف باء العزف على العود (طبعا نحن مجموعة)وقد عدت من الخرطوم عازفا (ماهرا) و لكني للأسف لم استطيع أن أكون فنانا حتى اللحظة.
| |
 
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: الطيب شيقوق)
|
الأستاذ الطيب ،،، الطيب شيقوق
لك ودي وتقديري ما أروع هذا الترحيب ،،،
وما أجمل الكلمات حين تكون من نبع الشمال ،،، وما أجمل النغم حين يكون من الطمبور ،،،
لك ودي واشتياقي ،،، وفعلا ترحيب ملوكي كما قال الحبيب هارون ،،،
لك عاطر التحايا لك والعائلة الكريمه ،،، مع محبتي.
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: محمد خليل ساني)
|
يا بورداب الدوحه ،،، رجاااااااااء خاص ،،،
لو فى حد فيكم بيعرف طريق محمد الطيب ،،، يقول لى ،،،
أصلوا ود الطيب إختفى فى ظروف غامضة وقاطع أخباره ،،،
كمان يا شباب ممكن أسأل من شخص تاااااني ،،،
صديق اللى من القلب قريب وين الشاب الجميل ده ،،،
واحشنا كتير يا صديق وينك ووين أراضيك ،،،
كمان يا شباب ممكن أسأل من زول تاني ،،،
العمده ضحيه ،،، وينك مالك ما بتسأل عن رعيتك ،،،
خالى الصعايده يقدلوا لحالهم فى كل مكان ،،،
أظن إن العموديه دى متنازع عليها ولا شنو ،،،
طمنا عليك وعلى أصحابك وأحبابك ،،، طبعا هاااارون ما بيقصر وبيقول لينا الأخبار ،،،
لكن طبعا حلو القول من خشم سيدو ولآ أيه رأيكم ،،، مع محبتي للجميع .
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: ممدوح أبارو)
|
ممدوح أبارو ،،، ابن المدينة الراقية ود مدني ،،،
سلامات يا الحبيب ،،، أشكرك على الترحيب بشخصي الضعيف ،،،
حقيقي ضحكتني بجد ،،، 
معقول خلاص بقيت سيد بيت عديل ،،، ونحن نجي وين من مشاركاتكم ومداخلاتكم ،،،
تحياتي لك ولجميع البورداب فى ود مدني وما حولها ،،، مع محبتي .
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: haroon diyab)
|
جمعتك مباركه هاااااااااارون ،،،
معقول السؤال ده ،،، إنت ما صاحب العرس زاتو ،،،
معقول إسمك يكون مكتووووب فى القائمة الضنينه دى ،،، أبدا بالتلاته ،،،
اسمك يا جميل مزين البوست من أول يوم ،،،
وبعدين يا أبو العروس اسمك متحكر فى القلب وهايص فى الدواخل ،،، مع محبتي .
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: haroon diyab)
|
مرحبا بالأخ محمدساتي وخير ما أثنيت أخي هارون
ولازم تجونا علي الغرافة،قراصة التركين في إنتظاركم! وأليكم جزء يسير من هذه القصيدة:
أصدقائي،
في الذكري وجدتُ عزائي
وأنا ألتظي نار الشجون
لا تسألوني عن الغياب،
عن السنين
هِمّتُ في دنياي يحدوني شقائي
ودفنت قلبي دواخلي
يغتاله ليلي الحزين
وعصرت دمعي لترتون من المعين
وكتبت شعراً أمرداً
وأنا أصارع غربتي وسُري السنين
*****
أصدقائي،
ياشعاع الأمل في كهف سمائي
يا خيوط الفجر في غزل مسائي
يا دمعة الأفراح في حدق العيون
أخوكم إبراهيم عبد العزيز عثمان
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: haroon diyab)
|
مرحبا بالأخ محمدساتي وخير ما أثنيت أخي هارون
ولازم تجونا علي الغرافة،قراصة التركين في إنتظاركم! وأليكم جزء يسير من هذه القصيدة:
أصدقائي،
في الذكري وجدتُ عزائي
وأنا ألتظي نار الشجون
لا تسألوني عن الغياب،
عن السنين
هِمّتُ في دنياي يحدوني شقائي
ودفنت قلبي دواخلي
يغتاله ليلي الحزين
وعصرت دمعي لترتون من المعين
وكتبت شعراً أمرداً
وأنا أصارع غربتي وسُري السنين
*****
أصدقائي،
ياشعاع الأمل في كهف سمائي
يا خيوط الفجر في غزل مسائي
يا دمعة الأفراح في حدق العيون
أخوكم إبلااهيم عبد العزيز عثمان
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: محمد خليل ساني)
|
بالأمس خلال جلسة تاريخية جميلة قابلت عددا من بورداب الدوحة القدامى ،،،
جلست مع العزيز طارق المكي ،،، هى المرة الأولى التى أقابله فيها لكني سعدت أيما سعاده ،،،
تذكرنا بعض الذكريات التى كنا شهودا على حدوثها رغم عدم التعارف وخاصة فى مدينتي الأم بورتسودان ،،،
تذكرنا تلك الأيام أيام الدورة المدرسية التاريخية التى نظمت أواخر عام 94 وبداية العام 95 وذكريات إحتفال رأس السنه ،،،
شكرا عزيزي طارق المكي على هذه الأريحيه ،،، مع محبتي.
