حينما يقسو مأمون التلب – محقاً – على حمور زيادة

Quote: فالبوست المشار اليه كان من واحد من اشهر البوستات في هذا المنبر ومن اول كلك فيهو حتعرف الكتاب لكلام بتاع اوصادها منو..؟؟؟

الكائنات المتثاقفة الواحد منهم عندو زي 35 مفردة وحوالي 10 جمل بحفظهم ويبرم شعرو وينداح بعد كدا ...
زمان في الثمانينات كان في واحد صاحبنا من الكائنات المذكورة اعلاه بيحب المثقفين وبيمووووت في المثقفات ومن اكبر خدامي الثقافة وهو ما بعرف طظ من سبحان الله غير الحصيلة المعرفيه الانا ذكرتها فوق دي .. بيتهم كبير وبيسع من الحبايب الف ... المهم الزول دا كل يوم اثنين بيكون مواظب على دار اتحاد الكتاب في المقرن ويتواجد بدار النشر وبيخلط في جنينة الحيوانات وتمشي معرض كلية الفنون تلقاهو قدااااام واساسي في حفلات عقد الجلاد ومصطفى سيد احمد وعندو شرايط لحميد وقدال وايام عروض الدبلوم بتاعة معهد الموسيقى والمسرح بدري بدري ويصاحب ليك يحى فضل الله ويمشي يبيت مع الرشيد احمد عيسى وشرايط مارسيل خليفة ولازم يكون عندو مسجل ناشيونال باناسونيك وبنطلون جينز الله كييييف يا عمك... اها ما اطول عليك نرجع لزولناواوهامو
الزول دا كل يوم خميس بيحضر لندوة صغيرة كدا في بيتهم شامل خدمات العشاء والتراطيب اللازمة .. اها الجماعة بيقوموا بيحددوا ليه الموضوع والمتحدث وهو بيدعو الناس سواء بالتلفون او يقطع قلبو بالمشاوير ... يوم اتصل بي قال لي الليلة لازم تجي وسألتو الاسئلة المعتادة
المتحدث منو ؟ قال لي صلاح الزين
اها الموضوع شنو ؟ قال لي البينونة
ضحكت وقلت ليهو البينونة دي شنو كمان ؟
قال لي ياخ انت بس تعال ...
انا وماشي عليهم بفكر ياربي البينونة دي شنو ؟
هل عندها علاقة بالطلاق ؟
وصلاح الزين من متين بقى يتحدث عن الفقه ؟
المهم لما ابتدت الندوة كان الموضوع عن البنيوية تصدق ؟!!
اها هسه كمان نهال بتنا دي جايبة ليها مصيبة هنا وفاتحة بيها بوست لا عارفة ليو اول من آخر وفي النهاية قالت

Quote: أولا لا أنا صاحبة الكتاب ولا ناقدة أدبية علشان أشرح وأقدم توضيح أو قراءة مختصة أنا قارئة زيي زي دكين وغيره.

لو لاحظت جات قالت هتافية ومش عارف ليك ايه كدا بالمناسبة يا كيكي الـ 35 مفردة القلتهم فوق ديل بيشملوا الهتافية / الاستغباء دي زمان كانوا بيسموها الاستحمار / الاستظراف والمجانية الخ ....
يعني ياربي الكائنات المتثاقفة دي ما حصل ليها اي تطور من الثمانينات