|
المريخ .....شبيبة القبائل ....الخطوة الاخيرة في مشوار العبور للنهائي
|
كنا نتمني فوز الاشانتي علي النجم ولكن المباراة انتهت بالتعادل 2/2 واصبح مصيرنا في العبور للنهائي الحلم معلق باقدام لاعبينا.....!!!
اليوم وعند الحادية عشرة مساء وبتوقيت السودان المحلي وعبر قنوات ART الرياضية
معركة العبور للنهائي الحلم واقول معركة لان الخسارة تعني الخروج المرير من البطولة ولكن شباب الاحمر الوهاج وكما عودونا دائما نجدهم عند الشدائد. كل الامنيات بالتوفيق لنجمة السعد
|
|
|
|
|
|
|
|
Re: المريخ .....شبيبة القبائل ....الخطوة الاخيرة في مشوار العبور للنهائي (Re: haroon diyab)
|
حبابك يا هــارون ابن دياب .. حباب المريخاب .. وحباب كل بني الســودان ..
كلمـا صعبت رمينا لهـا بالنجــوم.. هـذه الفرقـه المـريخيه بلا شك احد اقوى الموجـود في القاره الان .. لكن البطولات تريد بطـل مقدام واحد !.. هذا امتحان صعب ونحن باذن الله له .. كلمـا صعبت رمينا لهـا بالنجــوم..
توكلنــا على الله. _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح
| |
|
|
|
|
|
|
Re: المريخ .....شبيبة القبائل ....الخطوة الاخيرة في مشوار العبور للنهائي (Re: haroon diyab)
|
يا عمكـ كل سنة وإنتا طيب ياخ وربنا يحقق الأماني
وبالتوفيق في مباراة اليوم وحتى النهائي وتجيبو الكاس كمان
بس باللاي أكّد لينا موعد المباراة تأكيدا قاطعا
Quote: يا هارون كريم دا مريخابي على السكينة ولد عماد اخوي كل الكور خلال الشهر الفات حضرها في الاستاد وجاء منصور |
انعام .. إنتو عملتو شربوت في عيد رمضان ولا شنو!! الولد مشى الاستاد كريم ورجع منصور؟؟
غايتو جنس غايتو!!
| |
|
|
|
|
|
|
Re: المريخ .....شبيبة القبائل ....الخطوة الاخيرة في مشوار العبور للنهائي (Re: haroon diyab)
|
الأخ هارون وكل الأخوة الرياضيين : كل عام وانتم بخير أخى هارون: يا أخى قنوات ال ART America هذه انتقائية دائما تذيع الكورة اللى طرفها السودان مسجلة أو ما تذيعها خالص وعلى سبيل المثال الآن تبث مباراة للأهلى المصرى وفريق آخر ,,, وماعارفين الكورة بتبدأ متين بتوقيت الساحل الشرقى ؟ بعدين انا لاحظت انو السودانيين لا يقدمون المشيئة ويستسهلونها ولذلك تجدهم غير موفّقين فى كثير من الأمور ولو لاحظت لأى لاعب أو ادارى مصرى تجده يكثر من تقديم المشيئة فى بداية حديثه. بالتوفيق للمريخ والسودان.
| |
|
|
|
|
|
|
Re: المريخ .....شبيبة القبائل ....الخطوة الاخيرة في مشوار العبور للنهائي (Re: عبدالعزيز الفاضلابى)
|
الأخ هارون تحياتي وكل عام وإنت بخير ،
هلالاب نعم .. وعلى السكين نعم .. ولكننا اليوم مريخاب على السكين ، وأنا وابن عمي على الغريب .
نقف معكم بقلوبناومشاعرنا وكل أمنياتنا للمريخ أن يبيض وجوهنا اليوم ويعزز مواقعنا الكروية في أمثال هذه الملاحم ، بعدما غادر صنوه الهلال ساحة البطولات هذا العام . وبالتوفيق بإذن الله مريخ السودان وبالنصر المؤزر على شبيبةالقبائل بمشيئة الله .
و .. مريخ السودان فوق فوق .
تخريمة : الأخ الفاضلابي
الأهلى المصري يلعب مع انيمبا النيجيري الآن على الايه آر تي الرابعة .