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: محمد خليل ساني)
|
جلسة على عجالة جمعتني بالشيخ عبدالرحمن الطقي ،،،
وجدت فيه تواضع الشيوخ ،،، وعلم العلماء ،،، وحسن المنطق ،،،
شكرا لمنبر الإنسانية الذى عرفني على هؤلاء الصحب الكريم ،،،
خلال أسبوعين من المشاركة فى هذا المنبر تعرفت على مجموعة مقدرة من الأفاضل ،،،
سعدت كثيرا بالتواصل معهم عبر الرحاب الأسفيري ،،، فشكرا لهؤلاء جميعا ،،، مع محبتي.
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: haroon diyab)
|
الاستاذ/محمد الشيخ
مساء الخير
نسبق صاحب الرد ونرد عليك.....
Quote: طبعا بعد اللخبطة بين الدامر الثانوية و ساني رجعنا ليك
هل انت ساني بتاع اذاعة بورسودان و ناس ضمرة واسامة الدرديري
اها تاني مليون مرحب بيك " بالجنيه الجديد" |
ياهو ساني زاااااااااااااااتو....بتاع اذاعة بورسودان والان تلفزيون قطر ....
بس انت اتذكرت ناس ضمرة واسامة الدرديري ديل كيييييييييف .....؟
يااخي ذكرتنا الثغر مدرسة .
يديك العافية
كل الود لك ولساني
هارون دياب
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: haroon diyab)
|
ياهو ساني زاااااااااااااااتو....بتاع اذاعة بورسودان والان تلفزيون قطر ....
بس انت اتذكرت ناس ضمرة واسامة الدرديري ديل كيييييييييف .....؟
يااخي ذكرتنا الثغر مدرسة .
يديك العافية
كل الود لك ولساني
هارون دياب
الأخ هارون
لك ودي و تحياتي
طبعا زي ما قال الأخ ساني (على وزن بانقي) انا خال اسامة الدرديري و تعرفت تقريبا على كل طاقم اذاعيي و اذاعيات بورسودان و قد اكون قابلت ساني في احى زيارتي لبورسودان الحبيبةو التي كنت اقضي فيها كل اجازاتي من الرابع الأبتدائي و حتى اليوم.
اما دخولي فلم يكن عن طريق الخطأ بل دخلت علي البوست و سجلت مداخلتي و من ثم سجلت مداخلة اخرى للدامر الثانوية و عندما عدت لم اجد مداخلة ساني وكنت عامل قطع ولصق فحصل الهرج و المرج . ارجو العذر .
نرجو للمذيع اللامع ساني اقامة طيبة في قطر و انشاء الله نوصي عليك حبايبنا هناك و نوصيك عليهم.
انا الآن مقيم في ابها(السعودية)حيث انتقلت اليها من مسقط قبل عامين.
بالناسبة يا ساني توقع زواج اسامة قريبا جدا بعد ان زللنا له كل السبل و نأمل حضوركم
مودتي
ود الشيخ
| |
|
|
|
|
|
|
|
|
|
Re: محمد خليل ساني ...نورت المنبر ....شكرا بكري (Re: MOHAMMED ELSHEIKH)
|
العزيز ود الشيخ ،،،
خال الغالي أسامه الدرديري ،،،
تحياتي لك من على البعد ،،،
سعدت جدا بكلماتك وأحمد الله على تمام الصحة والعافيه ،،،
والحمدلله زى ما قلت المداخله بتاعتك دى أدتنى أعظم خبر ،،،
خبر زواج العزيز أسامه بعدما استقرت كل الأمور ،،،
أنا يا ود الشيخ ساكون بالسودان بمشيئة الله فى منتصف مايو ،،،
ياااااريت يكون الزواج فى هذه الفتره ،،،
على فكره سأتصل على اسامه مساء اليوم علشان يفرحنى بآخر الأخبار ،،، مع محبتي.
| |
|
|
|
|
|
|
| |
MOHAMMED ELSHEIKH
محمد خليل ساني
ودرملية
ممدوح أبارو
haroon diyab
فيس بوك
تويتر
انستقرام
يوتيوب
بنتيريست