مودتي،
( ليمو )
| |
|
|
|
|
|
|
Re: المريخ .....شبيبة القبائل ....الخطوة الاخيرة في مشوار العبور للنهائي (Re: محمد حيدر المشرف)
|
سلام ياشباب والله اخوكم قاعد علي نار وبانتهاء الشوط الاول بالتعادل الا ان شكل المريخ لايطمن ابدا الجمهور الجزائري متعصب لدرجة الجنون القاء الالعاب النارية في الملعب هو نوع من الحرب النفسية نتمني ان لاتؤثر علي لاعبينا. مزيدا من التركيز وعدم الاندفاع العشوائي للهجوم ومحاولة كسب اطول وقت ممكن بالاحتفاظ بالكرة سيكون له تاثير سئ علي لاعبي شبيبة القبائل. بكتب في فترة الاستراحة لكني بصراحة قاعد اررررررجف
يارب..... عشان خاطر الناس الطيبين الفوق ديل كلهم تجبر بخاطرنا وينتصر مريخنا...... والله العظيم نحنا شعب طيب ونستاهل نفرح.....انصرنا يااااااااااااااارب راجع ليكم واحد واحد اذا تم المراد وانتصر المارد الاحمر لكم جميعا المعذرة لعدم التركيز
مودتي للجميع.... هارون ديااااااااااااااااااااااااااب
| |
|
|
|
|
|
|
Re: المريخ .....شبيبة القبائل ....الخطوة الاخيرة في مشوار العبور للنهائي (Re: ahmed khidir)
|
هاردلك هارون وكل من كان حقا قلبه مع المريخ
الجهاز الفنى السبب الأساسى فى الهزيمة وخروج المريخ قوة المريخ فى هجومه فأضعفه بالخطة الدفاعية وترك هجوم المريخ على كنبة الإحتياطى وعندما أنزل طمبل أخرج صانع الألعاب العجب أخطاء تدريبية متكررة سواء فى مباريات الداخل أو الخارج
ولا يمكن لأى فريق أن يحقق بطولة إذا لم يملك حارسا ممتازا وحاليا لا يوجد بالسودان حارس جيد تعادل النجم الساحلى بغانا كان ورائه الحارس الممتاز وجهاز فنى خبير وشجاع لعب من أجل النصر فنال التعادل
المريخ قدم عروض قوية وإكتسب إحترام كل المتابعين وكان المرشح الأول للفوز بالبطولة ..لولا طبظات جهازه الفنى
هاردلك للاعبى المريخ ولمشجعى المريخ وعموم أهل الرياضة وبخت الشمات الذين تنفسواالصعداء .. فرح الغلابة.. والكسار.. فرحهم فى إخفاق المريخ العظيم
| |
|
|
|
|
|
|
Re: المريخ .....شبيبة القبائل ....الخطوة الاخيرة في مشوار العبور للنهائي (Re: نادر الفضلى)
|
الاستاذ / نادر الفضلي
يديك العافية وده الكلام الصحيح يااستاذنا
Quote: هاردلك هارون وكل من كان حقا قلبه مع المريخ
الجهاز الفنى السبب الأساسى فى الهزيمة وخروج المريخ قوة المريخ فى هجومه فأضعفه بالخطة الدفاعية وترك هجوم المريخ على كنبة الإحتياطى وعندما أنزل طمبل أخرج صانع الألعاب العجب أخطاء تدريبية متكررة سواء فى مباريات الداخل أو الخارج
ولا يمكن لأى فريق أن يحقق بطولة إذا لم يملك حارسا ممتازا وحاليا لا يوجد بالسودان حارس جيد تعادل النجم الساحلى بغانا كان ورائه الحارس الممتاز وجهاز فنى خبير وشجاع لعب من أجل النصر فنال التعادل
المريخ قدم عروض قوية وإكتسب إحترام كل المتابعين وكان المرشح الأول للفوز بالبطولة ..لولا طبظات جهازه الفنى
هاردلك للاعبى المريخ ولمشجعى المريخ وعموم أهل الرياضة وبخت الشمات الذين تنفسواالصعداء .. فرح الغلابة.. والكسار.. فرحهم فى إخفاق المريخ العظيم |
وحقيقة الجايات اكتر من الرايحات ودائما القادم اجمل يانجمة السعد كل الود
| |
|
|
|
|
|
|
|